"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

[FLASH1]http://dc08.arabsh.com/i/01203/kjq4wvqi6qbi.swf[/FLASH1]

عندما تكون هناك محطة. لألتقاء مشاعر الحب الصادق. تبدأ نبضات القلب تتساعر. ونظرات العين تخترق كل حواجز الصمت التي كانت هنا بينهم.!
والتي كانت غائبة عنها. لتثير فيها مشاعر الحب.. واحساس الزوجه....[...~​

عندما اكون سببا في دمار علاقة حب قوية . بنيت على اساس صادق. ولكن بسببي كانت هناك بعض الشوائب فانني اخترقت حقوق المحبه. التي تنص على
" عدم تدخل الطرف الثالث بين الاثنين والا... ضاعت الحقوق...]..ْ​

أعذروني. ْ
فللحديث في البارت بقية....~​

:imuae83:​

 

[موزة النعيمي]

سويره في شهر العسل..!​

البآرت الـ(25) الخامس والعشرين..ْ​

قبل ما انسير ايطاليا نشوف علوم سويره وريلها الشبلي..​

خلونا نشووف شو صار مع يزوي وولد عمها راعي صوغه.​

في البارت ال24 طبعا العربان كانوا رايحين العزبه وطالعين رحله عائليه...!​

يزوي في بدايتها كانت ضايجه ولكن من عقب مارمسها اخوها سي ار هدت شوي نفسيتها وردت تقعد معاهم.​

راعي صوغه قلبه حزيزن على يزوي ومعورنه.! مب عارف شو بلاها.! ولكن مع مرور الوقت يزوي بدت تتحسن نفسيتها وتاخذ ع الجو.!​

راعي: يالله عاد متى يخلص هالشعا صج يوعان.!​

يزوي( ومن ورى خاطر): وانتوا ماتهمكم الا بطنوكم؟​

سي ار: فديتج السياره تمشي بلا بترول؟​

يزوي: شيخصه؟​

سي ار: ترا نالانسان مثل السياره والاكل مثل البترول. يعني لوماكلينا مايايين نسوي شي.​

يزوي: ( وهيه ارفانه من الفلسفه): بدينا تفلسيف اخ سي ار.​

راعي: ههههههههههههههههههههههههههههههه​

يزوي: تعرفون شو بخاطري؟​

راعي: اكيد اطيرين كشتج وتسرعين بالستوت​

سي ار: ههههههههههههههههههههه اتخيل شكلها​

يزوي: هاها جب يلا..! خاطري اركض في هالرمل​

راعي: نزين ماقلتي شي غير عن اللي قلته​

سي ار: خبله يعني خبله خخخخخخخ​

راعي: يزوي شرايج اوديج مزرعة الصراصير اللي هناكي؟​

يزوي زاغت: شوه؟ عندك صراصير؟​

راعي: هيه موجودات في العزبه ومسوي لهم مزرعه اروحهم..​

سي ار: يعجبونج يا يزوي كل صرصور اكبر عن الثاني هع..​

راعي وسي ار قاعدين يغايضون يزوي.. ​

يزوي: افففففف اصلا انا غلطانه يالسه معاكم.. شموخوه قومي نسير قومي..​

وشلت يزوي اختها شموخ وسارت عند امها وحرمة عمها...​

راعي: مسكينه يزوي طفشناها​

سي ار: ههه اصلن هيه اروحها ضايجه..!​

راعي: افا ليششش؟( وحب انه يعرف)​

سي ار: والله مادري شو اقولك يا ولد عمي..! اختها سويره من عرست وحالة يزوي منجلبه.! واللي زادها ان سويره مارمستها ويزوي تتصل فيها لكن محد يرد عليها.!​

راعي: وليش سويره تسوي جذا؟ يعني ماتعرف كيف يزوي متعلقه فيها؟​

سي ار: الله يهديك يا راعي بعد.. يعني البنت في شهر العسل مع ريلها اكيد تبا تستانس.~​

راعي: نزين ياخي. مادري والله بس مهما كان مفروض ماتسوي جذا في يزوي.!​

سي ار: هاها ؟ اشوفها مب هاينه عليك؟​

راعي: اكيد مابتهون عليه يزوي خلاص بتصير حرمتي ولا عندك مانع؟​

سي ار: ههههههههه ويا هالويه يوم بتصير ذيج الساع اقعد ودافع عن مشاعرها هب من احين​

راعي: اقول.. انت جب.. شدراك انته بالمشاعر والاحاسيس..​

سي ار: ههههههههههههههههههههههههه غربلاتك..​

قبل لاتوصل يزوي عندهمكانت بنت الكلباني قاعده ترمس مع قطرية ع زواج ولدها... وفجأه يزوي وقفت.!​

بنت الكلباني: والله يويختي مابنخلي حد ماندعيه وعرسنا بنخليه احلى عرس.. وقبلها باسبوع بنشل الفريج من الدقدقه والوناسه​

قطرية ذوق: هههههههههه يويلي ع بناتي فديتهن والله... ماتوقعت يخطفن عني مره وحده​

بنت الكلباني: الا ماشي اخبار عن سويره؟​

قطرية: امبلى رمستها اليوم الظهر والحمدالله تقول انها مستانسه....!​

بنت الكلباني: يالله ربي يوقفها ان شاء الله ....​

يزوي.. من سمعت ان سويره اتصلت في البيت ولارمستها انصدمت.!​

يزوي: معقوله؟؟ سسويره تتصل ولاتكلمني؟ معقوله يطوف عليها اسبوع وهيه حاقرتني؟.؟. من سمعت هالشي يزوي انصدمت واندهشت من صرف اختها.. ورجعت قعدت اروحها.. وهيه حزينه..​

شافتها اختها شمووخ وهيه اطالع فيها باستغراب.!​

شموخ: يزوي شفيج تصيحين؟​

يزوي: ولا شي. سيري عني..!(وهيه تمسح دموعها)​

شموخ: وين اسير. مو انتي يبتيني معاج؟​

يزويوهيه تصارخ): قللت لج سيييري عنييييييييييييي..!​

​

​

وسارت شموخ عن يزوي​

وظلت يزوي تفكر في اختها. في زواجها. كلام حرمة عمها..بدا يفجر فيها افكار غريبه وهموم بعيده..!​

بين هذا كله.. الجماعه كلهم متونسين قاعدين يشوون ..​

راعي يسأل يزوي وبنها. وقرر انه يقوم يشوفها وين..!​

يزوي كانت قاعده ورى خيمة عمها.. وهيه ساكته وتتأمل..! وتقول في خاطرها
يزوي:آآه يا سويره.. صج خذاج عني.! وينها وعودج؟ ووينه كلامج انج ماراح تفارقيني...( وظلت يزوي تفكر..)​

راعي شاف يزوي يالسه بحالها وماهانت عليه.. قعد يطالعها وهو مب عارف شو يسوي..@​

ويزوي فكره ورى فكره اتي في راسها​

يزوي: ياربي احيييييييين. كيف انا راح اتزوج من ريال مابيه! ومن الاساس انا مابغي اتزوج. كيف راح اتحمل. يالله ياربي الله يعيني.. تذكرت يزوي انه مافي مجال للرفض.. اخوها سي ار غصبها.! واختها سويره محد عندها تواسيها..!​

ظلت ساكته وهيه تمسح دموعها بأديها الصغيره.. ووييها الطفولي مليان حزن..!
وصل عندها راعي. وبكل هدوء. قام يناديها..!​

راعي: يزوي؟​

يزوي خافت من سمعت الصوت والتفت الا يشوف راعي الدموع في عينها..!​

راعي(وبحنيه): خير بنت عمي بلاج؟ ليش قاعده اروحج؟​

يزوي( وهيه تمسح): لا مافيني شي..​

راعي: كيف مافيج شي وانتي قاعده اروحج تصيحين؟​

يزوي: اشتاقيت حق اختي..!​

راعي: ههه اختج احين ناسيه كل حد.. تمنيلها حياه سعيده مع ريلها..!​

يزوي صدت صوبه ونظراتها شوي وبتجتل راعي هو من شافها زاغ.!​

يزوي: سويره مستحيل تنسى يزوي.. سمعتني؟​

راعي سكت. ورجع ع ورى.. ارتعب الريال من يزوي..​

راعي: هدي نزين يا يزوي. انا مقدر ان فراق اختج صعب عليج. لكن هاي سنة الحياه البنت لازم تعرس ومثل ماهيه عرست انتي بعد...( وسكت)​

يزوي: وانا بعد شوه؟​

راعي: راح تعرسين.!​

يزوي: ههه( ضحكة استهزاء)..​

راعي: وانا لي راح اخذج..!​

يزوي: وبقواة عين تقولها؟​

راعي: ان شاء الله بتصيرين حلالي في اقرب وقت يزوي.. وانا كنت اتمنا هالشي من زمان.!​

يزوي: بس انا عمري ماتمنيته ولا راحح اتمناه..!​

راعي انصعق من هالكلمه... ( ولا راح اتمناه).. ورجع يسال يزوي ​

راعي: ليش يا يزوي؟​

يزوي قامت وهيه تطالعه بوقاحة عين وكانها اطلع غيضها فيه وقهرها فيه..( لاني من الاساس ما ابيك واخوي سي ار غصبني عليك ولا انا من الاساس ما ابغي اعرس ولا اطيق طاري العرس...!فهمت ليش يا راعي؟.؟.​

وخطفت عنه يزوي.. وخلته بذيج الحاله الصعبه راعي انصدم من هالرمسه.. قلبه طاح منه ماعرف شو يسوي.​

راعي: ماتباني؟ وانا اللي كنت ابني معاها احلام واماني؟ ليش يا سي ار سويت جذا؟ ليش؟؟ يزوي.. ماتباني؟​

صدمه خلت راعي.. وهو واقف في مكانه مذهول..كاظم غيظه العميق ماتوقع في يوم انه راح يسمع هالكلام من الانسانه اللي حبها وتمنى انه يكمل باجي حياته معاها..! يحس نفسه مثل الكاسر المحبوس داخل قفص عظيم ما يقدر حتى انه يتنفس فيه...!
يلس ع الرمل.. وهو منصدم من كل اللي سمعه......!!!​

شو لي راح تسويه يا راعي.. خلونا نشووف....!!!​

 

[موزة النعيمي]

في ايطاليا..||
​

سويره توها ناشه من النوم.. قامت ادور الشبلي..في الشقه مالقته. استغربت ماعرفت وين راح..! الموهيم قالت انها بتتصل على الامارات تسلم ع اختها وامها...!​

اتصلت.. ومحد كان في البيت يرد قعد الفون يرن ويرن ويرن ولكن محد رد.!​

بندت سويره السماعه الا ويدخل الشبلي ويشوفها لاول مره وهيه نايمه ببجامة النوم اليديده...!من شافها مارام يخوز عينه عنها.
​

ولكن..
​

سويره: شو يايب؟

الشبلي: قلت بسير اييب لنا ريووق دام حرمة البيت حضرتها للحين راقده..( وهو يطالعها من فوق لين تحت)..
​

سويره استحت من عمرها وقعدت تنبش في الاكياس.
​

الشبلي: الجو خطييير برع.. شرايج نطلع؟

سويره( وهيه فاجه عيونها): احين. ساعه ثمان؟

الشبلي: هيه عيل متى تبين نطلع؟ لازم نسنتغل كل دقيقه يلا يلا فزي. تريقي ونطلع سريع.!
​

سويره: اوك..!<< وهيه مستعيبه حد يطلع ثمان الصبح هع..!
​

وسارت الغرفه. من دشت الغرفه وفتحت الدرج. شافت الحبوب وتذكرت اختها وتذكرت نفسها يوم كانت توعدها انها تاكلهم..
​

تلبسوا واكشخوا واطلعوا... قرر الشبلي انه يشل سويره اليوم في نزهه في البحيره.. وبالفعل اول ماوصلوا البحيره سويره مستغربه.
​

سويره: احين انت وين يايبنا؟

الشبلي: انتي امشي ولا كلمه يلا اشوف..!
​

سويره من شافت الشبلي جذا يعاملها.. بدت تتغير معاه. بدت تحس بجيمته...!ليش اهي من وراه تفكر بالانفصال عنه.. وهذا لي عممرها ماكانت تتمناها في حياتها قبل الزواج.. الطلاق عندها عار..! ولكن اختها يزوي كانت تجبرها على اشياء غريبة.! اشياء تسويها عشان يرجعون لبعض ومايفترقوون..!!بس رغم هذا ماتروم ع بعاد اختها.! وتذكرت انها من فتره مب مرستنها ​

حنت لاختها يزوي.

سويره: الشبلي

الشبلي: عيون الشبلي..!

سويره ممكن ارمس اختي يزوي شوي؟

الشبلي( تضايق. هو طالع يتمشى مع حرمته وحرمته بالها مع اختها): ليش شفيها؟

سويره: مافيها شي بس ابغي ارمسها اشتاقيت لها

الشبلي( وبضيجه): اوك حبيبتي خذي راحتج..!

وجان تتصل سويره على يزوي .. واليازيه من شافت رقم دولي ياينها ع طول فزت واستانست حييييل.! وماصدقت ع الله ان اختها تتصل فيها..

يزوي( وبكل لهفه وشوق: )الوووووووه؟

سويره تمت ساكته ودمعت عينها!

يزوي: سويره حبيبتي..

سويره: هلا حياتي يزوووي شحالج؟

يزوي: انا بخير انتي شخبارج وشو مسويه. سويره انتي وينج عني؟

سويره( وهيه حزينه عشان اختها حست انها مقصره معاها): انا موجوده حبيبتي بس تدرين..!.......

وماخلتها يزوي تكمل: ادري بشو؟ انتي قلتي ماراح تنسيني ونسيتيني ماراح تفارقني وفارقتيني..شو بقى ياسويره

سويره: حبيبتي يزوي انا مانسيتج ومستحيل افارقج.. تأكدي من هالشي. ويلا عاد ودري عنج هالضيجه وامسحي دموعج حبيبتي.. تدرين انا قريب برد البلاد

يزوي(فرحت9: صج؟ متى بتين؟

سويره: ماعرف بس مابطول حبيبتي ومن ارد ع طوول بييج.. وبييبلج الهدايا لي خذتهم لج.!

يزوي: اي والله دخيلج ردي قريب تراج وحشتيني موت الغرفه من دونج ظلام ..

وسويره: ههههه اوكي حبيبتي الا اقول شو صار بموضوع راعي؟

والشبلي حاط ايده ع خصره ويطالع سويره بنص عين وهو أرفان..!

يزوي: ماعرف شو صار. بس بصراحه انا قلت له اني انغصبت عليه!

سويره انصدمت من رمسته اختها: يزوي انتي خبله؟ شلون تقولين له شي مثل جذا انتي تدرين لو اخوج ولا امي دروا شو رايح يسوون؟

( وهيه مره مندمجه في سوالفها وموول مب منتبه للشبلي.)

يزوي: اي ادري وعسب جذا انا خايفه احين ومب عارفه شو اسوي

سويره: الله يهديج بس سيري رمسي الريال واعتذري وقولي انج كنتي تمزحين

يزوي: شو اامزح دبوه انا قلتها له وانا معصبه.. وكان باين عليه اني جاده

سويره: استغفر الله المهم دبري امرج قبل لايوصل الخبر عند اهلج والله يذبحونج..!

الشبلي طفر كثر ماينتظر وقال في خاطره( انا لي بأدبج سويره ان ماخشيت الفون عنج ماعليه اونه يزوي ويزوي افف.. كرهتني عيشتي هاليزوي..!)..

يزوي: اهئ نزين سوسو.

سويره يوم انتبهت للشبلي) يالله ماعليه بخليج انا احين....!

يزوي: اوك ولاتقطعيني دبه!

سويره: اوك ربي يحفظج..!

الشبلي: لو مابنتدي . افا عليج نحن طالعين بس عسب ترمسين اختج!

سويره: الشبلي شفيك.؟ يعني اختي شلون ما ارمسها؟

الشبلي: لا رمسيها واذا وايد مشتاقه لها احين بنرد البلاد ماعندي مانع!

سويره: والله ياليت تردني صج مشتاقه لبلادي.!

الشبلي: استغفر الله منج يا سويره. وخطف عنها وهيه وقفت مكانها مستغربه منه.!
سويره : شفيه هذا؟ وجان تضايج سويره ومدت البوز شبرين. واختربت وناسة الطلعه. وصار الجو ممل وكئيب فعسب جذا ع طول ردوا البيت .. واول ماوصلوا
الشبلي بس فر المفاتيح وع طول: تصبحين ع خير.
.
سويره: ماتبي تاكل؟

الشبلي( وهو ماشي): لا..

وجان يدخل ويرقع باب الغرفه.!

سويره: شت.. شفيه هذا جذي؟ ليش جذا يعاملني. احين انا شو سويت كل هذا لاني بس رمست اختي؟عوذ بالله.! يعني مايبني ارمسها ولا شلون. وجان تفر سويره شنطتهاع الكرسي. وكانت مفتوحه.. وطاحت منها علبة الحبوب. قعدت تشوفهم.وتذكرت وعدها ليزوي وجان تبلع لها ثنتين. وتمت في الصاله. والشبلي راقد داخل..لين ما غفت وهيه ع الكنبه..!

الشبلي في الغرفه ماقدر ينام..! متلوم في اللي سواه في سويره وايد. لدرجه انه قام وقعد ع السرير يترياها اتي ولكنها مايت..!قعد يتقلب ويتقلب لين مايت الساعه 4 الفير.

قام عشان يطلع يدور سويره. كان يحس بتعب فضيع. بضيجه فضيعه وده بس لو يرتمي في حضنها ويعتذر لها ع اللي سواها الشبلي موته سويره حياته سويره ماتهون عليه ولا يبغي يزعلها في شي.! واللي صار اليوم اثر فيه كثير..

سويره كانت نايمه ع الكنبه برع.. من سمعت صوت الباب ع طول فتحت عينها وشفات الشبلي جدامها. وهو مانطق باي حرف غير انه حط راسه على جتفها وغمض عينه ونآم...!

سويره. حست بالشبلي وحس بتعبه. ولأول مره يصير هالشي من الشبلي.. سويره حستها غير. حست انها مقصره صوب ريلها وايد. قعدت تفكر بموقف اليوم واالي سوته . هو طالع بتونس معاها وهيه ماقادره تصبر عن اختها..! حست انه ريلها يحتاج لحنانها وهيه يدوب بس قايمه بواجبها الزوجي( اكل\شرب\ واهتمام) دون احساس. صحيح انها تهتم لكن . مب هاك الاهتمام اللي الشبلي يتمناه..وتذكرت الحبوب اللي تاكلهم وفكرة الانفصال اللي يزوي حطتها في بالها وهيه قاعده تسعى لها..!سويره مارامت تقول شي وخلته نايم ع جتفها وحطت راسها ع راسه وغمضت عينها...وحست بحاجة الشبلي الفضيعه لها ولحنانها..!.~




​

انا محتاجك الليلة بحاجة قلبك أحكيله
ولا حسيت بشوقي لك مثل ما أحس هالليلة
أحس الوقت ما يمضي وأنا ماني على بعضي
وعمر أنفاسي ونبضي ما كانوا مثل هالليله
بحط أيدك على قلبي وأقول لك شف
وش مخبي عليه قلبي هاليلة​

:imuae71:


​

 

[موزة النعيمي]

في بيت قوم فراولة
الساعه كانت ع الـ9:30...


الكعبيه ولهفة الخاطر وبوسلطان قرروا انهم خلاص يرجعون بوظبي.. والكعبيه وفت بوعدها وانها ماراحت الا يوم فراولة طابت وخفت ورجعت لحالتها الطبيعيه^^..
في لحظة الوداع. فراولة مول مب هاين عليها فراقهم.. وبالاخص فراق " بوسلطان" تعودت عليه الصبح. يدخل عليهم يسلم يتريق ويروح^^

كانت شوفتها له ترحيها واطمنها وتحس انه الدنيا لسه بخير.
اما لهووفه اللي استوت شرات اختها واكثر.. بعد صعبان عليها فراقها صارت مثل الاخت معاها في كل لحظه وساعه..~

لهفه: ( وهيه تصيح): اهئ والله راح اشتاق لكم وايد

بياض السحب: حبيبة قلبي والله لاتبجين راح نتزاور اكيد..

الكعبيه: اكيد حبيبتي من عقب ما التمينا من بعد هذي السنين مستحيل نفترق..!

بياض السحب: سمعتني بوسلطان؟ مو تقطع.. ابغيك كل اسبوع اتييبهم عندنا..

بوسلطان: ههه على امرج خالوه تامرين امر..

وفراولة قاعده ورى امها وهيه بوقايتها البيض,, وعيونها مليانه دموع.سارت تسلم عليهم وتبوس خالتها الكعبيه

فراولة: ربي يحفظكم ان شاء الله

الكعبيه: ويحفظج يابنتي ويستر عليج دنيا واخره. ويخليج لامج يآرب. ويزقج ع نياتج. والله انج يا فراولة شايله امج شيل. والله يعوضج خير..~

بوسلطان + لهفة:آمين ياارب..~

وقاوا الجماعه عسب يطلعون.. شلوا اغراضهم وطلعوا عنهم. فراولة وامها وصلوهم لين باب السياره.. والدموع في عينهم..سلموا عليهم. وركبوا سيارتهم وراحوا.

فراولة: ربي يوصلهم بالسلامه ان شاء الله.

وبوسلطان وهو يناظر فراولة من مراية السياره يقول في خاطره: ربي يحفظج يا فراولة....!

وسارووا..~؛
​

بدت القلوب تشتاق وتحن... آآه ياقلبي.. مردك للأولي..~​

بوسلطان طول الطريج وهو يفكر.. في فراولة.. حبيبة فراولة . حياته فراولة. شنو يحبها؟ شنو يموت فيها؟؟؟ بدا يرجع لحبها.. قرر انه من يوصل بوظبي مايقطعها وانه يطمن عليها دوم..

فراولة من الصوب الثاني. حالتها من رجعت للاستقرار.. بدت تحن وتشتاق لبسولطان ولكنها قررت انها ماترجع له او تكلمه.. وقررت انها تظل بعيده عن كل هالامور.. يسد اللي ياها ولكن.

فراولة: آآآه يابوسلطان ماعرفت جيمتك الا من رحت عني.....!!!​

​

:imuae13:​

​

.. ومن صوب.. راعي صوغه مب عارف شو يتصرف.. قعد يتذكر كلام يزوي..

يزوي: وبقواة عين تقولها؟
راعي: ان شاء الله بتصيرين حلالي في اقرب وقت يزوي.. وانا كنت اتمنا هالشي من زمان.!
يزوي: بس انا عمري ماتمنيته ولا راحح اتمناه..!

من بعد تفكير عميييييييييييييييق.. ومن بعد سرحان فضيع..راعي. يقرر انه يكنسل خطوبته من بنت عمه....!

بنت الكلباني: شووووووووه؟ انت مينون؟ عقب ما اتقنا على كل شي اتي احين وتقول انك بتكنسل كل شي؟

راعي: استغفر الله.. امي لاتصارخين واسمعيني.!

بنت الكلباني: شو اسمع؟ شوووووووووه؟ تخبلت انت؟؟

راعي: امي البنت شكلها ماتبني وانا ما ابغي اخذها بالغصب.!

بنت الكلباني: ومن قال ماتبيك؟ انت رمستها؟ سمعتها تقول هالشي؟

راعي مارام هني يرمس.. خاف انه يقول اي شي ويزوي تتوهق وتنضر او اهلها يشاتمون فيها..!

راعي: لا ماسمعتها بس تصرفاتها ادل على هالشي.!

بنت الكلباني: خلاص ياراعي. كلمة وانقالت. يزوي لك وانت لها. ومابغي افتح هالوضوع مره ثانيه سمعتني؟ ولا راح اوصل الموضوع لابوك وهو لي راح يتفاهم معاك وساعتها تحمل اللي بييك بنات الناس هب لعبه وهي بنت عمك من لحمك ودمك ومفروض ماتخليها تروح للغريب..!


وسارت عنه امه

وراعي صوغه من شدة عصيبته زخ الكرسي باقوى ما عنده.. الا ويفره بطول ايده. . ويكتم غيضه.....!!

راعي: مابيج بالغصب يا يزوي..! ابغيج من نفسج ترضين فيني...! يالله ياربي. شو اسوي.! ارضي منو. وازعل منو.! هذيل اهلي وما اقدر ارد في الكلمه.. كيف يياربي اقولهم ان يزوي منغصبه على هالشي كيف؟...!\
​

 

[موزة النعيمي]

في بيت العم زورو..
كانت ع الساعه 5 العصير

يزوي يالسه في الحوش تلعب مع شموخوه وتونس عمرها.

شموخ: يزويه شرايج نسير بيت عمي عتيج؟

يزوي: وليش نسير هناكي ماعندنا حد.!

شموخوه: شلون ماعندنا حد.. هناكي راعي ريلج!

يزوي: شووه؟ ريلي؟ ومن قالج انه ريلي

شموخ: سمعت امايه البارحه يالسه تقول حق ابويه ان ملجتج بتكون اولماترد سويره من السفر.!

يزوي: هالكلام شبعانه منه. بس ماضن بيصير شي

شموخ: ليش؟

يزوي: بس لاني انا ما ابي هع..~وسارت يزوي عند امها..! وهيه مستهينه بالسالفه وايد. لكن اللي صارابد ماتوقعته..!

يزوي خبرت امها باليي صار في العزبه مع راعي.. خبرتها انها قالت له انها ماتبيه وانها رافضتنه.. بدت يزوي تتدخل في هواشه مع امها.. وبدت اصواتهم تعلى في البيت..

قطرية ذوق: انتي شو تبين تسوين فينا؟ تبين اطلعينا من طورنا؟

يزوي( وهيه تصيح): امي انا ماسويت شي..

قطرية ذوق: شو ماسويتي يشي.. حسبي الله ونعم الوكيل.. تعبتيني.. تعبتيني... فضحتينا جدام الخلق..

يزوي: امي انتوا غصبتوا سويره واحين تبون تغصبوني. شو هالحياه شو الاهل اللي مايفكرون غير بمصلحة نفسهم.!

زورو( وبصوت هز البيت): بس يا يزوي وعن قلة الادب..! انتي مافيج ادب. وشكلي لازم اربيج من اول ويديد. اترمسين امج جذا. تعلين صوتج عليها. ياللي ماتربيتي..شكلي دلعتج انا وايد..و سكتنا عنج وايد لكن تقلين ادبج ع امج لا والف لا سمعتي.؟

يزوي بدت تصيح.. وابوها يشاتم فيها.. سي ار كان محد في الدوام..!

يزوي تصيح من خاطر.. وحاسه ان الكل متهجم عليها وضالمنها.! قطرية ذوق من شافت حالة البيت جذام من شافت ريلها يهاوش دلوعته واللي ماتهون عليه بسبة هالزواج تأكدت ان البيت بدا يتغير وانه المشاكل بدت تدخل في حياتهم. مارامت تتحول. وسط هذاك الصراخ كله بدا قلبها يدق بسرعه بسرعه. بدت ترجف. بدت ترتعش.
ااترفع الضغط عندها. وجان تتعب واطيح..!

و ع طول للمستشفى..!

يزوي صابتها حالة جنون من صابت امها بذيج الحاله
صابتها حاله هستيريه. كل هذا يصير بسببها..

تناظر امها من الجامه وهم محطين لها الاوكسجين.. البنت منهاره. واللي سوته مب شويه حست انها بتجتل امها ظلت تدعي انه مايصير فيها شي وانه الرب يشفيها
غرفت دموعها يزوي من الصياح
وهيه تبكي وتصيح تقول

يزوي: وينج ياسويره وينج؟ شقد محتاجينج. امي بتروح وانا السبب. امي بتروح وانا السبب.. وظلت يزوي تصيح واخوها سي ار واقف وراها وحاط ايده ع ظهرها يحاول يخفف عنها ولكن هو لي فيه اروحه مكفيه وحاس انه هو السبب في هذا كله لانه غصب يزوي على هالزواج.! تلوم وايد ومب عارف شو يسوي..!

سي ار: الله يهديج يا يزوي. شو سويتي؟

يزوي: والله ماكان قصدي اتعب امي. والله عساني الموت ولا امي. والله عساني اموت ولا امي.. وقعدت تصيح..
ويضمها سي ار. وهو يقولها: خلاص يا يزوي..~خلاص...!

يزوي: خلاص يا سي ار. والله لاخذ راعي. بس امي تقوم بالسلامه. سير قولها اني باخذه وربي اخذه وقعدت تصفع عمرها وهيه تقول: والله باخذه..!

تمت يزوي ع هالحاله ومارضت انها تهد امها.! مارضت تروح عنها مع ان سي اار حاول فيها وزورو حاول بعد فيها ولكن ماكانت ردة فعل يزوي غير انها اصرت انها تبقى بالمستشفى مع امها..!

ظلت واقفه على راس امها ودموعها في عينها..!


​

يمـهِّ عسـاْنيً ماْ اْزعج‘ـتـكَ يـاْ يمًـه ..,

اْحسً فيُ صدريِّ [ عـذاْبَ ] وح‘ـريقـهً .!


يـَضمنيِّ ح‘ـزنيً واْناْ ح‘ـيـلٌ اْضمٌـهَ .,

كنـٌهَ ضناْيً وشِّوفتهً شٌـوفَ [ ضـًيقـهٌ ] ..,


يُمـهَ واْنَـاْ بنـًتـكَ وإذاْ قلـًت يُمـهً ..

شِّوفيً لح‘ـزنـيِّ واْلمواْج‘ــعً طريقـهً ..,


ضِّمينيَ لصًـدركَ ثمٌاْنيـنَ ضَمـهِّ

ضّمة عَشيـق ٍ ماْيفـاْرقِّ عَشيقـهً ..,,


وكاْنكً سَألتيً خاْطريِّ ويشِّ هَمـهً ..

بَعلمُـكَ واْبـيِّ ج‘ــواْبً [ اْلح‘ـقيَـقـهً ] ..,


ليَـهِّ اْلزمِّن اْليـًوم ماْفيـِّـه ذمـٌه ؟!!

ولـًيه اْلطعوؤونِّ اْلليٌ بظـًهريِّ عَميقِهِّ ؟!!


ولــًيه اْلولدِّ يـٌبوؤوقِّ فيُ بنـتً عمهِّ ؟!!

وليـهِّ اْلرفيقِّ يخ‘ـوؤونِّ عًـشرة رفـيقهً


وليـهِّ اْنخ‘ـدِّع فيٌ ناْسً كاْنتِّ مهٌمهَ ؟!!

ويوؤومِّ اْكتـشفهاْ وهمِّ ماْلهً ح‘ـقيقـهً ؟!


وليـهِّ اْلذي وقتِّ اْلرخ‘ــاْ كـاْنِّ قمممـهِّ ..,

و وقت اْلشداْيدِّ ماْلقيناْ طَريقـهً ؟!!


وليـهِّ اْلح‘ـسًد يميِّ منَ عيوؤونِّ عممهً ؟!!

وليـهِّ اْلخ‘ـطاْ لوِّ قلتً كلمَة رقيقـهِّ ؟!!


[ اْزيـد ] يُمـهِّ ولاْ كاْفـيً مَغمـهِّ ؟!!

اْشوؤوفِّ عـِينكَ مـٌن هماْهـاْ غرَيقـهً ..


يُمـهً دخ‘ـيلـكَ آسسـفـة " آآآهـِّ " يُـمـهِّ ..,

كنـيً [ ج‘ـرح‘ـتـٍك] واْنـتـيِّ اْغــلاْ رفيـقهِّ ​

 

[موزة النعيمي]

صار الوقت الفجر.. ومستشفى العين هادي.! الا من صوت يزوي وهيه تقرا القران على امها..!

كان صوتها حلو.. قعدت تقرا ودموعها بدت تهل بس كانت تمسحها بسرعه...!

. راعي صوغه الصبح ع طول كان هناكي..وماكان منه يوم وصل غير انه قعد يسمع تلاوة يزوي
وهيه زاخه ايدين امها وتقرا سورة يس..!

قلبه ارتاح كثير من مسع ترتيلها.. حس براحه غريبه وحس بهدوء نفسي فضيع. كل الي سواه انه انسحب من المستفى وركب سيارته .. وهو يفكر..!​

​

وفي ايطاليا سويره بدت تعيش احلى ايام زواجها مع الشبلي. بدت تتعود عليه وتاخذ عليه..وفي يوم من الايام قبل لاينامون

ياهم اتصال من البلاد.. استغربوامن اللي يدق عليهم هالحزه..!

الشبلي: الو؟

ام عقوص: الو هلا مراحب.

الشبلي: مرحبتين من معاي؟

ام عقوص: احم.. معاك سويره

الشبلي وهو يتلفت صوب سويره: لا والله صج؟ اي سويره عاد؟ وايد عندي سويرات

ام عقوص: لا انا سويره الاصليه وذيج المزيفه

الشبلي: صج؟ ويه.! ماخذ مزيفه انا يعني؟ خلصي من انتي؟

ام عقوص: ههههههههههههههههههههههه يالله عاد باين ياخوي صج ماعرفتني.؟!

الشبلي: هه لا والله عرفتج. بس تراج باخه وقلت ابخ السالفه وياج وامطها.!

ام عقوص: جب جب خخخ وينها سويره الطيبه وينها انت شرير
.
الشبلي: هيه شرير وانتي تستاهلين

سويره اطالع الشبلي وهيه مستغربه من هالبنت اللي قاعد يرمسها الشبلي.

بلاك كات قاعده مع الشبلي وجان تصرخ تقوله: يلا عااد عطنا سويره وحشتنا حييييييييل..!

الشبلي: ههه اوك دقيقه.

نزل الشبلي السماعه وقال: هاي اختي تبغي ترمسج..!

سويره: الو؟ هلا حبيبة قلبي

ام عقوص: هلا الغاليه حرمة الغالي اشحالج . شخبارج؟

سويره: انا بخير علج الخير حبيبتي انتي شحالج وشو مسويه؟

ام عقوص: انا بخير. وواحشتني حييييييييييييييل.!

سويره: علني فدا قلبج ياعمري

بلاك كات قاعده تضارب مع ام عقوص تبغي ترمسها

ام عقوص: افف من دفاشتج خلاص اخليه سبيكر...ودقت ام عقوص ع السبيكر

بلاك كات: سويييييييييييييييييييييييره حبيبة قلبي.. شلونج؟

سويره: بلاك كات؟ لااااااااااا مستحيل اخبارج دوبه؟

بلاك كات: انا تمام التمام انتي اخبارج واخبارالشبلي معاج؟

سويره وهيه اطالعه بحيا: تمام. تمام التمام

بلاك كات: ( وهيه تغمز لام عقوص): انزين خبريني اخبار الثوب الغاوي لي خذته لج؟ لبستيه؟

سويره هني انحرجت. : يالكلبه انتي لي حاطتنه؟ والله انج سباله ماعليه انا اوريج ويا ويهج انتي وياها

ام عقوص: ههههههههههههههههههههههههههههههههههههههههههههه

سويره: الا شخبار عموه؟ ان شاء الله بخير؟

الشبلي حط ايده ع خصره ويطالعها بنص عين يبغيهم يخلصون.!

ام عقوص: عموتج بخيرو وتسلم عليج بس هيه احينه طالعه عند يارتنا وتدرين عاد سوالف ورا سوالف

سويره: اي والله ياحيكم حنا خلاص عندنا اخر الليل احين حزة نوم..

ام عقوص مابغت اطول اكثر عن جي..! قفط ويهاا شو اخر الليل حستها نغزه خخخخخخ

ام عقوص: خلاص عيل حبيبتي بخليج احين اكيد الشبلي يطالعج بنص عين ومب عايبه هع..

سويره: هههه ..

بلاك كات: ديري بالج ع روحج حبيبتي ولاتنسين تيبين لي صوغه..ولما تردين نبي نسمع خبر حلو. تعرفين. مواا. اوا اوا ههههههههههههههههههههه

سويره: انتي لسانج يباله قص( بانحراج) ههه...~

وسكرت سويره الخط عنهم.

الشبلي: افف مابغينا

سويره: هههه حرام عليك والله واحشيني..!

الشبلي: ايه بس عاد حنا بشهر عسل لازم يخلوني اخذ راحتي مع حبيبة قلبي..امس اختج واليوم هم شو هالحاله؟

سويره ماعرفت شو ترد..!وسكتت

الشبلي: احبج.!

سويره: هني سويره ارتعشت. حست بشي غريب . باحساس فريد حست بشي عظيم يسري في عروقها.

ظلت تفكر لين قاطعها الشبلي..

الشبلي:حياتي انا بسير اييب مماي وبيي زين؟

سويره: اوك...!

دشت سويره الحمام وتذكرت.

( الحبوب).. وتذكرت وصية اختها يزوي.. وانها الف مره قايله لها ماتنسى تاكلهم دشت والحبوب في ايدها..!
​

قعدت اطالعهم
​

سويره: حرام لي قاعده اسويه في هذا الريال..! آآكل الحبوب من وراه؟ وهو اللي مب مقصر معاي في شي. وهو اللي موفر لي كل شي. ومخلني ع راحتي ومب جابرني ع شي.! والله انه يموت فيني..!سويره من شافت طريقة معاملة الشبلي لها.. حست بتأنيب الضمير باليي قاعده تسويه. وراجعت عمرها وراجعت كلامها مع يزوي واعرفت انه المفروض ماتسايرها في هالشي...! قررت انها تترك هالحبوب وتودرهم واذا ع اختها ترا هالشي غلط ومفروض ماتسويه. ..! وبالفعل رمتهم بكل قوتها في الزباله من بعد ماتبين لها حب الشبلي الفضيع. وقررت من يوم ورايح راح تحاول انها تعيش حياه زوجيه كامله معاه..!


.. واطلعت .....~؛

وسارت يلست حذال ريلها الشبلي.. وهالمره الشبلي حسها غير...!
​

قعدت اطالعه بنظرات غير.. حتى نبرة صوتها كانت غير..!
​

الشبلي: تبين نطلع تعشى؟

سويره: احين؟ حزة نوم...!

الشبلي: عادي ماورانا شي حبيبتي.!

سويره: لا ماودي.. خاطري اكل اكل البيت ..!

الشبلي: اها..مممم نقوم نطبخ؟

سويره: ممممممممم قصدك تقوم تطبخ انت؟( وحطت ريل ع ريل..)
​

الشبلي: لا واللله؟ انا لي اقوم اطبخ؟

سويره: ماعتقد فيها شي حرمتك وتخدمها فيها شي؟

الشبلي لاول مره يسمع هالكلمة من سويره. بدا يحس انها بالفعل حرمته.. ومن طلعت هالكلمه منه. خلاص طار من الوناسه.. وقعد يناظرها وهو يقول.
​

الشبلي: تدرين؟

سويره( وبكل حيا): شوه؟

الشبلي: اني احبج واموت فيييج؟.!!
​

سويره : ( وبكل عفويه وهيه تلعب بخصلات شعرها): تصدق؟

الشبلي: شوه؟

سويره: واني انا احبك واموت فيييك.!
​

الشبلي: قولي والله؟

سويره: ههههههههههههههههه مابحلف..( وقامت سويره من حذاه تبغي تطلع من الغرفه

الشبلي: (وقف في ويها) يعني ماراح تحلفين؟

سويره:لا ماراح احلف ووريني شو بتسوي..!

الشبلي" طيب بوريج. انا الحين بقوم اطبخ شي سريع وبتشوفين ياست سويره. اذا اللي طبخته لج طلع لذيذ لازم تحلفين. واذا ماكان لذيذ خلاص بسامحج

سويره وهيه مقتنعه انه راح يفشل بالتحدي: ورني شطارتك ياحبوب..

الشبلي: انتي اصلن سباله تدرين ههههههههه( وهو ماشي صوب المطبخ)

سويره: لاتغير الموضوع ويلا اشوف ع المطبخ.. وبالفعل قام الشبلي وقعد يخبص في لمطبخ.!

الشبلي: سويره خاطرج في شي حلو؟

سويره: وهيه بالغرفه: اي شي من يدينك حلو.

الشبلي: فديت منطوقج انا ..

سويره سمعته ولكن سكت ماسوت شي. شالت الجريده وقعدت تقرا

سويره: كاني اسلي عمري يلا مابغي تأخير..

الشبلي: حريم اخر زمن هع حاطات ريل ع ريل والرياييل يطبخون

سويره: هااااااااااااااه؟ تراني اسمعك..!.

الشبلي: زين زين.و وطاف الوقت ع سويره وهيه تقرا الجريده معلومه يمكن لاول مره راح تعرفها سويره عن ريلها واللي هو ان الشبلي يححب الطبخ مووت وايده سريعه في المأكولات.. لانه متعود قبل ع ايام الرحلات هو لي يطبخ.! وبالفعل سوالها سويت غريب.و سماه بـ" سويت أم مريم.." ع ااساس ان بنتهم لي بنتي بيسميها مريم.!

وهو قاعد يحضر الامور الاخيره سويره قامت تشوفه وتراقبه من ورى الباب. وهيه تشوفه يسوي هالشي عشانه.. بدت تحس بدفء المشاعر من صوبه.. قعدت اطالعه وهيه تبتسم. حس انه هيه وراه.. وتعمد انه يقول

الشبلي: يعلني افد عيون لي قاعده تناظرني..!

سويره من انتبهت ع طول نقزت ردت مكانها وزخت الجريده وخلت عمرها انها مب متحركه ولا شي هع..!

يوم وصل الشبلي صوبها..

وضوقها اول لقمه بايده..

سويره ماكنت ردت فعلها غير ان الطعم عيبها حيل.. وقعدت اطالعه وهيه مستغربه وفاجه عيونها

سويره: تعرف تطبخ؟

الشبلي: واحسن عنج..!

سويره: يايي لذيذه.. وظلت تاكل وهو يترياها تخلص عشان تحلف له هع.!

سويره تبغي تلهيه لين ماوصلت باب الغرفه ولكن. هيهات ياسويره تشردين هع..

الشبلي قعد يناظرها ويوقل: يالله احلفي انج تحبيني.!

سويره انصدمت من الشبلي وانحرجت وايد.. نزلت عيونها بالارض وظلت تضحك وهيه تقول: ماني بحالفه لاتتريا شي...!

الشبلي: متأكده..؟( وهو يتقرب منها)

سويره:: متاكده مرتين بعد هههه...~ وقامت تبغي تطلع من الغرفه
الا ويقوم الشبلي ويرقع الباب بريله.. وهو يقولها..
​

الشبلي وهو يطالعها بنظرات التحدي) ماشي طلعه من الغرفه اليوم.....!

:imuae83:

​

 

[موزة النعيمي]

....~؛

حياة سويرة والشبلي بدت تدخل في مسار يديد بدوا يعيشون الحب باصوله..!
سويره تعلقت فيه وحبته وودرت افكار يزوي الغبيه. وبدت تفكر صح.
وبنفس الوقت الشبلي حس بتغير سويره معاه وان هالسفره اللي بعدتها عن محيط بيتها واختها خلت سويره شوي تتعود عليه وتاخذ عليه..^^

​

ولكن..نقطه.. وماحسبت سويره حسابها.!
او بالاحرى غلطه في لحفظة..غفله. دون تفكير مسبق..! رغم التوبه الا انها نتايجها قد.. تقضي على كل الصحيح..!​

خلونا نشوف..~

وبالباجر الصبح..!

سويره فتحت عيونها وهيه تشوف ريلها الشبلي قاعد يقرا الجريده.. وع طول نشت بسرعه تبغي تحضر له الفطور.. ولكن

الشبلي( زخها من ايدها: ع وين؟

سويره: ازهب لك الفطور

الشبلي: لاحبيبتي مابغي فطور اليوم. يسد اني اصبح بويهج وانا مرتاح.!

سويره: بس هم لازم تاكل.. يلا هدني خلني ازهبه لك.!

الشبلي: قلت لج مابغي.. خلاص عاد.

سويره: ههه طيب براحتك..( والحيا مقطعنها)

الشبلي: انا بدش اسبح لان اليوم راح نطلع وماراح انرد الا اخر اليل.

سويره: والله؟ ياي وناسه وين بنروح؟

الشبلي: بوديج كل الاماكن لي في ايطاليا.حتى لو تبين القمر

سويره: حلف؟ القمر؟ قد كلمتك؟

الشبلي: ههههههههههههههههه هيه قد كلمتي..

سويره وقامت وهيه متاسنه : بنشووف. هع..وطلعت برع الصاله..!

دخل الشبلي الحمام وهو مستانس حده. وقعد يناظر عمره في المرايه ويتأمل..

الشبلي: هه شو السالفه اشوفني احلويت هع.يالله الله يديمها يارب.. ويخليها راضيه علي دووم..! وقبل لايبدا الشبلي يتسبح.. وهو قاعد يتأمل نفسه بالحمام ويرمس روحه. طاحت عينه على الزباله.. وشاف فيها باكيت الحبوب اللي رامتنه البارحه سويره.. استغرب.

الشبلي: شو هالحبوب اللي اشوفها هني..( وشالها عسب يعرف حبوب شو هي).

وقعد يقرا الشبلي.. لين ما انصدم ان هالحبوب لي بيده هيه حبوب منع الحمل...! من عرف.. دارت الدنيا فيه.! انصدم طول هالفتره وهيه تاخذ هالحبوب؟ طول هالفتره كنتي تغشيني ياسويره.. زخ راسه من الصدمه.. وثارت نفسه .. وغضب .. وع طول طلع من الحمام وهو يصارخ ينادي في سويره.!

الشبلي: سوييييييييييييييييييييييره؟

صوته هز البيت ورجه من كثر قوته.!
سويره من سمعت هالنبره زاغت وطاح كل اللي بيدها وحست ان ورى هالشي شر..! وسارت ع طول تركض عنده الا وتشوف الحبوب في ايده!.

الشبلي من كثر غيضه ماقال اي شي. ظل ماسك الحبوب في ايده ويشوفها بنظرات تجتل بنظراتت تحرق.. نظراته قامت تعور سويره وهيه مب عارفه شو صاير...!

الشبلي ماقال غير كلمتين: لمي اغراضج نحن رادين البلاد.! وطلع عنها.!

سويره استغربت ليش هذا كله..! وسارت تبعته لين الصاله.!

سويره: حبيبي شفيك؟

الشبلي عاطنها الظهر وساكت!

سويره وهيه تقترب منه: الشبلي شو صار بلاك؟ ليش نرجع البلاد؟

وماحست سويره الا الشبلي صاد صوبها وهو يعطيها كف طيحها بالارض. وفر الحبوب في ويها...! وهو يقول.

الشبلي: يااخسارة كل اللي سويته فيج...! انتي ماتستاهلين يالجذابه....!


سويره هني انهارت .. طاحت.. من هول اللي صار. ابد ماتوقعت انه ردة فعل الشبلي راح تكون بهالطريقه ومن الاصل هيه مول ماحطت في بالها انه هالشي بيصير في يوم..!..مب عارفه تصدق اللي صار ولا شوه؟ توهم ياحلوهم.! احين شو اللي صار؟شوتقول.. وهيه اللي تبعت شور اختها وهيه اللي سوت هالشي عشان اختها دون ماتفكر بعقل.
شو تقوله.. والله سويت هالشي عشان ما افترق عن اختي وارجع البيت...!
من عقب ماتعودت عليه من عقب ماخذت عليه
والاهم من هذا كله من عقب .. ماحبته.!


​

[ وجنت على نفسها براقش...~؛

​

في المستشفى..حآلة قطرية ذوق بدت تتحسن..! وبدت تتعافى.. وكانت يزوي طول الوقت معاها..!

الدكتور: الحمدالله يافندم جات بسيطه.!

زورو: الحمدالله يادكتور يزاك الله خير بس ع شو توصي.؟

الدكتور: اهم حاجه يافندم ماتعيلوهاش في حاجه لان الزعل بيأسر عليها كتير..

وماتعرضوهاتش لاي حاجه ممكن انها تفئد اعصابها فيها..!

زورو: ان شاء الله يادكتور..

الدكتور: بالسلامه ان شاء الله.

يزوي كانت واقفه وتسمع كل هالكلام وردت اطالع صوب امها وهيه توعد نفسها انه من اليوم وساير ماتعرض امها بهالموقف. كانت بتخسر امها بسبة عنادها وحركاتها الطايشه.!

يزوي( في خاطرها): صح اني مابيه بس والله لجل عيونج يا امي..اخذه..

وحطت يزوي راسها على ايدن امها ودموعها تنزل دخل ابوها زورو وسي ار.. ..
وجان تنش قطرية على اصواتهم . من فتحت عيونها يزوي ع طول طارت من الوناسه. ومارامت تيود عمرها وطحات في حضن امها

يزوي: والله يا امي انا اسفه مب قصدي أأذيج..!

قطرية ذوق: وهيه اطالعها واطالع الكل..

زورو: تستاهلين السلامه ام عيالي ماعليج شر.!

سي ار: عيوزي فديت روحج والله احيدج شديده شو صابج.!

قطرية من سمعت رمسة ولدها ضحكت لانها تستانس ع سوالفه ومصخرته وهو بالعمد قعد يستهبل عشان يضحكها ويغير الجو شوي.!

سي ار: يالله اميه شدري حيلج الدكتور يقول مافيج شي الا شوية دلع

يزوي: الف الحمدالله ع سلامتج امي عساني ما انحرم منج

قطرية: فديت روحج يابنتي..ربي يسلمج من الشر..!

وفي هالوقت وصلت بنت الكلباني هيه وعتيج وراعي صوغه..

وبنت الكلباني اول مادشت ع طول حضنت قطرية ذوق: علها في عوينج يارب. شو ياج بسم الله عليج يام سي ار

قطرية: تسلمين حبيبتي شوية تعب بس..~

عتيج: تستاهلين السلامه حرمة اخوي. مماتشوفين شر

قطرية: الشر ماييك عتييج.

راعي صوغه راح عند حرمة عمه وباسها فوق راسها قوالها: سلامات الغاليه وماتشوفين شر... منو هاللي زعلج؟ هاه قولي؟ منوه؟

قطرية: ههه محد يبوك مزعلني بس شوية تعب

زورو: فديت حرمتيه.. ان شاء الله ماعليج بااااس..~

يزوي من هذا كله مب قادره تجابل راعي على اللي سوته فيه بالعزبه.. وراعي بنفس الوقت مب رايم يحط عينه بعين يزوي او انه يرمسها. الجو شوي كان متكهرب بينهم هم الاثنين.!

زورو: يزوي القهوة

فزت يزوي: ان شاء الله ابوي.
.
وقامت يزوي تقهوي الرياييل قبل ويوم وصلت عند راعي وهيه تعطيه القهوه..

راعي: مابغي تسلمين( دون مايحط عينه بعينها)

وخطفت يزوي عنه وحست بانحراج..قعدوا كلهم يكملون سوالفهم..ويحاولن يغيرون الجو وخاصه سي ار وراعي صوغه كانوا مسوين جو ولا اروع.!

سويره من صوب.
ريلها حجز التذاكر..دون مايتفاهم مع سوير بكلمه.
طول الطريج وهو ساكت عنها ومايسولف وياها ابدا.!

سويره مب عارفه شو تسوي قد ماتقدر تحاول ترمسه او حتى تتناقش معاه ولكن
الشبلي: سويره اسكتي عني احسن لج. ومن توصلين البلاد.. بنتفاهم..!

سويره: بس يالشبلي اسمعني؟ انت ليش مب راضي تسمعني؟

الشبلي: ماعاد في حاجه للكلام يسد اللي سويتيه ودامني للحين ساكت عنج قصري الشر واسكتي عني سمعتي ولالا؟

سويره من شافت الشبلي جذا محرج سكت وقعدت في مكانها دون ماتنطق بكلمة. طول الطريج وهيه حابسه دموعها وتفكر باللي صار..
​

حست انه اختها يزوي هيه السبب.. حست انه يزوي هيه اللضيعت حياتها.. وهيه اللي دمرت حياتها مع الشبلي. كل افكار يزوي الغبيه انا اسويها دون تفكير. يزوي انانيه وانا اتبعها.. يالله ياربي.. شفتي افكارج وين وصلتنا يا يزوي..قلبها بدا يزعل ع يزوي ومن خاطر. بدت تشل بخاطرها ع يزوي.. وهيه تصيح بحرقه تقول: الله يسامحج يا يزوي..~​

​

 

[موزة النعيمي]

وفي الامارات.. قطرية ذوق كانت بالمستشفى يوم وصلت بنتها سويره.. الشبلي اول ماوصل اتصل في خاله ردي الحال عشان ايي ويشلهم من المطار..!

ردي الحال: هلا والله بالغالي توها مانورت البلاد.( ويدقه خشم)

الشبلي: النور نوركم خالي شحالكم؟

ردي الحال: شحالج سويره ؟ عساج بخير؟

سويره( وباين عليها الصياح): بخير اخوي ربي يسلمك.

ردي الحال لاحظ ع الاثنين ان الجو متكهرب: خير ان شاء الله شوفيكم يالشبلي؟

الشبلي: لا ولا شي بس تعبانين من السفر تدري.!

ردي الحال: هههههههه وحد يتعب من السفر اسميك فارط. الا صح احيدك ماخذ اجازه شهر شو ردك قبل؟

الشبلي: بس ملينا وقلنا نرجع. المهم وين السياره يلا خطف ودنا

وخطف الشبلي جدامهم وسويره واقفه دون حتى مايقولها امشي..!تغيرت معاملته معاها 180 درجه. من بعد ماكان يهتم\ يموت فيها\ مايودرها لحظه احين مول مايعبرها

ردي الحال: يالله سويره بلاج واقفه؟

سويره: هاه؟ لا ماشي يالله سرينا..

وفي السياره..

رردي الحال والشبلي قاعدين يسولفون ..وسويره يالسه ورى وساكته

الشبلي: ههههههههههههههههه لا والله؟ تصدق عاد صدق وحشتني هالخبله

ردي الحال: يبوك ريلها مول مايخليها تسوي شي. يخاف عليها من النمله

الشبلي: خله لازم يدلعها مب ام عياله؟

ردي الحال: لا اونها حامل عسب جذا حتى وب الماي هو يشله.

سويره من سمعت كلمة حامل اهتز فيها شي..!

الشبلي: من حقه.. مافي حد مايبغيالعيال.. وخاصه يوم يكون يترياهم من خاطر..

( يقولها وبحسره.. يقولها وهو فيه قهر.. سويره حست بهالشي. حست انه الكلام موجه لها.) نزلت راسها وقعدت تفكر. كيف ممكن انها تراضيه. ترا الحبوب وعقتهم ولكن الشبلي ابد ماعطاها المجال انها تتكلم..!

ردي الحال: وين تسير بيت امك؟

الشبلي: لا..

ردي استغرب: وين عيل؟

الشبلي: ود سويره بيت اهلها قبل..!

سويره عاد هني من سمعت هالكلمة تأكدت ان الشبلي من خاطر زعلان عليها .. دون مايشاورها ع طول وداهاا بيت اهلها.. ويوم وصلوا

وهيه قبل لاتنزل ودها بس لو الشبلي ينظر لها ويقولهاشي ولكن. نزلت
وهو نزل عسب اينزل اغراضها..وصلهم لين الباب. وسويره واقفه تتريا منه اي شي لكن...

الشبلي: ديري بالج ع روحج. وسلمي ع اهلج..!

وركب السياره وسار الشبلي .. وسويره ظلت واقفه مكانها تبكي وتصيح ودموعها اربع اربع.!

مب قادره تتحمل معاملته. مل قادره تتحمل صده.!

مشت وهيه تجر وراها الحزن والخيبه على العمله السوده اللي سوتها.
اول مادشت البيت..قعدت تنادي

سويره: اميييييييييييييييييييي؟... يزوووووووووووي؟ وينكم انا رجعت

ولكن محد يرد عليها

دشت غرفة سي ار بعد مالقت حد

سويره: شمووووووووووووووووووخ؟

وسارت صوب المطبخ عند الخدامات

الخدامه: MADA YOU ARE HEAR?
​

سويره: YES WHER IS MY MOTHAR?
​

الخدامه: oH.SHE IS IN THE HOSPITAL

​

سويره من سمعت هالشي انصدمت وع طول سارت واتصلت ع سي ار عشان تعرف شو اللي صاير. وانصدمت من عرفت انها امها تعبانه ..اتصلت ع الشبلي ولكن الشبلي مايرد عليها ومطنش فوناتها

ردي الحال انتبه.. انه الشبلي مايرد ع سويره وجان يساله

ردي الحال: احين انتوا شو فيكم؟ ليش جذا متضايجين؟

الشبلي ساكت ومايرد وصاد ويهه الصوب الثاني.!

ردي الحال: ارمس منو انا؟ رد عليه شفيك ساكت؟

الشبلي: مافيني شي والله يخليك اسكت عني..!

سويره يالسه تتصل ع الشبلي بعدها ولكن هو مصر مايرد عليها جان اطرش له وهيه معصبه

" امي مرقده فيالمستفى وتعبانه وانا ابغي اسير لها لكن شكلك تبغي تكبر السالفه وماترد عليه كيفك انا بخذ تكسي وع طول بسير..."

من شاف المسج هو انصدم.! كيف امها مريضه؟ وليش مرقده في لمستشفى..استغرب. وتلوم وايد لانه نزلها في البيت دون حتى مايتأكد اذا كان حد موجود او ولا.وسالفة التكسي بعد ماعجبته..

وع طول قال حق ردي. ارجع بيت سويره وبسرعه..!

ردي الحال: ليش شو في؟

الشبلي: عمتي مرقدع في المستشفى وسويره تبغي تسير هناك وماعندها حد..!

ورد يتصل فيها ولكن سويره هالمره عاندت وركبت راسها وماردت عليه وجان يطرش لها مسج

" لو شبرتي من لبيت شبر بحش ريلج. دقايق وانا راجع لج اترييني.."

وعطول طار عندها

سويره من شافته رد عليها رغم ضيجتها ع امها الا انها استانست ان الشبلي ماطنشها وانه رجع لها وهذا ان دل فانه يدل على انه بعدها يحبها..!

وصل الشبلي وخذ سويره وع طول ساروا المستشفى اول ماوصلوا كلهم نزلوا...

دشت سويره الغرفه. وع طول

سي ار: سووووووووويره؟

يزوي: اختيييييييي؟

سويره ع طول سارت تركض صوب امها وحضنتها وهيه شوي الا وتصيح...: امي حبيبتي ماتشوففين شر يالغاليه.!

قطرية ذوق منصدمه من وجود بنتها. استغربت. ولكن استانست انها شافت بنتها من عقب هالفتره

قطرية: حبيبي سويره رجعتي.. الحمدالله ع سلامتج بنتي.

سويره وهيه تصيح: منو سوى فيج جذا يا امي منوه؟ وقامت تصيح..! وهيه بحضن امها.

سي ار: يالله بالستر سويره؟.؟. وبدا يتقرب منها. انتي رجعتي والله انج نورتي البلاد تعالي خليني اسلم عليج

وسويره بعدها تصيح ع امها

قطرية ذوق: هههه حبيبتي انا مافيني شي كاني شرات الحصان يالله عاد بس دلع وسلمي على اخوج تراه وراج..!

وقامت سويره وهيه تمسح دموعها سلمت ع اخوها وحضنته

سي ار: يلعني افداج والله اشتقت لج ياخبله.!

سويره: وانا بعد سي ار اشتقت لكم حيل.. وانتبهت سويره انه عمها وحمرته واليعال موجودين.

قطرية: ههه بسم الله عليج بنتي قوم عمج هني يالله سلمي. شوفي انا بخير مافيني شي..! يلا عاد

سويره: هلا عمي شحالك؟ سمحلي والله والله من كثر خوفي على امي ماشفت حد

عتيج: لا عادي بانتي حمدالله ع سلامتج

بنت الكلباني: ماتنلامين حبيبتي..نورتيالبلاد يالغاليه وسلمت عليها

سويره: النور بوجودكم حرمة عمي

راعي: هلا سويره اخبارج؟ الحمدالله ع السلامه^_^

سويره: ربي يسلمكمن الشر يا راعي.

والكل استانس ع رجعة سويره من السفر.. يزوي تنتظر دورها ايي.. ولما يت سويره تسلم عليها

حست انها تسلم عليها من ورى خاطر

سويره( وهيه حاضنه اختها): شحالج يزوي؟

يزوي( وهيه في قمة وناستها): انا بخير حبيبتي وربي انج فرحتيني يوم رجعتي..

سويره ماعبرت اختها وع طول رجعت لامها وقعدت عدالها: ها امي؟ شو انتي احين؟

قطرية ذوق: الحمدالله انا بخير دامني شفتج غناتي

سويره: يعله في عدوينج امي.

بس شو لي صار وعقج فيالستشفى؟

قطرية ذوق: شوية تعب باينتي..!

يزوي استغربت من تصرف اختها سويره. توقعت انه اختها تكون ميته شوق عليها. ان اختها تبكي من تشوفها.. وماتفارق حضنها.. ظلت منصدمه من هالموقف. ولكن سكتت. ولاحظت انه سويره مطنشتها. وسويره في نفسها خاطرها لو تقعد مع يزوي.تسولف معاها مشتاقه لها حيل. لكن زعلها كان اقوى .وخلى قلبها جامد وقاسي. ودون عمدد صارت تتصرف مع يزوي بهالطريقه

سي ار: الا الشبلي وينه؟

سويره فزت: ريلي؟ برع يا سي ار..

سي ار: قسم يبالج تصفيع ريلج برع وماتقولين

راعي: اسميج ياسويره انممف عليج هههه

وع طول طلعوا ساروا عند الشبلي

سويره: وهي اطالع امها: والله قلبي طاح من سمعت انج هني..!

قطرية ذوق: علني فداج يابنتي.. نورتينا والبيت بدونج ولا شي.

من عقب ما مطوه راعي وسي ار

سي ار: ياريال محد غريب يله يله.
.
الشبلي: ياخي حوه فضيحه شو جذا؟

راعي: ترا قسم اصفعك يلا عاد

ودش الشبلي الغرفه وسار سلم ع عمته وتحمد لها بالسلامه. وقعد يسولف معاها شوي. ويضحك مع سي ار وراعي. وكانا هم الثلاثه مسوين جو لاو اروع.. وكان الجو العائلي حميم.. قطرية ذوق استانست حيل منش شافت راعي والشبلي. وهيه تشوف يزوي وسويره. وتقول في خاطرها انها تطمنت ع بناتها قبل موتتها....!

مشاعر الام ذيج الساعهه ماكنت تنوصف. كانت مرتاحه ومستانسه لابعد درجه. وتسولف معاهم وتضحك..!

سويره قعدت عدال يزوي.. ويزوي حست بزعل سويره وان في شي بخاطرها

يزوي: سويره شفيج علي؟

سويره: دون ما اطالع فيها: مافيني شي يا يزوي

يزوي: بس انا حاسه فيج شي..

سويره: قلت لج مافيني شي( وبنبره حاده)

يزوي سكتت عنها وقعدت اطالع الشبلب وهم يسولفون ردت سويره تستلها

سويره: شو صار عشان موضوع راعي؟

يزوي: خلاص عشان امي انا بسوي اي شي..

سويره استغربت: ليش شو دخل امي؟

يزوي( وهيه تبغي تصيح): انا من قلت لامي اني مابغي راعي وخبرتها باللي صار في العزبه زعلت مني وايد وابوي هاوشني وماقدرت تتحمل وطاحت تعبانه في المستشفى..!

سويره من سمعت هالرمسه من يزوي عصبت عليها زود ومطتها برع الغرفه.

سويره: انتي وبعدين معاج؟ لين متى بتمين بهالانانيه؟ لين متى؟ تبغين تجتلين امي؟

يزوي: لا سويره.. شفيج لاتصرخين

سويره: بصارخ.. مايسد اللي صار بيني وبين ريلي وانتي السبب. افترقت معاه بسبة افكارج الغبيه هذي.. انتي اصلن انانيه وماتفكرين الا بنفسج

يزوي والدموع في عينها .. مستغربه من رمسة اختها سويره

يزوي: سويره انتي شو قاعده تقولين؟

سويره: انتي بس ولا كلمة. وراعي راح تاخذينه غصبن عنج والله لو صار في امي شي يويلج يا يزوي سمعتي؟ودشت عنها سويره الغرفه وخلت يزوي برع..!

يزوي واقفه مكانها مب قادره تتحمل عمرها وهيه تبجي. وتصيح.!

حست ان كل الدنيا عليها. حست انها مظلومه من كل صوب. ضاقت الدنيا عليها بوسعها. زظلت واقفه برع.. لين ما انتبهو لغيابها

قطريو: يزوي بنتي وين؟

سويره وهيه معصبه): برع

سي ار: وشو تسوي برع ليش ماتدخل.

سويره: اوه خلوها برايها.

سي ار ماعيبه ان سويره جذا تقول عني يزوي.. وع طول سار برع الغرفه وزقر يزوي وقالها دخلي.. الكل لاحظ ع يزوي انها مضايجه وشبعانه صياح

قطرية: امي يزوي تعالي هني بلاج؟

يزوي: لا ولا شي امي بس احسني تعبانه.

سي ار حس ان الوضع غلط وان يزوي وسويره صار بينهم شي..!

سي ار: خلاص يا يزوي قومي بوديج البيت انتي من البارحه هني.!

يزوي: طيب..وقامت يزوي عسب تسلم ع امها وتسلم ع الموجودين ولكن من شدة التعب حست بدوخه قويه وبغت اطيح على الارض الا واختها سويره زختها..الكل خاف على يزوي وانشال قلبهم من مكانه ولكن

يزوي: من التعب لاتحاتون من البارحه ماكليت شي..!

سويره صح انها معصبه ع اختها لكن: سيري البيت وارتاحي وكلي لج شي ونامي

يزوي: ان شاء الله.

وطلعت يزوي من الغرفه وهيه تحس انها مهموه لابعد حد. انها بتموت من الضيج..!

راعي. مب قادر يتحمل يشوف يزوي بهذي الحاله وهو اللي يموت فيها وقلبه يتقطع بس من يشوف دمعه من عيونها. وده بس لو ايلس معاها مره ويعرف كل اللي بخاطرها...~؛


السموحه عالتأخير. السموحه ع القصور. هذا لي كانت بالبارت الخامس والعشرين.ْ
​

 

[أم أحمـد]

احم يزووي

هااي انتي هههههههه<< احط عليج زيااده


بصراااااااااحه الباااااااااااارت جناااااااااان


حبيته واايد صحت ويااه واستانس ويااه
حسيت اني صدق شخصيه من شخصيااته


يسلموووزن حبوبه


احتراماتي

سويرة

 

[السنـافي]

البارت ما عليه رمسه ^_^ ,,,, بس يليتج كملتي بقية الاجزاء لاني تحمست ^_^
نتريا البارت الي بعده على احر من الجمر
شكرا لج​

 

[مشاغب]

متى الحلقه الاخيره

 

[ღ أ”أ£أ¦أژ ღ]

طرررررررررررررررررررررررررر هالبارات :29:
و امي هزبتني بسبته ~> لاني يالسة اقراه بدال ما اقرى كتابي هع :artist:

حيلووووووووووو كتير كتير :hehe2:

ننتظر ​

 

[عريف هتلر]

صراااحه بعد طووول انتظااار البااااارت رهيب و حلوو اشكرج اختي اليااازيه و لا تحرمينا من ابداعج اختي نتريا البارت لياااي مستعيلين

 

[حشيمة القلب]

وايد حلوو هالبارت

رغم انه محزن شوي


وتستاهل يزوي المعقده ههههههه


سويرة هاللي يتبع رمسة الميانين خخخ


نتريا البارت الياي ^^

 

[سِـنٍـَفٍــوٍرٍهُـ ღ]

روووووعه البارت

رغم انه حزين T_T

يعطيج العافيه خيتوو

ونتريا البارت الياي ^^

 

[خـجـل]

يلا ننسي لي حصل ونجعل الدنيا امل ونفرح بكرة سوي

 

[«● مـزآجيــہ كـــღـووولـ]

رووووووعة..

بآرت حززين وآيـد..ويحمس بعـد..^^

يعطيج ألف عآفيه يزوووي...دمتي مبدعـه,,

وودي..​

 

[موزة النعيمي]

ليش تقولون حزين انا ماشوف فيه حزن بالعكس..!

كح خخخخخخخ

 

[أم أحمـد]

يزوويتي فيه حرقاان وناار جوفيه


^^


ههههههههههه

 

[مشاغب]

بارت حزين



من مات