"خٌلُنيُ قَصٌُةَ هَوًىٌ تٌسُكًنَ كًيانكٌ"

[مشاغب]

متى الحلقه الاخيره

 

[ღ أ”أ£أ¦أژ ღ]

{ يزوووووووووووي ننتظر بقية الاجزآآآآآآآء لاآ تتأخرين ..~*​

 

[بيـاض السحـب]

اليآزيه


مازلنا بالانتظار بشوق كبير


وبالتوفيق لك بالاختبارات


تحيتي ومودتي

 

[موزة النعيمي]

^_^ كله ترددين البنات غبيات والبنات غبيات ههههههههههههه نسيتي انج بنت هع هع

هالبارت ماعليه رمسه في من الحركاااااااااات والخقة واااااااااااااااااااااايد هههههههههههههه

ويالله نتريا البارت الياي عسب تتوضح الأحداث

هههههههههههه ماقصد كل البنات

اخص بالكلام" البنات الغبيات عن جد " هع

تسلمن اختي على المرور...

 

[موزة النعيمي]

عدنااا​

انا اقووول انه اخووي العزيز بيقنعنااا اني اعرس<< جنه ما صدقت هههههههه​

واقوول مدر ياحساس انه باباتي لازم يمووووووت << ليش هالحقد هههههه​

واقووول انه سي ار بيكره حياته ​

واقول انه راعي صوغه بيتحراا انه يزوي الي انخطبت وبيشتط​

واقووول انه عريف هتلر بيخطب يزوي << كيفي هع​

وعاد من الصعقه يزوي بيتروح فيها العنايه المركزه << سي ار سنع ربعك احسلك هاا اقوولك ​

وسنفوريتااا << منوره القصه حبوبتي​

وشوو بعد ​

هيه لا تبطين ما اسدج انااا ​

هع​

في الاانتظار ​

احتراماتي​

سويرة ​

رووووووووووح ياخطير

احلى توقعات هههههههههههه

تعجبيني يوم اتابعين من خاطرج

هب بس عشان خاطري هع.

يعطيج ربي العافيه

لاتحرميني الطله..~

 

[موزة النعيمي]

اليآزيه


الله يعطيك العافية على هالبارت الرائع


ولكن فيه شوية حزن ... قطعت قلبي يزووي وهي تصيح ^_^


وفراولة والله راحت فيها البنت ... عشان تتعلم تثق بحدا تاني مرة


خليهم يوافقوا على العرس عشان نحضره ^_^


وربي انك أكثر من رائعة على نسجك لأحداث القصة المشوقة


بانتظار البارت القادم بكل شوق


تحيتي ومودتي

اختي بياض السحب

صراحه متابعتح للقصه

شي مميز

تسلمين الغاليه


وترقبي الاحداث..~​

 

[موزة النعيمي]

قريتهااااا و خلصت :19:الحمدلله

الاجزاء نااااااااااااااايس

امممممممم انا اتوقع

سويرة ~> خلاص بتعرس :a054:

و يزوي ~> بتتعب نفسياً بس بعدييين بتعرس و بياخذها خال الشبلي ما ادري شو يقربله هع و راعي صوغة بتيه حالة و حالات و و و

بس بعدين ريلها بيمووووووووووت " هههههههههه " و بياخذها راعي صوغة

و ابو سلطاااان ~> بيكشف فوفو و ميبي يودرها

و بث

ابداع خيالج

تحديتيني ههههههههههههههه

ميبي يودرها؟ مممممممممم انا اعتقد بيقص راسها ولا شو رايج ماتستاهل؟ هههههههه

تسلمين حبوبتي نورتي..

 

[موزة النعيمي]

ما زلنا متابعين
يسلموو ونتريا البارت القادم

همسه( غيري اسم ريانة واسم سعوود)

ان شاء الله راح اغيرهم.. افتقد توقعاتك اخوي^^

تسلم..~

هههههههههههههههههههههههه


الصرآحة توقعآت سويرةمآلهم حل

حلو والله هآلبآرت لآ عآد فرآولة خآينة ورآح تدفع ثمن خيآنتهآآآآآآآآآآ

ههههههه ايه شفتي خطيره سويره مافيها حيله ههههه

نورتي قطرية لاتحرميني..~

 

[موزة النعيمي]

ومات البطل

الله يرحمه...~

والله أنج خطيرة يا يزووووووي ( مبدعة )

كح تسلمين ع المرور الخطرطر هع

نترياا البارت الياي اختي بفارغ الصبر نبا نشوف شو بيسوي شبلي و شو بيسوي سي ار 9 عسب يقنع يزووي
احترامي عريف هتلر

تسلم اخوي متابعتك شرف لي وادري اني طولت اسسسسسسفه^^

 

[ღ أ”أ£أ¦أژ ღ]

ابداع خيالج

تحديتيني ههههههههههههههه

ميبي يودرها؟ مممممممممم انا اعتقد بيقص راسها ولا شو رايج ماتستاهل؟ هههههههه

تسلمين حبوبتي نورتي..

هههه هيه تستاهل ونص وربع :19:

 

[موزة النعيمي]

|| مقتطفات .. من الواقع ---*

|| مقتطفات .. من الواقع ---*​

[FLASH1]http://dc02.arabsh.com/i/01084/o8vx9nim3bvl.swf[/FLASH1]​

​

ابشع شي في الدنيا الزعل.​

لكل شخص.. زعلان من || اليآزيه || بسبب او بدون سبب..​

كل الاسف يصدر مني لكم..​

اليوم هنااكتب قصتي. لكي تبقى ذكرى حروف تلعب بمشاعر الاخوه بيني وبينكم...​

----------------------------------*​

[ خلني قصة هوا تسكن كيانك]​

بدت تسلك مسار جديد في عالم القصص..

بدأت ارى بها النور الذي كنت احلم به

بفضل ربي.

ومن ثم

بفضل ردودكم المشجعه وآرائكم المطروحه

كل الشكر لكم اعزائي..

-------------------------------*​

هل تصدقون وتؤمنون بتوأم الروح؟​

عندما يخفق القلب بخفقان توأمه ويتوقف بتوقف خفقان التوأم؟​

هل تؤمنون.؟​

من خلال قصتي.. قد امثل هذا التوأم ولكن تأكدواانه حقيقه​

هنا.. وان لم يكن هنا​

فهو موجود في بقعه من الزواايا..​

حب التوأم شي.. لايعرف قيمته الا من كان له توأم...​

نصيحه للي يتابعون قصتي:​

" لاتقولون اني ابالغ":giving-up:​

----------------------------------*​

لن اطيل عليكم​

اكتفي بتلك الايام التي لم انزل بها اي " جزء" وذلك لضروف يالصحيه المفاجأه..​

دعوني التمس العذر منكم..^_^​

----------------------------*​

أخيرا ::​

[ الخيانهـ]​

هيه اقصى نزف لتكلك المشاعر الطاهره​

الصادقه​

المبنيه على اساس الثقه ..​

وهيه اعظم الحالات " انتهاكا لروح القلب"..
اتريكم مع بقية بارتات القصه..​

 

[موزة النعيمي]

قطرية ذوق. زخت بو العيال البارحه اول ما رد من الدوام وخبرته بالموضوع وانه الشبلي حاب يتقدم لوحده من بناته.. وخبرته باللي صار ..لما يزوي عرفت بالخبر..زورو كلامه مثل كلام سي ار. مايصير كل مره تصير نفس السالفه ويرفضون عشان مشاعر التوأم ونهن مايبن يفترقن مع بعض.. فقرر الابو هالمره يتدخل وبقوة في الموضوع لان كل مره يترك االشور عند بناته دون مايغصبهن ع شي...~​

​

​

​

​

​

البارت الثاني عشـ12ــــر ---*


في بيت: العم زورو

ع طاولة الطعام

الساعه :7:45 دقيقه,,
اليوم: الجمعه


يا الصبح وطبعااا الخوات التوم كانن مقررات انهن يسون" مقاطعه" للاهل.. اونه زعلانات.. الكل نزل حق الريوق الا هالاثنتين لاول مره مانزلن وقعدوا مع اهلهن..!

طبعا الام \ والاخ قاعدين يتشاورون في الموضوع والابو زورو قاعد يسمع وساكت..!

قطرية ذوق: واعليه ع بناتي شو يعني بنخليهن جذا؟

سي ار: امي بناتج هب يهال.. وهالحركات تراني ماستسيغها. كل وحده عقلها في راسها.. اونه مابينزلن للريوق
..
قطرية : لاتقول جذا عن خواتك انت عارف انهن يحبن بعض ومايبن يفترقن

سي ار: امي لاتقهريني وتقعدين ادافعين عنهن. ترا كل هذا لي فيهن.. من بزاج ودلعج..

زورو: سي ار.. احترم امك.. واقبض لسانك..هالرمسه ماتنقالها وخاصه جدامي..

سي ار حس ع عمره انه مزودنها حبتين..

سي ار: اسف ابوي بس موضوع خواتي وايد مخلني متوتر وماعرف افكر.. كل مره يصير الموضوع تصير نفس السالفه لين متى يعني؟ وعقب الناس شو بيقولون؟

زورو: خلاص ماعليه ان شاء الله الموضوع ينحل ولكن بهدوء مش بالعصبيه ولا الغصب. تسمعني؟

سي ار : ان شاء الله ابووي. قام سي ار وباس راس امه

سي ار: انا اسف الغاليه سمحيلي

قطرية ذوق: ماعليه ياولدي.. بس مهما كان هذيلا خواتك

سي ار: وربي خواتي محد شراتي يحبهن يبا مصلحتهن لكن انا بترك الموضوع على ابوي وخير ان شاء الله..
.
زورو: العرب متى يايين؟

سي ار: باجر ان شاء الله ع المغيربات..

زورو: خير ان شاء الله .. (وقام زورو) من على الطاولة يالله انا ساير ام العيال انا بسير اشوف بناتي..~




راح الابو عند البنات عشان ينزلهم من فووق دق الباب عليهن..

وفتح الباب ولقاهن يالسات كل وحده مجابله الثانيه.


زورو: صباح الخير

قامن البنات : صباح الخير ابووي

زورو: بناتي الدلوعات اليوم مايبون ينزلون ليش؟

سكتن البنات يزوي تمت اطالع سويره وهن مب عارفات شو يقولن..

زورو: ليش مانزلتوا اليوم؟

سويره: مالنا خاطر ابوي

زورو: مالكم خاطر هذا مش معناته تخلونا تحت نترياكم

يزوي: اسفين ابووي بس هم يعرفون ان نحن هب نازلين

زورو: من هم؟

سويره بغت تغطي ع الموضوع: ابويه انا قلت لامي انا مانبغي ريوق اليوم

زورو: ( وبدت نبرته تحد): واذا قلت لكم انكم راح تنزلون؟

سويره طالعت يزوي وهيه خايفه: اكيد بننزل ابوي.. انت تامر

زورو: هههههه هيه هذيلا بناتي اللي اعرفهن ..يسمعون كلام باباتهم ..

يزوي: ابوي بصراحه انا..

ماخلاها زورو تكمل..

زورو: يالله يزوي ولا كلمة اسمع تنزلين جدامي...

يزوي دلوعة ابوها تضايقت ليش ابوها جذا يرمسها

يزوي( وهيه تبغي تصيح): ابووي انت ليش جذا ترمسني؟

زورو: هههههههههه بنتي الغاليه تبغي تصيح؟ افا.. وقام راح صوبها وحضنها.: ماماه انا كنت امزح معاج يالله ننزلم مع بعض زين؟


ونزل الابو بناته وقعدوا ع الطاله يتريقون ويحاول الابو يغير الجو..ماحب انه يفتح الموضوع مع انه سي ار متحرقص.. ويشوف ان لي قاعد يسويه ابوه دلع × دلع<< الحياه حكمه يا سي ار^^


قعدوا الجماعه مع بعض.. والبنات بدا يتغير مودهم..^^وان شاء الله خير..^^
​

 

[موزة النعيمي]

ا
بوسلطان: انا بحاول بعدني في ابوي يا امي.. تراه اذا ييناه بالقوه راح يعاند اكثر​

الكعبيه: ولدي انا بنتي مابتروح عنده لو على موتي​

ابوسلطان: بسم الله عليج امي لاتقولين جي وان شاء الله بنتج بتقعد عندج طول العمر لاتحاتين..​

الكعبيه: غلا بني كعب عسى ربي يحرق قلبج مثل ماتحرقين قلبي ع بنتي..!​

دش ابوسلطان غرفته وهو يفكر كيف ممكن انه يحل الموضوع وخاصه انه ابوه لاقال شي سواه.. قعد قفكر ويفكر ويفكر لين مايا شي بسيط في باله وقرر انه يروح ويلاقي مره ثانيه ابوه..!​

من دون مايخبر امه .. انه راح يلاقي ابوه تزهب ابوسلطان وظهر..​

ابوسلطان: يالله امي انا ساير​

الكعبيه: وين ساير ولدي؟​

ابوسلطان: مشوار صغير عند ربيعي​

طلعت لهفة الخاطر وهيه زايغه​

لهفه: ابوسلطان وين ساير؟​

ابوسلطان..: مب مكان بسير عند ربيعي مشوار ساعتين وبرد
لهفه: واذا ابوي يا البيت؟​

ابوسلطان: مابيي ان شاء الله.^^ واذا صار اي شي اتصلوا فيني.​

طلع ابوسلطان ممن البيت متوكل على ربه وسار بيت حرمة ابوه" غلا بني كعب"..​

وصل البيت.... طق الباب.. وياه الجواب:​

طلع له ولد صغير عمره ماتجاوز ال3 سنين..​

مشاغب: ( وهو يطالع ابوسلطان بغرابه): منوه انته؟​

ابوسطان استغرب منو هالياهل لي طالع له..​

ابوسلطان نزل له وقاله: انت منو حبيبي؟​

مشاغب: انا...انته منو؟​

ابوسطان: انا بوسلطان..​

مشاغب: بو ثلتان؟؟ قام يناقز الولد ماعرف ليش ههه الا وشوي​

غلا بني كعب: مشاغب.. شو تسوي خاري؟ تعال اشوف داخل...!​

ابوسلطان اتسغرب منو هالياهل لي في بيتهم ولكن​

بوسلطان: السلام عليكم خالوه.​

غلا بني كعب: وعليك السلام.. شو يايبنك بعد اليوم؟​

بوسلطان: ابوي موجود؟​

غلا بني كعب: هبم وجود خير شو عندك؟​

ابوسلطان: عيل انا ساير من ايي بلغيه انيي ييت​

غلا بني كعب: وفي شو تباه ان شاء الله.؟​

ابوسلطان: يالله مع السلامه​

غلا انقهرت حست انه مسوي لها طاف​

غلا بني كعب: عيل امك الحريجه ارمسك.. حق شو ياي؟​

ابوسلطان من سمع هالرمسه عصب. الا ويصد صوبها وهو محترق والشر من عيونه
ابوسلطان: ياحرمة ابووي اقبضي لساني ويعل قلبج الحرق .قبل لاتحترق امي..
وسار عنها​

غلا بني كعب: طاع هذا.. صدق يباله تربيه.
.
وتشوف ولدها مشاغب وشلته​

غلا: تعال انت بعد ناقرزلي عنده جنه بيفيدك.​

وسارت داخل وهيه تتحرطم​

طلع بوسلطتن وهو يفكر. باليهال منو؟؟ وبنفس الوقت يبغي يلاقي ابوه مره ثانيه
اتصل عليه عشان يشوفه وين.​

دانتي: اوهو شو يبا هذا بعد داق..؟​

ويرن التلفون ودانتي مسوي طاف لولده ومايرد عليه​

ابوسلطان: اكيد ابوي مشغول.. وسكر الخط بوسلطان وتذكر فراولة وقال بيدق لها يطمن عليهادق لها لقى عنها خط..!​

ابوسلطان: وبعيد مره ثانيه الاتصال ونفس السالفه. الاخت فراولة بزي
.
فراولة: هههههههههه لا عادت صدق احلى شي لما نازعته​

عزوز: هع عيل تبينه يطالعفيج واتم ساكت؟​

فراولة: فديتك والله​

عزوز: اجلع عيونه لي بس يشوف حبيبتي.​

فراولة: تغار؟​

عزوز: وشلون ما اغار.. شو هالسؤال.. انتي غبيه​

فراولة: ههههههههههههههههههههههههه( وهيه تشوف ان ع الخط الثاني ابوسلطان)​

تقول فراول في خاطرها: افففففففففف ششو يبي هذا بعد. صج صج طفرني..
المهم بوسلطان اليوم ركب راسه وقال الا يتصل لين حضرتها ترد. ولما فوفو شافته جذا عصبت وتضايقتوسكرت عن عزوز​

فراولة: الوو؟​

بوسلطان: يعني ماتشوفيني ع الخط؟​

فراولة: هيه اشوفك بس ما ابغي ارد عليك ولا ارمسك. شو تبا؟​

بوسلطان: استغرب: خير شو فيج؟​

فراولة : مافيني شي بس زهقت منك ممكن اعرف شو عندك وشو تبا؟​

بوسلطان: فراولة انتي بعقلج؟؟​

فراولة: هيه بعقلي. وبصراحه انا زقهت منكواتصالك ثقيل عليه وما اتقبله​

بوسلطان: ماعرف شو يرد استغرب منها.!​

بوسلطان: هاي رمستج يعني؟​

فراوله: هيه رمستي يابوسلطان واتمنى تستعنى بها وبسك من الاحلام الورديه.​

بوسلطان: اي احلام؟​

فراولة: هههههههه انت ادرى.​

بوسلطان _ وبنبره حاده): اي احلام يافراولة؟​

فراولة: انت احين من صجك مصدق اني بتزوج واحد شراتك؟​

بوسلطان ساكت مب مستوعب اللي يسمعه..​

فراولة: بتكون غبي لو وحده شراتي بتوافق عليك​

بوسلطان/ فراولة.. لعني بليس تراج لي قاعده تقولينه هب شوي​

فراولة: لاعنه ابليس وابوه.. وانا عارفه شو اقول فرجاءالاتقعد تتصل فيني او اطفربي اوك؟​

لاتتحسب اني ممكن اوافق على واحد شراتك. مب لاقي شو ياكل ويالله بعمره شال امه وخواته وابوهم عاقنهم عقة الجلاب..~​

بوسلطان: مب عارف .. شو قاعده تقول هالرحمه. حلم حياته فجأه بدأ ينهدم.. وهو يخطط ويبنيه من سنين وبنين.. مب عارف هالكلام جد ولا لعب.. فراولة.. حبيبة قلبي لي حبنا دام اكثر عن 3 سنين احين يايه تقول هالكلام. شو لي غيرها؟.
ماتحمل اللي يسمعه ومارام يزخ اعصابه تجاوزت كل خطوطها الحمرا. ولازم يوفقها عند حدها..​

بوسلطان: يزاج الله خير.. ومشكووره. كلمتين وحطيهم في بالج.​

" انتي.. يآهل. وغلطة عمري يوم اني حبيت وحده شاراتج.. ياهل" وماتعرف راسها من كرياسها. الحمدالله انه بين لي حقيقتج ولا كنت بظل مصدق وحده جذابه شراتج.
اقول. سيري شكله عندج مواعيد وايده معطلتنهم بسبة هاي المكلامه​

فراولة هني عصبت: لاحترم نفسك يا...​

طوووط طووط طووط..​

سكر الخط بو سلطان. صدمته رهيبه.. صدمة ذهوول.. ماكان ابد متوقع يصير اللي يصير. وابد ماكان متوقع انه يسمع هالرمسه لي صارت بينهم..
تذكر. هو شو قصر\\ شو سوى عشان هيه جذا تعامله.
بدت الذكريات ادور في باله عنها...~​

فراولة شقية: منو كان عندك ع الخط؟؟​

ابوسلطان: ههههه وحده... وانتي شيخصج؟​

فراولة شقية: ابوسلطان قسسسم بالله اذا ماقلت منو كانع الخط يويلك...​

ابوسلطان:ششششت هههه تغارين عليه؟؟​

فراولة شقية: لا بس ابغي اعرف..​

ابوسلطان: قولي انج تغارين شو فيها يعني؟.؟. هههه​

ابوسلطان: والله بس لو تطلع بنت ادفنك وانت وياها حييين فاهم؟​

ابوسلطان: ههههههههههههههههههههههههه لا بوي لاتدفنينا ولا شي هاي اختي كانت عالخط تسال انا ويني..​

هني فراولة شقية ارتاحت من عقب ماكانت مشتطه ههه.. وراحت العصبيه منها... وتمت ساكته..​

ابوسلطان: فديييييييييييييتهم لي يغارون عليه...​

ابوسلطان: يتذكر هالمواقف معا فراولة شقية ودمعته في عينه. ومن طاحت حس بعمره... كل شي في باله.. كل كلمه كل حركه كل همسه..
يبتسم بسمة قهررر...وكل التفاصيل...​

وتذكر يومها وعدته​

بوسلطان: تصبرين علي؟​

فراولة: اصبر عليك حياتي. اذا ماصبرت عليك اصبر على منو؟​

بوسلطان: الله يجمعنا على الخير يارب​

فراولة شقيه: امين حياتي.. ​

وتأكد ان مستحيل شي يفرقنا عن بعض..​

وتأكد ان مستحيل شي يفرقنا عن بعض..​

وتأكد ان مستحيل شي يفرقنا عن بعض..​

بوسلطان: وينه هذا الكلام؟ وينه؟؟
على البال
كل التفاصيل .. على البال
واحلى التفاصيل .. على البال
والحل والترحال .. والنار والهيل
والقمره اللى نورت ليل ورا ليل
والنظره المكسوره
والبسمه المقهوره
والخطوه المغروره
وأحلى المواويل
دايم على البال...~​

فراولة شقية بندت عن بوسلطان.. وهيه.. منذهله من رمسته. ممم لكن ما اهتمت لان القلب عند عزوز..
سكرت عنه.. وهيه تتوقع انه كل شي عادي ومثل كل مره.. لكن هالمره غير
هالمره بوسطلان مستحيل يعديها.​

ردت تتصل ع عزوز.:​

عزوز: حيااااااااااااااااااتي طولتي.​

فراولة: اسفه بس سرت اشوف امي.​

عزوز: اها حبيبتي ممكن طلب؟​

فراولة. امرني ومستحيل اردك..​

عزوز: ابغي اشووفج...​

||... وتتتسمر المسيره ||​

,,,​

أنت الخيانة بدمك​

ماتعرف الا تخون​

عمر الوفى ما همك ​

امنت بيك شلون​

وفآحت ريحة الفرقى....​

:imuae83:​

 

[موزة النعيمي]

في بيت العم عتيج..

راعي صوغه: يالله ابوي انا ساير تامر ع حايه؟

عتيج: سلامة راسك ولدي بس ابمك تبغيك روح لها المطبخ

راعي صوغه: ان شاء الله ابوي اشوفك ع خير...

وسار راعي صوغه صوب امه. ياترى في شو تباه.

بنت الكباني وهيه تطبخ الاكل

هراعي صوغه: امي ابوي قال انج تبيني..

بنت الكلباني: وماقالك في شو اباك؟

راعي صوغه: لا ابد خير امي؟

بنت الكلباني: هههه اسميه ابوك عياز.. المهم باجر بنسير بت عمك زورو

راعي صوغهم ن سمع هالخبر فرح.. واستانس. ماصدق ع الله

راعي صوغه: تم الوالده سايرين سارين بس عاد متى؟

بنت الكباني: لازم نكون عندهم قبل المغرب

راعي صوغه سمع كلمة( لازم) فاستغرب: وليش لازم امي شو صاير هناك؟

بنت الكلباني: باجر وحده من بنات عمك راح تنخطب والله يتمم الموضوع ع خير.

راعي صوغه منس مع هالجمله ما استوعب.

راعي: شو امي؟

راعي: وحده من بنات عمك راح تنخطب.

راعي( وبدا الخوف يدخل قلبه.وبطريقه عفويه ): لايكون يزوووي؟؟

امه من سمعت هالكلمه منه. صدت صوبه وهيه متعيبه.. وسمتغربه. شمعنى يزوي شافته وفرت كل شي بايدها..

بنت الكلباني: وشفيها لو يزوي؟( وهيه فاجه عيونها تقول يايبه الذيب من ذيله)

راعي: لا امي بس يزوي توها صغيره

بنت الكلباني( حست انه هناك شي احساس الام اشتغل) : والله هب من زود كبر سويره بعد شو نسيت انهن نفس العمر؟

راعي: اها هيه صح توم. عموما انا تاخرت ع الشباب يالله امي حياج

وطلع عنها راعي صوفه وهو قافط هع..

زخوك ياولد فضحت عمرك ههههههههه

سار راعي وهو مب مصدق.. بدا يتخبل.. لايكون يزوي هيه اللي بتنخطب واطير عليه بنت عمه..
ماراح يقعد والا يتحرقص.. رجع البيت ويلس مع امه حاول انه يعرف شي ولكن ماشي فايده ردمره ثانيه طلع ههههه خاف لا امه تشك بالموضوع..

قرر يتصل ع سي ار

راعي صوغه:مرحبا بن عمي

سي ار: هلا هلا الغالي هلاوالله

راعي صوغه: شحالج الشيخ؟

سي ار: ربي يسسسسسسسسلمك ويبقيييييييييييييك... عاش من سمع هالصووووووووووت

راعي( يبا يدخل في الموضوع بسرعه بيموت لوماعرف هع):: عاشت ايامك الغالي الا اقول مبروك؟

سي ار: ع شوه؟

راعي: قالت لي عيوزي انه بنات عمي انخطبن

سي ار: هههههههههه لا ما انخطبن بس ان شاء الله ربك كريم.. هاه باجر لازم تكون موجود عسب نجابل النسيب

راعي صوغه: اكيد الغالي مايحتاي تقول الا منوه خطبهن

سي ار: ربيعي الشبلي..

راعي صوغه: اها زين ياحيه والله بس عااد منو خطب من خواتك؟؟ << الا يبا يعرف منوه انخطب خخخ

سي ار: ان شاء الله اختي سويره.

راعي صوغه شو الا ما اتانس من عرف انها سويره ههههههه طار طار الريال تخبل هع

راعي صوغه: بالبركه الشيخ.. والله يتمم ع خير ان شاء الله. والشبلي ريال والنعم فيه ماعليه زوود

سي ار: تسلم الغالي يالله عقبالك

راعي صوغه: قريب قريب اان شاءء الله ههههههههه

وسكر راعي صوغه عن سي ار وهو مستانس حده.. يعني يزوي باقيه بعدها ماراحت. يالله يابوي دهديه بسرعه عجل ورتب امورك هع..~ رجع البيت وهومستانس. خاطره يسمع صوت يزوي وده يرمسها ولقى هالشي حجه انه يتصل على البيت ويبارك لهمولكن

راعي صوغه: ياخي جنه فضيحه..توني مرمس سي ار شو بيقول. وباركت له عادي؟. اوهو. شو اسوي.؟

اخوه المنصوري قاعد يسمعه..

راعي صوغه بعده يفكر.: ممممم ايووووووووه بس خلاص. اتصل ع حرمة عمي ابارك لها . يالله قلبي لو ترد يزوي. احمز. واتصل رايعي صغه بالفعل على بيت عمه.

انتبه انه اخوه المنصوري عداله. ويوم شافه بند االسمعه

راعي صوغه: خير شو عندك؟

المنصوري: ولا شي بس اشوفك. شو فيك تهذي روحك؟

راعي صوغه: يالله يلاه سر مناك.. اسميك مسود ويه قاعد تتصوخ منمتى يلا سر.

المنصوري عصب ع اخوه وطالعه بنظرات تحسس الواحد انه جرثوومه خخ وسار عنه.

وجان يتصل على بيت عمه وبالفعل. من سمعه يرن قلبه رن. ويطقطق بسرعه بسرعه شوي وبيطلع منه

ومنو تتوقعووووووووووووون رد عليه؟ ههههههههه

خلو هالشي في البارت 13..​

​

خلكم متابعين..~​

​

 

[موزة النعيمي]

البار الثالث عشـــــ13ـــــر---*




وجان يتصل على بيت عمه وبالفعل. من سمعه يرن قلبه رن. ويطقطق بسرعه بسرعه شوي وبيطلع منه

ومنو تتوقعووووووووووووون رد عليه؟ ههههههههه


في بيت العم زورو..


سويره: يزوي ماتسمعين التلفون يرررررررررررن؟ سيري ردي عليه

يزوي: اوهووو مافيني اسير ارد.

سويره: والله بصفعج ماتشوفيني مشغوله؟

يزوي: اوف زين زززين خلاص.. شموووووووووووووخ.. سيري ردي على التلفون
شموخ طبعا هب فايجه مندمه في البلاي ستيشن.. تلعب اروحها.. البنت الوحهم في البيت الام والابو طالعين يزهبون حق باجر.. وسي ار طالع مع ربعه.
شموخ مسويه اكبر طاف حق يزوي والتلفون يررررررن ههه


راعي صوغه: شو اسالفه محد يرد؟ بند راعي صوغه يوم ماحدر رد عليه

يزوي: اوف احسن يوم سكرتوا.

الا وشوي يرن مره ثانيه هع. وين تروحين اليوم يا يزوي


وقامت يزوي وهيه رايحه ترد ع الفون تشوف اختها في حجرة سي ار تلعب
يزوي: ماعليه يا شموخ انا بأدبج بس اشوف منو ع الفون...


يزوي : الوه؟

راعي صوغه من سمع صوتها. خاف.. انتزق خخ ماعرف يرمس ولا لا. تم ساكت عسب يتأكد

يزوي: الووووووووووووووه؟

راعي صوغه نزل السماعه.

راعي: اف اف هيه هيه محد غيرها ورد مره ثانيه عسب يتأكد..

يزيوي: لاحوول. الووووووووووووووه؟

راعي صوغه هني مات وبند الخطماراح يرمس هههههه طلع خواف لوول < مب انت متصل عسب هالشي. هع شو صار؟ ويوم سكر الخط هني عصبت يزوي تموت ولاحد يرقعها في ويهها..

راعي صوغه اتحرقص الا يرد يتصل مره ثانيه ويسمع حسها خخ..


ولكن مارام يدق فقعد يفكر شوي يسوي لين يت في باله فكره..
ولييييين مالقى الحل,
راعي صوغه: المنصوووووووووووري...
المنصوري: هااااااااااااااه؟
راعي صوغه: تعال شوي اباااااااااك..
( المنصوري وهو ياي من غرفته للصاله): نعم .. شو هناك؟
راعي صوغه: ابغيك تتصل ع بيت عمي زورو وترمس شموخ..
المنصوري: شوه شوه؟؟ ارمسها هاي .؟. . ولا ادق ولا عندك خبر..
راعي صوغه: يالللللللللللللله انت شفيك. قلت لك دق واطلبهاااا وخلاص لاتم تسوي سوالف وبلاوي.
المنصوري: اول شي خبرني شو عندك تباني اتصل.؟.
راعي صوغه( مب عارف شو يقول...): ياربي منك بخبرك بس بيتم بيناا اوك.
المنصوري: اوك قول..
راعي صوغه: ابغي ارمس بنت عمي يزووووي..فيها شي؟
المنصوري: اها وتباني انا اطلب هشموخ عسب عقب تطلب يزوي؟
راعي صوغه: ايوووووووووووه بالضبط..
المنصوري: اسف..
راعي صوغه.(!!).: شو اسسف انت بعد.؟. اخر زمن يهال ويتمون يذلونا. يلا يلا اتصل..
المنصوري: بتصل بس بشرررط..
راعي صوغه: خير؟
المنصوري: الاسبوع الياي تشلني بسيارتك بيتهم .. بسير اكفخ هشموخ وبرد.
راعي صوغه: نزين نزين اصلن نحن باجر سارين عندهم
المنصوري: قول قسم؟
راعي صوغه: انت دق احين ونتفاهم عقب..
( ويتصل المنصوري ع بيت عمه ​

 

[موزة النعيمي]

يوزي: اوهو من هالتلفوووووووووووووووووووووووون والله ماقوم ارد. شموووووووووووووخوه( وهيه تصارخ)

شمووووووووووخ: تفر الجهاز: اففففف اشو تبين؟

يزوي: قومي ردي ع التلفون

سويره: يالله من هالبنات كل وحده اعيز عن الثانيه

شموخ:مابقوم اررد مافيني

يزوي: قسم لومارحتي بيي اصفعج احين

شموخ: اهئ اففففف. اكررررهج يزووووووووووي وقامت شموخ ترد ع الفون..~

ردت ع الفون سمعت حس المنصوري خخخ

شموخ: ( وهي فرحانه بس بنفس الوقت اونها خقاقه): هذا شو يبا متصل.؟. افففف اكرهه..

شلت السماعه رمسته طشه.. وشل راعي صوغه الفون

وطبعا شموخ ام لسام عشان ماتنشر هالخبر راعي صوغه قص عليها بكلمتين..

راعي صوغه: الاسبوع الياي بنيي عندكم وبخليج تهزئين هذا اللي اسمه المنصوري شو رايج؟

شموخ: والله؟ تعال خله ايي معاك وبتشوف شو بسوي به.. هالوحداوي..

راعي صوغه: ههههه نزين شرايج تعطيني يزوووي عشان اتفاهم معاهااا ع الاسبوع الياي.

شموخ: وجي تتفاهم مع يزوي.. تفاهم مع اخوي سي ار

هني راعي صوغه قفط ماعرف شو يقول ههه ياهل وجذا ترد عليه..:

راعي صوغه: لا ترا اخوج محد .. وانا ماعرف موبايله وعطيني يزوي احسن عشان ارتب بسرعه الموضوع..

شموخ: خلاص اوكي بسير اقولها انك ع الخط..

راعي صوغه: لا لا لا..( خاف انه يزوي ماطيع ترمسه من تعرف انه هو).. لا تقوليلها اني انا قوليلها حد من ربيعاتها

شموخ: وليش عاد؟.؟
.
راعي صوغه: يوووووووووووووه تراج وايد تسالين يلا سيري قوليلها وحده من ربعاتها ولا ترا مابييكم الاسبوع الياي ولا بييب المنصوري فاهمه؟

شموخ( وهي زايغه): نزين نزين يلاا بزقرها

وتروح تركض صوب اختها يزوي..

شموخ: يزووي في حد يبيج ع الخط.​

يزوي: منوه؟​

شموخ: مممم ماعرف.​

يت سويره وهيه عندهم..!​

سويره: وهيه تحط الملابس في الكبت..​

سويره: زين يوم حد تكرم ورد على التلفون​

شموخ: يزوي قومي حد ع الخط
..
يزوي: راحي سأليها منو وخليها تتصل على موبيلي..!​

شموخ: يقولج انه ربيعتج​

يزوي: شووووووه؟​

شموخ: تقل انها ربيعتج تبين تردين. قومي ردي ماتبين خلاص ببند الخط​

قامت يزوي عسب ترد ع التلفون وهيه ابد مبمتوقعه انه ولد عمها ممكن يكون ع لاخط.. استغربت من اتصاله..وراعي صوغه ع نياته المسكين داق يبارك اونه مايدري انه بيشعل النار . يزوي.. الا وتنصدم​

راعي صوغه: السلام عليكم​

يزوي( سكتت وماردت)​

راعي صوغه: الو؟ يزوي؟​

يزوي: هيه نعم منو؟​

راعي صوغه: لاتخافين.. معاج ولد عمج راعي​

يزوي انصدمت ماعرفت شو ترد اتسغربت من اتصال ولد عمها
يزوي: تمت اطالع شموخ عبالها انها قصت عليها... نظراتها تقتل
شموخ زاغت وانخشت ورا الباب هع..​

يزوي: آمر راعي.​

راعي: شحالج يزوي؟​

يزوي: بخير ربي يسلمك راعي انت شحالك.؟ وشوحال عمي؟​

راعي: كلهم بخير ربي يسلمج يزوووي
.
يزوي: ياهلا والله..~​

راعي( حس انه يزوي منحرجه)​

راعي: مبروك ع الخطبه يزوي​

النار. احين بتولع || النار. احين بتولع​

يزوي: اي خطبه؟​

راعي: خطبه اختج سويره من الشبلي​

يزوي: من سمعت هالرمسه زاغت وبدت تتوتر من الموضوع​

يزوي: وانت منو قالك انها انخطبت؟​

راعي( حس انه فيه شي):امي خبرتني واقلت انهم باجر بيوون..!! ولازم نكون موجودين عشان نستقبلهم.!​

طبعا يزوي ماعندها علم بالسالفه. ومب عارفه انه هالشي بيصير ولا بعد باجر..! ماتوقعت انه بهالسرعه​

يزوي: انت متأكد راعي؟​

راعي: حس عمره تلخبط ومب داري شو هناك: هيه يزوي متاكد.​

يزوي: راعي انا بسكر الخط​

راعي: ليش؟​

يزوي: بس ياراعي انا بسكر الخط​

وبدا يلاحظ الضيج ع صوت يزوي​

راعي: يزوي شفيج؟​

راعي: قلت لك بسكر الخط لا طولها ياراعي​

خيبه مقواج يا يزوي.. شوقاعده تقولين له​

راعي: : انزين بلاج جذا ترمسيني ماحيدني غلطت عليج بشي( حس باحراج) عمواما انا الغلطان اني متصل بس حبيت ابارك.. ​

ويزوي مب عارفه شو ترد انصدمت من كلام راعي يعني معقوله كل شي يصير بهالسرعه.​

يزوي ساكته ورايح بالها بعيد...!​

راعي: ياله ربي يحفظج​

يزوي: ماترد​

راعي صوغه: حس انه فيه شي ماحب يسكر الا جذا وخاصه انه يزوي ساكته ومالها حس​

راعي: يزوي؟​

يزوي ساكته​

راعي: يزوي وينج شفيج؟​

يزوي: لا مافيني شي راعي. عموما اللله يبارك فيك ومشكور. ​

راعي: افا ولو. الفال لج ان شاء الله...^^​

.......

 

[موزة النعيمي]

يزوي هني.. مب في الدنيا قعدت تصيح.. وتصيح من خاطر.. كل هذا.. لانها بس عرفت ان الموضوع صار جد

عقت السماعه.. وتمت تصيح صياح اليهد وراعي صوغه ع الخط يسمع مب عارف شو يسوي...

انصدممن سمعها تصيح. عبالها صار فيها شي..!

راعي صوغه: يزووووووووووووووووووووووووووي ردي عليه . يزوي شفييييييييج؟

يزوي تصيح وماتمسع شي.. وفاصله ||


سمعتها اختها سويره ويت تركض. يزوي حبيبتي شفيج امي بلاج اصيحين؟

يزوي: ولا شي..!

يزوي: شفيج امي بلاج؟ يزووي حبيبتي؟

يزوي: تضيح من قلب وهيه متحرقه ومب عارفه ومب حاسه بعمرها

سويره شلت سماعة الفون عسب تعرف منو ع الخط وهيه تصارخ

سويره: منووووووه ع الخط( وهيه معصبه)

راعي صوغه خاف ولكن

راعي صوغه: بلاها يزوي؟

سويره: يالحقير منو انته وشو قلت حق اختي؟

هني عاد راعي صوغه ماعرف شو يرد وبند الخط

سويره: الوه؟. الووه. وفرت السماعه

وشالت اختها يزوي وهيه تصيح

سويره: امي يزوي حبيبتي بس لاتصيحين..

شموخ شافت اختها ودموعها في عينها..

سيويره وهيه معصبه: شمووووووووخ

شموخ: هاه؟. اهئ

سويره: منوكان ع الخط؟

شموخ: اهئ كان ولد عمي راعي صوغه اهئ

سويره: انصدمت. شو يبا هذا متصل.صدت صوب يزوي

سويره: يزوي شو فيج شو قالج راعي؟

يزوي: وهيه تصيح.. وفي نفس الوقت مب قادره تتكلم.

سويره: يزوي بس عاد خلاص قولي شفيج. حاولت سويره تهدي اختها<< اللي يبالها قب..

ومن هدت

يزوي: سويره انتي باجر بييون يخطبونج..!

سويره انصدمت : شووووووووووووووووووووووووه؟

يزوي:جذا قال راعي.

سويره: ماعرفت شو ترد. بس

سويره: احين انتي تميتي تصيحين جدام الريال عسب هالسبب؟

يزوي: هيه اهئ

سويره عصبت ع اختها فضحتها جدام العرب بس

سويره: ومنو لي بيخطب؟

يزوي: الشبلي اكيد

سويره: يزوي انتي يبالج ضرب مارمتي تاجلين الصياح يعني لازم تحسسين الريال انه في شي؟

يزوي تمت ساكته مارامت ترد

سويره استغفر الله وانا سبيت الريال لاحوول ثانيا الا تعالي شو يبا متصل؟

يزوي: متصل يبارك لج ع الخطبه

سويره: هههههههههههه نزين بعده ماصار شي بلاهم جذا مستعيلين

هنا يزوي طالعت اختها بنظره وغزتها تشوفها تضحك ويزوي في قمة تعبها..

سويره استعنت وحست

سويره: استغفر الله يزوي لاتمين اطالعيني جذا انتي عارفه اني ماراح اوافق عشانج..^_^

يزوي: توعديني؟

سويره اوعدج حياتي اي شي عشانج انا مستعده اني اسويه..

يزوي: ياقلبي.. سويره انا ما اقدر اعييش في هالبيت بروحي من يوم صغرنا ونحن مع بعض.. ليش نفترق احينه؟

​

​

توأم الروح والجسد.. ليش يفرقون بينا..​

​

​

​

سويره حضنت اختها وغمضت عينها.. .......


|| لحظة نقاهه ||

توأم الروح ..هو القلب والروح معا..هو ذلك الانسان الذي أصبحت انت كل شيء في عالمه.. وهو كل شيء في عالمك
فـ في عالم توأم الروح تختفي الخلافات والعتب ..تختفي المشادات والغضب..وتبقى الروحان في عالم الطهر العفوي الطفولي الذي يقودهما الى التضحية كل من اجل الاخر
جميل ان تجد توأما لروحك ولكن الأجمل ..ان تكون أنت توأم روح لمن يحبك..


الحاسه السادسه للتوأم اشتغلت. يزوي حست بمشاعر اختها.. قعدت تناظرها وفي عينها دموع..

يزوي: انتي تسوين كل هذا عشاني؟

سويره ابتسمت لها ابتسامه. مليئة الحزن. وكأنها تتنبأ بالمجهول..: كله عشانج وعشان حياتنا اللي مابغيها تخترب ونفترق عن بعض..^^

يزوي: الله يخليج لي..

سويره:^_^

راعي صوغه من سكر الخط وهو متسغرب .. وماكان ابد متوقع ردة الفعل ذيج..ماعرف شو يسوي.. يرد يتصل مره ثانيه. ولا شلون؟

استغرب من ردة فعل يزوي اختها سويره بلاهم؟ شوفيهم وشفيهاا يزوي جذا تصيح و وتصارخ.

سكت وماعرف شو يسوي قرر انه يرد يتصل مره ثانيه ولكنه.. تراجع عن قراره..
سويره تلومت فيه... وفي نفس الوقت استغربت من اتصاله.. لموهيم قررت انه تتصل عشان تعتذر وهيه بعد تراجعت عن قرارها. وقعدت مع اختها يزووي .. مع انه يزوي من عقب ذاك الصياح( الفارط) ردقت..~


وصار اللي صار..



نسير صوب الشبلي.. عند امه واخته وخاله ردي الحال..^^ وهم متونسين

ام عقوص: كلولولولولولوووووووووش

الشبلي: بس بس فضحتينا احين الجيران راح يسمعون

سنفوره: براهم يسمعون وشو فيها؟ ولدي وبيخطب ومبركها من ساعه ..

ردي الحال: هيه يحليلي انا لو اعرس محد بيفرح لي جذا

الشبلي: انت يلا شد حيلك.. يقولون عندها اخت جان تباها هههههه

ردي الحال: شورك يعني؟

الشبلي: هيه شوري ومناك نوفر بدل الخساير

ردي الحال: خخخخخخخخخخ صدقت..بدل الخساير مرتين.

سنفوره: هاه ردينا يا ردي على الموضوع ههههههههه

ام عقةص: لا خالي بجد شو رايك نخطب لك الثانيه؟

ردي الحال: ليش انتوا عرفتوا اصلنمنو الاولى لي يباها الاخ الشبلي( وهو يطالعه ويغزه بنظرات)

ام عقوص: خخخخخخخخخخخخخخخخخخ<< فاهمه السالفه

سنفوره: كله واحد والبنات يثنتيهن ماعليهن رمسه ووين مايطيح النصيب ونوشوفها الانسب لولدنا^^

ام عقوص: خخخخخخخخخ كلامج صحيح امي هع

رالشبلي: ام عقوص صطلبي زين؟

امم عقوص: وابوي ماحيدني سويت شي.!

ردي الحال: لاهو اكيد يقصدني انا ههههههههههههه

سنفوره:نحن نتكلم جد ياخوي لين متى بتم على هالحاله؟اشتقت اشوف عيالك..

ردي الحال ماعرف شوي يرد: ماعليه ياختي خلينا احين في موضوع الشبلي وانا خير

سنفوره: براحاتك ياخوي..
.....

|| نزلت لكم بارتين اليوم​

​

​

​

وفي الغد ان شاء الله بارتين​

​

​

​

عشان مماتملون وتستمتعون براحاتكم^^​

​

​

​

اتمنى اشوف تعليقاتكم وآرائكم حول هالبارتين اللي نزلا اليوم​

​

​

​

لاتحرموني..|| والسموحه ع التأخير...~ ​

​

​

​

​

​

:imuae83:​

​

​

​

 

[مشاغب]

شو هذه مسرحيه

 

[أم أحمـد]

^______________^


في انتظار جزؤ بااجر <<< للحين متأثره


احتراماتي

سويره

 

[عۈد بطرآنيـے]

يااااي يااااي عليج يا اليازية

مسوية العجايب فهالبارتين ...


ماشاء الله .. عيني عليج باردة

.
.

CR9 يبا يزوج خواته بسرعة

شكله يبا يعرس وهن واجفات فطريجه >> خخخ

.
.

ولا عاااد فراولة تلعب على الحبلين

ما أقول غير " حبل الجذب قصير"

.
.

في انتظار الياي ​