"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

مسائكم | صبآحكم--|| مسك وعنبر ||...

اليآزيه.. هنا من جديد..

عدت والعود احمد.

كم اشتقت لتواجدي هنا في هذه الصفحه المتواضعه. كي نعيش قصة هوى...~؛

اعذروني على التقصير فكل مابدر مني ليس بيدي.

ضروف خرجت عن ارادتي

فأصبحت لا اطيق حلا.~؛


همسه ||...--..

ما اصعبها من مشاعر حينما تجتاحك.. كي تُفهِمك معاني الألم .. معاني الحزن الذي يملئ قلبك ..~؛
كي تُجبرك على ان تكون من تلك الاناس التي لاتجد متسعا من الوقت كي تفكر بنفسها|| وانما وهبت كل حياتها لغيرها...~؛

:imuae83:

اتركم مع بقية احداث القصه.. مع تمنياتي لكم بقضاء اجمل الاوقات وأرقها..---...~؛
​

مسائكم | صبآحكم--|| مسك وعنبر ||...​

 

[موزة النعيمي]

في البارت الاخير. عشنا جو الخطوبه اللي بدت في بيت العم زورو..

خطوبة سويره رسميا.( ويزوي كلاميا هع)

​

بنت الكلباني: شفتي يوم قلت لج يبيها.!​

​

قطرية ذوق: خخخ انتي داهيه اسميج.​

​

بنت الكلباني: يزوي شرا بنتي وماظن بلقا احسن عنها لولدي...​

​

قطرية ذوق: تسلمين لي الغاليه وانا بطمن عليها اكثر لو عندكم لكن انتي ادرى بحالتها ومشكلتها.
بنت الكلباني: ماعليج يابوج الريل يغير هه هه هه ههه...​

​

وتموا العيايز يسولفن وهن يرتبن الاكل والقهوة..​

​

لين .. مايوا العربااان. ووصل الشبلي واهله..

​

​

اليوم خلونا نكمل ونشوف شو صار ​

البآرت السادس عــــــ16ــشر---*

اول مادشت سنفوره بيت العرايس قالت في خاطرها

" يالله يارب.. اذا كنت تعلم ان هالبنت من نصيب ولدي وانها بتريحه وتسعده اكتب لهم واجمعهم يارب العالمين"..

قطرية ذوق هللت ورحبت.

قطرية: توها الساعه المباركه يا الشبلي يامرحبا الساع.

سنفوره: هلا والله مرحبابج زود الغاليه شحالج عساج الا بخير؟

قطرية: ربي يسلمج ويسلم عيالللج.. مرحبابج زوود وباجي.

استقبال حار. بكل ماتحمله الكلمة من معنى.. ام عقووص دشت مع امها..وهيه مستانسه.. اطالع بيت اهل حرمة اخوها وهيه متحمسه. ونظرات العجب باينه عليها.. تدور البنات وينهن؟ وليش ماين يستقبلوهم مع الام.. حطت في بالها انه عيب ومنقود يمكن عندهم. او انه هب من سنتهن تنزل الكخطوبه جدام ام المعرس اول ماتي. عموما..

دشوا الحريم الصاله..

والرياييل صوب الميلس. قعدوا يتفولون. ويسولفون لين ما يا وقت الجد..

سي ار: لا ماعليك ابوويه. الشبلي يعيبك ..ريال ماعليه رمسه..

الشبلي" يطالع ربيعه بنص عين حس باهانه مادري ليش ههه"

سي ار: شفيك؟ نمهد لك الموضوع ياريال خخخ

زورو: والنعم فيه وانا اشهد انه ريال.. بس مثل ماتعرف ياوولدي. هاي الامور لازم نتخبر عنها..
عشان كل شي يسير بالسليم. ونكون على بينه كلنا..

الشبلي: افا عليك عمي. وانا عارفه هالشي. و وخذ راحتك اسال اللي تباه.

ردي الحال: تراه الشبلي اكبر ولد في البيت البجر يعني.. وهو لي شايل مسؤولية امه واخته من بعد وفاة ابوهم الله يرحمه

زورو: الله يرحمه ان شا ء الله. ومن متى ابوك متوفي؟

الشبلي: من يوم كان عمري 15 سنه عمي..

عتيج + راعي صوغه: الله يرحمه ان شاء الله ويغمد روحه الجنه

عتيج: مامات من خلف رجال.

راعي صوغه+ سي ار: وانا اشهد..

الشبلي: ماعليكم قصوور..

زورو: شوف ياولدي.. والعيب يعدااك. ترا بنتنا.. امانه.. ونحن مابنسير وبنعقها عند اي واحد مايقدرها او مايهتم فيها..لان سعادتنا من سعادة بناتنا.

ردي الحال: صحيح كلامك..

زورو: ياليت تخبرنا عنك كل شي ياولدي..

وعاد هني. بدا الشبلي يرمس عن عمره. شو يشتغل وكم عمره وباجي التفاصيل.. وكيف ممكن انه يعيش بنتهم.. هاي هيه علوم الرياييل خلونا نسير صوب الحريم..

يزوي و وسويره منخشات في غرفتهم ويتسمعون سوالف الحريم...

طبعا الحريم من تلاقن نسن الموضوع الرئيسي اللي يايين عشانه هع<< سوالف حريم

لين ما ام عقوص. ذبحها الفضول .. ودقت امها ع جتفها

ام عقوص( وهيه تهمس): امي وين البنات ماشوف حد يا؟

سنفوره: صبري صبري علينا. احين بيين..

قطرية ذوق: الا ماقلتيلي يا ام عقووص انتي تدرسين؟

ام عقوص: لا خالوه انا مخلصه من زمان وقاعده مع امايهه في البيت..

قطرية ذوق: هيه وحليلج تونسيها بدل ماتكون اروحها..

سنفوره: فديتها مالي غيرها من عقب ولدي العود الشبلي الله يحفظه<< وبدت تمدح فيه

سنفوره: ما مقصر علينا في حايه لا من اكل ولا من شرب ولا من حايه. ولو وده يشيلنا بعيونه

هني بنت الكلباني غزت قطرية ذوق: ههه.. حسي ... وين بناتج خلهن ايوون؟(وبوصت واطي)

قطرية ذوق: هاه.؟ هيه .. ههه الله يخليه لج يارب. وتشوفينه معرسه..

سنفوره: الله يسمع منج الغاليه

قطرية ذوق: الا السموحه منج الغاليه بسير انادي البنات وبيي...

وطبعا سويره من مسعت امها جذا تقول. زاغت وقامت تناقز في الغرفه

سويره: اهئ اهئ يزوي زوي لحقي لحقي

يزوي: شفيج هاه؟ بلاج؟

سويره: اهئ اهئ امي يايه..

يزوي: حلفي. بيشلونج؟

سويره: وين؟<< قفلت الغبيه

يزوي: شووين بعد؟ يعني راح تنزلين؟

سويره: ايه مو بس انا انتي بعد اهئ اهئ

يزوي : راحت ايلست ع سريرها: انا هب نازله

سويره: يخرب بيتج ع شو متفقين حنا. بتنزلين معاي تسمعين؟

يزوي: اف زين زين خلاص><"

ووصلت امهم قطرية ذوق تنادي بناتها

قطرية ذوق: يزووووووووووي.. سوييييييييره؟؟ وينكن بناتي؟

سويره: هلا امي ...؟

قطرية ذوق: يالله بناتي نزلوا العرب يتريوكم تحت..

سويره: اهئ امي انا خايفه.

قطرية ذوق: ومن شو خايفه؟

سويره: اهئ الله يخليج خلج معانا

يزوي: لحووول ع ذي المهبوله ..(وسارت عندها): انتي مصدقه روحج بتعرسين؟ يلا يلا انزلي وخل عنج الدلع..

قطرية ذو تشوف بناتها بهالحاله وهب فاهمه السالفه ولكنها عصبت

قطرية ذوق: يزووووووي.؟ انتظري اختج وانزلوا رباعه وياسويره بسج دلع ويلا اشوف جدامي..

وسارت قطرية

سويره: اهئ غربلاتج.:81:

يزوي: طيب انتي بلاج؟ احين هم مب عارفين انج انتي اللي راح يخطبونها..!

سويره سكتت وبلعت الغصه ومشت لين ماوصلت عند الحريم.​

 

[موزة النعيمي]

اول ماوصلت.. ام عقوص من وناستها نشت تسلم عليهن قبل الكل..
(تبغي تلمح من اللي فوق شفتها حبة الخال هع)

وبالفعل وهيه تسلم شافت سويره...ورحبت فيها زوود وبحراره..

قعدن البنات في الصاله مع الحريم.. حاولت ام الشبلي حبه حبه تسولف معاهن.. تاخذ علومهن.. وع طول دشت خاطرها سويره.. لانها كانت من الحيا بتموت اما يزوي نافخه عمرها .. وتسولف كلمتين لانها باختصار<< هب طايقتنهم...


ومر الوقت سريع. والعرب يسلفون هني وهناك..

الرياييل خلصوا امورهم.. وقالوا ان الشور يرجع للبنت.. اما بالنسبة للحريم.. ام عقوص حبت انها تختلي مع سويره اروحها ... خبرت امها عشان تخبر قطرية ذوق وبالفعل.
يزوي وسويره شلوا ام عقوص صوب الصاله الثانيه.. وقعدوا يسولفون هناك..

ام عقوص: تدرسين؟

سويره: لا ما ادرس. اختي يزوي تدرس.

ام عقوص: اها حلو ووين تدرسين يا يزوي؟

يزوي(ومن ورى نفس) : ادرس في التقنيه

ام عقوص: الللاااااااااي حلوووووو.. كان خاطري ادشها بس ضروفي ماسمحت لي

سويره: صج ؟ وليش؟
ام عقوص: الله يرحمه ابو
وي توفى.. وطاحت المسؤولية ع اخوي العود الشبلي . وكان يروح الدوام وماكنت اقدر اخلي امي اروحها

سويره من سمعت طاري الشبلي شي فز في داخلها.. واستحت.

ام عقوص حست..

يزوي لاحظظت كل اللي قاعد يصير.. فقالت.

يزوي: ام عقوص حابه تشربين شي؟

ام عقوص: هيه حبيبتي ياليت كاسة ماي.

يزوي: ان شاء الله وسارت عنهم يزوي

يزوي اروحها تتحرطم وبصوت واطي: افف تتحراني عبيطه تبغي تختلي باختي..

ام عقوص ع طول صوب سويره: ماشاء الله عليج سويره تدخلين القلب.

سويره( وهيه متخجله موت): تسلمين حبيبتي حتى انتي تدخلين القلب..

ام عقوص: الا اقول سويره انتي انخطبتي من قبل؟

سويره: هيه فديتج ليش هالسؤال؟

ام عقوص: لا ماشي بس يعني معقوله مافي ولا واحد وافقتي عليه او اعجبج؟

سويره هني . ماعجبها الوضع. دصت تشوف اذا يزوي اذا يت او لا. وردت عليها وقالت: لا ولا واحد عجبني. بس ليش هالسؤال؟

ام عقوص: مجرد سؤال. بس عل وعسى اخووي يعجبج.. ويغطي عليههم..^_^

سويره من سمعت هالرمسه استينت..وماعرفت شو ترد

سويره: خير ان شاء الله

ويت يزووي .. وغيروا الموضوع...

سويره بدا الخوف يخوز عنهاوبدت تاخذ على ام عقوص.. وكان موقفها ايجابي.. وتفاعلت بطريقه حلوه اما بالنسبة للاخت يزوي.. فحاطه في بالها شي واحد ان الخطبه اليوم ومن عقبها سويره بترفض وبينتهي الموضوع..

وعدت ليلة الجمعه على خير.. وانتهى كل شي.. وانتهىت الخطبه الرسمية لسويره..

الشبلي واهله ينتظرون راي الجماعه لان قالولهم راح يردون ع ليهم عقب اسبووع من التشااور..

|| ماقبل النوم ||​

​

​

​

الشبلي في صوب. وسويره في صوب..​

​

​

​

سويره: معقوله انا اعرس؟​

​

​

​

الشبلي: آآه خذتي قلبي..​

​

​

​

سويره: يزووي.. شلون اتصرف معاج؟​

​

​

​

الشبلي: عسى بس توافق واشوف الدنيا الهنيه معاها..​

​

​

​

سويره: اففففففف احسن ارقد (وطفت الليتات.)​

​

​

​

الشبلي: احلامج سعيده ياقلبي..~<< وطفى الليتات​

​

​

​

​

​

|| وكلن على ليلاااااااااااااااااااااااااه يغني ||​

​

 

[دلع الزهــور]

أيااا كاتبة انتي ....
ايااا مبدعة قفي قليلا هنا...
لأخبركي عن جمال حرفك هذآ ...
اخبرني ماذا تسطرين هنا وماذا تكتبين ...
احروووف هي لاااا ,,,
اقصة هي لاااا ..
هو قااموس من الابداع ...
انتي يا مبدعة اي القاوميس تستخدمين ...
اسمحي لي بان اسكن هنا معك ...
في حرفك ...
وفي قصة هواكي ...
هنا حيث كل شيئ راقني ...
تحياتي : جالسة لحالي ...

 

[موزة النعيمي]

فراولة شقيه بعدها مسمتمره على موالها مع عزوز. تورح واتي. والدنيا عندها بخير. صار مايشغلها الا عزوزوشوفته. امها صارت ماتهتم لها كثير,, وصارت تقصر في حقها لدرجه انه:

فراولة شقيه: هااي امي؟( وع طول يلست ع الكرسي دون ماتبوس راسها كالعاده)

وداشه وارها وحده فلبينيه.

بياض السحب تشوف وهيه مستغربه.

بياض: منو هاي لي ساحبتنها وراج؟

فراولة( وهيه تعبانه): هاي خدامتنا اليديده..

بياض السحب: شووه؟ وحق شو خدامه؟

فراولة: امي انا طفرتمن شغل البيت وعندي دراسه وما القى وقت خليها تقضي حاجاتنا ع الاقل

بياض السحب: بس ليش نحن الاث نيتين فيالبيت ومانحتاج..

فراولة( وهيه قايمه تروح صوب غرفتها): امي.. انا يبتها وخلاص.. ولاعاد تسوينها سالفه. انا تعبانه سايره ارقد.. تصبحين ع خير.

بياض السحب: فراولة دوااااي؟

فراولة( اففف): ان شاء الله امي ابدل واييج..

بياض: مستغربه ليش بنتها جذا متغيره مره وحده.. بدت تلاحظ مع الايام ان بنتها روحاتها ويياتها اكثرت.

ويوم تسالها ترد عليها يا بعصبيه او بدون مزاج.. ماهنالها تخلي بنتها على هذي الحاله..
فزختها فيوم من الايام..

بياض السحب : فراولة بنتي؟ وهيه تفتح الباب.

فراولةL مجابله التسريحه يالسه تتعدل لانها بتطلع): هاه امي دشي..~

بياض السحب: وهيه تشوف بنتها: على وين؟

فراولة: بطلع مع ربيعاتي امي..

بياض السحب: اها.. وماتعرفين تستأذنين قبل لاتطلعين؟

فراولة صدت صوب امها: افا.. تراج تدرين امي اني اطلع مع ربعاتي.

بياض السحب: ايه ادري بس مب كل يوم وع الطالعه والنازله كشختي وظهرتي. وثانيا مع منو سايره؟

فراولة( ماعرفت شو ترد): بسير آآ... مــ. شسمه..

بياض السحب : رمسي مع منووووووه؟

فراولة: هيه.. بسير مع مس كلوزر..

بياض السحب عصبت ع بنتها..وشالت سويرج السياره عنها وقالت لها: طلعه من البيت ماشي.. وطلعاتج هذي ع الفاضي تراني ما احبها.. وطلعت عنها
فراولة انصدمت من تصرف امها وعصبت...

فراوله: يووووووووووووه... افففففففف شو هالحالها حين.؟ حشا هب رازي عليه.. يعني شلون؟. ما اعيش شرات البنات؟ ماتبيني اروح وايي؟ ماتبيني استانس.. شو هالحاله؟ يسد اني مجابلتج 24 ساعه ..واهتم فيج..واعطيج دواااج.. وملتزمه.. يعني بعد مب من حقي استانس حالي حال الباجيات؟

بياض السحب: تسمع رمسة بنتها.. وهيه خاطفه.. يا الكلام مثل السم ع قلبها انه بنتها جذا تقولي لها. وليش؟ بس لانه ماختلها تطلع.. بياض السحب. وهيه تمشي..

مارامت تكمل الطريج.. تعبت.. وطااااااااااحت...


فراولة من شافت امها طاحت.. رااحت ترررركض لها..امها انسانه مريضه ماتتحمل اي شي يضجيبها..
يعني احين معقوله.. انا اشوف امي بهالحاله واعق عليها مثل هالرمسه. مهما كان.. الام تظل ام. لو شو ماسوت...~ ولكن..
فراولة مادرت بهالشي وهيه يالسه تتكلم وتصارخ وهيه معصبه..هذا كله لانها ماخلتها تطلع..!

الام طاحت برع. ولحسن الحظ ان الخدامه موجوده هناك.

الخدامه: ممداااام. مداااام..

فراولة تسمعها ولكن مب عارفه شو هناك

فراولة: حشا.. ابد ما احس اني مثل البنات الباجيات اروح وارد بكيفي..

الخداماه:مدااااااااااااااااااااااااااااااااااااااااااااااااااام...

قامت فراولة طلعت من غرفتها.. الا وتشوف امها طايحه.. وسارت تركض لها..

فراولة( وهيه خايفه على امها9: اميييي؟؟ امييي؟ شفييييج؟

بياض السحب: آآآه . قلبي.. ماروم

فراولة(وهيه تصيح).. امي؟ حبيبتي؟.. شفيج الغاليه.؟. يعل لساني القص ياربي.. يعلني المووووووووت ياربي.. انا شو سوويت...

تمت فراولة ع هالحاله تسب عمرها دقيقتين. وامها طايحه بين ظلوعها..لين ماقامت وشالتها ودتها المستشفى..~؛

في المستشفى. فراولة قاعدت صيح وتبكي من خاطر..

فراولة: يالله ياربي.. انا شو سويييت.. انا شو قلت لامي. يالله خذ من عمري واعطيها. يالله ياربي.. لاتحرمني من امي.. .

وظلت فراولة تبكي وتتحسر ع الكلام لي اقالته لامها.. ​

(ليش الام دايما تتحمل الابناء.ولكن الابناء مايتحمولنها ولو في
ابسط المواقف؟؟

​

الام اغلى شي موجود في البيت ولكن.. صدقوني انكم ماتدرون.....~؛​

​

​

​

​

​

 

[موزة النعيمي]

فراولة قعدت طول الليل حذا امها.. ومب رايمه تتحمل روحها ومحد عندها وماخبرت خالتها اللي في بوظبي..~؛

فراولة: وهيه مجابله امها: يمه..! متى تصحيني؟ اشتقت لج يا امي...~

ظلت عدالها لين . مايا الصبح. نايمه حاطه راسها ع سرير امها وزاخه ايديها..

فراولة صحت .وشافت امها بنظرة اليتيم. : يايمه....متى تصحين؟

وع هالكلمات: صحت بياض السحب.. وشفات بنتها بذيح الحاله..فراولة من شافت امها فجت عيوها.. ع طول استانسسسست وع طول فرحت. وع طول: بكت: وهيه تترجى امها

فراولة: ارجوج امي سامحيني.. انا خطيت في حقج. اسفه سامحيني.

بياض السحب/ ابتسمت ابتسامه مليئه بالأرهاق والتعب.. وناظرت بنتها وهيه تقول:اا امج.. وترمسيني بذيج الطريقه؟.

فراولة: امي انا اخطيت في حقج..ووين بروح من رب العالمين...؟يومي يبتج لين هني..!!

بياض السحب تسمع هالكلمات وهيه اطالع بنتها. وساكته ماعندها اي تعليق ولكن حبت تحسس بنتها انها غلطت..فقالت:

بياض: انا ما ابي غير مصلحتج وانتي عارفه ان محد في هالدنيا لج الا انا.. وانا مالي الا انتي.. لكن.. الله يسامح الزمن لي خلاني بنتي ع اخر عمري جذا تقولي( ودمعتها في عينها)..

فراولة رجعت تبكي وهيه تتأسف من امها...

فراولة: سامحيني يا امي يعله فيني ولا فيج..~؛
يعلني الموت يايمه ولا اشوفج علي زعلانه..!

بياض السحب تسمع كلام بنتها. ودمعتها في عينها ولكن.. الزعل غالب عليها.. لي قالته فراولة مب شووي.. ظلت الكلمات تردد في ذهنها وماقدرت تنساها.

" ما اعيش شرات البنات؟ ماتبيني اروح وايي؟ ماتبيني استانس.. شو هالحاله؟"

بياض السحب. تذكر كلمة كلمة وقلبها يتقطع..

​

" يسد اني مجابلتج 24 ساعه ..واهتم فيج.. يعني بعد مب منحقي استانس حالي حال الباجيات؟

بياض السحب حست انها عاله ع بنتها. وخاصه من جابت هالخدامه.. الافكار السودا ظلت تحوم في بالها. الزمن رماها عند بنت عقت عليها هالرمسه بمرجد ما خذت شي بسيط عنها..!
شو لي راح تترياه اكثر..!

بياض السحب: قررت من يوم ورايح انها تخدم روحها بنفسها\ ولا تنتظر ان بنتها اتي وتعطيها دوا\ او تخدمها في حاجه..~؛ وفي نفس الوقت قالت انها ماتبغي تظلم بنتها. وانها تخليها محتكره في البيت عشانها.. وانها ماتعيش حالها حال البنات..~؛

فراولة تبكي وتصيح وبياض تشووفها. قلبها زعلان منها وعليها.. بالاخير
حطت ايدها ع راس بنتها وقالت

بياض السحب: خلاص يابنتي لاتصيحين...~؛

" ياكبر قلبج يا امي.. وياكثرة عنادي معاج..."


في الجامعه..
الساعه:8:30....~
قبل لا يبدأ الكلاس ب نص ساعه..

البنات ناكرين فراولة.. وينها للحين مايت..~خلونا نشوف شو صار وياهم..~

يزوي: وينها فراولة للحين مايت؟

مس كلوزر: انا اتصل فيها من البارحه وماترد علي..!

ذبحهم غروري: غريبه. لايكون فيها شي..!

يزوي: اتصلي فيها احييين شوفيها بسرعه.!

وقامت مس كرز تتصل على فراولة.

مس كلوزر: الو السلام عليكم

فراولة: عليكم السلام هلا مس كلوزر

مس كلوزر: فراولة وينج من البارحه؟

فراولة: موجوده حبيبتي..

مس كلوزر: وين موجوده؟ وثانيا بلاه صوتج جذا تعبان؟

فراولة: انا بالمسشفى.

مس كلوزر زاغت: شوووووووووه؟ليش. شو صاير؟ بلاج؟

فراولة: امي شوي تعبانه( وهيه تبغي تصيح)

مس كلوزر: سلامتها ماتشوف شر( والبنات حولها متجمعين) بس شو ياها؟

فراولة هني عاد مارامت تزخ عمرها وتمت تصيح صياح اليهد. تصيحمن قلب وقلبها معورنها على اللي سوته.!

مس كلوزر: فراولة ليش تصيحين شفيها خالوه رمسي؟

وفراولة مب رايمه ترمس. خانقتها العبره..

البنات من سمعوا صوتها جذا قرروا انه يروحون عندا ويطبون الدوام. وبالفعل راحوا..~؛

شو لي صار هناك..​

​

​

​

وشو قالت فراولة لهم..​

​

​

​

هذا خلوه في البارت 17..​

​

​

​

في انتظار تعليقاتكم..~؛..​

​

​

​

.​

​

​

​

​

​

​

​

​

​

​

​

 

[دلع الزهــور]

متابعة هنا ...
اي خيالا هذا ...
اي ابداع هذا ...؟؟؟
سبحاان من اودعه فيكي ...

 

[أم أحمـد]

خلصت وتعبت بسير ارقد هههههههههههه


باااااااااااااااااااااارك

 

[ღ أ”أ£أ¦أژ ღ]

البااااارت روووووعة يا يزوي

و الحمدلله على سلامتج

:imuae83:​

 

[واسع الصدر]

ابداع خيتووووو تسلمين على هالقصه

شاكر لج مجهودج واسلوبج الجميل في كتابة القصه

 

[سِـنٍـَفٍــوٍرٍهُـ ღ]

حرام عليج فراوله ليش اتسوين جي فماماتج <<< مصدقه الاخت :29:

والله صحت وانااقرأ << وايد متأثره ^^"

مشكووره خيتوو ع البارت

ويالله نتريا البارت 17​

 

[موزة النعيمي]

اوجه رساله خاصه لــ:

سويره
سنفوره
بياض السحب
فراولة شقيه
راعي صوفه
عريف هتلر
سي ار
ابوسلطان
شموخ
دمعة غلاا(وشلتها بالمدرسه)
قطرية ذووق,,

ولكل الناس اللي اتابع قصتي..

كلمة شكر خاصه جدا

لانه لولاكم من بعد رب العالمين ماحققت هالنجااح
القصه وصلت لمستويات عاليه

واحتمال تتبناها احدى المكتبات للنشر..^_^

كل الشكر ودعواتكم بالتوفيق والنجاح لي..

خلكم متابعيني دوووووم..^^

:hehe2:​

 

[بيـاض السحـب]

اليآزيه

البارت كان بالبداية حلوو وقلنا خلص

بنشوف الشبلي وسويرة معرسين ^_^

بس حرقت قلبي بياض السحب << هذه انا ^_^

مسكينة يلي تعمله فيها فرولة شقية

<< بالبارت القادم بدي أضربها مو أنا والدتها ^_^

بس حلوو ظهور الندامة عند فراولة

بانتظار البارت القادم لا تتأخري علينا

والحمد لله على سلامتك وعودة حميدة

وأجر وعافية يا رب

تحيتي لكاتبتنا الغالية

 

[بيـاض السحـب]

اليآزيه


الشكر موجه وموصول لك على هذا الابداع التي نثرتيه بين أيدينا

كلماتنا بحقك دوماً مجروحة ولا نفيك حتى القليل القليل منها

بحق وبعيد عن أي مجاملة أنت كاتبة رائعة

اسلوب شيق تشدي به القارئ حتى نهاية القصة

وهذا الاسلوب قلما نجده إلا عند المبدعين امثالك

فلك مني أجمل التحايا المعطر بعطر ياسمين الشام

ودمت ودام تميزك غاليتي

 

[ღ أ”أ£أ¦أژ ღ]

اوجه رساله خاصه لــ:​

سويره
سنفوره
بياض السحب
فراولة شقيه
راعي صوفه
عريف هتلر
سي ار
ابوسلطان
شموخ
دمعة غلاا(وشلتها بالمدرسه)
قطرية ذووق,,​

ولكل الناس اللي اتابع قصتي..​

كلمة شكر خاصه جدا​

لانه لولاكم من بعد رب العالمين ماحققت هالنجااح
القصه وصلت لمستويات عاليه​

واحتمال تتبناها احدى المكتبات للنشر..^_^​

كل الشكر ودعواتكم بالتوفيق والنجاح لي..​

خلكم متابعيني دوووووم..^^​

:hehe2:​

و الشكر موصول لج يا يزوي ع الإبداع اللي اتحفتينا به

ربي يوفقج

 

[حشيمة القلب]

انا البارحه قريتها القصه

بصراحه اكثر موقف زعلني يوم زعلت امي يختي تخيلت ان هالشي جنه صج


والله العظيم يتني عبرة وماقدرت اتحمل

كتابتج بصراحه تأثر ع القارئ





يزوي نحن فخورين بتواجد كاتبه محترفه ومؤلفه بارعه



دمتي ع هذا الابداااع ^^

 

[عريف هتلر]

ابداع اختي اليازيه دوومج مبدع لا تنسين انه كله التفوق لتحصلينه من فضل الله و من تعبج و من مساندت الناس ليتمنون لج التوفيق فكل شي ربي يوفقج فكل شي يا اختي المبدعه و نتريا البارت 17 احترامي
عريف هتلر

 

[مروض الكهان]

متااااابع من بعيــــد ^^

 

[موزة النعيمي]

مشكوورين اخوواني على الطله الذهب ولاتحرموني مها..^_^

 

[موزة النعيمي]

راح انزل البارت 17

رجاءا بعد ردي هذا محد يرد..^^

دمتم بخير..