"خٌلُنيُ قَصٌُةَ هَوًىٌ تٌسُكًنَ كًيانكٌ"

[مشاغب]

انتهى الدوام

تعالو بكره

 

[أم أحمـد]

مشاغب بينحذف ردك هع

^^

المهم في الاانتظار


احتراماتي

 

[موزة النعيمي]

آهٌِ يآفرٍِوٍِلهٌِ والله

آنهآ تكسرٍِ آلخآطرٍِ وٍِرٍِبيٌِ آقرآ قصتهآ وعيونيٌِ كلهآآ دموعٌِ
>>متأثرٍِهٌٌ الحبيبهٌِ وٍِآيييدٌِ :imuae71:​

خووش بآرٍِتٌٌ خيتوٌٌٍِ
وآترٍِيآ إليٌِ عقبهٌِ بكل لههفة يآقميييلهٌِ ,’:29:

>>آحم آحم لاتبطسسسسيين لوووووول​

وخوش مرور ياغاليه

لا عدمت هالطله وربي..~؛

 

[موزة النعيمي]

ابداااااااااااع
تسلمين ع طرح
يحليلها فراوله تكسر الخاطر

الابداع مرورج ومتابعتج حوبي

لاعدمنا هالطله..~؛

خوووش بآرت يزووي..​

مسكينه فروالة حالتها تكسر الخآطر..:61:​

والله يستر من افكآر يزووي..؟؟!!​

نتريآآ البآرت بفأرغ الصبر..:imuae83:​

يعطيج العآفيه اليآزيه..​

وودي..​

وخوش مرور الغاليه

وينج من زمان؟ ههه

لاتقطعين وخلج هون..~

 

[موزة النعيمي]

يآ ڛلآم ع آلٱچزآآء آلطڑڑ​

آليوم قآيمة من وقٺ عڛب آگمل آلآچزآء آللي فآٺٺني ^^​

آلقصة بدٺ ٺحلـﮱ و آلآگڜنآٺ بدٺ ٺزيد هع​

:a054:​

متآبعة​

فديت روحج

وانا اقول وينها الدبه ماتبين؟

نورتي ولاعدمنا هالطله حياتوو..~؛

 

[موزة النعيمي]

بااااااااااااااااااارت مشوووووووووووق
مسكين حالها فراول والله غمضتني يزوووي شوي شوي عليها اخاف فراول تعيش الموقف وصدق تنخش فغرفها ولا طيع تظهر ....................................
شكر كبير حق الكاتبه المميزه : اليازيه

والشكر موصول لج ع المتابعه الحلوه

لاعدمنا هالطله وربي..~؛

ابدعتي بصراحه اختي مرت سنه و نص و تغيرت احوالهم الا فروله على حالتها اشكرج اختي و نتريا البارت الياي
احترامي
عريف هتلر

عريف هتلر. ياخوي وينك؟ غبت مرهوحده؟

نورت ولاتقطعنا مره ثانيه

....~؛

 

[موزة النعيمي]

موقف مؤثر وربي

تصدقين اني قعدت اقرا البارت كم مرة

وشكرا لكل من رحمني تعالوا زوروني وهاتوا هدايا ههههههههههههههه



متابعه ومتشوقه موووت للبارت الياي بليز لاتتاخرين

هههههه حلوه هاي كل من رحمني...~

السموحه غلايه ع التاخير..~× انتي ادرى بالحال..~

 

[موزة النعيمي]

تسلمين ع الطرح الرايع وتقبلي مروري المتواضع​

الله يسلمك اخوي.

بس الاكيد انك ماقريت القصه^^

كل الشكر ههه

 

[موزة النعيمي]

في الاانتظاااااااااااااااااار

ف الانتظاااااااار

انتهى الدوام

تعالو بكره

مشاغب بينحذف ردك هع

^^

المهم في الاانتظار


احتراماتي

كل الشكر على الانتظار والسموحه لاني اخليكم وايد تتريوون..~

 

[موزة النعيمي]

أتمنى بعد ردي هذا محد يرد.. لاني بنزل القصه^^

والشكر موصول لكل الزوار والضيوف متابعين قصتي

وخاصه طالبات مدرسة آمنه^.^​

 

[موزة النعيمي]

مسآء العنب. والتوت.. ​

ياورد هولندا وتفاح بيرووت...~؛​

عذرا​

عذرا​

عذرا ​

مجددا على التأخير. لن اشرح ضروفي كثيرا ولن اطيل..​

فهناك ما هو اهم لقرائته هع..~​

بس همسه:: ​

لصاحب القلم الذهبي..​

" مشاغب"​

لان ردوده دايما ماتعطي قصتي تأثير سحري في تتابع الاحداث ههههههههههه​

كل الشكر على متابعتك..~؛:hehe2:

" ولاتنسون تخلون السماعه شغاله^^"​

 

[موزة النعيمي]

في البارت الاخير. اذا تذكرون بياض السحب اتصلت في الكعبيه عشان اتيها العين وتكون جنمبها.. حليلها تكسر الخاطر. ماعندها حد. والكل تخلى عنها بسبب بنتها فراولة..!​

​

فراولة بعدها عايشه في القوقعه مالتها. وللحين مافي شي بيظهرها من اللي هيه فيه.~؛​

​

عل وعسى الكعبيه تقدر تساعد بياض في انهم يطلعون البنت من الصدمه النفسيه اللي تمر فيها.. والغصه انه الام هب داريه بشي ورفيجات فراولة مارضوا يخبرونها نظرا لان الام مريضه وماراح تتحمل صدمات...~؛​

​

الكعبيه من شافت حالتهم جذا قررت ماتخليهم الا وهيه مصلحه الامور ومعدله كل شي..~؛​

​

الله يكون بالعون​

​

البآرت الثاني والعشرين..(22)


في بيت فراولة

الساعه: 8:30 بالليل..

وصلت الكعبيه بيت بياض السحب.. وطبعا بوسلطان يدل البيت بس خله عمره انه مايعرف شي ورمس خالته بياض عسب ادليه. وبالفعل دلته. واول ماوصلوا..~
شافت البيت.. وشافت دريشة غرفتها.. وهو يتذكر اللي مضى. ويتذكر ايامه مع فراولة..~؛
قعد يطالع. واندمج وسرح بعييد..
وتذكر..لما كانوا جريان في بوظبي..~؛

فراولة: اهئ ماعرف احله بليز حله لي.!

بوسلطان: شو ماتعرفين تحليين.. سهل وايد مايباله شي.~

فراولة: يالله عاد بتحله لي ولا شلون؟ ترا معلمة الانكلش وايد عصبيه حرام بتضربني..

بوسلطان: زين زين خلاص فريه من الدريشه الكتاب وبيي اخذه..

فراولة(استانس): زين.

(بندت..فراولة كانت بالصف ثاني اعدادي وهو كان بالثني ثنوي ثنوي.~.)

وسارت تفره.. من الدريشه دون ماتنتبه ان هو تحت شوي والا ايي ع راسه هع.

بوسلطان: آآآآآآىىي.. صدق البنات ثيران.. خخخخ

وسار يركض صوب البيت<< طبعا لاتنسون وهو حافي هع..!!

الكعبيه: بوسلطان:؟؟ واخيرا انتبهت؟ وين سرت؟

لهفة الخاطر: امي يالله نزل مو هذا بيتهم؟

بوسلطان: هيه هيه هذا بيتهم..!

الكعبيه: زين خل عقلك ويانا لاتروح بعييد. سمعتني؟

بوسلطان: ان شاء الله

نزلواالجماعه وكانت بياض السحب تتريااهم عند البيت. ومن شافتهم ع طول.. كل وحده منهن حضنت الثانيه وطاح المصايح...!

الكعبيه( وهيه تبكي): الله يسامحج. كل هذا يصير ونحن ماندري؟ وين راحت الجيره يام فراولة؟ ليش قطعتينا؟

بياض السحب( وهاي بعد تصيح): شو اسوي الله اعلم بالحال.. محد شالني غير هالبنت.. واحين بعد مادري شو صايبنها..!

بوسلطان هو قاعد يسمع قلبه حارقه ومتغصص يبغي يعرف شو صاير فيها؟

بوسلطان: خالوه عسى ماشر شفيها فراولة؟

بياض السحب: علمي علمك وياوليدي.. انا اروحي ما اعرف شو صاير..

وبدت تحكي لهم الي صار قبل سنه ونص..]

اميرة: تيكت ايزي تيكت ايزي .. ممكن موبايلي عسب اوريكم فيديو ثاني ؟ هاهاهاهائ

قامت مس كلوزر عصب ومن شدة الغيض اللي فيها صفعت اميرة الكوف كف.

يزوي: ياحقيييييييييييييييييييره؟

اميرة الكون وقفت منصدمه. تصفعيني انا؟ يالخايسه تصفعيني انا؟

مس كلوزر: واصفع اللي يابوج يالحقيره ياللي مب مربايه. وشلت مس كلوزر التلفون ورقعته في الارض وكسرته وداسته مره وحده

اميرة الكون: صج ان مافيكم ادب بس ماعليه انا لي بواريكم ماعليه. سقوط المطر شلت اميرة الكون بسرعهمن الكانتين واطلعوا. البنات مستغربين مندهشين ومب عارفين شو اللي شافوا هل هو صدق او جذب.

يزوي: فراولة شو هذا الفيديو ارمسي؟( وهيه معصبه)

ذبحهم غروري: اخرتها هاي الخايسه تيود عليج شي مثل هذا؟ فراولة منو لي معاج؟قوووولي؟

يزوي وذبحهم متفاعلين وايد ومعصبين ويحاولون يعرفون شي..!

وفجأه من هذ كله صرخت فراولة وقعدت تصيح وهيه تضرب ع راسها.. شافتها مس كلوزر ويودتها.. من يدينها..!

مس كلوزر: فراولة خلاص هدي.قومي بنسير البيت

فراولة وهيه تصيح: ياحسرررررررررررررررتي.. ضيعت عمري..ياحسررررررررررررتي

مس كلوزر: فراولة خلاص الكل يطالع قومي بنسير البيت.

قامت مس وشلت فراولة هيه والبنات وودوها البيت ويوم دخلت.. بياض السحب من شافت بنتها بذيج الحاله زاغت.وقلبها طاح ع طول ركضت صوبها

بياض: بنتي؟ شفيها؟ شفيها ( وهيه خايفه موت؟

يزوي: هدي خالوه هدي.

بياض وهيه تتلمس بنها: اقولكم ارمسوا بنتي شفيها( وهيه تصارخ)

والكل ساكت مب عارفين شو يقولون.

بياض: وقامت تصارخ: شفيييييييييييييكم؟ بنتي بلاهاااااااااااااا؟ شو فيها جذذااااااااااااااااااااا؟؟

ورمست مس كلوزر وقالت: هدي خالوه فراولة مافيها شي بس تعبت علينا اليوم والدكتور قال ان الضغط نزل عندها عسب جذا هيه تعبانه وع طول يبناها البيت..!

بياض السحب: لا. انتوا جذابين. تجذبون عليه قولوا شفيها بنتي؟

يزوي: خالوه مانجذ هذا الصدق وتطمني حتى اسألي فراولة ..

وقامت الام ترمس بنتها وهيه خايفه متوتره تصيح.

بياض: فراولة امي شفيج؟ شو ياج؟

فراولة وهيه تصيح: تعبانه يا امي...!

بياض: تبين تاكلين شي. ها امي؟ رمسي اسويلج شي؟

فراولة: لا امي مابا شي..

وفجأه..​

​

​

صرخت فراولة من خاطر وزخت راسها وتمت تصيح..!

الام تخبلت من شافت بالنت بهذي الحاله والبنات قعدوا ساكتين ومب عارفين شو يسوون....ولكن ماحبوا يخبرون الام بالحقيقه لان هالشي اكيد راح يأثر ع صحتها..

​

​

​

 

[موزة النعيمي]

بياض السحب: ومن يومها يا اختي وانا مب عارفه شو فيها بنتي.. الا ساكته وقاعده في حالها..! وماترمس مع حد. ماغير هالدموع تنزل من عينها ..

( وقعدت بياض السحب تصيح)والكعبيه حذالها تهديها وتخفف عنها..

لهفة الخاطر: مسكينه فراولة. شو لي صار فيها؟

بوسلطان: من سمع هالرمسه وسمع بحالة فراولة ماعرف شو صاير بالدنيا شل بعمره ماقدر يستحمل يقعد معاهم طلع برع ويلس في الحوش وهو يفكر ويحاتي. شو صاير في فراولة؟؟ وقرر انه يعرف كل شي باي طريقة كانت...!

وعقب ما مرت ساعتين ونص...!

الكعبيه: انتي خلاص خلي الموضوع عليه وان شاء الله بنشوف حل

بياض: واملي فيكم كبير.. سمحيلي ياوخيتي اول ماشفتج ع طول خذتج بهمومي..
قومي يالله نتعشى واوريكم لغرف لي بتابتون فيها..!

الكعبيه خلاص اوكي انا ولهفه بايتين عندكم ان شاء الله..

بياض: وبوسلطان؟

بوسلطان: لاتحاتيني خالوه انا ببايت في السكن مالي...!

بياض: مايصير ليش عاد جذا خلك هني.!

الكعبيه: لا مايصير خليه يروح احسن..~

بياض السحب: شوركم وهداية الله..~؛

وطلع بوسلطان من البيت وهو يوصي لهفه انه من يتصل عليهم يردون عليه وبسرعه دون مايتاخرون..!

وقعد يحاتي فراولة شو فيها وشو صابها.. وقرر انه قد مايقدر بيحاول يساعد هله عشان يطلعونها من اللي هيه فيه..!

دشوا الغرفه عند فراولة. لقوها نايمه ولكن امها ححبت تصحيها عل وعسى تقوم شويه..!

بياض: فراولة حبيبتي قومي خالتج هي..

فراولة فجت عيونها وهيه بعدها مب مستوعبه...<< شو تتوقعون ردة فلعها يوم تعرف انها ام بوسلطان.!

بياض السحب: ام بوسلطان يارتنا الجديمه زايرتنا هيه وبنتها. قومي سلمي عليهم..!

فراولة.. من سمعت طاريهم. من شمة بس ريحة بوسلطان ع طول قامت.. سبحان الله.. تغير ويهاا.. حست براحه. حست بامان.. حست بالطمأنينه اللي كانت تحسها بوجودها مع بوسلطان. ماكانت تحاتي او اتخاف من شي..!ماكنات شايله هم فضيحه او عار لما كانت معاه....!


استانست وبدت هالعلامات عليها من اول ماسعت هالطاري.!

بياض السحب من شافت بنتها بذيج الحاله ماقدرت تصدق. ونادت ع الكعبيه..

بياض: الكعبيه تعالي فراولة قامت.

وفراولة ع طول نشت.. وقفت عند الباب( وهيه بكشتها) وبجامتها.. تشوف الكعبيه ومب مصدقه عيونها..!

سارت سلمت عليها وحضنتها.. وتمت اطالع فيها وفي لهفة الخاطر<< وكأنها وحده مينونه خخخ..!

الكعبيه: فراولة شحالج بنتي؟

فراولة ساكته وماترد. رغم الفرحه لي حست فيها الا انها سرعان مارحعت لغرفتها.. بمجرد انها ماشافت لهفة الخاطر وشبها الفضيع لبوسلطان. من حطت عينها بعين لهفة تذكرته.. وحست بالخزي والعار والفضيحه...! وماقدرت تجابلهم..!​

​

بياض السحب مستغربه من هذا كله ولكنها حست بتباشير خير.. من صوب بنتها.

بياض: افا بنت بلاج رجعتي الغرفه؟

فراولة. ساكته ومب راضيه ترد. فكرت. لو عرفوا. لو دروا بالسالفه شو راح يصير. وشو رايح يفكر بوسلطان.. والاكيد انه راح ياخذون فكره غلط× غلط عنها. وهالشي راح يصغرها في عينهم. ويصغر امها.


رجع الوسواس. رجع الخوف. رجع الحزن بمجرد ماحست بهالاشياء..! وقعدت تحاتي...~؛​

 

[موزة النعيمي]

وبالباجر..~؛​

​

في بيت العم زورو.​

​

الساعه :5:00 العصير.​

​

يافرحة الام. خطاطيب بنتها الاثنين موجودين...~؛ منو قدها..~؛

طبعا ام الشبلي من عقب ما اتصلت في قطرية ذوق حددت اليوم اللي راح اييون فيه عشان المعرس يشوف عروسته( النظره الشرعيه)..

سويره عندها علم بالموضوع وحتى يزوي.. ولامور ماشيه عدل.

صح انهم رافضين ولكن مسايرين.. ع اساس الخطه الجديده اللي في بال يزوي. والي سويره راح تنفذها..!

سويره: لاول مره تحس انها من جد عروس.. انها من جد راح تنتقل لمرحله ثانيه ومختلفه من حياتها .

وهيه قاعده مجابله عمرها في المرايه وتفكر

تحدر عليها يزوي وهيه تضحك مستهزئه..

يزوي: وصلوا خطاطيبج..!

سويره: هه عوذ بالله جي شوه انا كم واحد باخذ؟

يزوي: اقصد اهل خطيبج وزوج المستقبلي الي حاشرينا عليه.

سويره: مادري ليش احس برهبه.!

يزوي: اشوفج بديتي تعيشين الدور؟

سويره: وكيف ماراح اعيشه؟ يزوي لاتحرين الزواج لعبه انا راح اقدم على حيا ه ثانيه

يزوي قامت ترتب اغراضها: اي حياه اي بطيخ.. مب انتي لي تقولين انج ماتبينه؟

سويره: وهني المشكله اني راح ارتبط بشخص ما ابيه.. وبشخص انا انغصبت عليه.. وراح اتحمل نتيجة القرار الل ي اتخذته.!

يزوي: لاتحاتين شي كل شي بيكون في السليم وراج ترجعين البيت صدقني.

سويره(صدت صوب يزوي وهيه مستغربه): يزوويه خاطري اعرف بشو تفكرين؟

يزوي: حبيبتي كل شي في وقته حلو..!

سويره: افف منج ومن دواهيج. مافينا ع اخوج سي ار دام نفسه طيبه علينا لاتسوين مشاكل

يزوي: هههـ لا ماعليج لامشاكل ولا هم يحزنون..~؛

سويره رجعت قابلت عمرها في المرايه ورجعت تفكر.: ياربي. احين شو لي قاعد يصير؟ معقوله انا راح اتزوج؟؟؟؟؟!

وصلوا العربان ع الساعه 5 ونص.. قعدوا في الميلس. يسولفون ويضحكون.. وطبعا اليوم النظره الشرعيه لازم تصير.. سويره جاهزه وعارفه انهار اح تقابله وقابلها لكن ماكانت تعرف متى.!

وقت صلاة المغرب دخل.. الريايل كلهم راحوا يصلون ولكن.. خطتهم في كيفية الشبلي يشوف سويره كانت شوي تضحك..! هع.. خلونا نشووف

سويره كانت قاعده مع الحريم تحت..وفجأه من دخل وقت الصلاه الكل راح يصلي . من ريايل وحريم الا سي ار والشبلي وسويره وامها قطرية..!

سويره وهيه رايحه تبا تصلي فجأه زقرتها امها وقالت لها

قطرية ذوق: امي سويره قبل لاتروحين تصلين اخوج سي ار يباج.

سويره: وهو وينه؟

قطرية ذوق: في الحوش يترياج..

سويره: اويه ومحد رياييل في الميلس؟

قطرية: لا كلهم راحوا يصلون سيري شوفيه شو يبا.

سويره من عرفت انه مد في البيت راحت الحوش عند سي ار.

سي ار: هاه ييتي؟

سويره: هيه شو تبي؟

سي ار: ( ويحاول يمط في السالفه): اشوفج كاشه اليوم؟

سويره: مب اول مره هع. خلص شو تبي؟

سي ار: الا اختج يزوي وين؟ وهو يحركها شوي.

وخلاها مقابله لدريشة الميلس..! هع

ومن كان هناك؟

الشبلي موجوووووووود.. وطبعا .. الشبلي قعد يشوف براحته وشوي عيونه وتطلع من مكانها.! هع

سي ار من حس انه الشبلي شافها خلاص: يالله سيري انجلعي كنت ابا اشرب ماي لكن خلاص الرياييل احين بيون سيري بسرعه.

سويره: عفان الله توك شو زينك ضيعت لي وقتي.! اف منك. وسارت سويره تركض والشبلي يضحك عليها....!

قطرية: ها شو يباج اخوج؟

سويره: ماعنده سالفه وخطفت سويره فوق تركض غرفتها ههه..~؛

طبعا بهالحاله الشبلي شاف سويره ولكن سويره ماشافته..
​

 

[موزة النعيمي]

[FLASH1]http://dc08.arabsh.com/i/01203/kjq4wvqi6qbi.swf[/FLASH1]

 

[موزة النعيمي]

البآرت الثالث والعشــــــــــــــــــــرون(23)..:imuae16:

ومر اليوم لين مايت ع الساعه سبع ونص وترخصوا الجماعه وساروا عنهم.~​

سويره: غريبه عيل ماطلبوا يشوفوني؟​

يزوي: طع هذي لا صج صج عايشه الدور انتي.​

سويره: لا بس عبالي راح يطلبون هالشي يالله احسن لا اشوفه ولايشوفني.. افف ..
مادري ليش احس بهم على صدري. احس عمري مخنوقه​

يزوي: مخنوقه من شو؟​

سوييره : (قعدت تفكر بهالزواج): ماعرف يا يزوي. احس اني عقيت عمري في داهيه. ​

يزوي: لا ماعليج لاتحاتين شي..~​

سوييره: اففففففففففف والله انج هب حاسه بشي.! وسارت عنها.!​

ومن عقب ماساروا العرب منا.. هبطت بنت الكلباني هيه وريلها عتيج وراعي صوغه
والمنصوري ​

بيت العم زورو.~​

بنت الكلباني ع طول سارت تبارك لقطرية ذوق ع الخطبه اليوم وبشرتها انها بنتها الثانيه يزوي بعد.​

ولد عمها طالب القرب منها..!​

فرحة قطرية ذووق ماتنوصف. بناتها الثنتين وفي نفس اليوم؟ شي مستحيل وماكانت تتوقعه في يوم..!​

وصارت الزغاريط في البيت.. والكل فرحان.​

يزوي وسويره نزلوا حبوا يعرفون السالفه.​

الا وتنصدم يزوي براعي وهله في البيت..! لانها ماكانت حاطه شي ع راسها.! وع طول رجعت فوق​

سويره قعدت معاهم وعرفت السالفه وعرفت عن يزوي انها [ انخطبت رسمي من ولد عمها.​

سي ار: الف الف مبروووك.. وبنت العم لولد العم..​

بنت الكلباني: عيل شلون نخلي الغريب ياخذها؟ هه لا بوي بنتنا اتم بينا هع.~​

قطرية ذوق: هههههههههههههههههه​

راعي صوغه بين هذا كله يدور يزوي وينها . بس مالقاها و شاف سويره وهيه تخطف سريع.~؛؛ واستغرب..!​

وع طول سارت سويره عند يزوي وهيه منصدمه.!​

سويره: يزوي؟​

يزوي: (قامت وقفت): شفيج؟<< وكأنها حست انها راح تسمع شي مايسر..​

سويره: راعي خطبج رسمي من اهلي واهلي شكلهم موافقين...!!​

يزوي من سمعت هالرمسه.. طاحت من وقفتها . ويلست ع السرير وهيه مش مصدقه. بالاول كانت تخطط عشان مصيبة اختها اللي تشبثت فيها.. والحين هيه بنفسها طاحت فيها......!!​

يالله يارب سترك...!​

ومرت الايام.... وسويره عرسها قرب..! ويزوي سالفة خطبتها بعد شاله البيت. بين رفضها وبين اهلها لي يحاولون يقنعونها..​

الام والابو والاخ صاروا كلهم قد مايقدرون يفهمون يزوووي بالطيب...! وطبعا مثل المره القبليه سي ار اتخذ اسلوب العصبيه مع اخته...!​

سي ار: مافي جدال يايزوي. ولد عمج وبتاخذينه..!​

يزوي: شلون يعني؟ راح غصبوني شرات ماغصبتوا سوييييييييييييييره؟​

سي ار: نحن ماغصبناها ولكن سويره فكرت اروحها ورددت علينا ..​

يزوي: هيه صح صح.. اصلن انتوا ماعرف كيف جذا تغصبون بناتكم ع الزواج. ياخي انا مابي اعرس مابي غصب يعني؟​

سي ار: يزوي احسن لج لاتطلعيني من طوري...!​

يزوي: (وهيه ماشي مكمله) لاتتحرون مثل ماسويتوا معاها بتسوون معاي..!​

سي ار: يا يزوي لمي لساانج؟​

يزوي: تراني مب شرات سويره بكلمه كلمتين بخاف منكم وبوافق سمعتني....!؟.؟.
سي ار: انتي شكلج مابتأدبين الا لمن تنمد ايدي عليييج...!​

وماتحس يزوي الا بكف اييها من اخوها يعقها في الارض.....! ​

لطمة قوية يتها..! ​

خلتها تصحى من هذاك اللعيان كله...!​

وطلع سي ار عنها. وخلا يزوي بذيج الحاله.. ولا مره في حياتها ضربها اخوها..! ولا مره تجرا ومد ايده عليها..!​

احين يضربني؟ ماسواها وانا صغيره يسويها وانا كبيره؟ قعدت يزوي في " ​

حالة ذهول".....!​

رساله لمن هم اكبر منا: ​

" ندري ان الاهل اهم شي عنده مصلحة بناتهم وعيالهم. لكن عمره الغصب ما اييب غير الدمار وما ايب غير النتائج الوخيمه اللي عقب محد بيقدر يتحملها واللي بيتشارك الكل في مسؤوليتها.!
يزوي وموقفها معا هلها . يمكن مالها حق انها ترفض بحكم انها تظن هالفكره راح تفرقها عن توأم روحها سويره ويمكن الاهل لهم الحق في هذي الحالهانهم يدخلون ولكن." مب بالغصب"...~​

وصدقوني.. ماراح تحسون بنتايج الاجبار والغصب في المواقف الغلط الا بعدين.!​

الله كريم..ْ​

 

[موزة النعيمي]

وفي بيت فراولة.​

الكعبيه يالسه مع بياض السحب يسولفون ولهفة الخاطر يالسه مع فراولة وتحاول شوي اتسويلها جو....!فقالت انها راح تشلها المطبخ يطبخون اي شي ويتكلمون.~​

ولهفة الخاطر وهيه تطبخ تسولف وتتكلم ولكن فراولة ساكته..اللهم تطالعها بنظراتها.وماتشاركها ابد الحديث..​

لهفة الخاطر( وهيه تصب القهوه في الدله): تدرين فوفو اخوي قال انه بيدخلني هني كلية التقنيه في العين؟​

ولا بعد احتمال اني نسكن العين ونودر بوظبي.. شو رايج انتي.؟​

فوفو م سمعت طاري بوسلطان شي تحرك داخلها. ودها لو تسمع اخباره او اي شي ثاني.. ودها لو ع الاقل: تسمع صوته الي كان يحسسها بالامان"..~ تسأل هو وينه؟ وليش ماتشوفه موجود معاهم ؟​

وجان ترمس فراولة: اخوج وينه؟​

لهفة الخاطر ع طول صدت صوبها ماصدقت ان فوفو رمست..​

لهفة: هو موجود هني بالعين وكم مره يا بيتكم ولكن انتي يا راقده يا بغرفتج.​

فراولة: ومماراح ايي اليوم؟​

لهفة: اكييد بيي.. ويمكن نطلع السوق اناوياه. مم شرايج تروحين معانا؟​

فراولة ماعرفت شو ترد ولكن.. خوفها من الفضيحه يستبعد كل شي من بالها ويخليها تحكر عمرها في غرفتها. وخاصه جدام" بوسلطان"..~؛!​

وطلعت فراولة من المطبخ وسارت غرفتها.​

لهفة الخاطر: فراولة وين تعالي؟.​

وقعدت تفكر ..​

انا لي بعته يوم كان شاريني.. انا لي حطت قلبه وكان يحبني بصدق.!
شو اللي استفدته من اللي سويته؟ غير الدمار. يالله ياربي.. شو اسوي؟ يالله ياربي. طلعني من اللي انا فيه. ظلمت انسان معاي. وظلمت نفسي..!~​

لا اله الا انت سبحانك اني كنت من الضالمين.​

قامت فراولة وتوضت وقعدت تصلي. وتصلي.. وتصلي وهيه تدعي ربها وتبكي.....!​

لا إله إلا الله الملك الحق المبين لا إله إلا الله العدل اليقين.
لا إله إلا الله ربنا ورب آبائنا الأولين سبحانك إني كنت من الظالمين.
اللهم لا تحرمني وأنا أدعوك وتخيبني وأنا أرجوك. اللهمِ أني أسألك يا
فارج الهم ويا كاشف الغم يا مجيب دعوة المضطرين يا رحمن الدنيا يا رحيم الأخرةارحمني برحمة تغنيني بها عن رحمة من سواك يا أرحم الراحمين.​

وصلى الله وبارك على سيدنا محمد عليه افضل الصلاة والسلام..~​

( اللهم استر على بناتنا واخواتنا.. وبنات المسلمين واخوات المسلمين في كل بقاع الارض..)
اللهــــم آآمييين...~؛​

[ عل وعسى تكونين عبره لغيرج يافراولة...~​

حكمة قالها احدهم.:​

عندما ترتڪب خطأ ڪبيرا .. طرف آخر سيستفيد منـہ ..​

 

[موزة النعيمي]

وفي بوظبي.. والد ابوسلطان دانتي صار له ثلاث ايام وهو يحاول يعرف عياله وينه وحرمته وين. يتصل عليهنم ولكن مايردون. وحرمته محتشره معاه ادور.. وشالين البقعه فوق وتحت ولكن. بدون فايده.. بيموتون وهم هب عارفين وينهم هع..~​

وتمر الايام .. وتبدأ حياة سويره تدخل في الجد.. موعد العرس قرب ومابقى عليه الا اسبوع.!​

ويزوي استسلمت. ومافي مجال للرفض .. سي ار. مثل ما اجبر اخته سويره اجبر يزوي. وهالمره كانت على يزوي بشكل اقوى..​

يزوي: انا مابتزوج يعني مابتزوج.
سي ار: ولد عمج وبتاخذينه ولاتقعدين تعاندين فهمتي؟ ويسكر الباب عنها ويطلع..
وتقعد تصيح كالعاده لين ماتيها اختها سويره​

..
ونفس الشي.. الابو يحاول بالطيب​

زورو: بنتي يزوي.. مايصير اللي قاعده تسوينه.
يزوي: ابوي وبعدين معاكم. كم مره اقولكم. انا مابغي افترق عن اختي الله يخليكم افهموا..( وتقعد تصيح)
يقوم ابوها ومابيده غير انه يحضنها ويخفف عنها
ويقول في خاطره
زورو: ( سامحيني يا يزوي بس هذا كله عشان مصلحتج..)...​

يزوي ماعرفت شو تسوي.. قاومت وقاومت ولكن ماشي فايده..​

سي ار: الف مبروك يا راعي.. منك المال ومنها اليعال يارب.​

عتيج: الف الف مبارك والله يبارك لكم وعليكم في حياتكم..​

زورو: عيل خلاص نخلص من عرس سويره.. ونتفق بعدها على عرسك انت ويزوي..​

راعي صوغه: اللي تشوفه عمي وانا تحت امركم..​

وفي وسط هذا كله يزوي تسمع وتسكت. انحطت في الامر الوقاع. استسلمت. وخاصه انها بدت تلاحظ انه اختها سويره الفتره الاخيره تنشغل عنها
بروحاتها ويياتها للسوق.​

تشري هذا وتاخذ هذا. نفسية سويره بدت تتغير.. بدت تحس بالزواج وانه هالشي حقيقه ولازم تتقبلها بد ت تحس بشي حلو. ماندري هل هالاحساس راح يستمر ولا راح اتي يزوي وتخربه..!​

سويره: يزووي شرايج بهالثوب حلو صح؟​

يزوي: وليش ماخذته؟​

سويره: بس عجبني وقلت باخذه..​

يزوي: يعني مب للعرٍس؟​

سويره: هاه؟ آآ .. لا شله العرس​

.. دام عندي بيزات خليني ادلع عمري هههه.. وخطفت سويره عنها..~​

عدت الايام .. ومر والاسبوع لين مايا موعد العرس. في هاليله الكل مرتبش​

الكل فرحان. والكل مساتانس الا يزوي متتخذه موقف عدائي من الكل واولهم من اختها." سويره"..​

ليلتنا الليله خلوها صبآآآحي...~
​

ومر الاسبوع . ويا اليوم المنتظر لسويره والشبلي. ويمكن الشبلي يترياه اكثر من سويره..~؛:giving-up:

​

سويره: الله يهديج يا يزوي. عاد بس خلاص ليش معصبه؟​

يزوي: ومن قا ل معصبه اصلن انا مادري ليش كل هالخساير وانتي اللي اونج ماتبين العرس..!​

سويره: يزوي.. العرس وبيصير اليوم. وهالشي برضاي ولا غصبن عني بيصير.. فخليه يصير برضاي احسن من انه يصير غصب عني..~​

يزوي: اووه لاه. فكينا من رمستج.بس خلي هالليه تعدي..وعقب تسوين لي قتلج عليه..​

سويره: ماعليه يزوي. لاتحاتين اللي تبينه بيصير..^_^​

يزوي: اتمنى. ماتغيرين رايج. ​

وسارت يزوي عنها..~​

سويره: الله يعيني....ورجعت سويره تتاكد من كشختها ومن فستانها..​

سويره: حلو احساس المرأه في ليلتها. يااااااااااه.. مادري هالفرحه لي فيني صجيه ولا جذبيه؟ بس بجد وناسه..الله يعدي هالليله ع خير وماتخربها يزوي..~​

 

[موزة النعيمي]

[ امباركن عرس الاثنين ليلة ربيعن وقمرآ واللي جمع بين قلبين الله يطول بعمرهـ ]​

ومن صوب في قاعة الرياييل الشبلي مستانس حده .. وكاشخ..​

سي ار: شعليك يالمعرس.. شو هالكشخه ههه​

الشبلي: يعني عرسي وماتباني اكشخ؟​

سي ار: الف الف مبروك ان شاء الله منك المال ومنها العيال​

الشبلي: الله يسمع منك الغالي.​

ويوصل راعي​

راعي صوغه: حيهم بوالشباب الشبلي الف مبروووووووووووووووووك.​

الشبلي : يبارك في حياتك يالله عقبالك​

راعي: قريب قريب مره بعدك ههههههههههههههههههههههه​

سي ار: غربلاتك ههههههههههههههه​

والرياييل في قاعة مستانسين واليويله ايولون. وراعي يدخل عرض عليهم يرزف معاهم. وسي ار نفس الشي.. وكل الشله..​

عتيج: الله يتمم له ع خير ان شاء الله.. ويسعد بنتك ويستر عليها ويهنيها​

زورو: الله يسمع منك اخوي. وعقبال ولد ان شاء الله..​

عتيج: قريب ان شاء الله.. من عقب سويره ع طول يزوي بتخطف هههههههه​

زورو: وهو يتذكر رفض يزوي : ان شاء الله خير...​

وفي قاعة الحريم.. يت الساعه اللي لازم تدخل فيها سويره. شيخة الحريم..سويره: زينة العقل..​

الكل ينتظرها وينتظر دخلتها..​

وبالفعل.​

تدخل سويره العرس. وهيه ملكة اليله.. هيه اسطورة الليله. وهيه جمل هاللليله


الكل يطالعها,, ويتمنظر فيها.. خذت جمال الكون كله. سبحانه ربي كيف فيها اودعه وتدخل على الزفه..​

يا ناس صلو عالنبي ذكر النبي فايداه . . يا ناس صلو عالنبي ذكر النبي فايداها ​

يا ناس شوفو حسنها بنور منها و حولها لا إله إلا الله قولو لا اله الا الله


الليل ساكن شعرها و الكحل أصل رموشها لا اله إلا الله , لا إله إلا الله


عيونها عيون المهى وأحلى الورد بخدوها لا إله إلا الله , لا إله إلا الله


أسمر على أبيض لونها سبحان ربي زانها لا إله إلا الله , لا إله إلا الله​

وسويره وهيه تمشي.. وامها حذاها من صوب. وسنفوره من صوب يزفونها..
سويره مرتبكه خايفه.. وتحس الدنيا ادور فيها .. لان كل النظرات عليها ولكن بالاخير..​

" احساس كل انثى تمناه"..​

وتوصل سويره لين الكوشه وتقعد ويزوي يالسه على جنب تشوف اختها ودموعها في عينها..! مب قادره تتحمل...~​

ومن وقتها يزوي حست بيرود.. العصبيه كلها راحت منها..​

قطريو ذوق: كلولوولولولولوووووووووووش..​

سنفوره: الف الصلاة والسلام عليك ياحبيب الله محمد​

ويزغرطن الحريم ويترسن القاعه ككلها زغاريط الفرح..​

والورد يطيح ع سويره من كل صوب. وهيه تحاول تلمح اختها يزوي. ادورها وينها ولكنها شافتها واقفه بعيد وهيه اطالع اختها.. أشرت عليها وقلت لها تعالي ولكن يزوي
في صوب اروحها تصيح..!​

قام الكل يسلم ع سويره الكل يحضنها و ويتمنى لها حياه سعيه.. الا يزوي واقفه بعيد.. وهيه كل شوي تلكحها وتناديها ولكن ماشي فايده​

الكل يتصور حذاها.. الام وام الشبلي وام عقوص. وكلهم. ويزوي بعدها في حالها...!​

ام عقوص استغربت وسارت عندها.. وحاولت تيبها وبالفعل مطتها وايبتها. وقفتها عند اختها وتموا يتصورون معاها​

سويره همست في اذن اختها​

سويره: اوعدج يا يزوي.ماراحح نفترق لين المووووت...​

يزوي من سمعت هالكلمة صدت صوب واختها وارتمت في حضنها وتمت تصيح..!!!!​

 

[موزة النعيمي]

هوامش البآرت (23)...~.؛\​

ومر الوقت. ارتاحت نفسية يزوي شوي..​

لين مابدت تخف القاعه. ودخل المعرس..شو شعورج ياسويره وانتي تشوفينه لاول مره في حياتج؟.؟.<< جذابه مش ا ول مره خخخخ​

طبعا سويره حست بشي غريب.. وخاصه يوم وقف جنبها.. ورفع الطرحه عن ويهها وباسها فوق راسها وقال​

الشبلي: مبروك ياسويره..​

من الحيا مارامت تحط عينها بعينه.. مارامت تسوي اي شي..​

بس نزلت راسها والباقه في يدها شوي واطيح وامها تيبها لها ههه..​

شعور غير. حست فيه سويره الرهبه بدت تزيد في قلبها.. الخوف بدا يظهر مناه.. ​

معلوم وهيه لي ماتعودت عليه ابدا.. وكأنه مخلوق غريب وقاعد عداالها...!​

قطرية ذوق: الله مبرووك يالشبلي منك المال ومنها العيال ولدي.​

الشبلي وهو يضحك: يبارك في حياتج عمتي.​

ام عقوص: واخيرا مابغينا نشوفك معرس هههههه وقامت تبوسه. وتزغرط.​

وبلاك كات عدالها: الشبلي خف خف ع عمرك ههههههههههه​

الشبلي: انتي جب​

بلاك كات: مابرد عليك احينه حرمتك حذاك ما اروم اقول شي​

سويره: هههه..​

وصد صوبها الشبلي وهو يقول: ماعليج منها تراها ملسونه​

بلاك كات: بس بس عاد اونه ملسونه قال هههههههههه​

والشبلي هو شوي ويطالع سويره. شوي ويصد صوبها مب شبعان منها. جان تقرب منه امه وتقوله في اذنه​

سنفوره: عن اللقافه عاد.. بتشبع منها عقب هههه​

الشبلي: ههههههه​

والكل مستانس ودخلوا الرياييل اخوها وابوها وعمها واخال المعرس يتصوروون ​

رباعه..وتصوروا صور هبل. عاد سي ار والشبلي مايتولفون ههه..​

بين هذا كله يزوي ظلت بعيده قلبا وقالبا وماحبت تشارك كثير...~؛​

سي ار: احين من يصدق انك معرس؟​

الشبلي: هه عقبالك يالدب​

سي ار : لا بعيد بعيد..​

ومن صوب ام عقوص تسولف مع بلاك كات: ورا المعرس..ع اساس ان الشباب جدام فهم وقفوا ورى . وكان صوتهم شوي عالي بحكم الاغاني المشغله​

ام عقوص: شو تقولين؟؟ ماسمعج تراني​

بلاك كات: هذا لي لابس غتره حمرا وعقال​

ام عقوص: اي واحد تقصدين( وهيه تصارخ)​

بلاك كات: هذا لي لاصق في اخوج اف منج. من هذا؟​

ام عقوص: هيييييييييييييييييييييييييييييييه,, قصدج سي ارررررر؟؟؟​

سي ار من سمع اسمه ياي من ورى جان يصد ال ويشوف بلاك كات وام عقوص يسولفون عنه​

وشو يالفضيحه. وشو يالقفطه ههههههههههه​

بلاك كات وام عقوص ويهم احمر وع طول راحوا ونزلوا من الكوشه وساروا يقعدون​

سي ار استغرب. منو هذيل لي يرمسن عنه.؟.​

بلاك كات: حسبي الله على عدوج هب حس عليج خليتي الريال يسمع​

ام عقوص: يالفضيحه شو بيقول احينه؟​

بلاك كات: خطفي خطفي جدامي الحمام لابركة فيج خخخخخخخخ​

وهن رايحات الحمام وبحكم ان القاعه شبه فاضيه سي ار ماخازت عينه عن " بلاك كات"....! وماخز عن باله ليش هذيل البنات يرمسن عنه هع.>> خلك متحرقص.~​

خلص العرس.. وراحوا الجماعه. وصارت الزفه والكل استانس وتونس.. والكل فرحان.. على اخر شي قبل لا العروس تروح.​

حبت انها ترمس يزوي. وبالفعل سلمت عليها وقعدت توصيها​

سويره: يزوي حبيبتي لاتحاتين.. صح اني بروح بيت ثاني لكن تأكدي مافيه شي بيفرق بينا.. وانا ابغيج تكونين مستانسه بزواجج من راعي.. ولاتعاندين وكبري عقلج شوي..شوفي عاندت انا واليوم الحمدالله واقفه مع ريلي.. ومستانسه...!​

يزوي: شوه؟ مستانسه؟ وهذا انتي توج لي توعيديني؟​

سويره: وانا عند وعدي لاتخافين حبيبتي..!​

يزوي: واللي قلت لج عليه بسوينه؟​

سويره: بسويه..​

يزوي: من اليوم؟​

سويره: من اليوم لاتحاتين ..^_^​

يزوي: اوعديني ياسويره.​

سويره: ماودها توعد يزوي فقالت لها: ان شاء الله بسويه..​

يزوي: قلت لج اوعديني..​

سويره: (مارامت ترد اختها): اوعدج يا يزوي اني اكل الحبوب اليوم..!​

يزوي: وكل يوم؟​

سويره: خلاص عاد يا يزوي ..لاتسوينها كبيره​

ويت قطرية ذوق: سويره بنتي يالله ريلج يترياج.​

وباست سويره يزوي اختها وسلمت ع امها واخوها وسارت عنها ركبت السياره وهيه اطالع اختها يزوي وقلبها معورنها عليها..!​

والله يعدي هالليله ع خير..!...~​

وانتهى العرس..​

انتهى البآرت​

سويره بدت تدخل حياه يديده​

يزوي بدت تستخلي بغرفتها من دون سويره.. نومتها راح تكون اروحها. كلامها راح يكون مع نفسها.​

راحت سويره.. توأم روحها اللي كانوا ماينامن الا وهن واعدات بعض.​

الا وهن حاضنات بعض.​

وماننسى بجامة الدبدوب الي يلبسونها يوم ينامون.​

كل هاللاشياء دخلت في باب الذكريات.​

وصارت من الماضي واحين..​

كل شي تغير.. تبدل..​

سي ار.. راح يسوي ضنكم مع يزوي نفس اللي سواه مع سويره؟​

همسه.. من...( ...... مجهول الهويه لين تعرفونه في نهاية البارتات اليايه)..​

" الا الغصب.. لاتغصبون.​

الا الفراق.. لاتفرقون...​

كل شي بالطيب.. وكل شي بالهداواه..​

كاني غصبت اثنين من احب الناس لي.​

وشو استفدت في النهايه​

غير اني خسرت الثنتين....~؛​

وشكرا لكل المتابعين​

وانتظروني في البارتين اللي قبل الاخير..~​

يزووويه...ْ​

( واسفه ع التخبيصات الكتابيه والاخطاء..)​