"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

همسه حزينه:​

صدمة قلبية اوقعتها في صمت مريب لن يفهمه احد ولن يستطيع فك شفرتها احد
الكل يتسائل من حولها
مابها. ومن هذا؟ ومالذي حصل.؟​

الكل اصبح ينظر لها بنظرات الاحتقار
بنظرات الاحتظار
لحياتها التي اصبحت مكشوفة الغطا امام الجميع
ماعدا
" الام الحنون"​

ونكمل مابدأناه هنا..​

:imuae83:​

 

[موزة النعيمي]

البارت الواحد والعشرين(21)​

في تلك الغرفه المظلمه.. المؤلمه.. الغرفه التي باتت الملجأ الوحيد الذي تلجأ اليه.. من بعد تلك الصدمه القوية التي الحقت بها العار.. امام زميلاتها.. امام العالم بأسره.. لاتستطيع الحديث.. لاتستطيع التكلم.. تمر الايام وفراولة على تلك الحاله..! لاتفسير لصمتها الغريب.. لايوجد هناك اي طريقه لجعلها تتحدث ..​

كل اللذي نراه من تصرفاتها هو( الاكل) فقط....!!​

خبر فراولة انتشر في الكليه..! والكل عرف بالي صاير.. والكل عرفه حالتها النفسيه اللي تمر فيها​

وصل الخبر عند عزوز وماكنت ردة فلعه غير انه ضحك وقال: تستاهل....!!!​

ومن يومها مافكر يتصل فيها.....!!!

ابد
ابد
ابد
...!​

[ بعد مرور سنه ونصف ]
[ بعد مرور سنه ونصف ]​

في بيت فراولة​

( وهيه يالسه اروحها في الغرفه. ساكه الستاير. ومبنده المكيف.. والغرفه ظلمة)​

تدخل عليها امها وهيه شايله الغدا لبنتها.. ودموعها في عينها على حال هالبنت
فراولة يالسه ع زواية الغرفه.. والدموع جفت من عيونها.. مافي شي يتحرك فيها وكأنها في عداد الاموات..!​

قلب الام يتقطع عليها وهيه مب داريه شو تسوي..!​

دخلت الام الغرفه بشويش.​

شغلت الليتات ​

وسارت صوب بنتها فراولة:​

بياض السحب: حبيبي فراولة تسمعيني؟​

وفراولة ماترد.​

بياض السحب: امي قومي كلي لج لقمه من كم يوم صار لج مب ماكله.!​

وفراولة ابد ماترد​

بياض السحبL وهيه تفتح غطايا الصحون): سويت لج اللي تحبينه .. اعرفج تموتين في المجبوس مالي. يالله امي قومي.!​

وماشي ابد ردة فعل من فراولة ع كلام امها..!​

بياض السحب: فراولة حبيبتي.. يابعد طوافيي انتي( وبدت تصيح كالعاده ) قومي امي عشان خاطري حطي هاللقمه في ثمج.! بنتي؟ شو صار فيج.. الله يخليج تكلمي.. سمعيني صوتج..الله يخليج سمعيني صوتج..( وتمت تصيح)​

وفراولة تنزل دموعها اربع اربع من عينها دون مماتنطق بحرف.. قات امها وحضنتها.. وهي تصيح عليها​

بياض السحب: واعليه عليج يابنتي. قلبي تقطع شو يصبررررررررني..( وهيه تصارخ): يالله يارب شوووووو يصبرررررني....!!​

فراولة: والدموع اربع اربع...!​

[ غرريب يازمن طبعك على وين بتودينا]​

في بيت زورو
الساعه :3:15 الظهر​

يزوي: هلا مس كلوزر.. شو متى نروح اليوم؟​

مس كلوزر: رمست ذبحهم غروري وقالت بطوف علينا ع الساعه 5 العصر​

يزوي: خلاص تمام اترياكم...!​

وسكرت يزوي الخط عن مس كلوزر وامها حذالها.​

قطرية ذوق: مسكينه هالبنت شو صابها جذا مره وحده؟​

يزوي(آآآه): يا امي.. مانعرف.. مانعرف...!​

قطرية ذوق: الله يكون بعون امها ان شاء الله​

يزوي: آآآمين ياارب​

وقعدت يزوي تتذكر الفيديو.. واللي معا فراولة.. بغت تعرف منو هو؟ ولكن ماتحيد ان فراولة مخبرتنهم شي عنه ..وجان فجأه تتذكر ذاك الموقف..! اللي يوم كانت فيه مع فوفو في السياره...!​

 

[موزة النعيمي]

ولكن سرعان ماتقاطعها سويره

سويره: يزووووووووووووووي؟

يزوي: هلا؟

سويره: اف حشا من متى اناديج ماتردين..!

يزوي: سوري ما انتبهت.

سويره" شوفيج؟ شو شاغل بالج؟

يزوي: افكر في فراولة شوالفتها تخيلي..! من صار ذاك الموقف.. وهيه مول ماترمس ولا تتلكم صمن بكم .. ولا كأنها عايشه في هالدنيا وامها لمكسينه متخبله..

سوير: جربتوا تودونها عند كتور نفسي؟

يزوي: ودتها امها ولكن بعد ماشي فايده قامت تضاربهم وتشاتمهم

سويره: عووذ بالله شو صاب هالبنت؟

يزوي: يالله عسى خير انا بسير اليوم عندها. تروحين معاي؟

سويره: لا فديتج مافيني ع عوار القلب.! بس ماعرفوتوا من الريال اللي كانن معاها

يزوي: لا ولا عرفنا بعد رقمه.! بس اكيد اللي بالي بالج

سويره: بصراحه ماتوقعت من فراولة هالشي.!

يزوي: ولا نحن .. من جد انصدمنا.. ولكن هيه حاليا تمر بضروف صعبه ومافيه حد مايغلط ولازم نوقف معاها

سويره: صح كلامج لاتقصرون معاها اكيد هيه ندمانه ع اللي سوته.. عسب جي هيه حالتها جذا.!

وقامت يزوي تبغي تسير غرفتها عسب تزهب وترتب امورها

سويره: الا اقول يزوووووووووي؟

يزوي: شووه؟

سويره: اليوم في وحده بتزورنا.

يزوي: منو هي؟

سويره: ام عقووص..!

يزوي: استغفر الله شو بييبها؟

سويره: لاتنسين يا يزوي ان السنه ونص مرت.!!

يزوي صدت صوب اختها : ادري انها مرت مايحتاي تذكريني..!

وسارت عنها

سويره: اففففففففف.. شو هالزواج العله اللي يايني بغصب. يالله ياربي.. ع كثر ماكنت احس بشي غريب من سمع طاري هالريال كرهته.!..! وكرهت اهله. وكرهت اخوي وياه.!
زواج غصب انا شو لي خلاني اوافق..! استغفرك ربي..!!


وفجأه رجعت يزوي.. ووقفت جدام اختها وهيه سامعه كل تحرطيمها..!

يزوي: سويره مايحتاي تسمعيني هالرمسه دوم.! انا مقدره انج ضحيتي عشاني وعشان دراستي.. وانا مستحيل انسى هالشي او اني انركه في يوم. فهمتي؟

سويره: بس انتي ابد مب راضيه توقفين معاي؟ انا بديت احس بخنقه من اشوف ان موعد العرس قرب.!

يزوي: ماعليج.. ممم انتي ماتبين تعرسين صح؟

سويره: مابغي اعرس..

يزوي: بس لانج عطيتي كله حق اخوي واخوي عطا كلمه حق العرب راح تنغصبين ع العرس صح؟

سويره: صح.
.
يزوي: خلاص عيل لاتحاتين شي.. واضمني انج بترجعين بيت اهلج من ثاني يوم عرسج

سويره: من سمعت هالرمسه زاغت وبدت تخاف من تفكير يزوي..

سويره: ليش ع شو ناوية يزوي؟

يزوي: كل شي في وقته وانتي لاتحاتين..!

سويره: يزوي خبريني بشو تفكرين لاتخورنيها.!

يزوي: لا ماعليج مابخورها.. وانا ببسوي المستحيل بس عسب مانفترق ونظل مع بعض ع طول..

وسارت يزوووي عنها وسويره مب عارفه بشو تفكر يزوي

سويره: والله وصرت ما افهم لج يا يزوي..!



وفي بوظبي..

الطمع بدا يتخذ مجراه في حياة دانتي والد ابوسلطان.. وبدا يتحرك عشان اييب نته عدنده وايوزها ولد عمها عشان الحلال كله يروح صوبها هيه وعيالها اللي راح تيبهم..!

خلونا نشوف..

غلا بني كعب: احينه هيه ماكلمت ال18؟

دانتي: امبلى كملتها من كم سهر.!

غلا: خلاص عيل .. يعني البنت مب اصر وتقدر تشلها باي وقت.!

دانتي: بس ياخي مافيني يصير مثل اللي صار اخر مره.!

غلا: مابيصير وجان تبا بسير معاك انا

دانتي: لاخلج انا بسير اليوم عندهم وبقلمهم..! ان ولد عمها جاهز ويتريها.. وبعطيهم مهلة يومين ترتب اغرضاها واشلها.

غلا: ولو ماطاعت بالطيب عليك بالغصب تراه لو تمت في بيت امها صدقني بيطير كل الحال من ايدك..!

دانتي: خلاص ماعليه.

وسار دانتي عنها.. وهيه مستانسه حدها بخططها الشريره اللي قاعده تنفخ راسه فيهن..!

:huh-:​

 

[موزة النعيمي]

وفي نفس الوقت في بيت ابوسلطان.

يالسين يسولفون ويرمسون والجو منسنهم كل شي..!

ابوسلطان: خخخخخخخخخخخخ قسم تركيبنه تموتين انتي وين وهالالعاب وين.!

لهفة الخاطر: خل عنك عاد شو هالياره اللي فيك جنك ماتزيغ انته

ابوسلطان: احمز ومن قال اني ازيغ يلا يلا مناك..!

وفجأه يرن التلفون .. وتسير لهفة الخاطر ترد

لهفة الخاطر: الو..وعليك السلام.. هيه نعم بيتها.. ثواني بس اناديها.

ابوسلطان: منوه؟

لهفة الخاطر: ماعرف وحده تبغي امي..!

وسارت لهفة الخاطر صوب المطبخ تنادي امها

الكعبيه: وماقالت لج منو هي؟

لهفة الخاطر: لا. يالله امي خلي الوعايين اكملهم بدالج.. سيري ردي..

وسارت الكعبيه ترد ع الفون..

الكعبيه: الو.. السلام عليكم.

بياض السحب: وعليكم السلام ورحمة الله. ام بوسلطان؟

الكبيعه: هيه نعم منو الغاليه؟

بياض السحب: معاج بياض السحب يارتكم الجديمه في بوظبي جان تحيدين.

الكعبيهمن سمع اسمها طارفت من الفرحه. جارتها وكانت من اقرب الناس لها ولكن الظروف شائت انها تفرق بينهم...!

الكعبيه: بياض السحب: ماغيرج؟ ويعلني فدا هالصوووووووت.. انتي وينج . ووين دارج؟

بياض السحب( وفي صوتها غصه): موجود يا ام بوسلطان بس الدنيا تلهي

الكعبيه: من رحتي لعين لا تصال ول اهم يحزنون شدعوه عاد؟

بياض السحب: سمحيلي والله الغاليه بس انتي بالحال... انا يدوبي قايمه بعمري وفيني بلاي لدنيا كلها.

الكعبيه( وهيه متوشله): بسم الله لعيج شفيييج؟ عسى ماشر؟

عاد هني بياض السحب مارات تسكت. وقعدت تصيح وهيه مب عارفه شو تقول.. وبدت تشكي الحال عنها. ومرضها وعن بنتها فراولة والحاله اللي هيه فيها من سنه ونصف.

ابوسلطان ولهفة الخاطر وقفوا يسمعون مستغربين. منو هاي ا لحرمه...

وفجأه..​

​

الكعبيه: شوووووه؟ من سنه ونص وهيه ع هالحاله؟

بياض السحب: هيه والله وماخليت دكتور ولا طبيب ولا عرفنا اشفيها..!دخيلج جان ترومين قربي صوبي العين محتاجه حد معاي انا تعبت ونفسيتي تعبت ومالي حد.. اختي من يوم طاحت بنتي وهيه ابد ماتعاودني ولاترد ع اتصالاتي وكأني مسويه شي يخزي وتبا تبتعد..

الكعبيه: لاحول ولا قوة الا بالله لعلي العظيم. ان شاء الله ازمه وتعدي وبعد قيبي والله..اشوف بوسلطان متى اييبنا وع طول نييج..!

بياضالسحب: اترياج حبيبتي ولاتنسين ترا هذا رقمنا وخزنيه عندج..!

الكعبيه: تمام حبيبتي. ماعندكم رقم بيت؟

بياض: لا والله .. وترا هذا لاموبايل بنتي فراول بس هيه وين عن الدنيا !

خلاص حبيبتي اخذه ان شاء الله وانتي لاتحاتين ان شاء الله اليوم يايينج..

وبندت الكعبيه التلفون عن بياض السححب وهيه قلبها معورنها

وسلطان: امي منو هاي؟

الكعبيه: هاي يارتنا الجديييمه الي كانت تسكن حذانااا الا اقول خزن خزن هالرقم..

بوسلطان وفتح تلفونه عشان يخزن الرقم...!

وشوي وشوي الا ويشوف انه رقم

الكعبيه: 55 اخر رقمين.. ها خزنت؟

بوسلطان(رقم فراولة؟) في خاطره.!

الكعبيه: هاه خززززنت؟

بوسلطان : هيه هيه امي خزنته

ابوسلطان من شاف رقم فراولة زاغ. شو ياب رقمه. معقوله تكون هاي امها..
شو اللي مستوي..

بوسلطان: امي منو هاي؟

الكعبيه: هاي يارتنا بياض السحب وحليلها تعبانه ومريضه وبنتها طايحه عليها وهيه مب عارفه شو تسوي

عاد هني بوسلطان من سمع اسم امها تيقن انها هيه وزاغ ع فراولة لانها طايحه.. مريضه. شو فيها ؟ شو صاير فيهم؟

رد يسأل امه: خير امي شو فيهم؟

الكبيه: ماعرف ياوليدي انت قوم يلا بوي انقض ونسير عند الحرمه العين

بوسلطان ان شاء الله امي يالله اسير اعبي بترول وازهب الاور لنين ماتخلصوون.
وطلع بوسلطان من البيت وهو زايغ. مب عارف شو صاير في فراولة. بدا يخاف عليها.. الحب الجديم وكيف مايخاف عليها؟؟!!

و عطول ما تاخر عن اهله مشوار ساعه ورجع البيت وطلعوا صوب العين..!​

:imuae71:

 

[موزة النعيمي]

وفي نفس الوقت دانتي كان في الطريج ياي صوبهم

ومن وصل بدا يدق الباب ويدق ويدق ويدق ولكن محد فتح له..

يتحرى كالعاده مايبون يفتحون له الباب

اتصل ع رقم البيت ولكن بعد محد رد. ونفس السالفه .. سار الشرطه واشتكي وقال انهم مانعينه من انه يشوف بنته ويابهم لين البيت عندهم ولحسن الحظ..! ان الشرطي النورس هو نفسه لي رجع معاه

النورس وهو في السياره: استغفر الله من هالريال. كل شي عنده بالغصب..

ويوم وصلوا البيت قعدوا يدقون الباب ولكن محد طلع

دانتي: انا متأكد من انهم داخل ولكن مايبون يفجون لي الباب

النورس: الوالد انت متأكد؟

دانتي: هيه متاكد واذا ماطاعوا اطالبكم تكسرون الباب هاي بنتي وانا ماعرف شو يصير فيها في هالبيت

النورس: استغفر الله بس مانقدر نكسر الباب..!

دانتي: شو ماتقدر؟ احين انته تدافع عنهم ولا شوه؟ تكسر الباب ولا تراني بلجأ للقانون وبقول انك ماتنفذ مهمتك بالشكل المطلوب.

النورس من سمع هالرمسه صدق استحقر دانتي وطلب من الشرطيين انهم يكسرون الباب
ومن كسروه ودشوا داخل مالقوا حد.!

عاد هني دانتي ماعرف شو يقول هاي المره الثانيه الي يتقفط فيها جدام الشرطي.!

النورس فقد اعصابه.. عقب هذاك كله اخر شي محد داخل.

النورس: وينهم؟

دانتي:آآآ.. مم..آآ شو يمكن منخشين هني ولا هناك؟

النورس: سمعني الوالد تراه الشي يعتبر تعدي على حرمة الغير..! وخاصه انهم محد في البيت
صح انك ابوهم لكن مايسمح لك بهالشي.. انا هالمره بستر عليك وبعديها ولكن تأكد ترا الثالثه ثابته.!

وراح النورس عنده وخلاه بذيج الحاله..! دانتي عصب

جان يدخل البيت

ولوعوزه فوق حدر وخرب كل شي . وكسر كل اللي فيه

خلا البيت فوضى عارمه.. ليش كل هذا. محد يعرف

رجع بيته وهو معصب وخبر حرمته والثانيه عصبت زود وتمت تلعي وتشاتم

داني: اقولج سكتي عني ابرك. كل هالمصايب ما اتي الا من ورا راسج انجلعي عن ويهي.
سار عنها...!

[ هههههههـ تووحفه بصراحه هذا لي يتبع شور الحريم المخبل....~​

​

​

​

نسير صوب بيت العم عتيج<< من زمان ماخذنا علومهم واخبارهم هع..


راعي صوغه مسوبله في البيت حفله صغنونه لانه تخرج وكمل دراسته.. والحمدالله اشتغل وتوظف في شركة ابوه ياخذ الخبره لين مايفتح له شركه خاصه فيه.!

بنت الكلباني: الف الف مبرووووووك ياولدي...

راعي صوغه: الله يبارك فيج امي الغاليه

عتيج: والله ورفعت راسنا وان شاء الله راح نسوي لك عزيمه كبيره ترفع الراس..

راعي: هيه اكيد بتسوون عزيمه ولكن انا عندي شي ابا اقوله.!

بنت الكلباني: خير ولدي؟

راعي: ابغي عزيمة تخرجي وخطبتي في نفس اليوم..

بنت الكلباني من سمعت هالرمسه من ولدها طااااااااارت من الفرحه وقامت تزغلط

بنت الكلاني: كلولولولووش اخييييييييييييييييييرا.. مابغينا ..

عتيج: ربي اييسرها لك ياولدي ويكتبها من نصيبك. بالبركه ان شاء الله

راعي: الله يبارك فيهكم يارب.. ماقلت لج امي اني من اخلص واكون نفسي انا اللي بيي وبقولج؟

بنت الكلباني: ههه لاذتركني. يبوك كنت خايفه لا البنت اطير

راعي: لا ان شاء الله مابطير وانا اقولج استعيلي لاني صبرت وايد.

عتيج: هههههههههههههههه..

بنت الكلباني: هه خلاص ياوليد احين اسير اتصل على قطرية وابشرها

عتيج: استغفر الله من هالحريم شو تبشرينها جييه هاي لازم تكون خطبه رسميه اتصلي فيها
وقولي لها انه باجر يايين عندهم

بنت الكلباني: خير ان شاء الله وقامت تتصل على قطرية

وقعد عتيج مع ولده

عتيج: والله وكبرت يا راعي.. وماشاء الله عليك غديت ريال وبديت تدخل الفرحه في قلوبنا

راعي: افا عليك ابوي انتواهلي ولو مافرحتكم افرح منو؟

عتيج: ربي يعطيك ع قد نيتك ان شاء الله.. ويوفقك.

راعي:..^_^​

 

[موزة النعيمي]

اما الشبلي في بيته . وقاعد مع امه.. تدرون مرت سنه ونص واكيد اشياء وايد تغيرت وخاصه انه ام عقوص كانت" محيره" احم احم..


سنفوره: والله البيت فضى علينا من راحت اختك

الشبلي: شو نسوي امي هاي سنة الحياه. الا ما اتصلت فيج؟

سنفوره: امبلى اتصلت فيني الصبح وقالت لي انها البارحه كانت عند خطيبتك

الشبلي من سمع طاريها ف: خطيتي؟وشو كانت تسوي عندها؟

سنفوره: بس جذا رايحه تزورها.. واكيد عشان تمهد الموضوه لان خلاص ياوليدي اختها يزوي وتخرجت وهذا كان شرطها الوحيد

الشبلي: امي مادري ليش احس البنت مغصوبه.!

سنفوره: اي مغصوبه؟ ماعليك بنات اليوم دلوعات شوي..ويبالهن رص,,,!

الشبلي: خير ان شاء الله.. بس ياليت امي لو تتصلين فيهم.. وتحددين كل شي..!

وع سوالفهم تدخل ام عقوص هيه وريلها سلندر غاز وهم في قمة فرحهم.. وتركض صوب امها

ام عقوص: امييييييييييييييييييييييييييييييييه؟؟( وراحت تلف امها)

سنفوره: بسم الله شفيج تركضين جذا زيغتيني.

الشبلي: خبله مابتعقلين ههههههههه

سلندر غاز: لو سمحت عن الغلط هع حرمتي هذي

الشبلي: عاد من زينك انت خبل اكثر عنها ههههههههههه

ام عقوص: اوهوووووووووووو ياخي ياخي خلني ابشركم..

سنفوره: خير بنتي بشرينا

وعاد هني ام عقوص اونها استحت هع.. وتمت ساكته وهيه اطالع ريلها

سلندر غاز: حرمتي حامل..!

الشبلي: والللللللللللللللللللله؟

سنفوره: صصصصصصصصصصصصصصصصج؟ ويه ويه الف الف مبروك يابنتي ( وقامت تبوس بنتها. وهيه مستانسه مووت)

اول حفيد في العايله راح اييهم.. والله يتتم لهم ع خير ياارب...~

سنفوره وهي تقول في خاطرها( عقبالك ياولدي ياااارب)
​

[ هذا لي كان بالبارت 21.. :29:في انتظار تعليقاتكم...]​

 

[أم أحمـد]

يزووووووووووووووووي قلتلج صغير


بسرعه خلص


على العموم كاان حلووووو



بس انا صرااحه ما ابي الشبلي ضبطي الموضوووع


احسه جي بيكوون نفس القصص الثانيه


نباا نغير شووي
هههههههه


^^

احتراماتي

سويرة

 

[سِـنٍـَفٍــوٍرٍهُـ ღ]

اخيـرا قريت البارتين

حرام كسرت خاطري فراوله

اتريا البارت الياي بشوق ^^"​

 

[موزة النعيمي]

[FLASH1]http://dc01.arabsh.com/i/01016/9q5oiy1gm8e2.swf[/FLASH1]

 

[سقوط المطر]

مسااااااااااااااااااااااااااء الخير

لي عووووووووووووووووده ,,,,,,,,,,,,,,,,,,,,,,,,,,,,,,,,,,,,,,,,,, ( قريت بارت واحد ............. اي ام بزي

 

[ЄỉмΘωεllά]

آهٌِ يآفرٍِوٍِلهٌِ والله
آنهآ تكسرٍِ آلخآطرٍِ وٍِرٍِبيٌِ آقرآ قصتهآ وعيونيٌِ كلهآآ دموعٌِ
>>متأثرٍِهٌٌ الحبيبهٌِ وٍِآيييدٌِ :imuae71:​

خووش بآرٍِتٌٌ خيتوٌٌٍِ
وآترٍِيآ إليٌِ عقبهٌِ بكل لههفة يآقميييلهٌِ ,’:29:
>>آحم آحم لاتبطسسسسيين لوووووول​

 

[ذبحهم غروري]

ابداااااااااااع
تسلمين ع طرح
يحليلها فراوله تكسر الخاطر

 

[«● مـزآجيــہ كـــღـووولـ]

خوووش بآرت يزووي..

مسكينه فروالة حالتها تكسر الخآطر..:61:

والله يستر من افكآر يزووي..؟؟!!

نتريآآ البآرت بفأرغ الصبر..:imuae83:

يعطيج العآفيه اليآزيه..

وودي..​

 

[ღ أ”أ£أ¦أژ ღ]

يآ ڛلآم ع آلٱچزآآء آلطڑڑ


آليوم قآيمة من وقٺ عڛب آگمل آلآچزآء آللي فآٺٺني ^^


آلقصة بدٺ ٺحلـﮱ و آلآگڜنآٺ بدٺ ٺزيد هع

:a054:

متآبعة

​

​

 

[سقوط المطر]

بااااااااااااااااااارت مشوووووووووووق
مسكين حالها فراول والله غمضتني يزوووي شوي شوي عليها اخاف فراول تعيش الموقف وصدق تنخش فغرفها ولا طيع تظهر ....................................
شكر كبير حق الكاتبه المميزه : اليازيه

 

[عريف هتلر]

ابدعتي بصراحه اختي مرت سنه و نص و تغيرت احوالهم الا فروله على حالتها اشكرج اختي و نتريا البارت الياي
احترامي
عريف هتلر

 

[حشيمة القلب]

موقف مؤثر وربي

تصدقين اني قعدت اقرا البارت كم مرة

وشكرا لكل من رحمني تعالوا زوروني وهاتوا هدايا ههههههههههههههه



متابعه ومتشوقه موووت للبارت الياي بليز لاتتاخرين

 

[وافي وطبعي سنافي]

تسلمين ع الطرح الرايع وتقبلي مروري المتواضع​

 

[أم أحمـد]

في الاانتظاااااااااااااااااار

 

[ذبحهم غروري]

ف الانتظاااااااار