"خٌلُنيُ قَصٌُةَ هَوًىٌ تٌسُكًنَ كًيانكٌ"

[العا(هدوء)صفه]

تسلمي يزوي
بانتظارج
شوقتني اكثر هالقصه
وتسلمي على هالابداع

 

[حشيمة القلب]

والله العظيم قلبي عورني ع بو سلطان

سامحني باباتي والله ماقصدي بس يزوي كاتبه جيه القصه << متأثرة الاخت



بس صج تأثرت وياج بعد يوم تصيحين


متابعه واتريى البارت اللي عقبه


وصح ليش مشاغب اثول ههههههههه

 

[راعي صوغة]

بوسلطااااان,, خلاص ظهرت من قلبه فراوله ,,

الولد مشاغب ’’ بوسلطان ما يعرف انه عنده أخو ’’ بيتفاجئ

سويره تبا تتزوج ,, ويزوي هب طايعه ,,

راعي صوغة’’ خرب السالفه ودمرها,,خخخخ

توقعاتي ,,

بوسلطان بيكشف فراوله ,, من عند عزوز ف الجامعه. بيفضحها,, وبيوزع صورها

الشبلي بيخطب سويره ,, وردي الحال بعد بيخطب يزوي , عسب ما يتفارقن ,, بيتمن ويا بعض

راعي صوغه ,, يمكن بيسافر عسب ينسى يزووووي ,,,

ونترقب ><

 

[ღ أ”أ£أ¦أژ ღ]

راعي صوغة زين جيه و هقتني ويا يزوي

~> لا تتصل مرة ثانية

" عايشة الجو هع "

//

البارتين حلوات يزوي

انا اتوقع شرات ما قال راعي صوغة

الشبلي بيخطب سويره ,, وردي الحال بعد بيخطب يزوي , عسب ما يتفارقن ,, بيتمن ويا بعض

ننتظر البارتين الباقيات على احر من الجمر ع قولتهم :imuae83:

 

[عريف هتلر]

الحمدالله عسلامة اختي اليازيه و صراحه ولا اروع نتريا البارت اليااي
وبنشوف شو بيسوي راعي الصوغه
احترامي عريف هتلر

 

[بيـاض السحـب]

اليآزيه


بارت جميل كالعادة


ازداد شوقنا للبارت القادم


أتوقع تنفك عقدة يزوي في البارت القادم


وفراولة راحت عليها البنت وأكيد بالبارت القادم بتنتشر صورها ^_^


بس لازم راعي هو ياخذ يزوي والشبلي ياخذ سويرة


عشان تكون النهاية سعيدة ^_^


ننتظرك بفارغ الصبر لنعرف ماذا سيحصل ^_^


تحيتي لك يا مبدعة

 

[سِـنٍـَفٍــوٍرٍهُـ ღ]

كالعــاده ابداع

كــل بارت احلى من الثاني

في انتظار البارت اليديد

^^​

 

[مشاغب]

من المخرج

 

[مروض الكهان]

هع هع

أنا كل ما ادش اقرأ أشوف دوريـــ

وأحاول أفهم بقيه الروايه ^^

 

[أم أحمـد]

^______^


ماااا زلت في الاانتظااار



^^


اتوقع انا اعرس خلاص تعبت << لا تذبحيني قبل لا اعرس هع


واتوقع راعي صوغه ياخذج وتعرسين وتنسيني وعقب اذبحج <<لأنج خاينه

مممممم

خليني اذبح حد ياخي هع


وسي ار من كثر ما يباا يزوجني اباا ادورله وحده


خلينا نخطبله اخت الشبلي ولا اخت بوو سلطان دبريلنا الموضوع هع


^^

في الاانتظار


احتراماتي
سويرة

 

[موزة النعيمي]

نسير صوب فراولة شقيه ونشوف بلاويها| وشواخر تطوراتها مع عزوز وابوسلطان..||



البارت الرابع عشــ14ــر...



فراولة يالسه ترمس بالفون,, وامها بياض السحب يالسه تناديها..ولكنها ماتسمعها وفجاه تحدر امها عليها الغرفه

بياض السحب: فراولة؟

فراولة من شافت امها زاغت ووطت الفون..

فراولة: هاه امي؟

بياض السحب: ماتسمعين انا من متى اناديج؟

فراولة: لا امي ماسمعتج

بياض السحب: لازم ماتسمعين وهذا الفون مايخوز من اذنج.

فراولة حست ع عمرها شوي: امريني امي هذا التلفون وعقيته..

بياض السحب: منو كنتي ترمسين؟

فراولة ارتبكت: هاه؟ مارمس حد امي

بياض السحب: انا سمعتج باذوني ترمسين حد. منوه؟

فراولة: هيه امي قصدج من شوي كنت ارمس ربيعتي مس كلوزر.. ابغيها اتي عندي..

بياض السحب: اها وبتي؟

فراولة: لا امي مابتي. لانه ماعندها حد بالبيت بعد اذنج ممكن اروح لها؟

بياض السحب: وليش شو عندج انتي وياها؟

فراولة: ابغيها تفهمني شي في اليسن اللي ماخذينه الاسبوع اللي طاف امايه

بياض السحب( بدت تحس بتعب من الوقفه): اخ قلبي.. خليني ايلس

فراولة فزت لامها وزختها وخلتها ع السرير..

بياض السحب: خلاص ينبتي برايج اذا بسيرين..

فراولة من شافت حالة امها جذا قالت انها مابسير لان من الاساس هيه ماكانت تبغي تروح عند مس كلوزر . كانت تبغي تشوف" عزوز" حطت امها ع السرير وراحت تتصل ع عزوز..

فراولة: الو هلا عزوز

عزوز: هلا حياتي. هاه وينج؟ فجأه بندتي؟

فراولة: ترا امي حدرت عليه. حبيبي اسفه مابقدر اشوفك اليوم

عزوز هني عصب وولعت النار فيه

عزوز: اففففففففففففففففففففففففففف .. وليش؟

فراولة: امي تعبانه ما اقدر اخليها بروحها

عزوز: احين حسيتي في امج يومي بغيت اشوفج؟

فراولة: اسفه حبيبي والله خلها مره ثانيه.

بياض السحب: فراااااااااااولة.

فرالوة من سمعت امها تناديها بندت في ويه عزوز وسارت عند امها

عزوز: ماعليه يافوفو انا بأدبج. ودق سيارته سلف وسار عند ربيعه سفير الحب.<<نورت القصه..^^

عزوز: سفير انت وين؟

سفير الحب: انا هني موجود في شارع الجوازات

عزوز: عنلات ويهك شو تسووي هناك؟

سفير: ياي اشوف وحده وساير

عزوز: لحووووووووول يبوي فكنا انت وتعال المقهى اباك شووي

سفير الحب: تمام بس اخلص شغلي واييكك هع

عزوز: خلاص تمام


سفير الحب.. ربيع عزوز. حالي هو في شارع الجوازات يالس يحاوط الا جذا بدون هدف...اقصد بهدف. خلونا نشوف

اميرة الكون: ( ماشيه وهيه شاله اكياسها وتضحك بصوت عالي هيه ورفيجتها): هلا سفير انت وووين؟

سفير: فديت هالطله وربي كاني اشووفج..

اميرة الكون: وينك انا ما اشوفك؟

سفير الحب وهو يراقب اميرة الكون: علني فدا هالطول .. تصدقين انتي حلوه؟

اميرة الكون: ههههههههههههه مشكوور غناتي

سفير الحب: الا اقولج ماعندج وحده حق ربيعي عزوز؟

اميرة الكون: ليش شو قالولك فاجه مكتب؟ هاهاهاي..

سفيرالحب: ههههههه لا بس تراه فاضي وماعنده حد

اميرة الكون: يووه خلصنا من ربيعك ويالله انا بركب سيارتي بتي عندي؟

سفير الحب: هيه طال عمرج بيي ليش لا هع..

وبند سيارته الحبيب وركب عند اميرة الكون..وساروا يتمشون..

وفي الطريج اتصل عزوز على سفير الحب.

عزوز وهو مفول: انت وينك؟

سفير الحب: قصر على صوت المسجل من عقب ماكان مطول عليه.

سفير: انا ياي ياي شو عندك؟

عزوز: شو ياي؟ من متى متصل فيك انا؟

سفير الحب: ويا ويهك شفيك انت انا مع الغروشووبه

عزوز: اي غرشوبه؟

سفير الحب: وحده ماتعرفها انت وين احين بييك..

عزوز: انا في المقهى. بتيبها معاك؟

سفير الحب( وهو يرمس شوي شوي): بييبها ليش ما اييبها فري الدنيا عندها هاي هههههه

عزوز: خلاص اترياك. هاتها هاه؟ لاتنسى.

وسكر سفي رالحب عن عزوز وهو متونس ع الاخرررررررررررر..

سفير: شرايج نسير القهوه هناك ربيعي يترياني

اميرة الكون: شوه؟ وانا وين بسير؟

سفير: افا انا اقدر اخليج نزلي معانا.

اميرة الكون وهيه منشغله بالمسجل..: وين اسير معاكم اكيد كل ربعك هناكي

سفير الحب: لا ماعليج بس هو وحليله انسان طيب ومحترم وماله خص باحد..

سفير الحب قدر يقردن اميرةالكون انها تروح وياه.. وهيه منطيبتها لا حسيب ولا رقيب وراها وسارت..

دشت المقهى معاه.. وساروا عندد ربيعه عزوز..وقعدوا يسولفون.

عزوز من شاف اميرة الكون طالع ربيعه وعق عليه كلمه: اسميك هب هين.

هلا هلا اميره حياج الشيخه

اميرة الكون قعدت اطالع المقهى وكأن مش عاجبها المكان.

اميرة الكون: احين مالقيتوا غير هالمكان تقعدون فيه؟ اف ارف. علوش بعده احسن

عزوز صد صوب سفير الحب وهو مستغرب وجان ينقع:
هههههههههههههههههههههههههههههههههههههههه.



يالله يارب سترررررررررررررك..~​

 

[موزة النعيمي]

[FLASH1]
http://dc02.arabsh.com/i/01084/o8vx9nim3bvl.swf[/FLASH1]





وقعدوا الحلوين سهرانين .. والوقت يا ع الساعه عشر.​

بياض السحب ام فراولة شقيه رقدت. فراولة اتصلت ع عزوز ولكن عزوز في المقهى شاف رقمها وحقرها اونه شغلة ادب​

فراولة تمت محترقه الا اطرش له..مسجات​

" عزوز حياتي والله اسفه مب بيدي"​

والاخ مطنش​

فراولة تمت ادق عليه لين ماهو طرش لها رساله وكتب فيها​

" تبيني ارضى خليني اشوفج والحين"​

فراولة ماصدقت ياها المسج..​

فراولة: ياعمري والله خلاص تشوفني ..<< دزت له هالرساله.​

وهو مستانس ع الاخر قعد يضحك مع ربيعه سفير الحب..ويراويه المسج​

سفير الحب: ياخطييييييييييير انته​

عزوز: هع قلت لك بييب راسها.. ولاه ابشر بعد عندي شي بخليك مهبول هع​

سفير: وش هو؟​

عزوز: يلا مناك . كل شي في وقته حلو هع​

اميرة الكون موجوده ويالسه معاهم ومتونسه ع الاخر الاخت​

اميرة الكون.. نوعم من انواع الفتيات الاتي بدون هدف والاتي انتشرن بكثره فيالفتره الاخيره. لا تستغربون من وجود هذا النوع في قصتي​

فهي واقعيه لابعد الحدود...~​

فراولة من عقب ماساتر تشوف امها وتطمنت انها راقده​

طلعت من البيت شغلت سيارتها وع طول اتصلت في عزوز​

فراولة: عزوز انا طلعت انت وين؟​

عزوز: وهو حاطه سبيكر. ومعاه ربعيه سفير الحب واميرة الكون​

عزوز: انا بالمقهى حياتي انتي وين؟​

فراولة: انا توي طالعهه من ابيت وين بلاقيك؟​

عزوز: شو رايج اتين المقهى؟​

فراولة: شووه؟ لا مستحيل شو ايي؟​

عزوز: يالله حبيبي تعالي بنقعد لكنا هني بعد ربيعة ربيعي الغالي​

فراولة عصب عليه​

فراولة: وانت كيف تقعد مع هالناس الحثاله في المقهى . لهدرجه وصلت فيك عوز
عزوز ممن شافها معصبه ومحرجه بند السبيكر اميرة الكون سمعت الصوت شبعة عليه. ولكنها من سمعت اخر جمله احترقت وعصبت وشلت بعمرها سارت صوب السياره​

عزوز ويشوف اميره طالعه: خلاص فوفو تعاليلي المقهى وبنطلع بسيارتج​

فراولة: خلاص اوكي. وسكرالخط​

اميرة الكون طلعت اوونه زعلانه.. سفير الحب سار وراها وهو كالع شاف عزوز:
سفير الحب: عنلات ويهك.. سويت لنا بلاوي.​

وسار معاها لين السياره يحاول يهديها ولكن اميره معصبه فول..​

سفير الحب: خلاص حبيبتي عاد الا كلمة وانقالت​

اميرة الكون: وليش هاي الجلبه تعرف منوه انا عسب تقول عني جذا؟​

سفير الحب: ماعليه حياتي حقج عليه .. امسحيها في ويهي.​

اميرة الكون: هاي السباله. احين انا حثاله محد غيرها . حثاله وزباله​

سفير الحب وهو يحاول يهدي اميرة الكون وصلت فراولة. وهيه واصله.​

صارت الطامه الكبرى.​

اميرة الكون شافت فراولة وشافت عزوز يركب عندها انصدمت ع الاخخخخخخخخخخرررررررررررررر..!!​

فجت عيونها وبحلقت.​

اميرة الكون: احين هايلي كان يرمسها ربيعك؟​

سفير الحب( وهو يطلاع صوبهم): هيه هي ليش؟​

اميرة الكون: قول واللللللللللللللله؟​

سفير الحب: والله هي ليش عاد؟​

اميرة الكون. هني اضحكت ضحكه طويله..: هااهاهاهاااااااااااااااااااااااي
مستويات فيها في الكليه وهن اروحهن ع الله ههههههههه​

سفير الحب طبعا مب فاهم السالفه.ز. ركب مع اميره وفهمته كل شي..وخبرته انه فراولة معاهم في الكولج. استانست ع الاخر. من طيبتها ما ادانيهن واحين عاد.
شو لي بيفجج يافراولة من لسان اميرة الكون.​

فراولة ركب عندها عزوز وهيه معصبه ع الاخر​

كيف ترضى تيلس ياعزوز مع بنات جذا صايعات<<مسكينه مادرت بهوا دارها .. مادرت ان عزوز الا يلعب بها.​

فراوله: حتى لو اكبر غلط تقعد معاهن​

عزوز: فراولة انا ريال وانا اعرف الصحمن الغلط​

فراولة: لا والله ماتعرفه حد يقعد مع هالخايسات..؟​

عزوز( ومن دون قصد): ترا كاني قاعد معاج؟​

هني فراولة صدت صوبه وهيه منصدمه من رمسته:شووه؟​

عزوز: حس ع عمره: اقصد انا قاعد معاج احين ليشن متى يعني بيتم ع لسانج خلاص طبيهن ووعدمني لج ماراح اقعد معاهن مره ثانيه​

فراولة ساكته .​

عزوز: حياتي شو اسوي والله ربيعي غصبني اقعد معاهم ولا انا ترا ما احب هالسوالف ولا من طبايعي.​

فراولة بدت تصدق​

عزوز: اسف حياتي وحقج عليه​

فراولة من سعمت هالكلمتين نست كل شي: خلاص حبيبي صار خير..​

عزوز: وافديتج انا..​

وسارت فوفو وياه لين مايت ع الساه وحده ورجعت البيت..​

|| الدنيا بخير ||​

 

[موزة النعيمي]

​

​

يوم الجمعه. اليوم المنتظر. يمكن هو احلى يوم بالنسبة للشبلي.. ولكنه اصعب يوم على سويره واختها.​

​

​

​

طبعا امس سويره ماخبرت البنات انه راح اييون ويخطبون على اسا الموضوع يكون عادي.. كل اللي قالته لهم انه بيوونهم ضيووف..​

​

سويره ويزوي عندهم خبر بالموضوع من قبل..يزوي.. نفسيتها شبه تعبانه. سويره بعد نفس الشي ولكن بعدها اهون عن اختها..^^ خلونا نشووف شو صار..~​

​

​

البارت الخامس عشـــ15ــر..

خطبة سويره رسميا.....!!​

​

عيال العم عتيج من اول الناس اللي واصلين البيت..

طبعا الكل كان يتزهب لقدوم الخطاب.. قطرية ذوق فيالمطبخ مع بنت الكلباني. عتيج وزورو يالسين في الميلس يسولفون.

باجي المنصوري وشموخ قاعدين يلعبون بلاي ستيشن في غرفة سي ار.

راعي صوغه يالس مع سي ار.. ويرمسون..راعي صوغه.. حب انه يخبر سي ار باللي صار البارحه مع يزوي ولكنه افتشل خاف لاولد عمه يحط في باله شي خاصه انه نادرا راعي صوغه مايرمس بنات عمه في الفون

خلونا انتابع..~

سي ار:يخوفي ينجلب اليوم لنكاده يا راعي.

راعي صوغه: افا وانا ولد عمك ليش؟

سي ار: مادري شقولك بس انا ابد مش مرتاح للوضع

راعي صوغه(تذكر البارحه): خير ان شاء الله سي ار شو صاير؟

سي ار: بنات عمك مايبن يعرسن.. وكل ماحد يتقدم لهن يسون عزا في البيت

راعي صوغه. انصدم من الرمسه.. ولكن: ليش ماين عاد؟ شو المانع؟

سي ار: حبهن لبعض غريب.. وماودهن يفترقن. ويشوفن ان الزواج راح يفرق بينهم ويبعدهم عن بعض..

راعي صوغه: استغفر الله..غريبه. هي سنة الحياه يا سي ار

سي ار: والله مب عارفين شو نسوي معاهن كل مره ع هالمنوال عسب جذا هالمره نحن ناويين نخلي الموضوع يصير غصبن عنهن.. وان شاء الله عقب الزواج تتغير فكرتهم

راعي صوغه: هيه بس اسلوب الغصب صدقني ما اييب الا المصايب

سي ار: خبرني شو نسوي عيل معاهن؟ نخليهن جذا؟

راعي صوغه: لا بس حاولا تفهمونهم ع الاقل. او تفهمون وحدهم منهن وهيه تأثر ع الثانيه بطريقتها

سي ار: جان تبا الصدق محد مسوي الزوبعه غير يزوي. ولا ترا سويره عاقل صح انها تحب اختها موت بس متقبله فكرة الزواج. عسب جذا انا ابغي ايوز يزوي للشبلي قبل سويره..!

هني راعي صوغه تقول حد جب عليه ماي بارد..شو يزوي؟ وليش؟ استغرب. ماعرف شو يقول تلعثم..

راعي : بس يزوي هيه اللي مسويه الزوبعه ويمكن ماتتقبل هالشي

سي ار: لكن هاي الطريقه الوحيده اللي ممكن تخليها تغير رايها ونظرتها للزواج.

راعي صوغه: استهدي بالله وفكر بعقل.. وخل الامور تعدي ع خيير اليوم وعقبها قرروا منو لي ياخذها الشبلي..^^

راعي صوغه.. مب عارف راسه من كرياسه للحين الصوره هب متوضحه عنده.. يخاف يغمض عينه ويصحى ويشوف يزوي رايحه من جدامه..يقولون.. اصدق حب. لما يكون من طرف واحد.. هع شو رايكم؟؟​

​

​

 

[موزة النعيمي]

يزوي طايحه ع السرير وهيه تفكر نفسيتها مره ززززفت..!

سويره يالسه جدام التسريحه.. تفكر. شو اللي مكن يصير. شوي والا تغمض عينها.. وبدت تحلم بالاحلام الورديه اللي تحلم بها كل عرووس.. غمضت عينها وشافت الشبلي جدامها..

شافته لمن حدرت عليه الميلس. ولمن شافته في الحوش وحست ان قلبها بغا يطلع منها..
وهيه تحوم بافكارها الورديه.

يزوي الحاسه السادسه اتشغلت عندها..


فجت عيونها سويره الا وتشوف يزوي وراها..

يزوي: وين وصلتي؟

سويره قامت: ولا مكان ليش عاد؟

يزوي: وهيه تيلس مكان سويره جدام المرايا.

يزوي: سويره انتي تبينه؟ صح؟

سويره: تلعثمت ما اعرفت شو تقول: انا ما ابغي اسوي اي شي انتي ماتبينه.!

يزوي: لكن. هذه حياتج. كيف تسمحين لشخص ثاني انه يتدخل فيها؟

سويره: انصدمت من كلام اختها عبالها عقلت وبدت تستوعب الموضوع هع

سويره: بس. انتي وانا تواعدنا مانفترق. والله يقدرني اني اوفي بعهدي. يزوي..انتي ماتبين تعرسين؟

يزوي: قامت وهيه معصبه ع سويره: الف مره قلت لج هالسؤال ماتسالينه لي تفهمين؟ وانتي عارفه رايي في هالشي دون ما اجاوب.

سويره: اوك اوك خلاص مايحتاي كل هذا.

.
رديت يزوي ع سريرها تفكر.. وسويره قعدت تكتب في مذكراتها هذه الكلمات...||


غريبة حالتي وياج يايزوي..شو اسوي عشانج؟ ياترى اهلج هالمره شلون راح يتصرفون..ليش مب راضيع تقتنعين وتكبرين راسج؟

شو السرمعاج يا يزوي..~​

​

ليلــــــــة الجمعه....


للعيد فرحة بس انا فرحتـي غيـر
ومشاعري يحتـار فيهـا لسانـي
من السعادة و الفـرح ودي اطيـر
واملاسكون الليل حـب و اغانـي



في بيت الشبلي..

ام عقوووووص: كلولولولولولوووووش. امباركن عرس الاثنين عريسنا شيخ الشباب.

سنفوره: ( وهيه ادخن ولدها): هههههههههههههههههههه بس بسج فضحتينا عند اليران.

ام عقوص: اخوي. وشدعوه ما افرح له. احلى يوم في حياتي كلولولولولوووش

االشبلي: اللي يسمعج يقول انتي ليي بتعرسين هب انا .

ام عقوصك خخخخخخخ ان شاء الله من عقبك.

سنفوره: اشووووه؟ قبضي لسانج يابنت

ام عقوص: اف اف زين زين ..

وصل ردي الحال خالهم وهو واقف برع..

يدق هرنات: بييييب بييييييييب..

ومطول على المسجل...~


امباركن عرس الاثنين ليلة ربيعن وقمرآ واللي جمع بين قلبين الله يطول بعمرهـ


وطلعت بنت اخته ام عقوص الربشه وهيه تيول ويا خالها..وتنعششش

ام عقوص: وامباركن عرس الاثنين. عريسنا زين الشباب

ردي الحال: ومباركن عرس الاثنين . عروسنا شيخة الحريم..

ام عقوص: شيخة الحريم لحقت تشوفها؟

ردي الحال: دام الشبلي لي بياخذها شيخه وبنت شيخ بعد هع

الشبلي: ههههههههه يالله خلصوا خلصوا بسكم بعده ماصار شي وانتوا جذا

سنفوره: وانت بلاك جذا هب متحمس.. ياريال خلك فرحان وربك يتمم ع خير..

ريحة الدخون تهب من البيت..​

​

ردي الحال: الللله شو هالدخون.. حليلي انا محد يدخني؟

سنفوره: ( مطته من غترته): هههههههههههه تعال ادخنك يالعيار,,,


السعاده في بيتهم ماتنوصف.. ومن حقهم. الولد البجر بيعرس. يابختج ياسنفوره في ولدج اليوم لووول..

في بيت زورو..

الام مرتبشه من صوب. وسي ار من صووب..

زورو يالس مع عتيج في الميلس وهو سامت مره..

ياه ولده سي ار:

سي ار: له له الشيخ كاشخ اليوم..

زورو: الحمدالله مبوني كاشخ هههه

عتيج: سي ار وينه راعي؟

سي ار: يالس مع العيايز داخل يساعدهم اونه ههههههه

سارت قطرية ذوق لبناتها فووق وهيه مستانسه. دشت عليهم الغرفه الا تشوف كل وحده في مود خايس.. عطت بناتها العلم بشكل عام.. وقالت


قطرية ذوق: بناتي الحلوين قوموا البسوا. اليوم يايين عندنا ضيووف.

سويره من سمعت الرمسه فزت: منو ياي امي؟<< وكأنها ماتعرف...

قطرية ذوق: وهيه ماتبغي تقول خايفه ان يزوي تجلبها نححاسه في هاليوم ولكن..:

الشبلي واهله. يايين يزورونا اليوم( وهيه تشوف يزوي تنتظر ردة فعلها.).^_^

يزوي تسمع الرمسه .. وهيه تسحي شعرها وكأن الوضع عندها عادي.. امها استغربت عبالها ان ردت فعل يزوي عاديه.. ما عندها علم ان من الاساس يزوي عندها خبر بالموضوع...

قطرية ذوق سارت صوب بناتها وحضنتهم: الله يكرمني واشوفكم عرايس يارب..

يزوي. من شدة الغيض الي فيها قامت من حضن امها وهيه معصبه وكملت سحاي شعرها. دون ماتبالي بان هاي امها ااو تهتم لمشاعرها..

سويره: خلاص امي.. نخلص وبننزل...

طلعت الام وخاطرها مكسور من بنتها

قطرية ذوق: الله يهديج يا يزوي.. وسارت عنهم..​

 

[موزة النعيمي]

|| فاصله ||​

سويره سارت عند اختها ووقفت معاها ع المرايا.سويره: تشوفين الشبه شكثر بينا؟​

يزوي: هيه اشوفه..​

سويره: تتوقعين حنا من الداخل نفس الشي بعد؟​

يزوي استغربت من سؤال اختها وقالت: ممم ليش هالسؤال؟​

سويره: لكل وحده منا مشاعر خاصه. ممكن تفرحها او تحزنها لكن تأكدي ان اللي يفرحج يفرحني واللي يضايقج يضاقني.. لاتنسين هالشي. واذا انتي انشمختي في صبع.. انا كلي انزف..^_^​

يزوي افهمت مقصد اختها وعرفت انها سويره تحبها وحاسه في مشاعرها.. ابتمست لها.​

سويره: تأكدي مستحيل اسوي شي يفرقنا عن بعض..​

يزوي: بتوافقين؟​

سويره: ماتوافقين .​

يزوي: اكيد؟​

سويره: اكيدين..​

يزوي استانست من اختها حييييييييل وحظنتها وطارت ممن الفرحه..​

سويره: بما انه ماراح اوافق .. خلينا نشوف شو بيصير اليوم ونونس عمارنا هب لازم نعاند امي او ابوي او اخوي..​

يزوي: صدقتي يمكن عقب يجبرونج او يغصبونج​

سويره: عليج نور.. ​

سويره: خلينا اليوم نونسهم..بس عشان امي مايصير ننزل مكشرين. الفضيحه بتي في ويه امايه.​

يزوي: خلاص اوكي..​

سويره: فديييييييييييييييييييييييييييييييييييج​

يزوي: ياعمررررررررررررررررررري.. ههههههههههه...​

سي ار مر من عدال غرفة خواته سمعهن يضحكون عباله الامور بخير وطيبه وسار صوب غرفته..^^​

وقامن البنات تخبلن.. متفقات على كل شي.. متفقات انهن ماراح يوافقن.. ضامنان انه ماراح يصير شي من بدون رضاهن. وقررن انهن اتعس يوم في حياتهم يخلونه اسعد يوم بخطتهم" الفاشله"..​

خلونا نشوف شو صار..~​

راعي صوغه يالس يعاون العيايز..​

قطرية ذوق: الفال لك ياوللللدي ان شاء الله( وهيه ترتب القهوه..~​

بنت الكلباني: الله يسمع منج الغاليه..​

راعي صوغه: هاه هاه انا توي بعدني جدامي سنه لين ماخلص..​

بنت الكلباني: حتى هيه جدامها سنه ماعليه شو وراها هههههههههه​

قطرية ذوق: اسمنه عليج سوالف يابنت الكلباني ههههههههه​

راعي صوغه مافهم في البدايه ولكن عقب استوعب السالفه. عرف ان الامهات رامسين فيه هو ويزوي ومن طيبته ماقال شي..الا تونس ع روحه وحس انه يزوي مابطير من ايدينه دام الام عندها خبر..^​

الموهيم.. ابتسم وراح عنهم.​

بنت الكلباني: شفتي يوم قلت لج يبيها.!​

قطرية ذوق: خخخ انتي داهيه اسميج.​

بنت الكلباني: يزوي شرا بنتي وماظن بلقا احسن عنها لولدي...​

قطرية ذوق: تسلمين لي الغاليه وانا بطمن عليها اكثر لو عندكم لكن انتي ادرى بحالتها ومشكلتها.
بنت الكلباني: ماعليج يابوج الريل يغير هه هه هه ههه...​

وتموا العيايز يسولفن وهن يرتبن الاكل والقهوة..​

لين .. مايوا العربااان. ووصل الشبلي واهله..

واترك بقية الاحداث للبارت 16...<< ورانا نووم. في انتظار تعليقاتكم^^​

:belokan::belokan::belokan:​

 

[أم أحمـد]

بارتين في قمه الروعه



اتوقع انه تتلخبط الااموور وتتعقد


بس في النهايه تكون في صالحنا وما نعرس

واتوقع انه امي بتيوز يزوي حق راعي

واتوقع انه انا بحب حد غير

الشبلي ما حبته كله يضحك << هاي الي بتتصفع

يزوي خلاص غيري القصه انا ما ابي اعرس

وراي اشغال اخااف الشركه تتعطل وريلي المصون يحرمني من الشغل << طالع التفكير


خل يزوجونج انتي احسن هع


^^


في الاانتظار


احتراماتي

سويرة

 

[ღ أ”أ£أ¦أژ ღ]

فٍـلمٍـ هُـنٍـدُيًـ هُـعُـهُـعُـ


بُـصِـڑآآآحِـة ڑوٍوٍوٍوٍوٍعُـة


آحِـمٍـ آحِـمٍـ َفٍـڑآوٍلة بُـٺنٍـٺڜڑ َفٍـضَـيًـحِـٺهُـآ بُـگل آلگوٍلچ وٍ بُـيًـوٍصِـل آلخٍـبُـڑ لآبُـوٍ ڛلطَآنٍـ وٍ ڑبُـيًـعُـآٺهُـآ ~> بُـڛ مٍـآ آڟنٍـ آنٍـهُـنٍـ بُـيًـخٍـلنٍـهُـآ ^^

وٍ يًـزٍوٍيًـ وٍ ڛوٍيًـڑة بُـٺَفٍـڜل خٍـطَٺهُـنٍـ آٺوٍَقٍِـعُـ آنٍـهُـمٍـ يًـغٌَـصِـبُـوٍنٍـهُـنٍـ


بُـڛ هُـذِآ ^^ .. نٍـنٍـٺڟڑ بُـَقٍِـيًـة آلبُـآڑٺآٺ :artist:​

 

[عريف هتلر]

ابدااع اختي اليازيه البارتين حلويين و كلها احداث و يخلي الشخص ليقرى القصه يفكر شو بيصير و و نحطي عمرنا مكان الشخصيات اذا صاار هلشياء بينا كيف نتصرف و نحل المشاكل ابدعتي اختي و الله القصه فيه كثير من العبر و اشياء واقعيه نتريا البارت الياي و نشوف شو بيصير
احترامي
عريف هتلر

 

[بيـاض السحـب]

اليآزيه


الله عليك وعلى روعة الحبكة القصصية


أحداث جميلة ومشوقة وغاية بالروعة


الله يعطيك العافية وسلمت يمناك على هذه الروائع


بانتظار البارت 16 بفارغ الصبر


تحيتي ومودتي لك

 

[CR7]

السلامـ عليكمـ



قريت الفور بارتس
بصراحة روعة ومشوقة
في انتظار البارت الياي

توقعاتي
،،
زواج سويرة من الشبلي
و زواج يزوي من ردي

اميرة الكون راح تفضح فوفو

ْالحياة حلوةْْ

في انتظار البارت16

السموحة ع الرد المتأخر،،
​