مـــزاجك اليوم فــ بيتين من كتاباتك

[بو جسيمـ]

متكدر الخاطر صفق بـــاس وأتعاب * والعين حلفت مـــا تذوقه شهدهــا

خيمة شجل بحشاي مركوزة أطناب * منشوح فيها الضيم والحقد وأدهــــا

 

[بو جسيمـ]

كــآنك تباريني قــصد تنآآس

زهـّـب لصدرك درع حـآمنـّـه

هذي مب اهداء ^^

 

[بنت المقابيل]

تسلم مخااااوي

صح لسانك

 

[مس كلوزر]

ماجييييت ادور مديح او شهره ..
عارفه نفسي انا من اكون
ادري اني مبدعه لحد النهايه
وادري انه اسلوبي له مقلدون

 

[موزة النعيمي]

انتي حلوه بس زينك ما كمل
وش يفيد الورد من دون العطر
صرتي سهله من سعى فدربك وصل
خاسره واللي مشى خلفك خسر
ما ألومك لكن ألوم الظروف
وانتي عمياء وان بقت عينك تشوف

 

[مس كلوزر]

اذا انتتك مذمتي من ناقصن
فهي الشهاده لي باني كامل

 

[مس كلوزر]

ماهمنا من قال قوله ضدنا
حدن سفيه وحد من العذالي

اهداء ... خوي شما

 

[!الـغ ـروب!]

صدق من قال يادنيا ابد مالك امان بيـوم
ولا للصاحب بقلبـك مكـان ولا تلومنـي
انا ما جيت اعاتب يكفينا عتـاب ولـوم
ولا بشره على منهو من العربـان جافينـي
انا جيت اسأل الظالم سؤالٍ ردده مظلـوم
تظن ارتحت بعد اللي جرا مابينك وبينـي​

اهداء لكم ^_^​

 

[موزة النعيمي]

. ما اقول غير..

على الدنيا السلام.~

 

[ملاك الورد]

مشكوره أختي ع لموضوع

أسكت ولكن داخلي هم وأسرار
وين إلي يفهم سكوتي من عيوني
كأني سفينه تاهت في بحر الأقدار
وأحس الناس كلهم جفوني

 

[.." صموود "..]

في داخلي رجفة المتوتر الفزعان
في داخلي خوووف وقلق وهمـوم

انـا ضايع بدنيــا مابهــا برهـــان
مدري وش مصيري المذمـــوم

اسعـفونــي يااهل الشعر والاوزان
اسعفـو جلبن تعـذب وصار معدوم
اسـعــفــووونـــــــــي,,

 

[المـــــهآ]

اشتاق لك بعيوووني وقلبي معك

رجع علي قلبي لاجل اشتاق به




إهـــــــــــــــــداااااء​

 

[غلاتي غير]

:hehe2:ادري حلم هالعمر حولته رماد
ادري ذبلت كل الزهور اليانعه

 

[مس كلوزر]

ياقلب وين تروح عني معاهم
ياقلب مالك فالمجفين مربوح
تعلن ع العصيان وتتبع خطاهم
ماكنهم قبل امس خلوك مذبوح
انا معك ياقلب عاشق صباهم
تبكي عيوني دم والصوت مبحوح
اقبل نهاية حبهم في عزاهم
مانته باول قلب تدميه الجروح

 

[مس كلوزر]

كل مانثى عوج انا قلت زيدي
فديت ذاك العود واللي مربيه
واذا خزرتي بالنظر قلت زيدي
سهمج اذا مايقتل الصد يحيحه
<<<
اهداء
برماويه

 

[مس كلوزر]

صمت الطريق صوت ينادي وهم السراب
دمعة غريق نزلت من فوق خد السحاب

 

[مس كلوزر]

غريبه صارت الطيبه .. تعيب الصادق الطاهر
في وقتن مايعرف الطيب .ولا ظل بالزمن أحباب




وصار الوفاء بين الناس..يمثِّل غلطة الشَّاطر
وينزِّل حيل من قدره .وصار اللي يحب ينعاب

 

[مس كلوزر]

ماعاد فيني .." أبتسم " مدام هالدمعه .. [ سلاح ]
ماعاد فيني أبتسم وأخفي ! همومي والحزن !





ومدام فكري أقتنع يرفض مبادئ..هالكفاح
بأقتل شعوري وأدفنه وأخلي أحساسي كفن





|


ياليل |

تكفى ضمني .. ماعــاد فيني للجـراح .!!

| تعبت |
أجامل وأنتظر .. زود المصايب والمحن .!!






الله وأكبر × يازمن × وشلون قلبي [ ما أستراح ]

( العيب فيني ) ياترى ولا ( العيوب من الزمن )






اللي بغيته


مالفى ..وأقفـا على دربه وراح .!
واللي رفضته
مارحل يضحك وانا عيوني بكن .!





لاصار " حظي مركبه " تبقى المصيبه .. ! بالرياح !

تجري " الرياح العاصفه " في عكس ..ماتمشي السفن



الـهـم أصبح لي ..( وطن )
والجرح أصبح لي .. (وشاح )وياآجــرح ..
ماعاد أحتمل مامدام لأهمومي وطن






أحس بظلوعي قفص والطير مكسور الجناح

وأحس .. بعيوني .. دمع مسجون ..



في داخل جفن}..



والليل قرب ينتهي ويزول في وقت الصباح
وانا وليلي نكتفي بس المواجــع ما اكتفن



ماعاد لأسراري بلد والحزن دمرها وباح
ولاعاد فيني أبتسم وأخفي همومي





والحزن},,

 

[مس كلوزر]

اشتقت لايام الهوى في جنابك

يوم الشموع بليل الاحباب ضون

واشتقت اقول لهاتفك مرحبا بك

و اشتقت لغيوم الصحاري تكون

عود ترى داعي الهوى عند بابك

وارو القلوب اللي بعد ما ترون

غنيت لك عمري ولا جا جوابك

واسمي مع مجنون ليلى تدون

 

[.." صموود "..]

اتركوني اواجه مصيري
يا بالفوز او الندم
اذا كانت مشكلتي طيبتي

انا اقدر امحيها بلمح البصر
حسبت اقدر ازرع الطيبه بقلوب البشر
لقيتهم مستانسين بالخيانه والغدر
محد ممكن يفهمني .. محد ممكن يقدرني
مهما حسبت اني قدرت ادخل قلب
الا اشوف نفسي بعيده ووين المفر
انا حياتي كلها كذا .. حزن وقهر
حتى الصديقه اللي تضحك معي اليوم
بكره القاها طاعنتني بسكاكين
مدري المشكله مني .. ولا الاحساس اللي انعدم


أنا ماهمني حزني ولاني للفرح مشتاق
ولكن ليه يادنيا اذا بضـحك تبكيني