"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

البارت السابع عشـــــــ17ـــــر..

في المستشفى البنات وصلوا عند فراولة. وقعدوا معاها. فراولة مارامت تقول كل شي للبنات. فقالت انها بس تهاوشت مع امهاا وانها اتعبت...~

يزوي: الله يهديج يافراولة .. لو شو ماصار مايصير تتهادين مع امج.!

فراولة: ادري بس الله يلعن بليس لي خلاني اقول ذاك الكلام

مس كلوزر: اي كلام قلتي؟

فراولة: قلت وخلاص..

ذبحهم غروري. خلاص ماعليه صار الي صار ووخلي هالشي عبره لج يافرالة وماعاد تعيدينها..

فراولة: خير ان شاء الله.~ وهيه تطالع امها... وعينها مليانه دموع..~؛

البنات يلسوا مع فراولة لين ماقامت امها وتحدولها بالسلامه.~ وونسوهم شووي وعاد يوم يا وقت الروحه الكل سار الا مس كرز قعدت..~؛

يزوي: يالله عيل خالوه نحن سارين احينه تامرني ع شي؟

بياض السحب: لا حبيبتي ابد سلامة راسج.

ذبحهم غروري: خالوه ديري بالج ع رووحج معاد نوصيج. وانتي يافراولة بعد لاتهدين امج لحالها..

فراولة : ان شاء الله لاتوصين.

يزوي= ذبحهم غروري: يالله مع السلامه..~؛

مس كلوزر : مع السلامه بنات..

طلعوا البنات وقعدت مس كلوزر مع فراولة عشان ماتخليها اروحها. لاحظت الزعل على ويه ام فراولة.. ولاحظت ان فراولة ماتقدر ترمس براحتها مع امها وان هناك حاجز بينهن..

مس كلوزر: يالله خالوه شدي حيلج عسب اطلعين من هنا وتروحين بيتج وتظلين تحت عين بنتج.

بياض السحب: افضل اني اقعد هني برعايتهم ولا رعاية حد

مس كلووزر: افا خالوه شو هالرمسه؟ فراولة مب اي حد هاي بنتج وملزومه فيج .

فراولة: ملزومه فيها غصبن عني لو شو ماثلت.. امي انتي اغلى شي بحياتي..

بياض السحب: دامني اغلى شي بحايتج ليش قلتي لي هذيج الرمسه اللي تعور القلب؟ ليش سميتي بكلامج وماراعيتي ان انا انسانه مريضه .. ومالي من بعد الله غيرج انتي؟

مس كلوزر شافت بياض بدت تنفعل وهالشي مب زين لها..

مس كلوزر: خالوخ ماعليه خلاص. هدي نفسج هدي. فراولة اغلطت وماعاد تعيديها مره ثانيه.

فراولة ساكته وتصيح ومب عارفه بشو ترد. دموعها غرقانه في عينها

ومس كلوزر تحاول تهدي الثنتين. وتحاول تطلف الجو شوي.. وهيه فخاطرها مستغربه من تصرف فراولة بهالشكل...


في بوظبي||


نسير صوب بوظبي عند ام بوسلطان وبنتها لهفة الخاطر اللي ابوهم ملعوزنهم وكل يوم ناط عندهم البيت..ويشاتمهم

الام طفرت والبنت بدت تتغيب عن المدرسه بس بسبة ابوها . وضرايبه مع امهم. بوسلطان في العين. مايدري بشي. ولا اهله حابين يخبرونه بشي بس عشان مايخاف ومايبتلش بمشاكل امه واخته << هذا كان تفكيرهم...~

واليوم شو سوى دانتي.. خلونا نشوف..
دانتي وهو برع يطق الباب شوي ويكسره..

لهفة الخاطر: امي ابووي يااي..

الكعبيه: لابركة فيه شو يايبنه؟

لهفة الخاطر : ماعرف امي افج له الباب؟

الكعبيه: لا لاتفجين خليه يولي برع..

ودانتي قاعد برع يدق الباب ويدق ومحد فتح له.. لين ما عصب وسار

دانتي: ماعليه مسودة الويه انا لي براويج شغلج..

سار دانتي واتصل على غلا بني كعب وهاي ماقصرت .

غلا بني كعب: شوه؟ مافجت لك الباب؟ وليش حضرتك راد؟ هاي بنتك ولك حق فيها

دانتي : شو تبييني اسوي يعني؟

غلا: شو تسوي بد سير اشتكي عليها باجر لايابت الفضايح لكم ماشي فايده سااعتها سير سير اشتكي وشل بنتك..

وبلغ دانتي الشرطه على ام بوسلطان وتبع شور حرمته وقالهم انها مب راضيه تفتح الباب له وانه مب راضيه تخليه يشوف بنته.
وع طول شل الشرطه. وسار بيتهم..
سوالهم فضيحه . وسوالهم زوبعه في الفريج.

الكعبيه وهيه متلثمه: حسبي الله عليك من ابو يايب الشرطه لين البيت؟

الشرطي(النورس): استهدي ابلله يا الوالده وخليه يشوف بنته.

الكعبيه: وماعرف بنته الا احين. دامها السالفه وصلت عندكم انا بعد مابسكت. وابغي اقدم بلاغ عليييه وربي ما اسكت

لهفة الخاطر منخشه ورى امها..

لهفة الخاطر( وهيه تبغي تصيح): الله يخليج يا امي خلاص بلا هالفضايح

والشرطي يسمعها حس انهم مب مال مراكز وان لاحولولا قوة لهم

النورس دخل داخل البيت بدل الفضايح في الشارع وقعد الام والبنت والابو في الصاله وقعد يرمسهم

النورس: احين ممكن نعرف شو المشكله؟

دانتي: الكعبيه مب راضيه اليوم تفج لي البنات عشان اشوف بنتي.. وهاي بنتي ومن حقي اشوفها

الكعبيه: يومها بنتك جيه جذا تسويبها وليش جا...(قاطعها الشرطي)

النورس: الوالده استهدي بالله مب جذا تنحل الامور

الكعبيه: انا ما ابغي اي حل مع هالانسان..

لهفة الخاطر: خلاص امي عاد. مب رازي علينا كل هذا بس عشان اتزوج ولد عمي..؟ اتزوجه وافتك من هالمصايب بسني انا تعبت والله تعبت..( وبدت لهفة الخاطر تصيح جدام الشرطي.. سمعها ونزل راسه وماعرف شو ييقول.. حس انهه مشاكل عائليه ماراح يقدر يتدخل اكثر من اللازم. زخ دانتي وشله ع صوب عسب يرمسه..

النورس: الوالد.. احين شو المطلوب منا؟

دانتي: اناا ابغي اشل بنتي عندي..

النورس: طيب هالشي مب من اختصاصنا بس نصيحتي لك. ان البنت بعدها صغيره وتحتاج لامها.

دانتي: البنت لو تمت هنيه راح تضيع .. وانا مابا اخليها مع امها.

النورس استغرب من الرمسه ولكن ما حب يسئل

النورس: الوالد احين انت ابوها صح؟

دانتي: هيه نعم ابوها

النوس" طيب بنتك كم عمرها؟

دانتي: آآ.. آآ بنتي عمرها. مم. تقريبا ع ال18

النورس: طيب البنت لو قاصره يوم عن ال18 راح يعتبرونها قاصر ومالك اي حق فيها انك تششلها.. يفضل لو تحلون الموضوع ودي مهما كان هاي بنتك وهاي ام عيالك ومب حلوه انك ادخلهم المركز..

دانتي استحى ع ويه شووي وحس ع دمه.. وماعرف شو يقول..
​

دانتي: انا مابغي شي غير اني اشوف بنتي كل يوم..

 

[موزة النعيمي]

الكعبيه تسمع هالرمسه وقلبها مغتم وتشوف لواته كيف وهو يبين انه قلبه ع بنته مادروا..~الضغط ارتفع عندها.. من القهر..||

النورس: ماعليه خير ان شاء الله راح تشوفها كل يوم.. بس يفضل انك تحل الموضوع ودي وتتفق مع ام العيال دون ما ادخلون اشرطه بينكم..

وفجأه تصرخ لهفة الخاطر.

لهفة الخاطر: امــــــــــــــــــــــــــــــــــــــــــــــــــــــــــــــــي؟.!

الكل زااغ والنورس قعد يطالع دانتي ينتظر انه يتحرك ويشوفهم.
دانتي واقف مكانه مب عارف شو مستوي

لهفة الخاطر: لحقوووووووووووني امي بتمووووووووووووووت بيني يديني.. اهئ اهئ..

النورس من شاف دانتي جذا والبنت تصارخ سار ركض عندهم وشاف البنت زاخه امها في حضنها وتصيح

لهفة الخاطر: الله يخليك اخووي امي بتروح من يديني.. دخيلك ساعدني.

النورس ع طول زقر دانتي وقاله

النورس: ام عيالك تعبانه تعال ساعدنا نوديها المستشفى

دانتي: مب عارف خايف لايصير فيها شي ويتوهق

شل بعمره وطلع من البيت سريع

النورس انقهر من تصرفه وعصب فول ع الاخر ورد يدخل

وهو زاخ ايدين الكعبيه يحاول يعرف شوفيها:

النورس: الوالده تسمعيني؟

لهفة الخاطر تصيح: امـــي؟ قومي.. امي تسمعيني؟.

الكعبيه فجت عينها شوي. يدوبها تشوف بنتها وتشوف عدالها واحد غريب وفجأه غابت عن العالم.......~

وفي المستشفى..||

الكعبيه من بعد ماشافها الدكتور . وفتحت عينها حصلت جدامها ولد بوسلطان وبنتها لهفة الخاطر..

بوسلطان: ماعليج شر الغاليه يعله فيني ولا فيج

لهفة الخاطر" وهيه مستانسه حيل": فديتج يا امي. يعلج العافيه ياارب. وبدت تصيح.

الكعبيه اطالع عيالهم ومب قدره ترمس. تبي تستال منو لي يابها وشو الي صار..

طبعا بوسلطان ماخلاها

بوسلطان: امي ريحي عمرج ولاتتكلمين وعقب راح تعرفين كل شي. يابعد قلبي الغاليه.. قعد يمسح ع راسها وهو في قلبه قهر من ابوه وعمايله. مب عارف شو يسوي ولا شو يتصرف.. طبعا في هالحاله صعب انه يترك امه واخته ويرجع العين عشان دراسته.

قرر انه يهد الدراسه لين ماتتعدل الامور ويقعد مع اهله بابوظبي..

اتصل ع راعي صوغه عشان يخبره انها راح يتغيب عن الجامعه لمده.

بوسلطان: مرحباا لغالي

راعي: مراحب الشيخ حيهم..

بوسلطان:يحيك ويبقيك علوم؟

راعي: علوم الخير ومن جداك؟

بوسلطان: خلها ع ربك وانا اخوووك.

راعي: افا . عسى ماشر؟

بوسلطان: ما من شر بس الوالده تعبانه شوي..

راعي: افا افا والله.. سلامتها ياارب.. الا شو فيها؟

بوسلطان: ارتفع الضغط عليها وعاد... طاحت تعبت..

راعي: استغفر الله العظيم. ماتشوف شر الوالده ماتشوف شر..

بوسلطان: تسلم حبيبي عاد قلت بخبرك لاني راح اضطر اتغيب عن الجامعه واتم في بوظبي

راعي: امره لاتحاتي .. ولاتشيل هم كل المحاضرات توصل لين عندك بس شد حيلك

بوسلطان: والله غالي وبن غالي ماعليك قصور ياراعي

راعي: ان شاء الله من احصل فرصه انا والشباب يايين صوبك بوظبي..

بوسلطان: لاتعبون عماركم انا اييكم العين

راعي: سر سر لا عاد. نحن نبا اني بعد بتروغنا؟

بوسلطان: ههه افا عليكم والله تعالوا وحياكم في اي وقت

وقعد بوسلطان يسولف مع راعي لين ماسكر عنه.. وزقرته اخته من الباب.

لهفة الخاطر: اخوي الشرطي وينه؟

بوسلطان استغرب: اي شرطي؟

لهفة الخاطر: الشرطي الي يابنا هني المستشفى انا وامي.. ( وصدت شافته يالس بعيد ع الكرسي هو وربيعه يسولفون)

لهفة الخاطر: كاهو قاعد هناك.. ياخوي انا مفتشله منه تعبنا الريال. وهو لي يابنا لين هني..

بوسلطان استغرب. لان لي تحراه انه ابوهم يابهم لين المستشفى بما انه كان معاهم

بوسلطان: ليش؟ انتوا هب ابوي يابكم؟

لهفة الخاطر: لا مش ابوي. ابويه من شاف امي طاحت ع طول طلع برع البيت ووالشرطي هو لي يابنا..يزاه الله خير لو ماكان هناك مادري شو كان بيصير فينا.

بوسلطان عاد هني جيم ووصلت عنه الH معقوله توصل في ابوه لهدرجه من لانذاله والامحطاط وانه يخليهم يلجأون لشخص غريب وهو موجود؟ انقهر تنرفز واسودت الدنيا في عينه...~؛


سار عند الشرطي عشان يشكره.

بوسلطان: السلام عليكم

النورس: وعليك السلام هلا الغالي ها كيف الوالده احين؟

بوسلطان: الحمدالله بخير وعافيه. مشكور اخوي ماقصرت ويزاك الله الف خير على اللي سويته لو ماكنت هناك مادري شو كان بيصير..

النورس: افا عليك اخوي هذا واجبنا ورب ضاره نافعه ابوك يابني البيت وهو مشتكي.. وبالاخير طلع وخلاهم دون مايقدم اي شي رسمي. يعني الموضوع خلاص تسكر. وانا ماراح افتحه مره ثانيه

بوسلطان: والله مادري شوقل.. بس الله يكثر من امثالك والسموحه عاد تعبناك...~

النورس: لا افا عليك الغالي محم في خدمة الشعب.

وقام النورس وترخص عن بوسلطان عقب ماتمن على الاوضاع.. وهو رايح في الطريج لمح لهفة الخاطر وهيه واقفه عند البا وتذكر دموعها لمن كانت تصيح على امها وقال في خاطره: الله يعينها. والله يصبرهم ان شاء الله.. موقف الله لايبلي حد به.. وساار

لهفة الخاطر منخشه ورا الباب وهي تراقب لين ماراحوا الرياييل..

بوسلطان قعد يفكر وهو يمشي.. ياته غصه من ابوه..مب قادر يتخيل انه ابوه واصل لهدرجه من الخساسه...!!

الله يكون في عونهم..~​

​

​

 

[موزة النعيمي]

في بيت الشبلي... ام عقوص يالسه ترمس بنت خالتها ع الفون

ام عقوص: هيه خطبناله عاد وخلاص نتريا موافقتهم

بلاك كات: يخرب بيتج واحينه تخبريني؟

ام عقوص: وان شاء الله لو خبرتج قبل شو بتسوين يعني؟

بلاك كات: اقل شي بحضر وياكم عوذ بالله.

ام عقوص: يلا يلا قري مكانج عاد وعن الطفاسه قالت بروح..

بلاك كات: طاعوا هاي صدق انج طفسه يلا يلا باي

ام عقوص: ههههههه طفسه محد غيرج يالثور

بلاك كات: الزبده بتين عندي اليوم؟

ام عقوص: وشو اييبني؟

بلاك: افف خلاص لاتين عيل قري مكانج..

ام عقوص: تراج طفرتيبي عاد عن الطفاسه

بلاك كات وهيه ترمس يا اخوها سلندر غاز ووقف حذاها وهو يعرف انها ترمس" ام عقوص"

سلندر غاز: منو ترمسين؟

بلاك كات: منو بعد خطيبتك..

سلندر غاز عطيني اكلمها

بلاك كات: يلا روح مناك ههههههههه اونه اكلمها

ام عقوص من مسعت صوتها وانه يبا يكلمها سكرت الخط ع طول هع

بلاك كات: حشا زاغت البنت منك متى تودر هالدفاشه؟

سلندر غاز: ههههههههههههههههه حليلج يا ام عقووص

ام عقوص مثل ماقلت لكم فيالبدايه انها محيره بس ماقلت لكم لمنوه. طبعا هيه محيره لولد خالتها سلندر غاز اللي يكبرها بس 5 سنين^^..

ام عقوص من سمعت صوت سلندر غاز استحت وزاغت وكل شي تولف فيها ه وبندت ردت بلاك تتصل فيها

بلاك: واني شفيج سكرتي؟

ام عقوص: هاه؟ اروحه بند انا شو يخصني؟

بلاك: اها اروحه بنننننننننند؟ هيه زين زين الموهيم بتين عندنا؟

ام عقوص: اخويه الشبلي محد اححيينه..

بلاك كات: خلاص بني نشلج انا وسلندر

سلندر من سمع هالرمسه اشتط

بلاك: ها شو قلتي؟

ام عقوص: خلاص اقول لامي وارد عليج( وهيه مستحيه مووت)

بلاك: اوك نس ساعد بالكثير ونحن عندج

وسكرت ام عقوص عن بلاك كات.. وهيه متخجله قالت لامها ووافقت

سلندر غاز محتشر.: وحق شو نص ساعه بعد قومي نسير احين

بلاك كات: عوذ بالله يبوي خل البنت تزهب عدل مدل..

سلندر: اقولج قومي احين نسير ولا بكسر راسج يلا قومي

بلاك كات: زين زين خلاص قوم يلا نسير..

وقامت بلاك كات لبست عباتها سلندر مب مصدق بيشوف حبيبة قلبة ام عقوص. وحرمتة المستقبليه.

وصلوا عندهم البيت. تجدمت بلاك كات داخل وتمت تنادي

بلاك كات: خالووه وينج؟

سنفوره: هلا هلا بنيتي هلا الغاليه. وسارت بلاك كات تبوس راس خالتها وعقبها راحت لام عقوص فوق

سلندر غاز دش عسب يسلم ع خالته وقعد بالصاله معاها يسولف لين ام عقوص تزهب.

بلاك كات : شعليج خطيبج ياي يشلج هع

ام عقوص: اف لاتخليني احينه اهون ومما اسير

بلاك كات: دخيلج لي يسمعج احينه جنه ماتبين تشوفينه

ام عقوص: بلاك عن الطفاسه ويلا شرفي جدامي

طلعوا وصلوا الصاله ام عقوص شافت ولد خالتها والحياه ينقط منها . لانه نظراته ماخازت عنها طول ماهي تمشي..

ام عقوص( وهيه مستحيه): السلام عليك ولد خالتي

سلندر غاز: وعليج السلام ام عيالي شحالج؟

ام عقوص من سمعت هالكلمة عادمووو اسحت وماردت . هع

سنفوره: هههه غربلات لسانك قم قم شل البنات

بلاك كات: هههههههههههههههههه مبونه هذا جذا طفس

سلندر غاز: محد طفس غيرج يالخدي

ام عقوص: هههههه صدقت..

سنفوره: يالله ربي يحفظكم وعن تتاخرين بنتي

ام عقوص: ان شاء الله امايه
​

 

[موزة النعيمي]

وطلعوا من البيت. سلندر غاز مره مرتبش ومخترش مب مصدق انه ام عقوص راكبه وياهم وحاط اغنيه حربي.​

آه من قلبٍ غدا حبه جنوني
آه من خلٍ على بالي طرى
لي سطى فالروح وتملك شجوني
من صدوده ياملا دمعي جرى
فالمحبه ياعرب لاتعذولي
لانه حبه في فوادي قد سرى
حبه اللي صار لي عمري وكوني
مانسيته لو جرالي ماجرى
يابدر نوار مابين المزوني
منزلك فوق الثريا والثرى
لو يهون الحب قدرك مايهوني
لانه عيني غيرك انت ماترى
من غلاك اتخيلك دووووم فعيووني
شوف حالي كيف عقبك مخطرى
لك غلا لك حب في دمي مخزوني
يالزيمي حتى في نوم الكرى
بس رجوة لاتخيب لي ظنوني
لا تشمت بي عذول مادرى
آآآآآه من قلبٍ غدا حبه جنوني
آآآآآه من خلٍ على بالي طرى
​

وام عقوص مطربه ومستانسه الا ويشوفها سلندر غاز من المرايا بتاعته هع..

استحت واسكتت ...

بلاك كات: شوي شوي ع عيونك لايطيحون

سلندر غاز: استغر الله منج انتي...

بلاك كاتك: هيه تراني هنيه انا لاتنسى هالشي نزين؟

ام عقوص: هههه انتي طفسه

سلندر غاز: فديت هالحس انا هيه ارمسي خلينا نسمع صوتج ماباكلج انا

ام عقوص: هههه..​

سلندر غاز غير الطريج.. ماراح صوب البيت بلاك استغربت​

بلاك: وين ساير البيت منا؟

سلندر غاز: بمشيكم شوي ولاماتبون؟

بلاك: هيه بوي لازم دام عربانك هنيه بتمشيهم انا من اطلبك عوذ بالله.. مول ماتسويلي شي

سلندر غاز: يلا يلاه انتي جب وسكتي..

بلاك كات: هههههههه ماعليك الدب

ام عقوص: ههههه..​

سلندر غاز: انتي بس تضحكين وينه لسانج يوم ترمسين في الفون مع هاي الزنبعه .

ام عقوص: وااااااااههههههههههههه جب عاد بسك من متى طايح فيها

سلندر غاز: ههههههههه​

رجع الشبلي البيت وهو يرمس سي ار.. طبعا الموافقه من سي ار مره طول يايه. ولكن باجي شور البنت والاهل..

سي ار من سكر عن الشبلي. راح عند امها يسالها شو صار بالموضوع. الام ابدت موافقتها والابووا ابدى الموافقه وباجي شور البنت عسب جذا زورو قرر انه يقعد مع بنته ويشوف رايها ويحاول يقنعها.
​

كل هذا.. خلونا نشوفه في البارت الياي​

وسحولي يمكن هالمره طولت عليكم
في انتظار تعليقاتكم..~
.

:imuae83: ​

 

[أم أحمـد]

احم بسير اخلص الاسايمنت


بااارت جناااااااااان


^^

<< قلتلج بتابع عن بعد


والله قهر

حبيت البارت

ربي يعطيج العافيه


احتراماتي

سويرة

 

[«● مـزآجيــہ كـــღـووولـ]

WoooooooooooooW،،

وربي أبداآع خيتوو اليازية،،

الحين دريت بس بهالقصة عيبتني وااايد،،

حتى اني سويت تسجيل خروج وفعدت اااقرهاا من الاوول،،

صج صج اابدااع،،استمتعت واايد،،

يعطيج ألف ألف ألف ألف عاافيه اختي اليازيه،،

ومن اليوم وطالع راح ااكون من المتابعين،،>>قوولي والله :29:

تحيتي وودي لج يا الغاليه،،

وبالتووفيق ان شاء الله،،​

 

[بيـاض السحـب]

اليآزيه


يا خطيرة إنت ^_^


بارت رووعة ومأثر كتير


الله يكون بعون أبوو سلطان وأخته ووالدته


والله يتمم على خير وتوافق سويرة ونحضر العرس ^_^


بانتظار القادم بفارغ الصبر


تحتي لك يا مبدعة

 

[أم أحمـد]

بيااض انا راسي يابس بنتحر

ما ابي اعرس

يخي ليش الحسدههههههه

يزويتي

البارت كان خبال

حبيت فراوله وندمها << ان شااء الله يصير شي ايجابي


حبيت لهفه الخاطر << انساانه الزمن لعب فيها هي واخوها


تحيه لراعي<< راعي المواجيب

تحيه لكل الي في البارت

الاابدااعي

شرااا راعيته

مزاجيه كووول

ليش سويتي تسجبل خرووج ههههههه

^^

يسلموووزن

احتراماتي

سويرة

 

[بيـاض السحـب]

أمٌ أحُـِـٍـِـٍـِمْـدُ


كبري راسك يا بنت ووافقي وخلينا نفرح فيك ونحضر العرس


وما بدنا كبر هالراس والعناد والدلال ^_^


لازم تعرسي يعني لازم تعرسي ^_^ وما عنا بنات يقولوا لاء ^_^


قولي موافقة وتوكلي على الله ^_^


اليآزيه


عطيتك الاحداث بس عليك الحبكة القصصية ^_^

 

[أم أحمـد]

كم تدفعوون واواافق

^^

احتراماتي

سويره << هيهيهيهيهيهيهيه؛؛ تجاره رابحه

 

[جاسم القرطوبي]

متابعـــــــــــــــــــون

 

[جعلاني ولي الفخر]

شكرا على هذا الطرح الجميل !!!

يعطيك 1000 عافيه !!!​

 

[سِـنٍـَفٍــوٍرٍهُـ ღ]

رووعه البارت


اريد اعرف شو بيكون رد سويره

نتريا البارت الي عقبه

يعطيج العافيه يزووي^^​

 

[النورس]

ماشاء الله
ماشاء الله
ماشاء الله



خيال واسع وجميل

ابداع طري وجليل


شكرا على استضافتي

والشكر في حقج قليل

 

[βlậćҜ Ĉάt]

خخخخخخخخخ
ولا أنا طلعت وياكم فالقصه هع واخوي سلندر غاز؟؟؟
يالسه اقرا وصدق ستانست يوم شفت اسمي
تسلمين يزووي
ونتريا باجي القصه

 

[عريف هتلر]

والله صراحه ابداع اختي اليازيه كل بارت يشوق اكثر عن لقبله نتريا شو بيسوي ابو سلطان عن الموقف لصار لاهله ابداع اختي اليازيه و نتريا البارت لياي
احترامي
عريف هتلر

 

[ღ أ”أ£أ¦أژ ღ]

ڑوووووووووووووووووووووعة هآلبآڑٺ


آنآ آٺوقع فڑآولة مآ بٺٺعض بعد آللي ڛوٺه بٱمهآ ~> عزوز بيفڑلهآ ڑآڛهآ هع ^^


مآ زلٺ مٺآبعة​

 

[موزة النعيمي]

كل الشكر لكم اخواني

والسموحه ع التأخير الدراسه ماخذه وقتي

لقائنا فيالويك اند ان شاء الله.~؛

 

[بيـاض السحـب]

اليآزيه

بانتظارك وبانتظار الأحداث بكل شوق

أجمل التحايا وأرقها لك

ودمت بخير ومحبة

 

[رحآيل]

وااااااااااو ..
القصص وااايد حلوة ..
رووووعة وأسلوب روووووعة وخياااال أروع ..