مـــزاجك اليوم فــ بيتين من كتاباتك

[المنصوووري]

لطالما رقصت على جثث الاسوود كلابا###لا تحسبا برقصها تعلو على اسيادها
تبقى الاسوود اسوودا@@@والكلاب كلابا@@@@
اهداء للمغروورين فلامنتدى

 

[المنصوووري]

ما قاصر فالدلة بيض الفناجين,,,
قاصر من يطحن البن فيها,,,

 

[الجرناس]

كمل جميلك وأحفر القبر لاهنت

دنيا بدونك مالــــها أي قيمة​

 

[الجرناس]

الضيق ياللي محتشر قامت الصبح

لي والله أنه ضيق ما هو إعتيادي


الجرناس​

 

[نسايم ريف]

الحال رغم ان الوجع مايخليه

ورغم الهموم ابقى وابقى بطيبي

 

[!الـغ ـروب!]

رايقن حالي ...مافيني كدر
وربي يديم هالحال ويزيد :29:​

 

[مس كلوزر]

انا بدونك صاحبي ماقدر اعيش
وانت الهوى والماي وانته معاشي
تصيح عروقي دون وصلك معاطيش
ون جيت جسمي رد فيه انتعاشي
حبك حكمني حكم قايد ع الجيش
سلمت لك امري ولابه نقاشي
اسهر ع شانك الين المغابيش
واصبح ع ذكرك وانا في فراشي
والله لو تفتش ذا القلب تفتيش
انك تلاقي الحب في الدم ماشي
انا هويتك يابعد عمري بطيش
حبك ولو يكبر مع الوقت ناشي
وان غبت عني صدق ماودي اعيش
اما العمر وياك ولا بلاشي


خوي شما

 

[مس كلوزر]

كيف انسى صاحبي واقطع وصاله ؟
كيف انسى عظيم الشوق وانسى لياليه
لي صاحبي وصفه تعدى خياله
مايدري ان القلب بالحيل يغليه
ولو دارت الدنيا ماني بناسيه
هذا سلامي وصلك حتى لو بينا اطول مسافه


مشاكل وبكيفي

 

[مس كلوزر]

من غلاك وكثر ماحبك
حتى درب العين حبيته
اوصلك مشتاق وافرحبك
فرحة الغايب دخل بيته


خوي شما

 

[نسايم ريف]

الغبار اللي كسى بر وسما

يجلب الضيجه ويدعيني مريض

 

[آل يذوه]

تسلمين اختيه ( مس كلوزر ) على الاهداء


الورد لا منّه .. لمس كف يمناك
إلا يمينك لا لمس كفّها الورد !


تلقاه يضما من الوله يرتجي ماك
يالين يلعب فوق خدّينك النرد


و لاّ أنا لا جيت أبشرب من شفاك
أشرب ضماوعزالله يا شوق ما رد!


حيث إن قلبي كل ما صابني داك
يذكر ليالي يتعب لشرحها السرد


من بعضها..لا غبت وزارتني ذكراك
أشكي المقيظ .. والناس تشكي من البرد!


مس كلوزر​

 

[آل يذوه]

ظنّك إذا عدّا الزمن زود ... بنساك ؟
هذا الزمن عدّا .. و هاذي سواتي ..
لليوم أحبّك و أنتظر همسة شفاك
يا أغلى سنيني وما بقا من حياتي
ما دام قلبي عايش الحب ويّاك
وشلون أنسى يا غناتي .. غناتي !
إن جيت خذني يا هوا البال ويّاك
بس لا تخليني في بعدك .. أحاتي
و إن رحت .. واللي يرحم اليوم مضناك
طمّني من فتره .. ولملم شتاتي
وش حيلتي في قلب بالحيل أغلاك
لا من ذكرتك .. إذبحتني غلاتي
إن طال عمري و إن قصر .. يعله فداك
لا عاش عمرٍ في غيابك يحاتي !
و إن كان طالت يا منا الروح فرقاك
إحضر .. (( و لو حتّى بليلة وفاتي )) .. !
أهواك أي بالله بالحيل أهواك
ياللي حملت برمش عينك مماتي !
أنساك .. لا و الله وشلون أنساك
و إنته الذي لأجلك أبكتب وصاتي
الأوله : لا تدمع العين لاماك
فدواك عمري و الممات.. و شتاتي
والثانيه : لا جيت عندي .. بثناياك
إغسل جبيني .. ومن ثيابك رفاتي
والثالثه : لا قالوا .. للموت أغلاك
قول : الوفا طبعه .. و هاذي سواتي !



همس القصيد​

 

[المـــــهآ]

لبيه لوتطلب من انفاسي انفاس
بالورد اغلف غالي العمر واهديك
فدوة لعيونك يابعد كل هالناس
يابعد هالعالم وهذا مع ذاك
انت الوفاء-الصفاء-الاحساس
انت الذي داخل عيوني اداريك

اتمنى احضنك ويتوقف العالم سنين
وتحس بحضني وشوقي والحنين
اذني تحن لصوتك
وعيني تحن لشوفتك
وقلبي يحن لضمتك
وانا احن لجلستك
تعال وعوض اللي راح
تعال وعطني علومك
تعال وشتت اهمومك

تعال اشوف عيونك
تعال اعاتبك وارتاح
مشتاق اضمك حيل
واتنفس انفاسك
واقول احبك حييييل
والله تاعبني بعادك



إهـــــداء:- للي فبالي:imuae86:​

 

[!الـغ ـروب!]

اعتلي يانفس واعقل ياخفوق
.وارقدي ياعين وارحل ياهوى​

بنصحك ياقلب لايطويك شوق
روحته مع جيته عندي سوى​

من يحطك تحت لاتعليه فوق
ومن يحطك فوق يبشر لانوى​

الكرامة مايوطيها امخلوق
والنجم لاطاح قالوله هوى​

اهداء لــــــــــ سجايا الروح ^^

 

[آل يذوه]

و الّلي يخلي لك أمّك
خذني على قد قلبي !


همٍّ غدا اليوم همّك
لا تعْقب اليوم قربي ..


ما دام دمّي و دمّك
ودربك .. من اليوم دربي


لا تفتكر قلب لمّك
يقدر يهدّك .. وربّي


إني أحبّك .. و أهمّك
ما قدر أنا زود أخبّي


يا بريّ حالي و غمّك
طالبك طلبه .. تلبّي


إن جيت في يوم يمّك
إذكر غلايه و حبّي


تلعب بهمّي .. وهمّك
ما كان في يوم .. قربي


وإن شفتني فيوم يمّك
خذني على قد قلبي



المهآ​

 

[آل يذوه]

لا سْألوك فيوم عنّي ... لا يصيبك إرتباك !
لأننا رمز الطهاره و القلوب الأنقيا ..
إذكري إنّا عشقنا بعضنا لحد الهلاك
وإفترقنا يا غناتي .. لجل نبقى أوفيا
يا إنكساري .. وإنتصاري .. وإجتهادي .. والملاك
الذي يرسم سعادة عمري الباقي ... ويا
كل غالي في حياتي .. و إنتمائي .. والفلاك
الذي آهيم وسطه .. عقب فرقا لخويا
بس خلّك .. مبتعد عن خافقي و آنا معاك
لأن حلو الشي لا صار لمنا عينك ضيا !
دام ما للحب ليلة مُلتقى .. تضوي مساك
أذكري ذاك الفقير اللي عشق بنت أغنيا !
خلنا ذاك الوداع اللي إنتهى يتبع ثراك
يسأل غيابك .. بعد فرقاك .. وش معنى الحيا ؟
تدري وش عقبك أعاني .. من بعد ليلة جفاك
كل ما أجبرت قلبي لجل ينساكم .. عيا
يا بعد كلّي و غناتي .. كل ما قلبي طراك
كن فيني شي غامض (( يصرخ بأسم الحيا ))
خلني غلطة زمن .. وإن جيت تاخذني معاك
إذكر إنّا إفترقنا ... لجل نبقا أبريا !!
دام مالي والوفا .. أعلن إذاً أني فداك
دامني ذاك الفقير اللي عشق بنت أغنيا



الـغـروب​

 

[آل يذوه]

بالله ياللي حارمٍ جفني الّنوم
لا تدمي عيون إسهرت .. تستجيرك !
جرّحت موقي بالسهر ... وكثرة اللوم
وأدميت قلبٍ ما سكن فيه غيرك
إن جيتني ما عاد بي كلّني هموم
وإن رحت عنّي .. كثّر الله خيرك
شفني غصن ما غرّدت فوقه البوم
إلا بعد ما هزني .. فراق طيرك !
أثمرت كلّي دمع وعذوق و صروم
يا وجد غصنٍ ذاق ضامي .. غديرك
إن كنت ترضى .. خلّني فراق مهموم
عل وعسى .. في يوم يصحى ضميرك
هذا الحشا ماعاد به .. حيل و سلوم !
هذا( الغلا ) بيديك والقلب (بيرك)
وإنت هالله هالله فيه..والعمر محكوم
لا تناوله غربال فرقا مسيرك !
لا يصير قلبك والزمن ...(( خوّة قروم ))
يكفيني اللي صابني من نظيرك
يكفيني إني كل ما جيت باشوم
ألقا الدروب اللي تجيني تجيرك
ما عاد فيني للصبر شرع ولزوم
وش حيلة اللي صار (( مدمن عبيرك ))


برماويه​

 

[آل يذوه]

ويل جفنٍ ما غظا ليله
ولا لفا بعيونه منامي
ساهرٍ والنار تكويله
في حشاه .. وكل لجسامي
والسّبايب لي مسويله
غرنجيٍ .. سيد لريامي
بو عيانٍ شهل و ثليله
ومن هدبها يطلق سهامي
وعود هايف يا حلا ميله
إن لفت له شرت لنسامي
والمباسم تشفي غليله
وريج عذبٍ يجرح الظامي
وإن خسر فلأرض لمحيله
هو عنبته.. و العشب قامي
خافقي و القلب يطريله
في وصوله كل ليّامي
مبعدٍ عني وأنا بيله
لو عليه جيوش لعدامي



مــخـــاوي​

 

[!الـغ ـروب!]

^^

يوعان رغم اني تغديت وايد
لكن احس اني انا الحين يوعان

طربة كذا يمكن هالكرش زايد
ولا لاني اليوم فكري شغلان ^^

محدن يلوم حالتي هالعوايد
يومن غدا شرهه ويومين ذبلان

^^ هع​

 

[آل يذوه]

أقلط على مجلس فؤادي وتقهوى
وإن معجبك .. أبشر بقلطة فؤادي !!
ياللي من أسبابك .. غدى القلب بلوى
وذيك الضلوع تزيد كبوة جوادي
أغليك يا من لا تماديت ..أهوى
وألقى قليبي .. فيك صار إنحيادي
ياآخر اللي أكتبه .. فكل سلوى
وياأول اللي بوصله.. من مرادي
أي بالله إني أعشقك .. كل مغوى
للطيش والمطراش .. وقت البرادي
حتى تركت فغيبتك .. قلب يعوى
لا من لمح طيفك يصيبه .. ردادي
ياللي غيابك يدعي القلب مأوى
ما قد حكولك عن دوافع ودادي
إنك مثل ما أتقول في كل نزوى
أغدي إبدوي .. وإنته لشخصي البوادي
يا كل غالي فدنيتي .. وكل مثوى
يا إنكساري ويا سنام إجتهادي
يا غايتي .. يا إنتصاري .. ومنوى
عيني وجفني .. وإنطوائي وسهادي
يا كل باقي في حياتي و نسوى
عمري وروحي .. وما تبقى و وكادي
يا عين صابت بالخفا طير شلوى
وأدعت عيونه للسما .. ما تنادي
ياللي عليك من الحلا شي يسوى
إني أوقف لك .. و أجنّب و أحادي
و أثرك غزيت القلب .. وبكل غزوى
تترك دموعي فوق نصلة عتادي
حتى غديت آدورك .. دون جدوى
ما بين ضلعي .. وإنتفاضة ودادي
وأثرك بقلبي يا غلايه ... إتقهوى
في وسط صدري .. فوق بسطة فوادي



مس كلوزر​