ΣίšŠ.Ќάšћ5ђ
¬°•| طالب مدرسي |•°¬
.
.
البارت الـ 37
بعد ما طلعو من المرسى . . قعدو صوب المطعم وكلو لهم اشياء خفيفه . . . كان الحوار بينهم حييل بآرد . . لين ما شاف ساعته . .
سيف : يالله قومي عشان نحظر الفلم . . اليوم بس عندي السياره . .
مهره : سياره منو هذي ؟
سيف : من عقب ما طلعتي ويا شووق كنت ادورج مشي من مكان لين مكان لين شفت ريال اعرفه وكان بيدش الفندق وقالي انه ما يحتاي موتره وعطاني سويجه . . كنت بترياج مده وعقب بظهر ادورج ف الشوارع . . بس على حظي انج رديتي وشفتج . .
مهره مبتسمه : وسويجك وين ضيعته ؟
سيف يطالعها مبتسم : حمد اخويه . .
مهره برجفه خفيفه : حمد !!
سيف : هيه . . . محد غيره . . سوى هالحركه عششان يجمعني فيج . . شكله عارف انج ادشين القلب بسرعه . . " وابتسم "
ردت له الابتسامه البارده . . وودرت الاكل : الحمدلله . .
سيف : مااكلتي . . !!
مهره : بسني شبعت . .
سيف كلاله اللقمه الاخيره ودفع الحسساب وقامو . .
يمشون وبينهم مسافه بسيطه . . توتر مهره بسبب حمد ما خلاها ب مزاج زين . . وسيف استغرب منها لانه مدالها ايده بس ما شاف منها استجواب . . بعد ايده وخلاها عـ راحتها .!!
ركبو السياره والهدوءءء عآم المكآن ولا وآحد فيهم يتكلم . . .
اضايج من اسلوبها . . شو يآهآ فجآه !! شو الي خلـآهآ تجلب . . صدالها باستغراب وشافها سسرحانه ب شي ثاااني .!
سيف : شفيج . . شو الي جلب مودج . .
صدت له : هآ ؟ مآسسمعتك . . قلت شي . .
عض سيف ع شفايفه ب قهر وسكت . . كمل دربه وهو يطالع الشارع وزاد السرعه . .
مهره تطالعه : ماسمعتك والله . .
سيف ب نبره عصبيه خفيفه : انزين خلاص خلاص . .
مهره عاقده حياتها : خلاص خلاص . . شو تفرق يعني . . " وتمت صاده صوب الجامه وتطالع برا "
وصلو السينما ونزلو . . . يمشي بسرعه وهيه على هونها . . وكل شوي يتصدد ورا يطالعها ب عيون ضيجه ومعصب عشان تتجدم بسرعه . .
عقدت حياتها : اطيير يعني . .
تنهد يكتم اعصابه وكمل مشيته وهيه حذاله . . خذا التذاكر وبعديين شرى بيبسي وفششآر من الكبآر ودخلو الفلو . . الفلم بدآ من 10 دقايق . . قعدو اماكنهم واندمجو ف الفلم . .
سيف قعد ع الطرف الي وين يمرون الناس وهيه على يسآره . .
هالمره مهره تشوفه ومتأثره عكس يوم يت مع شوق . . كانت على اعصابها حيل . . وسيف بالمثل . . عشان ينسى عصبيته حاول يندمج ف الفلم . . وقعدو ياكلون فششآر
بعد مرور نص ساعه !
دقت ايدينهم ف ايد بعض بالغلط . . صدت له وصدالهاآ !
ردت شافت جدام اما هو سحب ايدينها اليمين مره ثانيه وتجاهلت حركته . . قعد يحظن ايدينها بـ ايدينه لين صدت له . .
سيف مبتسم : ليش الحلوو زعلـان ؟
مهره تطالع ـه : مش زعلانه . . انت ليش مشتط . .؟
سيف : شفتج فجأه جلبتي . .
مهره : انا ما جلبت . .شوي سرحت بعييد . . انت الي لبقت مره وحده . .
سيف : انزين ماحب اشوفج جالبه شو اسوي . .
مهره تطالع الفلم : انزين خلاص يالله شوف. .
سيف يسحب ويهها صوبه بـ نعوومه : اييه . . اكلمج . .
مهره فاج ـه عينها : شوووه . . خل نششوف . .
سيف : فـ شوو كنتي سسرحانه . .
مهره تتجاهل نظراته عشان ماترتبك وتطالع الفلم : ماشي وايد افكار تروح وترد . .
سيف : انزين شاركيني فيها . .
مهره تطالعه : مش لازم . . ومش وقت شي الحين خلنا نشوف الفلم . .
سيف ب صبعه يدق راسها ب شويش : افف من هالعناد . .
ابتسمت له وردو يشوفون الفلم بـ نفسيه احسن . .
بعد سسآعه من الفلم . .
سيف يسحب ايدينها :قومي قومي بنطلع . .
مهره تطالعه بـ صدمه : وييييين نطلع ابا اشوف . .
ماعطاها المجال وخلاها تقوم . . شل شنطتها بـ أيد والايد ثانيه سحبها معاه لين برا القاعه . .
مهره بعدها متفاجئه وبصوت خافت : انته مينوووون شو . . جيه ماتخلينا نكمله . .
يطالعها : يالله المره اليايه . .
مهره باستغراب اكثر : وه !وليش مش الحين يعني . . دامنا يايين ليش مانكلمه . .
سيف يضحك : هههه بس جييه مزاج . .
مهره تتنهد : وااي منك واي . .
شلت شنطتها عنه وحطتها ع جتفها . . قوى قبضته عليها وابتسمت من حركته . . قعدو يمشون ف المول وهيه مستغربه ! وين بيوديها . . .
دشو دآمآس وطالعته ب حيره : ليش . .
سيف : ابا اخذلج ساعة على ذووقي . .
مهره مبتسمه : وقته يعني . . مطلعنا من الفلم عشان تاخذ ساعه . .
سيف : هيه ابا اسسوي كل شي اليوم . .
ماردت عليه وابتسمت . .ياهم اللبناني وقعد يراويهم التشكيلات اليديده للسوع . .
سيف يطالعها : فصخي . .
مهره سحبت ايدينها عنه : شوو فصخي . . استخفيت انته . .
سيف يضحك : هههههههههههه . . فصخي الساعه الي في ايدج . .
مهره الي قفطت شوي وبللت شفاتها بـ حيا : انزين . .
اما سيف ابتسم ب خبث : وين بالج انتي وين . .
مهره تطالعه : اسكت اسكت . .
سوت الي قاله ووو هو كل شوي يختار ساعه ويلبسها وما ادش مزاجه . .
مهره بـ ملل : سيفوه تعبت والله . . .
ابتسم اللبناني وابتعد شوي عنهم . .
اما سيف فـ متجاهل وقعد يكمل سرحانه ف السوع ويختار ..
سيف يطالع اللبناني : هذي عيبتني . . هاتها بنجربها لو سمحت . .
طلع له الساعه و سحب ايدينها ولستها الساعه التاسعه !! وابتسسم عقبها . .
مهره تطالعه : يعني هاي دشت مزاجك ؟
سيف عاقد حياته : ماعيبتج شوه . .
مهره مبتسمه : لا حلوه . .
سيف مبتسم : كل شي عليج حلوو . .
مهره : هيه عشان جي 9 مرات لين اقتنعت . .
سيف : السوع الي ما تي حلات ايديج شفيج انتي . .
صد يطالع اللبناني : بناخذ هذي . .
اللبناني : لك تكررم . . .
حاسب وخذا الفاتوره , ,
اللبناني : ملبوس الهنا مدام . .
ابتسمت للبناني وطلعوو . .
اول ما طلعو طالعته : ثانكسّ . .
سيف يطالعها بـ حنيه : بالعافيه عليج حبيبي . .
صدت بعيد عنه بسرعه . . وهو ارتبك . . ما حس بروحه يوم طلعت منه . . .
مهره << اكيد بالغلط . .لسانه متعوود على هالكلام علشان جي . . لالا ما يقصدهآ انا متتاكده . . " تطالع ايدينها " واي بيكشفني . .مهاري اهدي اهدي . . لا ترجفين احين . .
سيف >> الحيين شو بتقول . .اكيد بتقول اني متعود ادلل ميثا واقولها هالرمسه علشان جذي طلعت مني هالكلمه . . بس والله طلعت من خاطري . . مافكرت فيها ولا تعمدت . .
سيف يطالعها : آآآ . . يالله نرووح ؟
مهره تهز رآسهآ ب معنى هيه . . بعدهاا . . كملو مشي . . بينهم مسافه بسيطه . . ركبو السياره وشغل سيف الاف ام عسب يخوز التوتر الي صار قبل شوي . .
لو كتمت الشوق في صدري
الالم عايشته احساسه
ارتباك متعبـ (ـن) فكري
عبرتـ (ـن) والعين حباسه
الهوا يسري له وهو يسري
ينتهي لا جاد نسناسه
لو بخفي ينكشف امري
خافقي قد شده وحاسه
غزيلـ (ـن) في ثوبه العذري
لا قصر لا طول قياسه
ناهبني نوره البدري
والدفا من ناسم انفاسه
من غرام الوجد ياعمري
والعشق له جند حراسه
صرت دونك تايه ومدري
بين لمع الزيف والماسه
اندمجو اثنينهم بـ الاغنيه . . من بعد ما خلصت قصر سيف عـ الصوت وصدالها . .
سيف : تبين تردين ؟
مهره تطالعه : عاادي . .
سيف : خلينا نرد واذا تمللنا بنرجع نطلع . .
مهره اكتفت ب السكوت . . .
وصلو الـ فندق و مشو صوب الرسبشن . . سيف يبي يعطي رامي سويج سياره ربيعه عشان يعطيه اول ما يشوفه . .
رامي طالعه : والله امنيج انك اجيت . .انا كنت عم استناك . .
سيف : لاتقول ان الريال تخبر عن سويجه ..
رامي مافهم . . : لا مافي حدا سأل عن مفتاح سياره . .
سيف : عيل شوو . .
مهره طالعت رامي بـ اهتمام . . ليكون حمد فيه شي ..
رامي : اتصل فيني حمد . . " عطا سيف مفتاح " هيدا مفتاح الشقه . .
سيف عاقد حياته : شقه حمد ؟ شسوي في المفتاح . .
رامي : هوا آل انو التلفون تبعك هونيك وانو مفتاح سيارتك كمان هونيك . . وحاكيه على طووول . .
مهره حطت ايدها ع قلبها : عسى المانع خير . . يمكن اهلي فيهم شي . .
سيف : اي طايق هوو ؟
عقب ما خبره رامي . . مشو بسرعه اثنينهم وخذو اللفت وكل واحد يفكر ب شي معين . .
وصلو شقه حمد . . كانت الغرفه حدها مرتبه . . الا الغنفه . .
>> مهره ، شكله من خذى الشقه ما قعد الا فـ الغنفه . . من يومه ما يرتاح فالرقده الا على الغنفات . . دوم كانت تتشكى منه عنود . . .
اما سيف ف شاف مبايله والسويج فوق التلفزيون . .شل التلفون واتصل على حمد . !
حمد ابتعد عن قوم امه . . .
سيف : الوو ؟ حموؤؤد شو مستوي ؟
حمد يتنهد : سيف تعال راك الحين . .
سيف :ليشش ؟؟؟
حمد : اخوك خالد وحرمته توفو . .
سيف قعد ع الغنفه بسسرعه . . وسكت . .
سيف يتنهد : لاحول ولا قوه الا بالله . . انا لله وانا اليه راجعون . . كييف ؟؟
مهره تمسك ايد سيف وتقعد ع الارض تطالعه : منو مااات . . .
سيف يأشر لها بايدينه عشان تصبر . .
حمد : بـ حادث سياره . .
عنود تطالع حمد وتسير صوبه . .
سيف : خلاص شوي وبني . . رتب الوضع انته . .
حمد : بندفنهم عقب صلاه الفيير ..
سيف يعض ع شفايفه ب قوه وتنزل دموعه . .
حمد : قو روحك ياخوي . .هاي حكمت ربك . .
سيف : الله يرحمهم برحمته يارب . .
وبند عنه . .
مهره حاطه ايدها ع قلبها : شوه . .تكلم .. !!!!!!!!1
سيف يغمض عينه ب قوه ويصييح : مات اخوي . . مات خالد . .
مهره انصدمت وتمت سساكته . .
قعدت حذاله وحظنته وخلته يصيييح ويصيح ويصيح !! يطلع كل الي فيه . . ولو انه عمره الصياح ما يطلع فقدان شخص مات . .
.
.