هَندَسةْ الحَيَاةْ هِي أَنْ تَبْني سَدّاً مِن التَقْوى أَمَامَ بَحْر المَعَاصِي

[ناصر الخميساني]

تبا تشلنا.. أهلاً وسهلاً
ما تبا بكيفك
مب مجبور هع
النعيمي ما قصر​

 

[ناصر الخميساني]

أطول نشيد اسجله ف حياتي

مدته

13 دقيقة تصوروا
فيه أسماء طالبات بيتخرجن قريب واليوم العصر بخلصها بالتعديل

بس ما بنزلها هنا ف المنتدى غياض هع

نشيده ركاز ما ردوا علي جان اقدر أنزلها ف المنتدى والا لا..​

 

[ملاكـ ♥ الروح]

:arigato: حيهن اللى بيتخرجن ع النشيد هع

 

[ناصر الخميساني]

أكيد من صوتي تراااه هع هع

تسلمين أختي

 

[شيخه البدو]

سمعواا الخقه..هع:2253446f49dd40fbf5e

 

[ناصر الخميساني]

ممنوع دخول ..................
هع هع هع

 

[ذات أثر]

^^" انا ابا اسمع النشيدة ما يخصني . . :35:

 

[ناصر الخميساني]

لاحقه عليها ان شاء الله
،
اليوم طلع فيها خطأ تشكيل بعد
بسجلها باجر وبنشوف، إذا بننزلها والا لا..

 

[ناصر الخميساني]

أمس رحت مسقط
كان عندي فحص حق الشركة
ولعوزونا تلعويز

ما شي ما سووه
حشى
رجعت مناك مدوخ
زين الحمد لله سقت زين هه
الله سلم

 

[شيخه البدو]

الحمدلله



وننتظر النشيد مال حفله ركااز وحفله التخرج..

المهم تنزل مب لزم الوقت


شد الحيل:imuae55:

 

[ناصر الخميساني]

ههههه فيها خطأ قال لي الشاعر
بعدله.. أساساً كانت أمس المفروض تنزل
بس ما نزلتها لأني رقدت من وقت
بس أضبطها اليوم وأنزلها

 

[ناصر الخميساني]

اليوم شفت منظر والله قلبي عورني عليه
،
وانا كنت ف الواحة
طلعت اركب السيارة ويقولون لي .. في حرمة يايه صوبنا

طلعت عيووز.. وتطلب

قلت شو هالحالة وين نحن.. ووين اهلها
تذكرت كلام واحد من الشباب قبل كم يوم
الحرمة العيوز اللي حصلها عند درام الزبالة الله يعزكم
وكانت تقول انه ولدها طاردنها

حشى.. قلوب البشر ماتت فيها الرحمة
الله يصبرنا
والله رق قلبي لها
اختي تقول تبا تتصل ف حد من مركز كبار السن
شو نقول بس ..الله يعينها
من لعناتها على عيالها
وين بيروحون من عقاب ربهم
الله يهديهم بس
،

والله .. ما فيه قلبه رحمة أبداً
لازم نشوف حل حق السالفة
،
........​

 

[شيخه البدو]

لا حول ولا قووه إلا بالله

حراام والله عليهم ليش كذا عااد ما حصل مكان غير الزباله...استغفر الله

نسى انه الدنيا دواره

 

[ناصر الخميساني]

وللأسف اللي اكتشفناه

إن ما شي دور رعاية مسنين عندنا ف السلطنة

تخيلوا
،

والسبب اللي قاله الوزير انه ما نحتاج مثله ف السلطنة
لأن الأسر عايشين بصحة وسلامة
ونريد نأصر الروابط بينهم

اوين، الله يهديهم بس

 

[ناصر الخميساني]

http://www.buraimi.net/vb/showthread.php?p=896819#post896819

واخيراً نزلت النشيدة

نزلوها وعطوني رايكم

 

[شيخه البدو]

واخيرااا
الانشوده رائعه

لو تنزلها ع فور شير

لانه ما رضت تفتح عندي..

 

[ناصر الخميساني]

إن شاء الله

ألحين أشوفها

 

[ناصر الخميساني]

تم شيخة
ولكل الأعضاء

انتظر تقييمكم لي..

 

[ناصر الخميساني]

غبت 3 أيام وراحت مدونتي ف الصفحة الثالثة

،،،

شادين حيلهم الأعضاء
وخلوا هالمدونة مغبرة\
هع هع

 

[ناصر الخميساني]

رحلاتي خلال هاليومين​

من زمان ما روحت رحلات
ويزاهم الله خير الشباب يوني وقالوا لي بتطلع ويانا
قلت زين أسوي رفرش من الشغل اللي عندي
،​

ورحت التاريخ 19/5
المبزرة​

وهذي صور من هنا وهناك​

هذي يوم يالسين ف الماي الحار.. تحت جسر من الجسور
الصور مب واضحة
بس حبيت انقل لكم شي مناك​

وهذي صورة كنت اتمشى وصورتها بالخش بدون فلاش..
عشان ما يقولون ما شايف خير هع هع​

وبعدين رحنا فوق، وتفاجأت صراحه عدلوا وايد أشياء ف المكان
تراني من زمااااااااااان ما ساير​

........​

وبالباجر رحت صوب شرم
بس سرنا ف منطقة هناك من وين هالفلي
صرااحهـ الماي بااارد فيه.. نحن دايماً نسيره، بس أول مرة احس انه الماي بارد وايد لهالدرجة
وف الصيف بعد​

صورة من الفلي​

.....​

امس رحت الجامعة أخلص شي من الأمور
وبعد تفاجأت ان الجامعة وايد تطورت صرااحهـ
وشكلي بكمل فيها دراسات عليا
شي عجيب​

هذي لقطة من عدسة فوني
من تحت وانا أمشي بالدس بعد هع هع هع​

​

دمتم في طاعة الرحمن​