في دروبي رمل لامن جيت سـاري
ينبت الأشواك لامن رحـت سـاري
صاحبي ماجيتك إلا وفـي طريقـي
من ربيـع العـام نـوّار وخبـاري
ولا تواعدنا وبه في الأرض زهـره
ولا تفارقنـا وبـه للبـرق طـاري
لا تأخر دام لي فـي العمـر ساعـه
ولا تقدم لين أشوفك في انتظـاري
لزمن ورده .. سهرت أحسب ورقها
وإن قضا ماجيت في دموعي عواري
حبّني كثـر اللـذي نلقـى بوعدنـا
من ظلال وريح ونجـوم وغـداري
صاحبي مثل الخجل لو تكتسي بـي
قبل أصير الشال يذهلني انحسـاري
ياقريب البعد .. للشكـوى أسامـي
الجفا .. والخوف .. وآخرها حذاري
وانت لو خان الزمن بقـول وافـي
لا أنا تركي .. ولا أظنـك مشـاري
شكرا سحايب على لطفـك
انتي مطر والصحاري الناس
قلبك شكا من كثـر عطفـك
لا باس هذا التعب لابـاس
أغليك وان كنت ما عرفـك
اخوين يجمعهم الاحسـاس
رسمك لحن رائع وعزتـك
على القلـم نوَّرالقرطـاس
واطيري اللي زودوا فيه الأثمـان
شعل ظهر والصدر يجهر شعاعه
لو له شبيه في الملى هو غزالان
راجي عل زينه يـزود بشجاعـه
خذته ولاني يا هل الطير ندمـان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثيـر الجماعـه
وشلته على كفي كثير الغثا هـان
عندي غدى للهم مثـل المناعـه
لا صرت فيما تطلب النفس بلشان
اترك طمان القاع وارقا برفاعـه
وباكر تصاريفه على عالي الشان
من يضمن الدنيا ولو ربع ساعه
يا صاحبي .. والليالي سـود
يا صاحبي .. والزمن صافي
اللي إلى احتجت له موجـود
واللي إلى من وعـد يافـي
ما هو على المرجلة محـدود
تقـول مكتـوف بكتـافـي
ما جور ياللي رقيت إسنـود
عرض الجبل .. وانيٍ حافي
يوم الردى مسكنه فـ.. لحود
مسكنك فـي راس مشرافـي
والله لوفـي التحـرص زود
كان العمر ما نقص .. وافي
وليت الرخا لا اجتمع والجود
تقاسمه شهـم .. وسنافـي
السهر وقدةٍ تصلى الجـروح
والهوى ما بكت عين الجريح
في الجمر دلةٍ صفـرا تفـوح
وأنا قلبي على الشكوى شحيح
اقشر العشق عشقٍ ما يبـوح
لين يفنا عتـب أو يستريـح
اقضب الليل تكفـى لايـروح
دام لي با الصدر عرقٍ يصيح
باكر وادع وفـراق ونـزوح
تطلع الشمس ونجومي تطيـح
لا شـاري عقـدِ ولا مهـدي سـوار
لا تلحقي نفسـك همـوم وحسايـف
تريثيـي يـا قـرة العيـن مـقـدار
ما تشرب عروق القصيد الوصايـف
لا من قدحت الشعر وشبيت لـك نـار
نارِ علـى روس الهضـاب النوايـف
يطرب لها الساري ويسري بها الطار
وتزهر بها عقب المحـول الشفايـف
باهديك أنـا عمـر ولاكـل الأعمـار
يفنى القلم قبلـه وتفنـى الصحايـف
قصيـدة تولـد ورى بـاب وجـدار
سر الضلـوع المرهفـات النحايـف
وإلى أصبحت طارت على متن الأسفار
وغنت بها قبـل النفـود الصحايـف
غيبي وشيبي وإتركي كل مـا صـار
يبقى جمالك فـي قصيـدي طرايـف
وخلي الكواكب من سنا نـورك تغـار
ولا تلحقي نفسـك همـوم وحسايـف
ياضاوي الليل .. نورك أخلف سراجي
خلاّ السفر .. وانطفي في عتمة عيونك
أقبلت .. صبحٍٍ نثر في متنـه الداجـي
جدايـلٍٍ مشّطـت بضلـوع مضنونـك
تسابقتك العيـون وجرحـي اللاجـي
في القلب طفلٍٍ لمحته يقضب ردونـك
يا مرحبا .. من ضميرٍٍ ظامـيٍٍ راجـي
كم ليلة قد طواني الياس مـن دونـك
ليت الليال وعدك .. وكل مـن داجـي
انت .. وجميع الثرى تذكر به ضعونك
كل ما أقفيت . . ناداني تعـال
وكل ما أقبلت عـزّم بالرحيـل
وكل ما أجنبت واعدني شمـال
يا أهل الحب ضيعـت الدليـل
الحقيقة غـدت مثـل الخيـال
هو عدوّي . . وهو أغلى خليل
شفت أنا الظلم من بعض الدلال
يجرح القلب لو كانـه جميـل
أشهد إن الهوى ما به عـدال
هو خلي . . وأنا قلبي عليـل
وكل ما قلت له يا ابن الحـلال
المحبة عطا . . وانت بخيـل
التفت لي وهـو عجـل وقـال
لذة الحب فـي الشـي القليـل
يا عاذلي .. ما تشوف العين مشتاقـة
لولا الحيا جاوبتـك بدمعهـا الصافـي
عطني جلد .. كان تنخاني على فراقـه
ودي الي من تركته ما أشبح خلافـي
لاح الجبين .. وجذبني نوض براقـه
حيثه ربيعي .. وورد الخـد مصيافـي
والغصن لولا المطر ما أخضرت أوراقه
يا كيف عشب الوسم يتـرك وينعافـي
صياح الباب يكفي لا ظهرت وبكتم صياحـي
لك الله لو تبيني اصرخ حبيبي لا تهج الباب
تكلم واحرق بنار العتـب طينـي والواحـي
عيوني لك مرايا لو تبي وافتح ضلوعي كتاب
وان مات الحكي ما عاد ينفع ضحكي ونواحي
يقولون الذي كاره يلاقـي للفـراق اسبـاب
حبيبي والوداع نعاس نجم والجفـن صاحـي
واحلام الرماد ولفتة تملي الـدروب غيـاب
امانة لو عشقت في يوم غيري تذكر جراحي
ولا تترك حبيبك ما بقى للعاشقيـن عتـاب
مفارق والذي يخليك لحظة بطفي مصباحـي
تعرى الدمع ساعدني البسـه الظـلام ثيـاب
قالت قصيدك ليل .. سـودٍ معانيـه
رويانـةٍ بالدمـع ... وامدادهـا دم
الى متى يا شاعـر الهـم تخفيـه
والى متى .. تحنى ضلوعك على هم
قلت البكا .. صعبٍ عليه وأنا بيـه
لا واهني اللـي بكـى ومـا تنـدم
لي عبرةٍ يلعب بها الحـزن والتيـه
ولي صرخةٍ .. واتعبت ابلقى لها فم
لا ما كتبت الشعر .. لحـدٍ بسليـه
ولانيـب مــداحٍ .. ولا باتـرنـم
احساس لابيعـه ولانيـب شاريـه
مـرٍ يجـي شهـدٍ ومـرات علقـم
الى لمحتي دم جوفـي .. افـخليـه
على الورق .. لا صار روحك تالـم
قلت الشعر يوم إن لي .. راحةٍ فيه
وحزين أنا .. إلى متى .. الله يعلـم
