{ طولت بآلي وخذهآ آليوم لك شكراً , / تأليفي !
- بادئ الموضوع أم حور
- تاريخ البدء
- الحالة
(( طولت بالي وخذها اليوم لك شكراً / ما ينزل الراس دام الروح بي حية ))
الجزء التاسع والعشرون
شقة أبو حمد – ألمانيا
السبت
الساعة 6:00 مساءاً
كانت فوز ف الصالة وياها أم ذياب وهند وعلي .. يايين يسلمون عليها ويباركون لها بالخطوبة ..
هند: أبي أشوف الصور
فوز: صور شو ؟!
هند: الخطوبة .. أبي أشوف منو ها سعيد الحظ اللي خذاج
فوز: هههههههه اصبري بييب لج اللاب توب ..
يابت فوز اللاب توب .. وفتحت ع صور الخطوبة .. وعطت هند تشوف ..
فوز: ترا هاي الصور ربيعتي صورتهم .. اللي هي أخته .. بس في صور 2 خذتهم حقنا المصورة للحين مب زاهبات
أم ذياب: ما شاء الله عليكم .. صدج مناسبين حق بعض .. ربي يهنيج ويسعدج يا بنتي ..
فوز: تسلمين خالتيه وعقبال ذياب وهند إن شاء الله
هند: وااااااااو .. صراحة خطيبج طلع حلووو شو حلو وسيم وكشخة ورزة .. ما شاء الله .. بس طبعاً إنتي أحلا عنه
فوز: هههههههههه بديتي تعليقاتج
هند: لا صج .. مممممممم يشبه حد اصبري خل أتذكر .. هييييييه بسألج الوسمي يقرب له
فوز: ههههههههههههه منو الوسمي .. لا تقولين ها اللي جان يغني
هند: هيه
فوز: لا ما يقرب له .. ليش ؟!
هند: ما أدري وايد يشبهه
فوز: لا تبالغين عاد
هند: صج صج فيه شبه .. زين دبه ما قلتيلي
فوز: عن شو ؟
هند: ليش ما ملجتوا بالمرة ؟!
فوز: ما بغيت .. تعقدت من الملجة .. واشترطت عليه الملجة والعرس ف نفس اليوم إذا يبيني
أم ذياب: هو يقرب لكم ؟!
فوز: لا .. بس بينا معرفة .. يعني صار لنا جم سنة نعرفهم
أم ذياب: بس بيني وبينج الخطوبة أحسن .. تشوفون بعض وتاخذون راحتكم في التفكير .. بدل لا تملجون وعقب ما ترتاحون حق بعض
هند: صدج والله .. أحينه هب بس عقب الملجة يكتشفون إنهم هب مناسبين .. في منهم عقب الزواج وعقب ما يصير كل شي .. يتطلقون
تذكرت فوز نفسها .. كمثال للي ملجت وتطلقت لمن سمعت رمسة أم ذياب .. بس اللي يا ف بالها أو ما سمعت رمسة هند .. هي رفيجتها نورة .. واللي صار وياها .. كانت تتذكر رمسة نورة وياها لمن سارت تشوفها ف بيتهم وترمسها !
كانت مقررة قبل لا ترد ألمانيا .. تروح تشوف نورة .. لازم تعرف السر ورا طلاقها .. وصلت البيت .. فوز عمرها ما زارت نورة ف بيتهم .. وخذت عنوان البيت عن طريق موزة .. دقت الجرس واللي ظهر لها جان خليفة .. !
خليفة بصدمة: فوز !
أول ما شافته اعتفست .. ما كانت متوقعة إن خليفة هو اللي يفتح الباب ..
فوز: السلام عليكم
خليفة: وعليكم السلام والرحمة
فوز: نورة هنيه !!؟
خليفة: هيه
فوز: ممكن تزقرها !
توقع خليفة إن فوز ما تدري عن حالة نورة الصحية .. ولهالسبب طلبت منه يزقرها لها !
خليفة: السموحة منج بس نورة ما تقدر تظهرلج
فوز: ليش ؟! عسى مآ شر !
خليفة: ما شر بس تعبانة ..
شكت فوز ف السالفة .. تعبانة ! والتعب يخليها ما تقدر تيي لي ..!
فوز: شفيها ؟!
خليفة: أنا أقول إدشين لها أحسن
فوز باستنكار: وين أدش؟!
خليفة: تروحين لها دارها وين بعد !
فوز: حد ف البيت ؟!
خليفة: هيه لا تحاتين .. الوالدة وأختيه شمسة هنيه
فوز: إنزين ازقرلي حد منهم
خليفة: السموحة منج .. لحظة شوي
بدت فوز تحاتي .. شفيها نورة !! قلبها ما جان مرتاح مول .. حست إن صاير لها شي جايد .. كلها دقيقة ويات شمسة .. اللي سلمت ع فوز وخلتها إدش داخل .. وقبل لا تروح عند نورة فهمتها الحالة النفسية الزفتة اللي نورة تعاني منها .. !
شمسة: حاولي ترمسيها يا فوز .. عيزنا منها وما رضت تقول لنا أي شي .. بس الظاهر إن اللي صار وياها مب شوي
فوز: يعني هي ما قالت لكم عن سبب الطلاق ؟!
شمسة: لا ما قالت ..
فوز: ولا ريلها ؟!!
شمسة: ولا ريلها رضا يرمس
فوز: غريبة ! ما عليه أنا برمسها وإن شاء الله لكل مشكلة حل
شمسة: الحمدلله إنها تجاوزت اللي مرت فيه .. اللي ما تعرفينه يا فوز إن نورة حاولت تنتحر
فوز: شو ؟!! تنتحر ! نورة تسوي جيه .. مستحيل !
شمسة: ها اللي مستغربين منه .. بس الظاهر اللي صار لها مع ريلها جايد
فوز: بحاول أفهم منها اللي صار .. لو إني أشك إنها راح تقولي شي
شمسة: قد ما تقدرين حاولي ..
فوز: إن شاء الله
وصلت شمسة فوز لعند باب غرفة نورة .. دقت فوز الباب ودشت .. كانت نورة واقفة حذال الدريشة وتطالع خاري .. ويبين عليها إنها سرحانة ..
فوز: السلام عليكم .. شحالج نورة ؟!!
لفت نورة صوب فوز .. تشوف منو اللي يرمسها .. وتفاجأت أول ما شافت فوز واقفة !
نورة: فوز ؟!! إنتي هنيه ؟!!
فوز: هيه فديتج أنا هنيه
نورة: يعني إنتي فوز الحقيقية .. صح مو إنتي فوز ؟؟
فوز باستغراب: هيه أنا فوز ..
يات نورة صوبها تركض .. وطاحت ف حضنها .. وفوز مستغربة كلامها وتصرفاتها ..
فوز: شحالج نورة ؟!
نورة:مب بخير .. مب بخير
فوز: شفيج غناتي ؟!
نورة ما ردت عليها ..
فوز: ايلسي فديتج وقولي لي شاللي مخلنج حزينة جيه
يلست نورة ع الكرسي .. جان فعلاً يبين إنها تعاني من حالة نفسية أشبه بالجنون .. مب هاي نورة اللي فوز تعرفها .. هاي مب رفيجتهم .. هاي وحده ثانية .. بس شو اللي صار لها .. ليش كل ها فيها !!
فوز: شفيج غناتي .. رمسيني أنا فوز رفيجتج
نورة: إنتي مب رفيجتي .. اللي تخلوا عني أنا ما أعرفهم
فوز: محد تخلا عنج يالغالية .. كلنا موجودين بس إنتي أدرى بالظروف
بدت نورة تصيح .. وفوز علامات التعجب ع راسها تزيد ..
نورة: شفتي شصار فيني ؟!! شفتي شو سووا فيني .. أنا ما سويت شي ..
فوز: حبيبتي إنتي إهدي وقولي لي كل شي .. صدجيني ما راح أقول حق حد .. بس طلعي اللي ف خاطرج .. شاللي مضايجج
نورة: حتى لو قلتيلهم .. ما راح يسوون شي .. محد يقدر يسوي شي
فوز: شرايج ادشين تغسلين ويهج .. عسب نرمس بكل هدوء
استجابت نورة لطلب فوز .. وفهالوقت ظهرت فوز من غرفة نورة .. صادفت خليفة جان رايح داره ..
فوز: أخوي لو سمحت
خليفة: آمري الشيخة
فوز: مآ يآمر عليك عدو .. بس لو تقولهم يسوون حق نورة عصير ليمون
خليفة: إن شاء الله .. هي قالت لج شي ؟!
فوز: لا .. بس راح تقول
خليفة بابتسامة: أوكي
دشت فوز غرفة نورة .. واستعيلتها تظهر بسرعة عسب يرمسون ويا بعض .. وكلها 10 دقايق ظهرت نورة .. وسارت تيلس ع الشبرية .. وجابلتها فوز !
فوز: فديتج كل مشكلة لها حل .. لا تسوين بعمرج جيه ..
نورة: أنا ما سويت شي .. هو سوا .. هو سوا كل شي ..
فوز: منو هو ؟! وشو سوا ؟!!
نورة: مابي أقول آسمه مابي .. لا تطرينه
فوز: تقصدين ريلج ؟!
نورة: ها مب ريلي .. ها حيوان .. ها وحش .. لا تقولين ريلي
فوز: إن شاء الله .. بس شو سوا ؟!!
دشت البشكارة يايبة العصير .. وظهرت .. خذت فوز كوب العصير وطلبت من نورة تشربه عسب تهدى أعصابها .. والأفكار ف راس فوز تودي وتييب ..
شربت نورة عصيرها .. وشاركتها فوز .. وعقبها حطت الأكواب ع صوب عشان يبدون يرمسون ف السالفة بدون لا شي يقاطعهم ..!
انهارت نورة ويلست تصيح .. بس انهيارها جان دليل ع إنها تبي ترمس .. وإن ف خاطرها شي تبي تقوله .. وإنها راح ترمس !
كانت تصيح .. بس حسها مخنوق .. وصوتها بدا يروح ..
نورة: فوز .. أنا بنت .. أنا للحين بنت
فوز باستغراب: شلون ؟!
نورة: سالم ما قرب صوبي .. سالم مريض .. ما يقدر
فوز: مستحيل !
نورة: وربي ما أجذب عليج ..
فوز: ولهالسبب تطلقتوا ؟!
نورة: أنا ما قدرت أعيش وياه .. مينون .. وحش مب آدمي .. أول ما اكتشف ضعفه ين ينونه .. تخبل .. ما أدري شو ياه ..
فوز: وليش ما قلتي حق أهلج ؟!
نورة: شو أقولهم .. شوفي .. طالعي إيدي .. طالعي ظهري .. شو تبيني أقولهم .. إني أتريق ضرب .. وأتغدا إهانات .. وأتعشا ذل .. شو أقول بالضبط
كانت فوز منصدمة م اللي قاعدة تشوفه .. شاللي يجبر نورة تسكت وتتحمل ها كله ..؟!! وليش الخبر اللي وصلنا إنها ترمس شباب وإن ريلها أكتشف إنها تخونه ولهالسبب طلقها !
نورة: أنا من يوم خذيته ما عشت لحظة حلوة وياه .. مع إنه جان يحبني .. وجم مرة خطبني قبل لا أوافق عليه .. فجآة تغير .. يمكن لأنه حس إن اللي فيه ينقص من رجولته .. وبدا يتوهم أمور غريبة
سالم: منو كنتي ترمسين ؟!! قولي يا حقيرة منو ها اللي ترمسينه ؟؟
نورة: سالم شفيك ؟؟ وربي ما كنت أرمس حد .. أحين ناشة من رقادي .. شوف التليفون وين
سالم: جذابة .. أنا ما أصدجج إنتي وحده خاينة .. إنتي فاجرة
نورة: سالم واللي يعافيك بس .. تعبت م اللي قاعد تسويه فيني .. حرام عليك .. كل يوم ياي بقصة يديدة .. كل يوم إهانات وسب وشتم .. إنت ليش خذيتني .. عسب تعذبني .. تبي تنتقم مني ؟؟
سالم: أنا أحبج .. إنتي ليش ما تفهمين هالشي .. أحبج .. بس إنتي تخونيني .. ما تبيني لأني مب ريال .. وقلتي بتشوفين لج غيري يعطيج اللي أنا ما قدرت أعطيج إياه
نورة: أستغفر الله إنت شقاعد تخربط .. إنت مستوعب كبر الكلام اللي قاعد تقوله لي ..
فوز: معقولة ؟!
نورة: وأكثر من جيه .. بوقت أكون أنا فيه ف البيت .. بيتصل .. بيقول وين كنتي أنا شفتج مع واحد ف السيارة منو ها .. خلاني أكرهه وأخافه .. ما قدرت أتحمل اللي جان يسويه فيني
فوز: إنتي اللي سمحتيله يسوي هالشي يا نورة .. واحد يشكك ف أخلاقج من البداية ما تبينه ولا مجبورة تيلسين وياه نص يوم حتى
نورة: بس أنا عارفة إن هالشي جان غصب عنه ..
فوز: اللي يحب عمره ما يضر الشخص اللي يحبه حتى لو بكلمه .. ف ما بالج بضرب وتجريح وإهانات
نورة: ما عاد تفرق معي ..
فوز: محد يعرف بالكلام اللي قلتيه حقي ؟!
نورة: لا .. ولا تقولين لأي شخص .. أنا بس كنت أبي أفضفض أبي أطلع اللي ف خاطري
فوز: وأنا ييتج اليوم لهالسبب .. بصراحة ما بجذب عليج وايد رمسة انقالت بخصوص موضوع طلاقج
نورة: أدري
فوز: شو تدرين ؟!!
نورة: الرمسة اللي انقالت .. أدري إن سمعتي صارت ف الحضيض .. بس ما يهمني .. ما عاد يهمني شي
فوز: إنتي عارفة إن هالشي مب صحيح .. ليش سكتي ؟! ليش خليتي الناس تعتقد إنج ...
نورة: إني وحده حقيرة .. إني مآ أسوى .. إني زبالة ..
فوز: نورة لا تسوين بروحج جيه .. محد يستاهل تعذبين روحج عشانه
نورة: أنا مابي شي .. كل اللي أبيه يخلوني ف حالي
فوز: وحقج ؟!!
نورة: مابي حقي .. الله بياخذ لي حقي ..
فوز: والنعم بالله .. بس
نورة: فوز أنا ما يهمني الناس شو يقولون أو شو يفكرون .. أنا مظلومة والله عالم .. مب مجبورة أدافع عن نفسي وف المقابل محد يصدج
فوز: وليش ما يصدجون ؟!!
نورة: لأن ماشي دليل يثبت إن سالم فيه حاله نفسية ..
فوز: بس في دليل يثبت إنج للحين بنت وإنه مريض وعنده ضعف وما يقدر يمارس واجباته كزوج
نورة: مابي أفضحه
فوز: وعادي إنتي تنفضحين ؟!! عادي الناس ترمس عنج وهو محد إيي صوبه ؟؟
نورة: ما أدري
فوز: لازم تدرين .. إنتي شفيج ؟؟ ها شرفج وسمعتج .. لهدرجة مرخصة روحج ؟؟ إنتي من حقج تشوفين حياتج وتاخذين الإنسان اللي يحافظ عليج .. شلون بتنخطبين والناس تسمع من كل من هب ودب الرمسة اللي إحنا سمعناها ؟!!! شدراهم إنج كنتي متزوجة ع الورق وبس والكلام اللي انقال عنج كله جذب
نورة: شتبيني أسوي ؟!!
فوز: تستردين حقج وتقولين حق هلج كل شي
نورة: مابي تصير مشاكل بين أبويه وعمي
فوز: خلي المشاكل تصير .. لأن هالحقير اللي جان ماخذج لو فيه ذرة رجولة ويخاف ع سمعة هله جان ما سوا اللي سواه ..
نورة: ما أقدر
فوز: أوكي إنتي ما تقدرين بس أنا أقدر .. ومب مسافرة إلا وأنا حليت كل شي يخصج
نورة: فوز تكفين مابيج تقولين حق حد .. واللي يسلمج جان تحبيني لا تقولين حق حد .. سالم ما رضا يطلقني إلا عقب ما قلت له إني ما بخبر حد .. وإن سألوه عن سبب الطلاق يقول اللي يبي يقوله ..
فوز: نورة لأني أحبج لازم أرمس .. إنتي ما عليج من شي
نورة: راح يضربني .. مابيه يشوهني أكثر..
فوز: ولا يقدر يلمس شعره منج .. إنتي لو تسيرين تشتكين عليه راح يسجنونه هالواطي ..
نورة: مابي أشتكي .. سالم مريض ..
فوز: وعسب جيه لازم أرمس .. باجر لا فكر ياخذ وحده 2 راح يسوي فيها شرات ما سوا فيج .. إنتي يرضيج ؟!!
نورة: لا ..
فوز: خلاص عيل .. لا تخافين من شي وكل الأمور راح تتعدل إن شاء الله
هند: فووووووز ؟؟
فوز: هلا
هند: وين رحتي ؟!! فشو سرحتي هالكثر ؟؟
فوز: تذكرت موضوع .. شو كنتي تقولين ؟؟ إلا خالتيه وينها ؟!
هند: أمايه ترخصت .. وأنا من ساعة أرمسج أبيج تردين عليه وإنتي مووول .. شكله الموضوع وايد مهم
فوز: هيه والله .. إلا صدج هند شحاله ذياب ؟!
هند: ذياب ؟؟ هيه .. بخير والله
فوز: غريبة ماله حس
هند: مسآفر من فترة .. المهم أنا بسير .. وإنتي ارتاحي أكيد تعبانة
فوز باستغراب: أوكي يالغالية
هند: أشوفج باجر
فوز: إن شاء الله
ترخصت هند عن فوز .. اللي نشت تصلي ومن عقبها دشت غرفتها عسب تحط راسها وترقد .. بس علي اتصل فيها .. وما خلاها تنام ..
فوز: الحمدلله بخير .. بس صج تعبانه أبي أنام
علي: لا والله تنامين .. سيري مناك
فوز: بسير ياللا حياك
علي: فوز بصفعج ترا ..
فوز: شو ؟!!
علي: ولهت عليج يالسبالة
فوز: أشوف تطورت وقمت تسب .. صج دفش
علي: هههههههههه أبوج حذالي ما أروم أقول شي
فوز: احلف ؟؟
علي: وربي
فوز: ليش إنت وين فيه ؟!!
علي: أنا ف بيتكم
فوز: شتسوي ف بيتنا ؟!!
علي: أقردن عمي .. لا رديتي ف إجازة الربيع نعرس
فوز: ولا ف أحلامك
علي: ليش عاد ؟!!
فوز: بس جيه
علي: إنتي فكري .. ع الأقل نملج حرام عليج
فوز: يصير خير لين إجازة الربيع ..
علي: أوكي يا بنت محمد جأني بسويلج سالفة
فوز: أونك جب ياللا
علي: أخبر أبوج عليج يا مسودة الويه تقولين حق خطيبج وريلج المستقبلي جب ؟؟
فوز: عطني أبويه أنا بخبر عليك ..
علي: شو بتقولين له ؟!
فوز: بقوله إنك قاعد تغازلني شو بعد
علي: قوليله عادي أبوج حذالي وسمع كل شي .. شو يعني بتألفين رواية ترا هو يسمع شو أقول .. ولساني ما ياب طاري غزل
فوز: أعوذ بالله منك
رمست فوز أبوها .. وعقبها بندت ع طول وحطت راسها بترقد إلا ومسج يوصلها من علي .. فتحته :
ما كان عندي شي أغلا من الروح
ولا كنت أحب أحد كثر حب روحي
كنت أحسب إن الروح ما بعدها روح
ولآ فيه روحن حبها مثل روحي
وعرفت إن الروح ترخص لأجل روح
روح غلاها زاد عن حب روحي
ابتسمت فوز ع المسج .. وردت عليه بمسج .. :
آرفع عيونك لـ السمآ طآلع الكون
بآلله يستآهل أعيشه بـ دونك ؟؟؟
علي :
لآ طبعاً مآ يستآهل ^^ أحبج
فوز:
أبي أناااام ويا راسك ~_~
تصبح ع خير
علي:
وإنتي من هله قلبي
حطت فونها ع الطاولة .. وغمضت عيونها بترقد .. بس فتحتها وهي تتذكر ذياب .. مسافر ! ليش ووين ؟!! لاحظت نبرة صوت هند تغيرت لمن سألتها عنه .. وقالت لها مسافر وعقبها ترخصت ع طول حتى ما خلتها تسألها وين رايح !
هند أصلا ما تحتاي حد يسألها .. تقول بدون سؤال بس جأنها ما حابه تييب لي طاري !
بيت أبو عبدالعزيز ( العين )
يوم الأربعاء
الساعة 6:00 العصر
موزة ف العين مع أختها .. اللي صار لها جم يوم مريضة وف المستشفى .. الحمدلله إن عندها إجازة أسبوع ونص للإمتحانات وعسب جيه قررت تيي العين عند أختها ويابت كتبها وياها عشان تذاكر .. روضة كانت ف دارها طرشت لها ربيعتها تسألها عن عرس ربيعتهم متى .. طنشت المسج وقالت عقب بترد عليها ..كانت وايد مضايجة بسبب مرض أمها .. ومالها خلق لشي مول ..!
دق الباب .. وكانت موزة يايه دشت وشافت روضة قاعدة ودموعها ف عيونها ..
موزة: رواضي شفيج ؟!!
روضة: مضايجة وايد ..
موزة: أدري عشان أمج صح
روضة: هيه
موزة: لا تتضايجين فديتج .. أمج بخير وما فيها إلا العافية
روضة: متى بيسافرون ؟!
موزة: باجر إن شاء الله ..
روضة: عيل إنتي ليش هنيه ؟!
موزة: يايه أسوي أغراضها .. وعقب بسير عندها ..
روضة: وشلون صحتها أحينه ؟!
موزة : بخير .. وربي بخير .. لو ما كانت بخير جان ما سمحوا إنها تسافر باجر
روضة: قلبي مو مطمن
موزة: روضووه عن المصاخة .. أنا توني يايه م المستشفى وأمج بخير .. ترمس وكل شي حتى قالت لي شو تبا أحط لها ف جنطة السفر
روضة: إنتي ما بتسافرين وياهم ؟!
موزة: لا بقعد هنيه عندكم .. ياللا نشي غسلي ويهج وتعالي ويايه نزهب جنطة السفر
روضة: إن شاء الله
دشت روضة الحمام تغسل ويهها .. وموزة راحت غرفة أختها تزهب ملابسها حق السفر .. أول ما ظهرت م الحمام خذت تليفونها وسارت عند موزة !
روضة: قوليلي ماماتي شو تبا عسب أييبه لج
موزة: اصبري شوي ..
روضة: أوكي ..
موزة: تصدجين أحس زين لها تسافر
كانت روضة تتعبث بتليفونها تبي ترد ع رفيجتها .. وترمس موزة ف نفس الوقت
روضة: وأنا بعد .. ممممم ع طاري السفر .. عميه شخباره ؟!!
موزة: منو عمج ؟!!
روضة: سوااف منو بعد
موزة: شدراني عنه .. عمج مش عمي
روضة: زين يعني ما تعرفين شي عنه
موزة: لا ما أعرف
روضة: ما يطرش لج مسجات .. ما يدق لج
موزة: يطرش مسجات بس ما أرد
روضة: ليش عاد ؟!!
موزة: لوايد أسباب أهمها ما بيني وبينه شي عسب أرد عليه .. ثانيها إني ماخذة ع نفسي وعد إني أنساه ..
روضة: تنسيه أونج .. لعبي ع وحده غيري
موزة: فديتج تعالي شجي صدري وشوفي قلبي منو فيه بتلقينه إمبتي
روضة: ههههههههههه إمبتي .. عيبتني هاي هع تذكرت سلة المحذوفات
موزة: عليج نووور .. سلة المحذوفات .. أنا حذفته وفريته ف السلة وعقب سويت له إمبتي
روضة: لأنه بعيد .. لو شفتيه باجر راح تتهيج المشاعر من يديد
موزة: باجر ؟!!
روضة: يب ليش إنتي ما تدرين إنه عميه راجع باجر
موزة: وإنتي منو قالج ؟!!
روضة: أبويه خبرني .. عسب هو اتصل فيه يستقبله ف المطار .. أحينه أبويه بيسافر وقالي أخبر عزوز هو بيوصلهم المطار عسب ياخذ سيف بالمرة ..
موزة: آهاا .. ويعني عادي !
روضة: حلفي إنتي بس شو عادي .. أقص إيدي بالنص إذا ما كنتي بتموتين م الشوق والوله
موزة: قصي إيدج بالنص .. لأني إذا بموت من شي .. بموت أبا أرد بيتنا
روضة: وبتخلينا بروحنا ؟!!
موزة: ترا هاي المشكلة إني ما أقدر أرد
روضة: ما عليج إذا كارهتنه لهالدرجة .. طنشيه !
موزة: أكيد طبعاً شو تتحرين بسويله سالفة
طرشت روضة المسج بدون لا تنتبه إنها ما طرشت المسج لرفيجتها .. المسج راح لشخص 2 ! وعقبها حطت الفون ع صوب وسارت تساعد مواز ف الأغراض !
يوم الخميس
الساعة 8:00 مساءاً
سافروا خالد وميثة تايلند حق العلاج .. ووصل سيف من أستراليا .. والمفاجأة اللي صارت إن سيف ما جان ياي بروحه .. جان عزوز هو اللي رايح ياخذه من المطار .. ولمن شاف البنت اللي وراه استغرب .. قاله سيف عقب بيخبره السالفة .. وطلب منه يوديهم فندق عسب يحجز لها ويخليها هناك .. وعقب ما خلصوا هالمهمة .. ساروا البيت عسب سيف يسلم ع أهله اللي ما شافهم من يوم ما سافر أستراليا ..
سيف: شفيك ساكت ؟!!
عبد العزيز: منهي هاي اللي يايه وياك ؟!
سيف: خل أدش أسلم ع أمايه وأبويه .. وعقب برد لك وبخبرك كل شي
عبد العزيز: قول أحينه
سيف: شفيك عزوز .. تطمن راح تعرف بس اصبر خلني أسلم ع أهليه
عبد العزيز: أوكي اترياك ف الميلس
سيف: أوكيك
كانت موزة ف دارها فوق .. وتشوف سيف وعبدالعزيز وهم يرمسون وعقب دش البيت .. جان شكل سيف متغير وايد .. استغربت إن ها هو سيف اللي كانت تحبه .. واستغربت أكثر من نفسها وهي واقفة تشوفه .. مع إنها مقررة إنها ما تسويله سالفة ولا تبين له أي اهتمام حتى لو جدام نفسها !
روضة: خالووووه
موزة وهي تصكر الستارة : شفيج ؟!!
روضة: وصل عميه سيف
موزة: أدري
روضة: شفيج جيه؟؟
موزة: شفيني ؟؟
روضة: كأنج مضايجة
موزة: عادي مب مضايجة .. ليش أضايج
روضة: ما أدري يمكن لأنج شفتيه .. وتهيجت المشاعر من يديد
موزة: أقول جب ياللا .. حاشرتني بتهيجت هااي ما أدري من وين متعلمتنها
روضة: آآآآآآآآآآآه من كتب الحب
موزة: صج إنج فاصخة برقع الحيا .. مسودة الويه
روضة: حشا شفيج هبيتي ف ويهي ما قلت شي أنا
موزة: أنا بسير أشوف البشكارة شمسوية عشا وبساعدها
روضة: أوكيك .. وأنا بسير أسلم عليه وبييج
موزة: أوكي .. ممممم رويض ؟؟
روضة: هلا
موزة: لا تقولين حق سيف إن أنا هنيه
روضة: أوكي .. لو إنه أكيد عزوز خبره
موزة: ما أظن أنا موصتنه ما يقوله
روضة: أوكيك
نزلت موزة المطبخ .. وسارت روضة تشوف عمها .. بس ما حصلته .. ف ردت البيت تشوفه لأنه يدتها خبرتها إنه ياي عندهم .. دشت الميلس وشافته ويا عبدالعزيز ف الميلس .. سلمت عليه وكانت بتيلس بس عزوز طلب منها تظهر .. وبعد إلحاح منه وطلب من سيف وافقت وظهرت تشوف أختها ريم شو تسوي !
أما موزة ف كانت ف المطبخ مع البشكارة تساعدها ف تحضير العشا .. وعقب ما خلصت قررت تروح تذاكر شويه ليش إنها اليوم مول ما يودت كتاب .. كانت حاطة كتبها ف الميلس لأنها تذاكر هناك .. وسارت صوب الميلس عسب تاخذ الكتب وتطلع فوق تذاكر لأنها خافت إن سيف إيي ف أي لحظة ويشوفها وهي كانت تتجنب إنها تشوفه !
وقفت أول ما سمعت حسه .. سيف هنيه ! يبين إنه يرمس ف موضوع مع عزوز .. بس شو هو ! تساؤلات كانت تدور ف بالها .. ف وقفت ورا الباب تسمعهم !
سيف: حرمتيه !
عبدالعزيز: شوووو ؟؟؟ إنت أكيد تمزح !
سيف: وليش أمزح ؟؟ هالسوالف حد يمزح فيهن .. إنت شفتها شو يعني بييب لي وحده من هناك جيه ع الفاضي
عبدالعزيز: مستحيل مب قادر أصدج إنت تسوي جيه !
سيف: وأنا شو سويت ؟؟ أنا تزوجت ع سنة الله ورسوله
كانت موزة ف حالة ذهول ! تسمع ومب مصدقة اللي قاعدة تسمعه ! ها أكيد مب سيف .. سيف مستحيل يسوي جيه !
عبدالعزيز: متى ؟!!
سيف: كانت بينا علاقة من بداية ما كنت هناك وأمس تزوجنا
عبدالعزيز: ومواز ؟؟
سيف: شفيها ؟!!
عبدالعزيز: مب ع أساس تحبها وتبيها ؟؟؟ مب ع أساس ترد م السفر وتخطبها ؟؟
سيف: أنا ومواز ما نصلح حق بعض .. نسيتها .. والله يوفقها مع اللي يبيها .. أنا ما أبيها ولا أحبها
عبدالعزيز: يعني شنو ؟!!
سيف: عزوز ليش جيه معصب .. مواز هي اللي باعتني
عبدالعزيز: باعتك ؟!! من سافرت وهي تسأل عنك .. جم واحد يا خطبها وهي ترفض .. وآخر شي تقولي باعتك ؟؟
سيف: لا والله .. صج فيها الخير جان ترفض .. مو ع أساس عرسها الأسبوع الياي !
عبدالعزيز: عرس منو ؟! إنت شو قاعد تخربط ؟؟
سيف: روضة طرشت لي رسالة تقولي إن مواز عرسها الأسبوع الياي
عبدالعزيز: ومنو بتاخذ عاد ..؟؟ وإلا ما قالت لك ؟؟
سيف: عزوز شو هالأسلوب .. ع الأقل احترمني شويه أنا عمك
عبدالعزيز: إنت عمي ومواز بعد خالتيه وما يرضيني اللي سويته فيها ..
سيف: وأنا شو سويت ؟!!
عبدالعزيز: ليش قلت إنك تحبها دام ما تحبها ولا تبيها ؟؟
سيف: بس جيه كيفي .. كنت أتسلى .. ألعب عليها
هالرمسة استفزت عبدالعزيز وما حس نفسه إلا يمد إيده ع سيف .. ويضربه ع ويهه ..
عبدالعزيز: ما تصورت إنك بهالحقارة .. تلعب ع أي وحده زبالة تعرفها إلا خالتيه يالوصخ
بدت الضرابة ما بينهم .. وكانوا يصارخون .. مواز من صدمتها واقفة وتسمع وما تحركت مول .. نزلت روضة تشوف شو صاير .. وسارت بيت يدها تزقر حد إيي يفجهم قبل لا يتذابحون .. خبرت يدها ويا وياها يشوف اللي صاير ووياه محمد ..
يود محمد عزوز وأبو خالد يود ولده .. والكل جان مستغرب شفيهم ليش يتضاربون .. سيف ما مداه يوصل إلا صار اللي صار .. شو مستوي ؟!!
أبو خالد: شفيكم تتذابحون ؟؟
سيف: ولا شي أبويه .. بس هالسبال يبيله حد يربيه من أول ويديد
عبدالعزيز: أنا وإلا إنت يا عمي يا محترم
سيف: احترم نفسك
عبدالعزيز: جان انت احترمت نفسك قبل لا تسوي اللي سويته
أبو خالد: أحين أبي أعرف شو اللي مستوي وبسرعة
تلوم سيف إنه قال الرمسة اللي قالها .. سيف حب ينتقم من موزة أول ما درا إنها بتعرس .. وقرر يتزوج ! مع إنه جان بس على علاقة مع هالبنت وبعيد عن الزواج أو حتى الحب .. حس نفسه إنه استعيل لما خبر عبدالعزيز وكل خوفه إنه يقول حق أبوه ..
أما عزوز ف الرمسة اللي قالها سيف عورتله قلبه .. مهما جان هاي خالته وما يطيع عليها .. واللي يمسها يمسه .. شلون سيف يطلع بهالنذالة .. شلون أقنعهم إنه يحبها ويبيها وآخر شي يطلع يتسلى !
أبو خالد: ما تقولون ؟؟؟ شاللي مستوي بينكم ؟؟
محمد: عزوز ارمس شفيك
عبدالعزيز: خلوه هو يقولكم
سيف: ما صاير شي أبويه بس سوء تفاهم
أبو خالد: تضرب ولد أخوك وتقولي ما صاير شي وبس سوء تفاهم .. سيف ارمس أحسن لك
سيف: قلت لك أبويه ما صاير شي
كانت موزان برع الصورة .. للحين ما ظهرت م الصدمة اللي خلاها سيف فيها .. للحين مب مستوعبة كل اللي صار !
عبدالعزيز حب ينتقم من سيف .. مستحيل يخليها تعدي جيه بالساهل .. يلعب ع الوصخات مو ع وحده من هله هالحقير
عبدالعزيز: ما تقولهم عن اللي سويته ؟؟
سيف بنبرة تهديد: عزوز !
عبدالعزيز: لا تقول اسمي ع لسانك
أبو خالد: عزوز تأدب .. لا تنسى إن ها عمك
عبدالعزيز: مابيه يكون عمي .. ما عندي عمومة
محمد: عزوز شو هالرمسة شفيك جيه ؟؟
أبو خالد: عزوز قلت لك تأدب
عبدالعزيز: جان تأدب ولدك قبل لا يسوي اللي سواه
أبو خالد تنرفز وفقد أعصابه وما حس إلا بإيده ع خد ولد ولده !!
أبو خالد: عزوز ثمن رمستك قبل لا تقولها .. ها عمك احترمه واحترم شيبة راسي
عبدالعزيز:عمي .. عمي ما يلعب ع خالتيه ويقولها أحبج وآخر شي يتزوج خايسه تعرف عليها برع !
قال هالرمسة وظهر عزوز م البيت وسار محمد وياه لا يتهور ويسوي شي ف روحه بس ما لحق عليه ورد يدش داخل .. أما أبو خالد ف جان منصدم من الرمسة اللي سمعها !
أبو خالد: صحيح هالرمسة يا سيف ؟!!
سيف: أبويه !
أبو خالد: صحيح هالرمسة ؟؟؟
سيف: هيه .. بس أبويه وربــ ......
أبو خالد: جب .. جب ولا كلمة .. إطلع برع .. لا إنت ولدي ولا اعرفك .. إطلع برع .. قلبي غضبان عليك ليوم الدين .. اطلع مابي أشوفك
الكل جان منصدم .. روضة .. محمد .. وموزة اللي واقفة ورا الباب وتسمع .. عقب ما كانت ف غيبوبة الصدمة بدت تستوعب اللي قاعد يصير ..
محمد: اظهر يا سيف .. يدي تعبان ماهو حمل بهدلة أكثر من جيه اظهر
سيف: أبويه سامحني ..
أبو خالد: جب يالوصخ .. أنا مب أبوك ولا إنت ولدي .. جب ولا كلمة .. فارج باللي ما يحفظك ..
محمد: سيف اظهر منيه شفيك إنت !
ظهر سيف .. وأول ما شاف موزان ف ويهه ياته صدمه .. فوق ماهو منصدم باللي صار .. كانت تطالعه بنظرة احتقار .. رغم إنه نظراته لها كانت مختلفة تماماً .. جأنه يقولها لا تصدجين اللي انقال .. !
واقف ورا الباب وبإذني سمعت كل شي
لا تحلف لي أترجاك ولا تقولي ما قلت شي
قلتلهم أريد أنساه ما أقدر أظل وياه
قلتلهم أريد أنساه ما أقدر أعيش وياه
أنا أسمع ودمي يثور ودمعة بطرف رمشي
أعذرك بعد ما أقدر .. واضح غدرك مبين
جرحك يا أعز الناس .. كلش صعب مو هين
صدج ما تريدني إنته .. حناني والوفا بعته
بعد لا تقولي آسف لا .. عذرك بعد ما يمشي
كنت تقولي أحبك موت .. ليش تقول ما أحبك
زين احكيلي أنا شبيك .. رايح تحكي للغرب
إنته لو مصارحني .. أبد ما جان جارحني
بعد لا تقولي آسف لا .. عذرك بعد ما يمشي
طالعها فترة .. وهي ما قالت شي .. بس نظرة عيونها ودموعها اللي كانت تهل .. قالت كل شي .. وعقبها ظهر م البيت .. وما جان عنده مكان يروح له إلا الفندق !
ظهر سيف .. وطاح بو خالد عليهم .. اتصل محمد ف الإسعاف وخذوه .. روضة كانت تبجي خايفة ع يدها وعلى أخوها اللي ظهر .. تحس إن المصايب كلها تولفت فوق راسها .. أمها مريضة وأبوها محد يدها طاح وأخوها ظهر معصب ..
وصلت الإسعاف وخذوا بو خالد اللي ظهر عنده جلطة ف القلب وحالته كانت خطيره وحاولوا إنهم ينعشون قلبه ورد له النبض .. حطوه ف العناية بس للحين نبضه ضعيف .. الكل سار المستشفى عنده .. !
ارتبشوا الأطباء فجأة عقب ما توقف نبض أبو خالد .. حاولوا ينعشونه بس بدون فايدة .. روحه طلعت والله خذ أمانته .. انجلب المستشفى لعزا .. الكل انصدم بالخبر .. إلا وشوي يدخلون ولد غرفة العمليات .. وأول ما شافت موزان الولد طاحت .. جان عبد العزيز مسوي حادث بالسيارة .. وعنده نزيف وحالته خطيرة !
تلعوزت حالتهم فجأة .. من وين بيحصلونها وإلا من وين .. خذن الممرضات موزان اللي انهد حيلها من الصدمات اللي قاعدة تييها وحده ورا الثانية .. ومن الضغوطات النفسية اللي تعيشها !
وصلت حصة ووياها أحمد .. وطاحت ف حضن ريلها أول ما شافت أمها وأختها مهرة تصيح وروضة ومحمد .. عرفت إن أبوها صار فيه شي .. وفعلاً تأكدت كل شكوكها لمن ياتها روضة وقالت لها إن يدها مات !
أحمد: محمد
محمد: هلا أحمد
أحمد: سيف وينه ؟؟؟
محمد: ما أدري عنه
أحمد: بتصل فيه بشوفه .. لا حول ولا قوة إلا بالله .. لا حول ولا قوة إلا بالله ..
اتصل أحمد ف سيف وخبره إيي المستشفى بسرعة بدون لا يقوله ليش .. ما حب يقوله ف التليفون ويتهور ف سياقته ويصير فيه شي .. وعقب 10 دقايق بس وصل سيف .. وأول ما شاف حالتهم تفاجأ .. شافته روضة وسارت صوبه كانت خلاص منهارة وما عاد يهمها شي .. منو باجي عسب تفقده ..
روضة: إنت السبب .. كله منك .. إنت اللي ذبحت يدي .. إنت السبب أنا أكرهك
أحمد: روضة شفيج ؟؟ إحنا ف المستشفى عيب هالرمسة
روضة: هو اللي ذبحه .. يدي مات بسببك .. وأخويه ف العمليات .. وموزان طاحت علينا .. إنت ساس البلاوي .. ليش رجعت كنا مرتاحين وإنت بعيد .. أنا أكرهك وربي ما بسامحك ..
جان سيف ساكت .. والكل استغرب إنه ما رد عليها .. يمكن لأنه جان منصدم .. ليش ما ينصدم وهو فعلاً سبب ف اللي صار لأبوه .. وغير جيه أبوه مات وجان غضبان عليه .. أبوه قاله إنه مب مسامحنه شو يبا أكثر من جيه ؟؟؟
روضة: سير منيه .. ياليتك إنت اللي متت مب يدي .. الله لا يسامحك .. سير حق الخايسة اللي خذيتها
أحمد: روضة بس قلت لج .. محمد خذ روضة وحصة وعمتي وديهم البيت ..
محمد: إن شاء الله .. بس كيف بخصوص يدي ؟؟
أحمد: بنخليهم يخلونه عندهم وباجر بنسوي الإجراءات الوقت تأخر أحينه .. وبعدين لازم نقول حق خالد
خذ محمد روضة وحصة وأم خالد البيت .. اللي ف البداية رفضن يسيرن .. خصوصاً إن غير إن بو خالد مات .. عبدالعزيز ف غرفة العمليات وما يعرفون شو الحال وياه .. بس مع إصرار محمد ع روضة .. وإصرار أحمد ع حصة وافقن وسارن البيت ..!
أما سيف فجان مصدوم .. للحين ما نطق بشي .. بس جان يبجي من الحرقة .. سار أحمد صوبه ورمسه ..
سيف: أنا السبب .. ذبحت أبويه .. شلون بسامح نفسي ؟؟؟
أحمد: استغفر ربك يا سيف .. ها قضاء وقدر
سيف: أحمد أبويه مات وهو غضبان عليهّ .. أبويه قالي مب مسامحني ليوم الدين .. مات ولا قدرت أستسمح منه ..
أحمد: سيف وربي الوضع ما يتحمل إنك تسوي ف نفسك جيه .. كافي علينا موزان وعبدالعزيز ..
سيف: أنا بسير أشوفه .. أبي أشوف أبويه
دش سيف ع أبوه .. وأحمد سار يشوف أخته .. اللي بدت تفتح عيونها .. وهي مب عارفة وينها فيه ..
أحمد: شحالج أحينه ؟؟
موزة: أنا وين ؟؟
أحمد: بالمستشفى
بدت موزان تتذكر .. أول ما سمعت خبر وفاة بو خالد .. وشافت عبدالعزيز بالحالة اللي جان عليها ما قدرت تتحمل ..
موزة: عزوز شحاله ؟!!
أحمد: للحين ف غرفة العمليات
موزة: أبي أسير
أحمد: وين تسيرين ارتاحي
موزة: أنا بخير .. أبي أطمن ع عزوز .. والله ميثة مخليه عيالها أمانة عندي .. شقولها لا ردت وشافت ولدها جيه حالته
أحمد: ما راح يصير عليه شي .. إن شاء الله بيقوم بالسلامة
موزة: البنات وين ؟!!
أحمد: خبرت محمد يوديهم البيت .. وأتصل ف خالد جهازه مغلق يمكن للحين مب واصلين
موزة: بتقولهم ؟؟
أحمد: هيه .. لازم يعرف يمكن يبا إيي يشوف أبوه
موزة: لا حول ولا قوة إلا بالله .. المصايب فجأة قامت تتحاذف علينا
أحمد: إلا صج ؟؟
موزة: شو ؟
أحمد: سيف شو مسوي ؟!! وعمي شلون طاح ؟؟
موزة: سيف تزوج .. ولمن عرف عزوز صارت بينهم ضرابة .. درا أبوه بالسالفة وقاله عزوز عن السالفة .. عصب عليه وطرده .. وعقبها طاح
أحمد: معقولة سيف يسوي جيه ؟!
موزة: ليش منو سيف عسب ما يسوي جيه ؟؟
أحمد: وإنتي ؟؟
موزة: أنا قلت له ما أبيه .. وخبرته يشوف له وحده غيري .. خلنا نروح نطمن ع عزوز
أحمد: بنطمن عليه وعقبها بوديج البيت
موزة: إن شاء الله !
عقب مرور أسبوع
بيت أبو عبدالعزيز ( عبدالله )
يوم الأربعاء
الساعة 4:30 عصراً
علي ف الصالة يتريا ميرة تتزهب عسب يوديها المستشفى تزور ولد أخت موزة .. وبالمرة تشوف موزان وتآخذ أخبارها .. أول ما زهبت نزلت وشافته قاعد يتعبث بتليفونه وعرفت إنه قاعد يراسل فوز ..
ميرة: شو نسير ؟!
علي: أنا أبا أفهم إنتي شو مودنج أحينه مب رفيجتج اللي مريضه ولد أختها يعني ريال
ميرة: أدري بس أنا ما بدش أشوفه .. من باب الواجب بعدين بما إنهم ف الشارجة فرصة أشوفها صارلي فترة ما شفتها .. والريال إنت اللي بتروح تشوفه
علي: بس أنا ما أعرفهم
ميرة: عادي تعرف عليهم
علي: وليش ما قلتي حق ريلج يوديج ؟؟
ميرة: ما باجي ع العرس إلا شهر ومابي أشوفه
علي: لا والله .. حلفي إنتي بس يعني جأنج ما ترمسينه
ميرة: الرمسة غير والشوف غير
علي: زين ياللا خلصينا !
ركبت ميرة السيارة وساروا صوب المستشفى .. خالد طلب منهم ينقلون ولده الشارجة عقب ما استقرت حالته .. وصحته أفضل بوايد بس ما رخصوه لين ما يتأكدون من صحة جميع أعضاءه ..
وصلوا المستشفى .. نزلت ميرة ومعها علي واتصلت ف موزة عسب تعرف مكانهم وين .. دلتها ع المكان وساروا .. أول ما وصلوا سارت ميرة عند موزة .. وعلي سلم ع أحمد وخالد ودش يطمن ع صحة عبدالعزيز بالرغم من إنه ما يعرفهم .. بس شافهم ناس طيبين وحب يلستهم ..!
عند موزة وميرة
خذت موزة ميرة وسارن يقعدن ف الكوفي شوب عسب ياخذن راحتهن ف الرمسة ..
موزة: فيج الخير والله .. تسلمين ع ييتج
ميرة: أقول عن السخافة .. أنا ما سويت إلا الواجب
موزة: شعلومج وشو هباتج ؟؟
ميرة: والله ماشي الحال .. كيف المذاكرة ؟؟
موزة: نص نص تعرفين بعد أحس نفسي ما داخل شي ف عقلي
ميرة: يالويه ركزي ترا الإمتحانات الأسبوع الياي
موزة: أدري بس شسوي .. ارتبشنا وايد ف العزا .. ومرض أختيه وحادث عزوز
ميرة: الله يعينكم .. إلا صج شلون صار جيه ؟!!
موزة: كله من سيف .. هو السبب
ميرة: ليش سيف رجع ؟!!
موزة: ويا ليته ما رجع
ميرة: ليش عاد ؟!
موزة: تعرفين إن سيف تزوج ؟!!
ميرة: ههههههههه قولي نكته ثانية
موزة: سبالة تشوفيني قاعدة أنكت
ميرة: آسفة .. صج والله ؟؟
موزة: هيه .. وما يحتاي أقولج التفاصيل المفروض تعرفين بنفسج شصار يعني
ميرة: وإنتي ؟!!
موزة: كل ما أقول حق حد يقولي وإنتي .. وأنا شو ؟!! ولا شي
ميرة: أوكي خلاص إذا الموضوع ينرفزج لا ترمسين
موزة: أعصابي تعبانة .. ما اعرف شلون مرت الأيام اللي طافت
ميرة: هو الخسران إنتي ألف واحد يتمناج
دق تليفون ميرة .. جان الرقم دولي ف توقعت إن فوز هي اللي متصلة فيها وردت عليها ع طول ..
ميرة: هاي فوز .. هلا هلا هلا .. وغلاتين
فوز: هههههههه بس غلاتين ؟!! ويا مخج .. السلام عليكم
ميرة: وعليج السلام والرحمة .. شحالج فديتج ؟؟
فوز: الحمدلله بخير .. شحالج إنتي ؟؟
ميرة: مرة تمام والأمور ضابطة نتريا الإمتحانات تيي وتخلص
فوز: ليش بعدكم ما بديتوا ؟!
ميرة: لا لسه .. ع الأسبوع الياي .. شحالج إنتي وشو أخبارج ؟؟
فوز: كل شي تمام .. مواز عندج ؟؟
ميرة: يمه يمه يمه .. شدراج ؟؟؟
فوز: هههههههههه علاوي قالي
ميرة: ليش علاوي عندج ؟؟ أكيد 24 ساعة يرمسج
فوز: يب لازم
ميرة: أونج .. خفوا شويه مب زين جيه عقب بتملون بعض .. وانتبهي ترا علاوي أول شي ينتزق وبعدين عادي
فوز: صج نذلة .. لا فديتج علاوي غير
ميرة: لا فديتج علاوي غير .. زين بتشوفين وبتقولين ميرة قالت
فوز: أخ عليج جان تفاولين ع رفيجتج
ميرة:هههههههههه لا والله ربي يسعدج ويهنيج .. جم فوز عندي أنا
فوز:عطيني موزان أنا داقة عشانها مب عشانج
ميرة: شوف النذلة .. وموزان ما عندها فون تدقين عليها ؟؟
فوز: هههههههه دقيت بس جهازها مبند
ميرة: أوكي .. هاج
موزة: السلام عليكم
فوز: وعليج السلام والرحمة .. شحالج غناتي ؟؟
موزة: الحمدلله فديتج بخير .. شحالج إنتي ؟؟
فوز: بخير دامج بخير .. عظم الله أجركم وأحسن الله عزاكم
موزة: البقاء والدوام لله ..
فوز: وشحاله ولد أختج ؟؟ شو صحته ؟؟
موزة: الحمدلله بخير .. يمكن ع الأسبوع الياي يرخصونه
فوز: الحمدلله ..
موزة: وإنتي متى يايه إن شاء الله ؟؟
فوز: عقب أسبوعين إن شاء الله
موزة: حلووو .. عيل بنشوفج جريب
فوز: يب
ميرة: عطيني إياها بقولها شي
موزة: فوز هاي ميرة حشرتني تبيج
فوز: ههههههه عطيني إياها
ميرة: فوزوووه سمعي أنا وسعيد قررنا نيي ألمانيا شهر العسل .. ف ضبطيلنا الحياة
فوز: ههههههههه أتحرا عندج سالفة والله ..
ميرة: تعرفين إنتي بعد ما باجي شي .. احم شهر وأتزوج
فوز: لا تنسين ترا باجيلج كورس
ميرة: هيه أدري بس عادي ضبطت أموري .. وإنتي شو ؟؟
فوز: أنا عندي صيفي غير الكورس الياي
ميرة: ما عليه ف هالنزلة املجي .. وف الصيف العرس
فوز: ياربي إنتي طلعتي شرات أخوج كل ما رمسني فتح هالموضوع ويايه
ميرة: علاوي وايد مستعيل .. لا تعذبين أخويه لو سمحتي
فوز: قوليله هو ما يعذبني ..
ميرة: ههههههههه ليش شو مسولج؟؟
فوز: ولا شي ..
ميرة: قولي عاد
فوز: بدا الفضول .. ما بقولج أسرار بين ريال وخطيبته إنتي شو يخصج ؟؟
ميرة: زين يا فوز ما عليه .. الأيام بينا
فوز: ههههههههه بخليج أحينه ياللا سلمي عليهم كلهم
ميرة: إن شاء الله غناتي ..
فوز: فمان الله
ميرة: ربي يحفظج
طول الوقت .. لمن موزة وميرة يرمسون فوز .. كانت ع الطاولة اللي حذالهم بنت مركزة ع رمستهم .. وأول ما بندت ميرة عن فوز يات البنت صوب الطاولة ..
عبير: السلام عليكم
موزة وميرة باستغراب: وعليكم السلام ورحمة الله
عبير: شحالكن ؟؟
موزة وميرة: الحمدلله بخير ..
عبير: آسفة ع الإزعاج
ميرة: لآ عادي .. آمري تبين شي ؟!!
عبير: بصراحة كنت يالسة ع الطاولة اللي حذالكم .. وسمعتج وإنتي ترمسين ف التليفون .. لفت انتباهي اسم البنت اللي ترمسينها ..
ميرة: تقصدين فوز ؟؟
عبير: هيه ..
ميرة: وإنتي شدراج بفوز ؟!
عبير: مو هي اللي تدرس ف ألمانيا ؟!!
ميرة: بلا هيه ..
موزة: إنتي تعرفينها ؟!!
عبير: هيه أنا رفيجتها !
ميرة وموزة: رفيجتها ؟!!
موزة: عفواً بس إنتي شو اسمج ؟؟
عبير: اسمي عبير
موزة: أول مرة أعرف إن فوز عندها رفيجة اسمها عبير ..
ميرة: هيه والله .. أنا وموزة رفيجاتها الروح بالروح .. ولا عمرنا سمعناها تييب لج طاري
عبير بارتباك : هاه .. أدري هالشي
حست عبير إنها توهقت وما عرفت شو تقول .. وفجأة تذكرت إن فوز إدش النت ..
موزة: عيل من وين تعرفينها ؟!
عبير: من النت .. مو أنا تعرفت عليها ف المنتدى
ميرة بشك : طيب وشتبين أحينه ؟؟ لأن تأخرنا ولازم نروح
عبير: وأنا بعد تأخرت .. بس أبي أسأل عن أخبارها صار لها فترة ما تدش المنتدى
ميرة: الحمدلله بخير وأمورها طيبة بس هالفترة مشغولة بالدراسة عسب جيه ما إدش
عبير: متى بترد م السفر ؟!!
ميرة: جريب إن شاء الله
عبير: حلو والله .. إنتو تقربونها ؟!!
ميرة: هاي رفيجتها وأنا أخت خطيبها
عبير: ما شاء الله فوز انخطبت ؟!!
ميرة: هيه
عبير: طيب فديتج ممكن تعطيني رقمها .. أبي أسويلها مفاجأة وأدق عليها أول ما ترد
موزة: لازم ناخذ رايها قبل
عبير: بس أنا ما راح أشوفكم .. سبحان الله القدر اليوم يمعنا .. عقب شقايل بتردون عليّه إذا وافقت
ميرة: صح كلامج .. أي رقم تبين ؟!!
عبير: عطيني رقمها هنيه .. أنا باجر مسافرة ما بواحي أدق عليها .. إلا عقب ما أرجع م السفر وأكيد هي راح تكون ف البلاد وقتها
ميرة: إن شاء الله .. سجلي عندج !
استأذنت عبير عقب ما خذت رقم فوز .. وسارت تشوف بنت عمها اللي يايبه بنتها ليش إنها مريضة ..!!
عند علي !
عقب ما تطمن علي ع عزوز وقام بالواجب ظهر يشوف ميرة بس ما لقاها .. ومشى بين الأقسام يشوفها يمكن تكون موجودة .. وهو ساير صوب الكوفي شوب .. تفاجأ بشوق إلا انصدم كانت شوق ظاهرة من قسم الأطفال وشاله ف إيدها بنت صغيرة .. انتبهت عليه شوق وانصدمت أول ما شافت علي جدامها !
علي: شوق !!
شوق بارتباك: علي ؟!!
علي: شحالج ؟!
شوق: الحمدلله بخير .. شحالك إنت ؟!
علي: بخير الحمدلله .. منو هالبنت ؟!!
كانت شوق متوقعة إن علي بيسألها هالسؤال .. ! منو هالبنت ؟!
شوق: هاي بنت بنت عمي
علي: آهاا .. ما شاء الله عليها .. قمر .. ممكن تعطيني إياها ؟؟
ناولت شوق البنت علي .. اللي خذها وباسها ع خدها وعقب رجعها لشوق .. كانت شوق تطالعه .. تحبه للحين تحبه .. انتبهت ع الخاتم اللي ف إيده ..
شوق: خطبت ؟!!
علي: هيه .. من فترة
شوق: ومتى العرس ؟!!
علي: ع الصيف إن شاء الله
شوق: ربي يسعدكم ..
علي: تسلمين شوق
طلع علي محفظته وطلع منها 200 درهم وحطهم ع صدر البنت اللي كانت راقدة ..
علي: ما قلتيلي شو تسوين هنيه ؟؟
شوق: فوز مريضة شوي
علي: اسمها فوز ؟؟
شوق: هيه
علي: ربي يحفظها .. والحمدلله ع سلامتها
شوق: ربي يسلمك .. وإنت شعندك هنيه؟؟
علي: ياي أزور واحد من معارفنا
وصلت عبير .. ووقفت حذال شوق وهي تطالع الريال اللي ترمسه ..
شوق: هلا عبير .. وصلتي ؟؟
عبير: هيه .. كنت ف الكوفي شوب .. شو خلصتوا ؟؟
شوق: هيه .. عبير ها علي ! علي هاي عبير بنت عمي
علي: تشرفنا ..
عبير: وأنا أكثر !
سمع علي صوت ميرة تزقره .. وترخص من عندهم وسار صوبها .. كانت ميرة واقفة تشوف علي اللي قاعد يرمس شوق وعبير ..
ميرة: منو هاي ؟!!
علي: منو؟؟
ميرة: اللي كنت ترمسها ؟!!
علي: وحده تدور قسم الأطفال
ميرة: لا والله ليش ما تعرف تقرا مثلا ؟؟
علي: شو تقرا ؟؟
ميرة: تقرا إن قسم الأطفال وراها
علي: شدراني عنها .. سألتني وجاوبتها !
ميرة: ومنهي هاي اللي يات عقب ؟؟
علي: ليش إنتي من متى واقفة هنيه ؟؟
ميرة: من فترة
علي: شدراني عنها !
ميرة: أوكي خلينا نروح
مشت ميرة وعلي وراها .. آخر شي جان يتوقعه إنه يشوف شوق عقب هالفترة الطويلة .. والبنت اللي وياها .. ما يدري ليش حس بإحساس غريب أول ما شلها ف حضنه .. قرر يطرد هالأفكار من باله .. مهما كان اللي بينه وبين شوق انتهى من زمان .. الشي الوحيد اللي خايف منه علي إن فوز تعرف باللي صار .. ولهالسبب فكر يفاتحها فيه عقب ما يملجون ..!
بيت أبو شوق
يوم الخميس
الساعة 2:00 ظهراً
عقب ما رقدت فوز .. ظهرت شوق م الغرفة وسارت الصالة عند عبير اللي مبين عليها إنها سرحانة وتفكر ف شي ..
شوق: عبير شفيج ؟!!
عبير: ولا شي !
شوق: متأكدة ؟؟
عبير: يس .. شو فوز رقدت ؟؟
شوق: هيه
عبير: ممممم شوق بسألج ؟
شوق: شو ؟؟
عبير: ليش ما قلتي حق علي إن فوز بنته ؟؟
شوق: مابي أقوله
عبير: ليش ؟؟ علي أبوها ومن حقه يعرف
شوق: إنتي ما شفتي الخاتم اللي ف صبعه .. علي خطب وعرسه عقب فترة .. مابي أخرب حياته
عبير: ويعني ؟!! إنتي بعد كنتي زوجته والبنت بنته مو معقولة يعني تتحملين تربيتها بروحج
شوق: مب محتايه حق حد يربيلي بنتي .. وفوز مش ناقصنها شي
عبير: ناقصها أبو
شوق: البنت ما كملت شهرين .. للحين ما تفهم
عبير: وباجر لآ كبرت .. شو بتقولين لها ؟؟
شوق: بقولها أبوج مات
عبير: شوق تربية ياهل مب شي سهل .. لا تظنين دامج موفرة لفوز كل شي يعني راح تغنيها عن وجود أبوها ف حياتها .. وعلي لازم يعرف إنه لمن طلقج كنتي حامل ببنته .. وبعدين لا تنسين إنج مريضة وما تدرين شو ممكن يصير !!
شوق: لازم تذكريني يعني ؟؟ أنا بعيش مع بنتي حياة طبيعية .. حتى لو مكتوب لي إني أروح عنها .. أبي أقضي وياها لحظات سعيدة أنا وهي وبس مابي أقضي ولا لحظة بعيد عنها .. فوز هي اللي بقت لي من ريحة علي .. ومابي أخسرها
عبير: إنتي بجيه تظلمين علي .. هو بعد من حقه يعيش مع بنته
شوق: هو ما يدري عنها .. حتى لو صار فيني شي ما راح يعرف وإنتي راح تربين بنتي من عقبي
عبير: أنا أشوف إنج لازم تقولين له .. ع الأقل إيي يشوفها .. مو لازم تحسسينه إنه مجبور يعيش دور الأبو .. إنتي ما تبين شي منه .. بس بنتج تبي .. وهو أكيد لو درا إن هالبنت بنته ما راح يفرط فيها .. ولا تعتقدين إني أقولج جيه عسب أتهرب من مسؤوليتها .. لا والله بربيها لين تكبر من عيوني .. بس فوز راح تحتاي أبو يا شوق ..
شوق: عبير أنا قلت لج كل شي لأنج بنت عمي وواثقة فيج .. لا تخليني أندم إني خبرتج وهالموضوع بليز لا عاد تفتحينه
عبير: شوق أنا أرمس لمصلحتج .. بليز فكري ف اللي أقوله
شوق: انسي مصلحتي دام الموضوع يخص علي
عبير: للحين تحبينه ؟؟
شوق: أحبه للدرجة اللي تخليني أضحي بحياتي عشان سعادته
عبير: مو كافي تضحيات ؟؟
شوق: مابي أخرب حياته .. هو بعد ضحى عشاني لمن تزوجني .. وساعدني عسب أسترد صحتي وعافيتي وأرجع أشوف من يديد
عبير: ساعدج بفلوسج ..
شوق: لا والله .. كل شي جان ع حسابه إلا مصاريف علاجي أنا قلت له إذا ما خلاني أتكفل بالمصاريف ما راح أعالج ..
عبير: شوق افهميني
شوق: خلاص يا عبير ماله داعي تناقشيني ف موضوع انتهينا منه أنا ظهرت من حياة علي ومابي أرجع لها مرة 2 وأدمر حياته ويا فوز .. وهالشي كنت مقررة أسويه من قبل لا أعرف إني مريضة وأحين متمسكة فيه لآخر يوم لي ..
عبير: وإنتي تعتقدين إن فوز بتوافق تتزوجه إذا درت إنه متزوج وعنده بنت ؟؟؟
شوق بتحذير: عبير ، فوز ما راح تعرف هالشي .. شرات ما أهل علي نفسهم ما يعرفونه ..
عبير:
As u like
نشت عبير تدور وآير الجراجة عسب تعبي تليفونها .. وسارت شوق تشوف فوز اللي نشت م الرقاد وكانت تصيح ..
فتحت عبير الأدراج وانتبهت ع ألبوم صور أول مرة تشوفه .. خذت الألبوم .. وطاحت منه صور الظاهر ما كفآهآ الألبوم ف انحطن جيه .. خذت الصور والألبوم وسارت غرفتها ليش إنها خافت شوق تشوف الصور عندها !
الصور كانت تخص شوق .. صورها مع صور علي لمن كانوا ف بريطانيا للعلاج .. وصور ثانية لفوز بنتها .. يلست عبير تشوف الصور وتركز ع كل صغيرة وكبيرة فيهن .. حست إن بنت عمها كانت وايد مستانسة إلا طايرة م الفرح .. وحست شكثر هي تحب علي .. وإلا منو فهالزمن تسمي بنتها ع اسم البنت اللي راح تسرق حبيبها منها ؟؟
.. كانت حابة تساعدها بأي طريقة .. رقم فوز وعندها كل اللي تبيه إن فوز ترجع م السفر .. وعقبها لكل حادثة حديث !
الجزء التاسع والعشرون
شقة أبو حمد – ألمانيا
السبت
الساعة 6:00 مساءاً
كانت فوز ف الصالة وياها أم ذياب وهند وعلي .. يايين يسلمون عليها ويباركون لها بالخطوبة ..
هند: أبي أشوف الصور
فوز: صور شو ؟!
هند: الخطوبة .. أبي أشوف منو ها سعيد الحظ اللي خذاج
فوز: هههههههه اصبري بييب لج اللاب توب ..
يابت فوز اللاب توب .. وفتحت ع صور الخطوبة .. وعطت هند تشوف ..
فوز: ترا هاي الصور ربيعتي صورتهم .. اللي هي أخته .. بس في صور 2 خذتهم حقنا المصورة للحين مب زاهبات
أم ذياب: ما شاء الله عليكم .. صدج مناسبين حق بعض .. ربي يهنيج ويسعدج يا بنتي ..
فوز: تسلمين خالتيه وعقبال ذياب وهند إن شاء الله
هند: وااااااااو .. صراحة خطيبج طلع حلووو شو حلو وسيم وكشخة ورزة .. ما شاء الله .. بس طبعاً إنتي أحلا عنه
فوز: هههههههههه بديتي تعليقاتج
هند: لا صج .. مممممممم يشبه حد اصبري خل أتذكر .. هييييييه بسألج الوسمي يقرب له
فوز: ههههههههههههه منو الوسمي .. لا تقولين ها اللي جان يغني
هند: هيه
فوز: لا ما يقرب له .. ليش ؟!
هند: ما أدري وايد يشبهه
فوز: لا تبالغين عاد
هند: صج صج فيه شبه .. زين دبه ما قلتيلي
فوز: عن شو ؟
هند: ليش ما ملجتوا بالمرة ؟!
فوز: ما بغيت .. تعقدت من الملجة .. واشترطت عليه الملجة والعرس ف نفس اليوم إذا يبيني
أم ذياب: هو يقرب لكم ؟!
فوز: لا .. بس بينا معرفة .. يعني صار لنا جم سنة نعرفهم
أم ذياب: بس بيني وبينج الخطوبة أحسن .. تشوفون بعض وتاخذون راحتكم في التفكير .. بدل لا تملجون وعقب ما ترتاحون حق بعض
هند: صدج والله .. أحينه هب بس عقب الملجة يكتشفون إنهم هب مناسبين .. في منهم عقب الزواج وعقب ما يصير كل شي .. يتطلقون
تذكرت فوز نفسها .. كمثال للي ملجت وتطلقت لمن سمعت رمسة أم ذياب .. بس اللي يا ف بالها أو ما سمعت رمسة هند .. هي رفيجتها نورة .. واللي صار وياها .. كانت تتذكر رمسة نورة وياها لمن سارت تشوفها ف بيتهم وترمسها !
كانت مقررة قبل لا ترد ألمانيا .. تروح تشوف نورة .. لازم تعرف السر ورا طلاقها .. وصلت البيت .. فوز عمرها ما زارت نورة ف بيتهم .. وخذت عنوان البيت عن طريق موزة .. دقت الجرس واللي ظهر لها جان خليفة .. !
خليفة بصدمة: فوز !
أول ما شافته اعتفست .. ما كانت متوقعة إن خليفة هو اللي يفتح الباب ..
فوز: السلام عليكم
خليفة: وعليكم السلام والرحمة
فوز: نورة هنيه !!؟
خليفة: هيه
فوز: ممكن تزقرها !
توقع خليفة إن فوز ما تدري عن حالة نورة الصحية .. ولهالسبب طلبت منه يزقرها لها !
خليفة: السموحة منج بس نورة ما تقدر تظهرلج
فوز: ليش ؟! عسى مآ شر !
خليفة: ما شر بس تعبانة ..
شكت فوز ف السالفة .. تعبانة ! والتعب يخليها ما تقدر تيي لي ..!
فوز: شفيها ؟!
خليفة: أنا أقول إدشين لها أحسن
فوز باستنكار: وين أدش؟!
خليفة: تروحين لها دارها وين بعد !
فوز: حد ف البيت ؟!
خليفة: هيه لا تحاتين .. الوالدة وأختيه شمسة هنيه
فوز: إنزين ازقرلي حد منهم
خليفة: السموحة منج .. لحظة شوي
بدت فوز تحاتي .. شفيها نورة !! قلبها ما جان مرتاح مول .. حست إن صاير لها شي جايد .. كلها دقيقة ويات شمسة .. اللي سلمت ع فوز وخلتها إدش داخل .. وقبل لا تروح عند نورة فهمتها الحالة النفسية الزفتة اللي نورة تعاني منها .. !
شمسة: حاولي ترمسيها يا فوز .. عيزنا منها وما رضت تقول لنا أي شي .. بس الظاهر إن اللي صار وياها مب شوي
فوز: يعني هي ما قالت لكم عن سبب الطلاق ؟!
شمسة: لا ما قالت ..
فوز: ولا ريلها ؟!!
شمسة: ولا ريلها رضا يرمس
فوز: غريبة ! ما عليه أنا برمسها وإن شاء الله لكل مشكلة حل
شمسة: الحمدلله إنها تجاوزت اللي مرت فيه .. اللي ما تعرفينه يا فوز إن نورة حاولت تنتحر
فوز: شو ؟!! تنتحر ! نورة تسوي جيه .. مستحيل !
شمسة: ها اللي مستغربين منه .. بس الظاهر اللي صار لها مع ريلها جايد
فوز: بحاول أفهم منها اللي صار .. لو إني أشك إنها راح تقولي شي
شمسة: قد ما تقدرين حاولي ..
فوز: إن شاء الله
وصلت شمسة فوز لعند باب غرفة نورة .. دقت فوز الباب ودشت .. كانت نورة واقفة حذال الدريشة وتطالع خاري .. ويبين عليها إنها سرحانة ..
فوز: السلام عليكم .. شحالج نورة ؟!!
لفت نورة صوب فوز .. تشوف منو اللي يرمسها .. وتفاجأت أول ما شافت فوز واقفة !
نورة: فوز ؟!! إنتي هنيه ؟!!
فوز: هيه فديتج أنا هنيه
نورة: يعني إنتي فوز الحقيقية .. صح مو إنتي فوز ؟؟
فوز باستغراب: هيه أنا فوز ..
يات نورة صوبها تركض .. وطاحت ف حضنها .. وفوز مستغربة كلامها وتصرفاتها ..
فوز: شحالج نورة ؟!
نورة:مب بخير .. مب بخير
فوز: شفيج غناتي ؟!
نورة ما ردت عليها ..
فوز: ايلسي فديتج وقولي لي شاللي مخلنج حزينة جيه
يلست نورة ع الكرسي .. جان فعلاً يبين إنها تعاني من حالة نفسية أشبه بالجنون .. مب هاي نورة اللي فوز تعرفها .. هاي مب رفيجتهم .. هاي وحده ثانية .. بس شو اللي صار لها .. ليش كل ها فيها !!
فوز: شفيج غناتي .. رمسيني أنا فوز رفيجتج
نورة: إنتي مب رفيجتي .. اللي تخلوا عني أنا ما أعرفهم
فوز: محد تخلا عنج يالغالية .. كلنا موجودين بس إنتي أدرى بالظروف
بدت نورة تصيح .. وفوز علامات التعجب ع راسها تزيد ..
نورة: شفتي شصار فيني ؟!! شفتي شو سووا فيني .. أنا ما سويت شي ..
فوز: حبيبتي إنتي إهدي وقولي لي كل شي .. صدجيني ما راح أقول حق حد .. بس طلعي اللي ف خاطرج .. شاللي مضايجج
نورة: حتى لو قلتيلهم .. ما راح يسوون شي .. محد يقدر يسوي شي
فوز: شرايج ادشين تغسلين ويهج .. عسب نرمس بكل هدوء
استجابت نورة لطلب فوز .. وفهالوقت ظهرت فوز من غرفة نورة .. صادفت خليفة جان رايح داره ..
فوز: أخوي لو سمحت
خليفة: آمري الشيخة
فوز: مآ يآمر عليك عدو .. بس لو تقولهم يسوون حق نورة عصير ليمون
خليفة: إن شاء الله .. هي قالت لج شي ؟!
فوز: لا .. بس راح تقول
خليفة بابتسامة: أوكي
دشت فوز غرفة نورة .. واستعيلتها تظهر بسرعة عسب يرمسون ويا بعض .. وكلها 10 دقايق ظهرت نورة .. وسارت تيلس ع الشبرية .. وجابلتها فوز !
فوز: فديتج كل مشكلة لها حل .. لا تسوين بعمرج جيه ..
نورة: أنا ما سويت شي .. هو سوا .. هو سوا كل شي ..
فوز: منو هو ؟! وشو سوا ؟!!
نورة: مابي أقول آسمه مابي .. لا تطرينه
فوز: تقصدين ريلج ؟!
نورة: ها مب ريلي .. ها حيوان .. ها وحش .. لا تقولين ريلي
فوز: إن شاء الله .. بس شو سوا ؟!!
دشت البشكارة يايبة العصير .. وظهرت .. خذت فوز كوب العصير وطلبت من نورة تشربه عسب تهدى أعصابها .. والأفكار ف راس فوز تودي وتييب ..
شربت نورة عصيرها .. وشاركتها فوز .. وعقبها حطت الأكواب ع صوب عشان يبدون يرمسون ف السالفة بدون لا شي يقاطعهم ..!
انهارت نورة ويلست تصيح .. بس انهيارها جان دليل ع إنها تبي ترمس .. وإن ف خاطرها شي تبي تقوله .. وإنها راح ترمس !
كانت تصيح .. بس حسها مخنوق .. وصوتها بدا يروح ..
نورة: فوز .. أنا بنت .. أنا للحين بنت
فوز باستغراب: شلون ؟!
نورة: سالم ما قرب صوبي .. سالم مريض .. ما يقدر
فوز: مستحيل !
نورة: وربي ما أجذب عليج ..
فوز: ولهالسبب تطلقتوا ؟!
نورة: أنا ما قدرت أعيش وياه .. مينون .. وحش مب آدمي .. أول ما اكتشف ضعفه ين ينونه .. تخبل .. ما أدري شو ياه ..
فوز: وليش ما قلتي حق أهلج ؟!
نورة: شو أقولهم .. شوفي .. طالعي إيدي .. طالعي ظهري .. شو تبيني أقولهم .. إني أتريق ضرب .. وأتغدا إهانات .. وأتعشا ذل .. شو أقول بالضبط
كانت فوز منصدمة م اللي قاعدة تشوفه .. شاللي يجبر نورة تسكت وتتحمل ها كله ..؟!! وليش الخبر اللي وصلنا إنها ترمس شباب وإن ريلها أكتشف إنها تخونه ولهالسبب طلقها !
نورة: أنا من يوم خذيته ما عشت لحظة حلوة وياه .. مع إنه جان يحبني .. وجم مرة خطبني قبل لا أوافق عليه .. فجآة تغير .. يمكن لأنه حس إن اللي فيه ينقص من رجولته .. وبدا يتوهم أمور غريبة
سالم: منو كنتي ترمسين ؟!! قولي يا حقيرة منو ها اللي ترمسينه ؟؟
نورة: سالم شفيك ؟؟ وربي ما كنت أرمس حد .. أحين ناشة من رقادي .. شوف التليفون وين
سالم: جذابة .. أنا ما أصدجج إنتي وحده خاينة .. إنتي فاجرة
نورة: سالم واللي يعافيك بس .. تعبت م اللي قاعد تسويه فيني .. حرام عليك .. كل يوم ياي بقصة يديدة .. كل يوم إهانات وسب وشتم .. إنت ليش خذيتني .. عسب تعذبني .. تبي تنتقم مني ؟؟
سالم: أنا أحبج .. إنتي ليش ما تفهمين هالشي .. أحبج .. بس إنتي تخونيني .. ما تبيني لأني مب ريال .. وقلتي بتشوفين لج غيري يعطيج اللي أنا ما قدرت أعطيج إياه
نورة: أستغفر الله إنت شقاعد تخربط .. إنت مستوعب كبر الكلام اللي قاعد تقوله لي ..
فوز: معقولة ؟!
نورة: وأكثر من جيه .. بوقت أكون أنا فيه ف البيت .. بيتصل .. بيقول وين كنتي أنا شفتج مع واحد ف السيارة منو ها .. خلاني أكرهه وأخافه .. ما قدرت أتحمل اللي جان يسويه فيني
فوز: إنتي اللي سمحتيله يسوي هالشي يا نورة .. واحد يشكك ف أخلاقج من البداية ما تبينه ولا مجبورة تيلسين وياه نص يوم حتى
نورة: بس أنا عارفة إن هالشي جان غصب عنه ..
فوز: اللي يحب عمره ما يضر الشخص اللي يحبه حتى لو بكلمه .. ف ما بالج بضرب وتجريح وإهانات
نورة: ما عاد تفرق معي ..
فوز: محد يعرف بالكلام اللي قلتيه حقي ؟!
نورة: لا .. ولا تقولين لأي شخص .. أنا بس كنت أبي أفضفض أبي أطلع اللي ف خاطري
فوز: وأنا ييتج اليوم لهالسبب .. بصراحة ما بجذب عليج وايد رمسة انقالت بخصوص موضوع طلاقج
نورة: أدري
فوز: شو تدرين ؟!!
نورة: الرمسة اللي انقالت .. أدري إن سمعتي صارت ف الحضيض .. بس ما يهمني .. ما عاد يهمني شي
فوز: إنتي عارفة إن هالشي مب صحيح .. ليش سكتي ؟! ليش خليتي الناس تعتقد إنج ...
نورة: إني وحده حقيرة .. إني مآ أسوى .. إني زبالة ..
فوز: نورة لا تسوين بروحج جيه .. محد يستاهل تعذبين روحج عشانه
نورة: أنا مابي شي .. كل اللي أبيه يخلوني ف حالي
فوز: وحقج ؟!!
نورة: مابي حقي .. الله بياخذ لي حقي ..
فوز: والنعم بالله .. بس
نورة: فوز أنا ما يهمني الناس شو يقولون أو شو يفكرون .. أنا مظلومة والله عالم .. مب مجبورة أدافع عن نفسي وف المقابل محد يصدج
فوز: وليش ما يصدجون ؟!!
نورة: لأن ماشي دليل يثبت إن سالم فيه حاله نفسية ..
فوز: بس في دليل يثبت إنج للحين بنت وإنه مريض وعنده ضعف وما يقدر يمارس واجباته كزوج
نورة: مابي أفضحه
فوز: وعادي إنتي تنفضحين ؟!! عادي الناس ترمس عنج وهو محد إيي صوبه ؟؟
نورة: ما أدري
فوز: لازم تدرين .. إنتي شفيج ؟؟ ها شرفج وسمعتج .. لهدرجة مرخصة روحج ؟؟ إنتي من حقج تشوفين حياتج وتاخذين الإنسان اللي يحافظ عليج .. شلون بتنخطبين والناس تسمع من كل من هب ودب الرمسة اللي إحنا سمعناها ؟!!! شدراهم إنج كنتي متزوجة ع الورق وبس والكلام اللي انقال عنج كله جذب
نورة: شتبيني أسوي ؟!!
فوز: تستردين حقج وتقولين حق هلج كل شي
نورة: مابي تصير مشاكل بين أبويه وعمي
فوز: خلي المشاكل تصير .. لأن هالحقير اللي جان ماخذج لو فيه ذرة رجولة ويخاف ع سمعة هله جان ما سوا اللي سواه ..
نورة: ما أقدر
فوز: أوكي إنتي ما تقدرين بس أنا أقدر .. ومب مسافرة إلا وأنا حليت كل شي يخصج
نورة: فوز تكفين مابيج تقولين حق حد .. واللي يسلمج جان تحبيني لا تقولين حق حد .. سالم ما رضا يطلقني إلا عقب ما قلت له إني ما بخبر حد .. وإن سألوه عن سبب الطلاق يقول اللي يبي يقوله ..
فوز: نورة لأني أحبج لازم أرمس .. إنتي ما عليج من شي
نورة: راح يضربني .. مابيه يشوهني أكثر..
فوز: ولا يقدر يلمس شعره منج .. إنتي لو تسيرين تشتكين عليه راح يسجنونه هالواطي ..
نورة: مابي أشتكي .. سالم مريض ..
فوز: وعسب جيه لازم أرمس .. باجر لا فكر ياخذ وحده 2 راح يسوي فيها شرات ما سوا فيج .. إنتي يرضيج ؟!!
نورة: لا ..
فوز: خلاص عيل .. لا تخافين من شي وكل الأمور راح تتعدل إن شاء الله
هند: فووووووز ؟؟
فوز: هلا
هند: وين رحتي ؟!! فشو سرحتي هالكثر ؟؟
فوز: تذكرت موضوع .. شو كنتي تقولين ؟؟ إلا خالتيه وينها ؟!
هند: أمايه ترخصت .. وأنا من ساعة أرمسج أبيج تردين عليه وإنتي مووول .. شكله الموضوع وايد مهم
فوز: هيه والله .. إلا صدج هند شحاله ذياب ؟!
هند: ذياب ؟؟ هيه .. بخير والله
فوز: غريبة ماله حس
هند: مسآفر من فترة .. المهم أنا بسير .. وإنتي ارتاحي أكيد تعبانة
فوز باستغراب: أوكي يالغالية
هند: أشوفج باجر
فوز: إن شاء الله
ترخصت هند عن فوز .. اللي نشت تصلي ومن عقبها دشت غرفتها عسب تحط راسها وترقد .. بس علي اتصل فيها .. وما خلاها تنام ..
فوز: الحمدلله بخير .. بس صج تعبانه أبي أنام
علي: لا والله تنامين .. سيري مناك
فوز: بسير ياللا حياك
علي: فوز بصفعج ترا ..
فوز: شو ؟!!
علي: ولهت عليج يالسبالة
فوز: أشوف تطورت وقمت تسب .. صج دفش
علي: هههههههههه أبوج حذالي ما أروم أقول شي
فوز: احلف ؟؟
علي: وربي
فوز: ليش إنت وين فيه ؟!!
علي: أنا ف بيتكم
فوز: شتسوي ف بيتنا ؟!!
علي: أقردن عمي .. لا رديتي ف إجازة الربيع نعرس
فوز: ولا ف أحلامك
علي: ليش عاد ؟!!
فوز: بس جيه
علي: إنتي فكري .. ع الأقل نملج حرام عليج
فوز: يصير خير لين إجازة الربيع ..
علي: أوكي يا بنت محمد جأني بسويلج سالفة
فوز: أونك جب ياللا
علي: أخبر أبوج عليج يا مسودة الويه تقولين حق خطيبج وريلج المستقبلي جب ؟؟
فوز: عطني أبويه أنا بخبر عليك ..
علي: شو بتقولين له ؟!
فوز: بقوله إنك قاعد تغازلني شو بعد
علي: قوليله عادي أبوج حذالي وسمع كل شي .. شو يعني بتألفين رواية ترا هو يسمع شو أقول .. ولساني ما ياب طاري غزل
فوز: أعوذ بالله منك
رمست فوز أبوها .. وعقبها بندت ع طول وحطت راسها بترقد إلا ومسج يوصلها من علي .. فتحته :
ما كان عندي شي أغلا من الروح
ولا كنت أحب أحد كثر حب روحي
كنت أحسب إن الروح ما بعدها روح
ولآ فيه روحن حبها مثل روحي
وعرفت إن الروح ترخص لأجل روح
روح غلاها زاد عن حب روحي
ابتسمت فوز ع المسج .. وردت عليه بمسج .. :
آرفع عيونك لـ السمآ طآلع الكون
بآلله يستآهل أعيشه بـ دونك ؟؟؟
علي :
لآ طبعاً مآ يستآهل ^^ أحبج
فوز:
أبي أناااام ويا راسك ~_~
تصبح ع خير
علي:
وإنتي من هله قلبي
حطت فونها ع الطاولة .. وغمضت عيونها بترقد .. بس فتحتها وهي تتذكر ذياب .. مسافر ! ليش ووين ؟!! لاحظت نبرة صوت هند تغيرت لمن سألتها عنه .. وقالت لها مسافر وعقبها ترخصت ع طول حتى ما خلتها تسألها وين رايح !
هند أصلا ما تحتاي حد يسألها .. تقول بدون سؤال بس جأنها ما حابه تييب لي طاري !
بيت أبو عبدالعزيز ( العين )
يوم الأربعاء
الساعة 6:00 العصر
موزة ف العين مع أختها .. اللي صار لها جم يوم مريضة وف المستشفى .. الحمدلله إن عندها إجازة أسبوع ونص للإمتحانات وعسب جيه قررت تيي العين عند أختها ويابت كتبها وياها عشان تذاكر .. روضة كانت ف دارها طرشت لها ربيعتها تسألها عن عرس ربيعتهم متى .. طنشت المسج وقالت عقب بترد عليها ..كانت وايد مضايجة بسبب مرض أمها .. ومالها خلق لشي مول ..!
دق الباب .. وكانت موزة يايه دشت وشافت روضة قاعدة ودموعها ف عيونها ..
موزة: رواضي شفيج ؟!!
روضة: مضايجة وايد ..
موزة: أدري عشان أمج صح
روضة: هيه
موزة: لا تتضايجين فديتج .. أمج بخير وما فيها إلا العافية
روضة: متى بيسافرون ؟!
موزة: باجر إن شاء الله ..
روضة: عيل إنتي ليش هنيه ؟!
موزة: يايه أسوي أغراضها .. وعقب بسير عندها ..
روضة: وشلون صحتها أحينه ؟!
موزة : بخير .. وربي بخير .. لو ما كانت بخير جان ما سمحوا إنها تسافر باجر
روضة: قلبي مو مطمن
موزة: روضووه عن المصاخة .. أنا توني يايه م المستشفى وأمج بخير .. ترمس وكل شي حتى قالت لي شو تبا أحط لها ف جنطة السفر
روضة: إنتي ما بتسافرين وياهم ؟!
موزة: لا بقعد هنيه عندكم .. ياللا نشي غسلي ويهج وتعالي ويايه نزهب جنطة السفر
روضة: إن شاء الله
دشت روضة الحمام تغسل ويهها .. وموزة راحت غرفة أختها تزهب ملابسها حق السفر .. أول ما ظهرت م الحمام خذت تليفونها وسارت عند موزة !
روضة: قوليلي ماماتي شو تبا عسب أييبه لج
موزة: اصبري شوي ..
روضة: أوكي ..
موزة: تصدجين أحس زين لها تسافر
كانت روضة تتعبث بتليفونها تبي ترد ع رفيجتها .. وترمس موزة ف نفس الوقت
روضة: وأنا بعد .. ممممم ع طاري السفر .. عميه شخباره ؟!!
موزة: منو عمج ؟!!
روضة: سوااف منو بعد
موزة: شدراني عنه .. عمج مش عمي
روضة: زين يعني ما تعرفين شي عنه
موزة: لا ما أعرف
روضة: ما يطرش لج مسجات .. ما يدق لج
موزة: يطرش مسجات بس ما أرد
روضة: ليش عاد ؟!!
موزة: لوايد أسباب أهمها ما بيني وبينه شي عسب أرد عليه .. ثانيها إني ماخذة ع نفسي وعد إني أنساه ..
روضة: تنسيه أونج .. لعبي ع وحده غيري
موزة: فديتج تعالي شجي صدري وشوفي قلبي منو فيه بتلقينه إمبتي
روضة: ههههههههههه إمبتي .. عيبتني هاي هع تذكرت سلة المحذوفات
موزة: عليج نووور .. سلة المحذوفات .. أنا حذفته وفريته ف السلة وعقب سويت له إمبتي
روضة: لأنه بعيد .. لو شفتيه باجر راح تتهيج المشاعر من يديد
موزة: باجر ؟!!
روضة: يب ليش إنتي ما تدرين إنه عميه راجع باجر
موزة: وإنتي منو قالج ؟!!
روضة: أبويه خبرني .. عسب هو اتصل فيه يستقبله ف المطار .. أحينه أبويه بيسافر وقالي أخبر عزوز هو بيوصلهم المطار عسب ياخذ سيف بالمرة ..
موزة: آهاا .. ويعني عادي !
روضة: حلفي إنتي بس شو عادي .. أقص إيدي بالنص إذا ما كنتي بتموتين م الشوق والوله
موزة: قصي إيدج بالنص .. لأني إذا بموت من شي .. بموت أبا أرد بيتنا
روضة: وبتخلينا بروحنا ؟!!
موزة: ترا هاي المشكلة إني ما أقدر أرد
روضة: ما عليج إذا كارهتنه لهالدرجة .. طنشيه !
موزة: أكيد طبعاً شو تتحرين بسويله سالفة
طرشت روضة المسج بدون لا تنتبه إنها ما طرشت المسج لرفيجتها .. المسج راح لشخص 2 ! وعقبها حطت الفون ع صوب وسارت تساعد مواز ف الأغراض !
يوم الخميس
الساعة 8:00 مساءاً
سافروا خالد وميثة تايلند حق العلاج .. ووصل سيف من أستراليا .. والمفاجأة اللي صارت إن سيف ما جان ياي بروحه .. جان عزوز هو اللي رايح ياخذه من المطار .. ولمن شاف البنت اللي وراه استغرب .. قاله سيف عقب بيخبره السالفة .. وطلب منه يوديهم فندق عسب يحجز لها ويخليها هناك .. وعقب ما خلصوا هالمهمة .. ساروا البيت عسب سيف يسلم ع أهله اللي ما شافهم من يوم ما سافر أستراليا ..
سيف: شفيك ساكت ؟!!
عبد العزيز: منهي هاي اللي يايه وياك ؟!
سيف: خل أدش أسلم ع أمايه وأبويه .. وعقب برد لك وبخبرك كل شي
عبد العزيز: قول أحينه
سيف: شفيك عزوز .. تطمن راح تعرف بس اصبر خلني أسلم ع أهليه
عبد العزيز: أوكي اترياك ف الميلس
سيف: أوكيك
كانت موزة ف دارها فوق .. وتشوف سيف وعبدالعزيز وهم يرمسون وعقب دش البيت .. جان شكل سيف متغير وايد .. استغربت إن ها هو سيف اللي كانت تحبه .. واستغربت أكثر من نفسها وهي واقفة تشوفه .. مع إنها مقررة إنها ما تسويله سالفة ولا تبين له أي اهتمام حتى لو جدام نفسها !
روضة: خالووووه
موزة وهي تصكر الستارة : شفيج ؟!!
روضة: وصل عميه سيف
موزة: أدري
روضة: شفيج جيه؟؟
موزة: شفيني ؟؟
روضة: كأنج مضايجة
موزة: عادي مب مضايجة .. ليش أضايج
روضة: ما أدري يمكن لأنج شفتيه .. وتهيجت المشاعر من يديد
موزة: أقول جب ياللا .. حاشرتني بتهيجت هااي ما أدري من وين متعلمتنها
روضة: آآآآآآآآآآآه من كتب الحب
موزة: صج إنج فاصخة برقع الحيا .. مسودة الويه
روضة: حشا شفيج هبيتي ف ويهي ما قلت شي أنا
موزة: أنا بسير أشوف البشكارة شمسوية عشا وبساعدها
روضة: أوكيك .. وأنا بسير أسلم عليه وبييج
موزة: أوكي .. ممممم رويض ؟؟
روضة: هلا
موزة: لا تقولين حق سيف إن أنا هنيه
روضة: أوكي .. لو إنه أكيد عزوز خبره
موزة: ما أظن أنا موصتنه ما يقوله
روضة: أوكيك
نزلت موزة المطبخ .. وسارت روضة تشوف عمها .. بس ما حصلته .. ف ردت البيت تشوفه لأنه يدتها خبرتها إنه ياي عندهم .. دشت الميلس وشافته ويا عبدالعزيز ف الميلس .. سلمت عليه وكانت بتيلس بس عزوز طلب منها تظهر .. وبعد إلحاح منه وطلب من سيف وافقت وظهرت تشوف أختها ريم شو تسوي !
أما موزة ف كانت ف المطبخ مع البشكارة تساعدها ف تحضير العشا .. وعقب ما خلصت قررت تروح تذاكر شويه ليش إنها اليوم مول ما يودت كتاب .. كانت حاطة كتبها ف الميلس لأنها تذاكر هناك .. وسارت صوب الميلس عسب تاخذ الكتب وتطلع فوق تذاكر لأنها خافت إن سيف إيي ف أي لحظة ويشوفها وهي كانت تتجنب إنها تشوفه !
وقفت أول ما سمعت حسه .. سيف هنيه ! يبين إنه يرمس ف موضوع مع عزوز .. بس شو هو ! تساؤلات كانت تدور ف بالها .. ف وقفت ورا الباب تسمعهم !
سيف: حرمتيه !
عبدالعزيز: شوووو ؟؟؟ إنت أكيد تمزح !
سيف: وليش أمزح ؟؟ هالسوالف حد يمزح فيهن .. إنت شفتها شو يعني بييب لي وحده من هناك جيه ع الفاضي
عبدالعزيز: مستحيل مب قادر أصدج إنت تسوي جيه !
سيف: وأنا شو سويت ؟؟ أنا تزوجت ع سنة الله ورسوله
كانت موزة ف حالة ذهول ! تسمع ومب مصدقة اللي قاعدة تسمعه ! ها أكيد مب سيف .. سيف مستحيل يسوي جيه !
عبدالعزيز: متى ؟!!
سيف: كانت بينا علاقة من بداية ما كنت هناك وأمس تزوجنا
عبدالعزيز: ومواز ؟؟
سيف: شفيها ؟!!
عبدالعزيز: مب ع أساس تحبها وتبيها ؟؟؟ مب ع أساس ترد م السفر وتخطبها ؟؟
سيف: أنا ومواز ما نصلح حق بعض .. نسيتها .. والله يوفقها مع اللي يبيها .. أنا ما أبيها ولا أحبها
عبدالعزيز: يعني شنو ؟!!
سيف: عزوز ليش جيه معصب .. مواز هي اللي باعتني
عبدالعزيز: باعتك ؟!! من سافرت وهي تسأل عنك .. جم واحد يا خطبها وهي ترفض .. وآخر شي تقولي باعتك ؟؟
سيف: لا والله .. صج فيها الخير جان ترفض .. مو ع أساس عرسها الأسبوع الياي !
عبدالعزيز: عرس منو ؟! إنت شو قاعد تخربط ؟؟
سيف: روضة طرشت لي رسالة تقولي إن مواز عرسها الأسبوع الياي
عبدالعزيز: ومنو بتاخذ عاد ..؟؟ وإلا ما قالت لك ؟؟
سيف: عزوز شو هالأسلوب .. ع الأقل احترمني شويه أنا عمك
عبدالعزيز: إنت عمي ومواز بعد خالتيه وما يرضيني اللي سويته فيها ..
سيف: وأنا شو سويت ؟!!
عبدالعزيز: ليش قلت إنك تحبها دام ما تحبها ولا تبيها ؟؟
سيف: بس جيه كيفي .. كنت أتسلى .. ألعب عليها
هالرمسة استفزت عبدالعزيز وما حس نفسه إلا يمد إيده ع سيف .. ويضربه ع ويهه ..
عبدالعزيز: ما تصورت إنك بهالحقارة .. تلعب ع أي وحده زبالة تعرفها إلا خالتيه يالوصخ
بدت الضرابة ما بينهم .. وكانوا يصارخون .. مواز من صدمتها واقفة وتسمع وما تحركت مول .. نزلت روضة تشوف شو صاير .. وسارت بيت يدها تزقر حد إيي يفجهم قبل لا يتذابحون .. خبرت يدها ويا وياها يشوف اللي صاير ووياه محمد ..
يود محمد عزوز وأبو خالد يود ولده .. والكل جان مستغرب شفيهم ليش يتضاربون .. سيف ما مداه يوصل إلا صار اللي صار .. شو مستوي ؟!!
أبو خالد: شفيكم تتذابحون ؟؟
سيف: ولا شي أبويه .. بس هالسبال يبيله حد يربيه من أول ويديد
عبدالعزيز: أنا وإلا إنت يا عمي يا محترم
سيف: احترم نفسك
عبدالعزيز: جان انت احترمت نفسك قبل لا تسوي اللي سويته
أبو خالد: أحين أبي أعرف شو اللي مستوي وبسرعة
تلوم سيف إنه قال الرمسة اللي قالها .. سيف حب ينتقم من موزة أول ما درا إنها بتعرس .. وقرر يتزوج ! مع إنه جان بس على علاقة مع هالبنت وبعيد عن الزواج أو حتى الحب .. حس نفسه إنه استعيل لما خبر عبدالعزيز وكل خوفه إنه يقول حق أبوه ..
أما عزوز ف الرمسة اللي قالها سيف عورتله قلبه .. مهما جان هاي خالته وما يطيع عليها .. واللي يمسها يمسه .. شلون سيف يطلع بهالنذالة .. شلون أقنعهم إنه يحبها ويبيها وآخر شي يطلع يتسلى !
أبو خالد: ما تقولون ؟؟؟ شاللي مستوي بينكم ؟؟
محمد: عزوز ارمس شفيك
عبدالعزيز: خلوه هو يقولكم
سيف: ما صاير شي أبويه بس سوء تفاهم
أبو خالد: تضرب ولد أخوك وتقولي ما صاير شي وبس سوء تفاهم .. سيف ارمس أحسن لك
سيف: قلت لك أبويه ما صاير شي
كانت موزان برع الصورة .. للحين ما ظهرت م الصدمة اللي خلاها سيف فيها .. للحين مب مستوعبة كل اللي صار !
عبدالعزيز حب ينتقم من سيف .. مستحيل يخليها تعدي جيه بالساهل .. يلعب ع الوصخات مو ع وحده من هله هالحقير
عبدالعزيز: ما تقولهم عن اللي سويته ؟؟
سيف بنبرة تهديد: عزوز !
عبدالعزيز: لا تقول اسمي ع لسانك
أبو خالد: عزوز تأدب .. لا تنسى إن ها عمك
عبدالعزيز: مابيه يكون عمي .. ما عندي عمومة
محمد: عزوز شو هالرمسة شفيك جيه ؟؟
أبو خالد: عزوز قلت لك تأدب
عبدالعزيز: جان تأدب ولدك قبل لا يسوي اللي سواه
أبو خالد تنرفز وفقد أعصابه وما حس إلا بإيده ع خد ولد ولده !!
أبو خالد: عزوز ثمن رمستك قبل لا تقولها .. ها عمك احترمه واحترم شيبة راسي
عبدالعزيز:عمي .. عمي ما يلعب ع خالتيه ويقولها أحبج وآخر شي يتزوج خايسه تعرف عليها برع !
قال هالرمسة وظهر عزوز م البيت وسار محمد وياه لا يتهور ويسوي شي ف روحه بس ما لحق عليه ورد يدش داخل .. أما أبو خالد ف جان منصدم من الرمسة اللي سمعها !
أبو خالد: صحيح هالرمسة يا سيف ؟!!
سيف: أبويه !
أبو خالد: صحيح هالرمسة ؟؟؟
سيف: هيه .. بس أبويه وربــ ......
أبو خالد: جب .. جب ولا كلمة .. إطلع برع .. لا إنت ولدي ولا اعرفك .. إطلع برع .. قلبي غضبان عليك ليوم الدين .. اطلع مابي أشوفك
الكل جان منصدم .. روضة .. محمد .. وموزة اللي واقفة ورا الباب وتسمع .. عقب ما كانت ف غيبوبة الصدمة بدت تستوعب اللي قاعد يصير ..
محمد: اظهر يا سيف .. يدي تعبان ماهو حمل بهدلة أكثر من جيه اظهر
سيف: أبويه سامحني ..
أبو خالد: جب يالوصخ .. أنا مب أبوك ولا إنت ولدي .. جب ولا كلمة .. فارج باللي ما يحفظك ..
محمد: سيف اظهر منيه شفيك إنت !
ظهر سيف .. وأول ما شاف موزان ف ويهه ياته صدمه .. فوق ماهو منصدم باللي صار .. كانت تطالعه بنظرة احتقار .. رغم إنه نظراته لها كانت مختلفة تماماً .. جأنه يقولها لا تصدجين اللي انقال .. !
واقف ورا الباب وبإذني سمعت كل شي
لا تحلف لي أترجاك ولا تقولي ما قلت شي
قلتلهم أريد أنساه ما أقدر أظل وياه
قلتلهم أريد أنساه ما أقدر أعيش وياه
أنا أسمع ودمي يثور ودمعة بطرف رمشي
أعذرك بعد ما أقدر .. واضح غدرك مبين
جرحك يا أعز الناس .. كلش صعب مو هين
صدج ما تريدني إنته .. حناني والوفا بعته
بعد لا تقولي آسف لا .. عذرك بعد ما يمشي
كنت تقولي أحبك موت .. ليش تقول ما أحبك
زين احكيلي أنا شبيك .. رايح تحكي للغرب
إنته لو مصارحني .. أبد ما جان جارحني
بعد لا تقولي آسف لا .. عذرك بعد ما يمشي
طالعها فترة .. وهي ما قالت شي .. بس نظرة عيونها ودموعها اللي كانت تهل .. قالت كل شي .. وعقبها ظهر م البيت .. وما جان عنده مكان يروح له إلا الفندق !
ظهر سيف .. وطاح بو خالد عليهم .. اتصل محمد ف الإسعاف وخذوه .. روضة كانت تبجي خايفة ع يدها وعلى أخوها اللي ظهر .. تحس إن المصايب كلها تولفت فوق راسها .. أمها مريضة وأبوها محد يدها طاح وأخوها ظهر معصب ..
وصلت الإسعاف وخذوا بو خالد اللي ظهر عنده جلطة ف القلب وحالته كانت خطيره وحاولوا إنهم ينعشون قلبه ورد له النبض .. حطوه ف العناية بس للحين نبضه ضعيف .. الكل سار المستشفى عنده .. !
ارتبشوا الأطباء فجأة عقب ما توقف نبض أبو خالد .. حاولوا ينعشونه بس بدون فايدة .. روحه طلعت والله خذ أمانته .. انجلب المستشفى لعزا .. الكل انصدم بالخبر .. إلا وشوي يدخلون ولد غرفة العمليات .. وأول ما شافت موزان الولد طاحت .. جان عبد العزيز مسوي حادث بالسيارة .. وعنده نزيف وحالته خطيرة !
تلعوزت حالتهم فجأة .. من وين بيحصلونها وإلا من وين .. خذن الممرضات موزان اللي انهد حيلها من الصدمات اللي قاعدة تييها وحده ورا الثانية .. ومن الضغوطات النفسية اللي تعيشها !
وصلت حصة ووياها أحمد .. وطاحت ف حضن ريلها أول ما شافت أمها وأختها مهرة تصيح وروضة ومحمد .. عرفت إن أبوها صار فيه شي .. وفعلاً تأكدت كل شكوكها لمن ياتها روضة وقالت لها إن يدها مات !
أحمد: محمد
محمد: هلا أحمد
أحمد: سيف وينه ؟؟؟
محمد: ما أدري عنه
أحمد: بتصل فيه بشوفه .. لا حول ولا قوة إلا بالله .. لا حول ولا قوة إلا بالله ..
اتصل أحمد ف سيف وخبره إيي المستشفى بسرعة بدون لا يقوله ليش .. ما حب يقوله ف التليفون ويتهور ف سياقته ويصير فيه شي .. وعقب 10 دقايق بس وصل سيف .. وأول ما شاف حالتهم تفاجأ .. شافته روضة وسارت صوبه كانت خلاص منهارة وما عاد يهمها شي .. منو باجي عسب تفقده ..
روضة: إنت السبب .. كله منك .. إنت اللي ذبحت يدي .. إنت السبب أنا أكرهك
أحمد: روضة شفيج ؟؟ إحنا ف المستشفى عيب هالرمسة
روضة: هو اللي ذبحه .. يدي مات بسببك .. وأخويه ف العمليات .. وموزان طاحت علينا .. إنت ساس البلاوي .. ليش رجعت كنا مرتاحين وإنت بعيد .. أنا أكرهك وربي ما بسامحك ..
جان سيف ساكت .. والكل استغرب إنه ما رد عليها .. يمكن لأنه جان منصدم .. ليش ما ينصدم وهو فعلاً سبب ف اللي صار لأبوه .. وغير جيه أبوه مات وجان غضبان عليه .. أبوه قاله إنه مب مسامحنه شو يبا أكثر من جيه ؟؟؟
روضة: سير منيه .. ياليتك إنت اللي متت مب يدي .. الله لا يسامحك .. سير حق الخايسة اللي خذيتها
أحمد: روضة بس قلت لج .. محمد خذ روضة وحصة وعمتي وديهم البيت ..
محمد: إن شاء الله .. بس كيف بخصوص يدي ؟؟
أحمد: بنخليهم يخلونه عندهم وباجر بنسوي الإجراءات الوقت تأخر أحينه .. وبعدين لازم نقول حق خالد
خذ محمد روضة وحصة وأم خالد البيت .. اللي ف البداية رفضن يسيرن .. خصوصاً إن غير إن بو خالد مات .. عبدالعزيز ف غرفة العمليات وما يعرفون شو الحال وياه .. بس مع إصرار محمد ع روضة .. وإصرار أحمد ع حصة وافقن وسارن البيت ..!
أما سيف فجان مصدوم .. للحين ما نطق بشي .. بس جان يبجي من الحرقة .. سار أحمد صوبه ورمسه ..
سيف: أنا السبب .. ذبحت أبويه .. شلون بسامح نفسي ؟؟؟
أحمد: استغفر ربك يا سيف .. ها قضاء وقدر
سيف: أحمد أبويه مات وهو غضبان عليهّ .. أبويه قالي مب مسامحني ليوم الدين .. مات ولا قدرت أستسمح منه ..
أحمد: سيف وربي الوضع ما يتحمل إنك تسوي ف نفسك جيه .. كافي علينا موزان وعبدالعزيز ..
سيف: أنا بسير أشوفه .. أبي أشوف أبويه
دش سيف ع أبوه .. وأحمد سار يشوف أخته .. اللي بدت تفتح عيونها .. وهي مب عارفة وينها فيه ..
أحمد: شحالج أحينه ؟؟
موزة: أنا وين ؟؟
أحمد: بالمستشفى
بدت موزان تتذكر .. أول ما سمعت خبر وفاة بو خالد .. وشافت عبدالعزيز بالحالة اللي جان عليها ما قدرت تتحمل ..
موزة: عزوز شحاله ؟!!
أحمد: للحين ف غرفة العمليات
موزة: أبي أسير
أحمد: وين تسيرين ارتاحي
موزة: أنا بخير .. أبي أطمن ع عزوز .. والله ميثة مخليه عيالها أمانة عندي .. شقولها لا ردت وشافت ولدها جيه حالته
أحمد: ما راح يصير عليه شي .. إن شاء الله بيقوم بالسلامة
موزة: البنات وين ؟!!
أحمد: خبرت محمد يوديهم البيت .. وأتصل ف خالد جهازه مغلق يمكن للحين مب واصلين
موزة: بتقولهم ؟؟
أحمد: هيه .. لازم يعرف يمكن يبا إيي يشوف أبوه
موزة: لا حول ولا قوة إلا بالله .. المصايب فجأة قامت تتحاذف علينا
أحمد: إلا صج ؟؟
موزة: شو ؟
أحمد: سيف شو مسوي ؟!! وعمي شلون طاح ؟؟
موزة: سيف تزوج .. ولمن عرف عزوز صارت بينهم ضرابة .. درا أبوه بالسالفة وقاله عزوز عن السالفة .. عصب عليه وطرده .. وعقبها طاح
أحمد: معقولة سيف يسوي جيه ؟!
موزة: ليش منو سيف عسب ما يسوي جيه ؟؟
أحمد: وإنتي ؟؟
موزة: أنا قلت له ما أبيه .. وخبرته يشوف له وحده غيري .. خلنا نروح نطمن ع عزوز
أحمد: بنطمن عليه وعقبها بوديج البيت
موزة: إن شاء الله !
عقب مرور أسبوع
بيت أبو عبدالعزيز ( عبدالله )
يوم الأربعاء
الساعة 4:30 عصراً
علي ف الصالة يتريا ميرة تتزهب عسب يوديها المستشفى تزور ولد أخت موزة .. وبالمرة تشوف موزان وتآخذ أخبارها .. أول ما زهبت نزلت وشافته قاعد يتعبث بتليفونه وعرفت إنه قاعد يراسل فوز ..
ميرة: شو نسير ؟!
علي: أنا أبا أفهم إنتي شو مودنج أحينه مب رفيجتج اللي مريضه ولد أختها يعني ريال
ميرة: أدري بس أنا ما بدش أشوفه .. من باب الواجب بعدين بما إنهم ف الشارجة فرصة أشوفها صارلي فترة ما شفتها .. والريال إنت اللي بتروح تشوفه
علي: بس أنا ما أعرفهم
ميرة: عادي تعرف عليهم
علي: وليش ما قلتي حق ريلج يوديج ؟؟
ميرة: ما باجي ع العرس إلا شهر ومابي أشوفه
علي: لا والله .. حلفي إنتي بس يعني جأنج ما ترمسينه
ميرة: الرمسة غير والشوف غير
علي: زين ياللا خلصينا !
ركبت ميرة السيارة وساروا صوب المستشفى .. خالد طلب منهم ينقلون ولده الشارجة عقب ما استقرت حالته .. وصحته أفضل بوايد بس ما رخصوه لين ما يتأكدون من صحة جميع أعضاءه ..
وصلوا المستشفى .. نزلت ميرة ومعها علي واتصلت ف موزة عسب تعرف مكانهم وين .. دلتها ع المكان وساروا .. أول ما وصلوا سارت ميرة عند موزة .. وعلي سلم ع أحمد وخالد ودش يطمن ع صحة عبدالعزيز بالرغم من إنه ما يعرفهم .. بس شافهم ناس طيبين وحب يلستهم ..!
عند موزة وميرة
خذت موزة ميرة وسارن يقعدن ف الكوفي شوب عسب ياخذن راحتهن ف الرمسة ..
موزة: فيج الخير والله .. تسلمين ع ييتج
ميرة: أقول عن السخافة .. أنا ما سويت إلا الواجب
موزة: شعلومج وشو هباتج ؟؟
ميرة: والله ماشي الحال .. كيف المذاكرة ؟؟
موزة: نص نص تعرفين بعد أحس نفسي ما داخل شي ف عقلي
ميرة: يالويه ركزي ترا الإمتحانات الأسبوع الياي
موزة: أدري بس شسوي .. ارتبشنا وايد ف العزا .. ومرض أختيه وحادث عزوز
ميرة: الله يعينكم .. إلا صج شلون صار جيه ؟!!
موزة: كله من سيف .. هو السبب
ميرة: ليش سيف رجع ؟!!
موزة: ويا ليته ما رجع
ميرة: ليش عاد ؟!
موزة: تعرفين إن سيف تزوج ؟!!
ميرة: ههههههههه قولي نكته ثانية
موزة: سبالة تشوفيني قاعدة أنكت
ميرة: آسفة .. صج والله ؟؟
موزة: هيه .. وما يحتاي أقولج التفاصيل المفروض تعرفين بنفسج شصار يعني
ميرة: وإنتي ؟!!
موزة: كل ما أقول حق حد يقولي وإنتي .. وأنا شو ؟!! ولا شي
ميرة: أوكي خلاص إذا الموضوع ينرفزج لا ترمسين
موزة: أعصابي تعبانة .. ما اعرف شلون مرت الأيام اللي طافت
ميرة: هو الخسران إنتي ألف واحد يتمناج
دق تليفون ميرة .. جان الرقم دولي ف توقعت إن فوز هي اللي متصلة فيها وردت عليها ع طول ..
ميرة: هاي فوز .. هلا هلا هلا .. وغلاتين
فوز: هههههههه بس غلاتين ؟!! ويا مخج .. السلام عليكم
ميرة: وعليج السلام والرحمة .. شحالج فديتج ؟؟
فوز: الحمدلله بخير .. شحالج إنتي ؟؟
ميرة: مرة تمام والأمور ضابطة نتريا الإمتحانات تيي وتخلص
فوز: ليش بعدكم ما بديتوا ؟!
ميرة: لا لسه .. ع الأسبوع الياي .. شحالج إنتي وشو أخبارج ؟؟
فوز: كل شي تمام .. مواز عندج ؟؟
ميرة: يمه يمه يمه .. شدراج ؟؟؟
فوز: هههههههههه علاوي قالي
ميرة: ليش علاوي عندج ؟؟ أكيد 24 ساعة يرمسج
فوز: يب لازم
ميرة: أونج .. خفوا شويه مب زين جيه عقب بتملون بعض .. وانتبهي ترا علاوي أول شي ينتزق وبعدين عادي
فوز: صج نذلة .. لا فديتج علاوي غير
ميرة: لا فديتج علاوي غير .. زين بتشوفين وبتقولين ميرة قالت
فوز: أخ عليج جان تفاولين ع رفيجتج
ميرة:هههههههههه لا والله ربي يسعدج ويهنيج .. جم فوز عندي أنا
فوز:عطيني موزان أنا داقة عشانها مب عشانج
ميرة: شوف النذلة .. وموزان ما عندها فون تدقين عليها ؟؟
فوز: هههههههه دقيت بس جهازها مبند
ميرة: أوكي .. هاج
موزة: السلام عليكم
فوز: وعليج السلام والرحمة .. شحالج غناتي ؟؟
موزة: الحمدلله فديتج بخير .. شحالج إنتي ؟؟
فوز: بخير دامج بخير .. عظم الله أجركم وأحسن الله عزاكم
موزة: البقاء والدوام لله ..
فوز: وشحاله ولد أختج ؟؟ شو صحته ؟؟
موزة: الحمدلله بخير .. يمكن ع الأسبوع الياي يرخصونه
فوز: الحمدلله ..
موزة: وإنتي متى يايه إن شاء الله ؟؟
فوز: عقب أسبوعين إن شاء الله
موزة: حلووو .. عيل بنشوفج جريب
فوز: يب
ميرة: عطيني إياها بقولها شي
موزة: فوز هاي ميرة حشرتني تبيج
فوز: ههههههه عطيني إياها
ميرة: فوزوووه سمعي أنا وسعيد قررنا نيي ألمانيا شهر العسل .. ف ضبطيلنا الحياة
فوز: ههههههههه أتحرا عندج سالفة والله ..
ميرة: تعرفين إنتي بعد ما باجي شي .. احم شهر وأتزوج
فوز: لا تنسين ترا باجيلج كورس
ميرة: هيه أدري بس عادي ضبطت أموري .. وإنتي شو ؟؟
فوز: أنا عندي صيفي غير الكورس الياي
ميرة: ما عليه ف هالنزلة املجي .. وف الصيف العرس
فوز: ياربي إنتي طلعتي شرات أخوج كل ما رمسني فتح هالموضوع ويايه
ميرة: علاوي وايد مستعيل .. لا تعذبين أخويه لو سمحتي
فوز: قوليله هو ما يعذبني ..
ميرة: ههههههههه ليش شو مسولج؟؟
فوز: ولا شي ..
ميرة: قولي عاد
فوز: بدا الفضول .. ما بقولج أسرار بين ريال وخطيبته إنتي شو يخصج ؟؟
ميرة: زين يا فوز ما عليه .. الأيام بينا
فوز: ههههههههه بخليج أحينه ياللا سلمي عليهم كلهم
ميرة: إن شاء الله غناتي ..
فوز: فمان الله
ميرة: ربي يحفظج
طول الوقت .. لمن موزة وميرة يرمسون فوز .. كانت ع الطاولة اللي حذالهم بنت مركزة ع رمستهم .. وأول ما بندت ميرة عن فوز يات البنت صوب الطاولة ..
عبير: السلام عليكم
موزة وميرة باستغراب: وعليكم السلام ورحمة الله
عبير: شحالكن ؟؟
موزة وميرة: الحمدلله بخير ..
عبير: آسفة ع الإزعاج
ميرة: لآ عادي .. آمري تبين شي ؟!!
عبير: بصراحة كنت يالسة ع الطاولة اللي حذالكم .. وسمعتج وإنتي ترمسين ف التليفون .. لفت انتباهي اسم البنت اللي ترمسينها ..
ميرة: تقصدين فوز ؟؟
عبير: هيه ..
ميرة: وإنتي شدراج بفوز ؟!
عبير: مو هي اللي تدرس ف ألمانيا ؟!!
ميرة: بلا هيه ..
موزة: إنتي تعرفينها ؟!!
عبير: هيه أنا رفيجتها !
ميرة وموزة: رفيجتها ؟!!
موزة: عفواً بس إنتي شو اسمج ؟؟
عبير: اسمي عبير
موزة: أول مرة أعرف إن فوز عندها رفيجة اسمها عبير ..
ميرة: هيه والله .. أنا وموزة رفيجاتها الروح بالروح .. ولا عمرنا سمعناها تييب لج طاري
عبير بارتباك : هاه .. أدري هالشي
حست عبير إنها توهقت وما عرفت شو تقول .. وفجأة تذكرت إن فوز إدش النت ..
موزة: عيل من وين تعرفينها ؟!
عبير: من النت .. مو أنا تعرفت عليها ف المنتدى
ميرة بشك : طيب وشتبين أحينه ؟؟ لأن تأخرنا ولازم نروح
عبير: وأنا بعد تأخرت .. بس أبي أسأل عن أخبارها صار لها فترة ما تدش المنتدى
ميرة: الحمدلله بخير وأمورها طيبة بس هالفترة مشغولة بالدراسة عسب جيه ما إدش
عبير: متى بترد م السفر ؟!!
ميرة: جريب إن شاء الله
عبير: حلو والله .. إنتو تقربونها ؟!!
ميرة: هاي رفيجتها وأنا أخت خطيبها
عبير: ما شاء الله فوز انخطبت ؟!!
ميرة: هيه
عبير: طيب فديتج ممكن تعطيني رقمها .. أبي أسويلها مفاجأة وأدق عليها أول ما ترد
موزة: لازم ناخذ رايها قبل
عبير: بس أنا ما راح أشوفكم .. سبحان الله القدر اليوم يمعنا .. عقب شقايل بتردون عليّه إذا وافقت
ميرة: صح كلامج .. أي رقم تبين ؟!!
عبير: عطيني رقمها هنيه .. أنا باجر مسافرة ما بواحي أدق عليها .. إلا عقب ما أرجع م السفر وأكيد هي راح تكون ف البلاد وقتها
ميرة: إن شاء الله .. سجلي عندج !
استأذنت عبير عقب ما خذت رقم فوز .. وسارت تشوف بنت عمها اللي يايبه بنتها ليش إنها مريضة ..!!
عند علي !
عقب ما تطمن علي ع عزوز وقام بالواجب ظهر يشوف ميرة بس ما لقاها .. ومشى بين الأقسام يشوفها يمكن تكون موجودة .. وهو ساير صوب الكوفي شوب .. تفاجأ بشوق إلا انصدم كانت شوق ظاهرة من قسم الأطفال وشاله ف إيدها بنت صغيرة .. انتبهت عليه شوق وانصدمت أول ما شافت علي جدامها !
علي: شوق !!
شوق بارتباك: علي ؟!!
علي: شحالج ؟!
شوق: الحمدلله بخير .. شحالك إنت ؟!
علي: بخير الحمدلله .. منو هالبنت ؟!!
كانت شوق متوقعة إن علي بيسألها هالسؤال .. ! منو هالبنت ؟!
شوق: هاي بنت بنت عمي
علي: آهاا .. ما شاء الله عليها .. قمر .. ممكن تعطيني إياها ؟؟
ناولت شوق البنت علي .. اللي خذها وباسها ع خدها وعقب رجعها لشوق .. كانت شوق تطالعه .. تحبه للحين تحبه .. انتبهت ع الخاتم اللي ف إيده ..
شوق: خطبت ؟!!
علي: هيه .. من فترة
شوق: ومتى العرس ؟!!
علي: ع الصيف إن شاء الله
شوق: ربي يسعدكم ..
علي: تسلمين شوق
طلع علي محفظته وطلع منها 200 درهم وحطهم ع صدر البنت اللي كانت راقدة ..
علي: ما قلتيلي شو تسوين هنيه ؟؟
شوق: فوز مريضة شوي
علي: اسمها فوز ؟؟
شوق: هيه
علي: ربي يحفظها .. والحمدلله ع سلامتها
شوق: ربي يسلمك .. وإنت شعندك هنيه؟؟
علي: ياي أزور واحد من معارفنا
وصلت عبير .. ووقفت حذال شوق وهي تطالع الريال اللي ترمسه ..
شوق: هلا عبير .. وصلتي ؟؟
عبير: هيه .. كنت ف الكوفي شوب .. شو خلصتوا ؟؟
شوق: هيه .. عبير ها علي ! علي هاي عبير بنت عمي
علي: تشرفنا ..
عبير: وأنا أكثر !
سمع علي صوت ميرة تزقره .. وترخص من عندهم وسار صوبها .. كانت ميرة واقفة تشوف علي اللي قاعد يرمس شوق وعبير ..
ميرة: منو هاي ؟!!
علي: منو؟؟
ميرة: اللي كنت ترمسها ؟!!
علي: وحده تدور قسم الأطفال
ميرة: لا والله ليش ما تعرف تقرا مثلا ؟؟
علي: شو تقرا ؟؟
ميرة: تقرا إن قسم الأطفال وراها
علي: شدراني عنها .. سألتني وجاوبتها !
ميرة: ومنهي هاي اللي يات عقب ؟؟
علي: ليش إنتي من متى واقفة هنيه ؟؟
ميرة: من فترة
علي: شدراني عنها !
ميرة: أوكي خلينا نروح
مشت ميرة وعلي وراها .. آخر شي جان يتوقعه إنه يشوف شوق عقب هالفترة الطويلة .. والبنت اللي وياها .. ما يدري ليش حس بإحساس غريب أول ما شلها ف حضنه .. قرر يطرد هالأفكار من باله .. مهما كان اللي بينه وبين شوق انتهى من زمان .. الشي الوحيد اللي خايف منه علي إن فوز تعرف باللي صار .. ولهالسبب فكر يفاتحها فيه عقب ما يملجون ..!
بيت أبو شوق
يوم الخميس
الساعة 2:00 ظهراً
عقب ما رقدت فوز .. ظهرت شوق م الغرفة وسارت الصالة عند عبير اللي مبين عليها إنها سرحانة وتفكر ف شي ..
شوق: عبير شفيج ؟!!
عبير: ولا شي !
شوق: متأكدة ؟؟
عبير: يس .. شو فوز رقدت ؟؟
شوق: هيه
عبير: ممممم شوق بسألج ؟
شوق: شو ؟؟
عبير: ليش ما قلتي حق علي إن فوز بنته ؟؟
شوق: مابي أقوله
عبير: ليش ؟؟ علي أبوها ومن حقه يعرف
شوق: إنتي ما شفتي الخاتم اللي ف صبعه .. علي خطب وعرسه عقب فترة .. مابي أخرب حياته
عبير: ويعني ؟!! إنتي بعد كنتي زوجته والبنت بنته مو معقولة يعني تتحملين تربيتها بروحج
شوق: مب محتايه حق حد يربيلي بنتي .. وفوز مش ناقصنها شي
عبير: ناقصها أبو
شوق: البنت ما كملت شهرين .. للحين ما تفهم
عبير: وباجر لآ كبرت .. شو بتقولين لها ؟؟
شوق: بقولها أبوج مات
عبير: شوق تربية ياهل مب شي سهل .. لا تظنين دامج موفرة لفوز كل شي يعني راح تغنيها عن وجود أبوها ف حياتها .. وعلي لازم يعرف إنه لمن طلقج كنتي حامل ببنته .. وبعدين لا تنسين إنج مريضة وما تدرين شو ممكن يصير !!
شوق: لازم تذكريني يعني ؟؟ أنا بعيش مع بنتي حياة طبيعية .. حتى لو مكتوب لي إني أروح عنها .. أبي أقضي وياها لحظات سعيدة أنا وهي وبس مابي أقضي ولا لحظة بعيد عنها .. فوز هي اللي بقت لي من ريحة علي .. ومابي أخسرها
عبير: إنتي بجيه تظلمين علي .. هو بعد من حقه يعيش مع بنته
شوق: هو ما يدري عنها .. حتى لو صار فيني شي ما راح يعرف وإنتي راح تربين بنتي من عقبي
عبير: أنا أشوف إنج لازم تقولين له .. ع الأقل إيي يشوفها .. مو لازم تحسسينه إنه مجبور يعيش دور الأبو .. إنتي ما تبين شي منه .. بس بنتج تبي .. وهو أكيد لو درا إن هالبنت بنته ما راح يفرط فيها .. ولا تعتقدين إني أقولج جيه عسب أتهرب من مسؤوليتها .. لا والله بربيها لين تكبر من عيوني .. بس فوز راح تحتاي أبو يا شوق ..
شوق: عبير أنا قلت لج كل شي لأنج بنت عمي وواثقة فيج .. لا تخليني أندم إني خبرتج وهالموضوع بليز لا عاد تفتحينه
عبير: شوق أنا أرمس لمصلحتج .. بليز فكري ف اللي أقوله
شوق: انسي مصلحتي دام الموضوع يخص علي
عبير: للحين تحبينه ؟؟
شوق: أحبه للدرجة اللي تخليني أضحي بحياتي عشان سعادته
عبير: مو كافي تضحيات ؟؟
شوق: مابي أخرب حياته .. هو بعد ضحى عشاني لمن تزوجني .. وساعدني عسب أسترد صحتي وعافيتي وأرجع أشوف من يديد
عبير: ساعدج بفلوسج ..
شوق: لا والله .. كل شي جان ع حسابه إلا مصاريف علاجي أنا قلت له إذا ما خلاني أتكفل بالمصاريف ما راح أعالج ..
عبير: شوق افهميني
شوق: خلاص يا عبير ماله داعي تناقشيني ف موضوع انتهينا منه أنا ظهرت من حياة علي ومابي أرجع لها مرة 2 وأدمر حياته ويا فوز .. وهالشي كنت مقررة أسويه من قبل لا أعرف إني مريضة وأحين متمسكة فيه لآخر يوم لي ..
عبير: وإنتي تعتقدين إن فوز بتوافق تتزوجه إذا درت إنه متزوج وعنده بنت ؟؟؟
شوق بتحذير: عبير ، فوز ما راح تعرف هالشي .. شرات ما أهل علي نفسهم ما يعرفونه ..
عبير:
As u like
نشت عبير تدور وآير الجراجة عسب تعبي تليفونها .. وسارت شوق تشوف فوز اللي نشت م الرقاد وكانت تصيح ..
فتحت عبير الأدراج وانتبهت ع ألبوم صور أول مرة تشوفه .. خذت الألبوم .. وطاحت منه صور الظاهر ما كفآهآ الألبوم ف انحطن جيه .. خذت الصور والألبوم وسارت غرفتها ليش إنها خافت شوق تشوف الصور عندها !
الصور كانت تخص شوق .. صورها مع صور علي لمن كانوا ف بريطانيا للعلاج .. وصور ثانية لفوز بنتها .. يلست عبير تشوف الصور وتركز ع كل صغيرة وكبيرة فيهن .. حست إن بنت عمها كانت وايد مستانسة إلا طايرة م الفرح .. وحست شكثر هي تحب علي .. وإلا منو فهالزمن تسمي بنتها ع اسم البنت اللي راح تسرق حبيبها منها ؟؟
.. كانت حابة تساعدها بأي طريقة .. رقم فوز وعندها كل اللي تبيه إن فوز ترجع م السفر .. وعقبها لكل حادثة حديث !
يتبع ,,
شقة أبو حمد - ألمانيا
يوم السبت
الساعة 2:00 ظهراً
رجعت فوز الشقة عقب ما تغدت ف شقتهم أبو ذياب .. من رجعت فوز ألمانيا ما شافت ذياب .. واستغربت سبب غيابه .. أول ما دشت غرفتها انتبهت إن تليفونها يدق .. ردت ع التليفون وجان علي متصل فيها ..
فوز: الحمدلله بخير .. شحالك إنت ؟!
علي: ولهان عليج حيييييييييل
فوز: أونك .. زين كلها أسبوع وراح أكون ف البلاد
علي: جان زين لو راح تكونين ف بيتج
فوز: وايد مستعيل .. عقب راح تمل مني
علي: ف عينج .. إنتي ليش جيه دفشه
فوز: أنا دفشه ؟؟
علي: هيه .. حتى كلمة حلوة ما تظهر منج
فوز: هههههههههه لا ملجنا راح تسمع كل اللي تبيه
علي: عادي أهم شي عارف إنج تحبيني
فوز: انزين قولي ليش داق ؟!
علي: أقولج دفشة ما تصدجي .. واحد داق حق خطيبته .. ليش داق ؟؟
فوز: أشوف لسانك صاير طويل
علي: أحبج إنتي بس ردي البلاد لأخطفج ونشرد ويا بعض
فوز: ههههههههه قول والله
علي: تراهنين ؟؟
فوز: ع شو ؟؟
علي: إني أسوي جيه
فوز: أراهن
علي: بتخسرين صدجيني تراج للحين ما تعرفيني .. أنا مينون
فوز: بس خلاص مابي أراهن ^_^
علي: شو أخبارج بعد ؟!!
فوز: الحمدلله كل أخباري طيبة مممممم بظهر اليوم ويا رفيجتي عسب آخذ هدية حق ميرة
علي: وأنا ؟!
فوز: إنت شو ؟!!
علي: ما بتاخذين لي هدية ؟؟
فوز: إحم .. مو أنا بكبري هدية لك شتبي بعد
علي: هههههههههههه أخيراً نطق الحجر
فوز: جب جب
علي: تقولين لي أنا جب ما عليه يا فواز خليني بس آخذج بتشوفين شو بسوي فيج
فوز: يمه منك محد يقولك شي ..
علي: يب أبيها من الله
فوز: ههههههههه وربي سبال ..
علي: أدري مو يقولون دوم السبال يحب الغزال يا غزالتي
فوز: ههههههههههه إنت شفيك متخبل شطاري عليك اليوم ؟؟
علي: ولا شي غير إني مشتاق لج حيل
فوز: جريب بتشوفني
علي: إن شاء الله .. ياللا فديتج ديري بالج ع روحج .. ومش تتأخرين تاخذين الهدية وتردين
فوز: إن شاء الله .. سلم عليهم
علي: يبلغ .. فمان الله غلاتي
فوز: ربي يحفظك
بندت فوز عن علي وطرشت مسج حق هند تقولها تتزهب عسب يسيرون السوق .. ونشت هي بعد عسب تتزهب وعقب ما خلصت ظهرت م الشقة ووقفت جدام باب الشقة .. دقت الجرس وظهر لها علي
فوز: هلا بحبيبي أنا
علي: هلا فوز .. حياج
فوز: لا فديتك ما بدش .. خبر هند أنا انتظرها تحت مو تتأخر
علي: وين بتسيرون ؟؟
فوز: بنسير السوق نآخذ هدية حق رفيجتي .. تبيني آخذ لك شي ؟؟
علي: ممممممممم لا مابي كل شي عندي شو بتاخذيلي
فوز: اللي خاطرك فيه
علي: مممممممممممم عادي خذيلي أي شي ع ذوقج
فوز: فالك طيب ياللا حبيبي دش داخل ولا تنسى تقول لهند
علي: إنزين
قررت فوز تنزل تحت تنتظر هند .. وقفت عند باب المصعد تترياه إيي عسب تنزل .. وأول ما فتح باب المصعد تفاجأت لمن شآفت ذياب ف ويهها .. ظهر من اللفت ووقف جدامها !
رجع بس آخر شخص يتمنى يشوفه جان فوز .. بس القدر أقوى منه وكانت أول شخص يشوفه .. جان يبين ع شكله إنه تعبان وايد .. يود قلبه أو ما شاف فوز ف ويهه ..
ذياب: فوز !
فوز كانت مرتبكة .. وترجع ع ورا لأنها حست إن ذياب وايد جريب منها ..
فوز: هلا ذياب .. الحمدلله ع السلامة
ذياب: ربي يسلمج .. شحالج ؟!!
فوز: الحمدلله بخير .. شحالك إنت ؟!!
ذياب: الحمدلله ..
انتبه ع الخاتم ف إيدها .. وجان وايد مركز عليه وحست فوز إنه قاعد يطالع الخاتم ..
ذياب: يعني خلاص ؟!!
فوز: شو هو اللي خلاص ؟!
ذياب: انخطبتي !
فوز: هيه .. عقبالك
طالعها ذياب بنظرة غريبة .. واقترب منها أكثر وأكثر وما جان عندها مجال إنها ترجع أكثر لأنها لزجت ف الليدار ..
ذياب: يمكن انخطبتي .. بس للحين ما ضعتي !
هند: ذياب !
قال هالعبارة ومشى عنها ساير صوب شقتهم بدون لا يسوي سالفة لهند اللي كانت شاهدة ع اللي صار .. أما فوز خافت منه وع طول دشت المصعد ونزلت !!
كانت ترتجف من الخوف .. حست إن ذياب بيتهور وبيسوي فيها شي .. بس الله ستر .. وف نفس الوقت كانت مستغربة منه .. ليش يعاملها جيه .. بس ما حطت ف بالها لأنها ما تبي تفكر ف أي شي .. وقررت إنها ترجع البلاد وتملج ع طول خصوصاً إنها راح ترجع مرة 2 ألمانيا تكمل الكورسين اللي عليها وما تبي تتعرض لأي موقف مع ذياب .. ولا ملجت ذياب راح يتأكد إنها خلاص مب له !!
نزلت هند وسارت صوب فوز اللي واقفة تنتظرها .. وتفكيرها باللي سواه ذياب ..
هند: فوز
لفت فوز صوب هند .. عقب ما حاولت تهدي نفسها عسب تبين لها إنه ما صار شي ..
فوز: شو نسير ؟؟
هند: هيه .. كاهو السايق يتريانا
فوز: توقعت راح نسير ف تاكسي
هند: وليش التاكسي دام سايقنا موجود ؟؟
فوز: يب معج حق
وصلهم السايق المكان اللي يبونه .. نزلن البنات ودشت فوز تشوف هدية مناسبة لميرة وسعيد ..
اختارت فوز حق ميرة عقد ألمآس رقيق وآيد .. فيه حرف سعيد وتوقعت إن ميرة راح تستانس عليه .. واختآرت لسعيد سآعة جلد وطلبت منهم ينحتون فيها اسمه واسم ميرة .. وبعد ما خلصت اقترحت عليها هند يروحون يقعدون ف الكوفي شوب .. ووافقت ع طول
هند: فوز
فوز: هلا فديتج
هند: ما أبيج تتضايجين من اللي سواه ذياب
فوز: ما صار شي يا هند لا تحاتين
هند: أنا أول ما نرد راح أرمسه .. وأطلب منه تفسير للي سواه .. ذياب مو من طبعه يسوي جيه .. لا تزعلين منه وتخلين هالشي يأثر ع علاقتنا فيج
فوز: مستحيل هالشي .. لا تشغلين بالج يا هند .. أنا نسيت اللي صار وأتمنى إنتي بعد تنسينه
هند بإبتسامة: ع أمرج
فوز: تهقين ميرة بتعيبها الهدية ؟!!
هند: أكيد .. ذوقج ما شاء الله وايد حلو ..
فوز: هالمرة عاد لازم تحضرون .. صج بزعل
هند: ياليت بس ما بيصير .. عندنا عرس بنت خالتيه ف نفس الفترة
فوز: وين راح يكون ؟؟
هند: ف الكويت .. خالتيه متزوجة هناك
فوز: حلو .. ياللا مو نصيبكم تيوون عندنا
هند: راح نيي مب شرط ف المناسبات أكيد راح تصير فرصة وبنيي إن شاء الله
فوز: إن شاء الله
عقب ما خلصن رجعن الشقة .. دشت فوز شقتها ودشت هند شقتهم .. أول ما فتحت فوز باب الشقة انتبهت ع ظرف عند الباب .. خذته ودشت تشوف اللي فيه .. كانت رسالة من عند ذياب .. ما حبت تقرا اللي فيها .. خافت تقرا كلام ما يرضيها .. فقررت تقطع الرسالة وتفرها ف الزبالة !
أما هند من بدلت ملابسها سارت غرفة أخوها .. اللي جان قاعد ع الشبرية ويبين عليه قاعد يفكر بشي .. دقت باب الغرفة عسب تنبهه لوجودها فيها ..
رفع ذياب راسه وقالها تدش .. دشت هند وصكرت الباب وراها عسب يرمسون ع راحتهم وما تسمع أمها او حتى علي الرمسة ..
ذياب: تبين شي ؟!!
هند: الحمدلله ع السلامة
ذياب: الله يسلمج
هند: بعد مب ناوي تقولنا هالمرة السفرة كانت وين ؟!!
ذياب: وإذا دريتي شراح تستفيدين ؟!
هند: ولا شي .. بس يعني مب ملاحظ إنك بين فترة وفترة تسافر وبدون لا تقول لنا أي شي .. وترجع ولا كأنك كنت مسافر أصلاً
ذياب: تبين تشوفين الجواز عسب تتأكدين ؟!
هند: لا أبيك تقولي وين تروح وليش ما تبينا نعرف ؟؟
ذياب: بتعرفون إن شاء الله .. بس مو ألحين
هند بشك: ذياب .. ليكون متزوج من ورانا ؟؟؟
ذياب: هههههههههههههه حلفي إنتي بس شو متزوج .. لا فديتج مو متزوج
هند: أوكي .. الأيام يايه وبتكشف كل شي ..
ذياب بابتسامة: أكيد ^_^
هند: أنا مب يايه عسب أسألك وين كنت ..
ذياب: عيل؟؟
هند: ذياب ترا أنا شفت الحركة الغبية اللي سويتها مع فوز
ذياب: ما سويت شي !
هند: كل اللي سويته .. وتقول ما سويت شي
ذياب: ألحين إنتي شتبين ؟!!
هند: البنت مخطوبة وعيب تتصرف وياها جيه .. إحنا ما شفنا منها إلا كل خير .. لا تخرب علاقتنا فيها بتصرفاتك الطايشة
ذياب: ومن متى جان أخوج طايش يا هند ؟!
هند: ها اللي مستغربتنه .. إنت عمرك ما كنت جيه وفجأة انجلبت لواحد 2 ليش ما أعرف !
ذياب: أحبها ..
هند: منو ؟!!
ذياب: فوز .. أحبها ما أتصور حياتي بدونها .. أبيها لي
هند: البنت مخطوبة إنت ما تفهم ؟؟
ذياب: مخطوبة .. مب متزوجة يعني عندي فرصة
هند: فرصة شو ؟؟ ذياب خل عنك هالخرابيط .. فوز تحب خطيبها وبينهم قصة حب من فترة طويلة .. يعني لا تتوقع إنها راح تخليه
ذياب: بس للحين ما صار شي ..
هند: إنت بعقلك ؟؟
ذياب: راح أصير مينون لو ما خذيتها .. أقولج أحبها
هند: وهي ما تحبك ومستحيل تكون لك .. اصحى من هالأوهام اللي مدخل نفسك فيها .. وعلى فكرة ترا راح يملجون ف هالنزلة يعني ضاعت خلاص !
حس ذياب بألم .. سار صوب درج الطاولة اللي حذال شبريته وطلع منه حبوب .. خذ له حبتين .. وانسدح ع الشبرية !
هند باستغراب: شفيك ؟؟ شو هالحبوب اللي خذيتهم ؟؟
ذياب: راسي مصدع .. خليني بروحي
هند: بس هاي مش حبوب صداع !
ذياب: هند قلت لج خليني بروحي .. وبعدين أنا اخبر منج بالحبوب وأنواعها .. راح تعلميني يعني ؟!!
هند: لا ما راح أعلمك .. بس أبي أعرف ليش خذيت هالحبوب ؟؟
ذياب: هند طلعي برع .. مالي خلق لج
هند: أوكي ..
ظهرت هند من غرفة ذياب .. اللي جان مضايج حيل .. وحس بألم ف قلبه .. رمست هند ضايجته .. هو عنده أمل إن فوز تكون له وهند قضت ع هالأمل بكلامها .. ها بدل لا توقف وياه وتساعده !!
بيت أبو حمد
يوم السبت
الساعة 2:00 ظهراً
أول ما وصلت فوز البيت .. كانوا أهلها قاعدين ينتظرونها تبشرهم بنتيجة التراي اللي قدمته .. دشت البيت أونها مسوية نفسها مضايجة سلمت عليهم وقعدت ..
أم حمد: بشري شو سويتي ؟؟
فوز: الحمدلله
حمد: شو يعني الحمدلله .. تستهبلين يعني ؟؟
فوز: ههههههههههه نجحت
أمون: قولي والله ؟؟
فوز: والله .. الحمدلله ^_^ شفتوا إني شطورة خذيت الرخصة من ثاني تراي
أبو حمد: بالمبارك يا بنتي .. ودام جيه اليوم بنروح الوكالة تختارين لج السيارة اللي تبينها
فوز بفرح: صدج ؟؟
أبو حمد: هيه .. تستاهل الفوز
فوز: تسلم أبويه ما تقصر وربي يعطيك طولة العمر
أم حمد: وين تبي تاخذلها سيارة وهي للحين ما يودت الليسن فيدينها؟؟
أبو حمد: بنتي شطورة وإلا جان ما خذته
فوز: يب يب ..
حمد: أووونه يب يب .. زين يمكن علي ما يبيج تسوقين
فوز: لا والله ف عينه .. بسوق غصب عنه
أمون: ههههههههه من بدايتها تمرد
فوز: عيل ليش من جم شهر أتعلم .. والله ف ألمانيا كنت ف الويكند أسير ويا هند وأخلي السايق يعلمني .. كل ها عسب أول ما أرجع أقدم وشفت شقايل رسبت ف أول تراي
حمد: ياللا الحمدلله بالمبارك
فوز: ربي يبارك فيكم .. عقبالج أمون تتمردي ع حمد وتخليه يوافق إنج تتعلمين سياقة
حمد: لو سمحتي خلج بعيد عن حرمتيه .. مالج خص فيها
فوز: أوونك عااد ..
أمون: فديتج أنا من نفسي مابي وحمد مش مقصر ويايه
حمد: فديت روحج والله
أم حمد: أقول خلونا نتغدى عقب لا صرتوا بروحكم تفيجوا حق الغزل
حمد: إن شاء الله أمايه
فوز: أنا بسير أبدل ملابسي وبيي ^_^
أم حمد: مو تتأخرين ..
فوز: إن شاء الله
صعدت فوز دارها .. وف نفس الوقت وصلت ندى من المدرسة .. سلمت عليهم وسارت دارها تبدل ملابسها عسب تنزل تتغدا شرات ما تعودت تسوي كل يوم !!
عقب 10 دقايق نزلت فوز ووياها ندى .. وكانت قاعدة تسولف وياها ..
ندى: اليوم آخر يوم
فوز: ياللا الحمدلله .. ولمتى إجازتكم ؟؟
ندى: شهر وأسبوع
فوز: حلووو .. يعني أنا بسافر وإنتي بعدج مأجزة
ندى: يس يس آي نو
حمد: فوز .. ندى ياللا عاد بتسولفون عقب متنا يوووع
فوز: زين كانا يايين
تغدوا ويا بعض .. وعقب الغدا أبو حمد طلب فوز عسب يرمسها .. ودشت وياه المكتب .. كانت مستغربة من طلب أبوها بس ف نفس الوقت كانت حاسة إن الموضوع متعلق بعلي !
أبو حمد: اسمعي اللي بقوله يا فوز ومابيج تقاطعيني
فوز: إن شاء الله .. تفضل أبويه
أبو حمد: أنا مابي أذكرج باللي صار .. ولا أبي اللي صار يتكرر مرة 2 وعسب جيه أنا خليتج إنتي تقررين إذا تبين علي أو لا .. والريال ما شاء الله ما يعيبه شي .. وإحنا نعرفه ونعرف هله .. ناس أيآويد .. وأنا سألتج من قبل وإنتي وافقتي وأرد أسألج مرة 2 إذا تبين علي أو لا .. لأن بصراحه الريال مستعيل ويبي ع الأقل تملجون أحين والعرس ف الصيف .. ما بغصبج ع شي كافي إني لين اليوم متلوم ع اللي سويته فيج لما وافقت ع محمد وعسب جيه أنا بسوي اللي إنتي تبينه .. وإذا مو موافقة ع الملجة .. خلاص مالها داعي وأعتقد إنكم خذيتوا فترة ترمسون بعض فيها وتشوفون نفسكم إذا مرتاحين حق بعض أو لا .. وأحينه قوليلي شو رايج ؟؟
فوز: أبويه أنا وافقت ع علي وأنا مقتنعة فيه وإن شاء الله ما راح يتكرر اللي صار .. وبالنسبة للملجة أنا فكرت وايد في الموضوع وموافقة
أبو حمد: يعني أرد ع علي وأقوله إنج موافقة؟؟
فوز: هيه ممممممم
أبو حمد: شي ف خاطرج؟؟ تبين تقولين شي ؟؟
فوز بحيا: أنا أبي أقوله
أبو حمد: خلاص ليش أنا أتصل فيه .. خبريه إنتي واتفقوا ع كل شي وعقب خبرينا عسب نعمل حسابنا
فوز: إن شاء الله أبويه
أبو حمد: بالمبارك يا فوز .. ربي يسعدج ويوفقج
فوز: الله يبارك فيك أبويه
عقبها ترخصت فوز .. وسارت دارها ترتاح ليش إنها ناشة من الصبح .. توها بتغمض عيونها إلا تليفونها يدق بمسج .. جان علي مطرشلها ..
غمآزتك وعيونك آلحور وشفآك
وطول المسآفة بين رآسك وكتفك
كل مآ بغيت أكتبهم فـ بيت وأقرآك
قآل آلشعر صعبة على إنسآن وصفك
ابتسمت فوز ع المسج .. وقررت تتصل فيه .. وتخبره بالمرة عن موضوع الملجة .. وعن الرخصة ..
فوز: أونك تتغلا يعني
علي: ليش ؟!!
فوز: تأخرت ف الرد
علي: ههههههههههه وما يحق لي أتغلا ؟؟
فوز: بلا تغلا ع راحتك .. شخبارك ؟؟
علي: أسمع صوتج وما أكون بخير .. والله عيب
فوز: هههههههه إنت ما تيوز عن هالسوالف
علي: فديت هالضحكة لا خلا ولا عدم يا رب
فوز بجدية: أساساً مابي أضحك .. وما بطول وياك بقول الكلمتين اللي عندي وببند
علي: شو مستوي ؟!!
فوز: شقايل تتصل حق أبويه وتقوله عن الملجة
علي: شفت ما منج فايدة قلت أخليه يقنعج
فوز: أساساً هو سألني وقال الشور شوري وأنا اللي أقرر
علي: يعني ؟؟
فوز: قلت لك من قبل مب موافقة .. ملجة مابي
علي: زين ليش ؟؟
فوز: بس جيه مابي .. نملج ونتزوج ف نفس اليوم
علي: موافق .. بس العرس عقب عرس ميرة وسعيد ع طول
فوز: لا والله .. تتطنز حضرتك ؟؟
علي: فوز إنتي شفيج .. يعني تبين تسوين مشكلة جيه ع الفاضي
فوز : إنت اللي تبي تسوي المشاكل .. المفروض تحترم رغبتي وأعتقد إحنا م البداية اتفقنا إن الملجة والعرس ف الصيف شو تغير
علي: وايد تغير .. أبيج تكونين لي أبي كل واحد يفكر فيج لو مجرد تفكير يعرف إنج خلاص صرتي لي أنا وبس
فوز: الناس يدرون إن إحنا مخطوبين
علي: والخطوبة سهل تنفك .. مو مثل الزواج !
فوز: قلت لك مابي ولا تنآقشني ..
علي: أوكي .. ما بناقشج وجان ما تبين الزواج بعد بكنسله
عصب علي .. وصكر الفون ف ويه فوز اللي انصدمت أول ما انقطع الخط .. بس كانت ف داخلها ضحكة شريرة .. رفعت له ضغطه .. اتصلت فيه مرة 2 بس ما رد عليها .. فطرشت له مسج :
ياربي يعني آلواحد ما يمزح ؟!!
اللي ما تعرفه إني أبي نملج اليوم قبل بآجر بس جيه أتنذل عليك شوي .. وإلا مآ يحق لي ؟؟
أنا خبرت أبويه إني موافقة ع الملجة بس قلت له أنا بقولك ^_^
شحلآتك وإنت معصب *_^
ما وحت تحط الفون ع الطاولة إلا وعلي متصل .. وكانت متوقعة هالشي منه .. فـ ردت عليه ..
علي: قولي والله العظيم ؟؟
فوز بابتسامة: والله العظيم
علي: صج إنج سبالة ما عليج .. تعالي بس عندي لا تشوفين شو بسوي فيج
فوز: ههههههههههه كيفي
علي: أحينه كل شي ع كيفج بس من آخذج .. هاي كيفي بقص لسانج عنها
فوز: هههههههه صج كريه ..
علي: إذا أنا كريه إنتي شو تطلعين .. قسم بالله رفعتي ضغطي
فوز: هههههههههه تستاهل ^_^
علي: أوكي يآ بنت حمود .. إن غداً لنآظره لقريب
فوز: هههههههه انزين ويا مخك .. ما باركت لي
علي: ع شو ؟؟
فوز: مممممممممم نجحت اليوم ^^
علي: قولي والله .. طلعتي هب هينه
فوز: يب يب بنت حمود ع قولتك
علي: بالمبارك غلاي
فوز: ربي يبارك فيك .. مممممممم أبويه قال بنسير العصر الوكالة أختار السيارة اللي أبيها .. شرايك ؟؟ شو آخذ؟؟
علي: مممممم خذي مرسيدس أو بي آم .. البي آم أكشخ عليج .. بس ترا غآلية
فوز: ما تغلآ ع بنت محمد ^^
علي: أووووونه .. يا خقتج الله يعيني بصراحة
فوز: احم .. اللي يسمعك يقول إنت مول مب خقاق
علي: خقاق وخقاقه .. وناسة لو نكتب ف بطاقة العرس ندعوكم لحضور حفل زفاف خقاق وخقاقه
فوز:ههههههههههه تستهبل إنت شو ؟؟
علي: لا صج حركة يديدة
فوز: خلي حركاتك اليديدة بعيد عني
علي: آآآآآآآآآآآآه والله إني أحبج .. سجليها هاي ف دفتر حياتج
فوز: سجلتها ف قلبي ^_^
علي: وإنتي ؟؟
فوز: أنا شو ؟؟
علي: شو بتقولين لي عسب أسجله ؟؟
فوز: بقول ممممممممممم اصبر خل أفكر
علي: بسرعة ..
فوز: مممممممم بقول .. فارج أبي أرقد
علي: مالت علييييييييج ..
فوز: أغصان آلجنة يآ رب
علي: جيه تقولين حق حبيبج .. اسمعي إنتي بنت حمود قبل لا تاخذيني .. سيري خذي كورس ف تعلم الرومانسية لأنج صج صج دفشة
فوز: ههههههههههه شو هاي قبل لا تاخذيني .. هههههههههه
علي: قصدي قبل لآ آخذج .. أعوذ بالله منج
فوز: زين ع آمرك .. ياللا بند أحينه أبي أنام
علي: أوكي ^^ أشوفج يوم آلعرس ع خييييييير
فوز: إن شاء الله .. سلم ع العروس
علي: يبلغ .. ديري بالج ع روحج فديتج
فوز: وإنت بعد .. فمآن الله
علي: ربي يحفظج
بندت فوز عن علي .. وغمضت عيونها بترقد لين مآ يآذن العصر وتسير ويا أبوها الوكالة تختار لها سيارة .. كانت حاسة بسعادة مو طبيعية .. أخيراً الحظ بدا يبتسم لها .. وأمورها بدت تتعدل .. ووجود علي ف حياتها شكل فارق كبير خصوصاً عقب التجربة الصعبة اللي مرت فيها !!
بيت أبو حميد
يوم الثلاثاء
الساعة 7:00 مساءاً
موزة ف دارها .. من عقب اللي صار بينها وبين سيف .. ومن عقب صدمتها فيه .. تنحت موزة صوب وقررت تنسى شي اسمه حب .. أو حتى تفكر مجرد تفكير بموضوع الزواج .. ع الأقل لين ما تخلص الدراسة .. وبعدها يصير خير .. لو إنها للحين ما ظهرت م الصدمة اللي خلاها سيف فيها .. الإنسان الوحيد اللي حبته طلع جيه .. شو تتريا من الباجين !!
دق تليفونها .. كانت فوز متصلة فيها .. فشي أكيد راح ترد عليها ..
فوز: هلا غلاتي شحالج ؟؟
موزة: الحمدلله بخير .. شحالج إنتي ؟؟
فوز: الحمدلله .. نشكر الله
موزة: عسآ دوم يا رب
فوز: شقاعدة تسوين ؟؟
موزة: ولا شي ف داري ..
فوز: مممممممممم أبيج ف سالفة .. تقدرين تظهرين ويايه ؟؟
موزة: يب أقدر بس بقول حق أبويه .. بس وين تبين توديني ؟؟
فوز: جيه نروح نقعد ف مطعم .. ف مكان نقدر نرمس فيه ع راحتنا
موزة: خير إن شاء الله شو مستوي ؟؟
فوز: لا شفتج بقولج كل شي
موزة: أوكي
فوز: تمام عيل استأذني من أبوج وتزهبي ع طول ربع ساعة وبكون عندج
موزة: تمامووو فديتج
عقب ربع ساعة
وصلت فوز .. واتصلت ف موزة عسب تظهر .. وبعد 5 دقايق ظهرت مواز وركبت السيارة ..
موزة: توقعتج بتيين ف سيارتج اليديدة ؟؟
فوز: لسه ما وصلت .. اللون اللي أبيه مش موجود ..
موزة: آهاا .. وشلون السياقة وياج ؟؟
فوز: ماشي حالها .. وين تبين تتعشين ؟؟
موزة: ما أدري .. ع راحتج
فوز: أوكيك
مشت فوز .. كانت طول الطريق سآكته .. وموزة مستغربة هدوئها .. ف خاطرها أكيد صاير شي بينها وبين علي .. بس انتظرت لين ما فوز بنفسها ترمس ..!!
وصلوا المطعم .. واختاروا طاولة وقعدوا عليها .. أول ما يلست فوز انتبهت ع الريال اللي مر حذالهم وقعد ع طاولة جريبة من طاولتهم .. شكله مو غريب تعرفه .. بس ما قدرت تركز عدل ف شكله لأنها شافت ويهه من صوب بس .. ما حطت ف بالها .. اللي شاغل بالها أكبر من مجرد إنها شافت ريال وشبهت عليه !
موزة: فواز شفيج مو ع بعضج ؟؟
فوز: شرايج نطلب العشآ قبل ونرمس عقب ؟؟
موزة: تصرفاتج مب مريحتني
فوز بابتسامة: مافي شي لا تخافي
طلبت فوز حق نفسها وحق موزة .. اللي بدا الخوف يسيطر عليها وحآسة إن الموضوع اللي بترمسها فوز فيه خطير ..
فوز: مواز أنا خايفة !
موزة: من شو ؟!!
فوز: علي يبي الملجة عقب عرس سعيد وميرة بيومين
موزة: وشو المشكلة ؟؟
فوز: تحيدين الموضوع اللي رمستج عنه لما كنا ف الجامعة ؟؟
موزة وهي تحاول تتذكر: هيه
فوز: أنا ما أقدر أخبي ع علي الحقيقة .. علي لازم يعرف كل شي
موزة: لا تتهورين يا فوز ..
فوز: مابي أبدا حياتي وياه ع الجذب
موزة: إنتي ما راح تجذبين عليه .. إحنا اتفقنا إنج تسوين فحص وإنتي كنتي مقتنعة بهالشي
فوز: بس حتى لو سويت الفحص وظهر إن ما فيني شي .. لازم أقوله
موزة: وليش تقولين له .. فواز اللي صار مب ذنبج
فوز: ولا ذنبه عسب أقص عليه وأوافق ع الملجة .. مواز مابي أكون مطلقة للمرة الثانية .. والريال مهما جان يحب بس كرامته ما راح تسمح له ياخذ وحده ...
موزة تقاطعها: فوز علي ما راح يعرف شي .. إنتي بتسوين الفحص ظهرت النتيجة أوكي خلاص كل شي راح يتم .. ظهرت مب أوكي وإن شاء الله ما راح تظهر جيه .. عندج خيارين يا إما تصارحين علي وساعتها هو يقرر إذا يباج أو لا وطبعاً إذا يحبج صج راح يتمسك فيج .. أو تقولين له إنج ما تبينه وتنهين هالشي !
فوز: ما أدري يا موزة .. خايفة وايد .. أنا أحبه وربي أحبه مابي أخسره .. ما صدجت إن كل شي يصير مثل ما أبي .. ماني حمل صدمات يديدة ..
موزة: فواز بسألج ؟؟
فوز: شو ؟!
موزة: مابي أضايجج بس إنتي ليش ما سويتي الفحص قبل لا تملجين ع محمد ؟؟ شمعنى علي !!
فوز: ما أدري .. وتبين الصدج ما جان يهمني أعرف .. وكنت مقررة أقوله قبل العرس ..
موزة: وعلي ليش تبين تقولين له ؟؟
فوز: مواز علي غير ما كانت تفرق معي إني أخسر محمد .. بس خسارتي لعلي راح تدمرني ! غير جيه أنا مابي أخآطر بعلاقتي مع علي .. ملجت أول مرة وتطلقت ومابي أملج احينه وأتطلق مرة ثانية
موزة: معنى كلامج إنج مو واثقة من حب علي لج !!
فوز: ما عدت واثقة من شي
موزة: شوفي فوز سمعي مني .. لا تعتقدين إنج إذا خبيتي ع علي هالشي معناته جذبتي عليه أو حتى خنتيه .. أول شي اللي صار إنتي مالج ذنب فيه وكلنا عارفين هالشي .. وبعدين إنتي كنتي صغيرة وقتها وليومج ها مب عارفة إذا تضررتي أو لا من اللي صار .. فباجر تروحين تسوين الفحص وأنا أفضل تسوينه ف الشارجة لأن هنيه يمكن تصادفين حد تعرفينه .. وإذا طلعت النتيجة زينة خلاص ما جأن شي صاير
فوز: وإذا ..
موزة تقاطعها: خلي إيمانج بالله قوي .. شفيج فوز ما كنت أتوقعج جيه
فوز: خلاص موزة بسوي اللي قلتيلي عليه ..
موزة بابتسامة: لا تخافين أنا حاسة إن ما فيج شي
فوز: إن شاء الله .. ياللا فديتج كلي ..
بدون لا يحآول يكتشف شي .. الحقائق تنكشف جدامه .. ذياب اللي ياي مخصوص عشان فوز .. مع إنها ما تعرف هالشي بس أول ما لمحته حست إن هالشخص تعرفه .. شكله جان غير بالكندورة والغترة وهي عمرها ما شافته لابس جيه .. جان قاعد حذالهم .. ومركز ع كل كلمة قالتها فوز .. حس بحزن كبير مع إنه ما عرف التفاصيل بس تقريباً فهم الموضوع .. وللحين متمسك ف فوز ويبيها .. بس ما جان قادر يقعد ف نفس المكان .. لما جان بينش ضرب الكوب وطاح وانكسر .. وهالحركة نبهت موزة اللي شافت الموقف .. وفوز اللي طالعت ع ورا وتفاجأت أول ما شافته !!!
فوز: ذياب !!
ذياب: هيه نعم !
فوز: مستحيل مب قادرة أصدج .. ليش تسوي جيه ؟؟
حط ذياب بيزات ع الطاولة .. وطالع ع فوز اللي علامات الإستفهام فوق راسها ومب عارفة تفسير لوجود ذياب !!
ذياب: ما راح أضرج بشي .. اعتبري نفسج كأنج ما شفتيني ولا تعرفين إني هنيه !!!
وسار !!
طالعت فوز ع موزة اللي مب فاهمة شي من اللي صار !! ..
فوز: خلينا نروح !!
موزة: أوكي !
دفعت فوز الحساب .. وظهرت ويا موزة سايرة صوب السيارة .. وانتبهت ع ورقة محطوطة ع السيارة .. !!
ذياب: أنا آسف .. أوعدج ما بتشوفيني عقب اليوم .. بس أمانة عليج إذا احتيتي أي شي .. أنا موجود !!
قرت الورقة وفرتها .. بدت تتنرفز من تصرفات ذياب الطايشة .. وفوز ما خبرت علي عن ذياب وإلا عادي يمنعها تسافر ألمانيا تكمل الكورسين اللي باجين ..
ركبت فوز السيارة .. وموزة وياها !!
موزة: منو ها ؟؟ وشو يبا منج ؟؟
فوز: آآآآآآآآآه .. ها ذياب أخو هند .. رفيجتي بألمانيا
موزة: وشو يسوي هنيه ؟؟
فوز: ما أدري .. بس الفترة الأخيرة عليه تصرفات غريبة وغبية
موزة: يحبج ؟؟
فوز: ما قالها !
موزة: عيل ؟؟؟
فوز: آخر موقف جمعني فيه .. سألني إذا الخطوبة تمت عقب ما شاف الخاتم .. وقالي .. انخطبتي بس للحين ما ضعتي !!
موزة: شو معناة كلامه ؟؟؟
فوز: مب عارفة .. يمكن قصده إن الخطوبة شي رمزي ممكن إنها تنفك
موزة: وشو راح يستفيد؟؟
فوز: حاسة إن ف خاطره شي .. بس مابي أصدج .. أنا عسب جيه وافقت إن نملج هالفترة .. مابي أرجع ألمانيا إلا وأنا زوجة لعلي مب خطيبته وبس !!
موزة: الله يعينج يا فوز .. بس صدج لو ما يحبج ما سوا كل ها
فوز: اللي مستغربه منه شو يسوي هنيه ؟؟ هند قالت لي إنهم بيسيرون الكويت يحضورن عرس حد من أهلهم
موزة: يمكن هو يا هنيه .. ما حب يحضر العرس
فوز: والله مب قادرة أفهم هالإنسان ..
موزة: بس تبين الصدج ما شاء الله عليه يعق الطير م السما
فوز: أنا ما أشوف إلا علي .. ومحد مزر عيني غيره
موزة: أووووونج .. زين خلينا نمشي تأخرنا
فوز: أوكي !
تحركت فوز .. وصلت موزة لبيتهم وعقبها رجعت البيت .. كانت الساعة وقتها 9 ونص تقريباً .. دشت دارها بدون لا تشوف حد .. وبدت ترتب جنطتها ليش إن باجر بيسيرون الشارجة وبيقعدون هناك 5 أيام تقريباً بيحضرون عرس ميرة وعقبها بيوم راح تكون ملجة فوز وعلي اللي تقرر يسوونها هناك لأنها ملجة عائلية ومحد راح يحضرها إلا عائلة فوز وعائلة علي والمقربين من فوز !!
بيت أبو عبدالعزيز ( عبدالله )
يوم الأربعاء
الساعة 5:00 عصراً
اليوم ميرة تتحنى .. وكانت فوز وياها وخولة وأمون .. الكل جان يسولف إلا فوز اللي شاغل بالها موضوع الفحص .. اليوم خذت موعد مع الطبيبة عسب تروح تسوي الفحص وكانت وايد خآيفة .. بس توكلت على الله وقالت بتروح ..
فوز: ميراني فديتج عندي موعد وأبي السايق يوصلني
ميرة: أوكي فديتج .. خولة راجو هنيه ؟؟
خولة: لا والله .. طرشته الجمعية ..
ميرة: عادي تنتظرين لين يرجع ؟؟
فوز: أخاف يتأخر ..
خولة: مو مشكلة فديتج خذي سيارتي
فوز: صج ؟؟
خولة: هيه
فوز: ما أدري أخاف ما تأمنين فيني ترا توني خذيت الرخصة
خولة: تفداج السيارة يالغالية .. اصبري بييب لج المفتاح
فوز: تسلمين والله
يابت خولة المفتاح لفوز .. وترخصت فوز من عندهم وسارت العيادة !!
ميرة: بلاها فوز اليوم ؟؟ أحسها مش طبيعية ؟؟
أمون: ما أدري .. طول الدرب ما رمست .. جأن في شي شاغل بالها
ميرة: غريبة ..
أمون: تبين الصدج استغربت إنها طلبت السايق يوصلها مع إن حمد هنيه جان قالت له بيوديها
ميرة: حمد ف الميلس ؟؟
أمون: لا .. حمد ف بيتنا عند سعيد وعلي
ميرة: يمكن ما حبت تشغله ..
خولة: خلوها ع راحتها .. أكيد عندها شي ضروري
ميرة: ما حبيت أسألها وين موعدها .. لو كانت تبي تقول جان قالت
أمون: يمكن تحضر لمفاجأة أو شي ..
ميرة: خولة وين اولادج ؟؟
خولة: عزوز سار ويا عبدالله عند سعيد .. ومنصور راقد فديته
ميرة: تعبت .. متى بنخلص ؟؟
أمون: المشوار طويل .. بعدها ريلج ما بدت فيها
ميرة: الله يعين اليوم !!
دق الباب .. جان علي ياي .. بس ما دش ..
علي: خولة ؟؟
خولة: هلا علي ؟؟
علي: فوز هنيه ؟؟
خولة: لا
علي: طيب تعالي أبيج شوي
ظهرت خولة من ميلس الحريم .. وسارت تشوف علي شو يبا ..
خولة: شو تسوي هنيه ؟؟ توقعتك عند سعيد !
علي: ياي أشوف فوز ^_^
خولة: فوز محد
علي: وين سارت ؟؟
خولة: ما أدري .. خذت سيارتي وظهرت !!
علي: غريبة .. اتصل فيها جهازها مغلق
خولة: قالت عندها موعد .. بس وين ما يابت لنا طاري
علي: ما عليه بحاول أتصل فيها بعدني .. ويا مخها هاي تظهر هنيه بروحها وأول مرة .. لو ما عطيتيها سيارتج
خولة: كانت تبي السايق يوصلها بس محد وقلت لها تاخذ سيارتي
علي: يعني كانت مستعيلة ..
خولة: تقدر تقول
علي: ما أدري شو سالفتها .. اوكي خولة تسلمين
خولة: ربي يسلمك ..
ترخص علي عن خولة .. وهو يفكر بفوز .. وين ممكن تكون سايرة وليش ما قالت له .. وليش جهازها مبند ؟!!!
عند فوز !!
أول ما وصلت العيادة .. الخوف بدا يسيطر عليها .. حست إنها محتاية أمها تكون وياها أو ع الأقل حد من أهلها .. المهم شخص تحس بالأمان وياه .. وصل دورها ودشت عند الدكتورة .. شرحت لها وضعها وليش تبي تسوي هالفحص .. والدكتورة قدرت موقفها .. وحست الصدق ف رمسة فوز ولهالسبب تعاطفت وياها .. ووافقت إنها تفحص عليها ..!!
اللي صار خلاها تصيح .. ما قدرت تتحمل الخبر أول ما قالت لها الدكتورة إنها بخير وما فيها شي وإنها تقدر تمارس حياتها بشكل طبيعي وما تخاف من شي .. ردة فعلها يمكن تكون غريبة بس تدل على إن فوز كانت تعاني فعلاً من هالموضوع .. سجدت ع الأرض وهي تدعي الله وتشكره .. حست إن الدنيا مب شايلتها من الفرح والوناسة .. يعني خلاص علي راح يكون لها وما راح يعيق زواجهم أي شي .. كل تفكيرها جان بعلي .. لأنها تدري إن خسارتها له راح تحطمها .. شكرت الدكتورة وقعدت تسألها عن الفحص قبل الزواج هل هو مهم أو لا .. وعقب عدة أسئلة جاوبت عليهن فوز .. قالت لها الدكتورة إنه ما يحتاي بس يفضل إنه يسوونه للتأكد من إنها وعلي ما فيهم شي !!
عقب ما ظهرت م العيادة .. فتحت تليفونها .. وشافت اتصالات علي فيها 6 مكالمات لم يرد عليها وكلها من علي .. ورسايل 4 من عند علي و2 من عند موزة .. توها بتتصل بموزة تطمنها إلا ويدق فونها وجان علي متصل فيها ليش إنه وصله تقرير التسليم فعرف إنها فتحت فونها !!
علي بعصبية : إنتي وينج فيه ؟؟
فوز: شفيك تصارخ .. الناس تسلم بالأول
علي: مابي أسلم .. قوليلي إنتي وينج فيه ؟؟
ها اللي كانت خايفة منه فوز .. إن علي يعرف إنها ظهرت ويسألها وما تعرف شو تقوله ..
فوز بإرتباك: وين بكون يعني ؟؟
علي: فوز لا تحرقين لي أعصابي .. من ساعة وأنا أتصل فيج وجهازج مبند وسرت البيت وسألت خولة وقالت لي إنج خذيتي سيارتها وظهرتي .. وين سرتي وإنتي ما تعرفين حد هنيه ؟؟؟
فوز: ليش نسيت إن أختي هنيه ؟؟؟
علي: اتصلت ف ريم وقالت إنج ما سرتيلها .. وين كنتي ؟؟
فوز: تحاسبني جأنك ريلي .. ما أحب هالأسلوب يا علي .. فيه أسلوب أفضل للنقاش إذا كنت حاب تناقش .. يعني ما تقدر تخفض صوتك وإنت ترمسني ؟؟
علي: أوووووف .. بصراحة أسلوبج ينرفز .. أنا حارق أعصابي أحاتيج اتحرا شي صاير فيج وإنتي ولا همج
فوز: ما صاير شي .. أنا بخير ببند عنك احينه لأني ما عارفة أسوق وأرمسك وما يايبه السماعة
علي بهدوء: إنتي وين ؟!!
فوز: احينه جريب بيتكم
علي: أوكي .. انتظرج
بندت فوز عن علي .. وهي تتنفس الصعداء .. كانت بتقوله بس الله ستر .. وعقب دقايق وصلت البيت وفعلاً جان علي واقف يرمس ف التليفون ..
علي: لحظة شوي !
علي: دشي ميلس الرياييل بييج ..
فوز: إن شاء الله
دشت فوز الميلس .. وعقب ما خلص علي مرمس سعيد سار صوب الميلس .. كانت فوز قاعدة ترسل مسج لموزة تطمنها لأنها ما قدرت تتصل فيها ..
علي: شفيج ؟؟
فوز: ما فيني شي !
علي: بلا قولي شفيج ؟؟؟
فوز: لا عدلت أسلوبك ويايه ساعتها بجاوبك .. غير جيه مب مرمسة
علي: فوز إنتي عارفة إني أحبج وأخاف عليج حتى من نسمة الهوا .. ليش تتصرفين جيه ويايه ؟؟
فوز: لأن خوفك مبالغ فيه .. إنت كنت تصارخ معنى جيه إن أنا مجبورة أجاوبك .. مب تسأل لأنك خايف علي ..
علي: أوكي .. أنا آسف !
فوز بتردد: كنت ف العيادة !
علي بخوف: ليش ؟؟ شفيج ..؟؟ شو تسوين هناك ؟؟
تذكرت فوز رمسة موزة لها ..
موزة: فوز علي ما راح يعرف شي .. إنتي بتسوين الفحص ظهرت النتيجة أوكي خلاص كل شي راح يتم .. ظهرت مب أوكي وإن شاء الله ما راح تظهر جيه .. عندج خيارين يا إما تصارحين علي وساعتها هو يقرر إذا يباج أو لا وطبعاً إذا يحبج صج راح يتمسك فيج .. أو تقولين له إنج ما تبينه وتنهين هالشي !
علي ما لازم يعرف .. بس فوز ما تقدر تجذب عليه .. وما كانت عارفة شو تقوله ..
علي: فوز إنتي مريضة ؟؟
فوز: لا
علي: عيل ليش سايرة العيادة ؟؟ وليش ما خذيتي حد وياج ؟؟
كانت تحاول تدور ع أي شي بس ما تجذب ع علي .. وف آخر لحظة كآنت بتقوله الحقيقة .. بس فونها دق جان رقم غريب متصل فيها وهي طبعاً حبت تتهرب من نظرات علي لها .. فـ ردت ع طول ..
فوز: هيه نعم أنا فوز !
عبير: شحالج ؟؟
فوز: الحمدلله بخير .. بس عفواً ما عرفت منو إنتي ؟؟
عبير: ما بقولج منو أنا
فوز: ليش عاد ؟؟
عبير: بس جيه أبي أفاجئج ..
فوز: تفاجئيني ؟؟
عبير: هيه لانج لا شفتيني أكيد راح تتفاجئين !
فوز: ليش إنتي تعرفيني ؟؟
عبير: أكيد .. وهل يخفى القمر
فوز: ع الأقل قوليلي اسمج
عبير: خبرتج لا شفتيني راح تعرفين كل شي
فوز: طيب .. بغيتي شي ؟؟
عبير: هيه أبي أشوفج
فوز: ليش ؟!!
عبير: ما تبين تعرفيني ؟؟ راح تستانسين فيني
فوز: آهآآ يعني إنتي تبين تسوين لي مفاجأة ؟؟
عبير: هيه .. عليج نور
فوز: أوكي ..
عبير: إنتي ف الشارجة ؟؟
فوز: يب ..
عبير: حلووو .. متى رجعتي م السفر ؟؟
فوز باستغراب: قبل فترة
عبير: طيب يناسبج باجر ؟؟
فوز: لا والله .. باجر عندنا عرس .. شرايج عقب بآجر ؟؟
عبير: أوكي حلووو .. قبل الملجة
فوز: شدراج عن الملجة ؟؟
عبير: قلت لج إني أعرفج
فوز:أوكي
عبير: تمام عيل نلتقي عقب باجر ف القصباء الساعة 8 المسا .. وراح نكون ع تواصل .. شرايج ؟؟
فوز: ع خير إن شاء الله
بندت فوز عن عبير .. مع إنها استغربت الأمر بس ما حطت ف بالها .. جان تفكيرها مشغول بالكلام اللي راح تقوله لعلي ..
علي: ما جاوبتي ع سؤالي ؟
فوز: كنت ف عيادة النساء ..
علي باستغراب: ليش ؟؟
فوز بتفكير: ولا شي .. قابلت الدكتورة عسب اسألها عن بعض الأمور
علي: مثل شو ؟؟
فوز: شفيك يا علي .. خبرتها إني بملج جريب وجيه وسألتها عن الفحص قبل الزواج إذا ضروري نسويه أو لا
علي: وكل هاللويه عسب تسألين الدكتورة .. جان جاوبتي من قبل ؟؟
فوز: مب إنت قاعد تصارخ عسب جيه ما كنت أبي أقولك ..
علي: اوكي .. ترا إنتي من يومج فيج عرج نذالة
فوز: ههههههههههه فارج أحينه أو خلني أفارج .. لا حد يدش يشوفنا قاعدين نسولف قاطين الميانة
علي: عادي يومين وتصيرين حليلتي
فوز: آآآآآآه بقولك شي ؟
علي: شو ؟!
فوز: وايد مستانسة لهالشي .. مابي أكون إلا لك ولا أبيك تكون حق غيري
علي: مستحيل أكون لـ غيرج .. إلا صج ما قلتيلي منهي هاي متصلة فيج ؟؟
فوز: وحده سبالة تعرفني ولا رضت تقول منو .. بس تبي تشوفني
علي: تشوفج ليش ؟؟
فوز: الظاهر وحده من رفيجاتي وحابه تسويلي مفاجأة
علي: آهااا .. طيب فديتج أنا بترخص أحينه سعيد متصل يبيني أروح
فوز: أوكي .. وأنا بسير عند البنات
علي: تمام .. ديري بالج ع روحج
فوز: وإنت بعد ^_^
علي: ع أمرج غناتي !
سار علي .. وفوز ما تعرف كيف الله ألهمها وقالت حق علي عن سالفة العيادة .. وحمدت ربها إنها ما اضطرت تجذب عليه .. !!
دق تليفونها .. كانت مواز متصلة فيها !!
موزة: يالدبة إنتي وين ؟؟
فوز: أنا ف الميلس كنت أرمس ويا علي
موزة: ليكون قلتيله ؟؟
فوز: سكتي مواز بغيت أموت والله .. علي فاتح استجواب كنت شوي وأخبره
موزة: وشو قلتيله ؟؟
فوز: عقب ما خلصت الفحص سألت الطبيبة عن فحص قبل الزواج وجيه وخبرته إني سايرة هناك عسب أسألها
موزة: طلعتي مب هينه
فوز: شسوي ما بغيت أجذب عليه والله ..
موزة: المهم تعالي ..
فوز: وين ؟؟
موزة: أنا برع يالويه تعالي نقذي رفيجتج
فوز: ليش شو صار ؟؟
موزة: ما أدري منو ها ظهر ف ويهي
فوز: يمكن علي !!
موزة: لا مب علي .. خطيبج أعرفه أنا
فوز: زين شفيج احينه بيي
ظهرت فوز من الميلس وسارت تشوف موزة اللي كانت واقفة عند الباب عقب ما نزلها أحمد وسار لانه جان وايد مستعيل
فوز: هلا والله ..
موزة: هلا فيج .. شحالج فديتج ؟؟
فوز: الحمدلله بخير .. شحالج إنتي ؟؟
موزة: الحمدلله كنت بخير
فوز: ههههههههههههه ليش شو صار ؟؟
موزة: لو مب الله ستر كنت بطيح ف حضنه .. ما أدري ليش تصير ويايه هالمواقف
فوز: هههههههههه منو ها ؟؟
موزة: أقولج ما اعرفه .. بس ياخذ شبه من أمون
فوز: يمكن غيث أخوها .. شو صار ؟؟
موزة: الظاهر جان مستعيل وأنا واقفة جدام الباب توني بدق الجرس إلا الباب ينفتح ويظهر هو مستعيل وجانه يركض أقولج ما كانت مسافة بيني وبينه لو مب رزم بريك جان والله طايح ف حضني
فوز: هههههههههههههههههههه وإنتي هالمواقف ما تصير إلا وياج
موزة: سبحان الله ما أدري ليش !!
فوز: وهو ما قال شي ؟
موزة: وقف جيه يطالعني وأنا من صدمتي ما رمست .. قال السموحة منج الشيخة .. وركب سيارته وسار
فوز : شو م السيارات عنده ؟؟
موزة: أظن فتك ..
فوز: ها غيث اخو سعيد وأمون .. غريبة إنج مب شايفتنه من قبل
موزة: ما أدري يمكن شفته بس ما أذكره أو ما ركزت عليه
فوز: زين خلينا ندش داخل نشوف ميراني وين وصلت ف الحنا
دشن البنات داخل وموزة للحين منحرجة من الموقف اللي صار وياها .. أما غيث اللي تفاجأ أول ما شاف موزة ف ويهه .. جان وايد مستانس إنه شافها .. هاي مب أول مرة يشوف موزة .. لمحها قبل لمن حضرت ملجة ميرة .. بس ما جان يعرف شي عنها .. ولا فكر إنه يسأل ميرة أو أمون عنها .. حط كل شي للقدر !!
نهاية الجزء
ترقبوآ آحدآث آلجزء آلـ 30
(( طولت بالي وخذها اليوم لك شكراً .. ما ينزل الراس دام الروح بي حية ))
الجزء الثلاثون
قاعة الأعرآس
يوم الخميس
الساعة 10:00 مساءاً
فوز ويا موزة وأمون قاعدات يسولفن .. ميرة ع الكوشة والقاعة متروسة .. وطبعاً مستحيل تفضى القاعة إلا عقب ما يدش المعرس .. أكيد كل وحده من الحضور تنتظر تشوف المعرس عسب يعلقن ويبدن رايهن منو أحلا ومنو أكشخ وإذا مناسبين حق بعض أو لا ..
فوز: ما شاء الله عليها طالعة قمر
أمون: هيه والله .. يا حظ سعيد فيها
موزة: ليش ما نسير نقعد وياها .. أحسها بروحها
فوز: لين ما تخلص المصورة ماخذتلها صور .. عقب بنسير
موزة: عقبالج فواز
فوز: وعقبالج إنتي بعد فديتج
أمون: موزة
موزة: هلا فديتج
أمون: إنتي مخطوبة ؟!!
موزة بابتسامة: لا ..
فوز: هاي دبه تنخطب وترفض .. ليش ما أدري
موزة: كيفي
أمون: لا صدج ليش ترفضين ؟؟
موزة: بس جيه مابي
أمون: آهااا
فوز: مواز الظاهر أمون شايفتلج معرس
أمون: لا والله مش أنا
فوز: هههههههه يعني فيه حد ..
أمون: وإلا ما كنت سألتها ..
موزة باستغراب: شو يعني ؟؟
فوز: قصدها مب هي اللي شايفتلج معرس
موزة: عيل منو ؟؟
أمون: المعرس بروحه شافج وقال يباج
فوز كانت حاسة إن الشخص اللي ترمس عنه أمون هو أخوها غيث .. مع إنها ما لاحظت هالشي .. بس إحساسها يقولها جيه ..
موزة: ومنو ها ؟؟
أمون: بتعرفين جريب
موزة: زين .. مب مستعيلة
فوز بإستغراب: مب مستعيلة لشو ؟؟
موزة: أني أعرفه
فوز: غريبة .. أحيدج فضولية
موزة: هالأمور صارت ما تسترعي إهتمامي
دق تليفون فوز وظهرت من القاعة عسب ترمس ع راحتها ليش إن الصوت جان عالي .. جان علي متصل فيها ..
علي: يالظالمة إنتي وين ؟؟
فوز: وين يعني ف القاعة .. ليش ؟؟
علي: سبالة وأنا قايللج إبي أشوفج .. ليش جيه نذلة ؟؟
فوز: هههههههههه عقب باجر ملجتنا ويا مخك .. وبتشوفني
علي: اظهري أحينه أبا أشوفج لا أتهور وأدش القاعة
فوز: ما تسويها
علي: حلفي إنتي بس وربي بسويها .. العروس وأختي وما عليه من شي
فوز: حشا شفيك جيه ..
علي: أبي أشوفج ألحين
فوز: زين اصبر بلبس العبايا وشيلتي وبظهر
علي: توج شيخة البنات
بندت فوز عن علي .. وخذت شيلتها وعباتها وسارت صوب الحمام تلبسهم .. وعقبها ظهرت من باب القاعة الثاني .. وجان علي واقف ينتظرها ..
علي: حلفي إنج فوز ؟؟
فوز: هههههههه ليش أحلف ؟؟
علي: شو ها مسوية بروحج
فوز: شو ؟؟
علي: شو هالصبغ ويا مخج
فوز: مب حلو ؟؟
علي: لا طبعاً .. جيه وإنتي طبيعية أحلا
فوز: أونه
علي: وربي .. مممممم خبرتيهم إنج مخطوبة
فوز: ليش ؟؟
علي: عسب محد يحط عينه عليج ..
فوز: ههههههههه لا تخاف
علي: إلا بخاف ونص .. حد عنده هالقمر وما يخاف ؟؟
فوز: علاوي بس عآد ..
علي: هههه انزين .. شحالج غناتي ؟؟
فوز: الحمدلله بخير .. وإنت ؟!
علي: شايف قمر جدام عيوني .. شو تتوقعين حالي ؟؟
فوز: احم .. قول شتبي بسير
علي: مابي شي .. بس جيه أبا أوقف جدامج وأطالعج
فوز: أتحرا عندك سالفة ..
علي: شخبارها ميروووة ..؟؟
فوز: الحمدلله مستانسة بس مبين عليها خايفة
علي: احم .. شعور طبيعي
فوز: جب إنت ..
علي: مب متصور هالسبالة تعرس قبلي .. بس كله منج إنتي .. نحيسة
فوز: هههههههههه شكلك تبيني أهون عن الملجة ..
علي: لا الشيمة .. ما صدجت توافقين .. مذلة ف كل شي مذلة أعوذ بالله منج .. ما أدري شو بييج لو وافقتي نملج باجر
فوز: هههههههه ما بييني شي .. بس بكون تعبانة اليوم ناشة من الصبح .. وأكيد بنسهر لوقت متأخر .. ما بقدر باجر بعد مرة 2 .. ميك آب وتسريحة وربشة
علي: يب يب فهاي معج حق .. م الصبح نراكض
فوز: بيراكضون ف عرسنا
علي: آآآآآآآآآه .. متى بيي هاليوم
فوز: جريب .. الأيام تمر بسرعة ^_^
فهاللحظة دق تليفون علي .. وإستغرب أول ما شاف رقم شوق .. من لمن طلقها هاي أول مرة تتصل شوق فيه .. معقولة يكون شي صاير !!
فوز: شفيك ما ترد ؟؟
علي: مالي خلق ..
فوز: أونه .. المهم أنا بسير أخاف يسألون عني
عند موزة
سارت موزة عند ميرة تسولف وياها .. جان الخوف مبين عليها .. ها غير إن ميرة من أمس وهي تصيح .. والسبب إنها كانت تتمنى أبوها وأمها يكونوا عايشين ويشوفونها وهي عروس ..
موزة: سعيد وسعيد ..
ميرة: جب إنتي .. لا صرتي مكاني بتحسين باللي أحسه أنا
موزة: الله لا يبليني
ميرة: جريب إن شاء الله .. إلا فوز وينها ؟؟
موزة: وين بعد اتصل فيها عنترة وما أدري اختفت
ميرة: هالسبالة سيري شوفيها وين أبيها ويايه عقب شوي بيدش سعيد
موزة: ع أمرج .. عروس من قدج آمري وتدللي
سارت موزة تشوف فوز .. وعقب ما لبست عبايتها والشيلة ظهرت .. الشباب واقفين ع صوب يسولفون وما انتبهوا عليها .. وهي سارت من الصوب الثاني عسب تشوف فوز وين .. ما لقتها ولمن كانت بترد تفاجأت بغيث واقف ع بعد مسافة منها ..
شهقت موزة أول ما شافته .. خرعها واقف وراها .. سوت روحها مب شايفته وكملت دربها .. بس غيث جان قاصد هالحركة ..
غيث: الشيخة ..
وقفت موزة .. ولفت عليه بكل هدوء وهي مستغربة ها شو يبا منها ..
موزة: نعم أخويه !
غيث: السموحة .. بس حبيت أعتذر عن الحركة اللي صارت أمس
موزة: ما صار شي ..
غيث: كنت مستعيل وما انتبهت عليج ..
موزة: عادي ما حاطة ف بالي .. نسيت اللي صار ..
غيث بابتسامة: الحمدلله .. وسوري وقفتج بس لمحتج وإنتي ظاهرة ف قلت فرصة أيي أعتذر منج .. ديري بالج ع روحج
سار غيث .. وتنفست موزة الصعداء .. ها شفيه يمه يمه يخوفني ويا هالتصرفات الغبية .. كملت موزة طريقها وهي تدور فوز .. وسارت تشوفها صوب البوابة الثانية .. وفعلاً كانت واقفة ويا علي ..
موزة: احم .. احم !
انتبهت فوز عليها .. وطالعها علي وابتسم .. كانت موزة واقفة بعيد عنهم .. ف ما تسمع شو يقولون ..
علي: هاي رفيجتج ؟!!
فوز: هيه مواز .. أكيد استبطتني
علي: اسمها موزة ؟!!
فوز: هيه .. ما تعرفها ؟؟
علي: أعرفها .. نفسها اللي سرنا نزور ولد أختها هاك اليوم
فوز: يب ..
علي: بقولج سر بس لا تيبين لها طاري
فوز تأشر لموزة عسب تصبر شويه .. وموزة واقفة ومنزلة راسها تتريا فوز تحس ع دمها وتيي ..
فوز: قول بسرعة ..
علي: غيث سألني أمس عنها .. الظاهر البنت دشت خاطره
فوز: كنت حاسة
علي: ليش يعني ؟؟
فوز: بقولك عقب خلني أروح احينه
علي: المهم لا تقولين لها .. بيروح يخطبها من أهلها
فوز: ها إذا وافق أبوها
علي: ليش يعني ؟؟
فوز: بقولك عقب خلني أروح أحينه
علي: يالكريهه شفيج تعيدين نفس الرمسة
فوز: هههههههههه إنت اللي تعيد شو أسويلك .. كل شوي ليش يعني ليش يعني
علي: جب ياللا جب .. سيري بس شبعت منج
فوز: وع مالت زين
سارت فوز عند موزة اللي كانت شويه وبتذبحها .. أما علي ف دق حق شوق يشوف شفيها وليش متصلة فيه ..!!
علي: الحمدلله بخير .. شحالج إنتي ؟؟
شوق: الحمدلله .. سوري ما كنت أبي أزعجك باتصالي
علي: لا عادي .. آمري تبين شي ؟؟
شوق: أقدر أشوفك باجر !!؟
علي: ليش شو هناك ؟؟
شوق: في موضوع مهم أبي أرمسك فيه ..
علي بتفكير: أوكي .. متى يناسبج ؟؟
شوق: ما أدري شوف الوقت اللي يريحك
علي: بمرج باجر البيت ع الساعة 8 ونص
شوق: أوكي أنتظرك ..
علي: تمام شوق .. فمان الله
شوق: ربي يحفظك !!
استغرب علي .. شو هالموضوع المهم اللي يخلي شوق تتصل فيه وتطلب إنها تشوفه .. جان يفكر فيه لولا إن عبدالله اتصل فيه وقاله إيي عسب سعيد بيدش ألحين ..!!
بيت فهد
يوم الجمعة
الساعة 5:00 عصراً
فوز ف الصالة ويا ريم وأمها وندى اللي قاعدين يسولفون عن تحضيرات الملجة .. فوز مع إنها ملجتها بس مول ما تفكر فيها .. يمكن لأنها جربتها من قبل .. ولهالسبب تمثل لها ذكرى حزينة حتى لو جان المعرس هالمرة هو علي حبيبها !!
ريم: متى بتسافرين إنتي ؟؟
فوز: يوم الأحد .. ليش إن الإثنين ع طول يبدا الدوام
ريم: ياربي يعني عقب بآجر
فوز: هيه ..
أم حمد: زهبتي كل أغراضج ؟؟
فوز: يب .. أصلاً ما كنت يايبه شي ويايه ف ما راح آخذ شي إلا الأغراض اللي ناقصتني بس
ندى: أبا أسير وياج
فوز: جان أبويه بيخليج بآخذج والله .. إنتي جدامج أسبوعين لين ما يبدا الكورس عندكم
ندى: امايه أبا أسير
أم حمد: وين تروحين .. بتقعدين ويا منو لمن تروح فوز الدوام ؟؟
فوز: عاد بتقعد ويا منو لا تحاتين .. هند ما بتقصر بتخليها ف عيونها
ندى: صح صح أبا أسير أنا .. أبا أشوف علي
فوز: هههههههههه هو بعد خاطره يشوفج
أم حمد: وبتخلين ماماتج بروحها ؟؟
ندى: نسير معي ماماه ..
أم حمد: لا أنا ما أقدر اخلي أبوج وأسير
ندى: عيل أنا بسير عنج
ريم: ههههههه ألحين شو بيفجج سويتيلها سالفة ياللا ذوقي
فوز: بصراحة أنا عادي عندي بآخذها معي .. بس المشكلة عقب ويا منو بترجع
ريم: لو انا مب حامل جان اقترحت ع فهد نسير نتحوط
فوز: لا إنتي خلج بعيد ما فينا بعد تولدين هناك
ريم: وين اولد حرام عليج توني ف الشهر الخامس
ندى: انزين قولي حق حمد يروح ويا حرمته ..
فوز: فكرة والله .. عقب برمسه وبشوف شو رآيه
ريم: نسيت أخبركم الليلة العشا بيتهم عمي
أم حمد: شو المناسبة ؟!!
ريم: ما أدري .. اتصل فيني فهد وقالي أخبركم .. الظاهر أمه درت إنكم هنيه
فوز: أنا مب سايرة
ريم: ليش ؟!!
فوز: عندي موعد ع الساعة 8 ..
أم حمد: مع منو ؟!
فوز: بنت اتصلت فيني .. وقالت تبي تشوفني اليوم
ريم: أتحرا ما تبين تروحين عسب ما تشوفين محمد ؟؟
فوز: محمد ماضي وانتهى .. بس لو علي درا ما بيخليني أروح .. وغير جيه عسب الموعد ..
ريم: أوكي .. هالبنت شو تبا منج ؟؟
فوز: ما أدري .. الظاهر إنها تعرفني وتبي تفاجئني .. وأبي سيارتج عاد
ريم: بتسوقين هنيه ؟؟
فوز: هيه عادي .. قبل أمس خذيت سيارة حرمة أخو ميرة
ريم: أوكي عادي .. بس وين بتشوفينها ؟؟
فوز: قالت لي ف القصباء أكيد ف واحد من المقاهي اللي هناك
أم حمد: ليش ما تخلين حمد يوديج ؟؟
فوز: حمد رجع البيت
أم حمد: شو هناك ؟؟
فوز: ما أدري امون تقول ظهر له شغل فجأة .. وبيي باجر
أم حمد: وأمون وينها ؟؟
فوز: بيت أهلها
أم حمد: عيل خبريها بنمر عليها
ريم: إن شاء الله
فهاللحظة دق تليفون فوز .. كانت عبير متصلة فيها تأكد عليها الموعد ..
فوز: لا مب ناسية ..
عبير: حلوو .. إذا وصلتي قبلي شوفي مكان مناسب وخبريني
فوز: فالج طيب .. بس شلون بتعرفيني ؟! وشلون بعرفج ؟؟
عبير: بالفون راح أعرفج وتعرفيني
فوز: أوكي ..
عبير: ياللا عيل نتشاوف عقب
فوز: ع خير
بندت عبير .. وبدت فوز تشك باللي قاعد يصير .. بالأول قالت تعرفني وأنا أتحرا شايفتني .. وألحين بالفون راح تعرفني معناته هي مب شايفتني من قبل .. منو هاي وشو تبا !!
ريم: فوووووز
فوز: هاه
ريم: وين رحتي ؟؟
فوز: هنيه .. بسير أتصل حق ميرة آخذ علومها
ريم: ليش هي وين ؟!!
فوز: ف بوظبي .. باجر بيردون عسب الملجة
ريم: مب سايرين شهر عسل ؟؟
فوز: ف الصيف .. ما بيمديهم يسيرون أحين لأن الكورس بيبدا الأسبوع الياي
ريم: هيه صح ..
نشت فوز عقب ما خذت فونها .. وسارت تقعد بالحديقة .. الجو جان بارد وحلو .. اتصلت ف ميرة وردت عليها ع طول ..
فوز: هلا والله بالعروس هلا
ميرة: هلا فيج يالعروس نمبر 2
فوز: ههههههههه لسه ما صرت عروس
ميرة: باجر إن شاء الله بتصيرين
فوز: إن شاء الله .. شحالج ؟؟ شو أخبارج وشحاله سعيد ؟؟
ميرة: الحمدلله بخيييييير ..
فوز: مستانسة ؟؟
ميرة: بطير م الوناسة .. فديته سعيد والله
فوز: ربي يديم عليكم هالوناسة
ميرة: آمين يآ رب ..
فوز: شو متى ناوين ترجعون ؟؟
ميرة: أقوله نرجع اليوم مش راضي .. يقول باجر
فوز: ههههههههه عيبته اليلسة هناك
ميرة: هيه ^_^
فوز: ما عليه قعدوا اليوم وتعالوا باجر
ميرة: أفكر ف الملجة .. الظاهر إني ما بسوي إلا ميك آب وبفل شعري
فوز: يب .. ترا الملجة عائلية يعني محد غريب راح يكون موجود
ميرة: أهل محمد ما راح تعزمونهم ؟؟
فوز: لا
ميرة: ليش عاد ؟!
فوز: بس جيه .. مابي .. أهلي وأهلكم بس اللي بيحضرون
ميرة: أوكي ع راحتج يالعنيدة
فوز: يب ع راحتي ..
ميرة: صج فواز تسلمين واااااايد ع الهدايا .. ذوقج يجنن
فوز: تستاهلون أكثر فديتج
ميرة: لا بس صدج رووووعة ما شاء الله عليج
فوز: أهم شي عيبتكم ..
ميرة: واااااااايد .. حتى سعيد مستانس بهديته
فوز: عسى دوم يآ ربي ..
ميرة: إلا علاوي شحاله ؟؟
فوز: الحمدلله بخير .. اليوم ماله حس .. حتى ما اتصل
ميرة: يمكن مشغول ف شي ..
فوز: ما أدري .. ولا أنا راح أتصل
ميرة: هههههههه تتنذلين فيه ..؟؟
فوز: هيه .. غير جيه اليوم مب فاضية عندي موعد عقب المغرب
ميرة: اوووه خطيرة .. ويا منو ؟؟
فوز: ما أدري .. بنت اتصلت فيني وقالت تبي تشوفني !!
ميرة: منو هالبنت ؟؟
فوز: ما أعرفها .. حتى اسمها ما قالت لي ومستغربة من وين يابت رقمي دامها ما تعرفني ..
ميرة: هي قالت لج ما تعرفج ؟؟
فوز: تعرف عني بس مب شايفتني من قبل .. وأنا ما أعرفها خير شر بس قالت إنها تبي تسويلي مفاجأة
تذكرت ميرة البنت اللي يات ف المستشفى وقالت إنها تعرف فوز .. وخذت رقمها .. هم ما قالوا لفوز عن هالسالفة .. يمكن هالبنت هي نفسها اللي متصلة بـ فوز وتبي تشوفها ..
فوز: ميرة شفيج صخيتي ؟؟
ميرة: قاعدة أتذكر شي
فوز: شو ؟!!
ميرة: اليوم اللي زرنا فيه ولد أخت مواز بالمستشفى ..
فوز: شفيه ؟؟
ميرة: كنت ويا موزة بالكوفي شوب لمن إنتي دقيتي عسب تعزينها وتطمنين ع ولد اختها ..
فوز: زين وبعدين ؟؟
ميرة: عقب ما بندتي يات صوبنا وحده وسألتنا عنج
فوز: منو ؟؟
ميرة: ما أدري .. قالت إنها تعرفج .. وإنها ربيعتج ولمن قلنالها إن إحنا ربيعاتج وما عمرج رمستي عنها قالت إنها تعرفج عن طريق النت وإنج من فترة طويلة ما دشيتي .. وخذت رقمج
فوز: شو جان اسمها ؟!!
ميرة وهي تحاول تتذكر: جأنها قالت اسمها عبير .. مش متأكدة
فوز بإستغراب: عبير !! ما اعرف حد بهالإسم .. لا ف النت ولا غيره
ميرة: ما أدري والله .. بس كانت تدري إسمج فوز وإنج مسافرة ألمانيا تدرسين يعني تعرف عنج بعض المعلومات
فوز: ما أدري ليش حاسة إن هالبنت وراها سالفة
ميرة: إنتي بتروحين تشوفينها ؟؟
فوز: هيه
ميرة: بروحج ؟؟
فوز: يب
ميرة: يالسبالة لا تروحين بروحج لا تسوي فيج شي
فوز: شو ممكن تسوي ؟؟ وبعدين أنا بقابلها ف مكان عام لا تخافين
ميرة: ع الأقل خبري علي يروح وياج بسيارته
فوز: مابي .. بسير بروحي
ميرة: والله إنج دبه
فوز: ههههههه شفيج ويا مخج وين إحنا عايشين .. أونه بتسوي فيني شي
ميرة: بصراحة فهالزمن توقعي أي شي
فوز: يب بس عاد مب لهالدرجة .. كاهو علي يتصل .. المهم سلمي ع سعيد واااايد ونشوفكم باجر ع خير
ميرة: وإنتي بعد سلمي ع أهلج ..
فوز: ديروا بالكم ع روحكم .. وفمان الله
ميرة: ربي يحفظج غناتي !
بندت فوز عن ميرة وع طول كلمت علي ..
فوز: وينك اليوم مختفي !!
علي: انشغلت شوي .. مممممم عادي أيي أشوفج ؟؟
فوز: متى ؟؟
علي: ألحين !!
فوز: ليش شو هناك ؟؟
علي: ولا شي بس أبي أشوفج
فوز: باجر الملجة وبتشوفني ..
علي: لا .. أبي أشوفج ألحين
فوز: شو مستوي .. حاسة إنك تبي تقول شي !!
علي: بصراحة في موضوع أبي أرمسج عنه ..
فوز: موضوع شو خوفتني !!
علي: ما يصير أقولج بالفون لازم نقعد ويا بعض ونرمس
فوز: طيب .. يعني ألحين بتيي ؟؟
علي: ممممممم أحين ما يمديني .. بيأذن المغرب عقب شويه
فوز: عيل ؟؟
علي: بمرج ع الساعة 9 أوكي ؟؟
فوز: ما أدري إذا بكون رجعت أو لا .. بس بحاول ما أتأخر
علي: ليش وين بتروحين ؟؟
فوز: قلت لك إني بشوف هذيج البنت
علي: هيه .. طيب أنا بعد عندي موعد ف هالوقت
فوز: ويا منو !!
علي: بقولج عقب ..
فوز بإستغراب: إنت شفيك اليوم مب طبيعي ؟؟
علي: ما فيني شي ويا مخج
فوز: لا صج بالعادة تضحك وتسولف واليوم ما أدري شفيك
علي: يتهيألج فديتج .. ياللا غناتي بخليج .. ديري بالج ع روحج
فوز: إن شاء الله وإنت بعد
علي: بشوفج ع الساعة 9
فوز: أوكي ..
علي: فمان الله
فوز: ربي يحفظك !!
ما تدري ليش .. بس حآسة إن اليوم ما يبشر بخير .. لقاءها ف البنت اللي ما تعرفها .. اتصال علي فيها والموضوع اللي يبي يقوله لها !!
حست بالبرد وغير جيه الأذان جرب يأذن ف دشت داخل .. قررت تسبح وتصلي وعقبها تتزهب للظهرة .. ليش إنها مخططة تروح تآخذ هدية لعلي قبل لآ تروح موعدها مع البنت !!
الساعة 7:00 مساءاً
وصلت فوز المول .. كانت محتارة شو تآخذ حق علي هدية .. تبي تهديه شي يبقآ معه ويذكره فيها .. خذتله سآعة ومحفظة .. الشيئين اللي راح يكونن دوم ويآه .. وعقبها خذت من محل الكروت والهدآيا كرت صغير وميدآلية كشخة.. خبرتهم ينحتون عليها اسمها واسمه .. كتبت ع الكرت .. وطلبت منهم يحطونها ف تغليف حلو وكشخة .. ولأن التغليف يبيله وقت .. قررت تروح تتحوط ف المول لين ما يخلصون تغليف الهدآيا .. وعقب ربع ساعة رجعت فوز محل الهدايا .. خذت هديتها وظهرت ..!!!
حطت الهدية ف السيارة .. وركبت سيارتها سايرة صوب القصباء ليش إنه ما باجي شي ع موعدها مع عبير ..!!
عبير .. فوز تفكر منو عبير .. فحياتها ما مر هالإسم عليها .. لا من جريب ولا من بعيد .. وليش مصرة تشوفها .. شو تبا منها !!؟
الساعة 8 .. وصلت فوز المكان اللي اتفقت مع عبير يلتقون فيه .. واختارت لها كوفي شوب .. ولأن الجو بارد طلبت لها نسكآفيه .. إلا شوي وتتصل فيها عبير عسب تسألها وين قاعدة بالضبط .. خبرتها عن المكان .. وكلها 5 دقايق وصلت عبير المكان اللي فوز موجودة فيه !!!
عبير: فوز ؟!!
فوز: هيه نعم ..! وإنتي عبير صح ؟؟
عبير: هيه .. بس ما أذكر إني قلت لج اسمي لمن رمستج
فوز: ما قلتي اسمج .. بس رفيجتي خبرتني إن وحده اسمها عبير خذت رقمي من عندها ف توقعت إنها إنتي
عبير: آهآآآ
فوز: تفضلي ..
عبير: تسلمين فوز .. شحالج ؟؟!
فوز: الحمدلله بخير .. وإنتي ؟؟
عبير: الحمدلله
قعدت عبيراللي شافت ف فوز قوة شخصية عجيبة .. غير جيه يبين عليها بنت طيبة .. ويمكن اللي راح تسويه عبير راح يضرها .. بس بنت عمها أهم عندها من أي حد ثاني ..!!
فوز بابتسامة: شو تشربين .. أنا سبقتج وطلبت ؟؟
عبير: كوفي ..
وصل النادل يايب النسكآفيه لفوز .. وخبرته إييب قهوة لعبير .. كانت عبير تطالع فوز بطريقة مب طبيعية .. خلت فوز ف حالة ارتباك ..
عبير: ما عرفتيني صح ؟؟
فوز: لا والله ..
عبير: ع فكرة ولا أنا أعرفج
فوز: عيل ليش طلبتي تشوفيني !!؟
في هاللحظة دق فون عبير .. كانت شوق متصلة فيها .. ردت عليها عقب ما حطت الفون سبيكر .. وهالحركة كانت مقصودة منها يمكن عسب تعرف شقايل تبدا مع فوز !!
عبير: هلا شوق
شوق: إنتي وينج فيه .. ظاهرة م العصر ولا قلتي وين رايحة ؟؟
عبير: جان عندي شغل فديتج .. ليش شو هناك ؟؟
شوق: ولا شي بس استبطيتج خفت صاير شي وياج
عبير: لا فديتج أنا بخير وما فيني شي .. بس ظهرت أخلص أشغالي
شوق: بتيين حق العشا ؟؟
عبير: لا بتأخر شوي ..
شوق: ممممممم أوكي .. صج ما خبرتج
عبير: شو ؟!
شوق: علي عقب شوي راح إيي ..
عبير: ليش إنتي اتصلتي فيه ؟؟
شوق: هيه !
عبير: الحمدلله إنج بديتي تفكرين بعقل .. بخليج أحينه
شوق: أوكي .. أشوفج عقب
عبير: ع خير
وصلت القهوة .. كانت فوز مركزة ع المحادثة .. بس ما اهتمت للموضوع ..
عبير: سوري فوز
فوز: لا عادي ..
عبير: تعرفين منو هاي ؟!!
فوز بإستغراب: لا
عبير: أكيد ما راح تعرفينها .. بس لو قلت لج منو هي يمكن تتذكرينها
فوز: ما أحب الألغآز .. يا ليت لو تقولين اللي عندج لأني ما أقدر أتأخر وايد ..
عبير: هاي شوق .. بنت عمي واللي بيي يشوفها هو ريلها
فوز: وأنا شو يخصني فيهم ؟؟
عبير: يخصج وايد
فوز: شو يعني ؟!
عبير: لو قلت لج منهي شوق .. ومنهو علي أكيد راح تعرفينها
فوز بشك: إنتي شتبين مني .. يايبتني هنيه عسب ترمسيني عن بنت عمج وريلها؟؟
عبير: لا تظنين إني يايه أخرب لج حياتج .. كل اللي أبيه إني أساعدج وبس .. قبل لا تتهورين وتملجين
فوز: شو قصدج ؟!!
عبير: شوق بنت عمي .. وعلي اللي أحين رمست عنه هو زوجها .. أو خلينا نقول طليقها ..
فوز تقاطعها: وأنا شو علاقتي بها كله ..؟؟
عبير: خليني أكمل رمستي .. ما حبيت إنج تنخدعين أكثر .. علي ريل شوق .. هو نفسه علي خطيبج اللي باجر راح تكون ملجتج عليه !
فوز: إنتي شو قاعدة تخربطين ..؟؟ مستحيل .. إنتي أكيد متلخبطة ومب عارفة عن منو ترمسين ..
عبير: لا عارفة
فوز: أكيد علي اللي تقصدينه واحد ثاني
عبير: من حقج تتفاجئين وتنصدمين
فوز: شو اتفاجأ وأنصدم .. إنتي مستوعبة اللي قاعدة تقولينه ..
عبير: فوز أنا عندي الدليل ع صحة كلامي وبعطيج إياه عقب ما أخلص كلامي !!
فوز للحين مب مستوعبة .. تعتقد إن عبير جذابة .. بس شوق !! هالإسم هي فعلاً شافته ف تليفون علي .. وعلي رمسها عنها .. معقولة تكون مصادفات ؟؟ مستحيل علي متزوج شوق .. مب قادرة أصدج !!
دمعتها عالقة ف عيونها .. تحاول توقفها ما تبي تصيح .. ما تبي !!
عبير: تزوجوا لفترة .. وعقبها طلقها لأنه جان يبيج ..
صدمة .. كانت عبير ترمس وفوز تحس نفسها ف حلم .. تبي تضحك لأن الرمسة اللي تسمعها غبية .. من الصدمة .. مب عارفة شلون تتعامل مع الموقف .. يعني شنو علي يطلع متزوج !!
أخيراً انهدت دمعتها وطاحت .. ونبهتها إنها مب ف حلم والرمسة اللي تسمعها حقيقة !!
عبير: اللي ما يعرفه علي إن شوق كانت حامل لمن طلقها ! وأحين هي تربي بنته ..!!
كانت الدموع تنزل من عيونها .. عبير قاعدة تقدملها صدمة ورا صدمة .. تحس عقلها مب قادر يستوعب هالشي .. قولوا لها أي شي إلا إن علي يكون متزوج وعنده بنت .. هالشي اللي ما تقدر تصدجه ..
فوز والدموع تنزل من عيونها: إنتي جذابة ..؟؟ شو غرضج ليش تسوين جيه ؟؟ شو بتستفيدين من ها كله ؟؟
عبير: ما بستفيد شي .. بس مابي فوز بنت شوق تعيش حياتها بدون أبو .. ولا إنتي ترضين هالشي !! صح شوق سمّت بنتها فوز ..
فوز: إنتي أكيد وحده كنتي حاطة عيونج عليه وما سوالج سالفة وحابة تنتقمين .. علي مستحيل يكون جيه .. تفهمين !! إنتي وحدة جذابة !!
نشت فوز .. ويودتها عبير .. وخلتها تيلس ..
عبير: ليش منو علي عسب أحط عيوني عليه .. مابي أضرج ولا غرضي أخرب عليج حياتج .. بس أبيج تفكرين قبل لا تقررين توافقين ع علي وتتزوجينه .. اللي جذب عليج مثل هالجذبة .. راح يجذب ألف غيرها ..
فوز بدت تنهار .. وعبير رغم إن فوز كسرت خاطرها .. بس لازم تكمل اللي بدته ..
عبير: أنا بخليج أحينه .. بس قبل لا أروح بعطيج ها ..
فوز: شو ها ؟!!
عبير: صور لشوق وعلي وهم ف شهر العسل ف بريطانيا
فتحت فوز الظرف .. وفجت عيونها من الصدمة .. شو ها ؟!!!! شوق وعلي ..
عبير: بتلقين بعد صور لفوز .. هالصور لج .. أنا خذيتهم بدون لا شوق تدري وطلعت نسخ منهن .. ع فكرة هم سافروا بريطانيا ف نفس الفترة اللي كنتي إنتي فيها ف ألمانيا للعلاج !
فوز: مستحيل ..!! هالصور أكيد مزيفة !!
عبير: عاد تصدجين أو لا ها شي راجعلج .. كل اللي عندي قلته .. وإذا حبيتي تتأكدين أكثر .. هاج عنوان بيت شوق .. وروحي تأكدي بنفسج .. هو عندها أحين !!
نشت عبير من مكانها .. وهي حاطة فوز ف صدمة وف حالة يرثى لها ..
عبير: نسيت أقولج بعد .. ترا شوق مريضة بمرض خبيث والأطباء قالوا إنه ماشي أمل إنها تتعآفى .. وبنتها مالها حد غير أمها وأبوها .. وأظن إنه ما يرضيج إن شوق وبنتها يتعذبون .. القرار قرارج .. فمان الله !!
راحت عبير .. وفوز كانت تبجي .. والكل انتبه عليها .. تطالع الصور ومب مصدقة .. تبي حد يقولها إن ها مب صحيح .. ليش علي يسوي فيها جيه ؟؟!!
حطت فوز البيزات ع الطاولة ونشت من مكانها رايحة صوب السيارة .. وف إيدها الصور وعنوان بيت شوق !!
انهارت ف السيارة وقعدت تبجي بصوت عالي .. يمكن خذت راحتها أكثر ف إنها تصيح وتعبر عن صدمتها بأي طريقة .. كانت تضرب إيدها ف مقود السيارة ..
مستحيل علي يسوي جيه .. ليش أنا شو سويت يا ربي .. قبل ملجتي بيوم أكتشف إن حبيبي متزوج وعنده بنت .. ليش !!!؟؟
مسحت دموعها .. منصدمة صح بس لازم تشوف بنفسها عسب تتأكد .. يمكن تكون هالبنت جذابة .. يمكن الصور مزيفة .. وإلا ليش اليوم بالذات تعرف كل هاا !!
حركت فوز السيارة سايرة صوب العنوان اللي عطتها إياه عبير !!!
فيلآ أبو شوق
يوم الجمعة
الساعة 8:15 مساءاً
دق الجرس .. ووصل علي ! سارت شوق تفتح الباب .. وعقب ما سلمت على علي خلته يدش .. قعد ف الصالة وسارت هي تخبر البشكارة تييب له عصير ..
علي: وين رحتي ؟!
شوق: خبرت البشكارة تييب لك عصير ..
علي: مابي شي .. مستعيل وايد ولازم أروح
شوق: ألحين واصل .. وتبي تروح ؟؟
علي: هيه .. خبرت فوز بمر عليها ع الساعة 9
شوق: فوز هنيه ؟؟
علي: هيه .. ليش إن بآجر ملجتنا
شوق: بالمبارك
علي: الله يبارك فيج شوق ..
في هاللحظة نشت فوز من رقادها .. وترخصت شوق من علي تروح تييبها .. وكلها دقيقتين إلا شوق يايه وبنتها ف حضنها ..
علي: بلاها تبجي ..؟؟
شوق: واعية م الرقاد أحينه ..
علي: إلا أمها وين .. دوم أشوفها معج ؟؟
سؤال علي نبه شوق إنها لازم تبدا ترمسه .. رغم إن شوق تفاجأت إن ملجة علي بآجر .. بس هي لازم تقول لعلي الحقيقة .. لمصلحة بنتها اللي ما تعرف شو راح يصير فيها إذا الله آخذ أمآنتها وماتت !
علي: شفيج شوق ..؟؟ أسألج عن أم فوز وينها ؟؟
شوق: علي .. فوز بنتي !
علي بصدمة: شو !!
شوق: فوز بنتي
علي: عيل ليش قلتيلي إنها بنت بنت عمج ؟؟
شوق: ما كنت أبيك تدري !
علي: ليش ؟!! لحظة .. شلون فوز بنتج ؟؟ إنتي تزوجتي عقب ما تطلقنا ؟؟
شوق: لا ..
علي: شوق .. شو معناة هالكلام ؟؟
شوق: علي .. أنا كنت حامل لما إنت طلقتني !
علي: شوووووو؟؟؟؟؟ شوق إنتي شو قاعدة تقولين !
شوق: اللي سمعته .. وكنت عارفة إنك تحب فوز .. وما تبي تفرط فيها .. ولهالسبب ما قلت لك عن الحمل ..
علي: يعني فوز بنتي ؟؟
شوق: هيه .. علي لا تظن إني دقيت لك اليوم بالذات وخبرتك عن هالشي لأني أبي أخرب عليك زواجك من فوز لا والله .. أنا ما كنت أدري إنكم راح تملجون باجر .. ولا كنت ناوية أقولك إن فوز بنتك
علي: وشاللي تغير ليش أحين يا شوق ؟؟
شوق: أنا مريضة ..
علي: مريضة ؟!!
شوق: عندي كآنسر ف الثدي .. وللأسف إن الورم خبيث
علي : مستحيل ؟؟
شوق: عالجت بس بدون فايدة .. والأطباء مب متفاءلين خير ف حالتي .. مع إني آخذ أدويتي بس الظاهر إن المرض منتشر ف جسمي .. وإنت عارف إن ما جان لي حد غير أمي وأبويه ومآتوا الله يرحمهم .. وأنت وفقدتك .. وآحين مآ بقآلي غير بنتي .. وإذا صار فيني شي .. محد راح يهتم فيها ويرعاها كثرك ..
علي: ليش يا شوق ؟؟ ليش ما خبرتيني من قبل !!؟ ليش ؟؟
شوق: أنا مابي أجبرك ع شي إنت ما تبيه .. بنتي أنا بربيها بروحي .. بس مابي بآجر أموت .. وما يكون لها سند في هالدنيا من عقبي
علي: شقولج يا شوق .. هاي بنتي شلون أتخلى عنها .. بس أنا للحين ما خبرت فوز إن إحنا كنا متزوجين .. شلون بقدر اخبرها فوق ها كله إن عندي بنت !!
شوق: مش ناوي تخبرها ؟!!
علي: كنت اليوم برمسها وبقولها عن زواجنا .. بس آحين خليتيني أتراجع !
شوق: ليش ؟!!
علي: فوز بتنهار لو درت إن أنا كنت متزوج وعندي بنت ..
شوق: عقب الملجة قولها ..
علي: يصير خير .. عطيني فوز !
خذ علي فوز من إيد أمها .. وباسها .. كانت تشبهه شوي .. رغم إنها مآخذة بياض أمها ..
علي: شوق .. إذا احتجتوا أي شي .. وف أي وقت قوليلي
شوق: إن شاء الله ..
علي: ليش سميتيها فوز ؟!!
شوق: لأنك تحب هالإسم
علي بإبتسآمة: ما شاء الله عليها .. قمر
شوق: طالعة ع أبوها ..
عند فوز !
كانت وايد مترددة تروح أو لا .. تخاف يكون كلام عبير صح .. سمعت الحقيقة وشافت الصور بس مب قادرة تصدج .. مستحيل علي يسوي جيه فيها .. علي يحبها ويبيها .. هي متأكدة من هالشي .. وقفت فوز السيارة ع صوب .. كانت للحين تبجي ومب عارفة شلون تتصرف .. تروح أو لا .. تواجه علي أو تخلي كل شي يمر طبيعي .. يمكن تقدر تتقبل إن علي يكون متزوج حتى لو طلق حرمته .. بس شلون تتقبل إن يكون عنده بنت .. بنت مب منها .. بنت مب هي أمها بس هو أبوها .. شلون تتقبل هالشي وهي اللي تمنته يكون لها وبس !!
طالعت ع ورا تشوف الهدية .. حست بالألم والحزن .. صعب تعيش مخدوعة ف إنسان بهالطريقة .. علي ما قالها شي ولا ياب لها سيرة ليش ؟؟ يمكن لو اعترف لها جان الوضع بيكون أهون عليها .. بس إن وحده غريبة تيي وتقولها كل شي .. ها ف حد ذاته تشوفه إهانة لها ..
أنا غبية .. ثقتي فيه ما خلتني أسأل عن علاقته ف شوق .. وشلون انتهت .. سامحته أول مرة وثاني مرة بس هالمرة لو طلع الكلام اللي قالته عبير صحيح شلون بقدر أسامحه وهو خلاني أتأكد إنه شخص مب قد الثقة .. ليش يا علي تسوي جيه ليش ؟؟؟
كانت تحس نفسها تايهه .. محتاية لحد ينصحها .. ويخبرها شو تسوي .. بس لمنو بتقول .. ميرة .. معقولة ميرة كانت تدري وما قالت لي ؟؟ مستحيل .. أكيد ما تدري !! وسعيد .. سعيد ربيعه مب معقولة راح يخبي عليه هالشي .. ياربي شو أسوي ..!!
وعلي .. اتصل وقال إنه يبي يرمسني ف موضوع .. يمكن جان يبي يخبرني عن هالشي !!
وايد أسئلة تدور ف بال فوز .. ولا عرفت لها جواب .. بس الشي الوحيد اللي تعرفه إنها لازم تروح وتشوف بنفسها !!
حركت فوز السيارة صوب بيتهم شوق .. وأول ما وصلت وقفت سيارتها جدام باب الفيلا .. جان الباب مفتوح وتنشآف الحديقة والسيارات اللي فيها .. وسيارة علي موجودة ..
نزلت فوز من السيارة .. وقفت جدام الباب في نفس اللحظة اللي ظهر فيها علي ووراه ع طول شوق ميودة بنتها .. وجان يضحك ويرمس شوق .. ف ما انتبه لفوز اللي واقفه جدامه مباشرةً بس بمسافة !!
كانت واقفة ومتجمدة ف مكانها من الصدمة .. علي .. شوق .. وبنتهم !! إن كآنت الصور تجذب .. اللي عيونها تشوفه شو !!!
شوق: منو هاي ؟!!
علي: منو !!
طالع علي جدامه .. وأول ما شاف فوز واقفة .. تمنى الأرض تنشق وتبلعه .. ما قدر يتحرك من مكانه .. !!
علي بصدمة: فوز !!
كانت تبجي .. ألحين كل شي وضح .. كل شي بآن .. ما يحتاي تصدج الكلام اللي انقال .. ولا الصور اللي شافتها .. بس ما قدرت ترمس !!
وعلي جان واقف مكانه من الصدمة .. جان يطالع ف عيونها اللي الدموع تنزل منها بدون لا تشاورها .. وهي تطالع ف عيونه وجأنها تتحسف ع كل شي .. كانت تتمنى تموت ولا تشوف اللي شافته !
ماقدرت احكي ولا انطق بكلمة
اخنقتني عبرتي وعيآ لساني
يوم شفتك مع هذاك اللي تكلمه
قلت في نفسي يا ليت الله خذاني
انت ماظنيت قلبك فيه رحمه
عيني عينك خنت عشرتنا بثواني
قلبي المسكين مدري شلون افهمه
هو يحبك انت وانتَ تحب ثاني
فوق ماهذا الزمن ذابحني ظلمه
جيت انت وصرت ضدي مع زماني
قاعد لحالي وكني بوسط زحمه
ليت ربي بساعةٍ شفتك عماني
صدمتي والله ماهي اي صدمه
بذمتك شتقول لو جاك اللي جاني
انت ماخليت للاحساس حشمه
ماوفيت لحبي وانكرت الحناني
أخيراً تحركت فوز .. بدون لا تقول أي شي .. فتحت باب السيارة .. طلعت الهدية .. وفرتها ع الأرض .. تجدم علي صوبها .. بس هي كانت أسرع منه .. ركبت السيارة وتحركت !!
ركض علي صوبها بس ما قدر يلحقها .. وركب سيارته بسرعة عسب يلحقها !!
وصلها .. وجان يبيها توقف .. بس مب راضية .. مع إنها ما كانت تسرع .. بس ما تبي تشوفه .. لو وقفت يعني راح إييها ويرمسها وهي مب متقبلة تسمع منه أي شي .. اتصل فيها بس ما ردت عليه .. جان يمشي وراها بيشوفها وين بتروح .. وهي مب عارفة وين تروح .. بيت أختها ..؟؟ ما تبي حد يدري باللي صار .. صورة علي طاحت جدامها ما تبيها تطيح جدام أهلها !! كانت تفكر ف رمسة هند لها لمن قالت لها سالفتها مع علي .. وتحس إنها غبية لأنها ما سمعت رمسة هند ..
علي .. أنصحج لا تأمنين فيه .. اللي تخلا عنج مرة وإنتي ف أمس الحاية له .. راح يتخلا عنج ألف مرة .. صدجيني يا فوز لا تدمري نفسج أكثر .. ترا محد يستاهل !
فوز: أحياناً أفكر جيه .. وأحياناً أقول ليش ما اعطيه فرصة وأعطي نفسي بعد
هند: بس حطي ف بالج إن هالفرصة يمكن تدمرج !
آه يآ هند وليتج تدرين .. مب بس دمرتني إلا ذبحتني .. يآربي لا تخليني .. مالي غيرك يآ رب .. كانت تمشي بدون لا تعرف هي وين رايحة وعلي يتبعها .. وصلت لبيت أختها .. ووقفت السيارة ونزلت بسرعة .. وقف علي سيارته وركض صوبها .. لحقها ويود إيدها ..
علي: فوز خلينا نرمس .. خليني أشرح لج
فوز: هد إيدي لا تيودني ..
علي: أسف .. بس فوز بليز لا تروحين خليني أفهمج
فوز: علي روح مابي أشوفك .. ولا أسمع منك شي ..
علي: لازم تسمعيني .. فوز عطيني فرصة أقولج اللي صار .. إنتي فاهمة الموضوع غلط ..
فوز: مابي أفهم شي .. روح مب طايقة أشوف ويهك .. خلني بروحي
علي: فوز دخيلج سمعيني
كانت فوز خلاص منهارة .. ما باجي فيها حيل .. كلام عبير والصور وشوفة علي مع شوق وبنتهم .. كل ها خلاها تفقد إحساسها .. رغم إنها كانت تبجي بس مب حاسة بشي .. كانت عاطية علي ظهرها .. وفجأة صدت صوبه .. حست إن في شي بداخلها لازم تقوله .. أول ما طاحت عينها ف عينه .. بدا صوت نحيبها يزيد .. بدت تضرب بإيدها ع صدره .. وتصرخ ف ويهه .. وهي مب حاسة بنفسها
فوز: ليش سويت فيني جيه ؟؟ أنا شو سويت لك ؟؟ حرام عليك .. حرام عليكم كلكم .. ليش أنا اللي يصير فيني جيه ..؟؟ ما ترد ؟؟
علي: فوز دخيلج لا تسوين ف روحج جيه .. لا تعذبيني
فوز: إنتو شتبون مني ؟؟ ليش تخلوني أطير م الوناسة وعقبها تهدمون كل أحلامي ؟؟ إنتو تستانسون لا ذبحتوني ..؟؟ أنا حبيتك .. ما تخيلت حياتي بدونك .. ولا تخيلت إن وحده ثانية تاخذك مني .. إنت وعدتني تكون لي أنا .. ليش جذبت علي ..
علي: فوز واللي يسلمج .. هدي شوي حرام اللي قاعدة تسوينه ..
فوز: قالت لي هند .. لا تأمنين فيه .. اللي تخلا عنج مرة بيتخلا عنج ألف .. واللي خانج مرة بيخونج ألف بس ما صدجتها .. حبي لك خلاني عميه ما أشوف ..
علي: كل اللي صار غصب عني
يلست فوز ع الأرض كانت خلاص منهارة .. ومب قادرة توقف .. تضرب ع الأرض بالقو وهي تصيح ..
فوز: أنا ما حبيت حد كثر ما حبيتك .. ولا بغيت حد كثر ما بغيتك .. وآخرتها جيه تسوي فيني .. أنا أستاهل هالشي ؟؟ ليش تعاقبني بهالطريقة ؟؟ من يوم حبيتك وأنا كل مرة أنصدم من تصرفاتك وأسامحك بس لاني أحبك .. بس خلاص ما أقدر .. ما أقدر أسامح أكثر من جيه .. ما أقدر أطول بالي .. تعبت .. تفهم .. تعبت .. ياربي ليش ما تآخذني عسب أرتاح ..
علي: فوز .. وربي إني أحبج وأبيج .. زواجي من شوق جان له سبب وربي يعلم بهالشي ..
فوز: ما أقدر أصدجك .. هالمرة بالذات ما أقدر .. مافي شي يبرر اللي سويته .. أنا أموت وإنت تتزوج .. أنا ف غرفة العمليات وإنت ف شهر العسل ..؟؟؟
علي: منو قالج إن سرنا شهر العسل ..!!
فوز: ها اللي همك .. مب لازم حد يقولي .. هاك ..
فرت فوز الصور ف ويه علي عقب ما ظهرتهن من جنطتها ..
فوز: هالصور قالت لي .. ع شو اسامحك يا علي .. إنت حطمتني ..
علي: فوز .. أنا احبج إنتي ومابي اخسرج .. لا تسوين فيني جيه .. لا تذبحيني ..
فوز: علي روح مابي أكرهك أكثر .. رووووح
فهاللحظة وصلت ريم مع ريلها وأمها وندى اللي كانوا يايين من بيت أبو محمد .. وتفاجئوا من المنظر اللي شافوه .. فوز تبجي ع الأرض وعلي جدامها يحاول يهدي فيها .. !
سارت ريم صوب أختها .. وحضنتها .. وهي مستغربة من اللي قاعد يصير .. وأمها وندى وفهد علامات تعجب ع راسهم .. مب فاهمين شي !!
فوز: ريم خليه يروح مابي أشوفه .. قولوله يظهر .. أنا أكرهك ..
ريم: علي شفيها فوز ؟!!! شو مستوي بينكم ؟؟؟!!!
علي ما قدر يرمس .. شو يقولهم ؟؟ يقولهم إن حبيبته قبل ملجته عليها بيوم اكتشفت إنه جان متزوج وعنده بنت ؟؟ شو يقولهم !!!!
أم حمد: شفيكم ؟؟ ما ترمسون ؟؟؟؟
فهد: فوز شفيج ليش تبجين ؟؟
فوز: فهد طلعوه برع مابي أشوفه .. دخيلكم .. طلعوه
كانت حالة فوز ما تبشر بخير .. صراخها زاد وصياحها بعد .. وعلي اللي دمعته نادر ما تنزل .. نزلت وهو يشوف اللي سواه بفوز .. جان متأكد إن فوز لو درت بتتحطم .. !!
يود فهد علي وطلب منه يروح .. وفعلاً استجاب علي للطلب .. وقبل لا يروح ..
علي: سامحيني يا فوز .. وربي كل شي صآر غصب عني .. وربي إنتي الوحيدة اللي حبيتها .. مابي أخسرج حيآتي ما تسوآ بدونج
أما ريم ف حاولت تيود أختها بمساعدة أمها ويدخلونها داخل لأن الجو جان بارد وهي حالتها يرثى لها .. كانت تشهق وتحس بإنها مخنوقة .. وأول ما وقفتها ع ريولها طاحت فوز ع الأرض !!
عند علي ..
للحين مب متصور إن كل شي ضاع منه وبكل سهولة .. فوز ضآعت .. وشوق ! ليش سوت جيه !!؟ محتاي يعرف هالشي .. ليش شوق اللي ضحى بحياته وبحبه لفوز وتزوجها بس عسب يساعدها .. تسوي فيه جيه ؟؟!
وصل علي بيتهم شوق .. جان حزتها معصب والشيطان رآكبه .. ومب عارف شلون يتصرف ويا شوق .. أكيد هي اللي دبرت كل ها .. وإلا فوز شلون درت إني عندها!!؟ وليش اتصلت فيني تبي تشوفني اليوم بالذات !! أنا غبي .. شلون صدجت إن شوق تغيرت وما عادت شوق الحاقدة الشريرة الأنانية ؟؟ شلون وثقت فيها !!
دق الجرس .. وفتحت له شوق الباب .. وبدون لا يعطيها فرصة هب ف ويهها .. شوق ما كانت فاهمة شي ..
علي: ليش سويتي جيه فيني ؟؟
شوق: شو سويت ؟!!
علي: تستهبلين .. كل ها وتسألين شو سويتي.. حرام عليج يا شوق .. عقب كل اللي سويته لج تنكرين جميلي وتدمرين حياتي ..؟؟
شوق: علي وربي مش فاهمة شو تقصد
علي: خليتيني أييج هنيه واتصلتي ف فوز عسب تيي وتشوفني عقب ما وريتيها الصور ..
شوق وهي تبجي: مو أنا اللي سويت كل ها .. وربي ما أدري عن شي
علي: أنا أستاهل اللي قاعد يصير .. إنتي عمرج ما راح تتغيرين .. الحقد والكره عامي قلبج .. إنتي ما تفكرين إلا بنفسج .. من عرفتج وإنتي جيه .. وأنا اللي أتحراج تغيرتي من عقب الحادث ..
شوق: إنت قاعد تظلمني يا علي ..
علي: وإنتي ما تشوفين نفسج ظلمتيني لمن سويتي اللي سويتيه .. أنا خسرت فوز بسببج .. حبيبتي اللي المفروض باجر تكون ملجتي عليها .. خلاص ضاعت بفضلج .. استانستي أحينه ؟!!! ارتاح بالج ؟؟ سويتي اللي ف راسج وفرقتينا ؟؟
شوق: وربي يا علي مالي علاقة بأي شي ..
علي: كافي جذب يا شوق .. كل شي انكشف خلاص .. مالها داعي هالمسرحية .. القناع اللي كنتي لابستنه طاح
شوق: أحلف لك بربي إن ما يخصني ف شي .. ومالي علاقة باللي صار
علي: عيل منو اللي يخصه !!!
في هاللحظة نزلت عبير .. عقب ما سمعت صراخ علي وصياح شوق .. اللي حاسة بالظلم والقهر .. علي من وصل قاعد يهينها ويسمعها رمسة مثل السم وهي ما تقول شي .. وإحساس الظلم وايد صعب ..
عبير: أنا ..
طالعوا علي وشوق وراهم وشافو عبير تحدر من الدري .. شوق انصدمت .. شلون عبير تسوي جيه ؟؟ أما علي تذكر إنه شافها ف المستشفى .. ووقتها استغرب نظراتها له !!
علي: وإنتي منو عسب تسوين جيه ؟؟
عبير: شوق ما يخصها .. أنا اللي سويت كل شي .. يبت رقم فوز واتصلت فيها وخذيت الموعد .. خذت النيجتف حق الصور وطلعت نسخ ثانية منها بدون علم شوق .. يبت معلومات عن فوز .. وتقابلت وياها .. وقلت لها إذا حابة تتأكد تروح تشوف بنفسها .. ها عقب ما اتصلت فيني شوق وقالت لي إنك بتيي وطبعاً هي كانت تقولي بحسن نية وأنا شفت إن هالشي راح يساعد ف إن فوز تكشف حقيقتك !!
أول ما سمع علي رمسة عبير صخ .. مب عارف شو يقول .. شوق كانت تصيح وساكتة .. وهو منصدم وساكت .. وعبير ترمس !
عبير: إنت ما تستاهلها .. البنت بصراحة طيبة وايد .. ما حبيتها تتزوج واحد جذاب وأناني .. وما يفكر إلا بنفسه .. حرام تخليها مخدوعة فيك طول هالفترة .. كافي عليك وحده دمرتها .. تبي تدمر الثانية .. وإلا بنات الناس لعبة ف إيدك
شوق: خلاص يا عبير كافي ..
عبير: لا مب كافي .. خليه يسمع الشي اللي المفروض من زمان يسمعه منج .. تزوجج وعقبها طلقج عسب شو .. حبيبة قلبه .. ونساج إنتي ونسى بنته اللي ف بطنج .. وسار يشوف له ضحية يديدة .. إنت أصلا لو تحب فوز جان ما فكرت تخبي عليها شي مثل ها بس إنت واحد حقير ونذل ..
علي: جب .. إنتي مالج علاقة ف حياتي .. ليش تدخلين نفسج ف شي ما يخصج .. منو إنتي عسب تحاسبيني وتعاقبيني ؟!!
عبير: حط ف بالك شي واحد إن إنت ما تهمني .. أنا سويت كل ها عشان بنت عمي وبس !
علي: ما أظن بنت عمج طلبت منج تسوين هالشي
عبير: ما يحتاي تطلبه .. بس ما أبيها تعيش حياتها تعيسة كافي عليها المرض اللي تعاني منه !
علي: إنتي وحده ........ أحسن أسكت ما تستاهلين أنزل من مستواي عشانج
تحرك علي عسب يظهر م البيت .. وزقرته شوق .. وقف علي بدون لا يطالع ع ورا ..
علي: شتبين بعد ؟!!
تحركت شوق صوبه .. وعطته هدية فوز اللي فرتها .. طالعها علي بنظرة كلها حسافة وحزن .. وخذ الهدية وظهر !!
شوق: استانستي يا عبير ؟!! علي قبل لا تدري فوز جان شي وآحينه صار شي ثاني
عبير: أنا كنت أفكر فيج وف مصلحتج
شوق: مصلحتي ؟؟ إنتي خربتي كل شي بينا .. ما شفتي علي شقايل ظهر من الفيلا جان مستانس ويضحك ولمن شاف فوز انجلب حاله .. ليش سويتي جيه بدون لا تقولين لي
عبير: لأني عارفة إنج ما راح توافقيني
شوق: عارفة إني ما راح أوافقج ومع ذلك سويتي اللي براسج ..
عبير: أنا آسفة يا شوق
شوق: آسفة !!! شو بتسوي آسفة آحينه !! حرام عليج خربتي العلاقة اللي بينهم إنتي ما تدرين شكثر علي يحب فوز
عبير: ما أدري .. بس أدري شكثر إنتي تحبينه
أما علي .. فحالته ما كانت أفضل من حالة فوز .. ضايقة فيه الدنيا .. واللي زاد عليه الضيج .. هدية فوز له .. وصل بيته .. نزل الهدية وحطها ف الصالة وسار داره .. حاس بالحزن والوحدة والقهر وسار يصلي ركعتين عسآ الله يخفف عنه الضيج اللي هو فيه .. وعقبها نزل تحت يبي يشوف الهدية ..
يود الكرت .. ولمن قرآ آللي فيه نزلت دمعة من عيونه .. خلته يحس إنه حقير .. لأنه تجرأ ونزل دمعة فوز .. تجرأ وجذب عليها ..
{ إنت بحيآتي كل شي .. / ربي يجمعنآ في آلدنيآ والآخرة ، آحبك } !
تحبه صح .. بس الغلط اللي سواه ما يغتفر .. علي متأكد من هالشي .. وفوز وايد تغاضت وسامحته .. وأكيد ما راح تتحمل شي مثل ها .. فتح الهدية .. الساعة وعقبها المحفظة .. وبعدها الميدالية ..
يود تليفونه وحاول يتصل فيها بس محد يرد !!
!
الجزء الثلاثون
قاعة الأعرآس
يوم الخميس
الساعة 10:00 مساءاً
فوز ويا موزة وأمون قاعدات يسولفن .. ميرة ع الكوشة والقاعة متروسة .. وطبعاً مستحيل تفضى القاعة إلا عقب ما يدش المعرس .. أكيد كل وحده من الحضور تنتظر تشوف المعرس عسب يعلقن ويبدن رايهن منو أحلا ومنو أكشخ وإذا مناسبين حق بعض أو لا ..
فوز: ما شاء الله عليها طالعة قمر
أمون: هيه والله .. يا حظ سعيد فيها
موزة: ليش ما نسير نقعد وياها .. أحسها بروحها
فوز: لين ما تخلص المصورة ماخذتلها صور .. عقب بنسير
موزة: عقبالج فواز
فوز: وعقبالج إنتي بعد فديتج
أمون: موزة
موزة: هلا فديتج
أمون: إنتي مخطوبة ؟!!
موزة بابتسامة: لا ..
فوز: هاي دبه تنخطب وترفض .. ليش ما أدري
موزة: كيفي
أمون: لا صدج ليش ترفضين ؟؟
موزة: بس جيه مابي
أمون: آهااا
فوز: مواز الظاهر أمون شايفتلج معرس
أمون: لا والله مش أنا
فوز: هههههههه يعني فيه حد ..
أمون: وإلا ما كنت سألتها ..
موزة باستغراب: شو يعني ؟؟
فوز: قصدها مب هي اللي شايفتلج معرس
موزة: عيل منو ؟؟
أمون: المعرس بروحه شافج وقال يباج
فوز كانت حاسة إن الشخص اللي ترمس عنه أمون هو أخوها غيث .. مع إنها ما لاحظت هالشي .. بس إحساسها يقولها جيه ..
موزة: ومنو ها ؟؟
أمون: بتعرفين جريب
موزة: زين .. مب مستعيلة
فوز بإستغراب: مب مستعيلة لشو ؟؟
موزة: أني أعرفه
فوز: غريبة .. أحيدج فضولية
موزة: هالأمور صارت ما تسترعي إهتمامي
دق تليفون فوز وظهرت من القاعة عسب ترمس ع راحتها ليش إن الصوت جان عالي .. جان علي متصل فيها ..
علي: يالظالمة إنتي وين ؟؟
فوز: وين يعني ف القاعة .. ليش ؟؟
علي: سبالة وأنا قايللج إبي أشوفج .. ليش جيه نذلة ؟؟
فوز: هههههههههه عقب باجر ملجتنا ويا مخك .. وبتشوفني
علي: اظهري أحينه أبا أشوفج لا أتهور وأدش القاعة
فوز: ما تسويها
علي: حلفي إنتي بس وربي بسويها .. العروس وأختي وما عليه من شي
فوز: حشا شفيك جيه ..
علي: أبي أشوفج ألحين
فوز: زين اصبر بلبس العبايا وشيلتي وبظهر
علي: توج شيخة البنات
بندت فوز عن علي .. وخذت شيلتها وعباتها وسارت صوب الحمام تلبسهم .. وعقبها ظهرت من باب القاعة الثاني .. وجان علي واقف ينتظرها ..
علي: حلفي إنج فوز ؟؟
فوز: هههههههه ليش أحلف ؟؟
علي: شو ها مسوية بروحج
فوز: شو ؟؟
علي: شو هالصبغ ويا مخج
فوز: مب حلو ؟؟
علي: لا طبعاً .. جيه وإنتي طبيعية أحلا
فوز: أونه
علي: وربي .. مممممم خبرتيهم إنج مخطوبة
فوز: ليش ؟؟
علي: عسب محد يحط عينه عليج ..
فوز: ههههههههه لا تخاف
علي: إلا بخاف ونص .. حد عنده هالقمر وما يخاف ؟؟
فوز: علاوي بس عآد ..
علي: هههه انزين .. شحالج غناتي ؟؟
فوز: الحمدلله بخير .. وإنت ؟!
علي: شايف قمر جدام عيوني .. شو تتوقعين حالي ؟؟
فوز: احم .. قول شتبي بسير
علي: مابي شي .. بس جيه أبا أوقف جدامج وأطالعج
فوز: أتحرا عندك سالفة ..
علي: شخبارها ميروووة ..؟؟
فوز: الحمدلله مستانسة بس مبين عليها خايفة
علي: احم .. شعور طبيعي
فوز: جب إنت ..
علي: مب متصور هالسبالة تعرس قبلي .. بس كله منج إنتي .. نحيسة
فوز: هههههههههه شكلك تبيني أهون عن الملجة ..
علي: لا الشيمة .. ما صدجت توافقين .. مذلة ف كل شي مذلة أعوذ بالله منج .. ما أدري شو بييج لو وافقتي نملج باجر
فوز: هههههههه ما بييني شي .. بس بكون تعبانة اليوم ناشة من الصبح .. وأكيد بنسهر لوقت متأخر .. ما بقدر باجر بعد مرة 2 .. ميك آب وتسريحة وربشة
علي: يب يب فهاي معج حق .. م الصبح نراكض
فوز: بيراكضون ف عرسنا
علي: آآآآآآآآآه .. متى بيي هاليوم
فوز: جريب .. الأيام تمر بسرعة ^_^
فهاللحظة دق تليفون علي .. وإستغرب أول ما شاف رقم شوق .. من لمن طلقها هاي أول مرة تتصل شوق فيه .. معقولة يكون شي صاير !!
فوز: شفيك ما ترد ؟؟
علي: مالي خلق ..
فوز: أونه .. المهم أنا بسير أخاف يسألون عني
عند موزة
سارت موزة عند ميرة تسولف وياها .. جان الخوف مبين عليها .. ها غير إن ميرة من أمس وهي تصيح .. والسبب إنها كانت تتمنى أبوها وأمها يكونوا عايشين ويشوفونها وهي عروس ..
موزة: سعيد وسعيد ..
ميرة: جب إنتي .. لا صرتي مكاني بتحسين باللي أحسه أنا
موزة: الله لا يبليني
ميرة: جريب إن شاء الله .. إلا فوز وينها ؟؟
موزة: وين بعد اتصل فيها عنترة وما أدري اختفت
ميرة: هالسبالة سيري شوفيها وين أبيها ويايه عقب شوي بيدش سعيد
موزة: ع أمرج .. عروس من قدج آمري وتدللي
سارت موزة تشوف فوز .. وعقب ما لبست عبايتها والشيلة ظهرت .. الشباب واقفين ع صوب يسولفون وما انتبهوا عليها .. وهي سارت من الصوب الثاني عسب تشوف فوز وين .. ما لقتها ولمن كانت بترد تفاجأت بغيث واقف ع بعد مسافة منها ..
شهقت موزة أول ما شافته .. خرعها واقف وراها .. سوت روحها مب شايفته وكملت دربها .. بس غيث جان قاصد هالحركة ..
غيث: الشيخة ..
وقفت موزة .. ولفت عليه بكل هدوء وهي مستغربة ها شو يبا منها ..
موزة: نعم أخويه !
غيث: السموحة .. بس حبيت أعتذر عن الحركة اللي صارت أمس
موزة: ما صار شي ..
غيث: كنت مستعيل وما انتبهت عليج ..
موزة: عادي ما حاطة ف بالي .. نسيت اللي صار ..
غيث بابتسامة: الحمدلله .. وسوري وقفتج بس لمحتج وإنتي ظاهرة ف قلت فرصة أيي أعتذر منج .. ديري بالج ع روحج
سار غيث .. وتنفست موزة الصعداء .. ها شفيه يمه يمه يخوفني ويا هالتصرفات الغبية .. كملت موزة طريقها وهي تدور فوز .. وسارت تشوفها صوب البوابة الثانية .. وفعلاً كانت واقفة ويا علي ..
موزة: احم .. احم !
انتبهت فوز عليها .. وطالعها علي وابتسم .. كانت موزة واقفة بعيد عنهم .. ف ما تسمع شو يقولون ..
علي: هاي رفيجتج ؟!!
فوز: هيه مواز .. أكيد استبطتني
علي: اسمها موزة ؟!!
فوز: هيه .. ما تعرفها ؟؟
علي: أعرفها .. نفسها اللي سرنا نزور ولد أختها هاك اليوم
فوز: يب ..
علي: بقولج سر بس لا تيبين لها طاري
فوز تأشر لموزة عسب تصبر شويه .. وموزة واقفة ومنزلة راسها تتريا فوز تحس ع دمها وتيي ..
فوز: قول بسرعة ..
علي: غيث سألني أمس عنها .. الظاهر البنت دشت خاطره
فوز: كنت حاسة
علي: ليش يعني ؟؟
فوز: بقولك عقب خلني أروح احينه
علي: المهم لا تقولين لها .. بيروح يخطبها من أهلها
فوز: ها إذا وافق أبوها
علي: ليش يعني ؟؟
فوز: بقولك عقب خلني أروح أحينه
علي: يالكريهه شفيج تعيدين نفس الرمسة
فوز: هههههههههه إنت اللي تعيد شو أسويلك .. كل شوي ليش يعني ليش يعني
علي: جب ياللا جب .. سيري بس شبعت منج
فوز: وع مالت زين
سارت فوز عند موزة اللي كانت شويه وبتذبحها .. أما علي ف دق حق شوق يشوف شفيها وليش متصلة فيه ..!!
علي: الحمدلله بخير .. شحالج إنتي ؟؟
شوق: الحمدلله .. سوري ما كنت أبي أزعجك باتصالي
علي: لا عادي .. آمري تبين شي ؟؟
شوق: أقدر أشوفك باجر !!؟
علي: ليش شو هناك ؟؟
شوق: في موضوع مهم أبي أرمسك فيه ..
علي بتفكير: أوكي .. متى يناسبج ؟؟
شوق: ما أدري شوف الوقت اللي يريحك
علي: بمرج باجر البيت ع الساعة 8 ونص
شوق: أوكي أنتظرك ..
علي: تمام شوق .. فمان الله
شوق: ربي يحفظك !!
استغرب علي .. شو هالموضوع المهم اللي يخلي شوق تتصل فيه وتطلب إنها تشوفه .. جان يفكر فيه لولا إن عبدالله اتصل فيه وقاله إيي عسب سعيد بيدش ألحين ..!!
بيت فهد
يوم الجمعة
الساعة 5:00 عصراً
فوز ف الصالة ويا ريم وأمها وندى اللي قاعدين يسولفون عن تحضيرات الملجة .. فوز مع إنها ملجتها بس مول ما تفكر فيها .. يمكن لأنها جربتها من قبل .. ولهالسبب تمثل لها ذكرى حزينة حتى لو جان المعرس هالمرة هو علي حبيبها !!
ريم: متى بتسافرين إنتي ؟؟
فوز: يوم الأحد .. ليش إن الإثنين ع طول يبدا الدوام
ريم: ياربي يعني عقب بآجر
فوز: هيه ..
أم حمد: زهبتي كل أغراضج ؟؟
فوز: يب .. أصلاً ما كنت يايبه شي ويايه ف ما راح آخذ شي إلا الأغراض اللي ناقصتني بس
ندى: أبا أسير وياج
فوز: جان أبويه بيخليج بآخذج والله .. إنتي جدامج أسبوعين لين ما يبدا الكورس عندكم
ندى: امايه أبا أسير
أم حمد: وين تروحين .. بتقعدين ويا منو لمن تروح فوز الدوام ؟؟
فوز: عاد بتقعد ويا منو لا تحاتين .. هند ما بتقصر بتخليها ف عيونها
ندى: صح صح أبا أسير أنا .. أبا أشوف علي
فوز: هههههههههه هو بعد خاطره يشوفج
أم حمد: وبتخلين ماماتج بروحها ؟؟
ندى: نسير معي ماماه ..
أم حمد: لا أنا ما أقدر اخلي أبوج وأسير
ندى: عيل أنا بسير عنج
ريم: ههههههه ألحين شو بيفجج سويتيلها سالفة ياللا ذوقي
فوز: بصراحة أنا عادي عندي بآخذها معي .. بس المشكلة عقب ويا منو بترجع
ريم: لو انا مب حامل جان اقترحت ع فهد نسير نتحوط
فوز: لا إنتي خلج بعيد ما فينا بعد تولدين هناك
ريم: وين اولد حرام عليج توني ف الشهر الخامس
ندى: انزين قولي حق حمد يروح ويا حرمته ..
فوز: فكرة والله .. عقب برمسه وبشوف شو رآيه
ريم: نسيت أخبركم الليلة العشا بيتهم عمي
أم حمد: شو المناسبة ؟!!
ريم: ما أدري .. اتصل فيني فهد وقالي أخبركم .. الظاهر أمه درت إنكم هنيه
فوز: أنا مب سايرة
ريم: ليش ؟!!
فوز: عندي موعد ع الساعة 8 ..
أم حمد: مع منو ؟!
فوز: بنت اتصلت فيني .. وقالت تبي تشوفني اليوم
ريم: أتحرا ما تبين تروحين عسب ما تشوفين محمد ؟؟
فوز: محمد ماضي وانتهى .. بس لو علي درا ما بيخليني أروح .. وغير جيه عسب الموعد ..
ريم: أوكي .. هالبنت شو تبا منج ؟؟
فوز: ما أدري .. الظاهر إنها تعرفني وتبي تفاجئني .. وأبي سيارتج عاد
ريم: بتسوقين هنيه ؟؟
فوز: هيه عادي .. قبل أمس خذيت سيارة حرمة أخو ميرة
ريم: أوكي عادي .. بس وين بتشوفينها ؟؟
فوز: قالت لي ف القصباء أكيد ف واحد من المقاهي اللي هناك
أم حمد: ليش ما تخلين حمد يوديج ؟؟
فوز: حمد رجع البيت
أم حمد: شو هناك ؟؟
فوز: ما أدري امون تقول ظهر له شغل فجأة .. وبيي باجر
أم حمد: وأمون وينها ؟؟
فوز: بيت أهلها
أم حمد: عيل خبريها بنمر عليها
ريم: إن شاء الله
فهاللحظة دق تليفون فوز .. كانت عبير متصلة فيها تأكد عليها الموعد ..
فوز: لا مب ناسية ..
عبير: حلوو .. إذا وصلتي قبلي شوفي مكان مناسب وخبريني
فوز: فالج طيب .. بس شلون بتعرفيني ؟! وشلون بعرفج ؟؟
عبير: بالفون راح أعرفج وتعرفيني
فوز: أوكي ..
عبير: ياللا عيل نتشاوف عقب
فوز: ع خير
بندت عبير .. وبدت فوز تشك باللي قاعد يصير .. بالأول قالت تعرفني وأنا أتحرا شايفتني .. وألحين بالفون راح تعرفني معناته هي مب شايفتني من قبل .. منو هاي وشو تبا !!
ريم: فوووووز
فوز: هاه
ريم: وين رحتي ؟؟
فوز: هنيه .. بسير أتصل حق ميرة آخذ علومها
ريم: ليش هي وين ؟!!
فوز: ف بوظبي .. باجر بيردون عسب الملجة
ريم: مب سايرين شهر عسل ؟؟
فوز: ف الصيف .. ما بيمديهم يسيرون أحين لأن الكورس بيبدا الأسبوع الياي
ريم: هيه صح ..
نشت فوز عقب ما خذت فونها .. وسارت تقعد بالحديقة .. الجو جان بارد وحلو .. اتصلت ف ميرة وردت عليها ع طول ..
فوز: هلا والله بالعروس هلا
ميرة: هلا فيج يالعروس نمبر 2
فوز: ههههههههه لسه ما صرت عروس
ميرة: باجر إن شاء الله بتصيرين
فوز: إن شاء الله .. شحالج ؟؟ شو أخبارج وشحاله سعيد ؟؟
ميرة: الحمدلله بخيييييير ..
فوز: مستانسة ؟؟
ميرة: بطير م الوناسة .. فديته سعيد والله
فوز: ربي يديم عليكم هالوناسة
ميرة: آمين يآ رب ..
فوز: شو متى ناوين ترجعون ؟؟
ميرة: أقوله نرجع اليوم مش راضي .. يقول باجر
فوز: ههههههههه عيبته اليلسة هناك
ميرة: هيه ^_^
فوز: ما عليه قعدوا اليوم وتعالوا باجر
ميرة: أفكر ف الملجة .. الظاهر إني ما بسوي إلا ميك آب وبفل شعري
فوز: يب .. ترا الملجة عائلية يعني محد غريب راح يكون موجود
ميرة: أهل محمد ما راح تعزمونهم ؟؟
فوز: لا
ميرة: ليش عاد ؟!
فوز: بس جيه .. مابي .. أهلي وأهلكم بس اللي بيحضرون
ميرة: أوكي ع راحتج يالعنيدة
فوز: يب ع راحتي ..
ميرة: صج فواز تسلمين واااااايد ع الهدايا .. ذوقج يجنن
فوز: تستاهلون أكثر فديتج
ميرة: لا بس صدج رووووعة ما شاء الله عليج
فوز: أهم شي عيبتكم ..
ميرة: واااااااايد .. حتى سعيد مستانس بهديته
فوز: عسى دوم يآ ربي ..
ميرة: إلا علاوي شحاله ؟؟
فوز: الحمدلله بخير .. اليوم ماله حس .. حتى ما اتصل
ميرة: يمكن مشغول ف شي ..
فوز: ما أدري .. ولا أنا راح أتصل
ميرة: هههههههه تتنذلين فيه ..؟؟
فوز: هيه .. غير جيه اليوم مب فاضية عندي موعد عقب المغرب
ميرة: اوووه خطيرة .. ويا منو ؟؟
فوز: ما أدري .. بنت اتصلت فيني وقالت تبي تشوفني !!
ميرة: منو هالبنت ؟؟
فوز: ما أعرفها .. حتى اسمها ما قالت لي ومستغربة من وين يابت رقمي دامها ما تعرفني ..
ميرة: هي قالت لج ما تعرفج ؟؟
فوز: تعرف عني بس مب شايفتني من قبل .. وأنا ما أعرفها خير شر بس قالت إنها تبي تسويلي مفاجأة
تذكرت ميرة البنت اللي يات ف المستشفى وقالت إنها تعرف فوز .. وخذت رقمها .. هم ما قالوا لفوز عن هالسالفة .. يمكن هالبنت هي نفسها اللي متصلة بـ فوز وتبي تشوفها ..
فوز: ميرة شفيج صخيتي ؟؟
ميرة: قاعدة أتذكر شي
فوز: شو ؟!!
ميرة: اليوم اللي زرنا فيه ولد أخت مواز بالمستشفى ..
فوز: شفيه ؟؟
ميرة: كنت ويا موزة بالكوفي شوب لمن إنتي دقيتي عسب تعزينها وتطمنين ع ولد اختها ..
فوز: زين وبعدين ؟؟
ميرة: عقب ما بندتي يات صوبنا وحده وسألتنا عنج
فوز: منو ؟؟
ميرة: ما أدري .. قالت إنها تعرفج .. وإنها ربيعتج ولمن قلنالها إن إحنا ربيعاتج وما عمرج رمستي عنها قالت إنها تعرفج عن طريق النت وإنج من فترة طويلة ما دشيتي .. وخذت رقمج
فوز: شو جان اسمها ؟!!
ميرة وهي تحاول تتذكر: جأنها قالت اسمها عبير .. مش متأكدة
فوز بإستغراب: عبير !! ما اعرف حد بهالإسم .. لا ف النت ولا غيره
ميرة: ما أدري والله .. بس كانت تدري إسمج فوز وإنج مسافرة ألمانيا تدرسين يعني تعرف عنج بعض المعلومات
فوز: ما أدري ليش حاسة إن هالبنت وراها سالفة
ميرة: إنتي بتروحين تشوفينها ؟؟
فوز: هيه
ميرة: بروحج ؟؟
فوز: يب
ميرة: يالسبالة لا تروحين بروحج لا تسوي فيج شي
فوز: شو ممكن تسوي ؟؟ وبعدين أنا بقابلها ف مكان عام لا تخافين
ميرة: ع الأقل خبري علي يروح وياج بسيارته
فوز: مابي .. بسير بروحي
ميرة: والله إنج دبه
فوز: ههههههه شفيج ويا مخج وين إحنا عايشين .. أونه بتسوي فيني شي
ميرة: بصراحة فهالزمن توقعي أي شي
فوز: يب بس عاد مب لهالدرجة .. كاهو علي يتصل .. المهم سلمي ع سعيد واااايد ونشوفكم باجر ع خير
ميرة: وإنتي بعد سلمي ع أهلج ..
فوز: ديروا بالكم ع روحكم .. وفمان الله
ميرة: ربي يحفظج غناتي !
بندت فوز عن ميرة وع طول كلمت علي ..
فوز: وينك اليوم مختفي !!
علي: انشغلت شوي .. مممممم عادي أيي أشوفج ؟؟
فوز: متى ؟؟
علي: ألحين !!
فوز: ليش شو هناك ؟؟
علي: ولا شي بس أبي أشوفج
فوز: باجر الملجة وبتشوفني ..
علي: لا .. أبي أشوفج ألحين
فوز: شو مستوي .. حاسة إنك تبي تقول شي !!
علي: بصراحة في موضوع أبي أرمسج عنه ..
فوز: موضوع شو خوفتني !!
علي: ما يصير أقولج بالفون لازم نقعد ويا بعض ونرمس
فوز: طيب .. يعني ألحين بتيي ؟؟
علي: ممممممم أحين ما يمديني .. بيأذن المغرب عقب شويه
فوز: عيل ؟؟
علي: بمرج ع الساعة 9 أوكي ؟؟
فوز: ما أدري إذا بكون رجعت أو لا .. بس بحاول ما أتأخر
علي: ليش وين بتروحين ؟؟
فوز: قلت لك إني بشوف هذيج البنت
علي: هيه .. طيب أنا بعد عندي موعد ف هالوقت
فوز: ويا منو !!
علي: بقولج عقب ..
فوز بإستغراب: إنت شفيك اليوم مب طبيعي ؟؟
علي: ما فيني شي ويا مخج
فوز: لا صج بالعادة تضحك وتسولف واليوم ما أدري شفيك
علي: يتهيألج فديتج .. ياللا غناتي بخليج .. ديري بالج ع روحج
فوز: إن شاء الله وإنت بعد
علي: بشوفج ع الساعة 9
فوز: أوكي ..
علي: فمان الله
فوز: ربي يحفظك !!
ما تدري ليش .. بس حآسة إن اليوم ما يبشر بخير .. لقاءها ف البنت اللي ما تعرفها .. اتصال علي فيها والموضوع اللي يبي يقوله لها !!
حست بالبرد وغير جيه الأذان جرب يأذن ف دشت داخل .. قررت تسبح وتصلي وعقبها تتزهب للظهرة .. ليش إنها مخططة تروح تآخذ هدية لعلي قبل لآ تروح موعدها مع البنت !!
الساعة 7:00 مساءاً
وصلت فوز المول .. كانت محتارة شو تآخذ حق علي هدية .. تبي تهديه شي يبقآ معه ويذكره فيها .. خذتله سآعة ومحفظة .. الشيئين اللي راح يكونن دوم ويآه .. وعقبها خذت من محل الكروت والهدآيا كرت صغير وميدآلية كشخة.. خبرتهم ينحتون عليها اسمها واسمه .. كتبت ع الكرت .. وطلبت منهم يحطونها ف تغليف حلو وكشخة .. ولأن التغليف يبيله وقت .. قررت تروح تتحوط ف المول لين ما يخلصون تغليف الهدآيا .. وعقب ربع ساعة رجعت فوز محل الهدايا .. خذت هديتها وظهرت ..!!!
حطت الهدية ف السيارة .. وركبت سيارتها سايرة صوب القصباء ليش إنه ما باجي شي ع موعدها مع عبير ..!!
عبير .. فوز تفكر منو عبير .. فحياتها ما مر هالإسم عليها .. لا من جريب ولا من بعيد .. وليش مصرة تشوفها .. شو تبا منها !!؟
الساعة 8 .. وصلت فوز المكان اللي اتفقت مع عبير يلتقون فيه .. واختارت لها كوفي شوب .. ولأن الجو بارد طلبت لها نسكآفيه .. إلا شوي وتتصل فيها عبير عسب تسألها وين قاعدة بالضبط .. خبرتها عن المكان .. وكلها 5 دقايق وصلت عبير المكان اللي فوز موجودة فيه !!!
عبير: فوز ؟!!
فوز: هيه نعم ..! وإنتي عبير صح ؟؟
عبير: هيه .. بس ما أذكر إني قلت لج اسمي لمن رمستج
فوز: ما قلتي اسمج .. بس رفيجتي خبرتني إن وحده اسمها عبير خذت رقمي من عندها ف توقعت إنها إنتي
عبير: آهآآآ
فوز: تفضلي ..
عبير: تسلمين فوز .. شحالج ؟؟!
فوز: الحمدلله بخير .. وإنتي ؟؟
عبير: الحمدلله
قعدت عبيراللي شافت ف فوز قوة شخصية عجيبة .. غير جيه يبين عليها بنت طيبة .. ويمكن اللي راح تسويه عبير راح يضرها .. بس بنت عمها أهم عندها من أي حد ثاني ..!!
فوز بابتسامة: شو تشربين .. أنا سبقتج وطلبت ؟؟
عبير: كوفي ..
وصل النادل يايب النسكآفيه لفوز .. وخبرته إييب قهوة لعبير .. كانت عبير تطالع فوز بطريقة مب طبيعية .. خلت فوز ف حالة ارتباك ..
عبير: ما عرفتيني صح ؟؟
فوز: لا والله ..
عبير: ع فكرة ولا أنا أعرفج
فوز: عيل ليش طلبتي تشوفيني !!؟
في هاللحظة دق فون عبير .. كانت شوق متصلة فيها .. ردت عليها عقب ما حطت الفون سبيكر .. وهالحركة كانت مقصودة منها يمكن عسب تعرف شقايل تبدا مع فوز !!
عبير: هلا شوق
شوق: إنتي وينج فيه .. ظاهرة م العصر ولا قلتي وين رايحة ؟؟
عبير: جان عندي شغل فديتج .. ليش شو هناك ؟؟
شوق: ولا شي بس استبطيتج خفت صاير شي وياج
عبير: لا فديتج أنا بخير وما فيني شي .. بس ظهرت أخلص أشغالي
شوق: بتيين حق العشا ؟؟
عبير: لا بتأخر شوي ..
شوق: ممممممم أوكي .. صج ما خبرتج
عبير: شو ؟!
شوق: علي عقب شوي راح إيي ..
عبير: ليش إنتي اتصلتي فيه ؟؟
شوق: هيه !
عبير: الحمدلله إنج بديتي تفكرين بعقل .. بخليج أحينه
شوق: أوكي .. أشوفج عقب
عبير: ع خير
وصلت القهوة .. كانت فوز مركزة ع المحادثة .. بس ما اهتمت للموضوع ..
عبير: سوري فوز
فوز: لا عادي ..
عبير: تعرفين منو هاي ؟!!
فوز بإستغراب: لا
عبير: أكيد ما راح تعرفينها .. بس لو قلت لج منو هي يمكن تتذكرينها
فوز: ما أحب الألغآز .. يا ليت لو تقولين اللي عندج لأني ما أقدر أتأخر وايد ..
عبير: هاي شوق .. بنت عمي واللي بيي يشوفها هو ريلها
فوز: وأنا شو يخصني فيهم ؟؟
عبير: يخصج وايد
فوز: شو يعني ؟!
عبير: لو قلت لج منهي شوق .. ومنهو علي أكيد راح تعرفينها
فوز بشك: إنتي شتبين مني .. يايبتني هنيه عسب ترمسيني عن بنت عمج وريلها؟؟
عبير: لا تظنين إني يايه أخرب لج حياتج .. كل اللي أبيه إني أساعدج وبس .. قبل لا تتهورين وتملجين
فوز: شو قصدج ؟!!
عبير: شوق بنت عمي .. وعلي اللي أحين رمست عنه هو زوجها .. أو خلينا نقول طليقها ..
فوز تقاطعها: وأنا شو علاقتي بها كله ..؟؟
عبير: خليني أكمل رمستي .. ما حبيت إنج تنخدعين أكثر .. علي ريل شوق .. هو نفسه علي خطيبج اللي باجر راح تكون ملجتج عليه !
فوز: إنتي شو قاعدة تخربطين ..؟؟ مستحيل .. إنتي أكيد متلخبطة ومب عارفة عن منو ترمسين ..
عبير: لا عارفة
فوز: أكيد علي اللي تقصدينه واحد ثاني
عبير: من حقج تتفاجئين وتنصدمين
فوز: شو اتفاجأ وأنصدم .. إنتي مستوعبة اللي قاعدة تقولينه ..
عبير: فوز أنا عندي الدليل ع صحة كلامي وبعطيج إياه عقب ما أخلص كلامي !!
فوز للحين مب مستوعبة .. تعتقد إن عبير جذابة .. بس شوق !! هالإسم هي فعلاً شافته ف تليفون علي .. وعلي رمسها عنها .. معقولة تكون مصادفات ؟؟ مستحيل علي متزوج شوق .. مب قادرة أصدج !!
دمعتها عالقة ف عيونها .. تحاول توقفها ما تبي تصيح .. ما تبي !!
عبير: تزوجوا لفترة .. وعقبها طلقها لأنه جان يبيج ..
صدمة .. كانت عبير ترمس وفوز تحس نفسها ف حلم .. تبي تضحك لأن الرمسة اللي تسمعها غبية .. من الصدمة .. مب عارفة شلون تتعامل مع الموقف .. يعني شنو علي يطلع متزوج !!
أخيراً انهدت دمعتها وطاحت .. ونبهتها إنها مب ف حلم والرمسة اللي تسمعها حقيقة !!
عبير: اللي ما يعرفه علي إن شوق كانت حامل لمن طلقها ! وأحين هي تربي بنته ..!!
كانت الدموع تنزل من عيونها .. عبير قاعدة تقدملها صدمة ورا صدمة .. تحس عقلها مب قادر يستوعب هالشي .. قولوا لها أي شي إلا إن علي يكون متزوج وعنده بنت .. هالشي اللي ما تقدر تصدجه ..
فوز والدموع تنزل من عيونها: إنتي جذابة ..؟؟ شو غرضج ليش تسوين جيه ؟؟ شو بتستفيدين من ها كله ؟؟
عبير: ما بستفيد شي .. بس مابي فوز بنت شوق تعيش حياتها بدون أبو .. ولا إنتي ترضين هالشي !! صح شوق سمّت بنتها فوز ..
فوز: إنتي أكيد وحده كنتي حاطة عيونج عليه وما سوالج سالفة وحابة تنتقمين .. علي مستحيل يكون جيه .. تفهمين !! إنتي وحدة جذابة !!
نشت فوز .. ويودتها عبير .. وخلتها تيلس ..
عبير: ليش منو علي عسب أحط عيوني عليه .. مابي أضرج ولا غرضي أخرب عليج حياتج .. بس أبيج تفكرين قبل لا تقررين توافقين ع علي وتتزوجينه .. اللي جذب عليج مثل هالجذبة .. راح يجذب ألف غيرها ..
فوز بدت تنهار .. وعبير رغم إن فوز كسرت خاطرها .. بس لازم تكمل اللي بدته ..
عبير: أنا بخليج أحينه .. بس قبل لا أروح بعطيج ها ..
فوز: شو ها ؟!!
عبير: صور لشوق وعلي وهم ف شهر العسل ف بريطانيا
فتحت فوز الظرف .. وفجت عيونها من الصدمة .. شو ها ؟!!!! شوق وعلي ..
عبير: بتلقين بعد صور لفوز .. هالصور لج .. أنا خذيتهم بدون لا شوق تدري وطلعت نسخ منهن .. ع فكرة هم سافروا بريطانيا ف نفس الفترة اللي كنتي إنتي فيها ف ألمانيا للعلاج !
فوز: مستحيل ..!! هالصور أكيد مزيفة !!
عبير: عاد تصدجين أو لا ها شي راجعلج .. كل اللي عندي قلته .. وإذا حبيتي تتأكدين أكثر .. هاج عنوان بيت شوق .. وروحي تأكدي بنفسج .. هو عندها أحين !!
نشت عبير من مكانها .. وهي حاطة فوز ف صدمة وف حالة يرثى لها ..
عبير: نسيت أقولج بعد .. ترا شوق مريضة بمرض خبيث والأطباء قالوا إنه ماشي أمل إنها تتعآفى .. وبنتها مالها حد غير أمها وأبوها .. وأظن إنه ما يرضيج إن شوق وبنتها يتعذبون .. القرار قرارج .. فمان الله !!
راحت عبير .. وفوز كانت تبجي .. والكل انتبه عليها .. تطالع الصور ومب مصدقة .. تبي حد يقولها إن ها مب صحيح .. ليش علي يسوي فيها جيه ؟؟!!
حطت فوز البيزات ع الطاولة ونشت من مكانها رايحة صوب السيارة .. وف إيدها الصور وعنوان بيت شوق !!
انهارت ف السيارة وقعدت تبجي بصوت عالي .. يمكن خذت راحتها أكثر ف إنها تصيح وتعبر عن صدمتها بأي طريقة .. كانت تضرب إيدها ف مقود السيارة ..
مستحيل علي يسوي جيه .. ليش أنا شو سويت يا ربي .. قبل ملجتي بيوم أكتشف إن حبيبي متزوج وعنده بنت .. ليش !!!؟؟
مسحت دموعها .. منصدمة صح بس لازم تشوف بنفسها عسب تتأكد .. يمكن تكون هالبنت جذابة .. يمكن الصور مزيفة .. وإلا ليش اليوم بالذات تعرف كل هاا !!
حركت فوز السيارة سايرة صوب العنوان اللي عطتها إياه عبير !!!
فيلآ أبو شوق
يوم الجمعة
الساعة 8:15 مساءاً
دق الجرس .. ووصل علي ! سارت شوق تفتح الباب .. وعقب ما سلمت على علي خلته يدش .. قعد ف الصالة وسارت هي تخبر البشكارة تييب له عصير ..
علي: وين رحتي ؟!
شوق: خبرت البشكارة تييب لك عصير ..
علي: مابي شي .. مستعيل وايد ولازم أروح
شوق: ألحين واصل .. وتبي تروح ؟؟
علي: هيه .. خبرت فوز بمر عليها ع الساعة 9
شوق: فوز هنيه ؟؟
علي: هيه .. ليش إن بآجر ملجتنا
شوق: بالمبارك
علي: الله يبارك فيج شوق ..
في هاللحظة نشت فوز من رقادها .. وترخصت شوق من علي تروح تييبها .. وكلها دقيقتين إلا شوق يايه وبنتها ف حضنها ..
علي: بلاها تبجي ..؟؟
شوق: واعية م الرقاد أحينه ..
علي: إلا أمها وين .. دوم أشوفها معج ؟؟
سؤال علي نبه شوق إنها لازم تبدا ترمسه .. رغم إن شوق تفاجأت إن ملجة علي بآجر .. بس هي لازم تقول لعلي الحقيقة .. لمصلحة بنتها اللي ما تعرف شو راح يصير فيها إذا الله آخذ أمآنتها وماتت !
علي: شفيج شوق ..؟؟ أسألج عن أم فوز وينها ؟؟
شوق: علي .. فوز بنتي !
علي بصدمة: شو !!
شوق: فوز بنتي
علي: عيل ليش قلتيلي إنها بنت بنت عمج ؟؟
شوق: ما كنت أبيك تدري !
علي: ليش ؟!! لحظة .. شلون فوز بنتج ؟؟ إنتي تزوجتي عقب ما تطلقنا ؟؟
شوق: لا ..
علي: شوق .. شو معناة هالكلام ؟؟
شوق: علي .. أنا كنت حامل لما إنت طلقتني !
علي: شوووووو؟؟؟؟؟ شوق إنتي شو قاعدة تقولين !
شوق: اللي سمعته .. وكنت عارفة إنك تحب فوز .. وما تبي تفرط فيها .. ولهالسبب ما قلت لك عن الحمل ..
علي: يعني فوز بنتي ؟؟
شوق: هيه .. علي لا تظن إني دقيت لك اليوم بالذات وخبرتك عن هالشي لأني أبي أخرب عليك زواجك من فوز لا والله .. أنا ما كنت أدري إنكم راح تملجون باجر .. ولا كنت ناوية أقولك إن فوز بنتك
علي: وشاللي تغير ليش أحين يا شوق ؟؟
شوق: أنا مريضة ..
علي: مريضة ؟!!
شوق: عندي كآنسر ف الثدي .. وللأسف إن الورم خبيث
علي : مستحيل ؟؟
شوق: عالجت بس بدون فايدة .. والأطباء مب متفاءلين خير ف حالتي .. مع إني آخذ أدويتي بس الظاهر إن المرض منتشر ف جسمي .. وإنت عارف إن ما جان لي حد غير أمي وأبويه ومآتوا الله يرحمهم .. وأنت وفقدتك .. وآحين مآ بقآلي غير بنتي .. وإذا صار فيني شي .. محد راح يهتم فيها ويرعاها كثرك ..
علي: ليش يا شوق ؟؟ ليش ما خبرتيني من قبل !!؟ ليش ؟؟
شوق: أنا مابي أجبرك ع شي إنت ما تبيه .. بنتي أنا بربيها بروحي .. بس مابي بآجر أموت .. وما يكون لها سند في هالدنيا من عقبي
علي: شقولج يا شوق .. هاي بنتي شلون أتخلى عنها .. بس أنا للحين ما خبرت فوز إن إحنا كنا متزوجين .. شلون بقدر اخبرها فوق ها كله إن عندي بنت !!
شوق: مش ناوي تخبرها ؟!!
علي: كنت اليوم برمسها وبقولها عن زواجنا .. بس آحين خليتيني أتراجع !
شوق: ليش ؟!!
علي: فوز بتنهار لو درت إن أنا كنت متزوج وعندي بنت ..
شوق: عقب الملجة قولها ..
علي: يصير خير .. عطيني فوز !
خذ علي فوز من إيد أمها .. وباسها .. كانت تشبهه شوي .. رغم إنها مآخذة بياض أمها ..
علي: شوق .. إذا احتجتوا أي شي .. وف أي وقت قوليلي
شوق: إن شاء الله ..
علي: ليش سميتيها فوز ؟!!
شوق: لأنك تحب هالإسم
علي بإبتسآمة: ما شاء الله عليها .. قمر
شوق: طالعة ع أبوها ..
عند فوز !
كانت وايد مترددة تروح أو لا .. تخاف يكون كلام عبير صح .. سمعت الحقيقة وشافت الصور بس مب قادرة تصدج .. مستحيل علي يسوي جيه فيها .. علي يحبها ويبيها .. هي متأكدة من هالشي .. وقفت فوز السيارة ع صوب .. كانت للحين تبجي ومب عارفة شلون تتصرف .. تروح أو لا .. تواجه علي أو تخلي كل شي يمر طبيعي .. يمكن تقدر تتقبل إن علي يكون متزوج حتى لو طلق حرمته .. بس شلون تتقبل إن يكون عنده بنت .. بنت مب منها .. بنت مب هي أمها بس هو أبوها .. شلون تتقبل هالشي وهي اللي تمنته يكون لها وبس !!
طالعت ع ورا تشوف الهدية .. حست بالألم والحزن .. صعب تعيش مخدوعة ف إنسان بهالطريقة .. علي ما قالها شي ولا ياب لها سيرة ليش ؟؟ يمكن لو اعترف لها جان الوضع بيكون أهون عليها .. بس إن وحده غريبة تيي وتقولها كل شي .. ها ف حد ذاته تشوفه إهانة لها ..
أنا غبية .. ثقتي فيه ما خلتني أسأل عن علاقته ف شوق .. وشلون انتهت .. سامحته أول مرة وثاني مرة بس هالمرة لو طلع الكلام اللي قالته عبير صحيح شلون بقدر أسامحه وهو خلاني أتأكد إنه شخص مب قد الثقة .. ليش يا علي تسوي جيه ليش ؟؟؟
كانت تحس نفسها تايهه .. محتاية لحد ينصحها .. ويخبرها شو تسوي .. بس لمنو بتقول .. ميرة .. معقولة ميرة كانت تدري وما قالت لي ؟؟ مستحيل .. أكيد ما تدري !! وسعيد .. سعيد ربيعه مب معقولة راح يخبي عليه هالشي .. ياربي شو أسوي ..!!
وعلي .. اتصل وقال إنه يبي يرمسني ف موضوع .. يمكن جان يبي يخبرني عن هالشي !!
وايد أسئلة تدور ف بال فوز .. ولا عرفت لها جواب .. بس الشي الوحيد اللي تعرفه إنها لازم تروح وتشوف بنفسها !!
حركت فوز السيارة صوب بيتهم شوق .. وأول ما وصلت وقفت سيارتها جدام باب الفيلا .. جان الباب مفتوح وتنشآف الحديقة والسيارات اللي فيها .. وسيارة علي موجودة ..
نزلت فوز من السيارة .. وقفت جدام الباب في نفس اللحظة اللي ظهر فيها علي ووراه ع طول شوق ميودة بنتها .. وجان يضحك ويرمس شوق .. ف ما انتبه لفوز اللي واقفه جدامه مباشرةً بس بمسافة !!
كانت واقفة ومتجمدة ف مكانها من الصدمة .. علي .. شوق .. وبنتهم !! إن كآنت الصور تجذب .. اللي عيونها تشوفه شو !!!
شوق: منو هاي ؟!!
علي: منو !!
طالع علي جدامه .. وأول ما شاف فوز واقفة .. تمنى الأرض تنشق وتبلعه .. ما قدر يتحرك من مكانه .. !!
علي بصدمة: فوز !!
كانت تبجي .. ألحين كل شي وضح .. كل شي بآن .. ما يحتاي تصدج الكلام اللي انقال .. ولا الصور اللي شافتها .. بس ما قدرت ترمس !!
وعلي جان واقف مكانه من الصدمة .. جان يطالع ف عيونها اللي الدموع تنزل منها بدون لا تشاورها .. وهي تطالع ف عيونه وجأنها تتحسف ع كل شي .. كانت تتمنى تموت ولا تشوف اللي شافته !
ماقدرت احكي ولا انطق بكلمة
اخنقتني عبرتي وعيآ لساني
يوم شفتك مع هذاك اللي تكلمه
قلت في نفسي يا ليت الله خذاني
انت ماظنيت قلبك فيه رحمه
عيني عينك خنت عشرتنا بثواني
قلبي المسكين مدري شلون افهمه
هو يحبك انت وانتَ تحب ثاني
فوق ماهذا الزمن ذابحني ظلمه
جيت انت وصرت ضدي مع زماني
قاعد لحالي وكني بوسط زحمه
ليت ربي بساعةٍ شفتك عماني
صدمتي والله ماهي اي صدمه
بذمتك شتقول لو جاك اللي جاني
انت ماخليت للاحساس حشمه
ماوفيت لحبي وانكرت الحناني
أخيراً تحركت فوز .. بدون لا تقول أي شي .. فتحت باب السيارة .. طلعت الهدية .. وفرتها ع الأرض .. تجدم علي صوبها .. بس هي كانت أسرع منه .. ركبت السيارة وتحركت !!
ركض علي صوبها بس ما قدر يلحقها .. وركب سيارته بسرعة عسب يلحقها !!
وصلها .. وجان يبيها توقف .. بس مب راضية .. مع إنها ما كانت تسرع .. بس ما تبي تشوفه .. لو وقفت يعني راح إييها ويرمسها وهي مب متقبلة تسمع منه أي شي .. اتصل فيها بس ما ردت عليه .. جان يمشي وراها بيشوفها وين بتروح .. وهي مب عارفة وين تروح .. بيت أختها ..؟؟ ما تبي حد يدري باللي صار .. صورة علي طاحت جدامها ما تبيها تطيح جدام أهلها !! كانت تفكر ف رمسة هند لها لمن قالت لها سالفتها مع علي .. وتحس إنها غبية لأنها ما سمعت رمسة هند ..
علي .. أنصحج لا تأمنين فيه .. اللي تخلا عنج مرة وإنتي ف أمس الحاية له .. راح يتخلا عنج ألف مرة .. صدجيني يا فوز لا تدمري نفسج أكثر .. ترا محد يستاهل !
فوز: أحياناً أفكر جيه .. وأحياناً أقول ليش ما اعطيه فرصة وأعطي نفسي بعد
هند: بس حطي ف بالج إن هالفرصة يمكن تدمرج !
آه يآ هند وليتج تدرين .. مب بس دمرتني إلا ذبحتني .. يآربي لا تخليني .. مالي غيرك يآ رب .. كانت تمشي بدون لا تعرف هي وين رايحة وعلي يتبعها .. وصلت لبيت أختها .. ووقفت السيارة ونزلت بسرعة .. وقف علي سيارته وركض صوبها .. لحقها ويود إيدها ..
علي: فوز خلينا نرمس .. خليني أشرح لج
فوز: هد إيدي لا تيودني ..
علي: أسف .. بس فوز بليز لا تروحين خليني أفهمج
فوز: علي روح مابي أشوفك .. ولا أسمع منك شي ..
علي: لازم تسمعيني .. فوز عطيني فرصة أقولج اللي صار .. إنتي فاهمة الموضوع غلط ..
فوز: مابي أفهم شي .. روح مب طايقة أشوف ويهك .. خلني بروحي
علي: فوز دخيلج سمعيني
كانت فوز خلاص منهارة .. ما باجي فيها حيل .. كلام عبير والصور وشوفة علي مع شوق وبنتهم .. كل ها خلاها تفقد إحساسها .. رغم إنها كانت تبجي بس مب حاسة بشي .. كانت عاطية علي ظهرها .. وفجأة صدت صوبه .. حست إن في شي بداخلها لازم تقوله .. أول ما طاحت عينها ف عينه .. بدا صوت نحيبها يزيد .. بدت تضرب بإيدها ع صدره .. وتصرخ ف ويهه .. وهي مب حاسة بنفسها
فوز: ليش سويت فيني جيه ؟؟ أنا شو سويت لك ؟؟ حرام عليك .. حرام عليكم كلكم .. ليش أنا اللي يصير فيني جيه ..؟؟ ما ترد ؟؟
علي: فوز دخيلج لا تسوين ف روحج جيه .. لا تعذبيني
فوز: إنتو شتبون مني ؟؟ ليش تخلوني أطير م الوناسة وعقبها تهدمون كل أحلامي ؟؟ إنتو تستانسون لا ذبحتوني ..؟؟ أنا حبيتك .. ما تخيلت حياتي بدونك .. ولا تخيلت إن وحده ثانية تاخذك مني .. إنت وعدتني تكون لي أنا .. ليش جذبت علي ..
علي: فوز واللي يسلمج .. هدي شوي حرام اللي قاعدة تسوينه ..
فوز: قالت لي هند .. لا تأمنين فيه .. اللي تخلا عنج مرة بيتخلا عنج ألف .. واللي خانج مرة بيخونج ألف بس ما صدجتها .. حبي لك خلاني عميه ما أشوف ..
علي: كل اللي صار غصب عني
يلست فوز ع الأرض كانت خلاص منهارة .. ومب قادرة توقف .. تضرب ع الأرض بالقو وهي تصيح ..
فوز: أنا ما حبيت حد كثر ما حبيتك .. ولا بغيت حد كثر ما بغيتك .. وآخرتها جيه تسوي فيني .. أنا أستاهل هالشي ؟؟ ليش تعاقبني بهالطريقة ؟؟ من يوم حبيتك وأنا كل مرة أنصدم من تصرفاتك وأسامحك بس لاني أحبك .. بس خلاص ما أقدر .. ما أقدر أسامح أكثر من جيه .. ما أقدر أطول بالي .. تعبت .. تفهم .. تعبت .. ياربي ليش ما تآخذني عسب أرتاح ..
علي: فوز .. وربي إني أحبج وأبيج .. زواجي من شوق جان له سبب وربي يعلم بهالشي ..
فوز: ما أقدر أصدجك .. هالمرة بالذات ما أقدر .. مافي شي يبرر اللي سويته .. أنا أموت وإنت تتزوج .. أنا ف غرفة العمليات وإنت ف شهر العسل ..؟؟؟
علي: منو قالج إن سرنا شهر العسل ..!!
فوز: ها اللي همك .. مب لازم حد يقولي .. هاك ..
فرت فوز الصور ف ويه علي عقب ما ظهرتهن من جنطتها ..
فوز: هالصور قالت لي .. ع شو اسامحك يا علي .. إنت حطمتني ..
علي: فوز .. أنا احبج إنتي ومابي اخسرج .. لا تسوين فيني جيه .. لا تذبحيني ..
فوز: علي روح مابي أكرهك أكثر .. رووووح
فهاللحظة وصلت ريم مع ريلها وأمها وندى اللي كانوا يايين من بيت أبو محمد .. وتفاجئوا من المنظر اللي شافوه .. فوز تبجي ع الأرض وعلي جدامها يحاول يهدي فيها .. !
سارت ريم صوب أختها .. وحضنتها .. وهي مستغربة من اللي قاعد يصير .. وأمها وندى وفهد علامات تعجب ع راسهم .. مب فاهمين شي !!
فوز: ريم خليه يروح مابي أشوفه .. قولوله يظهر .. أنا أكرهك ..
ريم: علي شفيها فوز ؟!!! شو مستوي بينكم ؟؟؟!!!
علي ما قدر يرمس .. شو يقولهم ؟؟ يقولهم إن حبيبته قبل ملجته عليها بيوم اكتشفت إنه جان متزوج وعنده بنت ؟؟ شو يقولهم !!!!
أم حمد: شفيكم ؟؟ ما ترمسون ؟؟؟؟
فهد: فوز شفيج ليش تبجين ؟؟
فوز: فهد طلعوه برع مابي أشوفه .. دخيلكم .. طلعوه
كانت حالة فوز ما تبشر بخير .. صراخها زاد وصياحها بعد .. وعلي اللي دمعته نادر ما تنزل .. نزلت وهو يشوف اللي سواه بفوز .. جان متأكد إن فوز لو درت بتتحطم .. !!
يود فهد علي وطلب منه يروح .. وفعلاً استجاب علي للطلب .. وقبل لا يروح ..
علي: سامحيني يا فوز .. وربي كل شي صآر غصب عني .. وربي إنتي الوحيدة اللي حبيتها .. مابي أخسرج حيآتي ما تسوآ بدونج
أما ريم ف حاولت تيود أختها بمساعدة أمها ويدخلونها داخل لأن الجو جان بارد وهي حالتها يرثى لها .. كانت تشهق وتحس بإنها مخنوقة .. وأول ما وقفتها ع ريولها طاحت فوز ع الأرض !!
عند علي ..
للحين مب متصور إن كل شي ضاع منه وبكل سهولة .. فوز ضآعت .. وشوق ! ليش سوت جيه !!؟ محتاي يعرف هالشي .. ليش شوق اللي ضحى بحياته وبحبه لفوز وتزوجها بس عسب يساعدها .. تسوي فيه جيه ؟؟!
وصل علي بيتهم شوق .. جان حزتها معصب والشيطان رآكبه .. ومب عارف شلون يتصرف ويا شوق .. أكيد هي اللي دبرت كل ها .. وإلا فوز شلون درت إني عندها!!؟ وليش اتصلت فيني تبي تشوفني اليوم بالذات !! أنا غبي .. شلون صدجت إن شوق تغيرت وما عادت شوق الحاقدة الشريرة الأنانية ؟؟ شلون وثقت فيها !!
دق الجرس .. وفتحت له شوق الباب .. وبدون لا يعطيها فرصة هب ف ويهها .. شوق ما كانت فاهمة شي ..
علي: ليش سويتي جيه فيني ؟؟
شوق: شو سويت ؟!!
علي: تستهبلين .. كل ها وتسألين شو سويتي.. حرام عليج يا شوق .. عقب كل اللي سويته لج تنكرين جميلي وتدمرين حياتي ..؟؟
شوق: علي وربي مش فاهمة شو تقصد
علي: خليتيني أييج هنيه واتصلتي ف فوز عسب تيي وتشوفني عقب ما وريتيها الصور ..
شوق وهي تبجي: مو أنا اللي سويت كل ها .. وربي ما أدري عن شي
علي: أنا أستاهل اللي قاعد يصير .. إنتي عمرج ما راح تتغيرين .. الحقد والكره عامي قلبج .. إنتي ما تفكرين إلا بنفسج .. من عرفتج وإنتي جيه .. وأنا اللي أتحراج تغيرتي من عقب الحادث ..
شوق: إنت قاعد تظلمني يا علي ..
علي: وإنتي ما تشوفين نفسج ظلمتيني لمن سويتي اللي سويتيه .. أنا خسرت فوز بسببج .. حبيبتي اللي المفروض باجر تكون ملجتي عليها .. خلاص ضاعت بفضلج .. استانستي أحينه ؟!!! ارتاح بالج ؟؟ سويتي اللي ف راسج وفرقتينا ؟؟
شوق: وربي يا علي مالي علاقة بأي شي ..
علي: كافي جذب يا شوق .. كل شي انكشف خلاص .. مالها داعي هالمسرحية .. القناع اللي كنتي لابستنه طاح
شوق: أحلف لك بربي إن ما يخصني ف شي .. ومالي علاقة باللي صار
علي: عيل منو اللي يخصه !!!
في هاللحظة نزلت عبير .. عقب ما سمعت صراخ علي وصياح شوق .. اللي حاسة بالظلم والقهر .. علي من وصل قاعد يهينها ويسمعها رمسة مثل السم وهي ما تقول شي .. وإحساس الظلم وايد صعب ..
عبير: أنا ..
طالعوا علي وشوق وراهم وشافو عبير تحدر من الدري .. شوق انصدمت .. شلون عبير تسوي جيه ؟؟ أما علي تذكر إنه شافها ف المستشفى .. ووقتها استغرب نظراتها له !!
علي: وإنتي منو عسب تسوين جيه ؟؟
عبير: شوق ما يخصها .. أنا اللي سويت كل شي .. يبت رقم فوز واتصلت فيها وخذيت الموعد .. خذت النيجتف حق الصور وطلعت نسخ ثانية منها بدون علم شوق .. يبت معلومات عن فوز .. وتقابلت وياها .. وقلت لها إذا حابة تتأكد تروح تشوف بنفسها .. ها عقب ما اتصلت فيني شوق وقالت لي إنك بتيي وطبعاً هي كانت تقولي بحسن نية وأنا شفت إن هالشي راح يساعد ف إن فوز تكشف حقيقتك !!
أول ما سمع علي رمسة عبير صخ .. مب عارف شو يقول .. شوق كانت تصيح وساكتة .. وهو منصدم وساكت .. وعبير ترمس !
عبير: إنت ما تستاهلها .. البنت بصراحة طيبة وايد .. ما حبيتها تتزوج واحد جذاب وأناني .. وما يفكر إلا بنفسه .. حرام تخليها مخدوعة فيك طول هالفترة .. كافي عليك وحده دمرتها .. تبي تدمر الثانية .. وإلا بنات الناس لعبة ف إيدك
شوق: خلاص يا عبير كافي ..
عبير: لا مب كافي .. خليه يسمع الشي اللي المفروض من زمان يسمعه منج .. تزوجج وعقبها طلقج عسب شو .. حبيبة قلبه .. ونساج إنتي ونسى بنته اللي ف بطنج .. وسار يشوف له ضحية يديدة .. إنت أصلا لو تحب فوز جان ما فكرت تخبي عليها شي مثل ها بس إنت واحد حقير ونذل ..
علي: جب .. إنتي مالج علاقة ف حياتي .. ليش تدخلين نفسج ف شي ما يخصج .. منو إنتي عسب تحاسبيني وتعاقبيني ؟!!
عبير: حط ف بالك شي واحد إن إنت ما تهمني .. أنا سويت كل ها عشان بنت عمي وبس !
علي: ما أظن بنت عمج طلبت منج تسوين هالشي
عبير: ما يحتاي تطلبه .. بس ما أبيها تعيش حياتها تعيسة كافي عليها المرض اللي تعاني منه !
علي: إنتي وحده ........ أحسن أسكت ما تستاهلين أنزل من مستواي عشانج
تحرك علي عسب يظهر م البيت .. وزقرته شوق .. وقف علي بدون لا يطالع ع ورا ..
علي: شتبين بعد ؟!!
تحركت شوق صوبه .. وعطته هدية فوز اللي فرتها .. طالعها علي بنظرة كلها حسافة وحزن .. وخذ الهدية وظهر !!
شوق: استانستي يا عبير ؟!! علي قبل لا تدري فوز جان شي وآحينه صار شي ثاني
عبير: أنا كنت أفكر فيج وف مصلحتج
شوق: مصلحتي ؟؟ إنتي خربتي كل شي بينا .. ما شفتي علي شقايل ظهر من الفيلا جان مستانس ويضحك ولمن شاف فوز انجلب حاله .. ليش سويتي جيه بدون لا تقولين لي
عبير: لأني عارفة إنج ما راح توافقيني
شوق: عارفة إني ما راح أوافقج ومع ذلك سويتي اللي براسج ..
عبير: أنا آسفة يا شوق
شوق: آسفة !!! شو بتسوي آسفة آحينه !! حرام عليج خربتي العلاقة اللي بينهم إنتي ما تدرين شكثر علي يحب فوز
عبير: ما أدري .. بس أدري شكثر إنتي تحبينه
أما علي .. فحالته ما كانت أفضل من حالة فوز .. ضايقة فيه الدنيا .. واللي زاد عليه الضيج .. هدية فوز له .. وصل بيته .. نزل الهدية وحطها ف الصالة وسار داره .. حاس بالحزن والوحدة والقهر وسار يصلي ركعتين عسآ الله يخفف عنه الضيج اللي هو فيه .. وعقبها نزل تحت يبي يشوف الهدية ..
يود الكرت .. ولمن قرآ آللي فيه نزلت دمعة من عيونه .. خلته يحس إنه حقير .. لأنه تجرأ ونزل دمعة فوز .. تجرأ وجذب عليها ..
{ إنت بحيآتي كل شي .. / ربي يجمعنآ في آلدنيآ والآخرة ، آحبك } !
تحبه صح .. بس الغلط اللي سواه ما يغتفر .. علي متأكد من هالشي .. وفوز وايد تغاضت وسامحته .. وأكيد ما راح تتحمل شي مثل ها .. فتح الهدية .. الساعة وعقبها المحفظة .. وبعدها الميدالية ..
يود تليفونه وحاول يتصل فيها بس محد يرد !!
!
آلفندق ( أبوظبي )
الجمعة
الساعة 10:30 مساءاً
ميرة ف الصالة .. تنتظر سعيد إيي ليش إنه ظهر يآخذ لهم عشا .. كانت تطالع التي في .. ومندمجة ف الفيلم اللي تشوفه .. كلها ربع ساعة ووصل سعيد وياه العشا ..
سعيد: هلا حبي .. أنا ييت
ميرة: هلا غلاي .. بلاك تأخرت
سعيد: شفت واحد م الربع تحت وقعدت أسولف وياه
ميرة: لا والله .. وحاطني أنا بروحي هنيه
سعيد: سوري فديتج .. الريال ما رضا يهدني
ميرة بإبتسامة: زين .. بنش أزهب السفرة
سعيد: أوكي قلبي .. وأنا بدش أبدل
ميرة: أوكيك
نشت ميرة تزهب السفرة وسار سعيد يبدل ملابسه .. وعقبها رجع وتعشوا ويا بعض ..
ميرة: سعيد
سعيد: هلا حياتي ..
ميرة: أبي آخذ هدية حق فوز وعلي ومش عارفة شو آخذ لهم
سعيد: ممممممم تبين الصج أنا قاعد أفكر فهالشي
ميرة: طيب عرفت شو بتآخذ لهم
سعيد: تدرين بشو فكرت ؟
ميرة: بشو؟؟
سعيد: أحجز لهم ف مطعم .. عقب الملجة يسيرون يتعشون ويحتفلون ويا بعض ..
ميرة: فكرة حلوة .. بدل روتين الهدايا .. فوز كل شي عندها ما أعرف شو آخذ لها .. أحس الهدايا صارت مكررة ..
سعيد: خلاص عيل باجر أول ما نوصل الشارجة بسير أشوف المطعم وأتفق وياهم .. وهاي بتكون هدية مني ومنج
ميرة: تبي أصب لك عصير ؟؟
سعيد: ههههههه شفيج احمريتي فجأة .. أونج بتغيرين الموضوع
ميرة: لا .. بس نظراتك تحرقني
سعيد: كيفي .. حلالي وأسوي اللي أبي ..
ميرة: سعيد بس عاد
سعيد: إنزين
عقب ما خلصوا متعشين قعدوا ف الصالة يتابعون فلم .. جان سعيد قاعد حذال ميرة وحاط إيده ع كتفها .. وميرة تطالع ف ويه سعيد اللي مندمج ف الفلم ..
ميرة: حبيبي
سعيد: هلا غناتي
ميرة: متى بنظهر باجر ؟؟
سعيد: أول ما نقوم م الرقاد بنسير
ميرة: عيل أنا بنش أرتب الجناط
سعيد: أوكي .. ظهريلي ملابس حق باجر
ميرة: إن شاء الله
نشت ميرة سايرة صوب الغرفة ترتب الجناط .. وسعيد كمل الفلم لولا إن علي اتصل فيه وقطع عليه .. استغرب سعيد اتصال علي فهالوقت ..خاف يكون شي صاير ف رد عليه بسرعة ..
سعيد: هلا علاوي
علي: سعيد أنا مخنوق !
سعيد: عسا ما شر .. شو مستوي !!
علي: ضايجة فيني الدنيا .. سعيد قولي شو أسوي .. كيف أتصرف
سعيد: ليش تبجي شو مستوي .. لا تخرعني !!
علي: فوز
سعيد: شفيها ؟!!
علي: أنا خسرت فوز يا سعيد .. ضيعت كل شي .. هدمت كل شي بنيته ف لحظة .. فوز ما عادت تبيني .. فوز تكرهني
سعيد: علي لا ترمس بالألغاز .. قولي فوز شفيها شو صاير بينكم ؟؟
علي: أنا ..
سعيد: إنت شو؟! لا تحرق لي أعصابي .. قول شو مستوي ؟؟
علي: ما أقدر أقولك ف الفون ..
سعيد: إنت تستهبل .. متصل فيني ومخرعني وآخر شي تقولي ما أقدر أقولك ف الفون
علي: الموضوع كبير ..
سعيد بهدوء: طيب علي .. تبيني أرجع الشارجة ؟؟
علي: الوقت تأخر .. خلاص باجر بنرمس
سعيد: شلون بييني رقاد وإنت حالتك جيه .. أحين بقول حق ميرة تزهب جناطنا وراجعين .. من نوصل بمر البيت عندك زين
علي: لا سعيد لا ترجع .. باجر إن شاء الله بقولك كل شي .. الوقت متأخر شو تظهر هالحزة يبيلك ساعة ونص لين توصل
سعيد: إنت ما يخصك ..
بند سعيد عن علي .. ما عطاه فرصة يرمس .. أول مرة سعيد يشوف علي بهالحالة .. وأكيد اللي صاير شي جايد وإلا علي ما اتصل فهالوقت .. ولا جان بهالوضع .. سار الغرفة عند ميرة اللي كانت تصكر الجنطة عقب ما خلصت مرتبة كل شي ..
سعيد: ميرة ..
ميرة: هلا حبي
سعيد: دخلي كل الأغراض .. بنرد الشارجة أحين
ميرة بإستغراب: آحين !!؟
سعيد: هيه .. بسرعة ياللا ..
ميرة: ليش شو صاير !!
سعيد: بقولج ف السيارة .. بسرعة لمي كل شي وأنا بخلص إجراءات الفندق ..
ميرة: إن شاء الله !
ظهر سعيد من السويت .. ويلست ميرة تلم كل الأغراض حقهم .. ولمن خلصت نزلت تحت تنتظر سعيد يخلص الإجراءات .. ياب العامل جناطهم وركبها السيارة .. وعقب ما دفع سعيد وخلص كل شي تحركوا راجعين صوب الشارجة !!
في السيارة
سعيد ألف شي يروح ويرد ف باله .. مب عارف شو الشي اللي ممكن يصير بين فوز وعلي ويخلي علي بهالحالة .. وليش قال إن فوز خلاص ضاعت ..
ميرة: سعيد
سعيد: هلا غناتي
ميرة: شفيك ؟؟ شو اللي صاير ؟؟ من ركبنا السيارة وإنت ساكت
سعيد: ما صاير شي
ميرة: مظهرنا هالحزة من بوظبي .. وتقول ما صاير شي
سعيد: علي اتصل فيني وجان يبجي
ميرة: شو ؟؟
سعيد: ما فهمت عليه .. جان يبجي وحالته غريبة .. يقول إن فوز ضاعت منه .. وإنها تكرهه
ميرة: ها أكيد يستهبل .. صدجني هاي سوالف علي عارفتها .. شو يعني ضاعت وتكرهه وباجر ملجتهم
سعيد: مستحيل علي يسوي فينا مقلب جيه ويخلينا نرد من بوظبي للشارجة فهالوقت لو مب صاير شي فعلاً
ميرة: أنا بتصل ف فوز وأفهم منها اللي صاير
سعيد: الوقت متأخر أحينه .. باجر اتصلي فيها
ميرة: ما أقدر أصبر لباجر .. آحين بتصل فيها أبي أعرف شو مستوي بينهم ..
سعيد: سوي اللي يريحج
اتصلت ميرة ف فوز .. جهازها يدق بس محد يرد .. وقعدت تحاول فيه .. لين ما ردت عليها ريم ..
ريم: هلا ميرة
ميرة: منو .. فوز ؟!
ريم: لا فديتج .. أنا ريم
ميرة: شحالج ريم ؟؟
ريم: الحمدلله طيبة .. شحالج إنتي ؟؟
ميرة: الحمدلله بخير وعافية .. ممممم فوز وينها ؟؟
ريم: موجودة ..
ميرة: ممكن تعطيني إياها ؟؟
ريم: فوز ف المستشفى .. تعبانة وايد وما تقدر ترمس ف الفون
ميرة بصدمة: ليش شفيها ؟؟
ريم: عندها ضيق تنفس .. وتعبانة وايد حطوا لها كمامة الأكسجين وسوولها سقاية وأحين راقدة
ميرة: من شو ؟!
ريم: ما أدري شصار فيها .. كانت بخير للمغرب وعقبها ظهرت قالت عندها موعد مع بنت .. وإحنا كنا برع البيت ولمن ردينا شفناها ويا علي وكانت تبجي وتصارخ ..
ميرة: شو ممكن يكون صاير بينهم
ريم: ما رضت تقول .. حتى علي ما رمس ولا قال شي
ميرة: طيب ريم مشكورة .. إحنا احين راجعين من بوظبي بحاول أفهم السالفة من علي .. وباجر أول الصباح راح نكون عند فوز إن شاء الله .. بس بليز طمنونا عليها
ريم: إن شاء الله فديتج .. توصلون بالسلامة
ميرة: ربي يسلمج
ميرة: وربي ما كنت مرتاحة حق هالبنت .. كنت عارفة إن إصرارها لإنها تشوف فوز وراه شي
سعيد: منو هالبنت ؟؟
ميرة: وحده اسمها عبير ..
سعيد: وشو علاقة عبير بعلي ؟؟
ميرة: ما أدري .. ها اللي مب فاهمتنه
سعيد: وفوز شفيها ؟؟
ميرة: فوز ف المستشفى عندها ضيق تنفس .. وريم تقول تعبانة وايد .. هالحالة دوم تييها لا تضايجت ..
سعيد: جربنا نوصل .. وراح نفهم كل شي من علي ..
ميرة: لا حول ولا قوة إلا بالله ..
سعيد: لا تضيجين بروحج إن شاء الله كل الأمور راح تنحل
ميرة: حاسة إن علي مسوي مصيبة .. خلت فوز تكون بهالحالة
سعيد: الله يستر ..
عند علي
الساعة 1:15 بعد منتصف الليل
حاط الهدية جدامه ويبجي .. علي عارف نفسه غلطان ومتأكد إن فوز ما راح تسامحه ع اللي سواه .. يتمنى بس الأيام ترد لورا جان عمره ما فكر يتنازل عن فوز بسهولة ولا وافق يتزوج شوق أو يمكن ما غلط وياها .. أو حتى بس يقول حق فوز الحقيقة وتعرفها منه مب من غيره .. بس أحينه الموقف اللي بينهم تأزم وايد .. وفوز تكرهه وما تبي تشوفه .. هالشي معناته إنها خلاص ما تبي أي شي يربطها فيه !
دق الجرس ونش علي يفتح الباب لأنه توقع إن سعيد هو اللي ياي فهالوقت .. فتح الباب وطاح ف حضن سعيد .. وميرة كانت وايد خايفة ع أخوها .. أول مرة تشوفه جيه !
سعيد: شفيك علي ..!
علي: أنا تعبان .. مب قادر أتحمل أكثر
سعيد: خل ندش وفهمنا السالفة .. شصار بينك وبين فوز ؟
علي: شقولك يا سعيد .. أنا ما أقدر أعيش بدونها .. وربي أحبها
ميرة: علاوي اهدآ شوي خلنا نفهم الموضوع ..
سعيد: ميرة سيري يبيله ماي يبل ريقه
ميرة: إن شاء الله
يود سعيد علي ويلسه ع القنفة وجان يترياه يرمس بس ما رمس .. انتبه سعيد ع الهدية وسار صوبها .. شاف الكرت .. واستغرب ! من عند منو آلهدية !! سعيد حاس نفسه مب فاهم شي .. وهاي أول مرة علي يكون فيها بهالحالة .. علي القوي يبجي ومنهار ؟؟ وفوز الثانية طايحة وفالمستشفى .. شاللي صار بينهم !!
سعيد: علي فهمني شاللي صاير بينك وبين فوز ؟!!
علي: أول مرة أندم ع شي سويته .. اليوم بس دفعت ثمن أغلاطي .. اليوم بس تأكدت إن الله يمهل ولا يهمل .. عقب سوالفي مع البنات .. خسرت البنت الوحيدة اللي حبيتها بصدق ..
سعيد: علي .. إنت ما خسرت فوز .. كل مشكلة ولها حل .. لا تسوي بنفسك جيه .. فوز تحبك ومستحيل تتخلى عنك مهما جان الشي اللي مسونه
علي: إلا هالشي ما تقدر تسامحني عليه ..
سعيد: وشو هالشي اللي إنت مسونه ومتأكد إن فوز ما راح تسامحك عليه !!؟
علي: أنا
سعيد: إنت شو !؟
علي: أنا كنت متزوج وعندي بنت !
طاح كوب الماي من إيد ميرة وانكسر .. صدمة قوية ! سعيد مب مصدج وميرة من صدمتها ريلها مب قادرة تشيلها !
سعيد: يعني شو متزوج وعندك بنت .. منو هاي اللي متزوجنها ؟!!
علي: شوق !
سعيد بصدمة: شو !! شوق ؟؟ إنت ينيت صاير ف عقلك شي .. شوق يا علي !
ميرة تهز راسها بالنفي وتبجي .. دموعها تنزل لا إرادياً .. ومب قادرة تنطق بحرف .. تحس نفسها تحلم .. إذا ميرة وردة فعلها جيه .. عيل فوز معذورة !!
سعيد: وطبعاً فوز درت بهالشي ..
علي: أدري إني غلطان .. أنا مابي حد يلومني اللي صار صار وما راح يتغير شي ..
سعيد: شلون جيه سويت ؟؟ وليش ؟ شو يخليك تتزوج شوق ! إنت غلطت وياها !!
علي: لا .. لا يروح تفكيرك بعيد .. أنا تزوجت شوق ع سنة الله ورسوله
ميرة بإنفعال وهي تبجي: ودام تزوجتها .. شتبي بفوز .. ليش تسوي ف البنت جيه .. حرام عليكم عقدتوا البنت .. كرهتوها ف حياتها .. إنت شفيك .. ما عندك إحساس
سار سعيد صوب ميرة وحضنها ..
سعيد: اهدي يا ميرة .. لا تسوين جيه بروحج
ميرة: وربي فوز ما تستاهل .. ليش جيه يسوون فيها .. أول مرة ملجت وتطلجت .. والمرة جريب ملجتها وتكتشف شي مثل ها .. إنت شو ..؟؟
علي: واللي يسلمج يا ميرة اسكتي .. اللي فيني مكفيني ..
سعيد: خلاص يا ميرة
ميرة: تتزوج من ورانا يا علي وعندك بنت .. ليش ؟!! ليش ما قلت لنا هالشي ..؟؟
علي: لأنه جان زواج ع الورق وبس .. إنتو ما تفهمون
ميرة: زواج ع الورق .. اجذب ع ياهل .. زواج ع الورق وعندك بنت منها ؟؟
علي: غلطة .. وما تكررت مرة ثانية .. ما أدري شلون صار جيه .. ومن عقبها تطلقنا ..
سعيد: لين أحينه أنا ما عرفت شو اللي خلاك تتزوجها أصلا ؟؟
علي: أنا خبرتك إن شوق تعرضت لحادث وفقدت بصرها وأبوها وأمها توفوا .. وعارف إني أنا السبب ف كل ها ..
سعيد: وطبعاً ضميرك أنبك .. وتبي تصلح غلطتك
علي: هالشي صار ف نفس الفترة اللي ملجت فيها فوز .. يعني كنت خلاص فاقدنها .. بس أنا عمري ما فكرت أتزوج شوق .. وصارحتها بهالشي .. لولا إن الحادث صار وجان لازم أساعدها ف إنها تتعالج .. شفت إنها مب حلوة أسافر وياها وما بينا أي شي .. وعسب جيه اقترحت عليها نتزوج .. وشوق كانت عارفة إن زواجنا بس ع الورق يعني علاقتنا ما راح تكون علاقة أي اثنين متزوجين .. سافرنا بريطانيا ..
ميرة بدت تتذكر علي فهذيج الفترة .. فعلاً هو سافر بدون سعيد .. ولما اتصلت فيه .. سمعت صوت بنت عنده وفوقتها قالها إن هاي وحده تعرفه !!
ميرة: مب قادرة أصدج ..
علي: ما صار بينا أي شي ف بريطانيا .. بس لما رجعنا !
سعيد: وشو صار اليوم بينك وبين فوز ؟؟
علي: أمس اتصلت فيني شوق تبي تشوفني .. وخبرتها بمر عليها اليوم .. وكنت مقرر إني أقول حق فوز الحقيقة عقب الملجة عسب ما يكون عندها خيار إلا إنها تتقبل اللي صار .. بس غيرت رايي فجأة وقلت من أرجع من عند شوق راح أقولها كل شي
ميرة: يعني عارف إن فوز مستحيل توافق عليك وإنت كنت متزوج وفوق ها عندك بنت !
علي: قالت لي عندها موعد مع بنت .. وهالبنت طلعت بنت عم شوق .. وتعرف كل شي صار .. خبرت فوز كل اللي صار بيني وبين شوق .. وعطتها صور صورناها لمن كنا ف بريطانيا .. وصور ثانية لفوز بنت شوق وعطتها عنوان بيت شوق وخبرتها إني هناك ..
سعيد: وفوز سارت وشافتك ويا شوق !!
علي: شافتني وأنا ظاهر من البيت
سعيد: وشو سوت؟؟
ميرة: يا ربييييي ..
علي: بطلت باب السيارة .. فرت الهدية ع الأرض وركبت السيارة .. لحقتها لبيت أختها ورمستها بس ما رضت تسمعني .. وانهارت كانت تصارخ وتصيح وعقب فهد طلب مني أروح وخليتها .. ما أدري شو حالتها .. حاولت أتصل بس محد يرد
ميرة: شو تتوقع بتكون حالتها ؟؟ سويت عملتك وخليتها .. شلون تبيها تكون ؟؟
سعيد: بس يا ميرة
ميرة: لازم يعرف إن فوز طايحة بالمستشفى بسببه لازم يعرف شو سوا ف البنت .. لازم يتعذب شرات ما عذبها ..
علي بصدمة: شو ؟؟ فوز ف المستشفى ؟؟ سعيد رمسة ميرة صج ؟؟
سعيد: هيه
يلس علي ع القنفة .. مصدوم م الخبر .. كافي عليه العذاب النفسي اللي عايش فيه .. بعد يقولون له إن فوز فالمستشفى وبسببه ..
ميرة: شفت نتيجة تصرفاتك ..؟؟
علي: لازم أروح أشوفها
نش علي من مكانه بيظهر بس سعيد يوده وما خلاه .. وين يروح فهالوقت المتأخر .. أول شي ما راح يخلونه يدش وبعدين حالته ما تسمح إنه يشوف فوز ..
سعيد: لا تروح
علي: ليش ؟
سعيد: ما راح يخلونك تدش آحين .. وشوف حالتك شقايل
ميرة: أصلاً منو قالك إن فوز تبي تشوفك
سعيد: ميرة
ميرة: أوكي .. سكتنا
علي: للحين أحس إن كل اللي صار حلم .. أبي أرقد وأنش أشوف كل شي ماشي مثل ما أبا
سعيد: علي للأسف إنك ما تقدر تغير الواقع لأن ها مش حلم .. إنت غلطان مهما جان السبب اللي خلاك تتزوج شوق .. بس إنت غلطان وجان المفروض أقل شي تآخذ راينا قبل لا تتصرف هالتصرف
علي بصراخ: كل ها ما يفيد أحين .. رجعولي فوز .. أنا أبي فوز .. قاعدين تلوموني ع شي صار .. لو شو ما تقولون ما راح يتغير شي .. أنا تزوجت شوق وطلقتها وعندي بنت .. وفوز درت وأحينه تكرهني .. وطايحة بالمستشفى .. لو هالرمسة اللي تعيدونها بتغير شي جان مستعد أسمعها طول حياتي بس فوز ترد لي
سعيد: هدي أعصابك يا علي .. لا تسوي بنفسك جيه
علي: إنتو مش فاهمين .. أنا ما أقدر أعيش بدونها .. أنا أحبها والله العظيم أحبها
بدت ميرة نوبة يديدة من الصياح .. وسعيد مب عارف شو يسوي بروحه .. يهدي حرمته وإلا يهدي رفيجه وأخوه .. علي معه حق لا اللوم ولا العتاب ولا تأنيب الضمير أحينه راح يغير شي يعني رمستهم بدون فايدة !
خذ سعيد علي لغرفته .. وخلاه يريح شوي .. عطاه بندول وكلها ربع ساعة ورقد من التعب والإرهآق النفسي !
نزل سعيد عند ميرة .. اللي قاعدة ف الصالة وتبجي .. وسار سعيد صوبها .. قعد حذالها ويلس يهديها ..
سعيد: فديتج لا تبجين
ميرة: مالي ويه أشوف فوز
سعيد: إنتي مالج ذنب
ميرة: أخته وما أدري عنه .. وربي كنت حاسة إن حد ف حياته وشاغل باله .. علي ف الفترة اللي بتملج فيها فوز جان شخص ثاني وحتى عقب الملجة !!
سعيد: ما أدري من وين ظهرت لنا هالمصيبة ..
ميرة: فوز تحبه .. حرام عليه يصدمها بهالطريقة وربي ما تستاهل اللي سواه فيها
سعيد: تهقين ما راح تسامحه ؟؟
ميرة: يمكن لو جان متزوج ومطلجنها تسامحه .. بس شلون بتسامحه وهو عنده بنت منها
سعيد: ما أدري والله .. تأخر الوقت خلينا نروح نرقد .. والصبح يحلها ألف حلال
ميرة: إن شاء الله
المستشفــــــــــى
يوم السبت
الساعة 7:00 صباحاً
تحسنت حالة فوز ونقلوها للقسم .. محد جان عندها .. ريم وأمها راحوا عقب ما خبروهم إن فوز ما راح تنش إلا الصبح ويلستهم عندها بدون فايدة .. ورغم إن أم حمد ما كانت موافقة تخلي بنتها .. بس ريم أقنعتها ووعدتها إن الصبح تييبها عسب تشوفها وتطمن عليها !
ع الساعة 7 ونص .. فتحت فوز عيونها .. جان راسها بينفجر من الصداع .. حاسة بتعب مب طبيعي .. وللحين مب مستوعبة اللي صار .. تحس عقلها متوقف عن التفكير وقاعدة تحاول تتذكر كل اللي صار .. وفعلاً بدت تذكر اللي صار من لمن قابلت عبير ولين ما طاحت ف بيت أختها ..
لفتت انتباهها باقة الورد بس ع بالها إن أهلها يايبينها حقها .. دق بآب غرفتها .. وانفتح بهدوء وفوز كانت تراقب منو داش عليها !
دش وتجدم صوبها .. وبدت فوز تستوعب إن الشخص اللي واقف جدامها هو علي ..!
طالعت الصوب الثاني .. وفهم علي إنها ما تبي تشوفه مع إنه جان متوقع هالشي .. بس ياي يطمن عليها ويحاول يصلح الشي اللي انكسر قبل لا يفوت الآوان .. ما يدري إن خلاص كل شي فات وما يقدر يصلح أي شي !!
علي: الحمدلله ع سلامتج
آخر شي كانت تبيه فوز إنها ترمس علي أو تشوفه .. ما ردت عليه وها شي من حقها .. ليش ياي ؟؟ عقب اللي سواه؟؟ عارف إن هو السبب ف اللي صارلها ومع ذلك يا يشوفها .. شو يبا منها !!
علي: أدري إنج ما تبي تشوفيني .. بس ما قدرت أمنع نفسي من إني أيي وأطمن عليج .. فوز سامحيني .. أترجاج تعطيني فرصة .. وأوعدج إن اللي صار ما راح يتكرر ..
تقرب علي أكثر وأكثر .. وفوز للحين تطالع الصوب الثاني .. وما تغير شي عليها إلا إنها بدت تصيح وتسمع رمسة علي !
علي: أبيج بس تسمعيني .. وعقبها تقررين .. اللي خبرتج اللي صار ما قالت كل شي .. خلت كل الكلام ضدي .. عسب تشوه صورتي بعينج .. فوز أنا ما أقدر أعيش بدونج والله العظيم والله العظيم أحبج .. ما أتخيل حياتي بدونج .. سويت المستحيل عسب تكونين لي .. حرام تهدمين كل اللي بنيته ..
كانت تبي ترمس بس مب قادرة .. ما تبي تضعف جدام علي .. تبي تكون أقوى عسب تواجه اللي صار .. علاقتها ف علي صار فيها شرخ كبير .. صعب إنه يلتئم ..
علي: ف اليوم اللي رمستج فيه عسب أتأكد من موضوع الملجة .. ظهرت وأنا مضايج .. اتصلت فيني شوق وقالت إنها بتيي لعندي كنت وقتها قاعد جدام البحر ومب عارف شو أسوي .. شوق تعتقد إني أحبها بس أنا عمري ما قلت لها هالشي أو بينت لها إني أحبها وأبيها .. ما أنكر كنت أرمسها .. بس أول ما دريت إن سعيد ما يبيج .. وإن احتمال كبير تكونين لي .. قطعت اتصالي فيها .. وكانت تتصل وما أرد عليها .. رمسنا فهذيج الليلة وخبرتها إني أحبج وإني ما وعدتها بشي .. وما أبيها تتعلق فيني أكثر .. رمستي ضايجتها وبدت تصارخ وقالت لي رمسة ما توقعت اسمعها فيوم .. وعقبها ركبت سيارتها وكانت تسوق بسرعة مينونة .. خلتني أندم لأني رمستها وجرحت مشاعرها .. ركبت سيارتي ولحقتها وترجيتها توقف عسب نرمس بس رفضت .. وتعرضت لحادث !!
علي: شوق عقب الحادث فقدت بصرها .. وبيوم ملجتج وعقب ما صرتي زوجة لمحمد أنا رجعت الشارجة وسرت عندها .. وكنت طول اليومين وياها وما دريت عن اللي صار وياج .. كانت شوق محتاية لي خصوصاً عقب ما توفوا أمها وأبوها ف حادث وهم راجعين م السفر ويايين المستشفى يشوفونها .. كانت حياتها مأساوية ومحتاية لحد يكون وياها .. وإنتي ملجتي وصرتي حليلة حق واحد 2 .. يعني أنا فقدت الأمل فيج خلاص .. وتأكدت إنج مستحيل تكونين حقي وإنتي اخترتي هالشي بنفسج مع إني ترجيتج ترفضين ..
علي: عقبها دريت باللي صار وياج .. وما بجذب عليج يمكن كنت أدور سبب عسب أشوه صورتج بعيني وأقنع نفسي بإن اللي قاعد أسويه مع شوق هو الصح .. سافرتي إنتي ألمانيا .. وعقبها بفترة سافرت أنا مع شوق لبريطانيا .. بس ما جان شهر عسل .. أنا خذيت شوق عسب تعالج وتسترد نظرها .. واقترحت عليها إني أتزوجها عسب مب حلوة نسافر ويا بعض وما يربطنا شي .. بس وربي يا فوز إن زواجي منها جان ع الورق بس .. وشوق عارفة هالشي .. وتدري إن أول ما نرجع راح أطلقها وهي كانت موافقة ع هالشي .. وطول فترة سفرنا عمري ما تقربت منها بأي شكل م الأشكال .. وعقب ما نجحت العملية ورجعنا البلاد .. صار بينا اللي صار .. وكانت مرة وحده يا فوز ومن عقبها طلقتها لأني خفت اللي صار يتكرر وأنا ما أحبها .. بس الشيطان قص علي ما أدري شلون سويت جيه !!
علي: واليوم اللي عرفتي فيه الحقيقة هو نفسه اليوم اللي أنا عرفت إن شوق كانت حامل وتربي بنتي .. اتصلت فيني وقالت إنها تبي تشوفني .. ورحت لها البيت .. وقالت لي إنها كانت حامل لمن طلقتها .. وما كانت تبي تقولي بس شوق مريضة والمرض انتشر ف جسمها والأطباء ما يقدرون يسوون لها شي .. وكانت تبي تشوفني عسب تقولي إذا صار شي فيها آخذ البنت ونربيها أنا وانتي !!
للحين ساكتة .. كانت دموعها تزيد وهي تسمع رمسة علي .. شي صعب تسمع الكلام اللي يجرح فيك .. شلون لو الكلام انعاد عليك وبالتفصيل .. أكيد راح تحس بالموت !
طولت بالي وخذها اليوم لك شكراً
ماينزل الراس دام الروح بيه حيه
بترك محبتك برحل ما أبي عذراً
يعني المفارق من إميه نسبته ميه
أقول سراً وأقول اليوم لك جهراً
مادام غيري بقلبك عيش في غيه
معك المحبه نهيته يومها فجراً
الله يهنيك والأحلام ورديه
جيت بهواك وعرفتك جيّتك غدراً
مشكور غدرك بعد مشكور عـ الجيه
جيت بظلامك وخل الليل لك ستراً
وأرحل مع الليل يكفي منك مابيه
عشقت عزي وأحب أمجده فخراً
وإنت معك ماء وجهك واحفظه شويه
خذ من كلامي وصيه واستمع أمراً
من خان مره طبيعي يخون له ميه
علي: فوز دخيلج قولي شي .. لا تسكتين .. قولي اللي ف خاطرج ..
فوز وهي تصيح: مشكور يا علي ع اللي سويته فيني .. وآحين اطلع برع لأني مابي أشوفك !
علي: فوز
فوز: علي اللي بيني وبينك انتهى .. خلاص ما عدت أبيك
علي: ليش تسوين جيه ؟؟
فوز بصراخ: أنا مب أنانية .. عمري ما فكرت أعيش حياتي ع حساب غيري .. واللي صار أكبر من إني أتحمله .. سامحتك مرة وثنتين .. مب مستعدة أقضي حياتي كلها .. تغلط وأسامحك !! انا بشر وأحس .. مب لأني طيبة تستغلني بهالصورة البشعة وتستغفلني وتجذب علي إلا الجذب يا علي ما أقدر أتحمله من شخص راح يشاركني حياتي
علي: أوعدج إن كل شي راح يتغير .. فوز واللي يسلمج لا تخربين اللي بينا .. واللي يسلمج لا تنهين كل شي بينا ..
فوز: بنتك محتاية لك وشوق بعد .. روح لهم .. وجودك هنيه وكلامك ما راح يغير شي .. طولت بالي وايد .. وايد يآ علي وخلاص ..
It’s enough ..
علي: فكرتي ف كل شي .. وما تبين تكونين أنانية وتبنين سعادتج ع حساب غيرج .. وأنا .. وسعادتي ليش ما فكرتي فيها ؟؟؟
فوز: تبيني أفكر فيك ..؟؟ جان فكرت إنت قبل ف بنتك وفحرمتك .. جان خليت أنانيتك مرة وحده بس وما تخليت عنهم .. ها إنت يا علي .. تبي كل شي يكون لك .. بس ما تفكر ف الباجين شو يبون !! تزوجت شوق وطلقتها وإنت تدري باللي صار بينك وبينها .. سألتها إذا هي راضية أو لا ؟؟
علي: أنا لمن تزوجت شوق فكرت فيها .. ما فكرت ف نفسي .. حاولت ما أكون أناني وأهدها .. تزوجتها وسافرنا وعالجت وصلحت غلطي وياها ورد لها بصرها .. أحين عقب ما سويت كل ها استخسرتي علي أفكر بنفسي لأن اللي أحبها وأبيها إنتي ..؟؟
فوز: إنت دوم جيه .. أهم شي تستانس وغيرك لو يموت ما تهتم .. شو من بشر إنت .. وأحينه ياي وبكل برود تترجاني ما أهدم اللي بنيته ليش ؟؟ تعودت إن كل وحده تقولك لبيه .. ومن عيوني ..!! أنا غير يا علي .. أحبك وأموت فيك وبموت من غيرك .. بس أنا مب شوق ولا أي وحده ثانية عرفتها !! وأحين أرجوك اطلع برع !!
علي: أنا جيه ف نظرج ؟؟ لهالدرجة صورتي متشوهه ف عينج ..؟؟ عيل ليش تحبيني إذا مب قادرة تتغاضين عن أغلاطي وتتقبلين عيوبي ؟؟
فوز: مب قادرة أتغاضى ..؟؟ وايد تغاضيت بس إنها توصل لإن كرامتي تنهان .. أقولك لهنيه وبس !
علي: أنا عارف إنج حابة تعانديني .. بس عنادج ما راح يفيدج .. أنا أحبج وربي أحبج .. وما قلت لج لأني ما كنت أبي أخسرج .. إنتي نظرتي للسالفة من منظور سلبي .. جأنج ما صدجتي تيودين علي شي .. بس خوفي عليج وخوفي من إني أخسرج منعني أقولج هالشي وكنت مأجل الموضوع لعقب الملجة
فوز: خوفك ع مشاعري ؟!! إنت ما فكرت إلا بنفسك .. خفت إني أهدك وتخسر كل شي .. اللي سويته غش وخداع .. عارف إني راح أرفض أرتبط فيك لو دريت باللي سويته ..
علي: أحينه صرت غشاش ومخادع .. لأني حبيتج وبغيتج تكونين لي .. بس إنتي أصلا ما تستاهلين .. صج شوق أحسن منج .. ع الأقل شوق حبتني بصدج وفهمتني وعرفت أنا شو أبا .. وسوت المستحيل عسب ترضيني .. بس إنتي !!
فوز بحرقة قلب وصراخ:بس إسكت .. مابي أسمع صوتك .. أنا أكرهك تفهم .. إنت ولا شي .. حقير ونذل .. فارج مابي أشوفك .. اطلع برع .. برع !!
في هاللحظة وصلت ريم .. وأول ما شافت علي تفاجأت شو يسوي هنيه عقب اللي صار .. سارت ريم صوب أختها تحاول تهديها .. وعلي جآن يطالع ع فوز .. خلاص كل شي انتهى !!
ابتدينا قصه جميله كلها حب وامل
كنا ندعي كل ليلة ياعساها تكتمل
كنا نسمع كل قصه تنتهي دوم بفشل
جينا نحاول نغير النهايه ماحصل
وما اتعظنا باللي عانوا قبلنا وحبهم ذبل
وابتدا حبهم يغيب والالم كان البطل
وانتهت قصة هوانا وما بدينا اي حل
مثلنا مثل اللي راحوا ومن الحب ماقتل
كنا نسمع كل قصه تنتهي دوم بفشل
جينا نحاول نغير النهايه ماحصل
رآح علي وراحت روح فوز وياه .. وتأكدت إن كل شي انتهى وإنها ما راح تكون لعلي ف يوم من الأيام !!
ريم: هدي يا فوز .. لا تسوين جيه بروحج .. خلاص راح
فوز: أحبه .. ليش جيه يسوي فيني .. وربي أحبه بس ما أقدر أسامحه
ريم: فوز .. علي شو مسوي ؟!! ليش ما تقدرين تسامحينه ؟؟
فوز: انتهينا يا ريم .. ليش حظي جيه .. تعبت من كل شي .. ليش يصير فيني جيه .. ليش أنا .. قوليلي !!؟
ريم: بنرمس عقب لا تسوين ف روحج جيه ..
فوز: متى بظهر من هنيه ؟؟
ريم: فهد عند الدكتور .. وأكيد راح يسأله
فوز: وأمايه وينها ؟؟
ريم: أبويه ف الطريج وقالت بتنتظره عسب إييون سوا
فوز: أبويه ليش ياي ؟!!
ريم: درا إنج بالمستشفى
فوز: منو قاله ؟!!
ريم: أنا اتصلت فيه وخبرته .. وقلت له راح نأجل الملجة
فوز: لا !!
ريم باستغراب: شو لا .. ما تبين نأجل الملجة ؟؟
فوز: الملجة ما راح تتأجل ..
ريم: عيل ؟؟
فوز: الملجة راح تتكنسل !!
ريم: شقصدج ؟؟
فوز:أنا مابي علي .. كل شي بينا انتهى
ريم: فوز إنتي أحينه معصبة ومضايجة منه أول ما تهدى الأمور بينكم كل شي راح يرد شرات قبل وأحسن
فوز: مافي شي راح يرد شرات قبل يا ريم .. إنتو شفيكم ما تفهمون أقولج أنا وعلي خلاص انتهينا ..
ريم: ليش ؟؟
فوز: علي متزوج وعنده بنت
ريم بصدمة: شو !!!!
فوز: اللي سمعتيه ..
ريم: وإنتي شدراج ؟؟ أقصد شلون عرفتي .. هو قالج ؟؟
فوز: يا ليت .. يمكن ما نكون وصلنا لهالحالة
ريم: عيل شلون دريتي ؟؟
فوز: البنت اللي أمس رحت أقابلها .. هي اللي قالت لي
ريم: لا حول ولا قوة إلا بالله .. عيل شو يبا منج ؟؟
فوز: يبي يثبت لنفسه وللكل إن أي شي إيي ف خاطره يآخذه
ريم: لا تعذبين روحج يا فوز .. صدجيني ما يستاهلج .. وربج يبيلج الخير عسب جيه كشفتي السالفة قبل لا يملج عليج
فوز وهي تغير السالفة: منو ياب هالباقة ..؟؟
ريم: ما أدري ..
فوز: تحريت حد منكم يايبنها
ريم: مب علي يايبنها ؟؟
فوز: لا مب هو .. أنا لمن نشيت الباقة كانت موجودة وهو عقب يا
ريم: صبري بشوف إذا فيها كرت
سارت ريم صوب الباقة تشوف الكرت .. وفعلاً جان فيه كرت .. خذته وقرته بصوت عالي عسب فوز تسمع ..
فوز: شو ؟
ريم: الحمدلله ع السلامة يالغالية .. أدري إني خبرتج ما راح أتعرض لج ولا راح تشوفيني مرة 2 .. بس ما قدرت أمنع نفسي من إني أرسلج هالباقة وأتحمدلج بالسلامة .. جان خاطريه أكون وياج بس الظروف أقوى مني .. أتمنى تكونين بخير .. شدي حيلج يالغلا ..
ريم: منو هاي ؟!! تعرفينها ؟؟
فوز: ها ريال
ريم باستغراب: ريال ..؟!!
فوز: هيه .. بس مستغربة شو يبا مني .. توقعت عقب آخر نقاش بينا سافر .. ظهر للحين موجود لا وبعد لاحقني للشارجة !!
ريم: منو ها ؟؟
فوز: ذياب !!
ريم: منو ذياب ؟
فوز: ذياب أخو هند .. الناس اللي أعرفهم بألمانيا
ريم: وشو يبا منج ؟؟
فوز: ما أدري .. ها مب طبيعي أكيد في شي ف عقله
ريم: يمكن يحبج !
فوز: مب وقت استظرافج أحينه
ريم: ومنو قالج أستظرف ..
فوز: خلينا منه .. لا شفته بتفاهم وياه لأنه صج صج مصخها
دق الباب ..
ودش فهد اللي جان عند الدكتور يطمن عن حالة فوز
فهد: السلام عليكم
فوز وريم: وعليكم السلام
فهد: الحمدلله ع سلامتج .. شحالج آحينه ؟!
فوز: ربي يسلمك .. الحمدلله بخير .. شخبارك إنت ؟؟
فهد: الحمدلله بنعمة
ريم: شو قال الدكتور ؟!
فهد: قال بيمر عقب وبيقرر إذا بيرخصج أو لا
فوز: بس أنا بخير ..
فهد: أحسن نتأكد من الدكتور ..
فوز: شو تتأكدون .. لازم أظهر اليوم أبي أرد بيتنا .. باجر طيارتي ع ألمانيا
ريم: منو قالج أبويه بيخليج تسافرين وإنتي حالتج جيه ؟؟
فوز: أنا محتايه أسافر .. مابي أيلس هنيه !!
ريم: أوكي سوي اللي يريحج
وصلوا أهل فوز .. أمها ، أبوهآ وحمد .. دقوا الباب ودشوا .. تحمدوا لها بالسلامة وتطمنوا عليها .. وجان يبين عليها إنها أحسن من البارحة وبدت تتقبل اللي صار وياها رغم إنها ف داخلها مجروحة !!
أم حمد: شو قال الدكتور؟؟
ريم: بيمر يشوفها وعقب بيقرر إذا بيرخصها أو لا
أبو حمد: فوز
فوز: هلا أبويه
أبو حمد: قالت لي ريم إنج بتأجلين الملجة
طالعت فوز ع ريم .. اللي هزت راسها بالإيجاب .. عسب تقول لأبوها إنها تبي تكنسل الملجة مب تأجلها بس ..
فوز: أبويه .. أنا أبي تكنسلون الملجة
حمد: قصدج تأجلينها هالفترة ؟؟
فوز: لا .. خلاص أنا مابي علي !!
حمد: نعم .. نعم .. نعم .. شو هي لعبة .. أبا وما أبا ؟؟
أبو حمد: حمد !!
حمد: آسف أبويه .. بس ما تسمعها شو تقول !!
أبو حمد: خلوني مع فوز .. أبي أرمسها بروحنا !
ظهر الكل من الغرفة .. وفوز استغربت طلب أبوها .. ليش يبا يرمسها بروحها .. معقولة يكون عارف شي ..
أبو حمد: قوليلي أشوف ليش ما تبين علي ؟!!
فوز: أنا وعلي مب مناسبين حق بعض
أبو حمد: أحينه عرفتي إنكم مب مناسبين .. ف يوم ملجتج؟؟
فوز: لأني أمس عرفت إنه متزوج !!
أبو حمد: قصدج مطلق !
فوز باستغراب: إنت كنت عارف!!؟
أبو حمد: هيه
فوز بصدمة: كنت تدري إن علي متزوج ومطلق وما قلت لي !! ليش .. إنت أبويه أنا وإلا أبوه !!؟
أبو حمد: هدي أعصابج يا فوز .. خليني أشرح لج كل شي وعقب رمسي
فوز: آسفة .. تفضل أبويه
أبو حمد: لمن رمسني علي وقالي إنه يحبج ويبيج .. قالي إنه تزوج وطلق حرمته وخبرني كل شي .. وبصراحة لو واحد ثاني ما جان قال هالشي .. بس هو اعترف لي وشفت إن علي هو الوحيد اللي راح يحافظ عليج .. ما جان مجبور ع شي .. مب مجبور يآخذ هالبنت ويعالجها برع .. يعني إنتي راح يرضيج لو سافر وياها وما بينهم أي شي ..؟!! ها دليل ع أخلاقه العالية يا فوز .. وبعدين اللي ما تعرفينه إن علي جان يبا يقولج وأنا اللي أقنعته يأجل هالموضوع لعقب .. يمكن تستغربين تصرفي بس أنا سويت هالشي عشانج لأني عارف إنج تحبينه وتبينه .. وفاليوم اللي قررت فيه أقولج هالشي سمعتج ترمسين ربيعتج وتقولين لها انج تحبينه ومستانسة وايد إنه مصر ع الملجة .. وما بغيت أخرب عليج وناستج .. وف نفس اليوم لو تذكرين رمستج وقلت لج متأكدة إنج تبينه .. فوز سعادتج عندي بالدنيا ولو أشوف إن علي ما راح يحافظ عليج جان وقفت ف ويه هالزواج ..
فوز: بس يا أبويه أنا ما أقدر أكون زوجة ثانية .. ليش تبون تكررون نفس اللي صار ويا محمد ..
أبو حمد: فيه فرق بين علي ومحمد .. محمد لمن ملج عليج كانت حرمته ع ذمته وحامل .. بس علي طلق البنت اللي تزوجها
فوز: طلقها بس كانت حامل لمن طلقها وكاهي من شهر تقريباً مربية ويايبة بنت !!
أبو حمد: شو !!
فوز: أكيد ما تعرف هالشي لأن علي نفسه ما عرف إلا أمس .. وإنت عارف إن عدة الطلاق تنتهي لمن تتطهر الحرمة بعد ما تولد .. يعني علي يقدر يرجع حرمته !! ما أقدر يا أبويه .. خلاص عفته .. وما أبيه
أبو حمد: لا حول ولا قوة إلا بالله .. والله يا بنتي أنا اللي علي سويته .. ومثل ما قلت لج من قبل هاي حياتج وأنا ما أبي أكرر غلطي وياج واللي تشوفينه صح سويه !!
في هالوقت دش الدكتور عسب يفحص ع فوز ويتأكد إنها بخير وما له داعي تقعد ف المستشفى .. ظهر أبو حمد عسب ياخذ الدكتور راحته ..
الدكتور: شحالج اليوم ؟؟
فوز: الحمدلله بخير ..
الدكتور: وأنا أشوف جيه بعد .. تبين تظهرين ؟؟
فوز: يا ليت والله ..
الدكتور: ممممم إن شاء الله بس قبل لازم نسويلج فحوصات نتأكد إنج بخير
فوز: ليش هالفحوصات ؟؟
الدكتور: فيه ناس يالسين ع راسي من لمن دشيتي المستشفى يبون يتأكدون إنج بخير وما فيج شي
فوز باستغراب: منو !!؟
الدكتور: ذياب !!
فوز: ذياب ؟؟
الدكتور: هيه .. ما تعرفينه ؟؟ قالي إنج من الأهل لو إني أشوف إن إصراره وسؤاله عنج يقول إن اللي بينكم شي أكبر من مجرد أهلية
فوز: شقصدك ؟!!
الدكتور: ولا شي .. بس يبين عليه إنه يحبج .. ع فكرة ترا ذياب رفيجي
فوز: متى راح تسوي الفحوصات ؟؟
عرف الدكتور إن فوز ما عيبتها الرمسة ولهالسبب غيرت السالفة .. أما فوز ف كانت مقهورة وايد من ذياب وتصرفاته الغبية اللي راح تضرها بالمقام الأول ..
الدكتور: عقب شويه راح تمر عليج الممرضة وتآخذج غرفة الأشعة
فوز: تمام ..
الدكتور: الحمدلله ع سلامتج مرة 2
فوز: الله يسلمك
ظهر الدكتور .. ودشوا كلهم من بعدها .. عدا حمد اللي اتصلت فيه أمون تبيه يروح يآخذها عشان تيي المستشفى تتطمن ع فوز ..
أم حمد: شقالج الدكتور ؟؟
فوز: عقب شويه راح تيي الممرضة تآخذني عسب أسوي أشعه ومن عقبها بيرخصني ..
أم حمد: الحمدلله
ريم: بترجعون البيت ؟؟
فوز: هيه .. أبي أزهب أغراضي باجر طيارتي
أبو حمد: مب احسن تقعدين جم يوم قبل لا تسافرين .. ع الأقل نتطمن عليج
فوز: الدراسة راح تبدا .. وبعدين أنا بخير ما فيني شي .. وكل ما كنت بعيد راح أكون بخير
أبو حمد: اللي تشوفينه يا فوز .. بس بعد كل شي يعتمد ع نتيجة الفحوصات وإن طلع فيهن شي ما راح أخليج تروحين تفهمين
فوز: إن شاء الله أبويه .. ريم وين تليفوني؟؟
ريم: بندته لأنه بصراحة صدع راسي من الاتصالات والمسجات ..
فوز: عطيني إياه أبي أدق حق مواز
ريم: ما يبته ويايه ف البيت .. العصر بييبه حقج
فوز: أوكي ..
كلها ربع ساعة ويات الممرضة تآخذ فوز عسب تسوي الفحوصات .. والكل تقريباً استأذن ع أساس إنهم بيمرون العصر يآخذونها البيت !!
بيت أبو عبدالعزيز ( العين )
السبت
الساعة 2:30 ظهراً
موزة ف بيت أختها .. عسب تحضر اليوم ملجة فوز وعلي .. عقب الغدا أختها وريلها وعيالهم بيسيرون بوظبي .. وروضة حاولت تقنع موزة تروح وياهم بس رفضت لأنها أصلاً يايه العين بس عسب خاطر فوز .. وإلا هي ما كانت تبي تيي خصوصاً إن آخر مرة كانت فيه صارت وايد أحداث مأساوية بالنسبة لها ..!
صعدت موزة دارها .. وللحين ما درت باللي صار ويا فوز .. ولا تدري إن الملجة تكنسلت .. قعدت ترتب أغراضهآ .. الفستآن والإكسسوارات وهالسوالف .. دق الباب وكانت روضة هي اللي يايه
موزة: دشي ..
روضة: شتسوين ..؟؟
موزة: أزهب أغراضي .. ع العصر بتمر الكوافيرة تسويلي شعري والميك آب ..
روضة: نايس والله .. احنا أحينه بنطلع
موزة: أوكيك .. درب السلامة
روضة: ما تخافين تقعدين بروحج ..؟؟
موزة: ههههههه وليش أخاف .. البشكارة هنيه .. وبعدين أول ما أخلص بيمر أحمد يآخذني يعني ماشي خوف
روضة: أوكي .. وبتردين البيت اليوم ؟؟
موزة: يب عقب الملجة ع طول
روضة: عيل ما بنشوفج لمن نرجع
موزة: أغلب الظن هيه ما راح تشوفوني
سلمت روضة ع موزة وعقبها يات أختها وسلمت عليها ووصتها ع روحها .. وترخصت سايرين صوب بوظبي .. !
ع الساعة 4 .. صلت موزة العصر وقعدت تنتظر الكوافيرة تييها .. كانت قاعدة ف دارها .. ومزهبة كل شي تقريباً .. دق آلباب وتوقعت إن البشكارة يايه
موزة: دشي ..
كانت تطلع فستانها م الكبت .. فما انتبهت منو دش آلغرفة .. ع بالها البشكارة .. واستغربت لمن سمعت صوت الباب ينقفل وأول ما صكرت فردة الكبت انصدمت بالشخص اللي واقف عند الباب .. !!
موزة بخوف: إنت شو تسوي هنيه ؟؟
سيف: أبي أرمسج
موزة: سيف اقصر الشر واظهر من داري .. إنت ينيت ..؟؟
كان سيف يقترب منها وهو مب حاس بنفسه .. وموزة تتراجع والخوف مبين ف عيونها ..
سيف: بعدج حلوة موزان
موزة: سيف اطلع برع لا تسويلي مصيبة ..
سيف: مب طالع .. لازم نرمس
موزة: ما بينا شي نرمس فيه .. اطلع م هنيه
وصلت موزة لنقطة ما قدرت تتحرك من عقبها وسيف جدامها مباشرة ..
سيف: أبوج ما يبا يعطيني إياج .. بخليه يترجاني آخذج ..
موزة: إنت شو تخبص ..
سيف: طيب غصب بآخذج .. أنا خسران ف كل حالاتي وما تفرق معي .. لكن دامج ما راح تكونين لي مستحيل أخليج تروحين لغيري
موزة: خوز عني .. لا تيودني ..
سيف: منو بيقدر ينقذج مني آليوم ..؟ محد ف البيت .. صارخي لين تشبعين محد راح يسمعج ..
كانت موزة تزحف ع الليدار وسيف قريب منها وبدا يتجرأ وحط إيده ع خدها .. وما حست إلا تصفعه كف ع ويهه ..
سيف بضحكة: كل شي منج عسل يا عسل ..
يود سيف إيد موزة .. اللي خلاص حست نفسها اليوم راح تنتهي حياتها .. وع إيد منو .. الشخص اللي تحبه وتموت عليه .. كانت تصارخ بس فعلاً منو بيسمعها .. البيت محد فيه .. حتى البشكارة اللي توقعت إنها راح تسمعها وتيي تنقذها .. سيف عمل حسابه وطرشها برع البيت ..
سيف: هههههههه أتخيل شكل أبوج والله لو درا .. بيبوس ريلي عسب آخذج .. عيل أنا يرفضني .. !!
موزة وهي تصيح : إنت مينون .. مستحيل تكون ف وعيك .. شقاعد تسوي ..
وبكل قوتها ضربته ع صدره .. وبعدته عنها .. وسارت تركض صوب الباب عشان تنزل وتظهر م البيت وأول ما وصلت الباب ما قدرت إلا تفتح القفل .. ووقفها سيف ..
موزة: أبوس ريلك يا سيف هدني حرام اللي تسويه ..
سيف: ما راح أخليج تروحين .. أنا أحبج تفهمين ..؟؟
موزة: واللي يسلمك سيف لا تسوي جيه فيني .. ليش تعاقبني ..
سيف: لان إنتي وأبوج حطمتوني .. أبويه مات وهو مب راضي عليه بسببج ..
موزة: وليش تحملني اغلاطك ..
سيف: راح أدمرج يا موزان .. وأدمر أبوج .. راح آخليه يندم ع اليوم اللي رفضني فيه ..
موزة: خوز إيدك عني يالوصخ ..
حاولت موزة تبعد سيف عنها وقدرت تفتح الباب وتظهر وسيف يركض وراها لين ما وصل عند الدري يود إيدها بس انفلتت وطاحت وتجلبت م فوق لتحت ..
سيف: مووووووزة ...؟؟؟؟
سار سيف يركض صوبها .. كان الدم يظهر منها .. وهي ما تتحرك .. حاول سيف يوعيها بس بدون فايدة .. خاف إنه يكون ذبحها شرات ما ذبح أبوه .. كان يصارخ عليها ويصيح .. ما قدر يتحمل المشهد اللي يشوفه .. خلاها ع حالها وظهر م البيت !!!
ع آلساعة 5 إلا ربع .. رجعت آلبشكارة وأول ما شافت موزة طايحة والدم يطلع منها قعدت تصارخ .. وسارت بيتهم أبو خالد تخبرهم .. يوا يركضوا أم خالد .. مهرة ومحمد .. حاولت مهرة توعيها بس بدون فايدة .. ومحمد اتصل ع الإسعاف بسرعة .. وكل واحد فوق راسه علامة تعجب وإستفهآم .. شو آللي ممكن يكون صآر مع موزة ؟؟؟!!!
محد جان يدري بالخبر للحين .. أول ما وصلت الإسعاف وخذت موزة ع المستشفى .. الكل سار وياها .. ونسوا يبلغون أخوها أو حد من أهلها عن الحادث ليش إن خوفهم عليها ما خلاهم يفكرون !!
المستشفى ( الشارجة )
الساعة 5:00 عصراً
كانت فوز تتريا أهلها إييون يآخذونها .. عقب ما سمح لها الدكتور تترخص ليش إنها صارت بخير .. ويلستها ف المستشفى بدون فايدة .. فهالوقت دق باب غرفتها .. وكانت ميرة ويا سعيد يايين يشوفونها ويتحمدون لها بالسلامة .. رحبت فيهم فوز لأنها عارفة إنهم ما يدرون عن اللي سواه علي .. ومالهم ذنب باللي صار ..!!
ميرة: شحالج أحينه ؟؟
فوز: الحمدلله بخير .. شخباركم إنتو ؟؟
ميرة: الحمدلله أمورنا طيبة
فوز: أحس ما تهنيتوا بعرسكم ..
سعيد: ما عليه العمر جدامنا وبنستانس .. أهم شي إنتي تكونين بخير
فوز: لا تحاتي أنا بخير .. وبشوفتكم صرت أحسن ..
ميرة: بترجعين البيت اليوم ..؟؟
فوز: هيه إن شاء الله .. عقب شوية الأهل بيمرون يآخذوني
ميرة: فرصة نشوفهم ونسلم عليهم ..
سعيد: ومتى بتسآفرين ؟؟
فوز: باجر إن شاء الله .. مابي أيلس هنيه .. أحسن أكون بعيد ع الأقل هالفترة .. لأن صج نفسيتي وايد تعبآنة !!
ميرة: فواز .. وربي ما كنا ندري عن زواج علي .. غير أمس هو اعترف لنا .. حتى سعيد رفيجه الروح بالروح ما قاله ..
سعيد: أنا كنت أدري إنه يرمسها .. وعارف تفاصيل علاقته فيها بس ما توقعت إنه يتزوجها .. لا وفوق ها تربي بنته ..
فوز: الحمدلله ع كل حال .. والحمدلله إني عرفت هالشي قبل لا نملج لأني ما راح أتقبل فكرة أكون مطلقة للمرة الثانية ..
ميرة: إنتي تستاهلين واحد أحسن من علي .. حتى لو جآن أخويه .. بس هم ما يستاهل ظفرج
فوز: ما علينا .. بسألج مواز ما دقت عليج ..؟؟ ما أظن تدري باللي صار وأخافها تعبل ع روحها وتيي
ميرة: إحنا متواعدين اليوم تمر علي ونروح ويا بعض بس نسيت أخبرها اللي صار ..
فوز: كنت أبي أتصل فيها بس فوني عند ريم وخبرتها وهي يايه تييبه وياها
ميرة: هاج فوني دقي عليها
فوز: مب مشكلة آحينه بييون الأهل وبدق عليها
ميرة: فواز شو هالرمسة مآ بينا دقي عليها .. الساعة 5 آحينه أخاف يتأخرون أهلج ومواز تيي
فوز: هيه والله ..
دقت فوز ع موزة بس محد يرد .. ودقت مرة 2 وثالثة ورابعة .. وآخر شي ردت عليها حصة ..
فوز: مواز ..؟؟
حصة: لا .. وياج حصة حرمة اخوها
فوز: السلام عليج .. شحالج حصة ؟؟
حصة: وعليج السلام والرحمة .. الحمدلله بخير
فوز: إلا مواز وينها ..؟؟
جان حصة صوتها متغير م الصياح .. ومع إن فوز لآحظت هالشي بس ما حبت تفكر بشي ما زين .. يمكن تتزهب أو مشغولة أو ف الحمام .. ها جان تفكير فوز ف عدم رد موزة ع التليفون ..!
الكل جآن مراقب هيئة فوز اللي تغيرت أول ما سمعت الخبر .. وكانوا يدققون ع رمستها بإهتمام ..
فوز: شو ..؟؟؟ متى وشلون صار جيه ؟؟
حصة: من نص ساعة تقريباً .. ومحد يدري اللي صار .. البشكارة شافتها طايحة جدام الدري وتنزف .. بس شلون طاحت ما نعرف!!
فوز: وشو صحتها ..؟؟
حصة: ف غرفة العمليات .. عندها نزيف
فوز: أنا بيي احينه .. أي مستشفى ..؟؟
بندت فوز عن حصة عقب ما خذت اسم المستشفى .. أعز رفيجاتها ف المستشفى وهي آخر من يعلم !! بس اللي مستغربتنه شلون صار وياها جيه ؟؟؟!!!
ميرة: شفيها مواز ؟؟
فوز: أبي أسير العين .. مستحيل أخليها بروحها .. رفيجتي بين الحياة والموت ..
ميرة: شو؟؟؟
فوز: مواز ف المستشفى .. وحالتها خطيرة !!
سعيد: لا حول ولا قوة إلا بالله ..
فوز: سعيد دق حق أبويه خليه إيي أبي أروح أشوف مواز
سعيد: أنا بوديكم .. مآ يحتاي تكلفين ع هلج
فوز: ما أدري
انفعلت فوز وكانت تبجي بقوووة .. فقدانها لـ علي ولا شي جدام فقدانها لأعز رفيجاتها .. كانت خايفة يصير شي ف موزة .. ساعتها فعلاً راح تنتهي !!
سار سعيد وخلص آجراءات المستشفى .. وتجدمن فوز وميرة ع السيارة عقب ما اتصلت حق أهلها وخبرتهم اللي صار .. وأبوها تفهم وضعها لأنه عارف شكثر علاقة فوز بموزة قوية !!
عقب مرور أسبوع
علي للحين عنده أمل إنه يسترد فوز .. مع إنه عارف إن هالشي صعب وإن فوز ما راح تسامحه بسهولة بس فاعتقاده دام تحبه أكيد راح تتغاضى عن اللي صار ! ما يدري إنه نحت جروحه فقلبها لين خلاها تمحيه من حياتها !!
وجان يومياً تقريباً يروح يشوف بنته .. وما مخلي عليها قاصر مول .. وها هو الشي اللي كانت شوق تبيه إن علي يتعود ع وجود فوز ف حياته وفوز بعد تتعود عسب إذا صار فيها شي .. تكون مطمنة ع بنتها عند علي !!
فوز .. اللي صار ويا موزة خلاها تنسى علي .. وما تفكر باللي صار .. رغم إنها وايد حزينة ع فقدانه وتحس نفسها مكسورة بس متأكدة إن الله راح يعوضها بواحد أحسن منه .. واللي ما حافظ عليها فالبداية أكيد ما راح يقدر يحافظ عليها عقب .. ومن بعد ما تطمنت ع حالة موزة قررت تسافر لأن الدراسة صار لها أسبوع من بدت وما تبي تتأخر أكثر .. وسفرها راح يكون بالسبت !!
موزة .. تعرضت لنزيف بسبب طيحتها .. بس الحمدلله عدت مرحلة الخطر .. رغم إنها للحين ف العناية بس حالتها أفضل من قبل بوايد والأطباء اقترحوا إنهم يسفرونها برع .. مع إنهم قدروا يسيطروا ع النزيف وها أهم شي حالياً بس ما يعرفون شو الأضرار اللي ممكن يكون مخها تعرض لها وخايفين إنها تتعرض لإعاقة لا سمح الله .. غير جيه عندها كسر ف إيدها اليسار ورضوض ف عمودها الفقري !!
واقترحت فوز ع أهلها يسفرونها ألمانيا .. الأطباء هناك ممتازين ويقدرون يساعدونها .. وهي راح تكون موجودة وما بتخليها بروحها .. بس كانت المشكلة الوحيدة منو راح يروح وياها ..؟!! أبوها ريال كبير ومريض .. وأحمد ما يقدر يخلي حرمته ليش إنها جريب تولد .. وحميد مسافر ..!!
غيث .. آحساسه يقوله إن السالفة مش مثل ما الكل تصورها وهي إن موزة طاحت من ع الدري وبروحها .. بس ما قدر يقول .. جان وايد مضايج بسبب اللي صار وأول ما عرف بالخبر انصدم وعلى طول راح المستشفى عسب يطمن عليها .. غيث راح يرمس أبو حميد إنه يبي موزة ع سنة الله ورسوله ف نفس اليوم اللي جان المفروض تكون فيه ملجة فوز وعلي .. وطبعاً جان متوقع إنه يرفض خصوصاً إنه وضعه نفس وضع سيف لمن خطبها ولنفس السبب اللي رفض فيه سيف .. بس آستغرب لمن شاف ردة فعل أبوها مختلفة وايد يمكن لأنه قاله مستعد يآخذ لها بيت ويعيشون جريب منهم وهالشي خلاه يرتاح لغيث وايد .. حتى لو ما بادر بهالخطوة بس تأكد إنه غيث يبي بنته ومستعد يسوي المستحيل عشانها .. ووعده إنه راح يرمس البنت ويآخذ رايها .. ويرد له خبر ف أقرب فرصة !!
ميرة .. كانت وايد مضايجة بسبب اللي صار ويا فوز .. تحس عين ضربتهم وبالقوو .. بالأول فوز وأحينه مواز .. غير جيه المفروض ها آخر كورس ف الدراسة وموزة بسبب اللي صار راح تتأخر خصوصاً عقب ما قرروا أهلها يباشرون بإجراءات السفر !! أما بالنسبة لحياتها ويا سعيد فبالرغم من كل هالأحداث اللي صارت بس علاقتها ف سعيد ما تأثرت وللحين مستانسين بزواجهم .. يمكن لانها كانت فاقدة الشخص اللي يهتم فيها ويداريها .. خصوصاً عقب ما آلتهآ كل واحد من خوانها بأموره الخاصة .. وسعيد هو الشخص اللي قدر يخليها تحس بقيمتها وأهميتها ..!
سيف .. جان يومياً يروح يسأل عن موزة وحالتها الصحية .. خصوصاً إنه عارف ومتأكد إنه السبب فاللي صار .. طبعاً هالشي جان يسويه بدون علم حد ليش إنه ما يبي يكون فالصورة .. وللحين محد يدري باللي سواه .. لو إن أحمد قدر يعرف من البشكارة إن سيف جان موجود ف البيت وجان يتصل فيه بس جهازه مبند !!
ذياب .. الشي اللي ما تعرفه فوز إن ذياب طول هالفترة جان وياها وما خلاها بروحها .. ومن مراقبته لها يمكن قدر يعرف كل تفاصيل حياتها اللي غايبه عنه .. ويعرف هي شو تحب وشو تكره ومنو أقرب الناس لها .. يمكن غيره يشوف هالشي غباء .. بس خوفه ع فوز هو اللي يخليه يسوي كل ها ..!!
،
نهآية آلجزء
ترقبوآ آلجزء آلحآدي وآلثلآثون
والأخيـــــــــــــــر !
ســــحـــايـــب شــــوق
¬°•| قيادية متميزة |•°¬
يسلموووووووووووووووووا
روعه على روعه
الله يعطيك العافيه
روعه على روعه
الله يعطيك العافيه
بسم الله الرحمن الرحيم
السلام عليكم و رحمة الله و بركاتهـ،
:icon_smile_big: // بانتظارها تكتمل و بقراها ~
لانه تحترق اعصابي يوم انتظر ~
،
تم تثبيت الموضوع بواسطة الهتن
احتراماتي
السلام عليكم و رحمة الله و بركاتهـ،
:icon_smile_big: // بانتظارها تكتمل و بقراها ~
لانه تحترق اعصابي يوم انتظر ~
،
تم تثبيت الموضوع بواسطة الهتن
احتراماتي
حكاية روح
¬°•| سَحَابة صَيفْ |•°¬
الهتن اتريي انتي وانا بنط ع راسج اخبرج الاحداث بسرعه اخرب :arg:
ندوش يعطيج العافيه نترقب البارت الأخير
ندوش يعطيج العافيه نترقب البارت الأخير
هلا
بصراحه القصه تصلح حج التمثيل و يـــآ ريت صج تتمثل واااااااااااااااااااااااااااااااااااااااااايد حلووووووووووه مدري شلون اجولج بس صج حلوه تسلم ايدج ع الروايه الحلوه ذيـــــــ’
:imuae83::imuae83::imuae83::imuae83::imuae83::imuae83::imuae83::imuae83:
بصراحه القصه تصلح حج التمثيل و يـــآ ريت صج تتمثل واااااااااااااااااااااااااااااااااااااااااايد حلووووووووووه مدري شلون اجولج بس صج حلوه تسلم ايدج ع الروايه الحلوه ذيـــــــ’
:imuae83::imuae83::imuae83::imuae83::imuae83::imuae83::imuae83::imuae83:
بريميه وافتخر
¬°•| عضو جديد |•°¬
ما شاء الله عليج .....
الله يعطيج العافيه القصه ما جريتها لحد لحين كلها لانها واااااااااااااااايد
طــــــــــــــــــــويـــــــــــــلهـ
تقبلي مروري:2253446f49dd40fbf5e
الله يعطيج العافيه القصه ما جريتها لحد لحين كلها لانها واااااااااااااااايد
طــــــــــــــــــــويـــــــــــــلهـ
تقبلي مروري:2253446f49dd40fbf5e
ALROUH
¬°•| عضو مبتدى |•°¬
حبيبتي نزلي البارت اتريا عالنار
أنثــى استثنائيــة
¬°•| عضو فعّال |•°¬
رواية رائعة,, ابدعتي عزيزتي
أعجبتني بالرغم من أنني لست من محبي الروايات ولا اكملها عادةً
بانتظارك,,
آلســــــلام عليكــــــم ورحمــــة آلله وبــــركآآآآآته ..
عدّنــآ .. وآلعــــودُ أحمـــــــــد ..
أعتذر على آلغيآب آلطويل اللآذع .. لكنهآ آلظروف ومشآغل آلحيآة تأخذنآ إلى حيث لآ ندري .. وآليوم سـ أختتم قصتي بـ إذن آلله .. وقبل طرح آلجزء الأخيـــــر وددت وضع آخر مآ جآء في الجزء قبل الأخير لـ آلتذكير عند أي حد وقفت آلقصة .. فـ بسبب طول آلغيآب قد تكون بعض الأحدآث غآبت عن آلبآل دون قصد ..
ملخص آلجزء قبل الأخير ..
عقب مرور أسبوع
علي للحين عنده أمل إنه يسترد فوز .. مع إنه عارف إن هالشي صعب وإن فوز ما راح تسامحه بسهولة بس فاعتقاده دام تحبه أكيد راح تتغاضى عن اللي صار ! ما يدري إنه نحت جروحه فقلبها لين خلاها تمحيه من حياتها !!
وجان يومياً تقريباً يروح يشوف بنته .. وما مخلي عليها قاصر مول .. وها هو الشي اللي كانت شوق تبيه إن علي يتعود ع وجود فوز ف حياته وفوز بعد تتعود عسب إذا صار فيها شي .. تكون مطمنة ع بنتها عند علي !!
فوز .. اللي صار ويا موزة خلاها تنسى علي .. وما تفكر باللي صار .. رغم إنها وايد حزينة ع فقدانه وتحس نفسها مكسورة بس متأكدة إن الله راح يعوضها بواحد أحسن منه .. واللي ما حافظ عليها فالبداية أكيد ما راح يقدر يحافظ عليها عقب .. ومن بعد ما تطمنت ع حالة موزة قررت تسافر لأن الدراسة صار لها أسبوع من بدت وما تبي تتأخر أكثر .. وسفرها راح يكون بالسبت !!
موزة .. تعرضت لنزيف بسبب طيحتها .. بس الحمدلله عدت مرحلة الخطر .. رغم إنها للحين ف العناية بس حالتها أفضل من قبل بوايد والأطباء اقترحوا إنهم يسفرونها برع .. مع إنهم قدروا يسيطروا ع النزيف وها أهم شي حالياً بس ما يعرفون شو الأضرار اللي ممكن يكون مخها تعرض لها وخايفين إنها تتعرض لإعاقة لا سمح الله .. غير جيه عندها كسر ف إيدها اليسار ورضوض ف عمودها الفقري !!
واقترحت فوز ع أهلها يسفرونها ألمانيا .. الأطباء هناك ممتازين ويقدرون يساعدونها .. وهي راح تكون موجودة وما بتخليها بروحها .. بس كانت المشكلة الوحيدة منو راح يروح وياها ..؟!! أبوها ريال كبير ومريض .. وأحمد ما يقدر يخلي حرمته ليش إنها جريب تولد .. وحميد مسافر ..!!
غيث .. آحساسه يقوله إن السالفة مش مثل ما الكل تصورها وهي إن موزة طاحت من ع الدري وبروحها .. بس ما قدر يقول .. جان وايد مضايج بسبب اللي صار وأول ما عرف بالخبر انصدم وعلى طول راح المستشفى عسب يطمن عليها .. غيث راح يرمس أبو حميد إنه يبي موزة ع سنة الله ورسوله ف نفس اليوم اللي جان المفروض تكون فيه ملجة فوز وعلي .. وطبعاً جان متوقع إنه يرفض خصوصاً إنه وضعه نفس وضع سيف لمن خطبها ولنفس السبب اللي رفض فيه سيف .. بس آستغرب لمن شاف ردة فعل أبوها مختلفة وايد يمكن لأنه قاله مستعد يآخذ لها بيت ويعيشون جريب منهم وهالشي خلاه يرتاح لغيث وايد .. حتى لو ما بادر بهالخطوة بس تأكد إنه غيث يبي بنته ومستعد يسوي المستحيل عشانها .. ووعده إنه راح يرمس البنت ويآخذ رايها .. ويرد له خبر ف أقرب فرصة !!
ميرة .. كانت وايد مضايجة بسبب اللي صار ويا فوز .. تحس عين ضربتهم وبالقوو .. بالأول فوز وأحينه مواز .. غير جيه المفروض ها آخر كورس ف الدراسة وموزة بسبب اللي صار راح تتأخر خصوصاً عقب ما قرروا أهلها يباشرون بإجراءات السفر !! أما بالنسبة لحياتها ويا سعيد فبالرغم من كل هالأحداث اللي صارت بس علاقتها ف سعيد ما تأثرت وللحين مستانسين بزواجهم .. يمكن لانها كانت فاقدة الشخص اللي يهتم فيها ويداريها .. خصوصاً عقب ما آلتهآ كل واحد من خوانها بأموره الخاصة .. وسعيد هو الشخص اللي قدر يخليها تحس بقيمتها وأهميتها ..!
سيف .. جان يومياً يروح يسأل عن موزة وحالتها الصحية .. خصوصاً إنه عارف ومتأكد إنه السبب فاللي صار .. طبعاً هالشي جان يسويه بدون علم حد ليش إنه ما يبي يكون فالصورة .. وللحين محد يدري باللي سواه .. لو إن أحمد قدر يعرف من البشكارة إن سيف جان موجود ف البيت وجان يتصل فيه بس جهازه مبند !!
ذياب .. الشي اللي ما تعرفه فوز إن ذياب طول هالفترة جان وياها وما خلاها بروحها .. ومن مراقبته لها يمكن قدر يعرف كل تفاصيل حياتها اللي غايبه عنه .. ويعرف هي شو تحب وشو تكره ومنو أقرب الناس لها .. يمكن غيره يشوف هالشي غباء .. بس خوفه ع فوز هو اللي يخليه يسوي كل ها ..!!
/
بـعد قليل .. /
ترقبّو آلجزء الحآدي وآلثلآثون
والأخيــــــــــــــر !!
المطآر
يوم السبت
الساعة 5:00 عصراً
آرحلي دامك نويتي ترحلين
وآتركيني في معآناة السهر
وآتركيني لليآلي وآلسنين
آللي مثلي كم تعود ينتظر
آسمعيني كآن ودك تسمعين
كلمتين بخآطري قبل السفر
حبك بقلبي ترآ لو تعرفين
بآقين ويآي لو غبتي دهر
وآذكريني كآن قصدك تبعدين
وآذكري قلبن لبعدك مآ صبر
آلعيون تقول وآلقلب آلحزين
مآ نبي إلا ذكريآتك وآلصور
ودعي يآ عين دمعك وآلحنين
مآ يفيد آلدمع ذآ حكم آلقدر
وآصبري وآللي آنكتب على آلجبين
لآزم نشوفه على مر آلعمر
كم تمنيتك بحآلي تشفقين
منتظر منك ولو لمحة نظر
آرجعي خلي آلليآلي تستبين
لآ تخليني على نآر آلقهر
جان فالمطار .. بس ما قدر يرمسها .. شافها وهي تسلم على أهلها قبل لا تدش صالة الإنتظار الخاصة بالمسافرين ع درجة البزنس .. جان وده يكون موجود بينهم .. بصفته ريل فوز .. يسلم عليها يودعها قبل لا تروح !!
دشت فوز الصالة تنتظر وقت رحلتها .. مع إنها مآ كانت تبي تسافر وموزة للحين ع حالتها بس اضطرت تروح ليش إنها أجلت أسبوع م الدراسة وما تقدر تأجل أكثر !!
الساعة 7:00 ركبت فوز الطيارة .. يلست ع المقعد آلخآص فيها .. عقب مآ حطت أغراضها اللي خذتهم وياها في المكان الخاص فيهن .. كانت تشوف ع برع .. وفبالها تمر الأحداث اللي صارت ع مدار هالإجازة اللي يات فيها البلاد .. أول مآ يات كانت مستانسة وبترد ألمانيا وهي محملة وياها جناط من الهموم والأحزان .. !
تفكيرها باللي صار وياها .. ما خلاها تنتبه ع الشخص اللي يالس حذالها في الطايرة .. جآن ذيآب ! طلب الكآبتن م الركاب ربط حزام الأمان وبدت الطايرة تمشي شوي شوي وفوز للحين سرحآنة وذياب يشوف عليها بس ما حب يخرب عليها تفكيرها العميق !
المضيفة:لو سمحت بس لو تخبر المدام تربط الحزام
ذياب: إن شاء الله ولا يهمج
ذياب: فوز .. فوز
للحين مب مستوعبة إن اللي زقرها هو ذياب ..
فوز: هآه !
أول ما لفت ويهها وشافته تفاجأت .. ذياب شو يسوي هنيه !!
ذياب بابتسامة: اربطي حزامج وإلا تبيني أربطه حقج ؟
للحين تحاول تستوعب وجود ذياب حذالها .. ربطت حزامها وطالعته بنظرة وصدت الصوب الثاني !
ذياب: لهالدرجة وجودي مضايجنج ؟؟
فوز: شو تسوي هنيه ؟!
ذياب: شو أسوي بعد .. ساير ألمانيا
فوز: وليش مب مسافر من قبل ؟؟
ذياب: ما قدرت أسافر بدونج
فوز: ممكن أفهم آنت شو اللي تبيه بالضبط ؟
ذياب: إذا علي رضا إنه يخسرج .. أنا مستحيل ارضآ بهالشي
فوز بإرتباك: إنت مب فاهم شي .. آحنا بس أجلنا الملجة
ذياب: أنا أدري عن كل شي يا فوز .. وعارف إنج مجروحة بس قاعدة تكابرين
فوز: خلك بعيد عن حياتي يا ذياب .. لأنك مستحيل تكون جزء منها
ذياب: عآرف إني مستحيل أكون جزء من حياتج لأني راح أكون حيآتج كلها
فوز: إنت ليش تسوي كل ها ..؟؟
ذياب: مش قادرة تستوعبين للحين إني أحبج
فوز: هههههههههههههههههه تصدج ضحكتني .. تحبني ؟؟
ذياب: هيه نعم .. ومستعد أسوي أي شي عشانج
فوز: تعرف جم واحد قالي أحبج ..؟؟ اصبر خل أعدهم .. مممممم فهد ولد ييرانا .. تعرف شو نتيجة أحبج .. خلتني آحس إني وحده رخيصة من زود ما جان يضايجني بنظراته .. سلطان اللي يدرس ويايه .. قالي أحبج .. ولوث سمعتي ف الجامعة .. محمد قالي أحبج وطقني ف يوم ملجتي .. وعلي .. علي الوحيد اللي لمن قالي أحبج كنت أبادله هالحب تعرف شو سوا ؟؟ جذب علي طلع متزوج وعنده بنت .. وآحين إنت ياي .. تقولي أحبج .. وبعدها شو ناوي تسوي فيني .. تذبحني ؟؟ هههههههههههه اسكت واللي يعافيك .. كلكم من نفس الطينة .. بلا ضمير وبلآ أخلاق !
ذياب: مو كلنا واحد .. اللي يحب يضحي عشان اللي يحبه .. منو فيهم ضحى عشانج ؟!! ولا واحد يا فوز .. هالشي معناته إنهم ما يستاهلونج
فوز: وإنت واحد منهم !
ذياب: أنا غير
فوز: وشاللي يخليك غير ؟؟
ذياب: ليش مو حابه تعطيني فرصة ؟؟
فوز: يمكن لا شفت إنك تستاهلها عطيتك
ذياب: يعني أنا ما أستاهل ؟؟
فوز: ما أدري .. ومابي أتكلم في الموضوع
طالعت فوز الصوب الثاني وسكت ذياب .. عقب ما دق الجرس ع المضيفة تييب له ماي .. انتبهت عليه فوز وهو يظهر من جنطته حبوب وخذاهم .. جان يبين عليه تعبان
فوز بخوف: شفيك ذياب ؟؟
ما رد عليها .. لأن حالته ما كانت تسمح إنه يرد وقتها .. وفوز ما عرفت شو تسوي .. هالحالة دوم تييه وذياب لين ما آلحبوب يسوي مفعوله يحتاي له وقت ..
فوز: ذياب ؟؟ شو صار لك ؟؟ أنا آسفة مب قصدي آضايجك برمستي
حرك إيده ما يبيها تتكلم .. ف سكتت والخوف مبين ع ويهها .. وبعد 10 دقايق رجع الوضع طبيعي .. كانت الدمعة ف عينها وذياب يشوف عليها ..
ذياب: لا تخافين ما فيني شي .. بس حسيت بتعب شوي
فوز: شو هالحبوب اللي خذيتهم ؟!
ذياب: حبوب حق الصداع
فوز: الصداع ؟؟ ليش إنت يصير فيك جيه لمن إييك الصداع ؟؟
ذياب: هيه !
فوز: أوكي ع راحتك لو إني ما اقتنعت بهالشي
ذياب: ما أعتقد إني أهمج عسب تعرفين
فوز: صح معك حق !
جان الوضع متكهرب ما بينهم .. فتحت فوز رواية وقعدت تقرا وذياب بين لحظة والثانية يشوف عليها ويتأمل فشكلها البريء .. وبعدها حطت رآسها ونآمت ليش إنها كانت حاسة بالتعب وجدامهم وقت لين ما يوصلون برلين !!
شقة أبو حمد - ألمآنيا
يوم الأحد
الساعة 8:00 مساءاً
فوز بدارها قاعدة ترتب أغراضها حق الدوام بآجر .. كانت حاسة بملل فضيع .. بعد ما خلصت ترتيب الأغراض اتصلت تسأل عن مواز اللي المفروض توصل باجر ألمانيا للعلاج .. خبروها إن حالتها مستقرة نوعاً ما بس ها مش معناته إنها ما تحتاي للعلاج .. وكانت المشكلة الوحيدة منو اللي بيسافر وياها .. قالوا لها إن الموضوع انحل بس شلون ما تدري !!
من وصلت ما شافت هند وعلي ولهانه عليهم وايد .. وقررت تروح الشقة تسلم عليهم وتقعد وياهم لوقت النوم .. دقت الجرس وانتظرت حد يفتح لها .. ودقت مرة 2 وثالثة .. يا ف بالها إنهم رايحين مكان فقررت ترجع شقتها وقبل لا تدش الشقة انفتح الباب وانتبهت ع ذياب اللي فتح الباب ومن عقبها طاح ع الأرض !!
سارت فوز صوبه .. ويودت راسه عسب تشوف شو فيه .. وهي تبجي من الخوف ..
فوز: ذياب ..؟؟ شفيك .. رد علي ..؟؟
ذياب: بـ م و وت ..
فوز: ذياب .. قولي شفيك .. ليش جيه حالتك .. شصار عليك ؟؟
فقد ذياب وعيه حاولت إنها ترد توعيه بس بدون فايدة .. خافت يكون صار فيه شي .. أو إنه يكون مات .. ودشت الشقة تشوف إذا حد موجود .. بس اللي ما تعرفه فوز إن أهل ذياب للحين ما رجعوا من الكويت .. جان المفروض يوصلون العصر بس تأخرت طيارتهم وبيوصلون ع الساعة 11 .. ما عرفت شلون تتصرف .. شافت واحد يظهر من الشقة اللي ف نهاية الممر .. وسارت صوبه وهي تصارخ
فوز: أخويه أرجوك ساعدني ..
زياد: شفيج أختي .. ليش تبجين ؟؟
فوز: تعال وياي !!
شاف زياد ذياب اللي طايح ع الأرض .. واتصل ع الإسعاف بسرعة وفأقل من ربع ساعة يو وخذوا ذياب .. وفوز سارت ويا زياد ولحقوهم ع المستشفى !!
أول ما وصلوا المستشفى .. خذوا ذياب ع العناية المركزة وبدوا بعلاجه .. فوز كانت واقفة برع ويا زياد ينتظرون الطبيب يظهر ويطمنهم عليه .. جان زياد يشوف عليها وجأنه مشبه عليها أو شايفنها من قبل .. أما فوز فكانت تحاتي ذياب اللي مب مرتاحة للحالة الصحية اللي هو فيها !
زياد: أختي لا تسوين ف روحج جيه .. إن شاء الله ما عليه شر
فوز: ما أبي يصير فيه شي ..
زياد: ريلج ؟!
فوز: لا .. معرفة بس !
زياد: لا تخافين إن شاء الله راح يقوم بالسلامة
فوز: إن شاء الله .. مشكور أخوي تعبتك وياي .. خلاص تقدر تروح
زياد: لا والله ما يصير أخليج هنيه بروحج
فوز: فيك الخير والله
زياد: ما أدري كأني شايفنج من قبل
فوز: وين ممكن تكون شايفني ؟!
زياد: ما أدري بس شكلج مو غريب علي
فوز: عادي يخلق من الشبه أربعين
زياد: هيه والله
فوز: من رمستك يبين عليك إماراتي ؟؟
زياد: هيه
فوز: هلا فيك أخويه تشرفت
زياد: لي الشرف والله !
دق تليفون فوز .. كانت هند متصلة فيها .. آستغربت أول ما شافت باب شقتهم مفتوح ومحد هناك وراحت شقة فوز ودقت عليها بس ما تفتح وخافت يكون صاير شي ..
فوز: هلا هند
هند: فوز إنتي وينج فيه ؟؟ ليش ما تفتحين الباب ؟؟
فوز: أنا مو ف الشقة .. إنتو آحين وآصلين؟؟
هند: هيه .. تأخرت طيآرتنآ وآحين واصلين بس .. إنتي وين وذياب وينه ما شفناه وليش باب شقتنا مفتوح .. صاير شي ؟؟
فوز: هند إحنا ف المستشفى .. بس ماله داعي تخبرين الوالدة أخاف تيلس تحاتي ..
هند: ليش ..؟؟ شو هناك ؟؟
فوز: ذياب جان مريض بس آطمني صحته أحسن أحين
هند: إنتو وينكم فيه .. أنآ أحين بيي
فوز: أنا وياه .. ما يحتاي إنج تيين خصوصا إن الوقت متأخر
هند: مو مشكلة بخبر السايق إييبني .. قوليلي إنتو وين ؟؟؟
خبرت فوز هند عن المستشفى ووين هم بالضبط .. وبندت عنها وفهاللحظة ظهر الدكتور ونشت فوز تكلمه وتسأله عن حالة ذياب .. تبي أي شي يطمنها عليه .. كانت تحس بتأنيب ضمير بسبب معاملتها القاسية لذياب .. وما عارفة شو تسوي .. تلوم نفسها لأن هي السبب في اللي قاعد يصير لذياب ع حسب إعتقادها !
الدكتور جان صديق ذياب ودارسين ويا بعض بس هو أكبر منه بسنتين ..
فوز: طمني دكتور .. ذياب شفيه ؟!
الدكتور: إنتي فوز ؟؟
فوز: هيه نعم .. شدراك فيني ؟؟
الدكتور: ذياب أول ما فتح عيونه .. طرا اسمج
فوز: يعني هو بخير؟؟
الدكتور: ما فيه إلا العافية
فوز: شو عنده ؟؟
الدكتور: إلتهابات بسيطة سببت له ضيق ف التنفس
فوز: دكتور الله يخليك لا تخبي علي .. قولي ذياب شعنده؟؟
الدكتور: اللي خبرتج إياه .. مافي شي 2 .. وإذا حابة تتأكدي دشي شوفيه .. هو قالي أزقرج !
فوز: أوكي .. شكراً دكتور تعبناك ويانا .. وآسفة بس والله كنت زايغة عليه
الدكتور: ما صار شي .. والحمدلله ع سلامته
فوز: الله يسلمك !
طالعت فوز صوب زياد اللي يالس يشوف عليها ومستغرب من آهتمامها الزايد وخوفها على ذياب وفنفس الوقت طيبة قلبها ومراعاتها لمشاعر أهله ..
فوز: أخوي لو سمحت .. إلا صدج ما قلت لي إنت شو آسمك ؟؟
زياد: أنآ زيآد .. وإنتي فوز صح ؟؟
فوز: هيه .. أنا بدش أشوف ذياب .. مابي أكلف عليك خلاص تقدر تروح وما أدري بصراحة كيف أشكرك ع اللي سويته .. ما راح أنسالك هالمعروف طول حيآتي
زياد: ما سويت إلا الواجب .. وما راح أروح إلا لما أطمن عليج .. وبعدين ما يصير أخليج هنيه إنتي يايه وياي
فوز: مو مشكلة أحين هند بتيي وعقب بنرجع سوآ
زياد: عيل بيلس هنيه ليمن هند تيي
فوز بإبتسامة: ع رآحتك !
دشت فوز ع ذياب اللي جان يالس يشوف ع الصوب الثاني وما انتبه لها وهي داشة ..
فوز: الحمدلله ع السلامة ..
طالعها ذياب .. وشاف عليها بنظرة كلها حب خلت فوز تنزل راسها من الحيآ .. وتحس بإحسآس غريب أول مرة تحس فيه مع إنه ذياب كان دوم يشوف عليها ونظراته لها ما تحرك فيها أي شي !!
ذياب: الله يسلمج
فوز: زين جيه خرعتني عليك ..؟؟ آحمد ربك مآ طحت أنآ بعد عقب ما شفتك !
ذياب: خفتي علي وآيد ؟؟
فوز: وايد .. لا تسوي جيه مرة 2 .. ليش إنت ما تفكر ف صحتك .. أستغرب بصراحة إنت دكتور ع شو .. دام صحتك اللي هي أهم شي عندك ما تفكر فيها ..!؟
ذياب: ومنو قالج إن صحتي أهم شي عندي ؟؟
فوز بإستغراب: عيل ؟؟
ذياب: إنتي !
فوز: أنآ شو ؟؟
ذياب: إنتي أهم شي عندي .. حتى أهم من صحتي !
فوز: مو وقته هالكلام يا ذياب !
ذياب: متى بتقتنعين إني أحبج ؟! وأبيج ؟؟ وحياتي ولا شي من غيرج ؟؟ متى بتقتنعين إن القدر جمعنا ف بعض عشان نكون حق بعض ؟!
فوز: أنا بروح .. أحين هند بتيي
ذياب: لا .. عشآن الدموع اللي نزلن اليوم منج من خوفج علي .. لا تروحين ..
فوز: بخليك ترتاح !
ذياب: ما أشوف راحتي إلا لا صرتي إنتي معي !
فوز: زين ممكن تأجل الكلام فهالموضوع ؟؟
ذياب: لمتى ؟!
فوز: لين ما تظهر م المستشفى وتكون بخير !!
ذياب: وعد !!
فوز: وعد
ذياب بابتسامة: خبري الدكتور أبا أطلع أنا بخير
فوز: لا والله .. ما راح تطلع اليوم وبعدين الدكتور يقول إن اللي يصير وياك سببه إنك ما تآخذ الدوا ف وقته !!
ذياب: صح !!
فوز: أدري ترا .. كل ما شفت نفسك تعبان خذيته .. وأسألك هآ حبوب شو اللي تآخذه تقول حق الصداع !!
خاف ذياب تكون فوز درت عن المرض اللي فيه مع إنه موصي الدكتور ما يخبر حد ويقولهم أي شي .. خصوصاً إنه لاحظ معاملة فوز له تغيرت وهو خايف يكون إحسآسها صوبه شفقة وبس !!
فوز: ليش ما قلت لي إن عندك إلتهابات ف الصدر ؟!
ذياب: إلتهابات ف الصدر !!
فوز: هيه الدكتور يقول إن عندك إلتهابات
ذياب: هيه .. هاي من فترة فيني عادي يعني .. لا تحاتين أنا بخير
فوز: أتمنى !!
ذياب: تخافين علي !!
فوز: أنا بسير أشوف هند يمكن تكون وصلت !!
عند زيآد !!
كان يالس ويفكر ف اللي صار وياه .. أول ما شاف ذياب كان وايد خايف عليه لأنه أول مرة ينحط ف موقف جيه .. بس لأن فوز كانت تصيح وما عارفة تتصرف قوى من نفسه عشان يساعدها !!
رفع راسه .. وانتبه ع البنت اللي واقفة عند الرسيبشن ويبين عليها تسأل عن مريض !! أول ما خبروها المكان .. سارت صوبه ولما وصلت جريب رفعت راسها .. طاحت عينها ف عين زياد .. وانصدمت !!!
وهو من صدمته وقف وجان يشوف عليها .. ما مصدق معقولة بعد هالسنين كلها يشوفها مرة 2 !!
هند: زياد !!
زياد: هند !!
انترست عيونها دموع ما قادرة تصدج .. عقب كل هالسنين ترجع تشوف زياد مرة 2 .. شكثر الدنيا صغيرة !!
زياد: قولي إنج هند !! معقولة إنتي هند !!
هند: يا الله .. هذا إنت زياد !!
زياد: هيه يا هند .. ها أنا !
وكأنه زياد تذكر هو ليش هنيه .. وتذكر إن فوز اتصلت فـ هند عسب تيي .. يعني هند أخت ذياب !!
بدت دموعها تنزل وهي تتذكر اليوم اللي تخلى فيه زياد عنها .. عقب قصة الحب اللي عاشوها مع بعض .. نساها ونسى كل شي مع إنه كان يحبها ويبيها !!
زياد: شحالج ؟!!
هند: عايشة للحين يا زياد ..
زياد: هند لازم نتكلم !
هند: ما بينا شي عشان نتكلم !
زياد: وايد أشياء بينا .. لازم نحلها
هند: اللي انكسر عمره ما يتصلح .. إنت شفت حياتك وأنا بعد شفت حيآتي !
زياد: تزوجتي ؟؟
هند: لا .. مو مستعيلة ع الزواج !
زياد: أو ما قدرتي تنسيني ؟؟
هند: تأكد إني نسيتك
زياد: حتى لو نسيتيني بس أكيد للحين تحبيني
هند: هه وايد واثق من نفسك !!
زياد: اللي جان بينا أكبر من مجرد علاقة حب بين اثنين يا هند
هند: فعلاً جان أكبر من جيه وإنت صغرته وخليته ولا شي
زياد: واعتذرت لج
هند: وما نفعني الإعتذار .. ما رد لي عمري اللي ضآع ولا مشاعري اللي انلعب فيها !!
زياد: إنتي تعرفين زين إني كنت مجبور وعارفة ظروفي عدل
كانت فوز واقفة وتسمعهم وتشوف هند اللي تصيح وملامح ويهها تبين إنها يالسة تتذكر أشياء مرت فيها وجرحتها .. ونظرات زياد لها كلها أسف وحزن ع اللي سواه فيها .. شافت إنها تزقرها أحسن عشان تطلعها من الجو اللي دشت فيه خصوصاً إنها ما عارفة شو قصة هند ويا زياد وعمرها ما يابت لها طاري إنها كانت تحب أو تعرف واحد !!
فوز: هند !
انتبهت هند ع فوز وسارت صوبها وطاحت ف حضنها .. ما استغربت فوز هالشي بس كانت متأكدة إن السبب اللي يخلي هند تصيح هو زياد مش أخوها ذياب !!
فوز: هدي نفسج يا هند .. ماله داعي تبجين !!
هند: ذياب وينه .. أبي أشوفه
فوز: أخوج بخير ومافيه إلا العافية توني طالعة من عنده
هند: بسير أشوفه
فوز: أوكي !!
زياد: فوز أنا بروح .. خلاص تطمنت عليكم
شافت عليه هند وهي مب فاهمة شي بس ما حبت تسأل .. ومشت سايرة صوب غرفة أخوها !!
فوز: ليش بتروح ؟؟
زياد: أكيد وجودي يضايج هند !
فوز: إنت تعرفها !!
زياد بابتسامة حزينة: أكثر من نفسي !!
فوز: أوكي ذياب مابي أتدخل ف شي ما يخصني .. تقدر تروح ومشكور وايد لأنك ساعدتنا
زياد: العفو أختي .. ولو بغيتوا أي شي ف أي وقت أنا موجود وإن شاء الله ما راح أقصر
فوز: تسلم .. فيك الخير
زياد: سلمي ع ذياب وتحمدي له بالسلامة .. وعلى هند !
فوز: إن شاء الله !
راح زياد .. وسارت فوز عند هند وذياب .. عقب ما يلست تفكر شو اللي ممكن يكون صاير بين هند وزياد!!
هند: هلا فوز وين اختفيتي
فوز: كنت أرمس زياد .. شكرته ع اللي سواه
ذياب: منو زياد ؟!!
طالعت فوز ع هند .. اللي كانت تشوف عليها وكأنها تبا تعرف زياد ليش هنيه !!
فوز: زياد هو اللي ساعدني واتصل ف الإسعاف .. أول ما شفتك طايح ما عرفت شلون أتصرف ..
هند: وإنتي وين شفتيه زياد ؟!
فوز: جان ظاهر من الشقة اللي حذالكم !!
هند: شو !!!
ذياب: شفيج هند بلاج تفاجأتي !!
هند: هاه .. ماشي بس استغربت
ذياب: وشو اللي خلاج تستغربين ؟!
هند: ما أذكر إني شفته من قبل !!
فوز: ولآ أنا بس أظن إنه توه واصل م الإمارات
هند: شي طيب !!
ذياب: ليش ما دش بسلم عليه وبشكره
فوز: أنا شكرته نيابة عنك وقالي أسلم عليكم
ذياب: الله يسلمه .. لا طلعت من هنيه بروح له بنفسي أشكره
فوز: تسوي خير .. إلا هند ما قلتيلي لي ؟؟
هند: شو ؟؟
فوز: شو قلتي حق خالتي وإنتي يايه ؟؟
هند: قلت لها رفيجتج مريضة وإنتي بالمستشفى وتبيني أيي آخذج
ذياب: شو هالجذب ؟؟
هند: كنت مضطرة فوز وصتني ما أخبرها شي
فوز: وما سألت عن ذياب ؟؟
هند: سألت قلت لها كلمته وهو عند ربعه بيتأخر شوي
فوز: تصدجي وايد شاطرة .. أخوج ما بيطلع اليوم !!
هند: عادي هي متعودة ع سفراته المفاجئة عقب بقولها بيبات عند ربعه
ذياب جان يشوف ع فوز وهي ترمس ويا هند بعفوية .. وايد مستانس بوجودها وياهم .. ما درا إن المرض راح يخليها تلين بهالطريقة وإلا جان مرض من زمان !!
المستشفى – ألمانيا
يوم الإثنين
الساعة 5:00 عصراً
عقب ما خلصت فوز محاضراتها ع طول راحت المستشفى .. ليش إنها درت إن موزة وصلت ألمانيا اليوم الصبح وهي ف المستشفى للعلاج .. وقررت تروح تشوفها وبالمرة تتطمن ع ذياب وتشوف إذا بيرخصونه اليوم أو لا !
أول ما وصلت راحت تسأل عن موزة وخبروها غرفتها وين وسألت عن حالتها الصحية شلون وقالوا لها إنها بخير بس للحين ما فتحت عيونها .. قررت تمر ع ذياب قبل عشان تيلس وقت أكثر مع موزة وما تحاتي شي !!
فوز: السلام عليكم
ذياب: وعليكم السلام .. هلا والله
فوز: شحالك اليوم ؟!
ذياب: حد يشوف القمر وما يكون بخير !
فوز: متى بيرخصونك ؟!
ذياب: ما أدري .. شوفيهم ترا صج مليت أبي أطلع
فوز: برمس الدكتور وأنا طالعة
ذياب: وين بتروحين ؟!
فوز: يايه أشوف رفيجتي هنيه وقلت بمر أشوفك قبل لا أروح لها
ذياب: يعني إنتي ما يايه عشاني !
فوز: قلت لك يايه أشوف ربيعتي وقلت بمر أطمن عليك
ذياب: يعني مو عشاني !
فوز: ذياب شفيك ترمس شرات اليهال !! لو ما أبا أيي كنت ما ييت !!
ذياب بابتسامة: زين لا تعصبين علي ترا أنا للحين مريض !
فوز: إنت يالس تتدلع !
ذياب: زين خليني أتدلع دام لآقي اللي يدلعني
فوز: أنا بسير ..
ذياب: ما يلستي !
فوز: لازم أروح أطمن ع موزة
ذياب: أوكي
تحركت فوز من مكانها بتظهر من الغرفة بس ذياب زقرها وطالعت صوبه تشوف شو يبا !
ذياب: لا تنسي تشوفي الدكتور عشان يرخصني اليوم !
فوز: إن شاء الله
مشت فوز بتطلع .. وزقرها مرة 2 ..
ذياب: فوز !
طالعت صوبه وما قالت شي بس ويهها قال إنها ودها تصفع ذياب ع هالإستهبال .. وفخاطرها تقول ما يايين نخلص اليوم !
ذياب بابتسامة: أحبج !
كأنها ما سمعت .. وراحت عنه بدون لا تقول شي .. ومع إنها مو أول مرة تسمع هالكلمة من ذياب بس حست بإحساس غريب ما قدرت توصفه لحظتها .. وعشان تطرد هالاحاسيس راحت بسرعة صوب غرفة موزة !
قبل لا إدش الغرفة دق تليفونها .. كانت هند متصلة فيها تسأل وينها فيه وخبرتها إنها ف المستشفى عند ربيعتها .. وقالت لها هند إنها راح تيي وبالمرة تشوف ذياب وإذا بيرخصونه راح تآخذه معها !!
دشت فوز الغرفة وتفاجأت أول ما شافت الريال اللي واقف جريب موزة وميود إيدها !
فوز: غيث !!
غيث: هلا فوز .. شحالج ؟!
فوز وهي مو مستوعبة اللي يصير: شو تسوي هنيه ؟!
غيث: ياي ويا موزة !
فوز: ما فهمت .. بصفتك شو ياي وياها !!؟
غيث بابتسامة: بصفتي ريلها !
فوز بصدمة: شو ؟؟!
غيث: ملجت ع موزة قبل لا نيي هنيه
فوز: وبدون موافقتها ؟!!
غيث: هي تدري إني أحبها وكنت ناوي أخطبها
فوز: بس ما قالت إنها موافقة .. شلون أبوها وافق ؟!
غيث: فوز حالة موزة الصحية خلت أبوها يوافق لأن محد جان ممكن إيي وياها .. وأنا كنت مرمس أبوها من قبل وهو موافق بس كان يتريا يشاورها !
فوز: ما أدري شو أقولك يا غيث .. أدري إنك تحبها وراح تحطها ف عيونك بس إنت قاعد تغامر !
غيث: أغامر ؟! ما فهمت !
فوز: يعني يمكن موزة ما تبيك ؟! وبعدين إنت تشوف وضعها الصحي شلون وما تعرف شو ممكن يصير فيها .. افرض بعيد الشر ما قدرت تمشي مرة 2 .. أو صار لها أي شي !! راح تقدر تستمر وياها !
غيث: إنتي تتحرين أنا ملجت عليها شفقة !! أقولج أحبها وأبيها شلون ما كانت
فوز: أنا ما أقول جيه عشان أحبطك .. بس موزة رفيجتي وما أبيها تتعذب كافي اللي صار وياها !
غيث: أوعدج يا فوز إني أخلي حياتها كلها سعادة ف سعادة .. بس هي تشد حيلها وتقوم بالسلامة َ
فوز: إن شاء الله .. شو قال الدكتور ؟!
غيث: بيسوولها العملية باجر وإن شاء الله خير
فوز: هي ما فجت عيونها ؟!
غيث: لا .. بس الدكتور يقول عادي احتمال حتى ما تفتح عيونها لعقب العملية !
فوز: الله يشفيها !
غيث: آمين يا رب .. شحالج إنتي ؟؟
فوز: الحمدلله بخير ..
غيث: أحين يايه م الجامعة ؟!
فوز: هيه ..
غيث: عيل روحي ارتاحي .. أنا هنيه مع موزة وإذا احتينا شي راح أتصل فيج
فوز: خلني يالسة شوي .. عقب بروح .. ما قلت لي وين آستأجرت شقة ؟!
غيث: ف فندق جريب م المستشفى !
فوز: دام جيه عيل روح آرتاح أنا بيلس مع موزة لين المغرب مو زين إنت ياي من رحلة طويلة ومن أمس مو راقد
غيث: مرتاح بيلستي هنيه لا تحاتيني
فوز: لا غيث .. روح إرتاح عشآن خآطر مواز وعشان تقدر تيلس عندها بالليل وما تتعب .. كافي علينا مريضة وحده
غيث: إن شاء الله فوز .. أنا بروح أسبح وأصلي وبريح شوي .. يعني ع الساعة 7 أو 8 بكون هنيه .. ومشكورة وايد
فوز: إنت ما تعرف غلاة مواز ف قلبي .. فلا تشكرني لأني ما يالسة أسوي إلا اللي المفروض إني أسويه
غيث: فيج الخير والله .. أشوفج عقب عيل
فوز: تمام .. بحاول أمر ع الدكتور أفهم منه وضع مواز شو
غيث: تسوين خير لأني حاولت أشوفه وما قدرت !
راح غيث .. ويلست فوز تشوف ع موزة وهي تفكر بردة فعلها لو درت إن غيث صار ريلها وبدون علمها ! آخر شي كانت تتوقعه فوز إن أبو مواز يوافق ع غيث .. مع إنه السبب اللي رفض عشانه سيف متوفر ف غيث وهو بعد المكان !!
شقة أبو ذياب
يوم الإثنين
الساعة 6:15 مساءاً
هند متزهبة عشان تروح المستشفى تشوف أخوها وتتطمن عليه .. دشت عليها أمها تسأل عن ذياب اللي مصكر تليفونه وكانت تحاتيه وايد ليش إنها من رجعت م السفر ما شافته ..
أم ذياب: ع وين إن شاء الله ؟؟
هند: ع المستشفى ماماتي .. فوز بروحها هناك بسير أيلس وياها
أم ذياب: سلمي عليها وايد .. من رجعنا ما شفناها
هند: إن شاء الله .. أول ما نرد أكيد بتمر تسلم عليج
أم ذياب: وأخوج وينه ؟؟ اتصل فيه تليفونه مبند
هند: يمه لا تحاتينه تعرفين ذياب معودنا يختفي ويظهر أكيد مسافر ويا ربعه
أم ذياب: مو متعود يسافر بدون لا يخبرنا
هند: ترا هو مطرش لي رسالة وقال إنه سافر ويا واحد م الربع بس ما قال وين !
أم ذياب: هند لا تجذبين علي .. إذا أخوج فيه شي قوليلي
هند: يمه الله يهديج شو ممكن يكون فيه .. قلت لج مسافر ويا واحد م الربع واليوم أو باكر بالكثير بيرجع
أم ذياب: شلون مسافر وجنطة السفر هنيه وملابسه هنيه
هند: تعرفين عنده جنطة إحتيآطية ف السيارة وأكيد عارف نفسه ما راح يطول عسب جيه مآ خذ وايد ملابس .. المهم أنا بسير أحين لا أتأخر ع فوز
أم ذياب: أوكي بس مو تتأخرين ف الردة
هند: إن شاء الله ماماتي !
باستها ع راسها وطلعت هند م الشقة , في الوقت اللي جان زياد يطلع فيه من شقته .. انتبه عليها بس هي ما انتبهت وراحت صوب اللفت تنتظره .. انفتح ودشت ولما صدت ع ورا عشان تحطه ع الأرضي تفاجأت بزياد يدش معها اللفت !!
ما عرفت شلون تتصرف .. انصك اللفت عليهم وهي ساكتة وما تقول شي ولا رفعت راسها عشان تشوف عليه .. أما زياد ف ما خاز عيونه عنها !
زياد: هند لازم نتكلم !
هند: ما بينا شي نتكلم فيه يا زياد .. ولا عاد تزعجني أنا خلاص نسيتك ونسيت كل اللي صار وإنت بعد لازم تنسآ
زياد: مو قبل لا نتكلم ونتفاهم
هند بإنفعال: نتفاهم ع شو !؟ وعقب شو ؟!
انفتح باب المصعد وظهرت هند وزياد وراها ع طول .. ولما كانت بتروح صوب السيارة عشان السايق يوصلها المستشفى .. يودها زياد من إيدها !
زياد: بتروحين وياي !
هند: ما بسير .. وهد إيدي لا تخليني ألم الناس عليك
زياد: ما راح أهدج وسوي اللي تبينه !
جان للحين ميود إيدها بقوة وسحبها صوب سيارته وركبها سيارته .. بدت دموعها تنزل بس ما قالت شي ولا تكلمت .. هي عارفة إن زياد ما راح يسويلها شي بس مجرد وجودها معه يخليها تتذكر كل الأشياء اللي صارت .. حرّك زياد السيارة صوب منطقة هادية عشان يقدر يكلم هند فيها ع راحته ..!
زياد: لا تبجين .. دموعج تذبحني !
هند: ليش سويت جيه ؟؟
زياد: لأني لازم أكلمج !
هند: مابي منك شي .. نزلني !
زياد: هند لا تصيرين شرات اليهال خلينا نعرف نتفاهم
سكتت هند .. بس دموعها للحين تنزل .. أما زياد فكان عارف إن اللي سواه غلط وما المفروض يآخذ هند بالطريقة اللي خذاها فيها بس ما كانت عنده طريقة ثانية لأنه يدري ومتأكد إنها مستحيل توافق تقابله أو تسمعه !!
وقف السيارة .. كانت منطقة جريب البحر .. وهند ما تكلمت ولا قالت شي .. بس بدت تهدآ شوية وتمسح دموعها .. بند السيارة وفتح الدرايش بس ما نزل وقرر يكلمها ف السيارة !!
زياد: أنا أحبج ! وإنتي عارفة هالشي عدل ! ولأني أحبج سويت هالشي .. أدري إني غلطان والطريقة اللي يبتج فيها هم غلط .. بس إنتي ما خليتي لي مجال وكنت متأكد إنج راح ترفضين تتكلمين ويايه
هند: ليش رجعت !!
زياد: القدر رجعني .. أنا مثلج تفاجأت لمن شفتج ف المستشفى وتفاجأت أكثر لما دريت إن نسكن ف نفس العمارة !!
هند: شو تبا مني !!؟
زياد: هند أنا للحين أبيج وشاريج ومستعد أخطبج من أهلج
هند: عقب شو يا زياد ؟! عقب ما تخليت عني بكل سهولة ؟! عقب ما خذلتني وتنازلت عني ؟؟
زياد: إنتي تدرين إن اللي سويته جان غصب عني .. وأنا شرحت لج من البداية ظروفي !
هند: وقلت لي إنك راح تسوي المستحيل عشان نتزوج .. وقلت لي حتى لو أهلك رفضوا راح تحاول مرة ومرتين وعشر عشان تنقذ حبنا .. ووعدتني إنك ما راح تيأس ولا تتنازل عني بسهولة !! بس ما سويت شي من ها كله !! ليش ياي أحين تفتح ملفات جديمة .. سنين وأنا أحاول أدفنها !!
زياد: هند واللي يسلمج فهميني .. وقتها كل الظروف كانت ضدي بس الوضع تغير أحين !!
هند: وبنت خال أمك .. بعد تغيرت ؟!!
زياد: تزوجت وراحت ف حال سبيلها !!
هند: يعني شو ؟!
زياد: أنا ما تزوجت .. تعتقدين لمن أهلي رفضوا زواجنا .. أنا خذيت هذيج البنت ؟! يمكن كنت ضعيف وتخليت عنج بسهولة ومن عقبها إنتي سافرتي .. بس أنا رمستها وقلت لها إني ما أحبها ولا أبيها وإن فيه وحده بحياتي .. وقلت لأهلي لو ما خذيتج ما راح آخذ وحده غيرج .. ما بجذب عليج حاولت أنساج وأأقلم نفسي على الوضع اليديد وأحبها بس ما قدرت .. ما قدرت أتخيل وحده غيرج تكون زوجة لي!!
هند: وشو المطلوب مني أحين ؟!
زياد: نتزوج !
هند: بهالبساطة !!؟
زياد: كافي اللي ضاع من عمرنا يا هند .. حرام عليج .. ما تعرفين شكثر حاولت أوصل لج .. ما خليت حد من ربيعاتج ما سألتها عنج وكلهن يقولن ما يعرفن شي عنج من يوم سافرتوا .. القدر يبينا نكون لبعض وإلا ما كنا إلتقينا مرة 2 يا هند !! أنا أحبج وللحين شاريج فكري عشان خاطري ولا تتسرعين بقرارج !
كانت هند تصيح ومو عارفة شو تقول .. زياد صدمها بكلامه .. ما توقعت إن زياد للحين مو معرس .. ع بالها عقب ما سافرت تزوج وصار عنده عيال بعد .. ليش إن السالفة صايرة من جم سنة أحين !!
هند: أبي أرجع البيت .. لازم أروح المستشفى عند ذياب !!
زياد: أنا بوديج !
هند: ردني البيت !!
زياد: لا تصيرين عنيدة .. بوديج المستشفى وعقب خبري السايق إيي يآخذج م المستشفى !!
هند: بسرعة !!
ابتسم زياد .. هند ويعرفها عدل دام سكتت يعني تفكر .. ودام تفكر يعني للحين تحبه وتبيه مثل ما هو يبيها .. حرك سيارته صوب المستشفى .. وأول ما وصلوا وقبل لا تنزل عطاها رقمه عشان تخبره بقرارها .. خذت الرقم ونزلت من السيارة !!
المستشفى
يوم الإثنين
الساعة 7:00 مساءاً
فوز مع موزة .. ميودة كتاب نسيان كوم لأحلام مستغانمي ويالسة تقرا .. وتفكيرها كله فـ علي !! كانت تتوقع منه يتصل أو حتى يرسل ويحاول يبرر لها موقفه وليش سوا اللي سواه رغم إنها تدري إنها ما راح تسمعه ولا راح تعذره !!
دق الباب .. كانت تعتقد إن غيث هو اللي ياي بس استغربت لمن شافت هند .. خصوصاً إن شكلها مبين إنها كانت تبجي .. حطت فوز الكتاب ع صوب وسارت تشوف شفيها !
فوز: بلاج هند .. ليش تبجين ؟؟
طاحت هند ف حضن فوز وكملت صياحها .. وفوز خافت يكون ذياب صار فيه شي .. خصوصاً إن هند قالت لها راح تمر ع ذياب وبتشوف بالمرة الدكتور إذا بيرخصه أو لا !
فوز: لا تخوفيني .. ذياب فيه شي ..؟!
هند: لا !
فوز: عيل ليش تبجين ؟؟
هند: وايد مضايجة يا فوز .. ما عرفت وين أروح أو ويا منو أتكلم
فوز: شصاير يا هند ..؟؟ تعالي قعدي .. وفهميني شو مستوي ؟؟
يلست هند وراحت فوز تييب لها ماي تشربه عشان تعرف تتكلم بهدوء ..
عقب ما هدت شوي خذتها صوب القسم الثاني م الغرفة عشان ما يضايجون موزة .. وعشان تآخذ هند راحتها ف الكلام أكثر !!
فوز: أحين أبيج تفهميني شو اللي صاير ؟؟
هند: زياد !
أول ما سمعت فوز اسم زياد توقعت إنها بدت تفهم تفاصيل السالفة .. واستغربت هند إن فوز ما تفاجأت لمن قالت اسمه مع إنه شخص غريب وما عرفته غير أمس !
فوز بابتسامة: تحبون بعض صح ؟!!
هند: شدراج ؟!
فوز: لاحظت هالشي أمس وإنتو تشوفون ع بعض .. حسيت إنكم تعرفون بعض وصارت لكم فترة طويلة مو شايفين بعض ! بس اللي استغربته إنج عمرج ما يبتيلي طاري زياد ولا قلتيلي إنج كنتي تحبين حد !
هند: لأني كنت أبآ أنسا اللي صار .. وفعلاً نسيته لو ما شفته أمس وذكرني !!
فوز: كيف عرفتوا بعض !!
هند: بقولج كل شي .. وأبيج تنصحيني وتقولين لي شو أسوي !!
فوز: أكيد يالغالية ما راح أخليج .. وبساعدج باللي أقدر عليه !
هند: كنا في الإمارات .. أول دولة يسافر لها أبوي ويآخذنا وياه .. كنت مخلصة الثانوية العامة وقتها وسجلت في الجامعة الأمريكية .. ولأن المكان جان غريب علي .. طول الليل ما نمت كنت أفكر شلون بتقبل الدراسة فمكان مختلط واللي فيه من كل الجنسيات .. أول يوم دراسة هو أول يوم شفت فيه زياد ! هو أكبر مني بسنتين تقريباً .. اللي صار إن بعد المحاضرة التعريفية المطولة اللي عطونا إياها .. قررت أرد البيت عقب ما اتصلت ف السايق إيي يآخذني .. لما ييت أنش حسيت راسي يدور وما قدرت أوقف ع ريولي م التعب وما دريت إلا وأنا طايحة ع الأرض وزياد فوق راسي يحاول يوعيني !
محد كان ف الكلاس وما كنت أعرف حد وقتها .. زياد جان مار صوب الكلاس وانتبه علي ويا صوبي .. حاول يقومني بس بدون فايدة وفتح جنطتي شاف فيها عطر وخلاني أشمه وبديت أستعيد وعيي !!
زياد: إنتي بخير؟!!
هند: هيه
زياد: شفيج شو صارلج ..؟! أكيد هب متريقة اليوم ؟!
هند: إنت منو ؟! وشو صاير !!
زياد: شفتج طايحة ع الأرض خفت بصراحة تحريت شي فيج
هند: أنا بخير لا تحاتي .. ومشكور تقدر تروح أحين
زياد: ما يصير أخليج جيه لازم أطمن عليج قبل .. وين تبيني أوديج
هند: أقدر أمشي .. وأحين بيي السايق وبيآخذني لا تكلف ع نفسك
زياد: ما فيها كلافة لا تقولين جيه .. ممممم إنتي يديدة هنيه ؟!
هند: هيه .. ها أول يوم لي
زياد: يبين عليج هب مرتاحة وايد م الدراسة هنيه .. إذا احتيتي أي شي أنا موجود ما يردج إلا لسانج
هند: مشكور أخوي ما تقصر !
نشيت من مكاني وطلعت عنه ليش إنه السايق وصل ورجعت البيت على طول .. كنت تعبانة فنمت وما عطيت نفسي مجال أفكر باللي صار ولا اهتميت أصلاً لهالشخص .. واليوم اللي عقبه كنت ف الكلاس لما انتبهت عليه واقف عند الباب ويشوف علي .. استغربت شو يبا خصوصاً إني ما كنت أعرف شي عنه حتى اسمه ما عرفته وعقب ما خلصت المحاضرة دش القاعة ويا يسلم علي !
زياد: كنت مار وقلت بتطمن عليج .. شحالج أحين ؟
هند: الحمدلله بخير .. شلونك إنت؟؟
زياد: أسمراني هع .. أمزح معج .. بخير ونعمة الحمدلله
هند: بخليك أحين لازم أمر ع الأدفايزر آخذ منه بعض المعلومات
زياد: أوكي بس قبل أبا أعطيج شي
هند: شو ؟!
زياد: عطرج .. هاج ! نسيتيه أمس !
هند: وين نسيته ؟!
زياد: آلسموحة منج بس أنا لمن شفتج طايحة توقعت إني ممكن ألآقي عطر ف جنطتج ففتحتها .. وأمس لأنج كنتي مستعيلة نسيتي تآخذيه معج
هند: أوكي .. ثانكس تعبت نفسك لو ما يبته عادي
زياد: يعني يصير أحتفظ فيه ؟!
هند: ليش تحتفظ فيه !؟
زياد: عيبتني ريحته أفكر آخذ حق خطيبتي واحد
هند: أوكي !
استأذنت عنه وطلعت م الكلاس .. وخلصت كل أشغالي وعقبها رجعت البيت .. مر الأسبوع عادي وهادي كنت أحياناً أصادفه ف الجامعة ويسلم علي وجيه .. وفيوم كنت يالسة ف الكوفي شوب بروحي شفته ياي صوبي وسلم ويلس بدون لا يستأذن حتى !!
هند: مو من الذوق تيلس بدون لا تستأذن .. ع فرض إني ما سمحت لك تيلس كنت بتيلس !!
زياد: آسف انزين .. بس شفتج يالسة بروحج قلت بيي أيلس وياج
هند: المفروض تستأذن قبل
زياد: اصبري انزين بعيد الحركة مرة 2
هند: إنت مينون ؟!!
زياد: لا أنا زياد .. وإنتي شو اسمج ؟!!
بدون لا أحس ابتسمت ع كلامه .. مآخذ الأمور بسلاسة وكل شي عادي عنده .. وما حبيت أكبر الموضوع ليش إني كنت ممتنة له بسبب اللي سواه معي أول يوم !!
هند: اسمي هند !
زياد: عاشت الأسآمي .. حلو اسمج وايد
هند: عاشت أيآمك !
زياد: ما قلتيلي ليش كله بروحج ؟!
هند: ما أحب أختلط وايد ف الناس .. ومو بروحي عندي ربيعتي بس هي مو فاضية فهالوقت عندها محاضرة !
زياد: كيف شفتي الجامعة !؟؟
هند: عادية !
زياد: الظاهر هب حابة تدرسين هنيه ؟؟
هند: لا بس مجبورة ليش إن باباتي يداوم هنيه ولازم نكون وياه
زياد: أبوج وين يداوم ؟
هند: ف السفارة ..!
زياد: حلو .. يعني حتى يلستج هنيه ما راح تطول !
هند: لا !
زياد: شقايل جدول محاضراتج ؟؟
هند: ليش تسأل عنه ؟!
زياد: أبي أشوف إذا يصير نلتقي ف محاضرة أو لا !
هند: ليش إنت أول سنة لك هنيه ؟؟
زياد: لا أنا من سنتين أدرس بس فيه مواد مشتركة أحياناً ويصير نآخذها ويا بعض !
هند: آهاا .. طيب أنا عندي كلاس أحين بخليك
زياد: أوكي ..
تفاجأت عقب جم يوم إنه معي ف محاضرة ، فصرت أشوفه وأكلمه يومياً ، وكلفنا الدكتور بعرض والمفروض كل طالب يختار طالبة تشاركه ف العرض .. وطبعاً اختارني أنا فاشتغلنا مع بعض وزادت علاقتنا ف بعض وبديت أحس بشي صوبه .. يمكن إعجاب أو حب ما قدرت ساعتها أحدد بس اللي كنت أعرفه عدل إن اليوم اللي يمر بدون لا أشوفه مو محسوب من عمري ، أما هو ف كان كل شي مبين على ويهه .. رغم إنه ما اعترف لي بحبه صراحةً فهذيك الفترة بس كان مبين عليه إنه يحبني .. وأنا حسيت بهالشي من اهتمامه وسؤاله وتصرفاته !
على نهاية السنة كنت أتوقع إني خلاص ما راح أشوفه لأن أبويه قال احتمال نسافر دولة ثانية .. وزياد لهاك الوقت ما قال إنه يحبني .. رغم إن كنا متواصلين ويا بعض لآخر يوم في الدراسة .. رسلت له رسالة ع ايميله الخاص بالجامعة أسلم فيها عليه وأودعه وأشكره على كل شي سواه معي خلال السنة الدراسية الأولى اللي قضيتها ف الجامعة .. انتظرت الرد وايد بس تأخر وخابت كل آمالي فيه لين ما يا اليوم اللي فتحت فيه إيميلي وشفت رسالة من عنده .. كنت وايد مستانسة لأنه وصلني شي منه .. على طول فتحتها وقريتها !! احساسي وقتها محد يقدر يوصفه .. الإنسان اللي حبيته مطرش لي رسالة يقول فيها إنه مو بس يحبني إلا يموت فيني .. وإنه كان وايد متردد بخصوص اعترافه لي بهالشي .. وإنه عارف ومتأكد إني أحبه وأبيه وواثق من هالشي .. كنت أقرآ والأرض مو شآيلتني م الوناسة اللي كنت فيها ! بس !
كانت فوز متفاعلة ويا القصة اللي تحكيها هند لها .. رغم إنها قصة حقيقية بس تحس إن السيناريو مالها غريب وايد ..
فوز: بس شو !؟
هند: هو خاطب وحده من هله وحاجزنها !!
فوز: شلون جيه !!؟
هند: انخطبت من واحد وقبل لا يردون عليه يو لعند زياد وسألوه إن جان يبا البنت أو لا ! ولأنه وقتها ما كان يفكر فالحب وعرف إن البنت تحبه وتبيه وافق وحجزها !
فوز: بهالسهولة !!
هند: اللي حسيته من رسالته ساعتها إنه يقطع عني الأمل نهائياً .. وفنفس الوقت كان متعاطف معي وايد .. أنا رديت ع الرسالة وقلت له ينساني وما يفكر فيني وتمنيت له السعادة والتوفيق ومن عقبها ما دشيت .. كنت أبي أشرد م الوضع اللي حطيت نفسي فيه وعقب فترة وصلتني رسالة ع تليفوني في البداية استغربت الرقم بس لما قريت محتواها عرفت إنه زياد !! كان يقول إنه ما يقدر يعيش بدوني وإنه قرر يكلم أهله إنه ما يبي هذيك البنت وفباله وحده ثانية ! في البداية رفضت هالشي لأني ما حبيت أبني سعادتي على تعاسة انسانه مالها ذنب فكل اللي صار .. بس للأسف ما قدرت أستمر ع رفضي !! يلست أفكر تعاسة شخصين وسعادة شخص أفضل من تعاسة شخص وسعادة شخصين !!؟ وقررت إني أستمر وياه وفعلاً بدت السنة الدراسية الثانية لي والرابعة له .. وعلاقتنا فيها تزيد أكثر وأكثر !!
تعلقنا ف بعض لدرجة إن ولا واحد فينا يقدر يستغنى عن الثاني وخططنا حق كل شي يخص حياتنا ويا بعض .. ورسمنا أحلام وأحلام .. لين ما يا اليوم اللي قرر فيه زياد يفاتح أهله بالموضوع وهالشي كان ع نهاية السنة الدراسية !! وقبلها بكم يوم كنا متفقين ما نتواصل ويا بعض إلين ما يطرش لي رسالة يخبرني فيها قرار أهله !!
أول ما شفت الرسالة انصدمت !! طبعاً كان قرار الرفض هو اللي متصدرنها .. أهله عصبوا عليه شلون يعطي الناس كلمة في البداية وعقب يغير رايه وبنات الناس مو لعبة ومن هالكلام !! بس اللي صدمني أكثر وخلاني أنهار وقتها ردة فعله هو .. بسهولة تخلى عني .. بسهولة تنازل عن حبنا وأحلامنا وعن كل شي جمعنا .. كنت مصدومة فيه لدرجة كبيرة وما عرفت شو أقول !! بس رديت ع الرسالة وقلت له كل اللي فخاطري ومن عقبها ما علق ولا رسل لي !!
فوز: أساساً من البداية موقفه جان صعب يا هند !
هند: أدري يا فوز .. بس هو وعدني يسوي المستحيل عشان نكون حق بعض .. وعشان أنا أكون راضية إذا الله ما كتب لنا نكون حق بعض .. وما نفذ وعده !! من أول مرة كلم فيها أهله استسلم وبكل سهولة !
فوز: إنتي دخلتي نفسج فهاللعبة والمفروض تكوني حاسبة حساب لكل شي ممكن يصير وأولهم قرار الرفض !
هند: حاسبة حساب لرفض أهله .. بس ما حسبت حساب لضعف زياد وخوفه وخذلانه لي !!
فوز: طيب .. شو صار عقب .. ابداً ما التقيتوآ !!؟
هند: عقب اللي صار .. أنا هديت الدراسة في الجامعة وتقرر إن نسافر فما كملت دراستي عقبها .. وطبعاً بندت رقمي لأني ما عدت أحتايه خصوصاً إن يلستنا هناك كانت مؤقتة .. ومن آخر رسالة طرشها لي ما عرفت عنه شي ولا شفته !!
فوز: البارحة تكلمتوا في الموضوع .. صح ؟
هند: هيه .. واليوم خذاني بالقوة ورمسني مرة ثانية
فوز: شو يبا منج ؟!
هند: نرد حق بعض ونتزوج !
فوز: ليش هو ما تزوج ؟!
هند: لا !
فوز: وإنتي شو رايج ؟!
هند: ما أدري يا فوز .. مو قادرة أصدج اللي يصير .. ياربي شكثر الدنيا صغيرة !!
فوز: للحين تحبينه ؟؟
هند: ما قدرت أحب غيره !
فوز: دامج تحبينه وهو يحبج ويبيج عيل ليش محتارة ؟!
هند: خايفة !
فوز: من شو ؟!!
هند: أنصدم فيه مثل ما انصدمتي فعلي ؟؟
فوز: قلتيها علي مو زياد .. لا تعتقدين إن كل الرياييل واحد !
هند: أدري .. بس شوفي جم سنة وآحنا بعاد عن بعض !! معقولة ما رمس غيري ..؟! ما حب وحده 2 ؟؟ شو اللي خلاه يتريا وكأنه عارف ومتأكد إنه راح يلاقيني مرة 2 !
فوز: صلي استخارة .. وعقبها قرري !! ودامه يحبج وشاريج وإنتي تحبينه وتبينه خلينا نفرح فيكم ^^
هند: عسى خير !! أنا بروح تأخرت ع ذياب !!
فوز: كلمتي الدكتور اذا بيرخصه اليوم أو لا ؟؟
هند: لا .. هو اتصل فيني وقال إنه طلب م الدكتور يرخصه وبيطلع
فوز: أخوج ها عنيد وراسه يابس !!
هند: طالع عليج !
فوز: لا والله وأنآ شو يخصني !!
هند: احم .. ما أدري عاد .. مشكورة وايد فوز حسيت براحة أول ما رمستج وفتحت لج قلبي ..!
طبعت هند بوسة ع خد فوز وراحت تشوف ذياب عشان يردون البيت .. أما فوز فانتظرت غيث لين إيي عشان ترد الشقة !!
عقب مرور أسبوع !
شقة أبو فوز
يوم الأحد
الساعة 2:00 ظهراً
فوز ف الشقة يالسة تذاكر عندها امتحان باكر .. ومقررة ع العصر تروح المستشفى تشوف موزة اللي سوولها العملية وللحين ما نشت بس الأطباء متوقعين إنها راح تقوم ف أي لحظة .. خصوصا إن العملية كانت ناجحة الحمدلله !
ما تدري ليش مر ف بالها علي .. وايد مستغربة ردة فعل علي اللي من عقب ما سافرت ما فكر يرسللها أو يتصل فيها وكأنه خلاص فقد الأمل إنها ترد له .. للحين تحبه بس يمكن تحتاي يثبت لها إنه فعلاً غلط وندمان ع اللي سواه .. ويحاول وياها مرة ومرتين وعشر عشان تعرف إنه متمسك فيها وما يبي يخسرها !!
دق تليفونها برسالة .. كانت رسالة وسايط واصلتنها من علي ! صورة وصوت وكلام معبر !
ارجعيلي عقب صدك ما سليت
ارجعيلي واقهري درب الصدود
رحت بغيابي وحبيتك وجيت
يالخفوق الحي يالقلب الودود
اسمحيلي كان أقفيت وقسيت
ما نقص فيني غلاك إلا يزود
يالحبيبة ياللي لـ حالك هويت
الحياة بدونك تعيش بـ ركود
بيتك بقلبي وأنا وسطه شكيت
صحت لك تكفين يكفيني صدود
ما أنكر إني أستاهل اللي يصير فيني ، وأدري إنج شايلة ف خاطرج علي ، بس ف نفس الوقت متأكد إنج للحين تحبيني مثل ما أنا أحبج وأكثر ! ما عطيتيني فرصة أشرح لج اللي صار وياي ولا أبرر لج موقفي ، لما تحكمين علي من كلام سمعتيه أو موقف شفتيه هالشي معناته إنج تظلميني ولازم تواجهيني عشان تعرفين نص الحقيقة اللي غابت عنج !!
فوز أنا أحبج وحبي لج وخوفي من إني أخسرج خلاني ما أقولج سالفة زواجي وطلاقي من شوق ! زواجي منها كان له سبب لا تعتقدين إني تزوجتها لأني أحبها !! وإسأليها إذا حابة وراح تقولج كل شي .. وربي ما دريت إنها حامل إلا فهاك اليوم لمن رحت عندها .. وكنت مقرر أول ما أرجع أقولج كل شي !
أنا ما أطلب منج إلا إنج تعطيني فرصة .. ردي علي حتى لو برسالة فاضية عشان أعرف إنج مسامحتني وإنج راح تعيدين النظر ف موضوعنا !
أنا أحبج وايد .. حياتي ولا شي بدونج .. ومابي أعيشها إلا معج !! حرآم عليج تهدمين كل شي بينا وتضيعين قصة الحب الحلوة اللي تجمعنا ببعض ! أنا أدري إنج تحبيني بس الجرح اللي سببته لج يخليج تعاندين وترفضين تسمعين شي مني .. بس عنادج ها راح يضيعج ويضيعني يا فوز .. عشآن خاطر أغلا من ف قلبج عطيني فرصة أصلح اللي انكسر !! ,
انتظر ردج , أحبج !!
طلعت الآه منها بحرارة ودموعها تنزل من عيونها وهي تتذكر كل شي صار .. ويا ف بالها اتصال شوق لها اللي ما قالت حق حد عنه .. شوق كانت متصلة تصلح اللي انكسر بين فوز وعلي .. بس فوز رفضت تسمعها لأن وضعها ما كان يسمح لها تسمع أي شي ومن أي حد كانت تبي تنسى اللي صار بأي طريقة والأحداث اللي توالت من عقب معرفتها بعلاقة علي بشوق خلتها تتناسى شوي اللي صار .. خصوصاً حادثة موزة الغريبة واللي حاسة إن طيحتها لها سبب بس شو ما تدري !!
دق تليفونها بس هالمرة بإتصال .. كانت هند متصلة فيها تسأل إذا موجودة في الشقة أو لا .. لأنها تبي تيي عندها .. وقالت لها تيي .. كلها 5 دقايق ويات هند ..
فوز: هلا فديتج
هند: شحالج غناتي ؟؟
فوز: الحمدلله بخير .. شحالج إنتي؟؟
هند: الحمدلله بخير وعافية
فوز: حياج جربي شفيج واقفة جدام الباب
هند: هيه والله
فوز: هاه خبريني شصار ف موضوعج ويا زياد ؟
هند بحيا : ما بتصدجين
فوز: شو ؟!
هند: ذياب وزياد صايرين ربع
فوز: لا والله !
هند: هيه .. وممممم زياد كلم ذياب إنه يبي يخطبني
فوز: وشو قاله ؟!
هند: قاله إنه ما يعرفه إلا من جم يوم ولازم يسأل عنه وجيه وعقب يخبر باباتي
فوز: يعني أشياء روتينيه
هند: هيه ..
فوز: الله يجدم اللي فيه الخير وعقبال ما نفرح فيج جريب
هند: وفيج يا رب
فوز وهي تغير الموضوع : أنا بسير العصر المستشفى أشوف مواز بتروحين وياي ؟؟
هند: يب بسير ..
فوز: خلاص عيل خلج زاهبة ع الساعة 5 !
هند: تمام فديتج !!
ألمانيا – المستشفى
الأحد
الساعة 4:30 مساءاً
غيث عند موزة ما خلاها ولا لحظة خصوصاً من عقب العملية .. كان وايد خايف عليها وفنفس الوقت ينتظر اللحظة اللي بتفتح عيونها فيها .. وايد يفكر بردة فعل موزة لو درت إنه ملج عليها بدون علمها .. هو كان حاس إن موزة راح توافق عليه بس إنه يملج عليها وهي ما تدري .. هالشي مخوفنه خصوصاً إنها راح تتفاجأ أول ما تشوفه وياها !!
يالس حذالها وميود إيدها .. كان يالس يرمسها وما يدري إن موزة بدت تستوعب اللي يدور حولها .. كانت تسمع صوت ريال بس مو عارفة منو ها .. !
أحبج .. ومستعد أسوي أي شي عسب أشوفج مستانسة .. بس إنتي شدي حيلج وقومي بالسلامة ..
باسها ع يبهتها وفتحت موزة عيونها وانصدمت أول ما شافت غيث جريب منها وايد .. وحاولت تبعده بإيدها ويلست تصارخ وتصيح .. وغيث مو عارف شو يسوي .. حاول يهديها بس بدون فايدة ..
موزة: شتسوي هنيه يالحقير؟؟ اطلع برع ..
غيث: هدي يا موزة خليني أفهمج الموضوع
موزة: أقولك اطلع برع مابي أشوفك ..
فهاللحظة وصلت فوز .. كانت يايه تركض ليش إنها سمعت صراخ موزة من برع .. وراحت عندها وحضتها عسب تهديها .. وغيث حس إنه وجوده غلط .. بس موزة لازم تدري إنها صارت حرمته وإن اللي سواه مو عيب ولا حرام !!
فوز: خلاص فديتج اهدي شوي .. لا تبجين !
موزة: فوز خلي هالنذل يطلع برع !
فوز: إن شاء الله بس إنتي اهدي شوي .. غيث لو سمحت اطلع برع خلني أفهمها الموضوع قبل
غيث: إن شاء الله
طلع غيث من الغرفة .. وبدت موزة تهدا شوي .. هند كانت واقفة وتشوف عليها .. أما فوز فتفكر شلون راح تقولها إن غيث صار ريلها ولازم تتقبل هالشي !
فوز: الحمدلله ع سلامتج غناتي
موزة: الله يسلمج .. عيل وينهم أبويه وأمي ؟؟
فوز: مواز غناتي أهلج مو هنيه !
موزة: وينهم فيه ؟؟
فوز: ف البيت !
موزة: وليش أنا هنيه ؟؟ وهالحقير شو يسوي عندي ؟!! فوز ما شفتيه شو سوا .. باسني ع خدي فوز .. انصدمت أول ما فتحت عيوني !!
فوز: مواز .. اهدي خلينا نعرف نرمس!
موزة: إن شاء الله ..
فوز: بس قبل أبي أعرف منج اللي صار ف بيت أختج !!
موزة: شو صار ؟؟
فوز: حاولي تتذكرين .. شو اللي خلاج تطيحين من فوق الدري ؟؟
موزة: أي دري ؟؟
فوز: مواز ركزي وياي شوي .. عسب نعرف شو سبب طيحتج
هند: لا تضغطين عليها يا فوز .. خليها ع راحتها بتتذكر وبتقولج ..
فوز: لازم تتذكر أحين .. مابي عقب ذاكرتها تتأثر بالطيحة ..
موزة: إنتي ملجتي ؟!!
انصدمت فوز من سؤال موزة .. رغم إن سؤالها دليل ع أنها بدت تتذكر بس ف نفس الوقت فتحت على فوز جرح تحاول إنها تبريه .. دمعت عيونها من الحزن اللي فيها ..
فوز: لا فديتج .. عقب بقولج اللي صار .. أحين أبيج تتذكرين شو صار ف بيت أختج ؟؟
موزة: أنا كنت بحضر ملجتج ؟؟
فوز: هيه ..
موزة وهي تحاول تتذكر: ميثة وعيالها ساروا بوظبي ويلست أنا ف البيت أتريا الكوافيرة تيي تعدلني حق الملجة ..
فوز: وبعدين ؟؟
موزة: كنت يالسة أزهب أغراضي .. و ...
فوز: وشو ؟؟ شفيج صخيتي ؟؟
تذكرت موزة اللي صار ويلست تبجي بقوة وفوز وهند مب فاهمات شي ..
سيف:
أبي أرمسج
بعدج حلوة موزان
أبوج ما يبا يعطيني إياج .. بخليه يترجاني آخذج ..
طيب غصب بآخذج .. أنا خسران ف كل حالاتي وما تفرق معي .. لكن دامج ما راح تكونين لي مستحيل أخليج تروحين لغيري
منو بيقدر ينقذج مني آليوم ..؟ محد ف البيت .. صارخي لين تشبعين محد راح يسمعج ..
كل شي منج عسل يا عسل ..
هههههههه أتخيل شكل أبوج والله لو درا .. بيبوس ريلي عسب آخذج .. عيل أنا يرفضني .. !!
ما راح أخليج تروحين .. أنا أحبج تفهمين ..؟؟
إنتي وأبوج حطمتوني .. أبويه مات وهو مب راضي عليه بسببج ..
راح أدمرج يا موزان .. وأدمر أبوج .. راح آخليه يندم ع اليوم اللي رفضني فيه
كانن فوز وهند يراقبن التغييرات الغريبة اللي تصير ف ويه موزة ها غير صياحها ودموعها اللي تنزل بدون لحد يشاورها .. وأول اسم نطقت فيه ..
موزة: سيف !!
فوز بصدمة: سيف !! شسوآ ؟؟ فهميني السالفة يا موزة !!
موزة: دش الغرفة وأنا كنت بروحي في البيت
فوز وهند يشوفن ع بعض وكل وحده ما قادرة تصدج اللي يصير من صدمتها !!
موزة: قفل الباب وتهجم علي ..
فوز وهي تصيح : سوا فيج شي ؟؟
موزة: لا .. بس يودني وأنا حاولت أبعده عني وفتحت باب الغرفة عسب أشرد عنه لحقني وعند الدري يودني بس فلتت إيده وطحت وعقبها ما أدري شو صار !!
هند: لا حول ولا قوة إلا بالله .. شلون يسوي جيه ؟؟ ومنو ها أصلا ؟؟
فوز: ها أخو ريل أختها .. الحقير آه لو أشوفه جدامي أحين والله ما أهده !!
موزة: كنت وايد خايفة يا فوز .. حسيت نفسي بموت .. خفت سيف يضيعني ويضيع شرفي .. وايد خفت !!
فوز: لا تخافين غناتي والحمدلله إنها يات ع جيه .. وسيف حسابه بعدين أهم شي إنتي تقومين لنا بالسلامة !!
موزة: منو هالبنت ؟؟
هند بابتسامة: أنا هند أخت ذياب نسكن مجابل شقة فوز
موزة: هيه عرفتج .. رمستني فوز عنج بس شو تسوين هنيه يايين زيارة وإلا شو
هند: إنتي اللي يايه زيارة !!
موزة تشوف على فوز مو فاهمة هند شو تقصد برمستها .. وفوز ابتسمت ابتسامة هادية رغم إن دموعها للحين تنزل بسبب اللي صار حق موزة ..
فوز: موزة إنتي ف ألمانيا !!
موزة: ألمانيا !! شسوي هنيه ؟؟
فوز: يبناج هنيه للعلاج كنتي محتاية عملية بأسرع وقت لأن حالتج كانت خطيرة !!
موزة: وليش يبتوني هنيه ..؟؟
فوز: لأن الأطباء هنيه ممتازين ونفس الدكتور اللي سوالي العملية قبل جم سنة سوالج عمليتج والحمدلله العملية نجحت
موزة: وغيث شو يسوي هنيه ؟؟
فوز: ها الشي المهم اللي لازم تعرفينه ..
موزة: شو قصدج ؟؟
فوز: موزة إنتي عارفة إن أبوج مريض وأحمد حرمته جم يوم وبتربي وأخوج حميد مسافر وبصراحة
موزة تقاطعها: ما حصلوا حد إيي وياي ..
فوز: هيه وعسب جيه يا غيث
موزة بإنفعال: وغيث إيي وياي بصفته شو !!؟
فوز: اهدي يا موزة
موزة: شلون تبيني أهدى وأهلي هاديني ف بلاد غريبة ويا شخص غريب ما يربطني فيه شي !! شقاعد يصير في الدنيا !
فوز: موزة غيث مو شخص غريب بالنسبة لج
موزة: شو تحاولي تقولين ؟؟
فوز: غيث ملج عليج قبل لا تيوون هنيه !!
موزة بصدمة: شو !!!!
فوز: غيث خطبج من أبوج وأبوج وافق وجان يبا يآخذ رايج عقب ما تردين من بيت أختج بس ما صارت فرصة .. وعقب اللي صار غيث اقترح إنكم تملجون عسب إيي وياج .. مواز غيث يحبج لو ما يحبج ما سوا جيه عشانج ولا خاطر بحياته وياج وهو جان يدري إنج احتمال عقب العملية تكون عندج إعاقة !!
موزة: خلوني بروحي !!
فوز: موزة !!
موزة: أبا أيلس بروحي بليييز !!
فوز: إن شاء الله
ظهرن هند وفوز من الغرفة .. كان غيث ينتظر فوز تظهر عسب يعرف شو صار .. وشو ردة فعل موزة لما درت إنها صارت حرمته ..
غيث: شو صار ؟!
فوز: انصدمت من الخبر ومع إني خبرتها كل شي بس الظاهر إنها مو مستوعبة !!
غيث: أنا لازم أرمس وياها
فوز: خليها أحين ترتاح .. وعقب رمسها هي طلبت منا نظهر لأنها تبي تيلس مع نفسها .. يبيلها تفكر بوضعها اليديد
غيث: أوكي .. بمر أشوف الدكتور
فوز: تمام .. أنا لازم أروح أحين وطمني عقب شو بيصير
غيث: إن شاء الله
رجعن هند وفوز البيت ، وغيث سار يشوف الدكتور ويخبره إن موزة نشت من عقب العملية عسب إيي يشيك عليها .. أما موزة ف كانت تصيح على حالها ومو قادرة تصدج اللي صار !
فوق صدمتها باللي سواه سيف تيي وتنصدم إنها صارت زوجة لواحد ما تحمل له أي مشاعر !!
مستغربة وايد من أبوها شلون وافق على غيث ؟؟ وليش رفض سيف عيل دامه ف الأخير وافق على غيث وهو يدري إنه غيث مو من عندنا وإني بسكن بعيد عنه ولو قارنا بين الإثنين كفة سيف المفروض هي اللي ترجح دامه يعرف أهله عدل وأختي هناك يعني راح يطمن علي أكثر !! توني أكتشف إني مو فاهمة أبوي شقايل يفكر !!
دق الباب .. ودش غيث على موزة اللي أول ما شافته صدت الصوب الثاني .. حزت الحركة ف خاطر غيث رغم إنه عاذرنها بس بعد المفروض موزة تكون أحن من جيه عليه ..
موزة: شتبي .. ليش ياي ؟!
غيث: ممكن نرمس !
موزة: لا .. ولازم تحط ف بالك إنك أول ما نرد البلاد راح إطلقني
غيث: إنتي شو تقولين ؟! موزة أنا ما ملجت عليج عشان أطلقج
موزة: بس راح اطلقني .. أنا ما أبيك ولا أحبك
غيث: كافي إن أنا أحبج يا موزة !
موزة: وأنا ما أحب حد تفهم .. ومابي أحب حد
غيث: لا تسوين ف نفسج جيه
موزة: ما يخصك فيني ..
غيث: موزة !
موزة: اطلع برع مابي أشوفك
فهاللحظة دق الباب وكان الدكتور ياي يطمن ع حالة موزة .. طلع غيث وخلى الدكتور ويا النيرسز يشوفون شغلهم .. وجان وايد مضايج ع معاملة موزة القاسية له بس ما عليه مصيرها تتقبل هالشي !!
ألمانيا – شقة أبو ذياب
يوم الأربعاء
الساعة 5:00 عصراً
عائلة بو ذياب اليوم كلها متيمعة .. وكانوا يتناقشون ف موضوع هند وزواجها من زياد .. هند يالسة وياهم بس ساكتة وما تقول شي .. وعلي مو فاهم شي غير إن أخته بتروح عنهم وين وليش ما يدري !!
ذياب: بصراحة يبه الريال خوش ريال .. أنا سألت عنه والكل يمدح فيه
أبو ذياب: وأنا بعد وصيت جم واحد يسألون عنه وما شاء الله الكل يتكلم عن أخلاقه وأدبه وأهله ناس معروفين ولهم سمعتهم الطيبة
أم ذياب: عيل شتنطرون دام جيه خلونا نفرح بالبنت ؟؟
أبو ذياب: خلينا نسمع رآي البنت بالأول ؟!
هند بحيا: اللي تشوفونه يبه
أبو ذياب: يعني شو ؟!
هند بخوف: م .. موافقة
ذياب: بالمبارك هندووه والله وكبرتي وبتصيرين عروس
هند: الله يبارك فيك
أم ذياب: مبارك عليج يا بنيتي .. والله يوفقج ويسعدج إن شاء الله
هند: الله يبارك فيج يمه
ذياب: احم .. بما إن يعني .. إنكم يعني بتفرحون فبنتكم الوحيدة .. ما تبون تفرحون ف ولدكم العود بعد !!؟
أبو ذياب: ليش إنت ييت وقلت لنا أبا أعرس وقلنا لك لآ .. أشر ونروح نخطب !
أم ذياب: لا يأشر ولا عنده خبر ..
ذياب بإستغراب: ليش يمه ؟!! ما تبين تفرحين فيني ؟؟
أم ذياب: أبي أفرح فيك بس ما أبيك تأشر
هند: ههههههههه ذياب ماماتي تقصد هي بتختار لك العروس مو إنت تختارها !؟
ذياب: صج يمه جيه السالفة ؟؟
أم ذياب: هيه ! مو خليناك ع راحتك أول مرة وشفت اللي صار .. هالمرة خلني أنا أختار عروستك بنفسي
علي: لا لا أنا بختارها !!
ذياب يشوف على علي وهو مستغرب وهند ناقعة م الضحك ع ويه ذياب اللي اعتفس ساعة وحدة ..
ذياب: وإنت يبه ما تبي تختار ..؟؟ وإنتي هند بعد اختاري .. ترا أنآ بآخذ 4 مو الشرع حلل أربع !!
هند: هههههههههههه اللي ف بالي نفسها اللي ف بال أمي نفسها اللي ف بال علاوي !
ذياب: ومنو ف بالكم ؟!!
أم ذياب وهند وعلي ردوا ف نفس الوقت : فوز !!
ذياب بفرح: صج يمه ؟؟
أم ذياب: هيه .. ما بتلقى أحس منها والبنت ما شاء الله عليها أدب وأخلاق ونعرفها عدل !
ذياب: وأنا أبيها .. أحبها يمه
أبو ذياب: والله وعرفنا نحب يا ذياب .. وينها عنك فوز كل هالسنين جان بتخليك مستانس هالكثر
هند: أصلاً يبه إنت ما شفت ذياب شقايل تغير من لمن دشت فوز حياتنا !
أم ذياب: هيه والله .. وأنا أشهد !
علي: وأنا بعد أشهد .. الله فوز بتعيش معنا
ذياب: خلها توافق بالأول !
أبو ذياب: وليش ما توافق ؟؟
ذياب: ما أدري .. يعني أقول ممكن ما توافق
أم ذياب إن شاء الله بتوافق !!
ترخص ذياب عنهم وظهر م الشقة .. فنفس الوقت اللي ظهرت فيه فوز سايرة المستشفى عند موزة .. شافها ووقف يرمسها
ذياب: شحالج فوز ؟؟
فوز: الحمدلله بخير .. شخبارك إنت ؟؟
ذياب: حدي مستانس
فوز: عسى دوم يا رب .. ياللا بخليك
ذياب: على وين ؟؟
فوز: بسير المستشفى عند رفيجتي
ذياب: اهااا .. ممممم انزين ما سألتيني ليش مستانس ؟
فوز: ما حبيت أتدخل ف شي ما يخصني
ذياب: ومنو قالج ما يخصج ؟؟
فوز: شقصدك ؟
ذياب: إنتي سبب وناستي
فوز: أنا ؟
ذياب: هيه .. كلهم يبون يخطبونج لي !!
فوز: أنا تأخرت لازم أروح .. عن إذنك !!
مشت فوز .. ومشى ذياب وراها .. لين ما وقفت تتريا المصعد !!
ووقف وياها ..
ذياب: فوز
فوز: هلا !
ذياب: ممكن تعطيني فرصة أرمسج
فوز: ليش ؟!!
ذياب: هي مرة وحدة ومن عقبها ما راح أفتح وياج الموضوع .. أوعدج
فوز بتردد: أوكي .. موافقة
ذياب: شرايج نروح نيلس ف الكوفي شوب اللي تحت ومن عقبها أوصلج المستشفى
فوز: لا ما يحتاي توصلني بآخذ لي تآكسي
ذياب: بوصلج أنا .. أحين تأمنين ف التآكسي أكثر مني !
فوز: مو جيه .. بس هذآ تآكسي .. يعني محد راح يرمس لآ ركبته ..
ذياب: وإذا ركبتي وياي منو بيرمس؟؟
فوز: ما أدري ..
دشت فوز المصعد ووراها ذياب .. وكملوا نقاشهم ف المصعد !!
ذياب: بس هاي مو أول مرة تركبين وياي بروحنا ؟؟
فوز: هذيج المرة كان الوضع استثنائي ولا تنسى كنا ف تاكسي مو سيارتك
ذياب: أوكي ما تبين تركبين سيارتي مو مشكلة .. أنا بركب وياج ف التآكسي وبوصلج لين المستشفى
طالعت فوز ع ذياب وابتسمت غصب عنها .. هالريال مينون رسمي .. ما ناقشته أكثر لأنها تدري ما راح توصل لنتيجة معه !!
وصلوا عند الكوفي شوب واختاروا لهم مكان يقعدون فيه .. طلب ذياب نسكآفيه وفوز ساكتة ما تقول شي ..
ذياب: شفيج مبوزة ؟؟
فوز: مو مبوزة .. ياللا أسمعك !
ذياب: خليهم إييبون النسكافيه قبل !
فوز: أوكي !
ذياب: حلاتج وإنتي آطآوعيني ف كل شي أقوله
فوز: مو عشان شي .. بس أدري فيك وايد تحن
ذياب: ها تفكيرج فيني .. الله يسامحج !
حط النادل النسكافيه وسار .. وبدا ذياب موضوعه ويا فوز .. اللي عارفة ومتأكدة عن شو راح يرمسها !!
ذياب: فوز كلها أسبوعين أو ثلاثة وهند راح تملج !
فوز: صدج ؟؟ بالمبارك تستاهل هند والله .. خلاص يعني وافقتوا على زياد ؟!
ذياب: هيه بس ما ردينا عليه للحين !
فوز: بس أحس بسرعة وافقتوا سألتوآ عنه ؟!
ذياب: أكيد وإلا شلون بنوافق !
فوز: لا بس إنت من فترة قصيرة تعرفه يعني المفروض تآخذون وقت أطول !!
ذياب: أدري .. بس هو يحب هند ويبيها .. وهند بعد تحبه وتبيه فليش نحرمهم من بعض !
فوز: وإنت شدراك ؟!
ذياب: زياد خبرني كل شي !
فوز: معقولة !!
ذياب: هيه .. وصراحته وياي هي اللي خلتني أتشجع أكثر وأوافق !
فوز: الله يسعدهم .. هند تستاهل كل خير !
ذياب: وأنا ما أستآهل كل خير !
فوز: تستاهل !
ذياب: وإنتي الخير اللي أبيه !
فوز: ها الموضوع اللي كنت تبي تقوله لي !؟
ذياب: لا !
فوز: عيل ..؟
ذياب: مثل ما قلت لج هند كلها أسبوعين أو ثلاثة وبتملج وإحنا بننزل البلاد عسب الملجة وإنتي بعد أكيد راح تنزلين ويانا لازم تكونين وياها هي مالها غنى عنج !
فوز: أكيد ما راح أخليها بس ع حسب ظروف دراستي !
ذياب: راح تكونين مخلصة امتحانات المد تيرم لا تطلعين حجج غصب عنج بتروحين !
فوز: إنزين .. كمل موضوعك اللي للحين ما عرفته ولا تعيد نفس العبارة .. هند عقب أسبوعين بتملج ما أدري ثلاثة !
ذياب: ههههههههههه إن شاء الله .. شوفي فوز .. أنا أحبج وشاريج .. وأهلي بعد كلهم يبونج من كبيرهم لصغيرهم .. أنا ما بضغط عليج ولا أبي أأثر ف قرارج وخصوصاً إني عارف إنج طالعة من تجربة صعبة ويمكن يبيلج وقت لين تنسين اللي صار .. وأنا واثق إنج راح تنسين وتعيشين حياتج لأن هالشي اللي المفروض يصير !! كل اللي أبيه منج شي واحد تفكرين ف موضوعنا وتعطين نفسج فرصة وتعطيني أنا بعد .. ما راح أفتح معج الموضوع وعندج فرصة لعقب ملجة هند ولا يا هاك اليوم ما راح أتصل فيج أو أرمسج عشان أعرف قرارج إنتي اللي راح تدقين تخبريني .. وراح أحترم قرارج .. وحطي ف بالج شي .. إنج لو وافقتي راح تخليني أسعد إنسان فهالدنيا !! ولهاك اليوم أوعدج ما راح يكون بينا أي كلام فهالموضوع !!
فوز: تقدر تآخذ وحده قلبها وعقلها متعلقين ف ريال ثاني ؟
ذياب: أقدر .. لأني متأكد وواثق إني أقدر أنسيج إياه وأنسيج طوايفه بعد !!
فوز: طيب يا ذياب .. أوعدك إني راح أفكر فالموضوع عدل وأتخذ القرار المناسب فيه !
ذياب بفرح: ياللا بوصلج المستشفى !
فوز: بالتاكسي !!
ذياب: بالتآكسي !!
ألمانيا – الفندق
يوم السبت
الساعة 7:00 مساءاً
من يومين طلعت موزة من المستشفى ورجعت مع غيث الفندق .. غيث اللي من عقب آخر مرة رمسوا فيها قبل يومين ما تكلم معها ولا قالها شي .. وموزة لو ما تتصل فأهلها أو تشوف فوز وإلا ماتت من الملل والقهر اللي حاسة فيه .. كل اللي يسويه غيث يزهب الأكل ويوديه لها لدارها ويظهر بدون لا يقول شي .. وف الوقت اللي المفروض تآخذ فيه دواها يروح يعطيها الدوا ويظهر من غرفتها ..
جان غيث يالس ف الصالة .. يفكر ف وضعه مع موزة .. هي مصرة ع الطلاق .. وهو مب عارف شو يسوي .. لا قادر يطلقها ولا قادر يجبرها تعيش حياتها وياه .. وف باله كلامها لما يابها الفندق عقب ما ظهرت من المستشفى !
موزة: أنا أبا أرد البلاد
غيث: ما يصير أحين
موزة: ليش ؟؟
غيث: عندج موعد عقب أسبوع ومو معقولة نسير ونرد بنيلس هنيه هالأسبوع !!
موزة: أنا وياك ف مكان واحد .. مستحيل طبعاً
غيث: لا تخافي ما راح آكلج !
موزة: ولا أنا رآح أسمح لك تآكلني .. بس مابيك تكون وياي
غيث: إنتي بروحج غرفة وأنا بروحي .. وإن ما ياز لج الوضع سيري قعدي عند فوز !
موزة: إنت شتبي مني ؟!!
غيث: أحبج .. وإلا شو جابرني أتحملج !!
موزة: وأنا ما أحبك .. وما أبيك ياخي حس ع دمك .. بالغصب هو تفرض نفسك ع حياتي جيه .. خل عندك كرامة شوي !!
عصب غيث وقتها وظهر من الفندق وخلاها .. مو قادر يصدج إن هاي هي موزة الرقيقة الحنونة .. ومستغرب وايد سبب تعاملها وياه بهالطريقة .. وإحساسه يقول إن فيه سبب لها كله !!
لما طلعت وشافته سرحان عرفت إنه فيه شي شاغل باله .. حتى ما شاف عليها ولا قال شي .. وموزة حاسة بتأنيب الضمير ع اللي سوته .. مهما جان غيث ماله ذنب وما يستاهل اللي قاعدة تسويه فيه .. يزاه الله خير بعد إنه متحملنها وإنه تمسك فيها رغم كل شي صار !
موزة: غيث ؟!
شاف عليها غيث .. واستغرب إنها يايه عنده وترمسه .. أكيد تبا تسمعه كلام يسم بدنه .. ووضعه ما يسمح إنه يسمع أي شي منها .. نش غيث بيطلع .. بس موزة ما خلته !
موزة: غيث
غيث: تبين شي ؟!
موزة: أبي أرمسك لو تسمح
غيث: قولي أسمعج ..
موزة: أنا آسفة .. مو قصدي أرمس وياك بطريقة مو زينة بس
غيث يقاطعها: لا تحاتين ما صار شي .. وإن شاء الله أول ما نرد البلاد بيصير اللي تبينه !!
موزة: وإنت شدراك أنا شو أبا ؟!
غيث بعصبية: تبين تتطلقين .. وبطلقج أول ما نرد !!
مشى غيث بيطلع وزقرته موزة .. بس ما رد عليها وظهر ويلست هي تصيح ع حظها .. ما عرفت شو تسوي ف دقت على فوز تخبرها اللي قاعد يصير وياها !!
فوز: يا موزة غيث فرصة لا تعوض .. كافي إن الريال يحبج وشاريج
موزة: بيطلقني ..
فوز: يطلقج ؟؟ ليش !!؟
موزة: لأني قلت له ما أباه .. وخبرته أول ما نرد يطلقني !!
فوز: يعني إنتي اللي طالبة الطلاق !
موزة: هيه
فوز: عيل ليش تبجين ؟؟ خلاص قالج اللي تبيه بيسويه لج
موزة: أبجي لأني ما أبيه يطلقني !!
فوز: مواز إنتي أكيد صاير شي ف عقلج .. خلينا نروح المستشفى خل يشيكون عليه .. لانك فور شور مو صآحية
موزة: فوز شفيج مو قادرة تفهميني !!
فوز: أوكي .. أسمعج فهميني إنتي شو ف بالج ؟؟
موزة: أول شي أنا ما أبا أكون مطلقة
فوز: شفيها يعني .. كآني أنا مطلقة .. !!
موزة: وتبيني أعيد مأساتج يا فوز !
فوز: بعيد الشر عنج .. بس الطلاق بطلب منج .. وإلا غيث يحبج ويبيج
موزة: بصراحة يا فوز ما أدري .. يعني هالأسبوع أنا عطيت نفسي فرصة أفكر ف غيث كـ زوج .. ما أدري بس اكتشفت إنه وايد حنون وطيب .. يهتم فيني .. حسيت بإنه فعلاً يحبني وبعد فيه سبب 2 !!
فوز: هالأسباب كافية إنج تبقين وياه !!
موزة: أبا أنتقم من سيف .. أبا أحرق قلبه مثل ما حرق قلبي .. وغيث هو السلاح اللي راح أستخدمه
فوز: لا تخربين علاقتج بغيث عشان واحد ما يستاهل !
موزة: اللي سواه فيني مو شوي يا فوز .. إنتي الوحيدة اللي تعرفين سبب طيحتي .. وتعرفين سيف شسوآ فيني ! عشان جيه أنا ما أبا أتطلق من غيث
فوز: كوني حذرة يا موزة .. وانتبهي لتصرفاتج عدل ترا محد راح يخسر ف النهاية غيرج !!
موزة: إنتي لازم توقفين وياي يا فوز
فوز: بوقف وياج ف اللي أشوفه صح بس !
موزة: يعني اللي بسويه أنا غلط !!
فوز: إنج تستغلين غيث بس عشان تقهرين سيف ها أكبر غلط !!
موزة: بس أنا قلت لج ها سبب من الأسباب !
فوز: أوكي يا موزة سوي اللي تشوفينه
موزة: بخليج أحين .. بشوف غيث وين راح !!
فوز: اوكي ياللا ديري بالج ع روحج
موزة: وإنتي بعد .. مع السلامة
فوز: ربي يحفظج !
لما بندت موزة عن فوز .. انصدمت أول ما صدت ع ورا وشافت غيث واقف وراها بمسافة ويشوف عليها بنظرة كلها احتقار !!
غيث: حسافة يا موزة .. إنج تطلعين بهالعقلية المتخلفة !!
موزة: غيث .. خلني أفهمك
غيث: شو تفهميني ؟!! إنج تبين تستمرين وياي بس عشان تقهرين حبج الجديم ؟؟ مو أنا يا موزة .. مو أنا اللي أكون وسيلة أو لعبة ف إيد بنت .. مو أنا اللي أقبل أكون فهالدور !!
موزة: غيث إنت فاهم الموضوع غلط !!
غيث: أنا ما راح أخليج .. بكمل جميلي وياج لآخر لحظة .. ومو عشانج .. عشان أبوج اللي وصاني وأمنّي عليج .. بس من اليوم اعتبري إن ما في شي يربطنا ف بعض !!
موزة وهي تبجي: وربي إنت فاهم الموضوع غلط يا غيث
غيث: لو سمعت الرمسة من حد 2 .. بقول إنه يجذب بس للأسف إن الرمسة طالعة منج !!
موزة: غيث خلني أفهمك الموضوع !!
غيث: واللي يسلمج ماني طايق أسمع شي منج ..
دش غيث غرفته وصك ع روحه الباب .. وموزة من القهر اللي فيها طلعت م الفندق بس ما كانت تدري وين تروح .. حاوطت ف المنطقة اللي فيها الفندق .. واللي تعرفه إن فوز تسكن جريب منهم ف قالت بتسأل وأكيد راح تعرف المكان وين .. !!
عقب 3 ساعات من المشادة اللي صارت بين غيث وموزة ظهر غيث م الغرفة .. وقتها جان تليفون موزة يدق راح صوبه كانت فوز متصلة فيها .. استغرب إن الفون ف الصالة وحط ف باله إن موزة ممكن تكون ف غرفتها راقدة .. ف رد عليها !!
فوز: هلا مواز وينج ؟؟
غيث: هلا فوز .. وياج غيث !
فوز: شخبارك غيث ؟؟
غيث: الحمدلله بخير , شحالج إنتي ؟؟
فوز: نحمد الله .. إلا وينها موزة صار لي فترة أدق عليها ما ترد !!
غيث: ما أدري يمكن ف دارها ..
فوز: أبي أرمسها .. ممكن تشوفها لي !!؟
غيث: إن شاء الله !
راح غيث صوب دارها .. ما جان يبي يرمسها بس ف نفس الوقت ما حب يبين لفوز إن في شي صاير بينهم !!
دق باب الغرفة وما ردت عليه .. رد يدق مرة 2 بس بعد ما ردت عليه .. فـ فتح الباب لقى الغرفة مظلمة ومحد فيها ! راح صوب الحمام بعد محد موجود !! طلع م الغرفة وراح يدورها ف السويت بكبره وما لقاها .. !!
غيث: فوز !!
فوز: هلا غيث ؟
غيث: موزة مب موجودة .. ما أدري وين راحت !!
فوز: شو يعني مو موجودة ؟؟ شقصدك !!
غيث: دورت عليها بكل مكان ماني لآقيها !!
فوز: وين بتروح هالحزة !!
غيث: أنا بطلع أدور عليها .. وبرد أطمنج !!
فوز: أنا يايه أحين .. أنتظرني مو متأخرة !!
غيث: ما أقدر أنتظرج يا فوز .. الوقت متأخر أخاف راحت مكان وما عرفت ترد .. أو يصير فيها شي !!
فوز: أوكي يا غيث انزل دورها .. وأنا بعد راح أيي أدور وياك !!
بند غيث عن فوز .. وخذ تليفونه وظهر م الفندق يدور على موزة !! جان خايف وايد عليها ليش إن لو صار لها شي راح يكون هو السبب .. وفوق إنه يحبها وما يبي مكروه يصيبها .. هي أمانة ف رقبته وأبوها موصنه عليها !!
أما فوز ف بدلت ملابسها وظهرت ع طول تدور ربيعتها .. وهي تدش المصعد ما انتبهت ع ذياب اللي يظهر منه وضربت فيه .. !!
حست بإحراج كبير بس ما قالت شي ..
ذياب: وين رآيحة هـ الحزة ؟!!
فوز: غيث اتصل يقول إن موزة مو بالفندق .. وطالعة أدور عليها
ذياب: بروحج ؟؟
فوز: هيه !
ذياب: شلون تروحين بروحج .. أنا بسير وياج !
فوز كانت فعلاً محتاية لوجود ذياب وياها ولهالسبب ما أبدت اعتراضها ع الفكرة .. وراحت وياه بسيارته صوب الفندق اللي يسكنون فيه غيث وموزة وما كان بعيد ف نفس المنطقة بس بمسافة !
ذياب: شو يخليها تنزل بروحها ؟!
فوز: ما أدري أنا بعد استغربت هالشي .. موزة مستحيل تطلع م الفندق وهي ما تعرف شي بدون لا يكون حد وياها
ذياب: طيب ريلها وين كان ؟
فوز: والله مو عارفة .. خل نمشي أحسن هي أساسا مو صاحية للحين يعني ما راح تروح مكان بعيد أتوقعها ف هالمنطقة
ذياب: ع أمرج .. إنتي بس هدي أعصابج ومسحي دموعج
فوز: اخاف شي يصير فيها
ذياب: لا تحاتين أنا متأكد إنها بخير ومافيها إلا العافية .. ياللا انزلي !
أما موزة فلما طلعت ما كانت منتبهه ع روحها ووين سايرة .. رمسة غيث ضايجتها وقهرتها وحسستها بالذنب .. كانت تمشي ف الشوارع وتبجي .. مو عارفة وين تروح ! ولما شافت إن الوقت متأخر قررت ترد خصوصاً إنها ما قدرت تعرف فوز وين ساكنة بالضبط !!
بس حتى قرارها بإنها ترد للفندق .. كان قرار متأخر لأنها قطعت مسافة وما تدري شو الفندق اللي هم ساكنين فيه !!
كانت تصيح ع غيث .. صارت تصيح لأنها مو عارفة ترد الفندق .. يعني تايهه ف وسط منطقة مزدحمة وما خذت فونها وياها !! وقتها حست فعلاً إنها محتاية غيث .. وإن هو الوحيد القادر إنه يحسسها بالأمان .. شافت نفسها جدام حديقة وجريب البوابة في كراسي محطوطة .. يلست ع واحد منهم لأنها حست إنها تعبانة م المشي وهي ما صار لها أسبوعين ع العملية !!
ف صوب ثاني غيث جان يدور عليها .. والخوف مبين عليه .. وايد تلوم لأنه رمسها بهذيج الطريقة .. مهما كان هو أعقل منها والمفروض ما يرمسها ويطلقها بهدوء مثل ما تبي !!
دور عليها ف كل مكان يتوقع إنها ممكن تروح له .. بس بدون فايدة .. وحس بتعب من زود المشي .. بس لازم يحصلها بأي طريقة .. كان يمشي ف الشوارع مثل المينون يمكن يصادفها واقفة مكان أو تمشي .. خايف يصير فيها شي أو حد يتعرض لها ف مكان هي غريبة عنه ولا تعرف شي فيه !!
أول ما لمحته وقفت م مكانها وراحت صوبه تركض .. وغيث اللي جان يمشي بطريقة معاكسة ما شافها ولا انتبه عليها !!
موزة وهي تبجي: غيث !! غيث !
التفت غيث صوبها .. وشاف حالتها وهي تمشي بسرعة .. وأول ما وصلته ما انتبه إلا وهي طايحة ف حضنه وتصيح !! انصدم غيث من هالشي .. صحيح إن موزة حرمته وحلال عليه بس ما توقع إنها تتصرف جيه .. حس ساعتها إنها فعلاً كانت خايفة ولمجرد إنها شافته حست بالأمان !!
هو بعد ما صدق خبر .. حضنها ويلس يهديها .. وبمسافة بعيدة شوي فوز وذياب يشوفون عليهم .. فوز كانت تبتسم ابتسامة هادية أما ذياب ف كان مندمج ف ابتسامة فوز اللي خذته بعيد وهو يدعي ربه إنها توافق عليه !!
غيث: خلاص لا تبجين يا موزة أنا كاني هنيه
موزة: ما عرفت أرد .. ضيعت الدرب وربي خفت وفوني مو وياي
غيث: زين خلاص ما صار شي .. وأنا وياج أحين !!
موزة: أنا آسفة والله ما قصدي أزعلك إنت فهمت الموضوع غلط ما خليتني أشرح لك .. وربي أنا أحبك !
غيث: أجلي هالموضوع أحين وخلينا نرد الفندق !!
فهاللحظة يات فوز ووياها ذياب .. سلموا ع بعض .. واقترح ذياب يوديهم الفندق بسيارته .. وصلهم الفندق ورجع ويا فوز مكان سكنهم !!
ذياب: حلوين !
فوز: منو ؟!
ذياب: رفيجتج وريلها !
فوز بنص عين: قول ما شاء الله
ذياب: ما شاء الله .. ربيعتج مبين عليها كانت زايغة
فوز: لاحظت عليها .. من شافت غيث ما هدته م الخوف
ذياب: الله يهنيهم
فوز: آمين .. ياللا بدش شقتي تأخر الوقت !
ذياب: أوكي .. تصبحين ع خير
فوز: وإنت من هله
دشت فوز ووقف ذياب يشوف على باب شقتها اللي تصكر .. ما يقدر يتخيل إنه ممكن تضيع من إيده أو إنها ترفضه .. حاط أمل كبير إنها توافق عليه ويتزوجون بسرعة !!
- الحالة