"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

لا تتحمل [الكاتبة] او [ الاعضاء( ابطال القصه) ] آي سوء ظن
او سوء فهم. من قبل اي شخص يعشق استحداث [ الزوبعه هنا.]
فهي مجرد شخصيات وضعتها وليس لها علاقة حقيقة بين بعضها في الواقع...ّ​

اللهم بلغت. اللهم فأشهد...
وأجعل كل كلمة تسيء الى [الكاتبة] او [الاعضاء( ابطال القصه)] ​

في نحره...!​

[:a054:]​

لاتخافون هذي مجرد احتياطات امنيه
الشغب زايد هالايام في المنتدى..
طيب..
صار لي اسبوعين مانزلت بارت
وطبعا هذا بسبة انشغالي تدرون اخر الفتره في الكولج والفاينل مقرب..
وآخر بارت من القصه قرب..[:99:]
وراح اودعكم..
اليوم ماراح اطول عليكم في هذا البآرت
راح يكون شي بسيط فقط..​

فالنهاية اوشكت على [ البدء]..​

قراءة ممتعه​

[:balloon:]​

ملاحظه: افتقد تواجد :

سي ار
راعي صوغه
عريف هتلر
بوسلطان
الغروب
مشاغب
فراولة شقية
سنافي

خلونا نشوفكم..^_^​

 

[موزة النعيمي]

البآرت الثاني والثلاثون(32)

الصبآح:523c674c20b8112b223
الساعه: 8:30
في بيت الشبلي..



سويره قاعده تتريا ريلها في الصاله عشان يروحون المستشفى وتسوي الفحوصات وكانت وايد متوتره وتحاتي وعلامات القلق باينه عليها.
سويره وهيه تعلي صوتها: حبيبي يلا . تأخرنا..!
الشسبلي :ماما نازل شفيج جي مستعيله..
سويره: اهئ والله خايفه
الشبلي: شو حقه بعد؟
سويره: وكيف ماتباني اخاف حبيبي؟ اخاف يقولون لي شي مب زين..!
الشبلي: ههههههههههههههه لا ان شاء الله مافيه الا الخير. وراح تيبين لي بيبي ينور لي هالبيت واربيه وادلعه ع كيفي.!
وزخ ايدها وطلعوا من الباب وركبوا السياره.
سويره: ولو كانت بنت راح ادلعها بعد؟
الشبلي: ادلع امها لي يابتها بعد هههههههه
سويره: هيه وعقب بتنساني والدلع يروح لبنتك.!( وهي تسوي روحها زعلانه)
الشبلي: افا. وانتي الراس العود اروم انا؟
سويره: هيه قص علي..
الشبليك لا والله حياتي ما اقص عليج انتي الغلا كله. والبنوته لي بتطلع منج ماراح تكون اقل عنج طبعا هع
سويره: ايوا قول جيه من البدايه ههههههههههه
الشبلي: تعرفين حياتي؟
سويرهك شو حبيبي؟
الشبلي: ماتتخيلين كيف وناستي لو ملتي وخاصة هالفتره. احس اني بطير من الفرحه بتجلط
سوير: ههههههههههههههه بسم الله عليك بوعيالي..
الشبلي: بو عيالي؟ آآه حلاتها نمنج يا ام عيالي
سويره: هههههه فديت قلبك..تنبغي بنت ولا ولد؟
الشبلي: أي شي أي شي...واذا كانت بنوته لازم لازم تكون حلوه شراتج واموره.!
سويره: بنشوف هههههههههههههه شو بنسميها؟
الشبلي: سويره.!
سويره بصوت عالي: شوووووووووووووووه؟
الشبلي: شفيج شفيج سلامات ههه شو تتحريني راح اسميها شي ثاني؟
سويره: لا بس يعني مايصير الام والبنت نفس الاسم..!
الشبي: احسن عسب دوم تكونين في بالي ودوم يكون اسمج ع لساني..
سويره: هيه وعسب يوم تنادي سويره باثينينتنا نيك ههههههههههه
الشبلي: فديتكن والله ههههههههههه
سويره: انا بسميها يزوي ع خالتها.!
الشبلي: ههههههههههه دخيلج مابغي بنتي تتعقد وتطلع عليها
سويره: يلا مناك عاد ترا مايرضيني ع اختي
الشبلي: شو قلت شي غلط انا؟ عيل بالله عليج في بنت ماتبغي تعرس؟
سويرهك هيه فيه وايدين
الشبلي: خخخخخخخخخخخخ صدقيني هذيل هب بنات
سويره:هههه جب جب... خلني ادق ع امايه اخذ بركاتها
الشبلي: استغفرك ربي ههههههههههههه
واتصلت سويره ع امها..
سويره: هلا الغاليه هلا تاج راسي
قطرية ذوق: يابعد طوايفي انتي شحالج بنتي؟
سويره: بخير علج الخير انتي شحالج الغاليه شو مسويه؟
قطرية: ياقلبي شو بسوي من عقبج انتي ويزوي.. البيت موحش بدونكم..!
سويره: فديتج والله امايه..
قطرية: وشخبار ريلج اميه ان شاء الله زين معاج؟
سويره: ريلي( وهيه طالعه) فديته امي هب مقصر في حايه..< والشبلي يطالع ويبتسم
قطرية: الله يديمها عليكم يارب من نعمه
سويره: دعواتج امي انا سايره المستشىفى احينه
قطرية وبخرعه: مستشفى خير شفيكم؟
سويره: لا ولا شي امايه بس رايحه اسوي فحص عشان الحمل..!
قطرية: ليش انتي حامل؟
سويره: لا امي. لا.. بس رايحه يعني. المهم امي بطوف عليج من ارجع زين؟ انا احين بسكر وصلت المستشفى.!
قطرية: زين يمه طمنيني عنج اول ماتطلعين تراني انتظرج تعالي ع الغدا
سويره: ان شاء الله الغاليه فداعة الله.!
ووصلوا المستشفى وسويره كانت خايفه حدها .. وشوي واطيح من طولها من التوتر والشبلي يحاول يهديها..
مره تلقاها تصيح ومره تضحك ومره تسكت دون ماتنطق بحرف.. صارت لها حالات نفسية عصيبة طول الثلاث ساعات اللي كانت تسوي فيهم الفحص.والشبلي قد مايقدر كان يحاول يهديها ويخفف من توترها. وبالاخير هم الاثنين صاروا متوترين.! الله يعينهم.!
ويوم خلصوا الفحص وكل شي.. قالوا لهم ان النتيجه راح تطلع عقب ساعتين.!
سويره وبكل ضيق: ساعتييييييييييين؟
الدكتور: هههه ايوا يا حبيبت.. ماعليش كل خير ان شاء الله
سويره : من بؤك لباب السما.. الله يسمع منج.!
الشبلي: عيل خلال هالساعتين نحن بنروح ناكل لنا شي في كوفي قريب
سويره: هيه والله ياليت احس حيلي انهد من هالفحوصات.!
الدكتوره ابتسمت وودعتهم..وطلعوا من الشمفى وهم حاطين كل الامل بالله سبحانه وتعالى..! وان الحبوب ماتكون مأثره على سويره..!

 

[موزة النعيمي]

اما بالنسبة لراعي فهو كان في الدوام من صباح الله.. خلى يزوي نايمه في ا لبيت وطلع دون مايخبرها. بس حط لها ورقة عند باب غرفتها وهو كاتب فيها" صبآحج خير ام الرقاد.. انا سرت الدوام لانه عندي شغل مهم.."..


يزوي:[ وهيه توها ناشه وببجامة نومها.والكشه ناقعه من راسها.] استغفر الله كالعاجه شرد و طلع دون ما اسوي له ريووق.ّ! شو هالحاله.. زوجه فاشله..من قالت يزوي هالكلمة حطت ايدها ع ثمها وهيه منصدمه..
يزوي: شو زوجه ما زوجه.ّ! هع شكلي بديت اتأقلم..آآآآه.. يالله يا راعي.! شو سويت فيني. ؟ وقامت يزوي اتصلت ع سويره..وهيه كانت قاعده مع ريلها في الكوفي يتريقون.^.^
سويره: الو
يزوي: صباح الخير..
سويره: صباح الورد يا احلى ورده..
يزوي ابتسمت: شحالج سوسو؟
سويره: انا بخير حبيبتي انتي شحالج؟
يزوي: انا زينه بس مضايجه..!
سويره : (وهيه تشرب نسكافيه): افا ليش اختي الدلوعه متضايجه؟
يزوي: راعي.!
سويره بخرعه: شفييه؟
يزوي: سار الدوام دون ما اسوي له ريوق..
سويره حطت الكوب وبدت تضحك: ههههههههههههههههه انا قلت شي.!
يزوي: شو شو تضحكين؟ احين شو بيقول عني؟ حتى كاتب لي ورقة وكاتب لي فيها ام الرقاد.!
سويره: تستاهلين حد قالج ترقدين هالكثر؟
يزوي: افففففففففففففففففففففف سويره لاطفريبي من الصبح تراني مو ناقصه.!
سويره: ههههههههههههههه زين زين خلاص هدي. ماعليه المره اليايه لاتخليه يطلع دون ريوق زين؟
يزوي: زيين.. انتي وين؟
سويره: انا مع حبيب قلبي نتريق.!
يزوي عقت عمره ع الشبريه: اهئ..
سويره: شفيييج؟
يزوي ياخي. ليش راعي مايطلعني جذا اتريق.
سويره: بدت تستانس: يزووي تبين تطلعين معاه؟
يزوي: امبوني اطلع معاه .. بس ولا مره سويناها وطلعنا نتريق برع الصبح.!
سويره خلاص قولي له..!
الشبلي بدا يطفر ويأشر حق سويره عسب تبند.. سويره شافته.. وتقوله صبر بايدها..
يزوي: استحي اقوله سويره شو بيقول؟ عقب بيحط في باله اني..
سويره: انج شوه؟
يزوي: ماشي خلاص جلبي ويهج
سويره: يزوي حبيبتي هذا زوجج ولج كل الحق انج تطلبين منه اللي تبينه دون ماتفكرين شو راح يقول او شو راح يفكر وبالعكس جربي مره وراح تشوفين انه بيستانس حيل.
يزوي: اهئ ماعرف سويره احس عمري غلط.!
سويره: طبيعي غلط.. عايشه معاه جذا؟ حرام عليج والله وزين منه لين الحين متحملنج ثلاث شهور ع هالحاله..!
يزوي: بس سويره بس.( يزوي بدا قلبها يعورها ع راعي..]
سويره خفت عن يزوي مابغت تضغط عليها وايد: خلاص ماما قومي لبسي وتريقي ودقي عليه شوفيه..!
يزوي:[ عدلت وضعيتها وتربعت ع السرير] هزرج يعني؟ والله اروحي متلومه انه طلع بلا ريوق.!
سويره: طيب دقيله سأليه تريق او لا؟
يزوي: هيه والله يالله عيل برايج.
سويره: وطمنيني اوكيه؟
يزوي: اوكي يلا باااي..

وسكرت سويره عن يزوي: آآآآه يا يزوي. مادري ليشم صعبتنها ع نفسج.!
الشبلي: شفيها اختج؟
سويره: شو اللي مافيها حبيبي.. بلاوي..!
الشبلي: ياخي سمعت كلام غريب عجيب.. كيف ثلاث شهور ومتمحمل وماتعرف شوه..
سويره: ماشي حبيبي ماشي..
الشبلي: شوماشي . ماتبين تخبريني؟
سويره: ههههههههههههه لا عادي حبي بس.. احس.ز مب حلوه في حقهم اني اقول..^.^ خلني ساكته عقب بخبرك..!
الشبلي: طيب ماماه ع راحتج.. كملي ريوقج يلا...

وفي الشركه عند راعي كان مرتبش من خاطر. ومعصب على العمال لان شغلهم يوم عن يوم بادي يخترب..!
وكانوا كل الموظفين متولفين عنده في المكتب.. وسعيد( سكرتيره ) هو الوححيد اللي يتهزا..!

راعي: يا سعيد الف مره منبه عليك.. هذيل لازم يشرف عليهم مصطفى. وينه ذالف هو الحين؟
سعيد( سكرتير راعي): طويل العمر تراني انا نفس الشي نبهت عليه.. لكن...
راعي وهو يصرخ: في ا لشغل اناما ابغي اسمع لكن.. يا تشتغلون مثل الناس يا الباب يوسع جمل.. شو هالاهمال اللي فيكم. ولا يعني غبت كم يوم وخليتكم براحتكم خلاص تخربونها؟
سعيد: طويل العمر .. اسمعني بس...
راعي: الحين تسير تنادي لي هالمصطفى واطلعه لي من سابع ارض سمعتني..
سعيد ماعيبه معاملة راعي له: ان شاء الله طويل العمر. وعشان الاوراق الناقصه للمناقصه اطرشهم الحين ولأ؟
راعي: لا انا بطرشهم عقب دقايق بقراهن شوي وبعدل فيهن..
سعيد: ان شاء الله طويل العمر.. بس ياليت ما تتأخر لان اذا اكتملت الاوراق راح اطيح علينا المناقصه وراح نعوض المليون اللي خسرناه عشان نربحها.!
راعي: خلاص ياسعيد اعرف اعرف تراني.!
سعيد: السموحه طال عمرك.. وطلع عنه..
راعي صد صوب الموظفين: من اليوم ورايح أي ورقة تطلع او تدخل ابغي اعرف عنها. اهمال في الشغل مابغي.. واقسم بالله اني هالمره ماراح ارحم حد.. ويلا كل واحد ع شغله.. مدير قسم الحسابات ابغيك اقعد..!
وقاموا الموظفين عن الطاولة..!
حسآم: ايوا يافندم.
راعي وهو يقلب الاوراق: ممكن اعرف شو هالزفت لي في هالاوراق؟
حسآم وباين عليه الارتباك: لحزه يافندم هفهمك كل حاجه.!
راعي: بلا حاجه با زفت. صار لك شهرين وانت قاعد تستغل مزانية الشركه حق حساباتك الشخصية؟
حسآم: لا يافندم مايصحش ده الكلام. بس لحظة افهمك.!
راعي: انت مطرود.! وورني عرض اكتفاك مابغي اشوفك في الشركه مره ثانيه.
حسىم احتشر... ويحاول انه يهدي راعي او حتى يسمعه ولكن راعي وقع ع ورقة تفنشيه وطرده من الشغل بحكم انه استغل اموال الشركة وثقت راعي في اشياء ماتخص الشركه.!
وطلع حسام..

 

[موزة النعيمي]

وقعد راعي يكمل شغله ويقلب في باجر الاوراق حس عمره منهك تعبان شوي ويبا يصيح..اتصل ع ابوه.

عتيج: خير يا راعي شفيه صوتك؟
راعي: ابوي والله متبهدل فيا لشغل وايد احسني مب على بعضي مول.!
عتيج: ( وهو يكلم سكرتيرته): ايوا رسليهم لي عقب نص ساعه . وملف بو جاسم خليه جاهز ابغي اراجعه..
السكرتيتيره: ان شاء الله طويل العمر.!
عتيج رجع لراعي: شفيك راعي عسى ماشر؟
راعي: ابوي الوضع هني وايد متلخبط ومتلعوز. واحسني مب قادر اركز في شي.!
عتيج: ماعليه راعي.. سير البيت وارتاح.
راعي: أي راحه؟ البيت هم فوق هم..! وين ما ادقها عويه..!
عتيج: افا؟ ليش جيه تقول راعي؟
راعي: بس يابوي مول هب مرتاح لا هني ولا هناك لا منرحه ولامن شغل. مافي شي ضابط عندي( راعي طلع من طوره)
عتيج: ماعليه حبيبي انت هدي الحين.. وارجع البيت ارتاح انا عندي شغل بنتفاهم عقب.!
راعي: طيب ابوي..!
سكر راعي عن ابوه وقام يمشي شوي في المكتب وهو حاس بضيجه فضيعه. وصل طاولة المكتب حط الفون هناك.

وفجأ يرن فونه.. وهو كان يالس ع طاولة الاجتماعات مجابل اللاب.
راعي: يوووووووووووووه منو داق بعد الحين؟ يذلف مب قايم ارد.!
ويزوي من صوب: غريبه وينه راعي ليش مايرد؟
وردت تتصل يزوي مره ثانيه.طراعي: استغفر الله..( قام وبكل عصبية ويوم شاف انه يزوي داقه. استغرب..)
راعي: الوه؟
يزوي: صبآح الخير راعي..
راعي: صباح النور( وباينه عليه الضيجه من صوته)
يزوي: ممم تريقت راعي؟
راعي: هيه تريقت
يزوي: شو كلت؟
راعي: كلت سم وكان وايد حلو..
يزوي انصدمت بلاه راعي جذا يرمس: عووذ بالله كلت سم؟
راعي: هيه عسب تفتكين مني. وتفتكين من شيفتي ورقعة ويهي وعسب ترجعين بيتكم وتنامين في غرفتج.. وماتضطرين تجامليني وتسوين لي غدا وعشا وروويوق....( وقاطعته يزوي)
يزوي وبكل عصبيه :بس ياراعي..!
راعي انهز من صرخة يزوي وسكت وهو أرفان.. حآس بانه جبل ع صدره من الضيج لي فيه..!
يزوي حست انه راعي مضايج لانه اول مره يكلمها بالاسلوب
يزوي: بن عمي شفيك مضايج؟
راعي: ماشي.!
يزوي: انا اسألك شفيك مضايج؟
راعي: يزوي قلت لج ماشي..!
يزوي: طيب راعي دقايق وانا بكون عندك في الشركه.
راعي: شوه ؟ لا خلج مكانج شو شركه ماشركه؟
يزوي: عيل ليش تقول هالكلام راعي. سم وماسم وتفتكين؟
راعي: شو تبيني اقولج مثلا يعني؟ تبيني اقولج ان حرمتي اللي هيه انتي تحبني وميته فيني عسب جذا هنالها الصبح اطلع بدون ريوق؟ ولا حرمتي اللي اداريني وماتخليني محتاج لشي تنام عني في غرفة منفصله وانا في غرفة اروحي؟ ماتدري عني شو اسوي م اسوي؟
يزوي تسمع هالكلام وهيه منصدمه في مكانها. ماتوقعت انه بيي اليوم اللي راعي راح يعالمها بهالطريق او يسمعها هالكلام.! ماسوت أي حساب لهاليوم..!
يزوي: بس يا راعي..
راعي: شو بس شوه؟
يزوي: انت عارف هالشي قبل الزواج؟
راعي: هيه عارف وكان عبالي انج راح تعتدلين وتحسين شوي. وتقدرين حبي. لكن طول ما انا اعطيج هالحب انتي راح تظلين ع هالحاله.مايبين شي بعينج.!
يزوي دموعها بدت تنزل ع خدها من كثر الصدمه وهول الموقف.. الكلام كان ع قلبها مثل السيف. يجرحها.. ودموعها تنزف.. راعي يقول هالكلام؟ راعي الطيب الحنون اللي مايرضى بالشين عليها يقول هالكلام.؟ ماعرفت شو ترد كان الصمت هو ردها الوحيد عليه.!
راعي: والله. اف هب حاله.. الواحد يرجع البيت يبا يرتاح انا ارجع اشوفك منخشه في غرفتج.!
يزوي ساكته وماترد. منصدمه حدها.! عقبها راعي سكت ثواني.. حس بانفاس يزوي انها قاعده تبكي..!
راعي حس ع عمره.. : الله يلعنك يا أبليس..!يزوي..
يزوي ساكته وماترد..
راعي: ياربي شو سويت انا. شو قلت انا..
يزوي كانت قاعده تصيح . بصمت. فقط الدموع تنزل من عينها
راعي: اسف يا يزوي وسامحيني بس والله ضغط الشغل. ومب متحمل أي شي.. وانتي. مادري.. انتي لين متى جيه بتظلين؟ يزوي انا محتاج لج. محتاج لزوجتي توقف معاي تخفف عني.. انتي... بس تهتمين باكل وشرب انا ما ابغي هالشي بس. وصدقيني أي ريال في مكاني ماتحمل هالحياه لين الحين..
يزوي ساكته وحاسه بالكلام لي يقوله راعي..
راعي: يزووي آنا اسف .. بس ارجوج افهميني...!
يزوي وبصوت خفيف: خلاص يا راعي..انا بسكر
راعي: لا ماتسكرين خلج.. محتاج اسولف وياج شوي.!
يزوي: آمرني؟
راعي: حبيبتي يزوي.. لاتزعلين من كلامي.. بس هذا الحق.! كيف يهنالج تنامين في غرفه اروحج وريلج في غرفه اروحه دون ماتدرين هو شو فيه شو مافيه؟ تخيلي بلليل صارلي شي.. مرضت تعبت.. تخيلي مت.! ويوم قمتي الصبح شفتي بس جثه. شو بتسوين؟
يزوي: بسم الله عليك بن عمي( وهيه تمسح دموعها)
راعي: بترومين تعيشين من دون حس راعي في البيت؟
يزوي : طبعا لا...
راعي: بترومين تعيشين دون ماتشوفين راعي في البيت؟
يزوي: طبعا لا.
راعي: عيل ليش كل هذا يزوي.؟ ليش مبتعده عني؟
يزوي: مآعرف.
راعي: طيب يزووي. يوم تعرفين خبريني.
يزوي: نزين..
راعي: طع بعد تقول نزين. .!
يزوي ابتسمت وهيه تصيح: مو انت قلت من اعرف اخبرك؟
راعي: يعني بالعقل انتي ماتعرفين الحين؟
يزوي: اعرف شوه؟
راعي: ماشي خلاص..( قلبه معورنه عليها): يلا مسحي دموعج تراج خيستيني
يزوي: ههه ان شاء الله.!
راعي: يزوي ابغيج تفكرين بكلامي.. وانتي انسانه عاقله. وانا دوم اوثق فيج وفي تفكيرج.. افهميني عاد..!
يزوي: ان شاء الله..
راعي: والله اروحه هالشغل أرف. تعبت نفسيا منه.! اليوم طردت .....
وقعد راعي يسولف مع يزوي قرابة الساعه.. وهو ناسي موضوع الاوراق. . ومن تذكر..
راعي: ششششششششششششششششششششششت
يزوي:شووه؟
راعي: نسيت اطرش الاوراق.. يالله برايج برايج يزوي. وجان يسكر الخط عنها..!
يزوي: ويه. بند في ويهي؟
راعي ارتبش وطلع عند سعيد يدوره..مالقاه..!
راعي: استغفر الله شو بيصير الحين. مافيني ع خسارة هالمناقصه بتطلع روحي لو خسرتها.! انا مب ناقص
وجان بسرعه بسرعه يشل الاوراق وقعد يكتب ويعدل وخذ يمكن عشر دقايق وجان عقب يطرشهم..!
واول ما وصله التقرير الاستلام منهم. كان مكتوب فيه ملاحظه:
" لقد قمت بارسال البينات في وقت متأخر ولهذا قد تم سحب ميزة الاولوية عن الشركة التابعه لكم.. وستكون هناك اولوية للشركات السابقه لهذا العرض.. وسيتم الاخذ بالشركه الي تستوفي جميع الشروط المطلوبه."
راعي: ياااااااااااااااااااااااااااااااربي( وضرب في الطاولة).افففففففففففف..! وطلع راعي من المكتب وشاف سعيد في ويهه.
راعي: انا ساير البيت أي ايميل يوصل خبرني عنه..!
سعيد: ان شاء الله طويل العمر..!

 

[موزة النعيمي]

[ يابوي ماظنيت هذي صفاتك ... يابوي انا بنتك علامك عليه ]

في بيت دانتي.. لهفة الخاطر كانت نآيمه في غرفتها كالعاده. وماتنش الا ع صراخ غلا بني كعب في البيت.!

غلا بني كعب: حسبي الله على عدوها شردت الكلبه شردت.!
دانتي: لحوول لاتين تصارخين بتلمين الجيران حولنا
غلا: ولا بعد شالت هالاثول معاها. الحين الحين تسير تييب لي خدامه
دانتي: نزين بييب لج بس خلاص اسكتي عاد؟
قامت لهفةالخاطر وقفت روى الباب تبغي تسمع..
غلا: خاطري اعرف منو جرج لهم راسهم. ؟
دانتي: والله محدج رج راسهم من هالبلاوي لي قاموا يشوفونها في البيت..
غلا: بلاوي شوه؟ شو قصد جانا اسوي مشاكل في البيت؟
وبين صريخ غلا ودانتي مشاغب بدا يصيح واترفع صوته من الصياح.. لهفة الخاطر تسمعه وكان ودها تسير وتشيله من بينهم ىهالاثنين. ولكن للاسف الباب كان مقفول.!
لهفة الخاطر: شو مستوي الحين؟ شكلها ميري شردت؟ خخخ احسن افتكت من شر هالعجوز الشمطاء..!
غلا: قم سير ييب لي خدامه..
دانتي: استهدي بالله توه الناس بسير عقب.
غلا: اففففففف عيل تدري بنتك هيه لي بتشل وبتحط لين تيب هالخدامه.!
دانتي يلس ع الغنفه وشآل الجريده وقعد يقرا وهب مفتكر في كلام غلا..
وع طول سارت غرفة لهفة الخاطر .. اول مافتحت الباب شافتها لهفة الخاطر .. بابتسامه شاقه الحلج. كانت لهفة مستانسه باللي صاير لهم هع..!

غلا: ويع شفيج شاقه الحلج..!
لهفة الخاطر: هع ماشي..!
غلا: نزين قومي.. قومي يلا سيري شلي مشاغب وسبحيه..!
لهفة الخاطر وهيه طايره من الوناسه: زييييين وينه؟
غلا: في الصاله. وكان مشاغب يصيح من خاطر.. ومن شافها سكت
لهفة الخاطر: حببيبي ليش يصيييح؟ يلا نروح نتسبحه؟ وشالته غلا وسارت غرفتها عشان تسبحه هناك غلا قاعده اطالعها وهيه مستغربة. عبالها ان لهفةالخاطر بتضايج من هالشي ولكن بان لها العكس..@

دانتي: وين سايره؟
غلا: بذلف المطبخ اجابل الغدا.
دانتي: ههه زين بعد يوم بيطلع منج شي.!
لهفة الخاطر سمعت ابوها وضحكت: خخخخخخخ...
وفي نفس الوقت بوسلطان كان في المستشفى ومعاه امه . لانه بيطلع اليوم..
الكعبيه وهيه زاخه ولدها: يمه شوي شوي عدال عدال حبيبي..!
بوسلطان: لاتحاتين امي خلاص راح الويع عني.
الكعبيه: فديتك ياولدي.. والله وتحملت وايد نم هالشر.. حسبي الله عليهم.!
بوسلطان: خلاص امي الموضوع انتهى.!
الكعبيه: زين قوم يالله..
وفجأة دخل عليهم المهاجر..
المهاجر: السلام عليكم.!
الكعبيه: وعليكم السلام هلا ولدي( تتحراه حد من ربع ولدها)
بوسلطان من شاف المهاجر قعد يطالعه بنظرات احتقار. وفي نفسه مستغرب شو يايب هالشخص هني المستشفى.!
المهاجر: شحالك بوسلطان الحين؟ عساك بخير؟
بوسلطان: ربي يسلمك.!
المهاجر: وشحالج خالوه ععساج مرتاحه؟
الكعبيه: بخير ياولدي بخير. الا انت منوه؟
المهاجر: انا ولد...
بوسلطان قاطعه: امي هذا واحد من الربع .. سيري واترييني في السياره.!
الكعبيه: بتروم اتي السياره ولدي؟
بوسلطان: هيه امي بيي سيري ترييني مابطي..!
وقعد المهاجر يطالع الكعبيه وبوسلطان وهو مستغرب ليشب وسلطان اخفى عن الكعبيه حقيقة المهاجر..!
بوسلطان: خير شو تبغي ياي؟
المهاجر: بوسلطان انا بصراحه. يـ.. يـــا..ياي اعتذر منك ع اللي صار.!
بوسلطان قعد ساكت ويسمعه.!
المهاجر: نحن قبل كل شي عيال عم يا بوسلطان وماتعرف شو قد وناستي اني اشوف عندي ولد عم شراتك...! واختك انا صح خطبتها لكن ماكنت ادري انك موجود.. لان ابوك قالي انك....
بوسلطان: اني شوه؟؟
المهاجر: انك انسان صايع ضايع عسب جذا خذ اختك وخلاها معاك.!
بوسلطان: ههههههه نزين؟
المهاجر: ليش تضحك؟
بوسلطان: لا بس رحمتك.! مستوي مقصه..( وهو يقوم عن السرير)
المهاجر احتر ع هالكلمة: رجاءا بوسلطان دامني محترمنك احترمني.!
بوسلطان طالعه بنظرات: زيين يااللي اونك ولد عمي..
المهاجر: وتأكد دامها اختك ماتباني انا ماراح اغصبها علي وماراح اغثها غصبنا عنكم لو شو ماسوى عمي.!
بوسلطان من سمع هارمسه ماصدق.. قلبه طار من الوناسه كله ولا اخته في الدنيا: صدق وانا اخوك؟
المهاجر ابتسم: هيه صدق ياولد عمي.. الزواج مب بالغصب.. وانا هاك اليوم حسيت ان اختك فيها شي.!
بوسلطان: شو لي حسيته؟
المهاجر: ما اعرف بس حسيت انه اختك مغصوبه ع الموضوع..!
بوسلطان حس ان المهاجر انسان خير وحس انه غير عن اللي كان حاطنه في باله.!
بوسلطان: شوف يا اخوي.. هذا رقمي. واتصل فيني وبنتفاهم ع كل شي. لان الوالد الحين تترياني برع..!
المهاجر خذ الورقه وقعد يطالعها.
بوسلطان: وان شاء الله مايصير الا الخير.
المهاجر: ان شاء الله يا ولد عمي..
وقام بوسلطان عشان يطلع من لحجره..
المهاجر: ربي يحفظكم من الشر ان شاء الله
بوسلطان: ويحفظك..
وطلعوا هو والمهاجر من المستشفى بوقت واحد هذا راح شرق وهذا راح غرب..
المهاجر يحس انه بدا ينجذب لود عمه بوسلطان ووده لو الامور تتصلح ويكون عنده ولد عم واخ وصديق وخاصه انه توه ياي من برع.. وعمره ماحس بطعم العائله وابناء العم.. وبوسلطان من صوب قلبه بدا يرتاح ع اخته تطمن انه اخته ماراح تتزوج غصبن عنها لان المهاجر ريال باين عليه والنعم..

خلونا نشووف..~

دون سآبق انذار.. وقت الجرس دق. والصارخ اشتغل. وسيارة الاسعاف ولعت.
في بيت سلندر غاز وحرمته ا معقوص.
وفي انتظار المولود الاول في حياتهم..
ا معقوص: واااااااااااااااااااااااااااااااااااااااااااااااااااااااااااااااااااااااااااااااااااااااااااااااي بموت بموت بموت .. لحقوووووووووووووووني. وهيه تمط كندورة ريلها سلندر غاز..
سلندر غاز وهومب عارف شو يتصرف: ا نشا ءالله ان شاء الله حبيبتي اهئ هدي هدي والله بنوصل...
بلاك كات: اسنغفر الله بسم الله عليج...
ا معقوص: ولدي ولدي.. بموت بموت. بسرررررررررررررررررررررررعه( وهيه تصارخ..)
بلاك كات: بسرررررررررررررررررررررعه يا سلندر..
وسلندر غاز يطير في الشارع ويسوي ون تو بين السيايير. سرعته تعدت ال200 .. ويالله يالله هبابهم يوصلون المستشىفى..~

 

[موزة النعيمي]

وفي المستشفى ع طول نقلوا ا م عقوص ع الحماله ودخلوها غرفة العمليات وهيه شاله المستشفى بصراخها.. سلندر كان متوتر لجدره فضيعه. ومب عارف شو يسوي. شوي يمين وشوي يسار .. يمشي هنا ويمشي هناك. وشوي يوقف ع المرايه ويشوف من الباب..

بلاك كات: اذكر الله ان شاء الله تقوم بالسلامه.!
سلندر: والله ماكنت ادري ان الحملا جذا صعب
بلاك كات: هيه والله ماكنت ادري انا بعد.
سلندر: يالله يارربي..سهل علينا.( ورجع يطالع من الجامه)...

في نفس الوقت الشبلي وحرمته سويره رجعوا المستشفى عشان يوشوفون نتجية الفحوص طافت عليها اكثر عن ساعتين سويره كانت خايفه من النتيجه. واول ماصلوا الدكتوره طلبتها اروحها دون الشبلي..

سويره: خير دكتوري طمنيني..
الدكتوره وهيه اطالع الاوراق : ماتخافيش ياسويره نوشكر الله.
سويره: شو يعني دكتوره استبشر بخير؟ اقدر احمل؟
الدكتور: بإزن الله تئدري لكن عاوزه اسألك سؤال..
سويره: تفضلي.

الدكتور: انتي كنتي بتاكلي حبوب منع الحمل؟
سويره وبكل خجل: هيه دكتوره
الدكتوره: وليه؟
سويره: في بداية زواجي ماكنت ابغي احمل فكلتهم
الدكتور: وكم استمريتي؟
سويره: اكثر عن شهرين.!
الدكتوره تنهدت نهده طويله وتمت ساكته.
سويره: خير دكتوره؟ الحبوب مأثره علي؟
الدكتوره: حبيبتي.. الحبوب مأثره عليكي ولكن مش لدرجه اللي هتخليك ماتئدري تحمليش.. في دا الوئت خطر عليكي تحملي لازم تنتزري سنه كامله .ماتحمليش..
سويره: خييبه سنه ليش عاد؟
الدكتوره: لانك لو حملتي ئبل المده دي راح تتأسري عند الولاده كتير. وراح تكون فيه مضاعفات جانبية كتيره.. يمكن ماتتحمليهاش..!
سويره وهيه منصمده: بس دكتوره سنه وايد بعيد وزوجيي يبغي بيبي حرام احرمه طول هالوقت. مافي حل؟
الدكتوره: للاسف ما ائدرش اديكي أي حل .. لان ممكن هالشي يضرك اكتر..
سويره: ويعني؟
الدكتوره: يعني لما ترجعي البيت اجلسي مع زوجك وعلميه الليي ئلتلك عليه.. واستنوا سنه لين ما اثار الحبوب تختفي ويفرجها عليكو ربنا..
سويره طلعت من عند الدكتوره وهيه مب قادره تتخيل انها تصبر سنه عن العيال.. وريلها بخاطره هالشي..
الشبلي: ها حبيبتي بشري؟
سويره: ومتصنعه الابتسامه: كل خير حبيبي الامور طيبه..!
الشبلي: يعني راح تيبين لي بيبي شيطون ؟
سويره: هيه حبيبي..^_^

الشبلي طار من الوناسه وقعد يرمس وهو مستانس و يحمد ربه انه سويره مافيها شي وانه تقدر تييب العيال لانهم كانوا شايلين هم التأخير.. سويره من صوب اروحها سرحانه وتفكر شو الحل هل تخبره او لا؟
ولكن يوم شافته وهو طاير بذيج الوناسه مارامت تواجهه وتخرب عليه وناسته.. وقررت انها تحمل.. عشان خاطر ريلها ووكلت امرها لرب العالمين.!
سويره في خاطرها: غلطتي ولازم اتحملها. وماراح اهدم وناست حبيبي...~

وقبل مايطلعون من المستشفى شافوا سلندر غاز وهو طالع فوق من الدري.. وجان يناديه الشبلي.
الشبلي: سلندررظ0 وهو يصارخ)
سلندر التفت وراه وشاف ولد خالته: هلا هلا الشبلي
الشبلي: خير شفيك جذا متوتر؟ شو صاير؟
سلندر: حرمتي يا الشبلي حرمتي؟
سويره: ( وهيه منصدمه) بتولد؟
سلندر: هيه بتولد هيه..
سويره: ياااااااااااااااااااااااااااااااااي فديتها يلا يلا ودني عندها.!
سلندر: يلا مشينا ...
وساروا كلهم عندهم لين وصلوا قرب غرفة العمليات.!
سويره وهيه تناقز: بلاك بلاك: واخيرا بتربي عقوص؟
بلاك: هه خفي خفي ههههه هيه بتربي.
سويره: ياي ياوناستي يالله يارب سهل عليها..
سلندر غاز: آمين يااارب..

ومرت ساعتين وام عقوص في غرفة العمليات.. والكل ع اعصابه يتريا والابخير..تطلع النيرس من الغرفه..
سلندر يركض صوبها: ها نيرس بشري..
النيرس..: Congratulations, Sir, has given birth to a baby boy
سلندر من الدوشه مافهم النيرس: ياناس وش وش تقول ذي؟
الشبلي وهو يطبطب على كتفه: مبروك مبروك يا ولد الخاله يالك ولد هههه
سلندر ماشالته الارض من الفرحه.. حس عمره.. مب بس فرحان. حس عمره بينطر من الوناسه وع طول دش غرفة الولاده وسار عند حرمته واللي كانت تعبانه مووت...
سلندر ودموع الفرح في عينه: الف حمدالله ع سلامتج يالغاليه..
ا م عقوص وهيه تبتسم ابتسامه مليئه بالتعب ومليانه فرح: يبارك فيك حبيبي..
سلندر باس ايدها: ربي لايرحمني منج. ولا من هالصغيرون الي يبتيه..
وجان اتجيب النيرس البيبي وشاله سلندر غاز بين احضانه وهويلاعبه
سلندر: ياكوتوموتو طالع قمر شراتك امك
وجان يحط ثمه ع اذنه وهو يهمس..
الله اكبر الله اكبر الله اكبر الله اكبر
اشهد ان لا اله الا الله اشهد ان لا اله الا الله
واشهد ان محمد رسول الله واشهد ان محمد رسول الله
حي على الصلاه حي على الفلاح
الله اكبر الله اكبر
لا اله الا الله
ربي يحفظك من الشر يارب.. ويخليك ذخر وعون لي ولامك ولاهلك.. وباسه بوسه خفيفه ع راسه

ا م عقوص: ابغي اشوفه عطني اياه وقامت ا معقوص تعدل يلستها. وجان يعطيها سلندر غاز بشويش
سلندر: حاسبي حاسبي لا يصيبه شي..
ا معقوص: لاتخاف هاته..
واول ماشالته ا معقوص في ايدها باسته ع جبينه بوسه خفيفه مليانه حنان. ونست كل التعب وكل الجهد اللي بذلته وهيه تربي هالولد الصغير.. فطرة الام اشتغلت فيها لاشعوري. وقعدت اطالعه بنظات كلها حب وحنان وخوف.. وشافت مستقبل ولدها من اليوم..
وحضنته لصدرها وهيه تقول: ربي يحفظك من الشر ياارب..
وجان ادش سويره وبلاك كات الغرفه: ياربي.. الف الف مبروك.. يتربى في عزج ياارب.
بلاك كات: ياعمري والله ياولد اخوي وقربت من م عقوص تشوفه..ياي شو عسل يشبهني..
سلندر: يالله مناك شو يشبهج طالع ع ابوه هههههههههه
سويره: يلا عاد خل عنكم اكيد طالع ع خاله. وجان يتحمحم الشبلي..
سلندر: تعال تعال ولد خالتي محد غريب..
الشبلي: السلام عليكم
ا م عقوص: وعليكم السلام
الشبلي: الف مبروك ماياج يا اختي( وباسها ع راسها) ويتربى في عزكم ان شاء الله..
ا معقوص + سلندر: يبارك في حياتك اخوي ..
الشبلي: يالله يالله صج انه قمر شرات امه..
ا معقوص: عقبال ما اتيب اللي احلى عنه
الشبلي: هههههههههههههههههههه اكيد بيكون ولدي احلى طالع ع ابوه الحلو هع
سلندر: بس بس عاد لايسمعك الولد
الشبلي: ياي عطوني اشيله وربي يجنن.. وشاله الشبلي وسويره قاعده اطالع كيف عوم تشفق ع الاطفال وكيف يحبهم. وسعاتها قررت الا تجيبه الولد حقه وماتحرمه هالشي ولو حتى ع حساب صحتها..~

الكل كان مستانس وفرحان بالبيبي اللي ياي.. سويره اتصلت ع يزوي وعطول يزوي يت ويابها طبعا سي ار وطبعا شاف هناك بلاك كاتم وجوده ولكن هو من الاساس نزل يزوي ووصلها وبارك حق سلندر وراح..~ّ
سي ار: المال والبنون زينة الحياة الدنيا يا بلاك كات.. سامحيني..~
بلاك كات استغربت ان سير ار روح.. ولكن ما اهتمت كثير ورجعت تشاركهم الوناسه...

 

[موزة النعيمي]

نرجع لبيت دانتي وحرمته.. لهفة الخاطر مستانسه حيل انها تهتم بمشاغب تسبحه وتأكله وتسويله كل شي ع الاقل مسلية عمرها معاه^^
وغلا بني كعب طفرت من البيت من اول يوم.
دانتي رارجع من برع... ودخل البيت ..
دانتي: غلااا؟ وينج يا غلا؟
غلا ويالسهاطالع تلفزون ماتدر عليه.
دانتي: يه انتي هني؟ اناديج شعنه ماتردين؟
دانتيك حتى لو جذا تستقبلين بوعيالج؟
غلا: اقعد ولي يسلمك لاتعور لي راسي.
وقعد دانتي ع الغنقه: آآآآآه اسميني يوعان شو مسوية عشا؟
غلا: ما مسوين شي..
دانتي: شوه؟ شو حقه؟
( ولهفة الخاطر تسمعهم من الغرفه)
غلا: كارفة طول النهار تباني اكرف الليل بعد؟
دانتي: الا عشا خفيف يعني حرام ارجع من الدوام وانا يوعان. شو باكل الحينه.
وجان تطلع لهفة الخاطر من الغرفه وهيه تقول: تبغيني اسويلك عشا ابوي؟
دانتي انصدم منها. اول مره تعرض عليه هالشي..
دانتي: تعرفين تطبخين؟
لهفة ال خاطر( وهيه تتقرب): هيه ابوي اعرف اطبخ امي معلتني خووش طبخه..!
دانتي وباستغربا اكبر: والله؟ شو تعرفين تسوين؟
لهفة الخاطر: انا راح اطبخ لك ابوي وانت ذوق اذا حلو او لا..
دانتي: يامبركها من ساعه سيري خلينا نشوف. غلا بني كعب تشوفها بنص عين وجان تقوم وتمط مشاغب من ايدها
غلا: هاتي ولدي..
لهفة الخاطر: زين خذتيه شوي لاني بدخل المطبخ ومابروم اجابله..^_^
غلا انقهرت من رد لهفة الخاطر. وسارت هيه وولدها فوق..
دانتي: تعاي وين سايره؟
غلا: خل بنتك تفيدك
دانتي: ههههههههههههههههههههههه..
لهفة الخاطر: خلاص ابوي انت قوم غير ملابسك وصل لين اخلص.!
دانتي سمع كلمة صلي ولكن ما استوعبها وايد.. اول مره في حياته حد يذكره بالصلاه.. حرمته لي هيه حرمته مايشوفها تصلي..الكلمة هزت له شعوره شوي..
دانتي وبكل عفوية: ان شاء الله. اقوم اصلي.. وبالفعل قام وسار عسب يتسبح ويصلي..
دانتي في خاطره يقول: والله دنيا غريبه. ياهل وتقولي اصل..!
ودشت لهفة الخاطر المطبخ وقعدت تقلب وتقلب وتقطع هني وتحوس هناك. طافت عليها ساعه ونص وهيه في المطبخ....
ووصل ابوها تحت ولقا لاعشا محطوط ع الطاولة وانبهر اكثر ببنته..!
يلس دانتي: هذا كله انتي سويتيه؟
لهفة الخاطر: هيه انا ابوي.. ويلا هاك الصحن ونق الي تبيه. عندك معكرونه بالباشميل.. عندك ا لفتوش وعندك. الزيتون.. وهذا الفاصوليا ع طريقة امي دانتي يطالع الطاولة وهو مستغرب ومنبهر وفي نفس الوقت مستانس. من زامان ماذاق هالاكل. شلح عن يدينه.. وبدا ياكل..
نزلت غلا ومشاغب في ايدها: ويع. لايكون حاطه في س حقك؟
دانتي وهو ياكل: والله خوض طبخه.. من وين تعلمتي هذا كله؟
غلا: من امي ابوي.
دانتي: هيه هيه والله امج ع زمانها ماشي احلى من طباخها..
وفجاة انتبه دانتي.ز شقاعد يقول؟ اول مره يطري الكعبيه ع لسانه بخير.. وطعم الاكل لي ياكله ذكره فيها وفي ايامه زمان معاها..
غلا: ها شو حنيت؟
وجان يغص دانتي..: كح كح..
فزت لهفة وعطت ابوها كوب ماي.. عافية عافية ابووي...!
غلا: يالله اشوف ذلفي غرفتج لابركة فيج..
لهفة الخاطر: ان شاء الله زين توفرين عليه غسيل الصحون. يالله تامرين امر حرمة ابوي.. وسارت لهفة الخاطر غرفتها وجان يلحقها مشاغب يركض..
لهفة الخاطر: وهيه تشيله: حبيب قلبي تنام معايا ليوم؟
دانتي وهو ياكل. يضحك.. يحس عمرهمستانس لاول مره في بيته..!
غلا: والعثره ياربي من هالبنت شفت كيف هيه سوسوه. مالت عليها وع امها..
وجان تسير فووق..

لهفة الخاطر تسوي كل هذا عشان تحنن قلب ابوها شوي. مافادت القوة يمكن تفيد الطيبه..
سبحان الله..~

بالنسبة لفراولة شقيه.. عزوز بين فتره وفتره يرجع لها يدق \ يتصل\ ويطفر بهاو هيه لاحول ولا قوة اطنش واطنش واخر شي ترد تسبه وتسكر عنه.!
حياتها رجعت مضطريه ولكن الاهم من هذا كله انها هيه ثابته وما استسلمت لطلباته للحين..
في بيت عزوز
مزاجية كول يالسه اطالع تلفزون ع الساعه وحده ونص اخر الليل وترمس فون..!
مزاجيه: هههه شو حبيبي؟
المهاجر: حبج برص قولي امين..
مزاجيه: افف حبيبي انت لي شجيه تقول؟
المهاجر: هع اسولف معاج ماماه شو ماتتحمليني مستوية...!

مزاجيه: لا بس احيان احس عمري عاقه عليك عني واحسم تفر رمسه.
المهاجر: يييه عليج اقول فكيني ابغي ارقد.!
مزاجيه: طع يوم اقولك اني عاقه عمري عليك
المهاجر: ياثقل دمج ..
مزاجيه شووووووووه؟
المهاجر: ياخي تزعليني يوم جيه تقولين حبيبي احين انتي عاقه عمرج عليه من قال؟
مزاجيه: ياخي احس جيه
المهاجر وبكل استهزاء: طيب حسي..
مزاجيه اقول حبيبي
المهاجر: قوولي..!
مزاجيه: ربيعتي هذاك اليوم كانت تبغي تشلني معاها المقها بس قلت بشوفك قبل..!
المهاجر: أي مقهى؟
مزاجيه: ما اعرف قالت ان حبيبها يسير هناكي وقالت لي اخبرك عسب تسير بعد هناك.! بس انا مادري
المهاجر: ههههههههههههههههههههههههههههههههههههههههههههههههه
مزاجيه: قلت شي يضحك انا؟
المهاجر: صج انكن بايعاتنها..
مزاجيه: ليش شو يخصه؟
المهاجر: لا ماشي حبيبي بس اسولف هههههههههههههههههههههه
مزاجيه: طيب شو رايك حبيبي
المهاجر: انتي تبين تسيرين؟
مزاجيه: ماعرف حبيبي كيفك
المهاجر: خلاص عيل بشيلج المقهى وبنسير وبحاله بنتوس رباعه صح؟
مزاجيه وهيه فرحانه: هيه والله فديتك حبيبي..
المهاجر يقول في خاطره: شو هاللووث الي طحت عليها..! الله يعين..

[ :imuae40:]


ترقبوا البآرت الأخير من قصة[ خلني قصة هوى تسكن كيآنك]...:imuae87:
والسموحه ع القصور..~

 

[ᗩl - ᗰaha]

[:imuae12:]


متآبعه لجٍ من بعيد زوزوٍ


إنتي تووحفه فديتجٍ


البآرت غآوي


وبإنتظآر البآرت الاخير


^^​

 

[أم أحمـد]

يااااااااااا خطير ياا باارت يااا الي كاتبتنك يزووي


يزوووووووووووووووووووووووووووووووووووووووووي نزلي البارت اول الشهر



الا اقوولج نزليه


عقب 3_6


هههههههههههههههههه


<<< نذله


وانا بعد مفتقده الي مفتقدتنهم في القصه


احتراماتي

سويرة

 

[راعي صوغة]

السلام عليكم ورحمة الله وبركاته ,,

باااااااااااك ,,^^

ماشاءالله عليج اختيه اليازيه كل بارت احلى عن الثاني ,,

وكل مره نشوف مواقف مضحكه وحزينه وانفعاليه

توقعاتي ,,

سويرة : بتحقق حلم الشبلي ,, وبتحمل وبتيبله تووم,, خخخخ يمكن &&

سي ار : بيخطب بلاك كات ..

دانتي : بيحن لزوجته القبليه ,, وبرجعلها , وبطلق غلا ..

راعي : بتم طول عمره جي ,, ما أستمتع بالحياه الزوجيه , وبنفذ طلبات يزوووي ,,

والله أعلم ,, ^^

تقبلي مروري ,,

 

[«● مـزآجيــہ كـــღـووولـ]

روووووووعهـ كالعآده يزوووي

يعطيج ألف ألف ألف عآفيه

آستآنست باللي صار بين بوسلطان والمهآجر

وحلوة الحركه اللي تسويهآ لهووفه عشآن تحنن ابوهآ عليهآ

وزعلت ع سويره بالنتيجه اللي طلعت واتوقع بأنها تحمل وبيأثر ع صحتهآ

واتوقع يزووي بتتقبل راعي اكثر بعد الكلام اللي قالهآ ايآه

وآمممم وانا كأني زودتهآ حبتين كل شئ اااصدقه خخخخخ ^^

بجد بآرت شئ وعجييب

ونتريآ البآرت الآخييير بفآرغ الصبر

يعطيج ألف عآفيه يزوي

وودي

 

[عريف هتلر]

احم دومج مبدعة اختي اليازيه سوري لاني قطعت عن القصه لفتره كنت مشغول واايد تعرفين دومااات بس مافي برت للحين ماقريته بس مستوي بخيل ما احط ردوود هههههههه سوري اختي و باارت حلوو وااايد نتريا البارت الياي بكون موجود ان شاء الله
تقبلي مروري
عريف هتلر

 

[موزة النعيمي]

السلام عليكم ورحمة الله وبركاته ,,

باااااااااااك ,,^^

ماشاءالله عليج اختيه اليازيه كل بارت احلى عن الثاني ,,

وكل مره نشوف مواقف مضحكه وحزينه وانفعاليه

توقعاتي ,,

سويرة : بتحقق حلم الشبلي ,, وبتحمل وبتيبله تووم,, خخخخ يمكن &&

سي ار : بيخطب بلاك كات ..

دانتي : بيحن لزوجته القبليه ,, وبرجعلها , وبطلق غلا ..

راعي : بتم طول عمره جي ,, ما أستمتع بالحياه الزوجيه , وبنفذ طلبات يزوووي ,,

والله أعلم ,, ^^

تقبلي مروري ,,

لاتعليق اخوي...!
مابخرب القصه عليهم هع..

دايما تعليقاتك في الصميم.:imuae54:
كل الشكر...~

 

[موزة النعيمي]

احم دومج مبدعة اختي اليازيه سوري لاني قطعت عن القصه لفتره كنت مشغول واايد تعرفين دومااات بس مافي برت للحين ماقريته بس مستوي بخيل ما احط ردوود هههههههه سوري اختي و باارت حلوو وااايد نتريا البارت الياي بكون موجود ان شاء الله
تقبلي مروري
عريف هتلر

مرحبابك اخوي
نورت من بعد غيبه
لاتكون بخيل
خلك كريم ههههههههههههه

يعطيك ربي العافيه


وأيضا احب اشكر سي ار ع تواصله الدائم رغم غيابه عن الساحه هنا^.^

خلكم متابعين

 

[الــــ ع ــــنــــود]

وروووووعه يزوي والله مابج حيله

راعي وحليلك رحمتك طحت ع وحده دفشه ههههههههههههههه

وسويره مبروك مبرووك من تربين خبريني عسب ايبلج هديه

متابعه بصمت

 

[روح الشبلي]

واااو الباااارت
يهبل هع سوووري لاني
تاخرة بس تدرون ما يخلونه
ندش عسب الامتحانات
يسلمووو يزوووي

 

[أم أحمـد]

غرشوووبه انا ما تسدني هديه

لازم هديه حق الياهل ووحده حقي ووحده حق ريلي هع


كيفج هع


بعزمح اكيييييد


الذبيحه على راعي ويزوووي هع


^^

احتراماتي

سويرة

 

[موزة النعيمي]

 

[أم أحمـد]

دبه اول يوم امتحاناتي


بصيييييييييييييح



اوك نتريااا بفضي عمري هع


احتراماتي

سويرة

 

[روح الشبلي]

اهى يزووووي
شنوووو ها التعذيب
اهى يلا شنووو نسوي محتااااجين
هههههههههههههههه
لا تتاخري واااايد علييييينه