"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

[FLASH1]http://dc08.arabsh.com/i/01203/kjq4wvqi6qbi.swf[/FLASH1]






كل الشكر. على اللي مواصلين معاي للحين..

كلمة شكر قليله في حقكم..~؛

 

[موزة النعيمي]

:imuae83:

البارت الرابع والعشرين(24)



الكل رجع البيت. وسويره راحت لبيتها لاول مره.. طبعا من قبل مازارته ولا شي.! وهو عباره عن ملحق في بيتهم الاساسي.. ومبناي فوق..!
وهيه تدخل البيت ريولها ترتجف مب شايلتها. والكعب من ريلها شوي وبينكسر من كثر ماهي مب عارفه تمشي هع.~
الا وشوي بغت اطيح وزخت الباب.


وصد صوبها الشبلي( وهو مره مستحي): سلاماتج خير؟

سويره( وبغصب اطلع الكلمه): لا. لا ولا شي. بس الكعب<< ودها تفصخه ولكن مستحيه .

سويره وهيه ترمس نفسها( اففف الكعب عور ريلي اخاف افصخه ويقول شو هالدفاشه لي فيها...) خلني اتحمل احسن..

والشبلي وهو يمشي.. يراوي سويره القسم..

الشبلي: طبعا هذي الصاله سويتها حق القعده يعني. لمن نبغي نشوف تلفزون او شي..
وهذي غرفة الضيوف. يمكن اختج او امج يبون اييون يباتون عندج. فحطيت لهم هالغرفه


سويره تمشي وهيه اطالع.. والكعب يعورها..! بس غصب عنها تجامل هع

الشبلي( مب راضي يخلص): وطبعا هذي هيه غرفتنا...!

ومن دشت سويره الغرفه.. انبهرت. شي شي مو اي شي..طلع الشبلي عنده ذوق. وعنده فن لانه كل بالغرفه من اختياره هو.

سويره دشت وهيه اطالع مستغربه ومندهشه وعاجبتها الغرفه ( وهو ماشي فاج عيونه اربع اربع عليها ) من حست سويره بظراته الا وشوي تتخرطف مره ثانيه بنعالها ويروح الشبلي ويزخها من ايدها..!

انحرجت سويره ولكن..

سويره: لا ماعليه ماصار شي( وشالت ايدها) وبدت تحس بخوف ورهبه شوي وتصيح..!

الشبلي قرر انه يسكت ويخلي الجوله التعريفيه لعقب.

الشبلي: خلاص سويره ارتاحي هني.. انا بسير اسبح..!

ودش الشبلي يسبح اول ماراح سويره قعدت تصيح. ماعرفت شو تسوي..ع طول شلت السماعه واتصلت في يزوي....


يزوي كانت يالسه بالغرفه اروحها.. مبنده الليتات ومب عارفه شو تسوي ومع منوه تتكلم.. محد عندها.. قامت وشغلت لمبة اللوم ويلست ع سرير سويره
يزوي: ورحتي عني يا سويره.( وشلت صورة مبروزه كانت محطوطه ع الكنبه لي بين الشبريتين.. اطالعها وفي عينها دمووع ورغم هذا ابتسمت. وقالت

يزوي: راح ترجعين ياسويروه وماراح تنسين اختج صح؟. ياليتني بس لو اقدر اتصل فيج الحين. والله وحشتيني..

شوي ويرن تلفون يزوي وتفر الصورة وقايمة تشوف منو الا سويره ع الخط وع طول ترد

يزوي: سوييييييييييييييييييييييييره؟

سويره: اهئ اهئ يزوووي ابغي ايي البيت...!

يزوي: ليش انتي وين؟

سويره: وين بعد اهئ انا هني في بيته

يزوي: وهو وينه؟

سويره: محد راح يتسبح اهئ اهئ يزوي ابغي ارجع البيت مول مب عارفه شو اسوي وابد مب قادره ايلس مع هالريال دقيقه..!

يزوي: مب انتي لي كنتي تقولين بالعرس انج مستانسه؟

سويره: اهئ اهئ مستانسه ع الحفله مب ع خيبتي اهئ والله ماتوقعت جيييه..

وقعدت سويره ترمس وهيه تصيح.. ويزوي يلست تترس راسها

يزوي: ماعليج قومي وتصرفي ولا كأنه موجود ولبسي البجامه مالة الدبدوب لي
متعودين نلبسها انا وانتي قبل ما نام كل يوم. وارقدي..

سويره: اهئ رايج؟

يزوي: هيه.. يلا قومي بسرعه..

وبالفعل سوت سويره كل اللي قالته يزوي...
​

ومن خلص الشبلي مسبح وطلع. شاف سويره يالسه ع الشبرية بذيج البجامه اللي عليها دبدوب.. ضحك في خاطره وقال

الشبلي: شو هاي تتحرى بعدها في بيت اهلها؟ الله يعيني..

الشبلي: سويره مب يوعانه؟ ( وهو ينشف شعره)

سويره: لا

الشبلي: ماتبين تاكلين؟

سويره(وهيه خايفه): لا..

وهيه اطالع شعره وتقول في خاطرها

سويره: شو هالشعر احلى عن شعري بالف مره..!

صد صوبها الشبلي...: بلاج سويره؟ عادي لاتخافين انا الحين ريلج.

سويره: اهئ..

الشبلي: شفيج( وبدا يخاف ويا صوبها)

سويره عاد هني: اهئ ابغي امي.. وتمت تصيح وتنعر جدامه وهو مب عارف شو
يسوي يحاول يسكتها يحاول يهديها ولكن ماشي فايده

سويره: اهئ ابغي اروح عند امي.. مابغي اقعد معاك اهئ..

الشبلي: استغفر الله سويره خايفه مني؟

سويره: اهئ ابغي امي..!

الشبلي: خلاص باجر الصبح اوديج عند امج.. احين رقدي وعيني من الله خير..

سويره: اهئ

الشبلي: ولا تدرين انتي يوعانه وانا ادري بسير اييب لج عشا وبيي زين؟

سويره: اهئ كيفك..

الشبلي: ( وهو في خاطره يتحرطم)شو هالبلوى الله يعين..

الشبلي: لاترقدين وانتي مب ماكله شي. شغلة دقايق اييب عشا وياي

وطلع الشبلي من البيت وركب السياره

الشبلي: هههه صدق انها ياهل. يالله ربي احين كيف بتعامل معاها هاي؟

وشغل سيارته وسار اييب العشا....!

سويره: الو ها يزوي؟

يزوي: انتي كل شوي ودقيتي ريلج وينه؟

سويره: اهئ محد طلع سار اييب عشا اونه

يزوي: انتي يوعانه؟

سويره: هيه بس اخاف اكل معاه .

يزوي: هههههههههههههههههههههههههههه...ماعليه.. اذا تعبانه رقدي..

سويره: لا عاد هب زين حليله م تعني طلع اييب لي عشا...!

يزوي: بدينا؟ المهم.. لاتنسين تاكلين الحبوب..!

سويره: يزوي احين بسالج. هالحبوب ليش؟

يزوي: عشان ماتحملين ليش بعد؟

سويره: اها. طيب وشفيها لو حملت؟

يزوي: ياغبيه لو كلتي هالحبوب ماراح تحملين واذا ماكلتيهم بتحملين وبالتالي راح ترتبطين معاه بياهل وانتي من الاساس تبين ترجعين البيت عندي صح ولا لا؟

سويره: صح لكن مافي طريقة ثانيه عشان ارجع البيت بدل هالحبوب؟

يزوي: هاي احسن طريقه يوم يشوفج ماتيبين عيال بيتزوج عليج وساعتها طلبي الطلاق وردي بيت اهلج...!

سويره: ول ع تفكيرج. وكم حبه احذ باليوم؟

يزوي: حبتين. مره كل يوم حبتين؟

سويره: عذو بالله يزوي. يختي انا خايفه لايكون بتضرني؟

يزوي: لا لا تحاتين ماراح تضرج؟

سويره: نزين يزوي شو عشان راعي صوغه؟

يزوي: خلاص ياسويره الموضوع طلع من ايدي ومثل مايالسه اسوي معاج الحين وانصحج بالحبوب انا بسوي شراتج عسب هو بعد يردني بيت هلي..!

سويره: يزوي؟

يزوي: خير؟

سويره: ان شاء الله ماراح نفترق لاتحاتين..!

يزوي ان شاء الله..



وسكرت الخط سويره عن يزو وهيه تفكر هل اللي قاعده تسويه مع يزوي صح ولا لا؟المهم كل اللي تبيه انها ترضي اختها وبالفعل كلت الحبوب. ومن شدة التعب وهيه تتريا الشبلي رقدت..

الشبلي من وصل لقاها راقده

الشبلي: طع هاي؟ انا متعني ورايح اييب عشا واخرتها رقدت؟

الشبلي اقترب منها. وابتسم وقعد يتأملها :imuae83:وهيه نايمه. طفله بريئه.. جميلة. كل هدوء الكون في نومتها... قعد يتأمل.. ويقول: يازنين حسنها... غطاها.. . وسكر الليت وطلع برع الصاله..​

​

الشبلي: يالله يارب.. قدرني احفظها واصونها واخليها ملكة قلبي وحياتي:imuae83:...~؛​

​

​

​

​

 

[موزة النعيمي]

جو الصبآح مافي شي احلى عنه..~ ونسمة الهوا البارده تخلي الواحد يروح بعيد.​

وبالفعل فراولة كانت رايحه بعيد ساعتها.!

​

:imuae83:
​

​

في بيت فراولة( في الحوش)


السعه :6:15 الصبح...~​

:imuae83:​

من بعد ماصلت الفجر... وذكرت ربها.


وبوقايتها البيضا ...​

فراولة يالسه تفكر.شو تسوي؟ وكيف تفتح الموضوع مه امها؟ او بالاحرى كيف تحل هالمشكله اللي هيه فيها.!


تذكرت عزوز وانه من يومها ما اتصل فيها ولا شي.!


من يومها مافكر فيها.!


عرفت ساعتها انها كل اللي سوته غلط× غلط. فراولة ندمانه.. وكل الندم باين في عيونها.!!​

فراولة: يالله ياربي شو اسوي؟. ابغي ارجع قويه مثل قبل. ابغي ارجع فراولة شمعة الدار.. واللي املي البيت بضحكتي.. امي المسكينه.! قصرت في حقها وايد في الفتره الاخيره عشان واحد خسيس حقير. واحد حيوان ماعرف كيف قص عليه...! وخلاني اتغير ع امي...!( وبدت العبره تخنقها وهيه تتذكر هالموقف)​

فراولة شقيه: هااي امي؟( وع طوليلست ع الكرسي دون ماتبوس راسها كالعاده)​

وداشه وارها وحدهفلبينيه.​

بياض السحب تشوف وهيه مستغربه.​

بياض: منو هاي لي ساحبتنهاوراج؟​

فراولة( وهيه تعبانه): هاي خدامتنااليديده..​

بياض السحب: شووه؟ وحق شو خدامه؟​

فراولة: امي انا طفرتمن شغل البيتوعندي دراسه وما القى وقت خليها تقضي حاجاتنا ع الاقل​

بياض السحب: بس ليش نحن الاث نيتينفيالبيت ومانحتاج..​

فراولة( وهيه قايمه تروح صوب غرفتها): امي.. انا يبتها وخلاص.. ولاعاد تسوينها سالفه. انا تعبانه سايره ارقد.. تصبحين ع خير.​

ومر الوقت لين مايت ع الساعه سبع الا ربع الصبح.(وقت شروق الشمس في الشتا)


الجو كان مغيم. والنسيم بآآرد...~؛​

​

اما بالنسبة لي بوسلطان فهو من اصبح سار بيت قوم فراولة.. اتصل ع لهفة الخاطر ولكن ماردت عليه.. فدش البيت من الباب وقال انه بيسير صوب المطبخ عسب يحط الاغراض اللي يايبنهم وعباله انه محد صاحي هالحزه.!


وبالفعل دش المطبخ..حط الاغراض وطلع.!​

فراولة وهيه قاعده ع الكرسي تبكي بدون صوت. اللهم الدموع ماليه العيون ولكن.. نور الايمان بدا يدخل قلبها. بدت ترجع لربها بندمها الصادق وتوبتها.... والمسبآح في ايدها.​

فجأه
​

ماحست بعمرها الا ​

بوسلطان: صباح الخير فراولة
​

فراولة من سمعت صوته انصدمت. اندهشت. وخافت ماتوقعته. وكيف ماشافته وهو داخل.!


سكتت وماردت ولكن. قلبها فز من مكانه.!​

بوسلطان: وهو مايطالع فيها. ويطالع بعيونه لنفس المكان اللي فراولة قاعده اطالعه...!​

(والي هو منظر شروق الشمس...)​

هو ساكتت.. وهيه ساكته.. وكأن حديث الصمت بينهم كان مشتغل. وكان جاري...​

بوسلطان: سلامات فراولة.. ماعليج باس ان شاء الله....!​

وفراولة ساكته ماترد.!​

بوسلطان صد صوبها...من شافها مارام يخوز عينه عنها.. قعد يطالعها.. كان واقف جنمبها ولكن صمت فراولة الفضيع خلاه ايي ويقابلها.!​

بوسلطان: ( وبكل حنيه) فراولة شفيج؟ شو صاير لج؟​

بوسلطان لاول مره يشوف في فراولة الثبوت والجديه.!


اول مره يشوفها بذيج الصوره الحلوه.!


بوقايتها البيضه. ومسباحها في ايدها..والنور يشع من ويهها..!


ولكن عيونها حمر.. من كثرة الصياح. وبادي عليها التعب من قلة النوم.!​

وفراولة ابد مب قادره اطالعه او تحط عينها بعيينه سكتت.! وكل اللي قاعده تسويه تسبح. وتذكر ربها.!


فراولة ظلت ثابته. ظلت جامده ولا كأن حد جدامها..​

وماكن لي بوسلطان غير انه يقول:​

: الله يثبتج ان شاء الله.. واعرفي شي واحد.


ان رب العالمين ماينسى عباده إلجئي له. وماراح يخيب ظنج ..~


والحياه بعدها ماشيه ومافي شي يستاهل انج تسوين في عمرج كل هذا...!


والله يفرجها عليج ان شاء الله...~​

وسار عنها..:00:​

هالكلمه منه هزتها كثير.. خلتها تنتبه لنفسها.. ​

وفراولة اول ماراح عنها ع طول دخلت داخل غرفتها وقعدت تصيح صياح اليهد على اللي سوته في الماضي.


فراولة: لو تدري انا شو سويت.( وهيه تصارخ وتصيح) لو تدري اني دمرت حياتي وانا مادريت.آآآآآآآآآآآآآآخ ياقلبي.. شو اسوي.. وظلت فراولة تصيح وتصيح..


​

ولهفة الخاطر تسمع صراخها وصياحها من ورى الباب.!​

وهيه زاخه راسها. توقعت انه اللي مسويته فراولة مب شوي..​

ع طول رجعت الغرفه وهيه زاخه راسها​

واقفه ورى الباب. وفعدت تفكر. شو مسويه فراولة ويخليها بهذي الحاله الفضيعه..~؛​

تأكدوا كل انسان في هذي الدنيا معرض للخطأ


معرض للمعصيه..


ولكن​

قال الله تعالي في كتابه العزيز: أَفَلا يَتُوبُونَ إِلَى اللَّهِ وَيَسْتَغْفِرُونَهُ وَاللَّهُ غَفُورٌ رَحِيمٌ ) المائدة/74،​

[.... لسه الباب مفتوح للجميع..~؛ورب العالمين.. مايظلم حد من عباده.. وهو اللطيف الخبير.. واللي يفتح ابواب الفرج من اي صوب كانت... ويلطفها ويخففها على عباده..~؛​

:imuae83:​

 

[موزة النعيمي]

لهفة الخاطر بدت تتقرب من فراولة اكثر واكثر. صح انها تصغرها بكم سنه لكن فراولة بدت ترتاح لها وتحبها..​

لهفة الخاطر: ودج تتعلمين الطبخ؟
​

فراولة: ياليت والله ع الاقل اسوي شي.!
​

لهفة الخاطر: طيب شرايج اليوم اعلمج الكيك. سهل واايد شةفي هذاا لطحين\ سكر\ بيض..(وقاطعتها فراولة)​

فراولة: اخر زمن ياهل تعلمني
​

لهفة الخاطر( وهيه زاخه الطحين في ايدها): ياسلام شو قلتي؟
​

فراولة: لا ماقلت شي
​

لهفة الخاطر وهيه تقترب منها: متأكده؟
​

فراولة: متاكده مرتين..!
​

وتقوم لهوفه وترش على ويه فوفو الطحين. وصرخت فراولة وسارت تبغي تنتقم وترش لهفه بعد بالطحين..
​

خبصوا المطبخ ووصخوه كله طحين وماي..< وماننسى الكاكاو. كل مكونات الكيك بدل ماتكون في الصحن استوت على ويوهن ههه... ضحكات فراولة بدت تعلى. وبدت تنسمع في البيت.
​

بياض وهيه تسمع بنتها من الصاله .. قلبها بدا يرتاح.. بدت تستانس على عودة بنتها..~؛
​

بياض السحب: يالله يـــــــــــــــــــــآرب...
​

ومع مرور الايام...​

فراولة بدت تطلع من غرفتها الكئيبه.​

بدت تقعد في الحوش كل صباح تشوف بوسلطان هو داش يسلم عليها. وهو طالع يدعي لها..


هالشي خلاها تسترد قوتها من بعد ذاك الضعف..خلاها ترجع ابتسامتها وتخف من دموعها..~؛​

فراولة: بوسلطان ماعليك امر.. ابغيك اتييب لنا اليوم قهوة لان اللي في البيت خلصت.!
​

بوسلطان( ودون مايطالع فيها): ان شاء الله..^_^
​

فراولة وهو يخطف من حذالها ويطلع برع.. تدعي له
​

فراولة: يارب ترزقه ع قد نيته هالريال...!​

الكعبيه \ لهفة الخاطر وبياض يالسين يسولفون الا شوي اتيهم فراولة وهيه مسوية الجاي لهم.


تحط الصينيه ...​

فراولة: تبون اصب لكم جآآي؟​

بياض السحب( وهيه باديه تشوف علامات الشفا على بنتها): تسلم يدين بنتي الغاليه.. اكيد بنشرب كلنا​

الكعبيه: ههه اهم شي لاتنسين السكر حبيبتي..~​

فراولة: لا افا عليج خالوه..لهوفه علمتني اسويه عدل..~​

ويرن الفون وترد بياض السحب وتطلع مس كلوزر ع الخط..​

قامت لهفة الخاطر تبا ترد.. ولكن​

بياض: خلي عنج بنتي. انا بقوم ارد.​

بياض السحب: الو؟​

مس كلوزر: هلا خالوه شحالج؟​

بياض: هلا والله بنتي بخير ربي يسلمج​

مس: وشحال فرالوة عساها بخير؟​

بياض وهيه اطالع بنتها : الحمدالله بخير حبيبتي ويسرج حالها​

فراولة صدت صوبها. حست انه حد من ربعاتها ولكن. مابغت ترمسهم وهيه تأشر على امها انها ماتبغي ترد.!​

بياض: هاه؟ سامحيني بنتي بس...فرالة ماتروم ترمس احينه.​

مس كلوزر: اهم شي صحتها احسن عن قبل؟​

بياض السحب: الحمدالله يابنتي...​

وسكرت مس لكورز الخط. ​

بياض: فراولة ليش ماتبين ترمسيهن ربيعاتج؟ هذي ثاني وحده تتصل وانتي ماتردين عليهن..​

تسكت فراولة.. وتروح صوب غرفتها مره ثانيه.. ​

مب رايمه تجابل ربيعاتها من عقب اللي صار. خايفه من انه يتنكرون او انه يعايرون او يذكرونها بشي من الماضي.!..~؛.. عقبة ولازم بعد تنحل معاج يا فوفو..~؛​

في بيت العم عتيج..~؛​

راعي صوغه يالس يرمس بوسلطان ...​

راعي صوغه: ان شاء الله ياخوي وانا والله اتمنى لك الخير وربك يوفق​

بوسلطان: ويوفقك ان شاء الله ويعطيك ع قد نيتك..​

راعي: الا اقول.. اشتقت ليمعتنا من يديد..​

بوسلطان: تصدق؟ حتى انا خاطري اغير جو. قم نتلاقى بحالي في العين​

راعي: والله ياليت . شو رايك انرتب ظهره حق العزبه؟ بنسير نقعد ونوري الضو..​

بوسلطان: فوقه وانا ماعندي مانع بس مادل عزبتكم وين؟​

راعي: عبتنا الله يسلمك ورى دوار الحلامي.. انت من اتي هناك اتصلبي وبتلقى لك​

بوسلطان بس تم. متى عاد؟​

راعي: بحاول اني ارتب هالويك اند وافضيها . لان تدري.. الاهل يرحون لها دوم. وبرد عليك خبر..~​

بوسلطان : تمام الغالي..الا اقول ماخبرتني الارجنتيني اخباره؟​

وبكملون الحبايب سوالفهم.​

:giving-up:​

 

[موزة النعيمي]

في بيت العم زورو..

يزوي وشموخوه محتشرين..

شموخ من صوب تبغي تلعب بلاي ستيشن ويزوي مول مالها بارض وتبغي تشوف المسلسل..

شموخ: يزوووووووووووووووووووي.. بس دور واحد

يزوي: اوووهو شموخوه قومي عني خليني اشوف المسلسل..

شموخ: الله يخليج بس مره وحده بليييييييييز.( وهيه تناقز جدام يزوي)

يزوي: افففففففففففففففف منج ياشموخوه مابغي العب .. شو غصب؟

شموخوه من شاقت يزويه عصبت قعدت مكانها وهيه ماده البوز شبر..
شوي وتصيح.!

عاد يزوي من شافتها جذا ماهانت عليها وقامت عسب لعب دور وياها

يزوي: يالله نزين تعالي بلعب معاج ..

شموخ ع طول استانست وقامت رتبت امور اللعبه الا وشوي يرن الفون..

يزوي: الو السلام عليكم..

فراولة شقيه: وعليكم السلام. يــ... يزوي؟

يزوي: هيه نعم منو معاي؟

فراولة: معاج فراولة يا يزوي

يزوي من سمعت اسم فراولة استانست حيل وطارت من الفرحه

يزوي: هلا والله بهالصوت. فديت روحج علني فداج وربي لج وحشه. فراولة؟ معقوله ما اصدق. شحالج حبيبتي وشو اخبارج؟


فراولة:أأ..أأ..أنا بخير يـ.. يزوي.. انتي شحالج وشو مسويه؟

يزوي: انا بخير دامج بخير.. وربي لج وحشه حبيبتي..( يزوي مارامت تقبض عمرها وع طول دمعة عينها)

فراولة حست بهالشي..: يزوي انا اشتقت لكم حيل وودي بشوفكم..

يزوي( وهيه متأثره): وحنا مشتاقين لج موت. ومشتاقين حق فراولة الفرفوشه واللي الضحكه ماتخوز من شفاتها.. ربي ييرضى عليج ويستر عليج حبيبتي.. اتصل بالبنات ونحدد يوم وانييج. كم فراولة عندنا..


فراولة ظنت من عقب اللي صار ان ربيعاتها راح يتخلون عنها. ولكن.. اتأثرت كثير لمن شافتهن واقفات معاها. ويساعدنها ويساعدن امها...! توقعت ان يزوي اول ماتسع اسمها انها ترقع السماعه في ويهها.. او انها تتجاهلها.
ولكن عمره الصديق الحقيقي ماينسى صديقه او امس الاوقات اللي هو محتاجنه فيهن....~؛



بندت فراولة عن يزوي.. اتصلت في ذبحهم غروري..

ذبحهم غروري: حبيبة قلبي فراولة والله.. فديت هالحس وربي اشتقت اسمعه حيل...

فراولة: اشتاقت لج العافيه ذبحهم.. اخبارج؟

ذبحهم انا بخير علج الخير دوم. ومشتاقه شووفج حبيبتي وووسوالفج..~


وتزيد فرحة فراولة لمن بعد تشوف ردة فعل ذبحهم غروري من بعد اللي صار..



وبالاخير قررت انها تتصل على مس كلوزر واللي كانت اقرب وحدها لها....!

مس كبوزر: وكنتي تتوقعينن ان نتخلى عنج يافراولة؟

فراولة: ماعرف مس. بس ابد ماتوقعتكم انكم جذا راح توقفون معاي وتسترون عليه.!

مس كلوزر: بس انا لين الحين مستغربه منج يا فوفو. كيف سويتي اللي سويتيه؟

فوفو: هذي سالفه طويله مس كلوزر. ولازم اخبرج عنها لاني ما اقدر اخبر حد غيرج..
بس والله انها غلطت عمري وانا ندمت وردجعت عنها ووعد انها ماتتكر..!

مس كلوزر: ربي يرضى عليج يافراولة ويستر عليج دنيا واخره.. واعرفي ان الموضوع ماطلع منا ابد لاي مخلوق كان. واذا ع اميرة الكون ترا فونها شليته وكسرته....!

فراولة( ماعرفت شو تقول): مو انا خايفه ان الفيديو يكون عند شخص ثاني بعد.!

مس كلوزر: منو قصدج؟

فراولة( وهيه مب عارفه تقولها): اقصد عزوز.. اللي كان معاي.. والله يامس ان قلبي انحرق واايد.. ومب عارفه شو اسوي...!..وتمت فراولة ترمس وتخبر مس كلوزر عن كل شي صاير.. وانها ماكانت تدري ان عزوز انسان خايس.. وانها وثقت فيه..

مس كلوزر: وين عقلج يافراولة وانتي تسوين هالشي؟
نسيتي ان الزمن غدار.. وماعرفتي ان شباب اليوم محد يتامن فيه؟ امج المسكينه شو ذنبها لو عرفت من الناس وتعبت.! ياليتج فكرتي فيها قبل لاتسوينها.!


فراولة: مس كلوزر: انا اعترف بغلطتي وادري انها مب شوي. ولكني وربي مب عارفه شو اسوي وودي لو حد يساعدني ويطلعني من هالورطه...!


قعدت فراولة ترمس مع مس كلوزر ويحالون يلقون حل عشان الفيديو اللي عند عزوز. هل بعده وياه ولا لا؟.؟.! او بالضبط شو صار فيه.. فراولة تدعي ربها انه مايكون سوابه شي او نشره..!

من بندت عن مس كلوزر. وهيه مب عارفه شو تسوي قررت انها تتصل ع عزوز..<< وطبعا قرار خاطئ ولكن..

ولكن دقت الرقم وهيه متردده بين انها تتصل اولا.. وبالفعل دقت الرقم. سوت ارسال . لكن سرعان مابندت الخط عقب ماحست انه هالشي ممكن يورطها.

ولكن...​

​

​

​

رن لفون عزوزو وهو قاعد بالمقهى...

عزوز: لحول هذيل قوم الرنات تراني ما اوبلهم

سفير الحب: اكيد وحده من هالمقصه( وهو زاخ الشيشه)

عزوز: ههه اكيد. وقام عزوز يبغي يشوف منو متصل.. الا ويشوف رقم فراولة.
استغرب.. من عقب سنه ونص. شو تبا هذي متصله. وخاصه انها كانت مريضه. تذكر.. واستغرب وايد من اتصالها.

سفير الحب: ها منو فيهن؟

عزوز: تصدق؟

سفير: خير؟

عزوز: هذي فراولة..

سفير: اي فراولة؟

عزوز: فراولة اللي مع اميرة الكون في الكولج. غريبه شو تبا متصله؟

سفير: يمكن حنت هع

عزوز: هههههههههههههههه صدقت هذيل البنات ما ايوزن وخاصه وحده شرات هذي ما اتوب. مايسد اللي صار فيها هههههههه

سفير: ياريال. شكلها تبا زود هههه

عزوز : صبر صبر انا بوريك فيها هع

ورد عزوزو يتصل على فراولة..<<

فراولة من شافت الفون رن.. ومن شافت رقمه.. ارتعشت من الخوف وفرت التلفون بعيد.. وهو بعده يرن وتشوف رقمه. تذكرت اللي صار. تذكرت سالفتها.. فرت الفون وقعدت عنه بعيد.. وعزوزو يتصل موصل دون مايطقع.


فراولة مارامت تتحمل الفون.. قامت تصيح قامت تصارخ وهيه زاخه راسها وتقول: لااااااااااااااااااااااااااااااا. سكتوووووووووووووووووه.. شلووووووووه عني شلووووووووووووووووووه...


وتدخل امها وتشوفها وهيه تصارخ تأشر ع الفون.. قامت امها وزخت الفون تبي ترد ولكن الله ستر و. بند عزوز..من عقبها فرت الفون وسارت عند بنتها لمتها. حضنتها. بدت تحس الام ان سبب مشكلة بنتها من الفون...!!!


عزوز: شف. بعد ماترد

سفير: ياريال طبها شو تباها؟
​

عزوز: عيل شو حقه تتصل يوم ماترد؟ ماحب وحده ماتسى اطنشني. انا عزوزو وشكلها بعدها ماعرفتني عدل.. الا اقولاتصل اصل على اميره خلها تي..نضيع وقتنا شووي

 

[موزة النعيمي]

انا بالنسبة لعروستنا اليديده سويره.. من اول يوم لها وهيه ناقزه بيت امها تسلم عليها...وع اختها..


دشت . وقعدت تسولف معاهم.. وامها تسالها عن احوالها واخبارها واخبار ريلها.

سويره: هاه؟ الحمدالله زين.. هو برع اخليه يدخل؟

قطرية ذوق: وابوي عليج انا وباوي مخليه الريال برع خليه يدش. وقامت قطرية لبست وقايتها وشلت بعمرها تناديه عشان يدخل

دخل.. ولاول مره يدخل بيتهم. سلم ع عمته.. ويلس يسولف وياها.. وسويره ساترت فوق عند اختها يزوي. طبعا يزوي ماتدريان سويره يايه عندهم البيت
فأول مافتحت سويره اباب الغرفه

سويره: يزوووووووووووووووووووووووووووووووووووي

يزوي: سوييييييييييييييييييييييييييييييييييييييييييييييره؟


يزوي انصدمت من شافت اختها وقامت تركض لها وحضنتها بقوه فضيييعه.. مشتاقه لها مووت. وكيف ماتشتاق وهيه لي تعودت انها تكون معاها دوم . توأم الروح والمشاعر.~؛


يزوي: وربي لج وحشه ياسويره. الغرفه من دونج وحشه!

سويره : وانتي اكثير حبيبتي. خبريني اخبارج وشو مسويه؟

يزوي: فديتج والله بخير بشووفتج تعالي يلسي خبريني انتي اخبارج.

ومطت اختها ويلستها ع الشبريه وقعدوا يسلفون.. سويره تسولف لها عن الشبلي. وعن سوالفه

يزوي: اسميني هالانسان بكرهه طول عمري

سويره: ليش؟

يزوي: شو ليش فرقني عن اختي وتبيني احبه؟

سويره: استغفر الله منج.. فكينا من هالطاري وقامت سويره تفصخ عباها وشيلتها

يزوي: سويره كلتي الحبوب البارحه؟

سويره: ههههههههه لا

يزوي زاغت: ليشششششششش؟

سويره: شفيج زغتي؟ لاتحاتيk.. البارحه انا رقدت قبله. من التعب ياختي حتى العشا مادري شو سوى فيه

يزوي: ههههههههههههههه زين سويتي فيه... اهم شي سويره سمعي..
هاي خطتنا الوحيده عشان ترجعين البيت..
عندج حبوب منع الحمل. كليهم مرتين في اليوم.. وان شاء الله هالخطه تيب نتيجه..

سويره: يختي مادري ليش مب مرتاحه من هالشي يزوي.!

يزوي: انتي شكلج تبين اتمين معاه وماترجعين؟

سويره: لا يا يزوي لاتفهمين غلط.. بس حبوب منع الحمل هاي خطيره احسها

يزوي: لا ماعليج انا مشاوره دكتورة نسا وقالت لي اللي ماتبغي تحمل تاكل هالحبوب.

سويره: اها. ( وهيه بين المتردده تاكلهم او لا)...~

عقب ماشبعت سويره من اختها يزوي.. اتصلت ع ريلها وقالت له ايي ياخذها..
الريال مستغرب كيف حرمه وثاني يوم من عرسها تهد ريلها بهذ ي الطريقه عشان تقعد مع توأمها.. ولكن عداها لها. بحكم انه البنت صغيره وبعدها ماتعودت عليه..! وان يزوي توأم روحها منص غرهن ماافترقن عن بعض.!


وهو ياي. شاف يزوي واقفه مع سويره تحت نزل عسب يسلم عليها ولكن يزوي من شافته نازل دشت داخل وبينت له انها ماتبغي تسلم.. ومع هذا هو كمل الطريج لين وصل عند سويره

الشبلي: ها حبيبتي خلصتي؟

سويره هيه خلصت

الشبلي: وينها عيل اختج يزوي؟

سويره: هاه؟ اختي؟ محد دشت داخل( وهيه مفتشله)

الشبلي: اها كنت ابا اسلم عليها خلاص عيل حياتي نسير..


يزوي وهيه تسمع هالرمسه من الشبلي تستغيض زوود وتكره الشبلي زود

يزوي: اففف مليق..!

وسارت داخل ..~؛

من عقبها طلعت سويره مع الشبلي وهو يحاول ياخذ ويعطي معاها..

الشبلي: شرايج نسير البحر سويره؟

سويره: لا ماودي نسير البيت احسن!

الشلبي( استغرب): ليش؟

سويره: بس مابي اسير مكان خلنا نروح البيت احسن.


شوي ويرن تلفون سويره الا يزوي ع الخط

يزوي: ها وين انتي؟

سويره: هلا حياتي يزوي.. انا الحين سايره البيت

يزوي: هيه احسن سيري البيت سيده كلي الحبوب وارقدي.

سويره: ان شاء الله حبيبتي..


الشبلي وهو يسمع هالرمسه كلها تطلع ليزوي.. وهو ابد ماله في الطيب نصيب هع....~؛



ومع مرور الايام.. سويره صارت اطاوع اختها بشكل غريب.. واطواع افكارها وبدت تتجاهل ريلها. الشبلي ملاحظ هالشي وخاصه انه سويره مايطوف يوم الا سايره عند اختها البيت.. الريال بدا يزهق ..~

طاف عليه اسبوعين وللحين ماتهنى مع حرمته عدل..!

الشبلي: يالله سويره ننزل نتعشا تحت؟

سويره: لا ماودي

الشبلي(بدا يتنرفز): سويره شفيج كله لا لا لا؟ ع الاقل لاترديني في العشا..!


سويره من سمعته جذا خافت طشه وقالت انها بتنزل تتعشا ولو شي بسيط وبترد عشان تاكل الحبوب وترقد..!

سويره: خلاص كاني نازله معاك.~ بس اغير..!

الشبلي: طيب اترياج عسب ننزل رباعه.!

سويره:. ابغي اغير..!

الشبلي: طيب.. اترياج تحت!

وطلع الشبلي..وهو معصب

الشبلي: افف ولاجنها حرمتي.. ليش جذا تعاملني ماعرف.!ونزل تحت!


شافته امه سنفوره

سنفوره: خير ولدي بلاك؟

الشبلي: ولا شي امي.!

سنفوره: الا حرمتك وينها؟

الشبلي: احين يايه وراي

سنفوره : بلاك ولدي.. جنه اموركم هب على بعضها؟

الشبلي: لاتحاتين شي امي.. تدرين. انا بطلع ولانزلت سويره قولي لها انا بتأخر...!

سنفوره: والعشا ولدي؟

الشبلي: برايكم تعشوا..!​

 

[موزة النعيمي]

وبالفعل طلع الشبلي من البيت. وهو مب عارف شو يسوي. يحب حرمته لكن بدا يحس انها ماتحبه يموت فيها يسوي اي شي عشان يكسب رضاها ولكن سويره يوم عن يوم باديه تزيد في العناد والتجاهل.​

​

​

​

​

​

طلع عشان يرجع بشي حلو يحنن قلبها . اويمكن يغيرها.. ويخليها تتعود عليه.. هو للحين يقول انه ماتعودت عليه عسب جذا عاذرنها.. ولما رجع البيت..​

​

​

​

طبعا لقاها راقده.. كان شاري لها باقة ورد.. حطها قرب راسها.. وريحتها بدت تفوح في الغرفه.. وهو طلع برع ينام في الصاله.!​

​

​

​

مستغرب من كل هالتصرفات. ولكن مع هذا قال. خلني اعطيها الوقت عشان تتعود عليه...!​

​

​

​

​

​

ومن اصبح. دقت في راسه فكره.. وع طول سار الدوام وطلب اجازه شهر..! ورجع البيت وهو يقول لسويره...​

​

​

​

​

​

الشبلي: حبيبتي؟​

​

​

​

سويره: نعم؟​

​

​

​

الشبلي: وينج؟​

​

​

​

سويره: انا هني بالصاله..!​

​

​

​

وصل عندها لين الصاله وفر جدامها تذكرتين سفر وقالها​

​

​

​

الشبلي: راح نسافر ايطاليا..​

​

​

​

سويره انصدمت) شووووووووووه؟​

​

​

​

الشبلي: شفيج؟ بنسافر ايطاليا.. انتي ماطلبتي شهر العسل وين يكون فانا قررت انا نسير ايطاليا. وبنقعد هناكي شهر.​

​

​

​

سويره: اهئ اي شهر؟ حرام عليك​

​

​

​

الشبلي: ههههههه شفيج سويره؟ وحد مايحب السفر؟​

​

​

​

سويره: هيه انامابي اسافر​

​

​

​

الشبلي: لا عاد كل مره انتي ترفضين كل هالمره ماشي مجال للرفض سمعتي؟​

​

​

​

سويره: بس انا. مابي.​

​

​

​

الشبلي: اووص...! تبين ولا ماتبين بتسافرين وع فكره موعد الطياره الليله الساعه 12:30. يلا يلا قومي جهزي امورج سريع..​

​

​

​

​

​

وقام عنها الشبلي وهو مستانس ويتحرى بهالشي راح يونس سويره. سويره اروحها من صوب مب عارفه شو تسوي وخاصه انها من خبرت يزوي. يزوي عصبت عليهاواصرت انها ماتروح. لكن ماقدرت هالمره تسمع رمسة اختها.. ووافقت ع سفرتها مع الشبلي بالغصب.!​

​

​

​

​

​

الشبلي: صدقيني سويره راح تستانسين...^^​

​

​

​

سويره: عسى خير..( وهيه تحاتي اختها يزوي.. وكيف راح تودرها في البلاد.. هذي اول مره في حيات الثنتين يتركون بعض )...~؛​

​

​

​

​

​

وقبلل ماتسافر. سويره ترمس يزوي وهيه في المطار..والشبلي طفران​

​

​

​

الشبلي: افففف حتى هني؟ شو هالحاله .؟ شو هالاخت اللزقه..!​

​

​

​

يزوي: اهم شي ماتنسين حبوب منع الحمل شليهم معاج​

​

​

​

سويره: يزوي صار لي اسبوعين وانا اكلهم مب بسني؟​

​

​

​

يزوي: دامج معاه اكليهم مارح تخسرين شي.!​

​

​

​

سويره: تدرين يزوي لو الشبلي درى بهالشي راح ياكلني ويعصب عليه.!​

​

​

​

يزوي: عادي هو المطلوب بيزعل عليج وبيردج بيتنا هع..​

​

​

​

سويره: بس يا يزوي...أأأ..​

​

​

​

يزوي: لاتمين تبتبسين ويالله.. دقيلي كل يوم مناكي وطمنيني عنيج...~​

​

​

​

سويره: اوكي حبيبتي. ديري بالج ع روحج.. احبج.​

​

​

​

​

​

​

​

وسكرت سويره الخط عن يزويوه وبطنها يعورها لانه ا بسافر لاول مره في حياتها ولا بعد مع منوه؟ مع شخص تخاف منه وماتعودت عليه..! هع..~؛​

​

​

​

​

​

​

​

راعي صوغه رجع وفتح موضوع خطبته مع يزوي لامه. وقرروا انه من اتي سويره من السفر راح يملج عليها والعرس عقب بيحددونه هم الاثنين..~؛ يزوي من درت بهالشي .. عصبت وسوت اللي سوته ولكن مع هذا ظل راي ابوها واخوها هو اللي ماشي عليها. ومافي ابد مجال انها ترفض او تعاند هالمره..~؛​

​

​

​

​

​

​

​

سويره من سافرت ماقطعت يزوي اول يوم وصلت فيه هناك ع طول اتصلت فيها​

​

​

​

سويره: هاه يزوي حبيبة قلبي وحشتيني​

​

​

​

يزوي: وانتي اكثر حبيبتي. ها شو ايطاليا؟​

​

​

​

سويره: مادري بصراحه ماشفت فيها شي تونا واصلين.​

​

​

​

يزوي: ههههه​

​

​

​

<< الشبلي هو يسمعها يقول : تونا معينين خير وهيه عطول ناقزه تتصل ع اختها.. الله يصبرني بس..​

​

​

​

​

​

ونفس الحاله في اليوم الثاني.:​

​

​

​

الشبلي: سويره اليوم ان شاء الله راح اوديج مكان روعه​

​

​

​

سويره: وين هالمكان؟​

​

​

​

ويرن الفون​

​

​

​

سويره: دقايق هاي يزوي.. وتقوم سويره ترمس يزوي وهيه تضحك من خاطر ومودره ريلها..​

​

​

​

​

الشبلي: وبعدين معاج ياسويره............!!!!!!!


الشبلي شكله نوى على نيه. والله يستر منها.!​

 

[موزة النعيمي]

من عقب ماسافرت سويره ب ثلاث ايام.ابد ماقطعت يزوي وكانت تتصل فيها دوم. ولكن مع مرور الوقت.. سويره بدت تقل اتصالاتها مع يزوي..!​

في ايطاليا:​

الشبلي في المطبخ. وسويره راقده فوق.. ع الساعه سبع الصبح. سويره اول مانشت فتحت الشباك والدرايش. شافت منظر الثلج وهو يطيح يجنن..!! طلعت ادور الشبلي الا لقت


الريوق جاهز ع الطاوله وهو قاعد يترياها.. واول ماوصلت..قام وسحب لها الكرسي وقالها..​

الشبلي: اقعدي حبيبتي..​

سويره( وهيه اطالعه مستغربه): مشكوور.!​

الشبلي: تدرين اني انا اعرف اطبخ احسن عنج؟​

سويره: وهيه اطالع اصناف الريوق لي حاطنهم: باين عليك شطور..~؛​

الشبلي: ( وهو يصب الحليب لها): لا وحياتج تعلمته اليوم عشانج!!​

سويره من سمعت هالشي استحت.. وانحرجت..​

وقام الشبلي. وحط كاسة الشاي جدامها وقعد يطالع فيها..!​

الشبلي: تدرين سويره.​

سويره وهيه مب رايمه ترفع عينها: شوه؟​

الشبلي: أني أحبج من قبل لا اخذج؟​

سويره من سمعت هالكملة انصدمت.​

سويره: تحبني من قبل لاتاخذني؟ كيف ومتى؟!!​

الشبلي: ومن خذتج حبيتج اكثر..!​

وقعد الشبلي يحكي لسويره عن كل المواقف اللي مرت عليهم. ​

وسويره تسمع وهيه تضحك. وخبرها يوم شافها بالدسيه​

سويره: فذمتك؟ كنت تشوفني؟ ههههههههههه​

الشبلي: هيه ولا بعد اخوج سي ار مرتب المووضوع لانه كان يقولي انج تستحين وماراح توافقين اشوفج هع​

سويره: ههههههههههههههه صدق انه سبال..~​

الشبلي قعد يطالع سويره وهيه تضحك:


علني مانحرم هالضحكه....!​

الشبلي كان برايه انه يبعد سويره عن محطي البيت وعن اختها يزوي راح يخليها هالشي تحبه وتتقرب منه اكثر.. وبالفعل الخطه بدت تتخذ مسار ناجح..~؛​

بدت سويره شوي شوي تخف اتصلاتها مع يزوي..​

شو السبب يزوي تجهله وماتعرفه..!​

ومع مرور الايام,,,​

راعي صوغه اتفق مع سي ار انهم يطلعون كلهم رحله عائليه للعزبه..<< يهالعزبه اللي يعزم الكل عليها هههه.. الموهيم حددوا يوم الخميس في الويك اند... وبالفعل.. يا يوم الخميس


والكل قاعد يرتب ويجهز.. يزوي صايبتها حالة احباط..اختها وين عنها صار لها يومين ماتصلت فيها.! ولا بعد هيه تتصل ومحد يرد.. ومناك الشبلي قاطع واير الفون مال الشقه ومسكر الاجهزه..~؛​

ويا يوم الخميس.. طلعوا الجماعه العزبه راعي صوغه ورى النار.. والحريم قاعدين يبزرون الدياي والللحم لانهم ناويين ع شوي. سي ار وشموخ ويزوي وراعي قاعدين مع بعض ويسولفون. ولكن يزوي شوي كانت بعيده عنهم..​

راعي: يزوي بنت عمي؟​

يزوي( انتبهت): هلا؟​

راعي: شفيج ماتشاركينا الحديث؟​

يزوي: لا ولا شي.. بس احسني تعبانه..​

قام سي ار وشل اخته وساروا يشمون ف ي الرمله شوي. حس بمعاناة اخته يزوي من دون سويره..!​

سي ار: يزوي؟​

يزوي: خير يا سي ار؟​

سي ار: رمستي سويره؟​

يزوي( وبكل حزن): لا..!​

سي ار:آآآه يا يزوي.. ماودج اختج تكون فرحانه في حياتها؟​

يزوي صدت صوبه: اكيد ودي لكن بدون ماتكون بعيده عني.!​

سي ار: حبيبتي سويره. هذي سنة الحياه مافي خوات مايفترقون. وانتي ان شاء الله احين بتعرسين بعد وبتاخذين الشبلي وراح تلتهين في حياتج.!​

يزوي: لكن مستحيل افترق عن اختي.​

سي ار: وانتي ليش حاطه ان الزواج يفرق؟ بالعكس الزواج يخليكم بعاد عن بعض صح. كل وحده في بيت صح. لكن مع هذا كله الشوق والمحبه والموجه تزيد..​

وهني يزوي. مارامت تيود عمرها قعدت تصيح وهيه تتردد ع لسانها: لاتفرقوني عن اختي.. انا ابغي اختي..!​

سي ار من شافها جذا حضنها.. وقعد يهديها ويقولها انه مافي حد بيفرقهم عن بعض....~؛​

لين ماهداها ورجعوا عند راعي.. وهو اللي متحرقص وده يعرف شفيها يزوي.. لكن ماقدر يتدخل..! وسكت.!​

راعي: يعل عيني ماتبكيج يا يزوي...!!​

\​

[ وتبقى القصه مستمره.


ترقبوا البارت الخامس والعشرين25..~؛​

:imuae83:​

 

[أم أحمـد]

باارت فنااااااان


يزووي ليش تكرهيني


هالقد تبين تدمرين حيااتي


بس يخي صيحتيني


خلاص بتفاهم وياا الشبلي اني ابغي ارمسج


شوو يومين


بموووووووووووووووووت<< عايشه الدوور الااخت


وبصرااحه ملل


^^

وعن فراوله ربي يرضى عليها


^^

والبقيه المتبقيه

^^

البارتات ما تحلى من دوونهم


احتراماتي

سويره

 

[مشاغب]

شنو اسم المسلسل

 

[«● مـزآجيــہ كـــღـووولـ]

روووووووووعة

وآآآي كسرت خاطري يزووي>>يومين بطولهم ما رمست اختها :19:

والشبلي صج متحمل كل هالصد من سويرة :a054:

واحلى ما في البارت انه فروالة ردت لطبيعتها شووي..

يعطيج ألف عآفيه يزوووي..

أبداع×أبداع كالعادة..

في الانتظار للبارت 25​

 

[ღ أ”أ£أ¦أژ ღ]

يزوي ليڜ ٺبين ٺخڑبين علـآـى آخٺچ ><


~> هعهع
​

يحليلگم
​

مٺآآآآآآآآآآآآآبعة
​

و آلڛموحة منچ يزوي ع آلڑدود آلڛطحية ^^​

 

[سِـنٍـَفٍــوٍرٍهُـ ღ]

يزووي شوي شوي ع سويره

بس والله كسرتي خاطري

البارت روووعه

اتريا البقيه

مثل مايقولون باحر من الجمر ^^"

ومشكـوووره خيتي ربي يعطيج العافيه

​

 

[حشيمة القلب]

حلو البارت عيبني وايد

بس قلبي يتقطع ع عمري هع


سويرة زين اتسوين لاترمسيها هالمعقده خاطري اكفخها هههههههههههههه




يزوي ننتظر البارت اللي عقبه متلهفه له

 

[أم أحمـد]

هههههههههههه


ما عليكم من يزوي تحبني


تغااارووون هع

^^

احتراماااتي

سويرة

 

[كتكــوته]

يلاااااااااااا أبا التكمله
متى بتنزلوها ؟؟؟؟؟

 

[أم أحمـد]

ما في باااارت هالااسبووع ......؟؟؟


احتراماتي

سويرة

 

[السنـافي]

مازلت متابع ^_^

بس وينج تاخرتي !​

 

[أم أحمـد]

ما زلت انتظر

احتراماتي

 

[CR7]

السمووحة ع التعليق المتأخر~

البارت ترتوبي وما عليه كلام
وفوفو الله يعينها
وسويرة بتسوي طاف للحبوب وبيصير الي بيصير
ويزوي بتتزوج غصبن عنها هع

نتريا البارت ع احر من الجمر
^^

تحياتي
كريس