جفا الكلام .. الكلام وجفت iiأشفاهـي
يا مورق الهمس صوتك لا يناجينـي
يا زين والله حسافة وردك iiالزاهـي
ينبت على ما انهدم مـن iiبساتينـي
ليتي عصيت الغرام ..الآمـر الناهـي
وادميت قلب الهوى .. جرحٍ iiبسكيني
لهيّت بعض الزمن .. ليت الزمن لاهي
ومرت عليّ سنين .. ماكنها iiسنيني
أنا احسب اني وحيد وكثرواأشباهـي
كل الملامح سوى .. لاغمضت عيني
قالت توصلني معـك لاول iiالسـور
نصف الطريق امشه معي كان بتخاف
دامك تشوف الدرب مظلم ومهجـور
لا تلتفت يا قرة العين .. iiلخـلاف
قلت اصبري لعل يبـدا سنـا نـور
والا فـظلام الليل نورك iiبينشـاف
من صاحب القمرا الى خاف معـذور
نور القمر من دونه الليـل شفـاف
أخاف انا من ظلـم شهّـادة الـزور
وأنا أدري إن ثيابنا بيض ونظـاف
قال السراب وقلت ظامي لسرابـه
قال الهلاك وقلت لعيون الاحبـاب
يا لايمي في حب متـرف شبابـه
الموت حق ولاتبـرق بالاسبـاب
كانه ذبحني صاحبي مـن عذابـه
ماابي لدمي يا هل اللـوم طـلاب
الجادل اللي فيـه زيـن ومهابـه
يفز له قلبٍ .. وتخضع له أرقاب
في حجر عينة لي غدير وسحابه
وفي وسط قلبي له تناهيت وعتاب
إن قلت أحبه يكفي القلـب مابـه
وان قلت أنا مابيه ..باصير كذاب
أحبك ..آهـانا ياليت قلبي .. شعلةٍ من نـور
كريمٍ مثل شوق النظرة اللي تسكـن أهدابـك
أحبك وش بقى مني حطام العاشق المغـرور
وما أظن الزمان اللي مضى يرجع من اسبابك
ولكن صدقيني الصدق في هذا الزمان شعـور
يحبك من صدقلـك مـرةِ مـا همـه عتابـك
أمانه لا تصبين العمر في كاسـي المكسـور
يضيع العمر ما يبقى سوى الإبهـام وانيابـك
ولا هو بسمةٍ صفرا على شفاة مـوات بـور
وملامح صورةٍ تخفينها حتى عـن اصحابـك
الا يا طفلتي ماهو الهوى هالشارع المهجـور
ولا هو ريحة غبار الوعد في اسفـل ثيابـك
كذب من قال ورد العاطفه ينبت بظل السـور
وجبان اللي يخاف الناس لو وقف على بابـك
كتب لك كل مافي الحب من عذب الكلام سطور
و لكنه عجـز يـا طفلتـي لا يكتـب كتابـك
أنا لانيب لاشاكي .. ولاعتاب كفاني اشطون
هواك اللي نثرته لاتعجـب لاأنكسـر كاسـه
ترى ما يذبح العاشق مثل دمعٍ بكته اعيـون
على موت الأمل واللي يحبه هو سبب ياسـه
حبيبي ما خبرت الدمع يرقا وجنة المشطـون
ذليل الدمع .. لابد يتحدر لـو رفـع راسـه
بقالي عزتي ياللي على اللي ما سواها تمون
وأظنك ما سمعت بعاشقٍ قلبه عصى وداسـه
أنا الحطاب في قاعٍ جرد ما به شمع وغصون
حداه البرد والليـل الطويـل وشـب فاسـه
يا الله لا تقطع رجـا كـل مشتـاق
بامرك يا رب الحلم يصبـح حقيقـه
وأنا أدري أن الوصل تاليه لفـراق
ولولا الأمل .. ما تحمل النفس ضيقه
أمس سرى في تالـي الليـل بـراق
قلبـي يفـز لنوضتـه بتخفيـقـه
وسمٍ بكـور صـادق الوبـل دفـاق
لـو شافـه الظميـان يبتـل ريقـه
عله على دار الوفا .. دار الأشـواق
دار صفت لأهـل القلـوب الرقيقـه
فارقتهم مـا ليلـةٍ خاطـري ضـاق
واليوم للسلوان مـا أجـد طريقـه
يا كود حرفٍ لي كتبتـه بـالأوراق
مثل السراب اللـي يسلـي بريقـه
والله لـو كـل المخاليـق عشـاق
ما شفت لك نفـسٍ تعـذب دقيقـه
زمـان الشـح .. يصبـح للقمـر
مثل نور الشمس في الليـل العتيـم
في زمان الشح .. يصبـح للحجـر
مثل ما للسيـف مـن قـدرٍ عظيـم
في زمان الشح .. يملانـا الفخـر
لا تحـدى الظلـم كهـلٍ أو فطيـم
في زمان الشح فـي وقـت الدهـر
كل مجـدٍ فـارضنـا يولـد يتيـم
وش نقول اليـوم ياطفـال القهـر
فـي القصايـد ذل والله العظـيـم
ما فقدنا السمـع ولاكـف البصـر
مير بيـن اضلوعنـا قلـبٍ سقيـم
أهلنـا صرتـوا عناويـن وصـور
انتذكركـم مـثـل وجــهٍٍ قـديـم
كن ما بـه ارض لا نهـر وبحـر
كيف جرح الأرض يشفي في الصميم
علمونا اليأس مـن صبـر وحـذر
علمونا (القدس) ننسى (اورشليـم)
لا سقينـا غيـث هتـاف المـطـر
كان خضنا الحرب باطفـال وحريـم
يا زيـن .. للعاشقيـن ذنـوب
كثيـر واللـي يحـب يغـفـر
بالحيل .. طول الزعل عذروب
إلى متـى الكسـر مـا يجبـر
با أخطي .. وأعيد الخطا وأتوب
والصاحب .. اللي علي يصبـر
وإن ما دمـح زلتـك محبـوب
ما أظن من يكرهـك .. يعـذر
أول اليوم عانقـت الشفـق
وآخر اليوم عانقنـي شفـق
وأنا بين التلاقـي والفـراق
أدفن العمر وأحفر لي نفـق
يا حبيبي وأنا مثلك غريـب
عن حمى النوم غربني أرق
اقطع الليـل لديـار النهـار
واغسل الدمع من شط العرق
ولا جمعني بك الموعد لمحت
ألف نجمٍ توهج .. واحتـرق
أجمل العمر طفلٍ من غـلاه
قمت أضمه لصدري واختنق
وباقي العمر لو عمره يطول
ما يجي سطر في ذهن الورق
من بقول اللقا غير الـوداع
بينهم فرق واجد ما صـدق
أول اليوم عانقـت الشفـق
وآخر اليوم عانقنـي شفـق
سلام يا رمشٍ كسى باهـي الخـد
سلام يـا ذبـح القلـوب الخليـه
انعم من النسمة على خدة الـورد
وأغلى سـلامٍ لـو تـرده عليـه
كان الجفا منك حصل لي فـلا بـد
أرضى بعطفـك لـوه رد التحيـه
رد السلام ولي تبسـم علـى قـد
ما توجب ظروف الوفـا والحميـه
وان كان لك قلبٍ غليلٍ على الصد
الله حسيبك صد .. أنا اش في يديه
والله ما يصبر على خايـن الـود
كود الذي قد خـان أمانـة خويـه
يا عذولي .. وش تفيد به النصيحـه
لا تعذل القلـب .. وجروحـه طريّـه
من يـداوي علـة الـروح الجريحـه
ومن يسلـي دمعـة العيـن الشقيـه
ان شكيت من الهوى .. قالوا فضيحه
وان سكت استنقضوا جرحـي عليـه
وان نويت البعد .. ضاقت بي الفسيحه
وان بغيت القرب .. خان القرب فيـه
من عذلني فـي الهـوى الله يبيحـه
ومن عذرني .. ما حصل مني خطيـه
سافري كان يرضيـك السفـر
جربي لو ورى ليلـي صبـاح
بدلي الرمـل بأمـواج البحـر
واتبعي الغيم تحملـك الريـاح
سافري ليـن تبكيـن المطـر
واضحكي لين ما يضيق البراح
ولا تعبتي وحسيتـي بضجـر
خلي الشوق لديـارك جنـاح
أرجعي في ابتساماتـك عـذر
مثل ما الدمع في عيني سماح
انتي العين من طـول النظـر
وانتي القلب من كثر الجـراح
