مآني على طرد آلملذات مجبور و آلحاجه آللي تهيـن آلنفـس مآ بيهـآ

[ندى الصباح]

برووح ألخص حق بنت اختي تقرير
اشوفكم ع خير أن شاء الله​

 

[ندى الصباح]

مساء الورد
اشحالكم؟
اسبوع جديد مع بدايه حلوه أحلى من الاسبوع الماضي المعفن خيبه قويه معفن
المهم الاسبوع الماضي ما حبيته بالمره وهالاسبوع الحمد لله من بدايته احس بفرحه عارمه

اليوم ناشه بالعافيه ومصدعه ع الآخر محد قالي اسهر أول ما وصلت الدوام حطيت اغراضي وسرت للعمل

ومريت ع ريبعتي اسئلها وين واصله بالشغل عسب اكمل عليها ويوم شافني ربعاتي يقولن يا عيني ع الحماس والنشاط
ترى انا ردت الفعل عكسيه ويااي أقول فخاطري ماشي منه انتن ما تدرن عن حالي الحين ما عليكن من المظهر قلتلهم يالله اشوفكم ع خير خلاف وسرت اكمل شغلي ويوم يات الساعه 10 ونص سرت اتريق والحمد لله من شربت لي ذاك الشاي راح الصداع عني

ومر يومي ع خير فالدوام بس كان كله كراف كالعاده وما فضيت حتى اسمع

 

[ندى الصباح]

ان خذاني { المـوت } مآودي انك ، تضيـق .!
وماابي { تبـــكي } على موتي بَ : صـوت .!!
يعني لما { تبكـــي } راح ارجع ، واعيش . ؟
ماابي { الدمعـــه } على خـدك : تفــوت .!!
صير { عـاقل } حتى لو فكرك ، تطيـش .!
دعواتــــك < تبني لي بَ الجنه : بيـوت .!!
{ مايمـوت } الا الذي ودك ، يعيـش .!
{ ومايعيـش } الا الذي ودك : يموت .!!​

 

[ندى الصباح]

يالسه ارمس صديقتي فالمسن
قالت لي شي وياتني عبره
ذكرتني بالايام الخوالي ايام الجنون والربشه
ايام كنا عايشين حياتنا ومجنين اللي حولنا
وخبرتها عن شي حلو فقالت تريد العزيمه علي وتكون خاصه حقها
افا والله ما يغليى عليها شي

 

[ندى الصباح]

الذين يشاهدون محتوى الموضوع الآن : 3 ( الأعضاء 2 والزوار 1)
‏ندى الصباح


منو هالمخفي

عموما حياكم الله

 

[لمسة شموخي]

أشكرك على هالطرح الطيب:canadian:

 

[ندى الصباح]

تسلمين منار
عسى عيبتج يومياتي
حيااج الله

 

[ندى الصباح]

يالسه اقرأ مدونةبدوي ونفس الوقت ارمس ولد اختي وبنت اختي ع المسن

وخذتني السوالف ويااهم خيبه علقت فمدونته بيقول شو تسوي هالخبله فمدونتي

 

[ندى الصباح]

اليوم منعزله بصوب عن ربعاتي وعن كل اللي حولي ما اريد حد يكلمني ولا اريد اكلم حد

ما اريد ازعل ناس مالهم ذنب عسب كذي فضلت الصمت لفتره ربما تطول

​

 

[ندى الصباح]

ياربيه متى بيوصلني الشاحن تعبت ما اعرف استخدم لاب مب لابي

صارلي كم يوم مستعيره لاب عيال اخوي فديتهم ما يقصرون

بس اللي مكرهني فيه انه أول شي ما يفتح الهوتميل ناقص شي من الديريفرات

وما اندل شو من الشي والشي الثاني ما فيه البرنامج اللي اصغر فيه الصور عندي السيدي

صارلي ساعه اعابل فيه وما رضى يستوي ما ادري كيف مفرمت فرمته غبيه ما تقبل اي شي

وتظهر ميت شي وآنا يا عمري مسويه تطبيق لشغله واريد انزل اللي طبقته فقسم التكنلوجيا

ياخسارة تعبي بنزله ان شاء الله في وقت لاحق​

 

[ندى الصباح]

اليوم شفت وحده تصيح والله اني رحمتها وحاسه فيها

عادي اصيح وياها يوم شفتها تصيح عورني قلبي

سكرت عيوني وتنفست عسب ما اصيح ويااها

مشكلتي اني حساسه آكثر من اللزوم

 

[خسر من تحدآإني]

حسآسه آلمْــره..:hehe2:

صوبنآ صوبنآ .....~
وأنآ بعد بصيح ويآآكم :cry:


:imuae72:

​

 

[ندى الصباح]

​

 

[ندى الصباح]

أوني البارحه سايره اتيلس وياا امي واختي وكانوا حاطين قناه نور دبي والبرنامج واايد حلو

وآنا ويااهم مره شاده حيلي ما دريت غير بسابع رقده عقب صحوني وسرت ارقد ومن النواد اللي فيني

لا جهزت ملابسي ولا عباتي ولا شي حتى تذكرت انه محفظتي ما فيها بيزات قلت الصبح باخذ بيزات مب مشكله

تراني متعوده احط بيزات حق اسبوعين ويوم تنقص ازيد والصبح تبارك الرحمن نسيت السالفه وتذكرت فالطريق قلت مب

مشكله بسحب ويوم سرت حصلت ال ATM عطلانه انا فوق ما متأخره بتأخر زياده إذا تميت ادور لي ATM ياربي شو

هالوهقه " هالموقف يعلمني بان لا تؤجل عمل اليوم للغد" ومن رديت البيت حطيت البيزات فالمحفظه لا انساهم ​

 

[ندى الصباح]

السكُوت أوسَع لآ ضآق الحَكِي وشْ يفيدْ البُوح والوآقِع أصمّ|~​

 

[خسر من تحدآإني]

نــآآس آلله يستر عليهم:kiss:


مرشحين للأشــرآآف ..:brows:


أحين بتبطر علينآ << :182fd25f9b06446ba41




يلآآ أنتي قدهآآ وقدود ..:0962b59e9642d670ff5
بس لآزم تخلصين شغلج بسآع عسب تزخين الاشـرآف ..:=D:



وأنآ أدعمج قليبآ وقآلبآ ..:hehe2:

 

[ندى الصباح]

الذين يشاهدون محتوى الموضوع الآن : 2 ( الأعضاء 2 والزوار 0)
‏ندى الصباح, ‏الــــ ع ــــنــــود

يا مرحبا ويا مسهلا بالغالين والله لكم وحشه وين غيبتوا عنا

I miss you

​

 

[ندى الصباح]

والله حالتي صعيبه هالايام عاد اليوم اخس وادهى

من الساعه 8 إلا عشر ظاهره من الهوم

وأذن علي المغرب وأن بعدني فالطريق راده للبيت

يالله اتحمل وبصبر فتره بسيطه ان شاء الله وتعدي

وترد اموري سيستم نفس قبل

 

[ندى الصباح]

مساء النعاس اليوم نعسانه شكلي برقد بدري​

 

[ندى الصباح]

​