"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

صبآح\ مسآآء الخير....~

لكل القلوب النقيه التي تنبض هنا...لكل الاقلام الوفيه التي شاركتني هنا...


" خلني قصة هوا تسكن كيانك" قد تحتوي على احداث حقيقه ولكنها اندمجت بالخيال...

وقد تكون هناك احداث خياليه تم رمسها فقط لتبيان الهدف من القصه والامور المستفاده منها..~

ليس كل مايكتب هنا.. يعبر عن || اليازيه..||..

انما هيه فقط طريقة لتوصيل مشاكلنا وقضايانا باسلوب يفهمه الجميع.. مع وجود الحل المناسب...


فٌعَذٌرًاً.. كل حرف هنا وكل حركة وكل موقف لم يكتب هباءا وانما كُتب لاسباب مرسومه..."


لنعالج مانعانيه بصورة واقعيه خياليه...

وسوء الظن" ارجوا ابعاده ابعاده ابعاداً نهائيا عن قصتي....

والله على ما اقول شهيد...~

نتمنى الاخذ بدروس القصه .. عند القراءه والتعلم.. وليس فقط القراءه من اجل التسلية..^_^

يرجى عدم الرد للحين الانتهاء من انزال الباآرت..~


تحياتي: الكاتبه.​

 

[موزة النعيمي]

مساؤ الورد|| ...طولنا عليكم ادري.. لوول|| ظروف خارجه عن الاداره .. الموهيم​

كلولولولولولوش نبارك حق الشبلي لانه خطب سويره. اقصد يعني رمس امه عقبال ماتوافق دون مشاكل هه ترا بزا البنات واونه مابا اعرس وماعرف شو وايد منه.. اهم شي يالشبلي انك ماتاخذ يزوي بالغلط هع..​

البارت العاشر... الآن في الاسواق...هع..​

اتمنى لكم قضاء وقت ممتع..^_^​

البآرت العاشر---*

من بعد مارمس الشبي امه عشان يتوكلون ويرمسوون .. اتصلت ام الشبلي سنفوره على اخوها ردي الحال تخبره وتبشره انهم بيخطبوون...​

ردي الحال..: مبرووووووووووووك يااختي مبرووك... والله بجد فرحت له​

سنفوره: وعقبال الفرحه العوده يارب.ونزفه مع عرووسته ياااارب...​

ردي الحال: ان شاء الله خير ياختي..^_^والله يقدرني ان شاء الله واقوم بواجبي تاجاهكم...​

سنفوره:: ادريبك مابتقصر ياخوووي بس انت شد حييلك وتعال معانا نشووف العرب يمكن تعيبك اختها ههههه​

ردي الحال: هههههههه وين عاد طافت عليه اناا مايبون واحد شيبه ..​

سنفوره:: بسم الله عليك.. شو شيبه توك الا بداية عمرك ..28 سنه وقلت شيبه؟​

ردي الحال: ه عانتي جذا تقولين ياختي لكن بنات هاليومين مستخفات يبون صغار شرات ولدج ههههه​

سنفوره: خل عنك يالله... جان البنات زينات بنتوكل ع الثنتين والصراحه ناس وماعليهم زووود..​

ردي الحال : اهااااا CR9 مسكين ريال والنعم فيه واكيد خواته خوش بنات..​

سنفوره:: هيه و ماشاء الله عليهن وايد حلواات.. بس الله يتمم ع خير​

ردي الحال : والله زين بنسوي عرس جماعي بدل الخساير خخخخخخخ​

سنفوره:: شووووووووه؟.؟. خساير.. احين يومك بتعق بيزاتك على حرمتك خساره.؟؟​

ردي الحال: خخخخخخخخخ لا حشاا منو قال؟؟. تفداها البيزات وابو البيزات ولي اخترع هالبيزات هههه..هاي حرم ردي الحال المصون ههههههه​

سنفوره:: بس تدري... انا لي عرفته عن البنات انهن مايبن يعرسن.. حبهن لبعضهن وايد فضيييع لدرجه انهن مايبن يعرس ويفترقن عن بعض..​

ردي الحال : جي مايصير هاي سنة الحياه...!!!​

سنفوره:: والله مادري بس وحده فيهن ابد مب متقبله فكرة انها تبتعد عن اختها لانهن من الصغر مع بعض.لكن ماعليك.. نحن حريم ونعرف كيف نترس راسهن​

ردي الحال : ماعليج يوم غايته بينحل كل شي انتي لاتحاتين عاد ولدج اي وحده يبغي فيهن.؟​

سنفوره: مادريبه عاد ماقال..​

ردي الحال : هيييييييييه بوي جان ماحاط العين ع وحده ويحبها ههههه سيري سيري اتخبريه عن تاخذون الثانيه بالغلط هههههههههه..​

سنفوره:: هههههههههههههههههههههههههه....~خير ان شاء الله اهم شي انته خلك زاهب على الاسبوع الياي بنسير نخطب ونزور العرب.​

ردي الحال: بتخطبيلي انا؟​

سنفوره: جانك تبا هيه نعم بخطب لك وانت شو ناقصنك عسب ماتعرس للحين​

ردي الحال : ههه مادري احس انه بعده مش وقته​

سنفوره: خلاص ياخوي ع راحتك من تعزم وتلقى بنت الحلال قولي وفرح قلبي..​

ردي الحال: خير ان شاء الله...:29:​

ويالله يتمم كل شي ع خير... يابخت الخوات لاياهم نصيبهم مره وحده هع<< بتصيبهم عين بسم الله عليهن:19:​

خلونا نسير شوي بوظبي عند ابوسللطان وابووه.... ابوسلطان قاعد مع امه.​

ابوسلطان : يالله امي انا عقب شوي بسير لابوي​

الكعبيه: انتبه يا ولدي منه مااا استبعد اي شي من هالمخلوق​

ابوسلطان: ماعليج امي ترا مهما كان بعد هذا ابووي​

الكعبيه: ما اوصيك ا ولدي هالله هالله بعمرك​

ويطلع ابوسلطان من البيت ورايح عند ابوه وهو متامل انه ابوه يرحم اخته شوي ويخليها تكمل دراستها ومايغصبها ع ولد عمها... في ضنكم شو لي راح يصيرررر من يوصل؟؟...~:a054:​

 

[موزة النعيمي]

وصل ابوسلطان بيت حرمة ابووه..بيت كبيرر وسييييع.. وهم للاسف ابوهم ماوفر لهم الا بيت واحد وع قدهم..الحديقه تربع فيها خيوول.. وهم حديقة بيييتهم يدوبهاااا ع قدهم..
يشوف كل ها بعيونه وينقهرر.. ​

ابوسلطان: بس ماعلي امي واختي بيعيشن احسن عيشه وما بنحتاي لك يا بوووي..​

ويدخل البيت وتتلقاه حرمة ابوه..غلا بني كعب​

ابوسلطان: السلام عليج خالتي..​

غلا بني كعب: وعليك السلام ها ولد الكعبيه(بنبرة اهانه.. ومعروف انه اللي ينادونه باسم امه هذا" فيه خلل" هع​

ابوسلطان( استغفر الله).. وين ابووي؟ ابغي اشووفه..​

غلا بني كعب: عفان الله نزين الناس يقولون شحالكم شي شيات
..
ابوسلطان: سمحيلي بس مستعيل وابغي اشوف ابوي اذا ممكن..​

غلا بني كعب: هههههه الله ع الادب.. صبرر انثبر هني احين ابوك بيي..(بنفس خايسه)​

ابوسلطان يلس وماهمته حرمة ابوه لان يعرف ان لو سوا لها شي او قالها كلمة راح ينرد الموضوع علييييه..​

دانتي نازل من فووق ويشوف ولده. يقوم ابوسلطان يبا يسلم عليه لكن.​

دانتي: هاه؟ خير شو تبا امك مطرشتنك؟؟ ( وحرمته دمعه عداله)​

ابوسلطان( وهو يطالع غلا بني كعب): مب امي لي مطرشتني انا اروحي ابغي ارمسك في موضوع..اروحنا..لو سمحت ابووي..​

وهني تحتر غلا بني كعبوطالع ابوسلطان بنظرات خايسه لكن.. زين بعده يوم الابو تدخل​

دانتي: خلاص دمعة غلا سيري خليني اشوف شو عنده..​

غلا بني كعب: ان شاء الله فديتك..( وتروح غلا بني كعب وهي هب عايبنهااا ومتغصصه... برايكم انها بترووووح وتخلي الرمسه تفوتهاا.؟ هع وقفت ورا الباب تتسمع)​

ابوسلطان: انا ياي لين هني ومتأمل فيك خير ان شاء الله​

دانتي: في شو؟​

ابوسلطان: ابوي مهما كان انا تراني ولدك ولهفة الخاطر بنتك مب زين تعاملنا بهالطريقه.. وامي تراها ام عيالللك..​

دانتي: ياي تذكرني بهالشي يعني؟​

ابوسلطان: لا ابوي ادريبك هب ناسينا... بس(وماخلاه يكمل)​

دانتي( وهو طفران): لحوول خلص قوول شو عندك شو تبا ياي؟.​

ابوسلطان: حزت في خاطره انه ابوه جذا يعامله.. ولكن تحمل عشان امه اخته..​

ابوسلطان: ابووي اختي لهفة ماتبااا ولد عمي.. وماراح تاخذه واتمنى لو تخليها تكمل دراستها.. لو سمحت..​

دانتي..: هاهاهاها نعم نعم؟ شو قلت؟​

ابوسلطان: ابوي انا اتكلم جد وهاي حياة اختي مب زين تغصبها ع شي ماتباه​

دانتي: سمعني يا ولد امك هب انت لي تقول شو اسوي وشو ما اسوي مع بنتي فاهم؟..​

ابوسلطان: بس ابوي انا ولدك العود... وانا لي بشل اسمك من بعد عمرن طويل...​

دانتي: هيييييه.. هذا لي تباه انت وامك اموووت وتفتكون وتاخذون كل الحلال.لكن حرمت عليكم عيييييييشتكم ماتشوفون فلس حمر مني
..
ابوسلطان: ابوي احين منو قال هالرمسه؟.؟. انت من يومك تتبلى عليه وعلى امي.. عنبووو انا ولدك وهاي ام عيالك ليش انت جذا تعاملنا ليش؟ رغم تقصيرك معانا ماتشوف شي شين منا.. ومع هذا ياي وتبا تغصب اختي ع الزواج وتدمر مستقبلهاا.. وين تبا توصل بنا ابوي ويييين...؟(يتكلم وهو مقهور ومن الحره يعلي صوته)​

ودانتي يسمع هالكلام كله غلا بني كعب بعد من ورا الباب تسمع هالرمسه وهي محترقه..​

دانتي: احترم نفسك ولاتعلي صوتك على ابووك..!​

ابوسلطان: ويومك تعرف انك ابوي ليش مب قايم بحقي.. ليش كل يوم وثاني عاقنا في مشاكل وحتا ماتسال عنا شمعنى احين محتشر وتبغي تاخذ اختي ليش؟؟​

دانتي: هاي بنتي وانا ادرى بمصلحتها البنت لو تمت عند امها بتضيع..!​

ابوسلطان: وشو بيضيعها يا ابوي...؟​

دانتي: والله مايندار. بنت ومتخليه مع ام اروحها . محد يعرف شو يصير هناك...​

ابوسلطان( هني عصب وماتحمل هالرمسه): هاي لي غاسله مخك بهالرمسه صدقني بييك يوم وبتندم.. وبتعرف ان مردك الاول والاخير بيتك وعيالك...(.. واختي ماراح تاخذ ولد اخووك.. وهاي كلمتي وقاولها في ويهك يابوي.. ​

ويطلع ابوسلطان عن ابوه وهو معصب حده.... ومنقهر ويجابل حرمة ابوه في الطريج ويقولها...:​

ابوسلطان: تفوو عليج من حرمه علج ماتهنين...!​

غلا بني كعب: يعلك انت وامك الحريجه ياربي...شششششششششفت..( وهي صاده صوب دانتي) ششششششفت اخرتها ولدك شو يسوي فينيييييي.. والله ماتسكت له.. والله ماااتسسسسسسكت
واليوم قبل باجر اتسير وتيب هاي لهوف بيتنا تفهم ولا لا...؟​

ودانتي: ساااااااااااااكت ولا كنه حد يرمسه. يفكرررررر... مب عارف... هو ع صح او لا.. مب داري شو يصيرر​

غلا بني كعب: شو انت ماتسمعني.؟.​

دانتي: اووووووووووووه فكينا انتي بعد( ويسير عنهاااا...)​

غلا بني كعب: ماعليه ييا الكعبيه اخرتها اطرشين ولدج جذا يسوي فيني صبري عليه بس والله لاحرق قلبج.. افففففففف( وهي منقهره ومنغااااضه))..​

من عقب ماظهر ابوسلطان عن ابوه.. وهو متلعوز ومتلوم...​

ابوسلطان:ومتلوم باللي قاله لابوه لانه بحياته ماعلا صوته عليه لكن مع هذاا هو ماينلام ابوه لي جبره ع هالشي..​

ابوسلطان مب عارف شو يتصررررف....شو يسوووي.. ويمني خاطره انه ابوه بيردفي يوم ويعرف اننه هالخبيثه غاسله مخه..​

يرد ابوسلطان البيت وهو زعلان لكن يحاول مايبين لامه بس عشان مايضيج بها او شي..يدخل البيت​

الكعبيه: ابوسلطان. ييت؟. ها شو سويت .. شو قالك ابوك.؟​

وابوسلطان ساكت مايرد: ( وهي زايغه)شصار فيييييك. ؟بلاه ويهك جذا معتفسسسس..شفيك قولي.؟.​

ابوسلطان : (الغصه ذابحتنه..مافيني شي يا امي..​

وتروح الكعبيهوتلمه. وتحضنه.. وهي تقوله قلت لك يا ولدي لاتسير لا تسير له. هالادمي هب انسسان الله لايوفقه لا فدينا ولا اخره هو وحرمته الشريه هاي..\​

وابوسلطان وهو في حضن امه ماتحمل هالشي.. وتم يصيييييح. صيااح ياهل جنه مب شايف امه من سنه​

من القهر لي فيه.. من الغصه لي لاحقته.. مب عارف شو يتصرف الام تهديه وتحاول تخفف عنه.​

وفي الغرفه لهفة الخاطر..تسمع كل هذاا.. وتموت من الغصه..​

لهفة الخاطر:ياربي.. انا وايد متعبه اهلي.. يالله يارب ساعدني شو اتصرف شو اسوي. والله بسنا من هالالم وهالضيجه اللي من طلعنا ونحن عايشنيها يالله ربي افرجها علينا.. وهي تصيح.....!​

|| الله يكون بالعون||​

 

[موزة النعيمي]

وتمر الاياااام وابوسلطان قاعد عند امه واخته في بوظبي.. وماراح للعين.. يوم يطلعهم. يوم يعشيهم برع.. ويغير عليهم جو.. لكن يا الوقت اللي لازم يرجع فيه عشان دراسته لانه تخلف وايد وغاب ع الجامعه​

الكعبيه: ( وهي تكح بقوه): كح كحح. آآآي صدري مدري ليش حاسه بضيييج..​

ابوسلطان: امي انا كم مره قلت لج قومي خليني اوديج العياده​

الكعبيه: لا ماعلي ولدي بكل دواي وبخفف.. كححححححح كحح​

لهفة الخاطر: امي انتي صار لج مده ع هالحاله خلينا نشلج ولي يسلمج.​

الكعبيهقلت مافي داعي بنتي خلاص بكل دواي وبخف...يالله ابوسلطان سير عن تتاخر فديتك​

لهفة الخاطر : دير بالك ياخوي وماوصيك لاتقطع​

ابوسلطان: ماعلي وانتي شدي حيلج في امتحاناتج..(ويصد صوب امه) وانتي امي ما اوصيج اذا بغيتي اي شي اتصلي فيني ع طول لاتخلوني احاتيكم​

الكعبيه: لا تحاتي شي يا ولدي انت سير والحافظ الله.دير بالك ع عمرك ما اوصيك.. ولاتقطع يا ولدي ترا اختك تحتاجك...​

ابوسلطان: ع خير يا الغاليه ربي يحفظكم ويطلع عنهم ابوسلطان رايح صوب السيااره..وهو مخلي قلبه مع امه واخته​

الكعبيه( وهي تشوف ولدها رايح): الله يحفظك يا ولدي وفي كل خطوة سلامه.. الله يخليك لاختك وتحميهااا....( ودموعه في عينها..)​

لهفة الخاطر تشوف امهاااا: امي شفيييج... لاتبجييين ان شاء الله ع الاسبوع الياي بيي وبتشوفين وبتقر عينج..^^​

الكعبيه : (خير ا شاء الله...​

الله يعينهم على مابلاهم. لهفة الخاطر من جد تكسر الخاطر...شو نقول.. ناس في طيبه وناس في مصيبه.. ابشع شي يوم يكون تفكير الاهل بس في الماديه.. وابشع شي يوم يكون احد الوالدين ظالم عياله.. اهم شي... نكون اقوياء وحكيمين في مثل هالمواقف...​

خلونا نسير نشوف قوم سويره شو صاير عندكم..​

في بيت العم زورو
يزوي سويره يالسن يسولفون عن اليوم اللي زاروهم قوم عمهم فيهم..
يزوي: لا بس وناسه بصراحه.. احس ان من زمان هب شايفينهم^^
سويره: يختي ماحس قربهم على خير
يزوي: ليش؟
سويره قالت بتخبر اختها ...<< اروحها تتفلسف...​

سويرها: سمعي يزوي حرمة عمي حاطه العين عليج حق ولدها راعي صوغه.. واتوقع هو لي قالها انه يباج؟.​

يزوي( منصدمه ومستغربه.. متى صار هالكلام): شوووووووووووه؟.؟. شو يعني ؟تبغيني اتزوج راعي صوغه؟​

سويره( وهي متوتره) : هي شو فيها لو ياج. ماشاء الله عليه. ريال ونعم..!​

يزوي( معصبه فووول): بسالج انتي شو؟.؟. انتي ماتحسسسسسسين؟.؟. انتي ماتفهمين انا كم مره اقولج ان انا فكرة الزواج رافضتهاااا كلش... شو تبين تفرقين بينا انتي؟؟​

سويره : (مب عارفه شو تقول<< تستاهلين محد قالج تفتين اروحج​

يزوي : (وهي تصرخ) كم مره اقولج انا.؟.؟. زواج مابا.. لا انا بتزوج ولا انتي بتزوجين فهمتي ولا لا؟.؟.​

سويره: نزين انتي حق شو تصرخين؟​

يزوي: انتي تنرفزين الواحد.. قالت زواج قالت... سمعيني يا سويره. اذا هالسالفه مره ثانيه انطرت جدامي والله ماتلومين الا نفسسسج.​

سويره: استهدي بالله ليش تهددين لاتنسين انا اختج...!​

يزوي: اختي عيل انطبي ولاتيبين لي طاري الزواج فاهمه..؟؟​

سويره: تعصب من تصرف اختها مهما كان مفروض ماتعلي صوتها عليها وخاصه انها اكبر عنها ب(5 دقايق) هع..~​

تطلع سويره من الغرفه ورايحه صوب الصاله.. وهيه مضايجه ومعصبه من اختها..لكن فجاه وقفت..
تسمع اخوها CR9 يرمس في الفون مع ربيعه الشبلي.... وهني الطامه الكبرى.... شو سمعت سويره؟؟.؟​

CR9: افا عليك. حياكم الغالي باي وقت البيت بيتكم..​

الشبلي: تسلم مخاوي شماا ترا انا وامي ورضيعتي ان شاء الله بني
..
CR9: نترياكم الغالي بس اي يوم ناوين؟​

الشبلي: ان شاء الله ع هالويك اند.... بس ترا.... ابغي اختي تقعد مع اختتتك خواتك اذا ممكن...​

سي ار: وليش؟​

الشبلي: اختي طالبه هالشي..​

CR9( ومن الاساس هم ماشاورااا سويره وهذي الغلطه العوده) : خلا ياريال ع خير ان شاء الله بنخبر الوالده..​

( وهني سويره تسمع كل هالكلام.. دارت الدنيا فيهاا.. شو صاير. شو مستوي انا انخطبت؟.؟. ولا يزوووي؟؟ ومنو هذا لي خاطب؟.؟. خافت سويره .. وحبت تتاكد من الموضوع.....)​

CR9: خلااااص الشبلي ع خييييييير ا شاء الله...​

سويره من سمعت اسم الشبلي.. طارت من الفرحه.. قلبها بدا يدق بسرعه.. خفقانه زاد.. عيونهااا طشت من الفرحه.. الشبلي؟.؟. ماغيره.. وتذكررررت لما كانت داخله الميلس عليه.. وتذكرت لما شافته بالحوش في سيارته وهو يطالعهاا.. البنت بدت تتذكر.. لكن في نفس الوقت ماتبغي تعرس وتبتعد عن اختهاا ولا تفارقهااا.. فجأه تذكرت.. هو منو خاطب.. يزوي؟.؟. ولا هي؟.؟. واذا كان يباها هي.. خافت من ان اهلها ياخذون له يزووي... سويره مب عارفه شو تتصرف.. تخبلت البنت....!بس عشان اختها يزوي. شو بتسوي.؟. معقوله توافق عليه وتخون وعدها ليزوووي.. شو بيصير في يزوووي لو عررررررفت؟؟​

كلها اسئلة قامت تدوور في بالهااا وتحتاج لاجابه عليها..!!!​

ويسكر الخط الشبلي.. واخته ام عقووص حذااله.
..
الشبلي: مثل ماوصيتج ابغيج تشوفينها عدل عدل. وتخبريني شو لي يميزها عن اختها اوووكي؟​

ام عقوووص: ع امرررررررررررك اخوي ابششششششر..<< ياحبها حق هالسوالف..​

الشبلي: احم. وابغي منج شي بعد.​

ام عقوووص: شووه؟.​

الشبلي: ( مب عارف كيف يقول يخاف اخته تفهمه غلط)..: ممممممممم..!​

ام عقوووص: ؟؟.؟.. شووووه قول؟؟​

الشبلي: ابغيج تشوفين ويهها..!​

ام عقوووص: هه شي اكيد بشوفه بس شو السالفه ليش تباني اشوفه؟​

الشبلي: ابغيج تشوفين اذا فيها حبة خال اولا؟.؟​

ام عقوووص: هههههههههههههههههه مالت عليك احين شو تبا في حبة الخال هاي هههههه لازم تكون يعني في ويهها ولو ماكنت في ويهها يعني مابتاخذها خخخخخخخخ؟؟؟؟​

الشبلي: اففففففف مب جي السالفه .. ابغيج تشوفين اذا فوق شفتها حبة خال؟.؟.​

ام عقوووص: ( وهي فاجه عيونها*_*): الشبلي؟.؟. انت شايفنهاااااااااااا؟( وهي تصرررخ)..​

الشبلي: انطبي الله يغربل بلييييسج احين امي بتسمعج. لا هب شايفنها بس لي اباها في حبة خال فوق شفتها مابغيكم تاخذون لي الثانيه....!​

ام عقوووص( وهي تنغز اخوها) عيل كيف كيف عرفت ان فوق شفتها حبة خال قوول كيف؟.؟.​

الشبلي: اففففففففف ياربي منج سمعي.. بخبرج السالفه.. وخبرها الشبلي سالفة سويره يوم حدرت عليه الميلس ويوم خلص.:​

الشبلي: عرفتي يالبقرررررررره؟؟​

ام عقوووص: ايوااااا خخخخخخخخخخخ يعني جي السالفه خخخخخخ خلاص اوكي بس بصراحه الشبلي انا سمعت ان هالبنتين مايبن يعرس لانهن ماين يبتعدن عن بعض.. وحبهن لبعض غريب..​

الشبلي: عشان جي انا ابج تيلسين مع البنت وتجيسين دمها اذا هي موافقه او لا ولازم محد يكون معاكم عشان ماتحس بضضضغط من اي صوب اوك؟​

ام عقوووص: خير ان شاء الله يا خوي ابشرررررررررر....​

وفي هالليله سويره مب قادره ترقد من اللي سمعته تحاتي.. شو بيصير لو عرفت يزوي وخاصه انهم تهاوشوا اليوم بسبة هالشي
​

الليتات مطفايه.. وكل وحده ع سريرها كالعاده. وفجأه:​

يزوي: سويره.​

سويره: نعم؟( وهي زعلانه)​

يزوي: رقدتي؟​

سويره : لا بعدني​

يزوي: انا اسفه لاني عليت صوتي عليج اليوم..​

سويره: ماعلي صار خير..​

يزوي: انتي زعلانه صح..؟​

سويره: خليني ابا ارقد​

يزوي: قولي انتي زعلانه عليه؟.​

سويره: لا ما ازعل عليج انتي اختي..​

يزوي: سويره اوعديني...​

سويره: ( ماتبا توعد يزوي بشي وخاصه عقب لي سمعته اليوم..): مب لازم اوعد بشي​

يزوي من سمعت هالرمسه قامت وهي زايغه: سويره اوعديني..​

سويره : لاحظت ع اختها بس بعدها اصرت ع موقفها: مابوعدج بشي...​

يزوووووووي: تقوم وتروح صوب اختها... : سويره .. انتي وعدتيني من قبل.. ولين امس انتي وااعدتني ليش اليوم ماتبين توعديني.. سويره انتي ليش تبينا نفترق عن بعض؟؟. انا من طلعت ع هالدنيا الا معاج. ليش ماتبغين توعديني( وهي تبغي تصيح)...!​

سويره( من سمعت رمست اختها ونبرة صوتها الححزينه مارامت تخلي اختها تمووت ولا تشوف دمعه وحده في عين اختهاا وقامت لها) حبيبتي انا اوعدج اني اكون معاج دوم انتي ليش وايد تحاتين؟ حتى لو تزوجت . الزواج ماراح يبعدنا عن بعض..؟؟​

يزوي: لا بيبعدنا وبيكون عندج ريلج وبيكون هو كل حياتج وبتهتمين وفيه وانا بتنسيني..​

سويره( وهي تحس ان تفكير اختها تفكير طفولي): يزوي حبيبتي الوحده لازم تتزوج.. كل شخص منا يحتاج لشخص ثاني في حياته يكون معاه دوووم وانا حتى لو تزوجت بظل اسال عنج واييج كل يوم ولا كان صاير شي.​

يزوي: لاااااا مابغي جذابه.. انا اعرف من تتزوجين بتنسيني..​

سويره( مابغت تطولها) خلاص انا معاج لاتحاتين وماراح اروح عنج سيري ارقدي احين.​

يزوي: اوعديني..!​

سويره( وهي مب رايمه تطلع الكلمه) .: .. اوع.. اوعدج يا يزوي..~​

همسهـ:..​

يزوي.. شو هالعقده لي فيج.؟. يعني ماتبين تعرسين ولا تخلين اختج تعرس. شو هالانانية لي فيج؟؟
ماتبين انتي برايج لكن اختج خليها بحالها..!!
ماعلي بنشوف تاليتها وياج يا يزووي.!!!!!وشو راح تسوي سويره عشانج.!​

البارت خلص... والبارت 11 راح يكون ع العصر..<< بتير تتغدا هع...​

 

[أم أحمـد]

هههههههههه


زين يوم عرفتي يا راعيه الهمسه


فديت العقل بس فيني

يسلموووزن في الاانتظار

احتراماتي

سويرة ​

 

[سِـنٍـَفٍــوٍرٍهُـ ღ]

اوووووه اسمي هنيه

بس جنه وايد مكبرتني ^^

مبروووك سويره مقدما هع


ما شاء الله عليج اختي ابداع

يعطيج العافيه

"نتريا البارت 11"​

​

 

[عريف هتلر]

و اخيرا اختي حلو البااارت اتريا لياي ابي اشوف شو بيسوي الشبلي و سويره شو بتسوي عن اختها
احترامي عريف هتلر

 

[مروض الكهان]

عاااش ردي الحالـــ


بس كأني صغير شوي ^^

متاابع عن بعد

 

[!الـغ ـروب!]

يزوي
بصراحه ابدعتي فالسرد وفالتحليل
بس حاسبي غيري فالاسماء عسب مانتشتت ^^
نتريا الباقي
وربي يوفقج

 

[أم عقوص]

تسلمين ياربي على هالابدااااااااااااااع



عاد أم عقوص هني غير شكل مستويه ههههه

بس عوقها فالعرس والوناسه هع


ويزوي مستويه ماصخه تراها (( قاطعه نصيب أختها)) ههههه

أتوقع أن يزوي بتتأدب وبتعرس هي وأختها رباعه لوووووول

اااممممم


يمكن الشبلي يطلع عنده أخو وياخذ يزوي ويعيشون فبيت واحد <<<< خييييييييييبه فلم هنددددددددي هع!!


نتريا الباقي فدفد^__^

 

[موزة النعيمي]

في البارت العاشر عشنا جو ابوسلطان وابوه بحراره.. وخاصه انه اخر شي بوسلطان مارام يتحمل وانفجر في ويه ابوه رغم انه ماكان ناوي ع هالشي...~الواحد احيان ينجبر يطلع من طوره|| بس مهما كان يظلون الوالدين والدين لو شو ماسووا. لاتنسون هالشي..^^​

​

البآرت الحادي عشـــــ(11)ـــــــــر--*


بوسسلطان رجع العين لانه بسه غيابات من الكولج وهو راد من الكليه.. تذكر فراولة وانه من كم يزوي ما اتصل وهيه بعد الحبييه ما اتصلت؛؛ ماتنلام لاقيه لي لاهنها.. ماعلينا قال انه يبدق يشوفها..لانها وحشته^^

اتصل عليها.. وفراولة في نفس الوقت كانت قاعده في البيت مع امها..

فراولة شقية: دراستي امورها طيبه لاتحاتين امي

بياض السحب: هذا لي ابغيه من بنتي.. شدي حيلج ورفعي راسي

فراولة: ان شاء الله امي. كم عيوز عندي انا؟

بياض السحب: عيوز محد غيرج يابنت امج ههه.

فراولة شقية : علني افداج يا امي ومانحرم منج." قامت حضنت امها... وحبتها ع راسها.. فراولة تحب امها.. وهمها رضاها. ولكن. مافكرت شو بيصصصصير في امها لو عرفت انها قاعده تسوي هالبلاوي من وراها..وسارت عنها فوفو..

فجأه

رن تلفون فراولة..امها اسمعت المكالمه ...ولكن فوفو مشت كملت لين دارها


شافت ابوسلطان متصل.. ع طول ردت

فراولة: الووه( بلهفه)

ابوسلطان: السلام عليكم

فراولة: عليكم السلام هلا الغالي..

ابوسلطان( استغرب منها كح)

ابوسلطان: اهلين.. شحالج؟<< من غير نفس

فراولة: دامني سمعت هالصوت اكيد انا بخير..

ابوسلطان: ان شاء الله دوم شو مسويه؟

فراولة: والله الحمدالله بخير انت شو حالك.؟ وشو حال امك واختك؟

ابوسلطان: كلهم بخير ربي يسلمج.. وين انتي؟

فراولة: بالبيت قاعده مع امي..

ابوسلطان: اها..( وبدا يحن لسوالفها): مارحتي مكان؟

فراولة: يلا ياحظي ماسرت مكان من الكولج للبيت ومن البيت للكولج<< خريطه..

بوسلطان: احسن لج . شدي حيلج وركزي في دراستج الحوامه ماتفيدج

فراولة: ان شاء الله حياتي..

ابوسلطان من سمع هالكلمه حن لايامه معاها.. حن لحبها لحنانها اللي من كبرت تغير.. وراح..

ابوسلطان: حياتج؟

فراولة( حست): هيه حياتي. ماقلت شي غلط

ابوسلطان: اها زييين..بس انا بسكر الخط بسير اجابل درساتي

فراولة: خلاص ماعليه طمني عليك..

ابوسلطان: تمام...~

وبند ابوسلطان عنها. وهو مب عارف راسه من كرياسه. كل مره يشوفها بشكل.. حس انها انسانه مزاجيه وبدا يطفر من هالشي... رغم هذا بعده متعلق فيها..<< لكن المثل اللي انا اتبعه دووم.." كثر الدق يفج اللحام يافراولة..^_^ ع العموم. البنت من الاساس ماتحبه.. لو تحبه ماخانته وهو هب مقصر معاها بشي..البنت من الاصل مفرووض ماتطلع برع محيط البيت او الاسره..لانها راح تمشي في طريج مب عارفه شو نهايته.. يمكن غلطتها انها بدت مع ابوسلطان وتحمد ربها انها طلع ولد حلال.. لكن هذا مش معناه انها تستغل الثققه وتلجأ لشخص ثاني وتخونه وتمشي في هذا الطريج..للاسف اغلب البنات غبيات يتحرن عمارهن ذكيات يرمسن واحد واثنين وثلاثه واونه مخبيات هالشي .. ومناك الريال يعرف انها ترمس الف واحد وماخذنها ع قد عقلها^^
شو نقول.. الله كريم..


في الجامعه.. طبعا الكل نكران ابوسلطان انه غايب ومب حاضر.. وع نهاية الاسبوع. وصل ابوسطلن العين وداوم


اليوم الاربعاء
المكان: جامعة بوظبي
الساعه: 9:30 الصبآح,,,


الكل من شاف ابوسطلن قام هلل ورحب.. وتمواا يتخبرون عن احواله.. وتحمدوا له ع السلامه لانه قالهم انه مريض..^^

راعي صوغه: ماعليك شر يالغالي بصراحه افتقدناك..

ابوسلطان: الشر ما اييك يالله ان شاء الله ماتتكرر

الارجنتيني البار: هه لو مهره ثانيه عاد غبت عنا وايد بنعفد عليك في بوظبي مابنتفاهم خخخ

ابوسلطان: حياكم والله هع بالمرهب تردوني العين اكيد بكون ماروم اسوق هع هع هع

الارجنتيني: ههههههههههههههههه مصلحه هاه.

وهم يشمون للكلاس يسلفون يا الغريب ودشوا الكلاس.. وشافوا دروسهم^^...​

 

[موزة النعيمي]

ونفس الحاله مع البنات...

مر الوقت سريع...لين ما يا نهاية الدوام..يزوي: انا باجر هب مداومه

فراولة: وههيه تسكر شنطتها: لي شان شاء الله اخت يزوي؟

يزوي: بس مالي باارض ابغي ارتاح في البيت مليت..

ذبحهم غروري: هيه والله هو تعب يبالنا ناخذ اجازه شورايكم نغيب كلنا؟

يزوي: والله مادريبك كيفكم.. انا عن نفسي بغييب..

فراولة: لا عاد خلوا عنكم شو تغيبون ههههه داوموا..

ذبحهم غروري: انا بعد يمكن اغيب

مس كلوزر ساكته وتسمعه: انا عن نفسي هب غايبه ماروم اطوف كلاس من كلاسات مستر ابرراهيم..

فراولة غزتها بعين وقالت لها: اسكتي يكون احسن...؛؛

سكتت مس كرز.. هع وطلعوا البنات من الكليه كل وحده سلمت ع الثانيه ..فراولة.. رن تلفونها.. الا والحبيب عزوز متصل..

عزوز: هلا قلبي

فراولة: هلا عمري هلا شيخ الشباب

عزوز: فديت هالصوت تولهت عليه مووت

فراولة: علني ماخلاك مي تو تولهت عليك مووت. فراوله وهيه تركب السياره..

فراولة: اخبارك حبيبي؟

عزوز: انا بخير حياتي انت شو اخبارج؟

فراولة : انا تمام توني طالعه من الكولج.

عزوز: ادري وتوج راكبه السياره صح؟

فراولة استغربت: هيه شدراك ههه؟

عزوز.. شوفي حذااج..^^

صدت فراولة الا وتشوف عزوزو حذالها. استانست حيل..وفرحت انه ياينها لين الكولج لان المره القبليه ماسارت عنده صارت ضروف..^^ هالمره ماخلاها في حالها.. قالها اشوفج يعني اشوفج.

عزوز: وين بتشردين مني؟.هع

فراولة نزلت الجامه.. وهيه خايفه لحد يشوفها

فراولة: ياربي.. شو يايبنك لين هني؟

عزوز: مشتاق ومابيدي حيله وانتي حارمتني شوفج.

فراولة( وهيه ذايبه): حرام عليك اخاف حد يشوفني..

عزوز: خلاص تحركي مني. وانا بتبعج بنوقف في الباركنات اللي جدام^^

فراولة: اوكي .. شكرت الجامه ومشت وهيه مستانسه مصدقه روحها الاخت ان عزوز يحبها..نشوف شو بيصير

وقفت فوفو جدام دق عليها عزوز:

عزوز: هلا حياتي ها هني مرتاحه؟

فراولة: هيه مرتاحه..

عزوز: حياتي ممكن اطلب منج طلب بس ماترديني؟

فراولة: آمر حياتي..

عزوز: تعالي عندي السياره

فراولة انصدمت من لطلب..

فراولة: شووووووه؟ ايي عندك السياره ليش؟ اسفه انا هب يايه.

عزوز: بدا يعصب: ليش ما اتين؟ خايفه مني؟

فراولة: لا حبيبي مش خايفه بس اخاف حد يشوفني ويخبر امي

عزوز: محد بيشوفج ..يعني احين بتخافين على مصلحتج اكثر عني؟

فراولة: بس....!!

عزوزك دون بس يالله بندي سيارتج تعالي

فراولة: اهئ مابا اخاف..

عزوز: عصب: قسم لو ماييتي بيي بيرج من كشتج تفهمين؟

فراولة: خلاص خلاص يالله بيي...

وسارت فراولة. وريلها تيرها صوب هالشي.. خايفه لكن في نفس الوقت عزوز داهن مخها وغاسلنه بكلامه..<< صج البنات غبيات ركبت السياره..

عزوز يطالعها بنظات خبيثه ويقولها

عزوز: ماصدق القمر عدالي..

وطار بالسياره...

|| لاتعليق||

يوم رجعوا الحبايب. رد نزلها عند السياره.. وقالها

عزوز: ربي يحفظج يابعدي|| انا ماراح اتحرك الا من اتطمن عليج وتمشين^^

فراولة:ان شاء الله حبيبي.. مع السلامه حياتي..

شغلت سيارتها وتوكلت وهو واقف..يضحك عليها..

عزوز: مسكينه يافراولة هههههههههههههههههه احين بعرف كيف اخليج اتين عندي غصبن عنج..قام عزوز ورفع ايده صوب الجامه وبطل" كيمرته الديجتل.طلع مثبتها من دون علمها ودون ماتنتبه لها وصور كل شي..

عزوز: هع... عاد مب فيديو ههههههههه.. ماعليه ان ماخليتج تصيحين دم.. قولي بس ما بيي عندك هع...هذيلا البنات.. عقولهن في ريلهن هههههههههههههههههه مسكينه يافرالة..

عزوز حاس بلذة النصر.. ع طول طار عند ربعه عشان يبشرهم..

وفراولة مب داريه بالدنيا .. وتتحسب انه الريال صج يحبها..^^
​

 

[موزة النعيمي]

وبالباجر يزوي قايمه ضايجه. وملانه .. واختها سويره بنفس الحاله.. فحبن انهن يغيرن جو شوووي.. وطبعاا المكان لي يرتاحن فيه والي يحبن يسيرن له دوم هو" البحر"​

​

......................................​

يزوي: خاطرررررري اسير البحر..( وهي تطالع من الدريشه)​

ريانة: (تقوم واتي عدالها): تبينا نروح هناك اليوم؟​

يزوي: والله ياليييت.. بس منو بيودينا؟؟​

ريانة: بنقول حق اخووي CR9..​

يزوي: ماضنه بيطيييع..​

ريانة: انتي لاتحاتين بيطيع ان شا ء الله بيقوله يعقنا ويسر يسوي شغله هع..بسير اتصل عليه​

وسارت سويره تتصل على اخوها سعوود.. وعاد الشباب لو ماعندهم شغل ولو بس جذا يالسين يحااوطووون بيتأففون ويبطلعون الف عله وعله.... هعوسارت سويره تتصل على اخوها CR9..​

سويره: الو؟​

الوCR9: هلا..​

سويره: السلام عليكم كنتاكي..؟​

CR9: هيه كنتاكي ابوج..​

سويره: ههههههههههههههههههههههههههههههههههه فديت خشمك انا..​

CR9: خلصي شو عندج شو تبين؟​

وتمط يزوي السماعه عن اختها ..​

يزوي: CR9 فديت روحك ياخي والله ضيجانين انا وسويره وخاطرنا جي نسير مكان من يوم كنا صغار اروح له يعني بعد هب زين جي تخلونا في البيت محد متفيج لنا..​

CR9: يون تبن تسيرن؟​

يزوي: البحر اهئ..​

CR9: شو بحر احين؟؟ انا مشغوول يالس ويا ربعي باجر بوديكم..
يزوي: الا. اليووووم تودينا يالله عاد CR9 والله فيني ضيجه من خاطر.​

وشتل اختها سويره الفون.​

سويره: سمع يا CR9..( بنبرة حاده)​

CR9( وابوكم): ها شو قولي؟​

سويره: عندك عشر دقايق واباك عند لاباب فاهم؟.؟.​

يزوي: خخخخخخخ​

CR9: ههههههههههههه لا والله؟ بعد تهددين يالله نزين ساعة زمن وانا ياينكم ​

سويره: فديييييييييته اخوي الطيب هع..​

وقامن يناقزن من الفرحه..​

​

البحر.. ياااااااااااااااه.... من زمان ماساروا له ههه.. اكيد راح يختبصن في الجواتي لان كل مايطلعن البحر يلبس جوتي مميز له.. سويره تلبس الازرق.. ويزوي تلبس الوردي....ولكن احيان يوم يبغن يستهبل وحده منهن تلبس ازرق ووردي ههه والله حركااات..وصل اخوهن طبعا بعد ماتقعن تقريبا ساعه وشوووي .. وودهام الممزر طبعا اقرب شي للعين^^.. وكان الوقت ع المغرب ومافي احلى عن هالوقت.^.^​

يزوي: بصراحه.. يعيبني منظر الغرووب... احسسسه وايد يحمل في طياته كلام..!!​

سويره: تدرين انا احس في هالوقت كل شي بالدنيااا يكون صامت! ولكني اسمع بين هالصمت كلام...​

( وكل وحده منهن مغمضه عينهاا.. وتقول هالرمسه < عايشات الجو ههه)​

ألا يا بحر تدري..


عشقتك حيل من بدري..


عشتك وانا صغيييره


ولقيتك في الهواا كبري..!


عسانا نلقتي في يوم


وبلا حزن وهموم


عسانا دايم في فرحه


ولا نبغي عتب ولوم..


نريد نقتطف البسمه


على شفت المحروم


وناخذ للعشق لحظه


نعيشها لحاظت تدوم..!


الا يا بحر تدري..


لقيتك في الهوا كبري...!


لقيتك في الحشا مرسوم


لقيتك بقلبي العذري..!​

(بقلمي)​

عند البحر. والوقت يمضي.. يزوي واختها سويره يالسات يلعبن.. وكل وحده منهن مستوية" طفله" ..ههه احلى شي يوم يتخيسن بالرمل.. كانت صورتهن وهن يركبن السياره ابد ما ا انساها..^^ ​

يزوي: يالدببببببببببببببببه.. اكرررررهج..!!!​

سويره: ههههه جب جب لا احين اسبحج بالماي حمدي ربج هذا الا رمل ههه( وتروح سويره صوب الشاطئ وترش الماي ع اختهااا)​

يزوي تيبست مكانها ههه: اهئ اهئ شوووو جي؟؟ احين كيف بركب السياره؟؟​

سويره( وهي تضك حيل ع اختها): ههههه هاي مشكلتج هب مشكلتي.​

يزوي: يا مسودة الاذنين .. تعالي انا بأدبج .. وتروح يزووي تركض ع الماي وخيست اخختها وسبحتها ههههههه .. ياحبهن حق المغايض..​

وتمن يلعب .. ويلعبن.. وهن مستانسات حدهن.. مر الوقت عليهن وهن هب دارياات.. حلو البحر تصدقون. ياخي وايد كان يعيبني بس للاسف ماكنت القا الوقت عشان اسيرله.. ومنو منا مايحبه. البحر كل موجه من امواجه احسها تحمل عبء كبير من اسرار الناس من همووم العشاق.. ومن ضحايا الالم..!!​

وبعدهم يقولون البحر غدار؟.؟. ويقولون انه ياخذ ولا يعطي... ياترى.. شو اللي راح ياخذه من عمر يزوي وسويره.. ؟.؟. خلو علوم البحر.. للبحار..^_^​

يت ع الساع تسع.. ويتصل فيهن اخوهن CR9.. وطبعا بحكم انهن يلعبن جنهن صغار.!! ايدهن كلها كانت متخيسه سمعت يزوي الفون يررنز​

يزوي: سويره فونج يررررن.​

سويره: عن تسكينه بايدج الوصخه. ​

يزوي: عيل عنااد ( وسارت يزوي وزخته وردت ع اخوها ههه) وعقب عطته لسويره)​

CR9: عاد مب بسكن ماشوفكن دقيتن.!!​

سويره: CR9 فدييتك بس شووي..!​

CR9: شو بعد شوي.. ماماه تعرفين الساعه كم احين. الساعه تسع.!​

يزوي: اهئ اهئ شو جي؟​

CR9( وبنبره حاده): سويره؟​

سويره: هلا​

CR9: خمس دقايق وانا عندكم .​

سويره: ههههههههههههههه لا والله هههههههه​

CR9: هههه هيه ارد التهديد بالتهديد يلا ياينكن قريب انا..​

يزوي: اكيد ها اخوج الشرير بيي​

سويره: هههه هيه قال 5 دقايق وبيوصل.. مر الوقت وحنا هب دارين..!​

يزو: (وهيه اطالع البحر): هيه والله.. تصدقين دبووه...!​

سويره: ( شووووه يا عيون دبوه؟؟( وهيه تلبس جوتيها)​

يزوي: مادري ليش احس انه هالبحر له قصه معانا...!​

سويره:ممممممم قصه؟( وهي مستنكره كلام اختها)​

يزوي: هيه احسه عايش قصتنا..!​

سويره: يادبه مافهمت عليج.. قصة شو وعايش شوه؟​

يزوي: ماعرف شو اقولج بس هالبحر شي عجيب وغريب وصدقيني انه له قصه معانا..!​

سويره: ههه هيه يمكن "قصة هوى"​

يزوي: يووه منج..​

سويره( وهي تقوم من ع الرمل وتنفض عباتها9: يمكن.. لكن قصة للحين مب عارفتنها انا شووه هههه( وهي من الاساس تحس انه اختها تهذي)​

يزوي: ماعليه بيي يوم وبتعرفينها​

سويره: يزوي ههههههههههههههههههههههههههههههههههه​

يزوي وهي متستغربه: هاه؟​

سويره: واواااا ههههههههههههههههههههههههههه لحققي..​

يزوي: شفييييييج؟ ليش اضحكين؟.؟.​

سويره: جوتييييييييج شله البحر ههههههههههههههههههههههههههه​

يزووووي: لااااااااااااااااااااااااااااااااااااااااااااااااا.....!!!!!​

هههههههه عاد يا يزوي ردي البيت حافيه خخخ محد قالج ترمينه الا جي ... ماتت سويره ضحك على اختهاااا.. لين مابطنها عورها يزوي ردت البيت بلا نعال ههههه وعاد اخوهن CR9.. مارام يسسسسكت.. صارت يزووي قصتهم في الطلعه والنازله هههه.. الله يعينهاا.. ومر اليوم والحمدالله الخوات استانسن وغيرن جو..​

.وحل الظلام.. وحان وقت النوم.. ​

يزوي: سويره اوعديني...​

!سويره: اوعدج..! طفوا الليتات.. ورقدن...~​

 

[موزة النعيمي]

وفي اليوم اللي عقبه يزوووي واختهاا قاعدات بالغررفه..​

يسولفون ويشربون عصير..( يزوي مب جنه عليج دوام؟.؟. اهاا طاف؟ اوك)....​

عاد اونه يزوي لاول مره في حياتها تسوي عصير بايدها هع..​

ويالسه تبلع منه كل دقيقه. هه خلونا نشوف شو صار..​

تدخل قطرية ذووق على بناتها وتنادري سويره..​

قطرية ذوق: سويره امي تعالي ابغيج شوي..( بنبرة حاده وتطلع برع الغرفه)​

سويره: ان شاء الله امايه.​

يزوي: شو فيها امي؟​

سويره: مادري بسير اشووفهااا( وتروح سويره لامها وهي خايفه.. ليش الخوف مادري يمكن لاولمره تزقرها من غير يزوي يعني الموضوع جايد شوي... وتوقف يزوي عند الباب وهي تبلع هالعصير وتسمع)...​

قطرية ذوق: سويره بنتي.. انتي احين كبرتي وغديتي حرمه وما شاء الله عليج ماناقصج شي.. بس سمعيني ابغي اقولج شي..!​

سويره( وحسيت امها شو تبا تقول): خير ان شاء الله امي.؟. شو صاير؟​

قطرية ذوق: الشبلي ربيع اخوج CR9 طالب القرب منا.. ونحن اخترناج انتي له ريال والنعم فيه وماعليه زووود.~​

سويره: من سمعت هالكلام دارت الدنيا فيهاا. معقوله كل شي صار بهالسرعه؟؟ وع طول يت في بالها اختها يزوي كيف بتتقبل هالموضوع..؟.؟.)​

يزوي سمعت هالرمسه.!! الا ويطيح الكوب من ايدها..." وانكسرررر"..شو صاير؟؟ شو مستوي.. اختي انخطبت؟؟ وقفت منصدمه..! مب مصدقه لي تسمعه.. وتروح بشويش صوب امها...​

يزوي( وهي في قمة الصدمه): امي انتي شقاعده تقولين؟؟​

قطرية ذوق: مقدره موقف بنتها وخاصه انها عارفة شو عقدة بنتها): حبيبتي يزووي هذي سنة الحياه امايه ومايصير يابنتي اتمن في بيت ابوكن.. الناس شو بيقولون؟.؟.​

يزوي هني تعصب وتعلي صوتها..: أي ناااااااس يا امي؟ شو تبين بالناس؟؟؟ امي انتي عارفه شو قاعده تسوين؟( وبنبرة حزينه شوي وبتصيح).​

.وقطرية ذوق ماترد عليها..​

يزوي: امي ردي عليه؟ انتي عارفه شو قاعده تسوين؟؟ تبون تفرقون بيني وبين اختي؟؟؟(​

قطرية ذوق: تامه ساكته ومب عارفه شو تقول.. بنتها مقطعه قلبها.وسويره بعد ساكته وتشوف حالة اختهاا ..​

يزوي: اميييييييييييييييييي.. مابغي افترق عني اختي. ليش تاخذونها مني؟؟؟​

قطرية ذوق: يزوي.. امي انتي ليش مكبره الموضوع؟ هذا زواج وانتي حتى بتتزوجين.!
يزوي: ( وهي تعلي صوتها): ومن قال اني بتزوج؟ وثانيا.. الزواج هب غصب...
قطرية ذوق: يزوي مايصير كل مره اني نرمسكم في هالموضوع تسوين هالمسرحيه وهالمره خلاص نحن قررنا وعطينا كلمه​

هني سويره ماعجبها كيف يعطون كلمة دون مايشورونها​

سويره: امي اي كلمة عطيتوا وانتوا ماشاورتوني؟​

قطرية ذوق: اتي بس اسكتي.. كثر ماعطيناكن فرصه ماراح نعطيكن.​

يزوي: ودها لو تبلعها الارض.. مب مصدقه لي قاعده تسمعه وفي نفس الوقت مب قادره تستوعب شي..! حاولت تهدأ..​

قطرية ذوق: يزوي: شو قاعده تسوين فيعمرج. سويره قولي شي حق اختج..!​

وسويره مب رايمه ترفع راسها وتشوف اختها... دمعتها في عينهاا .. اللي تسويه اختهم يفطر القلب..!!​

يزوي تروح صوب سويره: الله يخليج سويره.. لاتوافقين..انتي مب محتايه لحد .. بس انا محتايتنج. لاتخليني وتروحين..!​

سويره سااااااااااااااااااكته ومالها أي جواب..!!!​

قطرية ذوق( وتروح تزخ بنتها يزوي وتحضنها وتحاول تهديها): يا امي انا معاج وسويره بعد معااااج حتى لو عرست هي معاج محد بياخذها منج...​

يزوي( وهي زاخه امها):.. ماابغيييييي سويره تروح عني.. انتوا تبون تفرقون بيناا. تبوووووووون تفرقوووون بيناااااااااااا..!!!( وهي تصرخ وتصيح)
يزوي صابتها...حاله هستيريه..!!!​

ينت البنت. مادري شو صابها.. مع انه بعده ماصار شي بالموضوع.
بس يزووي حطت لاختها سويره اهم سبب عشان ما توافق.. يزووي.لي قاعده تسووي.. كله عشان اختها ماتروح عنها.. عواطف مشاعر.. تعلق واندفاع صوب اختها. ماتبغي حد ياخذها. ولاتبغي تفتررق عنها.. ..!!!!​

تقوم سويره وهي مب قادره تتحمل تزخ اختهااا وتمت تهديهاا قد ماتقدر.. بس ما بنكر ان الدموع غرقت في عينها.. وتمت ااطالع امها بنظرات تترجاها انها تسكت عن الموضوع وتاجله احييين .. سويره. تموت ولا تشوف اختها في هالحاله.. يزوي تصيح وتصرخ من قلب.!! ​

ليش يا يزوي.. ليش جي تسوين؟؟.؟. والام قلبها معرونها على بنتها ومابيدها شي...!! وكل لي قاعد يصير مفروض مايصير.. بس سبحان الله.. يزوووي وتعلقها الغريب باختهاا..!!!​

خذت سويره اختها الغرفه من عقب ما امها سكتت عن الموضوع وقالت لسويره خذي يزوي فوق..​

قطرية ذوق: ياربي على هالبنات.. شو اسوي معاهن.. استغفر الله العظيم​

والام في حاله ضياع مب عارفه كيف تحل مشكلة هالبنتين..!​

سويره تحاول في اختها انها تهديهاا.. وبعد ساعه من الصياح وعوار القلب... حطت سويره اختها على السرير.. ويالسه حذاها وهي تفكر.
شو تسوي؟.؟.شو الحل؟ يزوي لين متى جذا بتم؟؟ لين متى؟؟ آآآآه معقوله في وحده ماتفكر بالزواج؟.؟. بالامومه؟ ليش جذا تصعبين عليه الامور يا يزوي ليش؟.؟. 0 وهي تطالع اختهااا بنظره حزن ..)​

سويره: فديتج يا اختي.. انا معاج وبظل معااج.. ماله داعي كل هالدموع..!​

يزوي: اوعديني يا سويره..​

سويره: اوعدج يا يزوي. ماراح اتخلى عنج ابد.. ​

وتقوم يزووي. في غمرة حزنها وتحضن اختها سويره. ماتتحمل فرقاها ​

اختها عندها كل بالدنيا....!!​

ضميني ...


واكسري ظلوعي


ظلع...ظلع ...!!


ياحلو كسر الظلوع ... وضمها ...!!


طاح منديلج ...


وباقي بج دموع ... ياحلو دموع البنات ... ودمها...!!..~​

وفي الصاله.. يدخل اخوهن CR9 وهو راد من الدوام يشووف امه بذيج الحاله.. وطاح قلبه.!​

CR9: امي بلاج شو فيج؟​

قطرية ذوق: شو بلاني بعد؟.؟.هالبنات عورن لي قلبي يا CR9..​

CR9: ( خاف على خواته عباله فيهن شي): شوفيهن خواتي؟ بلاهن؟؟​

قطرية ذوق: انا اليوم زخيت سويره عسب اخبرها عن موضوع خطبتها من ربيعك وطاحت يزووي وتمت تصيييح يا بعد عمري والله...~​

CR9: شو يعني امي؟ بناتج مايبن يعرسن؟؟​

قطرية ذوق: بحالتهن هااي ماضن يا CR9​

CR9: شو ما اضن يا امي؟؟ نحن عطينا الريال كلمة ومايصير نرد فيها..​

قطرية ذوق: يا ولدي لاتغصب خواتك ع شي.!​

CR9: امايه تبين بناتج يرمن عندج في البيت؟ مب بسهن؟ كم واحد يا وتقدم لهن ونحن ساكتين بس بسبة هالعله في فيهن؟؟​

قطرية ذوق تسمع كلام ولدها وهي تأكد انه كلامه صح لكن مثل اللي يقول ماباليد حيله.!​

قطرية ذوق: قلبي مايطاوعني اغصب بناتي على حايه يا CR9​

CR9: امي خلي الموضوع عليه اذا ماتقدرين خواتي اذا تمن على هالحاله بيدمرن المفرووض نخوز هالقده لي فيهن..! خلي الموضوع علي.​

قطرية ذوق : ولي يسلمك ولدي الا خواتك شوي شوي عليهن...​

CR9: لاتحاتين شي يا امي خير ان شاء الله..​

ويقوم CR9 يروح غرفته وهو يفكر شو يسوي مع خواته مايبغي اييهن باسلوب الغصب ولا القوة لان مهما كان هذيلا خواته لكن الحاله ماينسكت عنها.!! كل ماتقدم لهم حد جي يصير؟ لين متى يعني..؟!!​

"| اترك المجال لكم للتعقيب..||
هذا ماكان في البارت 11..​

 

[أم أحمـد]

باااااااااااااااااااااااااارك برد عقب باجر دوام برقد هع


بس البارت جناااااااااااان

 

[مشاغب]

متى بيخلص الفليم

 

[موزة النعيمي]

ههههههههههه مشاغب اي فلم صدق انك هههههههههههههه

 

[βlậćҜ Ĉάt]

بزوي خلي البنت تعرس عاد هع
نبا نحضر العرس

 

[سِـنٍـَفٍــوٍرٍهُـ ღ]

والله انه البارت عجيييب

بس فيه شوية حزن

يعطيج العافيه ​

 

[أم عقوص]

بصراحه بصراحه تأثرت بموقف يزوي وهي تصيح


اهئ اهئ اهئ


بس عاد ما يصير جي تقطع نصيب أختها <<< مصدقه البنت ومتأثره لووووول



وفوفو حليلها عاد كسرت خاطري


بلاج جي تسوين فيها ههههههه



يسلمو ونتريا الباقي ^^