ياللي نسيت الزمن وقلوبنا تعـده
كم ليلةٍ غبت والهاجوس يلعب بي
لا انت مع القلب يالغالي ولا ضده
كله سوى راحتي والا تعب قلبـي
يسيل قلبي على الخدين .. وارده
خبرت قلبٍ من اللوعـات ينحبـي
وان قلت لا بد يبرد زادت الشـده
شقيت انا منك والشكوى على ربي
يا من يغيب القمر لا من ظهر خده
الزين زينك وانا كثر الوله ذنبـي
من عانق السيف لازم يجرحه خده
ومن يعشق الجمر فيه النار تشتبي
قلبي سجد لك قبـل لا يسجـد حجاجـي
على الثرى اللي تسامى بالنبـي أحمـد
قصدت مسجد نبيـك ..نـادم... لاجـي
عن كل جرح.. وحزن...وهاجس..أسود
قدست نورك... وغيره مظلم.. وداجـي
واخلصت في عبادتك.. ياخالقي فـاشهد
اشعلت شمسي.. وغيضك يطفي سراجي
وأنت الوحيد الذي على الضـرر تحمـد
ان تبت عن مدخلي... يا طيب مخراجي
أموت وولد... وموت برحمتك... وولـد
لوخضت بحر و أنا فـي عزتـك ناجـي
ولو كنت أنا البحر... مالي عزتك بنفـد
خمسين حولٍ مريض الطرف وعلاجـي
فـي ركعتيـن تـداوي قلبـي الأرمـد
نزت عـن خاطـري خـزي وديباجـي
شوك... وكستني المحبة ثوب من عسجد
يا هل المدينة سـلام كثـر مـا هاجـي
نسيم صبـح ونـاح الراعبـي وغـرد
على الذي له في عالي الفلـك معراجـي
نبينا اللـي اصطفـاه الخالـق الأوحـد
لاجيـب طيبـه تهـدم برجـي العاجـي
ظهرت من مثل قبـري عـاري أجـرد
وقلبي سجد له قبل لا يسجـد حجاجـي
على الثرى اللي تسامى بالنبـي أحمـد
هلي الجدايل.. ظلليني عـن الشمـس
و داري جبيني عن لهيـب السمومـي
لا تساليني.. عن عذاب مضى امـس
انـا نصيتـك هـارب مـن همومـي
ما تلمسين الجرح في مهجتـي لمـس
جرح الهـوى مـا يسترنـه هدومـي
يظهر على صمتي.. وينزف مع الهمس
وبدمعـةٍ يفضـح.. بقايـا علـومـي
إن ما كفاك اني وهبتك هوى النفـس
وسهد الليالي يوم انا انكـرت نومـي
خذي الرجا .. خلي ولو راحة اليـاس
لمي الجدايل عن لظى الشمس قومـي
لادمعة فـي العيـن تكفـي ولا آه
لا من نوى لك صاحبك بالقطيعـه
الله على بعض المحبين ما اشقـاه
يرجي زهر روضٍ تولـى ربيعـه
ولا من خذا له ساعة قال ابسـاه
بانسى هوى اللي باعني قبل ابيعه
وده يعسر القلب عن غي مشهـاه
هيهات ياقلب الخطـا لـو تطيعـه
الله يجازي الحب مااكبر خطايـاه
شره على اصحاب النفوس الرفيعه
اهل الوفا واهل الشيم من سواياه
ضاقت بهم دنيا فججهـا وسيعـه
والا الخبيث بمنسم الرجل ناطـاه
يوم الغدر والخبث عنـده طبيعـه
يالله عسى لي خيرة عقب فرقـاه
لوكان فرقا الخـل مثـل الفجيعـه
لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظـرة بيـن الأهـداب
ردي علي بعض العزا .. ناظرينـي
خافي على قلـبٍ يحبـك إلـى ذاب
ذاب الهوى في خفقته .. والحنينـي
لولاك ما زار القمر ليـل الأحبـاب
ولا لوحت شمس المحبـه جبينـي
ولولاك .. ما يلفي على الدّار غياب
ولا تبكي اللي فارق الـدار عينـي
في غيبتك كل الملا عندي اغـراب
ما أحدٍ أبي قربه .. ولا أحدٍ يبينـي
لا ياغلا كـل القرابـه والأصحـاب
ضاع العدل في الناس لو تظلمينـي
زينٍ رفعت الراس .. وزيـنٍ تقضّـه
شَعرك سواده ليل .. والخـد ياضـي
لا يا قمر يا شمس .. يا نهـر فضّـه
لا يا خزامي الروض .. ورد الفياضي
لا .. ما بقي لي كود الابهـام أعضّـه
مستسلمٍ لك .. خاضع النفس راضـي
أبني جدار الصبر .. وزينـك يقضّـه
صعبٍ رحيلي عنك .. صعبٍ مراضـي
كل ما أصد بطرف عيني .. وأغضّـه
عنك انشبتني العين والدمـع فاضـي
مديت لـي كـفٍ صغيـر .. وبضّـه
وقضبتني .. عن نزعتني .. وانتفاضي
شـاعــر ولا نـسـمــع قـصـيــده
في ها السنه لي راحت او يات
وشــيــاه لــــي يــــود وريـــــده
عـن الشعـر او صــوغ لبـيـات
انـحـيـد مـــا ايـوقــف رصـيــده
شاعر او يقصد فـي الخونـدات
كـل يــوم ينـشـر فــي الجـريـده
مانع او له في الشعـر جـولات
دكـــتـــور يـطـربــنــا جـــديـــده
راعـي طـرب شاعـر او غيـات
يـخـتــال لـلــريــم او عـجــيــده
صاحب امـروه او علـم او ذات
سـيـره عــدل شفـتـه او سـيـده
تـلـقـاه فـــي وقـــت الـمـلـمـات
عـالــعــود غـنــولــه قـصــيــده
ذاعــوا مقـالـه فــي الاذاعــات
خــذ مــا الـهـوى وايــد بـديــده
فـي الحـب قـيـل مـانـع اوبــات
جــنــه يــبــا ايـخـبــي بــريـــده
عن من لعـا لـه فـي الامـارات
