مآني على طرد آلملذات مجبور و آلحاجه آللي تهيـن آلنفـس مآ بيهـآ

[ندى الصباح]

نيو جلاسيزز اشوف خيرها ويكفيني ربي شرها
​

 

[ندى الصباح]

اليوم يالسه اشتغل على شي وياتني وحده تبيني اضبطلها لابها فيه شي ما يشتغل

عقب ما اندل منو يى سايرين ورادين عليه وآنا حليلي متحمله من غير حشرت الفون ياا شاله هذا

ياا االفون لثاني طفرت آخر شي ياني اتصال ورديت مال غصب بقوة آلووووووو وكان أتقفط طلع موظف وياانا بالدوام

عاد انا راده بدفاشه سخيت اشوي وفيني ضحكه حاولت أكتمها وقال انه يريدني اثبتله الطابعه قلتله حاليا مب فاضيه

قاعده اسوي شغلتين وما قادره أخلصهم بس أذا ما ييتك ذكرني خلاف أول ما سكرت الفون أسمع زميلتي تقول تلقيه

الحين يقول ما خلصني هالاتصال زين ما كلتني قلتلها عاد اني صارلج ربع ساعه ومن هالاتصالات ما خلصت شغلج صح ولا

لا ...والله آكثر شي يمغصلي بطني هالاتصالات ما يخلوا الواحد يركز بشغله ​

 

[ندى الصباح]

الذين يشاهدون محتوى الموضوع الآن : 2 ( الأعضاء 2 والزوار 0)
‏ندى الصباح

حيااك يالمخفي ​

 

[بدوي آلبريمي]

زخوني :=D:
كملي كملي ندى متآبعين بشغف
ومبروك عالارض وعالنظآره :=D:
وثاني مره ردي شوي شوي <~ صدقها آربيعتج كليتي الريآل <~

brb
​

 

[ندى الصباح]

زخوني :=D:
كملي كملي ندى متآبعين بشغف
ومبروك عالارض وعالنظآره :=D:
وثاني مره ردي شوي شوي <~ صدقها آربيعتج كليتي الريآل <~

brb
​

اصلا آنا هاديه سواء فالفون ولا غيره بس يوم اعصب أختلف آنسانه ثانيه

هايك الساعه يظهر حسي

الله يبارك فيك

ثانكس ع المتابعه

 

[ندى الصباح]

أروح ولا ما اروح
اروح ولا ما اروح
ما عارفه اروح ولا ما اروح
تعبت من كثر ما افكر
عقلي يقولي ما اروح وقلبي يقولي روحي
وين اصدق يا ترى القرار الاخير بلا تراجع بتخذه يوم الجمعه بالليل
يمكن اروح بس تمشايه وبشل الكام ويااي وبستانس اشوي
بس ما مخلصني مشوار خمس ساعات ميبي اقل ولو ما مخلصني​

 

[ندى الصباح]

الله يسلمكم يوم الاربعاء عندنا عيد وعاد اذا ما طلعنا نحتفل وياا بعض فالمكتب

الاربعاء اللي طافت سرنا نشوف ربيعتنا

وهااي الهديه من عند بنتها الصغيرونه

نترياها تكبر وتزورنا فالدوام

ربي يحفظها​

 

[ندى الصباح]

هالاسبوع صارلي موقف محرج واايد فحياتي ما ستوالي نفس هالموقف

والله ما استوعبت هالشي حركة سريعه وغريبه

ههههه يوم اتذكر الموقف اضحك ولا ذيك الساعه لو حد ضحك علي يمكن اصيح من الاحراج

ياللهي أن شاء الله ما تتكرر غير هايك المره ​

 

[ندى الصباح]

يا سلام حصلت ربيعتي من اول ثانوي فالمسن
بروح اسولف ويااها واخذ اخبارها من زمان ما شفتها

 

[ندى الصباح]

اللي ويااي فالمسن طاروا عندهم دوامات الا انا راسي يابس

بنت اختي وراها باجر مدرسه وربيعتي عندها دوام فبوظبي

هااي ربيعيتي من اول ثانوي ويااي ودمنا وياا بعض ما نفترق غير فالبيت

وفالثانويه العامه كانت نسبتي نفس نسبتها بالضبط بالضبط حت بالفواصل

89.77حتى هي اللي يابتلي شهادتي وتقولها مدرستنا تسألها كم يبتي قالت 89.77 وفلانه قالت 89.77

فكت حلقها قالت قلنا ربعات بس عاد نفس النسبه بالضبط غريبه والله

فديتها اقولها سلمي على امج قالت امي تحبج واايد فديتها خالوه حتى انا احبها

أذكر لما يات من الحج شليتلها بوكيت ورد وسرت اسلم عليها وربيعتي غارت هههه​

​

 

[ندى الصباح]

بخبركم سالفه المودمات

الله يسلمكم اليوم وحده من ربعاتي عطتني مودمها عسب استخدمه

وشليته اول ما عبيت رصيد وسويت اشتراك ما رضى يشتغل فلابي ما ادري شو ياه

مع اني مستخدمتنه من قبل ويشتغل فالبدايه شكيت فمنفذ USB وغيرت من منفذ لي منفذ وما شي فايده
هذا هو



عقب رديت حق مودمي وشغلته وعادي اشتغل بس ذلني بطيء واايد وحسيت روحي بتطلع دقيقه بس عسب اقلب من صفحه لي صفحه شكلهم عيال اخوي لاعبين فيه ما ادري هالمودم انقلب حاله من عقب ما سوا المظاهره اللي فصحار


وآخر شي دقيت حق حرمت اخوي وقلتلها طرشلي المودم قالت طرشي حد قلتلها نص الدرب عليج والنص عليه ويالله

طلعي عدالنا بس ثلاث بيوت من بينا لكني اخاف لانه ظلام


يوم ركبت مودمها الحمد لله اشتغل زي العسل
تشكرات دلع روااضي ما تقصرين​

 

[ندى الصباح]

مساء الورد اشحالكم؟
يوم الخميس سرت بيت اخوي من الظهر ورديت الساعه وحده منتهيه ادور الشبريه

والجمعه من الصباح قعدت اتجهز حق الامتحان واسترجع بعض المعلومات

والسبت ناشه من الساعه 3 الفير لانه كنا مخططين نطلع الساعه 4 بس طلعنا 4 ونص

وصلنا مسقط 8 وعاد دقينا حق ولد خالوتي عسب يدالينا وين موقع الوزاره بالضبط

وافترينا اشوي لين ما يي وقت الامتحان 9ونص سرت امتحن وولد اخوي من كثر ما مشطط يريد

يحاوم قبل لا انزل قالي ان شاء الله تخسري اقول فخاطري شو مباره قلتله لا حبيبي ان ما

يت هني عسب اخسر وسرت امتحن يوم رديت حصلته يصيح ويقول كله مني انا السبب قلتله حمودي لا

تصيح هذا نصيبي ولا تصيح وعاد انا ذيك الساعه بروحي تعبانه اريد ارقد وحزينه لاني للمره الثانيه

اوصل قريب من المطلوب ومالي حظ فيها بس سبحان الله هالامتحان كنت احل وانا واثقه وما

واجهتني اي صعوبه الا فكم سؤال ويوم كنت انتظر اعلان الاسماء كنت عادي مطمنه ولانه كان تكرار

فالدرجات ما خذوني .أن شاء الله الثالثه ثابته

نصيحه لا تعتمتدوا ع الكتب الدراسيه اقروا وايد فمجال تخصصكم وربي يوفق الجميع لما يحبه ويرضاه

​

 

[ندى الصباح]

البارحه من الساعه 8 فعالم الاموات واليوم شكلي بسويها لانه التعب بعده فيني

 

[ندى الصباح]

صقر البريمي آند cr7 اشكركم ع المرور والتقيم​

 

[ندى الصباح]

المنتدى مغيرين استايله ما ادري من متى اليوم اول ما شفته استغربت

لونه فاتح عاد انا بروحي عيوني دومها تعبانه الحين بتتعب اكثر

 

[ندى الصباح]

الذين يشاهدون محتوى الموضوع الآن : 2 ( الأعضاء 2 والزوار 0)
‏ندى الصباح, ‏صمت الجروح

حيااالله بصمت الجروح

 

[ندى الصباح]

مساء الخير

اشحالكم عساكم ما تشكون من باس؟

اليوم ارتغدت بس والله اول مره اسويها بدون شور ماماتي وقلبي يعورني اريد اخبرها بس انتظر الفرصه المناسبه عسب اخبرها لانها توها راده من عزاء نسايبنا اللي فعبري

اليوم 16 مايوم يوم ميلاد وحده من ربعاتنا ومسويلها بارتي بدون ما تدري كان سبرايز وحلو واايد وعاد انا آخر من يعلم لاني كنت غايبه السبت والبارحه مرتبشه اقضي الاشغال ولاااه يوم داومت حصلتهم يايبلي موظف ويالله علميه الشغل
انا عادي عندي بس المشكله محد يعرف انه موظف واستحي اللي بيشوفني ويااه شو بيقول عني

سرنا لمطعمنا المفضل وتغدينا عقب كلنا الكيك وصورنا كم صوره لذكرى وكان واايد حلو بجمعتنا عسانا دوم نجتمع ع الخير
​

 

[ندى الصباح]

​

 

[ندى الصباح]

كذي المذاكره ولاا بلاش

ذكرتني بيوم كنت ادرس احيانا ارقد ع كتبي يوم اكون تعبانه​

​

 

[ندى الصباح]

خاطري ايلس ع النت مثل العرب والناس واتعلملي كم شغله استفيد منها وافيد فيها غيري

من كم اسبوع كل ما اتعلملي شي اسويله برنت سكرين وانزل الموضوع فقسم التكنلوجيا

هالقسم مفروض اشله شله لانه بمجال تخصصي واحول بقد ما اقدر لكن هالاسبوع والله واايد بزي

ما ألحق افتح النت خير شر بس ان شاء الله ع الويكند ولي فضيت بسوي أن شاء الله​