~|| الديـــوان الــشــ ع ــري ||~

[آل يذوه]

قرم وفقير

منـك العـذر وعـلـي المـعـذره
لا تحسب حساب هجـر ولا هجيـر
كـل ذنــب بتذنـبـه بستغـفـره
واحد(ن) ما يعذرك مـا فيـه خيـر
دور بصـدري وطـن واستعـمـره
عندك مـن الضلـع الأول للأخيـر
عيش فينـي وادمـر اللـي تدمـره
واعتذرلي واعتبـر سـرك ف بيـر
لا تبشـرنـي بـجـرح وتـذخـره
لا تعشمنـي بـفـرح وتستخـيـر
ولا تنومـنـي بلـيـل وتسـهـره
ولا تنـام الا وانـا جفنـي سهيـر
خلنـي مثـل النـجـوم مبعـثـره
عيش فينـي لا شهيـق ولا زفيـر
لا تقـول العفـو عنـد المـقـدره
خل قلبك صلـب وحسابـك عسيـر
المسـامـح والـزعـل للمـبـزره
والا انا لانـي زعـول ولا صغيـر
ودي ادري ليـه للـحـزن ثـمـره
ودي اقطف مـن قساوتـك العبيـر
ودي اجفـل مـن فراقـك واحـذره
ودي اعرف لو زعلت شيب يصيـر
لو تقـدر خاطـري صـدق اكسـره
لـو صحيـح تحبنـي لا تستشيـر
ازرع بقلبـي سـبـب يستنـفـره
اثبت انك غيـر وان النـاس غيـر
شاعـرك مـا كـل بنـت تجرجـره
حارت ابه عقول ناس(ن) ما تحيـر
النسـا مـا حركـوا فيـه شـعـره
ثار عشق ومـا لقـى شـي يثيـر
لو سكـت شفـت الوقـار بمنبـره
وان تكلـم زمهـريـر بزمهـريـر
مـا يحضـر إلا القلـوب مجمهـره
ومـا يغيـب الا وعشاقـه كثـيـر
إن هجـرتـه تستـقـر بمحـجـره
وإن تبعت رضاه مـا عينـت خيـر
إعشقـه لكـن بعـد مـا تقـهـره
إبتسم لـه بـس لا شفتـه كسيـر
حـن لكـن حـن لا جبـت خبـره
حـب لكـن خـل حبـك بالاخـيـر
لو عطيته وجهـك أعطـاك ظهـره
صد عنـه ويتبعـك مثـل الضريـر
لا تحـاول تكسبـه مـا تخـسـره
صير ثلج يصير لـك مثـل السعيـر
مـا تميـل الا الغصـون المثمـره
وما يسيل من الجـروح الا الغزيـر
من قبـل مـا تنقهـر منـه اقهـره
قبـل لا يستحقـرك خلـك حقـيـر
اسكنـه حـرك جـمـوده بعـثـره
اعشق اكره عاتب اشره حـن غيـر
انثـره لملمـه.. لملـمـه انـثـره
صد.. ياخي طير لـو تقـدر تطيـر
من متى وانـا اتحـرى لـي مـره
تثبت انـي لا وقعـت اوقـع كبيـر
ابك انا مقطوع من غصـن شجـره
لا صديـق ولا رفيـق ولا عشيـر
بـدوي(ن) شيـب الصبـر شعـره
ما عرف ريش النعـام ولا الحريـر
إن غفـا كـأن السحـاب يـدثـره
وإن صحى يفرش من الرمضا حصير
ماخذ(ن) من قسـوة البيـد أكثـره
ومن شموخ البدو شر(ن) مستطيـر
جنتـه صحـراه والشـوك زهـره
والسـراب بنظرتـه مثـل الغديـر
إن فزع يـا مشجعـه يـا مظفـره
من خلقـه الله وهـو قـرم وفقيـر
كـان مـا تقـدره قـل مـا تقـدره
صير غالـي صـدق والا لا تصيـر
الغلا اللـي مـا تزعزعـه اهجـره
دام قلبـك لا يـجـار ولا يجـيـر
شوف لك رجل(ن) بليـد استحقـره
واجد اللـي يعشقـون بـلا ضميـر
بس انا لو جبـت لـي ميـة مـره
ما تحـرك فـيّ شعـره لـو تطيـر​

​

 

[آل يذوه]

اهل الجنوب

وعيني اللي كل ما ذعـذع مـن الغـرب هبـوب
يحلا لهـا لـون الغـروب اللـي يـذوب قبالهـا
ويا ويل حالي كـل مـا يحلالهـا لـون الغـروب
تطـري لـي الريـم اللعـوب وسالفـة ترحالهـا
وعز الله اني كل ما تطـري لـي الريـم اللعـوب
حرمت امد ايدي على حاجـة وانـا مـا اقوالهـا
من سافرت ريم الفلا صديت عـن كـل الـدروب
ما هـو قصـور بالعـذارى بـس ذيـك لحالهـا
من فارقتني ما خطف قلبي مـن الحـور محبـوب
ولا لقيـت الجـادل اللـي تستـحـق احيالـهـا
لأن القلوب ان ما وفت لأحبابها مـا هـي قلـوب
والعشره اللي ما تـرد الـروح مـا نسعـى لهـا
إما الوفى اللي يستر الرجّـال مـن كـل العيـوب
والا الجفى اللي يستر عيوب العرب فـي رجالهـا
ما اقسى من فراق الجنوب الا فراق اهل الجنـوب
ويلي على اللي كـل مـا تزعـل تشـد رحالهـا
اللي مذيره العتـب لا شبـت بصـدري شبـوب
عييـت اراضيهـا وهـي عيـت تطـول بالهـا
كانت معي مثل النصيب يحدني مـن كـل صـوب
كانـت دروبـي مـن متاهـات الظلـل لظلالهـا
كانت هروبـي لا شعـرت انـي بحاجـه للهروب
كانت سماي اللـي ليـا ضاقـت علـي ألجالهـا
ليه اتحدانـي وانـا فـي كـل الاحـوال مغلـوب
ليـه حرمتنـي مـن قهـر عذالـي وعذالـهـا
ليـه اتجاهلنـي وانـا لانـي جبـان ولا كـذوب
ليه ارخصت دمعي وانا اللي مـا بكيـت الا لهـا
ما ترحم اللي له سنه كأنه علـى النـار محطـوب
مـا هزهـا دمـع الفقيـد اللـي بكتـه أطلالهـا
ما خافت تهدم السنين اللـي بنتنـا طوب..طـوب
ما فكـرت تشفـق علـى حالـي وترحـم حالهـا
قولوا لها لـو مـا تـذوب انـا بخليهـا تـذوب
قولوا لها لـو مـا عنـت لـي مستعـد اعنالهـا
إليا ادمحت لي هالخطا بدمـح لهـا كـل الذنـوب
وإن جابت الحسنى معـي تبشـر بعشـر أمثالهـا
أفرش لها صدري وطن وأجمع لها ضلوعي شعوب
وأرقى لها المكانه اللي مـا حـد(ن) يرقـى لهـا
إن كاني مخطي فأنا مانـي خلـيّ مـن العيـوب
الذنـب يغفـر والبشـر تجـزى بقـدر أعمالهـا
البعد قاسي والفـراق يضيـق الصـدر الرحـوب
وانــا تعـبـت ادور الحيـلـه وارد احتالـهـا
قولولها ترجع ترا ماني علـى الحـزن مغصـوب
وإلا ترا نذر(ن) علـي انـه ماهـو ب أشوالهـا
إمـا تجنـب هالهبـال وتتـرك البعـد وتـتـوب
والا بتبشـر بالهبـال اللـي مـا هـو بهبالـهـا
كافي زعل ترا الظروف مقفله مـن كـل صـوب
وأنا حملـت مـن الهمـوم انواعهـا واشكالهـا
يكفيني اني كل ما هبـت علـى صـدري هبـوب
تحـن عينـي للجـنـوب وتلتـفـت بلحالـهـا
والمشكلة اني كـل مـا حنـت عيونـي للجنـوب
تطـري لـي الريـم اللعـوب وسالفـة ترحالهـا
وعز الله اني كل ما تطـري لـي الريـم اللعـوب
حرمت امد ايدي على حاجـة وانـا مـا اقوالهـا​

 

[آل يذوه]

ثامن السبع العجايب

اسمعي والكـل منـا لـه هـواه ولـه ميولـه
لاتمسين بكلامـك شعـره بـروس القرايـب
ان حكيتي مـا وفيـت وان تحديتـي عجولـه
تحسبين ان كل فعـل ٍ تفعلـه يمنـاك صايـب
تحسبين انك خذيتي بالحـش صولـة وجولـة
تحسبين اني ذكرتك مـع نسانيـس الهبايـب
والله انك لو ذبحتـي خافقـي لألقـاك حولـه
عاشقة تشقي بقلب من طريق العشـق هايـب
كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب
ادعيت انك خجولة وادري ان ما انتي خجولـة
وادري انك تخجلين الشمس من فوق السحايب
مايحببنـي بقلبـك ياالهـنـوف الا فضـولـه
ولا ينسيني غرامك غيـر تكـرار المصايـب
عاشقة جيتـي ورحتـي يالحبيبـه يالعذولـه
لابنيتـي لـي طمـوح ولا تركتيهـا خرايـب
تستبيحيـن القلـوب وتستحقيـن البطـولـة
واستحق اعيش بعدك تايـب وامـوت تايـب
ياكثر ماشال قلبـي شـي اكبـر مـن حمولـه
ولا عفيتي عن غلاه ولابخـل لـك بالوهايـب
كنه ارحم من همـال المـزن للزهـر بذبولـه
وانتي اقسى من هجير القيظ وسموم اللهايـب
وانتي ادرى في غلاك بداخلي ش اللي يزولـه
وادخلي علـى الله واحفظـي ذيـك السبايـب
ماخبرت اللحظة اللـي حللـت قربـك تحولـه
ولا هقيت اني بشـدد للجفـا قلـب وركايـب
ولاهقيت انك تحبيـن الزلـل وانتـي جفولـه
ولاهقيتـك تكرهينـي كثـر حبـك للطلايـب
كن قلبي فـي وصالـك وابـل ٍلحظـة نزولـه
وفي فراقك مثل دمعة تنحدر من عيـن شايـب
كنت ابي وقفت حبيبه تنهض القلـب بخمولـه
طامح بالعشق وانتـي عايبـه والحـظ عايـب
كنت ابيع الكون واشتري خافقك وظلال زولـه
كنت اثور اليا وطيتي بالقدم شهـب الترايـب
كنت قصن كـل كفـي غيـر كفـك مايطولـه
كنت قلب ودمعتيـن ودرب وجـروح عطايـب
كنت ابيع العمر كله ورخصه عرضـه وطولـه
للعيون الـي هدبهـا ثامـن السبـع العجايـب
بس ابرضي لك غرورك واكسر القلب بذهولـه
وقتها ماكنت افكـر صايـب او كنـت خايـب
والرجـل لـو ماتحلـى بالشهامـه والرجولـة
صدقيني صعب يقدر يملـك قلـوب الحبايـب
صدقينـي مايوالـف خافـق البنـت بسهولـه
بالهوى يابنت حواء غيـر طـلاب النشايـب
والسهر والعشق الاول والهوى واللـي ينولـه
شي اقسى من همومك والعنه حاضر وغايـب
والهموم اللي دعتني من بعـد سـن الطفولـة
كلها ( من تحت راس العشق ) ملعون الصلايب​

​

 

[آل يذوه]

الذيب والراعي

انا قلبي على الفرقا نوى روحه بدون رجـوع
مثل طير بلا سبق وبـلا وكـر وبـلا راعـي
تهيا للجفا خطوة يبي بقصى الطريـق هجـوع
يدور للعنـا ملجـا طريـق قلـوب جزاعـي
فديتك يالخفوق بحب وجرح وقطرتين دمـوع
قبل لايجبـرك خلـك علـى وتلـوي ذراعـي
تعنيت وسبقت الوقت ولا عشت الغرام اسبوع
انا مابي من الدنيا هبـوب تطـرح شراعـي
لعبت بدوري العاشق وكنت التابـع المتبـوع
وتلعب عيني ادوار الرسالة في يـد الساعـي
رقيت الحب من ساسه الى راسه ولع وخضوع
ورجل ٍتصعد الهامه ورجـل ٍتحتضـن قاعـي
عرفت ان الهوى ظالم مثل ظلم العطش والجوع
وأظني يوم انا عاشق شبيه الغافـي الواعـي
غفيت بعشقي الخاين ووعيت بعمري المدفوع
واشوف القلب لأيامي غدا ناعي وأنـا ناعـي
وانا بقبل على الفرقا وبضوي للظلام شمـوع
ولا لي بالشقا حاجه ولا بـه للسفـر داعـي
وببدي رحلة الفرقا وبأرحل وانهي الموضـوع
مادام ان العذول اللي لبس ثوبي مـع قناعـي
ابعرف ياترى بعدي من اللي يقطف المـزروع
وانا مالي بهاالدنيـا سـوى خلـي ومرباعـي
سطا ذيب على المرعي وسلمت بخافق مفزوع
وفدوة لو يموتـن القطيـع ويسلـم الراعـي​

 

[آل يذوه]

الثريا

ليـه تطعنـي وانـا ميـت بليـا
ماكفاك الي حصلّـي قبـل ساعـه
كن بيـن همومـي وبينـك حميـا
جيتكم واحـد وجيتونـي جماعـه
انت منـا والمصايـب مـن هنيـا
كلكم ضدي ترى ماهـي شجاعـه
ما ابشع من جروح طعنات القفيـا
غير سكيـنٍ تصيـب بهالبشاعـه
لاتتـوب ولاتــذوب ولا تـريـا
جرحها جرح وفظاعتهـا فظاعـه
ترتوي من فيـض دمـي والتفيـا
وصار قلبي مثل اخوها بالرضاعـه
وانت ليل لـو ضويتـه مايضيّـا
ضعت فيه وشفت نفسي في ضياعه
اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ومايروح الا ذراعي فـي ذراعـه
ان رضيت ارضيه وان عييت عيا
وان طلبني قلت له سمـع وطاعـه
ما عشقت من النجوم إلا ((الثريا))
وماملكت من الكنـوز إلا القناعـه
وانت وجيوش المـوادع والجفيـا
كيف اوقف ضدكم وانتـم جماعـه
لوبجيكـم بالشجاعـه والحمـيـا
البلا ان الكثـره تغلـب الشجاعـه​

 

[آل يذوه]

اربع خناجر

مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعـه
ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه
ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه
ودام مال العذل تالـي ومابالحيـل حيـل
الغـلا سمـاً نذوقـه ومـرً نجـرعـه
نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه
كني اللي حط بشفاه من جمـر المليـل
لا قـدر يرميـه للنـاس وزرا يبلـعـه
والظروف اللي حدتني لنيـران وفتيـل
عرضت دمع المحاجـر لشـيً يجزعـه
والمدامـع بالغـلا لا تحـال ولا تحيـل
والمشاكل كـل ماجـات جـات مجمعـه
اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه
مغرم في حب مثله ولا ارضى له بديـل
عيني تشوفه وقلبـي يجـوع ويشبعـه
ذاك كل مازان بالـي وطالعـت النخيـل
ماذكـرت الا ثباتـه بوقـت الزعزعـه
ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه
لا جميل شفت قبلـه ولا بعـده جميـل
العذارا رهن رمشه وانا رهـن اصبعـه
والله انه لو طلبني اطلـوع المستحيـل
لا اطلعه منـي منـاك يعنـي لا اطلعـه
ماعلي مـن الملامـه وهـرج الهبيـل
مشجع الرجال لا ثـار غيـره مشجعـه
في عيون اللي عشقني ولا جاني هزيـل
الله اللي حط عشقـه بقلبـي وزرعـه
لو سكت ينطق له الصم والدنيـا تسيـل
وان حكى لو يمشي المزن ياقف يسمعه
سلسبيل من شفاتـه يخالـط سلسبيـل
معمعه بسكات واحـلا سكـات بمعمعـه
ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه
وان حيت ومابقالي معـه ياكـود ليـل
لا اسهره بأول غروبه وموت بمطلعـه
والله ان العشق جمره وطاحت بالشليـل
وان حصل ماطاعك الوقت بحبابك طعـه
من هو اللي علم عداي نكران الجميـل
ومن هو اللي خان خلي وحـاول يقنعـه
كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه
يامعرض قلب الاحباب للـدرب الطويـل
السعه لا بـارك الله بالضيـق السعـه
والله ان الوقت قاسي وانا مانـي ذليـل
واشهد ان الرجل مرات ظنـه يخدعـه
وانتم اتعذلون خفـاق بعيـون العديـل
مارحمتم نـار جرحـه وحيـرة مدمعـه
والسوالف ليلها ليـل والحايـل يحيـل
والمشاكـل مشكلـه بمشكلـه متجمعـه
مشكله لا خانك الوقت بالحمـل الثقيـل
لو زرعت الزرع هوج العواصف يشلعه
ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعـه​

 

[آل يذوه]

الاولى والتالي

جا نهـار مـا رحمتنـي جيتـه وقدومـه
شفت فيه النـاس واجـد واقفيـن اقبالـي
كنت احسب انها حقيقة والعـرب ملمومـه
وقمت افضفض عن همومي واشتكي غربالي
ويوم زال الحـزن عنـي وانجـلا بغيومـه
واثرني ما غير اسولـف بالخـلا بلحالـي
من عذابي قمت اعـزي قصـة مرحومـة
ولعـت بيديـن خلـي وانطفـت بهمالـي
قصةٍ لدت عيـون صويحبـي مـن نومـه
يوم شلت المـوت بيـدي وابتلـوا عذالـي
ما رضيت اكسر غلاي وما قـدرت ارومـه
وعاذلي ما صد عني ومـا قـوى منزالـي
إبتليتـه ليـن جتنـي خنجـر مسمـومـة
وابتلانـي ليـن جـاب الاولـى والتـالـي
والله انه مـا عذلنـي ليـن شـق هدومـه
ولين خانتنـي عزومـي وانكسـر تمثالـي
والا انا ما كنت ابين لا أمطـرت ديمومـة
بالمدامع مـن فـراق المخلصيـن امثالـي
كنـت اوقـف واتذكـر نفخـة اليشمومـة
واذكر اني كنت غالي فـي عيـون الغالـي
واحـد كانـت نسايـم سيرتـه بسمومـه
وكان كل ما شاف ظلمي بالهـوى يلجالـي
ذاك والله كل ما أرسل في حشاي سهومـه
انتهـى ليـل السكينـة وأبتـدا زالـزالـي
ووالله اني كل ما اسمع سيرتـه وعلومـه
قمت اشوف الموت الاحمر واقـف بظلالـي
واشهد اني كل ما اسهى وافتكـر برسومـه
وما وعيت الا وانا ارمي غترتـي وعقالـي
ليـت ربـي يحتميـه ويحرسـه ويدومـه
يومه اقرب من عروقي للجسـد بوصالـي
وليتني لما عرفتـه مـا عرفـت خصومـه
وما وقعـت بظلـم نـاس ماوراهـم والـي
العـذول اللـي حرمنـي حاجـة مقسومـة
ليـه يحرمنـي قهوتي(والـدلال دلالــي)؟
وليه يسأل في غرامي وان بغيت اسومـه؟
دام صار الجيـب جيبـي والريـال اريالـي
والله ان العشـق شـي يستحـق القومـة
واشهد ان عيـون خلـي تستحـق افعالـي
يكفـي انـه لا نظرلـي نظـرة محشومـة
يرتجف كفي ويوقـع مـن يـدي فنجالـي
وان لمحت بطرف عينـه دمعـة مكتومـة
جيت كلـي مـن عذابـي عالـي متعالـي
وان تبوسم لي بعينـه والشفـا مضمومـة
والله ان مدري وش اللي بعدهـا يجرالـي
ليت يومـي قبـل يومـه أو معـاه بيومـه
وليت حالـه غيـر حالـي دام هـذا حالـي
إن غفيت الليـل جتنـي بالمنـام حلومـه
وان صحيت الصبح ناسي سيرته يطرالـي
والله ليبطـي وعينـي تسهـره وتقـومـه
والله ليبطـي عذولـي مـا يفـك حبالـي
دامني لا زلـت احبـه واعشقـه بهمومـه
بذكره مـع كـل خطـوة حللـت ترحالـي
بذكره مـع كـل ليلـة مظلمـة مشؤومـة
نزلتنـي فـي حشـاه ورفعـت منـزالـي
وبذكره مـع كـل دمعـة نوخـت بكمومـه
وعلمتني بان قـدري فـي غرامـه عالـي
وبذكره مـع كـل نظـره بائسـة مظلومـة
حسستني بانه اخـر مـن نـوى يصفالـي
وبذكره كا ما نسيتـه وان ذكـرت سلومـه
قمت اشوف الناس واجـد واقفيـن قبالـي
وان حسبت انها حقيقه والعـرب ملمومـة
ما تحكمـت بسكوتـي ليـن طـال جدالـي
ويوم زال الحـزن عنـي وانجـلا بغيومـه
واثرني لا زلت اسولـف بالخـلا بالحالـي​

 

[آل يذوه]

يجيني يوم واعطيها

انا ما اخطيت في حقك ولكـن الكـلام عتـاب
أعاتـب والعتـب كلمـة تفسرهـا معانيـهـا
اعاتب واحسب بهرجي الا مني حكيت حسـاب
وكلمه يستحـي منهـا لسانـي يبتـدى فيهـا
واذا انت من العتب تزعل علينا وابتصك الباب
ترى ما نيب قاصدهـا ولانـي فيـك ناويهـا
ولا ودى على الفرقا وقلبـي داخلـي مرتـاب
اشوف ان الهوى خدعة واشوف القلب راضيها
واشوف ان الهوى فرقا مواليف وعناد احبـاب
واشوف ان الجفا خطوة ولاني قـادر اخطيهـا
وقلبي لو عشق يخلص ولو طالت عليه رقـاب
وتشهد له دروب الحـب حاضرهـا وماضيهـا
عشقنا والهوى حسرة،مشينـا ولاأمـل كـذاب
بدينـا نانبنـي منهـا قليـل مـن بلاويـهـا
عرفت الحب من عمري صغير بالغرام وشـاب
وقلبي للحبيب اكبـر مـن الدنيـا ومـا فيهـا
صحيح انى نويت ابعد ولكـن الهـوى غـلاب
وهي رحلة بديت بها ولا ادري كيـف بنهيهـا
تحريتك شروق الشمس وشفتك للشروق غياب
ولا اضنك تبيع العشره اللـي كنـت شاريهـا
بقى لي بالهوى نظرة وتغريبة ودمـع اهـداب
وقصة بترك لسانـك علـى العـذال يرويهـا
واناجي باقي حروفي وبألـف للفـراق كتـاب
قصايـد تملـي اوراقـي ارددهـا واغنيـهـا
واذا مرتني الذكرى وجرحي بالحشا مـا طـاب
بتبعدنـي وتدنيـنـي وببعـدهـا وابدنيـهـا
وانا عيب علي اشكي من الدنيا بدون اسبـاب
مدامي ما خذ منهـا يجينـي يـوم واعطيهـا​

 

[آل يذوه]

حد علمي

حد علمي بالغلا يوم كنت أسـوى كثيـر
يوم كانت ضحكتي طبع وعنـادي سمـه
وحد علمي بالغلا يـوم خفاقـي ضريـر
قبل أهدم العشق وأبنيه وأرجـع وهدمـه
وحد علمي بالبكاء يوم لي قلب وضميـر
قبل أشوف المسلم يموت بيـد المسلمـه
إيه عدّت من يدي بـس ماعـدّت بخيـر
ليلـةٍ عيّـت تجينـي وجتنـي مظلمـه
من عرفت إحساسها كن في قلبـي نذيـر
والنهار المكتئـب بايـن ٍ مـن مقدمـه
ليلـةٍ حسيتـهـا لاتـجـور ولاتجـيـر
مثل طفـل ٍ ماحقرتـه وعيّـت إحشمـه
وأصبحت مثل شعره وأقصمت ظهر البعير
وأبتدى في موته الجرح من حيث إختمـه
صارلي بالعشق مالا هقيت أنـه يصيـر
أنظلمت بعشرت أنسـان ماكنـت إظلمـه
العشير اللي تبرى من ضلـوع العشيـر
الحـلا عـزّز خطايـاه والحـظ إخدمـه
لاتبسّم يكسـر النـور بعيـون البصيـر
وكن شمس المغربيـه تبـات إبمبسمـه
معتدل فـي قامتـه لاطويـل ولا قصيـر
ممتلي بالزين من معصمه لـي معصمـه
فيه بلوان الهدب لون غير ولـون غيـر
مثل ما للرمـش بالعيـن قصـه مبهمـه
كنها نكس البيارق علـى شـط وغديـر
ومثل لملمت الشتـات بشتـات اللملمـه
مـع سـواد مجـدّل ٍ مايثـور إلا يثيـر
كنـه اللـي ينهـم الريـح ثـم ٍ تنهمـه
ماتجمع لين قيّـد حريـر ٍ مـع حريـر
في ضـلام ٍ علّـم الليـل مالـم يعلمـه
ماهقيت إن الهدب صلف وأجفانه تغيـر
لين سلهم لعنبـوا جـد ذيـك السلّهمـه
ماعتقني ليـن سـاق البشايـر للبشيـر
يوم صد وجـاه قلبـي بشحمـه ولحمـه
والله إنه حط قلبي تحت رحمـت شطيـر
في يديـه وكـل مـاراد يقسمـه قسمـه
ياعساني ماعدم إرضاه في برد وهجيـر
ولوعدمـت مروّتـه ياعسانـي معدمـه
إن طلب عيني رضا قلت ماغيره نظيـر
وأنشرب دمي غضب قلت يستاهـل فمـه
واهنيّـه يرقـد الليـل مرقـاد الغريـر
كن نومه لابغى يهـزم الجفـن إهزمـه
وإلنا من صفرة عصير الى صفرة عصير
والسّهـر يايلـزم العيـن وإلا تلـزمـه
لو صحيح إن الحبيبين يجمعـه مصيـر
كان نفس اللي حرمني من النوم إحرمـه
والله إن مروّتـي ولّعـت فينـي سعيـر
يوم شفتـه تـل قلبـي وداسـه بقدمـه
مارحم زهرة شبابي وأنا تـوّي صغيـر
لين ضيّق خاطـري ضيّـق الله إنسمـه
إيه عدّت من يدي بـس ماعـدّت بخيـر
ليلةٍ عيّت تجـي بـس جتنـي مضلمـه
حد علمي في عناهـا عـذاب وزمهريـر
يوم قمت أوحي بالاضلاع صوت وهمهمه
وحد علمي بالرجا من نصير اليا نصيـر
يوم شفت النّفس تذبح وهـي مستسلمـه
وحد علمي بالبكا يوم لي قلـب وضميـر
قبل أشوف المسلم يموت بيـد المسلمـه​

 

[آل يذوه]

انتي ولا شي

والله وصرتـي تستهينيـن فيـنـي
وانا الذي سويت لـك قـدر بيـديّ
تدرين وش كنتي قبـل تعرفينـي ؟
ان قلت لك كنتي ولا حاجـة شـويّ
انا الذي فرشت لك رمـش عينـي
وعملت منك شي وانتـي ولا شـيّ
جيت اعشقك ما جيتك لك تحقرينـي
جيت اسكنك بسمة ما هو بسكنك غيّ
لا صرت عامل لـك قـدر قدرينـي
ترا الكرامة صفحة مـا لهـا طـيّ
ما دام مـا جيتـي غـلا لا تجينـي
نار الجفا عنـدي ولا الـذل بالفـيّ
والله لاهجـرك قبـل لا تهجرينـي
اجـل تبيعينـي واجيلـك برجـلـيّ
يـا تتركيـن الكبـر يـا تتركينـي
لأن المحبة شـي والمهزلـه شـيّ
إن كانت الدعـوة غـلاي وحنينـي
يمكن يزول الحقد ويشعشع الضـيّ
لكـن حكايـة ينحنـي لـك جبينـي
في ذمتي ما ينحني لـك وانـا حـيّ​

 

[آل يذوه]

الجمهره

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غيـر التـراب
ومن لايتوب من الخطا تحـرم عليـه المعـذره
اللي من أولهـا خـراب أكيـد تاليهـا خـراب
والبندق اللـي ماتثـور فـي هدفهـا تذعـره
ودك اليامن جاتك الغلطه مـن النـاس القـراب
الصاحـب اللـي ماكسبـت محبتـه ماتخسـره
مشكلتي إني ماعرفت أحسب لصدتهـم حسـاب
قلطتهم صدري على ذكـرى قصيـد وحنجـره
صوت ٍ يصول بمنبره واخطاب مامثلـه خطـاب
والطيبه اللي زعزعت صوت الخطيب ومنبـره
مافيه دمع ٍ صوبوه أحبابـي بوجهـي وخـاب
ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطـره
لأني تجنبت الغرق.. عديت من فوق السحـاب
لأن أكثر أصحابي ورق..ماشفت للطيب إثمـره
والله ماحطيـت بيـن الحقدوالخـوه حـجـاب
حتى غدوا ربعي يحدوني على الضيق أشكـره
البارحه ثـارت علـي رقـاب وأوتنـي رقـاب
البارحـه ياثـقـل دم الـبـارح ويامحـقـره
أثر المصايب ماتجيك إلا مـن النـاس القـراب
وبهالزمن حتى الخوي اللي تثـق فيـه أحـذره
أهب ياوجه الحسـد وشلـون جمعهـم وغـاب
كيف السنين اللـي عطتنـي بعثرتهـم بعثـره
لابارك الله في رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مــره
الصاحب اللي مايجي من صحبته غير العـذاب
نذر ٍ علي إن ماهجرني وإلا أنا اللي ب أهجـره
من يفتح لفرقاي باب أفك لـه عشريـن بـاب
وأذا خويـي مايقـدر خوتـي مــا أقــدره
عوّدت نفسـي كـل ماشـددت لليمّـه ركـاب
مأصد وجهي عن طمـوح إلا لياجبـت خبـره
أن روّحوا فأنا بـري منهـم ليـوم الحسـاب
وإن جرحوا قولوا لهم ماحركـوا فـيّ إشعـره
شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحقـره
ماكنت أحاتيهم صغيّير ..عاد أحاتيهـم شبـاب
الصاحب اللي ما أذخره لليوم الأسود ما أذخـره
شفني جمعت أوراقهم بكتاب وأغلقـت الكتـاب
ياوقت لـم اللـي تلمـه وأنثـر اللـي تنثـره
اللي يخاف من الظما يترك لنا طـرد السـراب
واللي ماهو بقـد الظـلام ووحشتـه لايسهـره
عقب أكتئاب البارحه ماعاد انا حمـل إكتئـاب
الطيب جرجرني وانا مانـي بناقـص جرجـره
انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره
انا خسرت اللي غيابه غير عـن كـل الغيـاب
انـا غفـرت لعـلام ٍ ماتستـحـق المغـفـره
انا أكثر أنسان تعلم من كثـر ماأخطـأ وصـاب
انا أخـر لسـان يتكلـم فـي زمـان الثرثـره
انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره
جفني وجرّحه السهر ، حيلي وهدّتـه الصعـاب
دمعي هدر،ضحكي ندر،عمري وضيعت أكثـره
شيب بعقـول العرب..هيبـت روس ٍ ماتهـاب
جمهرت ناس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب
ما كنت أغيـب إلا لأن العفـو عنـد المقـدره
ترى حلاتك لاحملـت لصاحبـك كلمـة عتـاب
أن مانطقـت بهـا بوجهـه ماتذمـه بظهـره
في هالزمن مايملي عيون الحسـود إلا التـراب
والا الحظيظ.. الطلقه اللـي ماتصيبـه تذعـره
ودك اليا من جاتك الغلطه من النـاس القـراب
الصاحـب اللـي ماكسبـت محبتـه ماتخسـره​

 

[آل يذوه]

قدها وقدود

أنا ربتني الدنيا علـى جـزل العطـا والجـود
ونفسي للوفا والطيـب وفعـل الخيـر جزامـه
وأعارض منهج الهابط وأوافق للصعود صعـود
وأسيّر نفسـي بعقلـي مـدام النفـس هدامـه
ولا تثّر بي البسمة ولا كحـل العيـون السـود
ولا يقوى على قلبي صغير الحسـد وأجسامـه
أردّ الجود بأمثالـه وأقابـل بالجحـود جحـود
وترى لا خير في رجلٍ يوطّـي للـردى هامـه
وعندي مع أهل العِليا مواثيق وثـلاث عهـود
أوفـي لـه مطاليبـه وأودّه وأرفـع أعلامـه
أعايش مركب الدنيا على متـن القـدر مولـود
أبعرف هو صحيح إنّ القدر بالنـاس دوّامـه ؟
ومن وين الزمن مقبل وإلى وين الليـال تقـود
ومن في هالزمن يقدر يوجّـه خطـوة أقدامـه
ومن له بالزمن غاية ومن عنده هدف منشـود
ومن منّا قـدر يعـرف خفايـا مقبـل أيامـه ؟
عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسـوأ أحكامـه
لقينا بالعرب حاسد وشفنـا بالعـرب محسـود
وبه ناسٍ لنا ضامت ، وبـه بالنـاس منظامـه
وينقص بعضنا خوّه وينقصنـا وفـاء وعـود
مدام الحسـد باقـي وبعـض النـاس نمامـه
ولا ترجى بها الدنيا من ربوعك يجيك اسنـود
ولا تشره على رجـلٍ عيونـه خانـت أقدامـه
وقابل خطوة بخطوة وجازي بالصـدود صـدود
تناسى غلطة الصاحب عليك بلحظـة اخصامـه
ولا تخطي ترى لصبر الحليم اليا سلاك حـدود
تروّى واعرف بضرب الحديـد تفكـك لحامـه
تجنب كسرة الخاطر ولو حبل الزعـل مشـدود
تراك بكسرة الخاطـر حكمـت القلـب بعدامـه
ولا تزعل على رجلٍ بذل لك ولرضـاك جهـود
ولا تامن من الحاسد رضـاه ورفعـة ابهامـه
نبي نصبر على الدنيا قلـوبٍ بالحيـاة زهـود
مدام إنّ البخت عيّـت توّفـق رمعـة سهامـه
وأنا ما قلتها راجي ولا أطلـب بعدهـا مـردود
ولكـن الفتـى ودّه يحقـق جملـة أحـلامـه
وبمشي لآخر الدنيا ولـو كـلّ الأنـام اقعـود
وعن وجه الزمن بكشف حقيقه وأرفـع الثامـه
صحيح إني صغير السن ولكـن قدهـا وقـدود
وأنا عندي مع الدنيـا مواقـف ترفـع الهامـه
طموحي يملـي العالـم ولابـه للطمـوح قيـود
مدام إن الأمل طبعي عرين وصرت ضرغامـه
خلقنا الله من ترابه ولأحضـان التـراب نعـود
تحت رمل الثرى نبقى تغطـي جسمنـا خامـه
سلفنا ما لحقناهم تحـت قـاع التـراب رقـود
ولا يبقي من الميت سـوى ذكـراه وعظامـه
ولو طال العمر فاني وترى عمر الفتى محـدود
وكلٍ يطلـب المولـى يبيحـه يحسـن ختامـه
وأنا بلّغـت بلسانـي وربـي والأنـام شهـود
وصحف البيّنة جفّـت وعنهـا رفعـت أقلامـه​

 

[آل يذوه]

الدنيا بخير


الظلام اليـا تبـرى مـن مـدرات النهـار
يبتدي عمره ضرير وينتهي عمره ضريـر
والعيون اليا عماها حقدهـا تبقـى صغـار
ماتهادي مستواهـا غيـر للعقـل الصغيـر
والدروب اللي نهاية وصلهـا ذاك المسـار
ماتساوت مع طموحـات الفهيـم المستنيـر
من يميز في طريق الشر حسـن الاختيـار
من صرخ في كل قلب مظلم بصوت النذيـر
من قدر ياخذ بحق التايـه الضايـع قـرار
من دفع عمره لحب الناس لو يبقـي فقيـر
من يقيد لكل فزعه للنـدم همسـة شـرار
من يطفي بالقلوب المدمنـة نـار السعيـر
من خلقنا ماعهدنـا غيـر حـب الافتخـار
نملك الصبر الكبير ونعشق الدرب العسيـر
همنا نرفع بلدنـا مـع صفـوف الازدهـار
ونتذكر يوم كان ترابهـا فـرش وحصيـر
وللاسف عشنا وشفنا حرب درب الانحـدار
حرب تشتيت القلوب وحرب تأنيب الضمير
حرب اقسى من حروب النار وحروب الدمار
حرب ابشع من نزيف الدم وبالسيف الشطير
بالسموم اللـي تـروج بالكويـت بكـل دار
السموم اللي تـردوا مـن سبايبهـا كثيـر
والشباب اللي تمادوا فـي دروب الانتحـار
اصبحوا فيها رهينة لعنـة السـم الحقيـر
يستغيثون بعمار النفس من نسـف العمـار
يرتجون وداع ظلما الليـل للصبـح المنيـر
صرخة المدمن تهيم وترتجي رفـع الستـار
رددت عند الهدف كلمة يصير أو مايصيـر
أشعلت بين الضلوع العوج بعد النـور نـار
وأدمعت كل العيون المشفقـة دمـع غزيـر
وامتلت كل الحناجر من صدى الصرخة مرار
وارتوت كل القلوب الضامية مـن زمهريـر
آفـة الإدمـان زادت وابتـدت بالانتشـار
والوجوب إنا نحـدد فـي تلاحمنـا مصيـر
ناخذ اطراف القضية في عيـون الاعتبـار
ونرسم دروب النجاة وخطة الفـوز الكبيـر
ونرسم خطانا وتكفي دمعة المدمـن شعـار
ويكفي إنا من ربوع المجد وأخوان الاسيـر
إن نوينا ما بغينا غيـر حـرب وانتصـار
وان ضمينا ما رضينا غير نروى من غدير
إتحدنـا قلـب واحـد للهدب والاختـيـار
والفضل يرجع لربـي ثـم يرجـع للاميـر
وعلموا من يفقد احساس الامـل بالانتظـار
الهدف لازال حـي وتوهـا الدنيـا بخيـر​

 

[آل يذوه]

الامير بدر بن عبدالمحسن

:: القصائد ::

انا النخيل

بين القلـم وأصابعـي والـورق شـوق
عشرين حولٍ .. مـن كتبـت القصايـد
من يوم بان القلب .. واخفيت بالمـوق
دمـع .. وغدالـي بالمحبـه .. وعايـد
كتبت ما كنـي علـى الشعـر مسبـوق
وقريت ماكـن افـقصيـدي .. جدايـد
ونزفت لين اتعبـت لا حصـل اعـروق
وسهرت ليـن امسـت نجومـي قلايـد
وصرت الليالي بين عاشـق ومعشـوق
وصرت الوصل مابيـن حاضـر وبايـد
أنا النخيـل وشعـري اظـلال وعـذوق
وانا السحاب اللي علـى النـاس جايـد
وفـليلةِ حسيت مـن جرحـي اعقـوق
وقف النزيف ومـا بـذي لـه عوايـد
صار الورق مابيـن مهمـل ومشقـوق
وحار القلم مـا بيـن ناقـص و زايـد
مـن الشعـر مليـت ياحـادي النـوق
و من الجروح اللـي .. تمـل الضمايـد
و من الحروف ونقصها مع هل السـوق
وكذب الحسود .. وهم راعـي المكايـد
ومجاد لي فـي كـل سـاذج ومطـروق
وخوفي علـى غـر المعانـي الفرايـد
عشر السنين وعشر .. والجوف محروق
ما غيـر أشـب أطـراف ليلـي وقايـد
مانيب ادور مـن ورى نزفـي احقـوق
و لا ابـي مـن سهـر عينـي فوايـد
لو ما بقالي فـي المـلا غيـر مخلـوق
لا من ذكر شعـري .. جفتـه الوسايـد
كني بجبين الشمس .. والليـل مفـروق
وكنـي بدمـعٍ .. فـوق خـده نضايـد
فداه عمرى .. ماشكى صاحبـه عـوق
لاشك ما فـي النفـس لـو قيـل كايـد ​

 

[آل يذوه]

الاربعين

ادري ان الوقت يذهب ما يعـود
اربعيـنٍ فارقتـنـي يالعـنـود
ماطر الايام من غيـم الزمـان
ما يبل الريق لو مهمـا يجـود
كم شربته صافيٍ بـارد قـراح
ما دريت ان الظما سر الوجـود
كل شمسٍ تلمس اشجار العمـر
تحرق الاوراق وتجـف الفنـود
وكل ريحٍ تدفع شـراع العمـر
نقطع به حبل ويميـل العمـود
اربعين مـرت وتونـي صغيـر
انتظر لعل تصدق لـي الوعـود
والغريب اني على هذا مغبـوط
ادري اني بخير لا شفت الحسود
الزمـن يـا بنيتـي كلـه زوال
ما تخلد كود لحظـات السجـود​

 

[آل يذوه]

جفن الليل

يطيح جفن الليـل واهـز كتفـه
نجمٍ يشع وباقـي الليـل مطفـي
واحاكي الجدران عن وصف غرفه
ماتشبه الجدران ويطول وصفـي
وتملني الجدران واظهـر لشرفـه
تحت السما واسكر الباب خلفـي
ريحٍ تهب وتسكن العظـم رجفـه
وتموت ريح وتسكن اوراق نزفي
على الروابي تهطل دموع وطفـه
وتصب لمع بروقها وسط طرفـي
ياطاري الغدران والعمـر رشفـه
مع قلهـا ياليتهـا يـوم تصفـي
الحب واجد مير الاقـدار صلفـه
والأرض واجد لكن الحلـم منفـى
واللي اعرفه راح ماعاد اعرفـه
ولاظن يذكرني الى أقبلت مقفـي
ماهو حبيبي مورد القلـب حتفـه
ولا هو حبيبي يفرح بوقت ضعفي
مر ثمـر هالليـل وأمـر قطفـه
يالحنظل اللي قمت اذوقـه بكفـي
متى الشوارع تجمع اثنين صدفـه
لا صار شباك المواعيـد مجفـي
يابنت تو الليـل مـاراح نصفـه
وياليل بعض اللي مضى منك يكفي​

​

 

[آل يذوه]

بسمة الضي

أنا حبيبي بسمته تخجـل الضـي
يكسف سنا بدر الدجى من جبينـه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَـرابٍ ولا مَـيّ
راعي الهوى تفنى وراها سنينـه
نور الصبايا .. بسمة الدّار والحيّ
نوره ولا شمس الضحى تستبينـه
دامه معي أغلى الحبايب فأنا حّـي
بالقلب أضمّه يوم قلبـي ضنينـه
له في ضميري من لهيب الوله كي
روحي معه عذب المناجى رهينـه
ياصاحبي لا تنشد الروح عن شيّ
أنا حبيبي .. نـور كـل المدينـه​

​

 

[آل يذوه]

الله اقوى

الله أقوى غدا شوفـك سـراب
كيف أبا أروي حنيني .. بالظما
يا ممنى حياتـي .. بالسحـاب
وين غيث المحبه .. مـا همـا
اجدبت بالحشـا أرض العـذاب
واشتكت مـن تجافيـك السمـا
كيف ترضى عليّ .. طول الغياب
وانت حبك جرى مجرى الدمـا
يـا حبيبـي ذوى قلبـي وذاب
مـن عذابـه وبيـح مـا كمـا
وعل عينٍ .. رضت فيك العتاب
تشتكـي بعـد نـوره مـالعمَـا​

​

 

[آل يذوه]

ديــمــة


قلت المطر . . قالت من اليـوم ديمـه
ما به رعد . . لا برق . . ما غير هتان
عشقٍ جمـع مـا بيـن قـاعٍ وغيمـه
فيض على صدر الثرى دمـع الأمـزان
همس النديم .. اللي يعاتـب نـد يمـه
صوت المطر .. كنـه تعاتيـب خـلان
وتبسمت لا جـل الليالـي القـد يمـه
وقالت تـذ كـر قلـت يابنـت نسيـان
نقض الجروح اللـي تشافـت ظليمـه
ما عاد بـه وصـلٍ ولا عـاد هجـران
وما للرجا في بعـض الأحـوال قيمـه
ومال العمى صبحٍ ولو بـات سهـران
لو للزمن .. عن نيـة الغـد ر شيمـه
مـا فـرق أحبـابٍ ولا بعـد أوطـان
كلٍ خصيـم .. وذاق لوعـة خصيمـه
واللي خصيم الوقت يا بنـت خسـران​

​

 

[آل يذوه]

دم الاطراف

أتعب على المعنى .. ويسهرنـي القـاف
ويلـذ لـي تجريـح عــذب القـوافـي
وإلـى مـزج حبـر القلـم دم الأطـراف
صير لـي معنـى علـى النـاس خافـي
عندي معانـي الشعـر تلمـس وتنشـاف
أنما جرحـك الشعـر مـا هـو ب كافـي
وان ما لمس في القلب .. احساس وشغاف
عـدّك كتبتـه فـوق رمـل السـوافـي
لاتحسـب ان البحـر مـوج ومـجـداف
تـرى قليـل البحـر مـا كـان طـافـي​

​