مـــزاجك اليوم فــ بيتين من كتاباتك

[نسايم ريف]

مجنون ياللي تبكي الحب مجنون

الحب أسمى لا لفى بالإراده

وياكم غيرك مدمعه ينزف مزون

من زود دمعه خرس ابه الوساده

واللي غلاته تنحسب حسب لعيون

ماضنتي يقدر يغير فواده

لكن رداة الحظ تلفي على السون

ولامن لفت جرت كـ جيش الجراده

محزون قلبك من مقادير وطعون

ولاغيره الرحمن يسعف عباده

 

[يوسف الكعبي]

يا سلااااااااام

 

[طلال الشامسي]

بآآخذ وصاتك وانت غالــي وممنون

لكن حسابي غير .. فــوق الارادة

ما حب لاجل انه يحبني ومجنـــون

احب يوم الحب يصبح عبــــــادة

واحب يوم الحب قاضي ومسجــــون

بين القلوب اللي بليا سيـــــادة

والدمع في بعض المواقيف مغبون

لكن ياحظه من عيونه شهــــــادة

واللي عيونه تخون وبحبها تخون

باكر مصير الوقت يكشف ســواده

واللي طلعها فوق واحد ومليون

ما فيه داعي تسمها باسم غادة


طلال الشامسي​

​

 

[نسايم ريف]

هذا الكلام اللي ينومس ومزيون

من شخص له مقدار زايد زياده

تسلم على طيبك ولك قدر مـ يهون

ياللي تحاسب للغلى بالسياده

شرواك ياخويه يحطى فالعيون

لكن مقادير الهوى بلا إراده

ماعاد حد فـ هالزمن حبه يصون

ويحفظ عهوده ويلتزم في وداده

ويا مكثر اللي يقتل الحب ويخون

في عينه ان الحب يعني إباده

أما عن المليون يمكن يزيدون

لكن حرام انه حوى اسم غاده

ماينلمس نجم الثريا بالمزون

لو هي تعلت ماتوصل مراده

والدمع مب كله ترى يكون مغبون

بعضه ندامه وبعض منه جلاده

 

[طلال الشامسي]

يامرحبا لعيون من زين النون

ترحيبة المسجون بأصغر ولاده

قرب ولك من طيب شارب ومدهون

بالعز يوم العز مرخي شداده

السالفة ماهي احبك ومفتون

والا ادور لاجل حبي شهــادة

السالفة فكرة ومنطق ومضمون

وش فايدة دولــــة بليا قيادة

يعني اذا فكرت تعشق .. ومشحون

اشحن وحط العشق سكر زيــــادة

لكن تخير م المخاليق مجنـــون

يعشق ابـــو ترابك ويفدي وداده

ما نام غيرك في عيونه ولا تهون

حافظ سلومـــه بالعزم والارادة

لكن نصيحة دون ســـابق ومضمون

هذا الزمن ميت ولا فيه عـــاده

ما شفت من يحشم للقلوب ويصون

ولا شفت وافي العهد من نص غادة

يعنـــي من الاخر اذا قلت بيخون

يخون وش يعني ... بصدره قــلاده

لكن على الله يا قلب مــات مطعون

العقل زينة والسبع من زنـــاده



طلال الشامسي​

 

[المـــــهآ]

اللــــــــــــــــــــــــــــــــــه صح لسااانك


وصح لسان غلايه نسنس

 

[الجرناس]

ما عليك زود استاذي طلال الشامسي​

 

[أم أحمـد]

يَا رَشَا خِلِّيْ الْامُوْرِ اعْتِيَادِيّهْ
لَّوْ هِيَ ضُغُوْطِ الْكُوَمَ مَا تَفَرَّقَ
لَكِنْ عَلَيْهَا ضُغُوْطِ الْدِّرَاسَهْ الْخَيَالِيَّهْ
وَالْوَقْتُ مَا يُسَاعِدُ وَلَا نَقْدِرُ بَعْدَ نَسْرِقُ
مِنْهُ نَخْلُصُ بِيَجْ وَلَا الْكِيْمِيَا الِعْدَائِيْهُ
وَلَا الِكَالكوُلِسَ نُدَرِّسُ قَبْلَ نَغْرَقُ
وَلَا مَعَ الْصَّحْبِهِ نُوَصِّلُ لَحْدٌ الْمْثَالَيْهُ
مِنْ رُبْعِ الْمَصَالِحِ الَيَّ بِالْسُّوْءِ بَسّ تَنْطِقُ

 

[طلال الشامسي]

لو للامل والحب اوراق وغصـــون

لكتب علـى الاوراق ظلم السعادة

ولو كل جسمي يرتجف فيك مجنـون

يا رب اموت ومنك اعلـــن حداده

وان قلبي لاجلك صد يا قلب ملعون

لذبحه واحسبــــها لنفسي شهادة



طلال الشامسي​

 

[الجرناس]

شعر الجزالة به تقاليد وسلوم

يعني كذا معها طلايق شنبهـــا

الجرناس​

 

[يوسف الكعبي]

البارحه والصبح ياخذ من الليل...نشفت من وطر الدموع الهميله
وآقول مع نور الصبيحه تساهيل...واثره يزاغي حمته للمليله
انتطرمتى تلفي علي نجمة سهيل...في وقت حتى نجوم ليلي بخيله
لا ضاق صدري من جروح المداخيل...من صدر كم يعشق جروحه الدخيله
ماكنت اعرف يوم وش هي المناديل...من شد ظهري ماتهامل قليله
دمعي شرات العار عند الرجاجيل..حتى هرق من موق عيني ثقيله

 

[طلال الشامسي]

اللي يبيها بسلم يبشر ومحشوم

واللي يبيها بحرب يجمع حطبها​

​

 

[طلال الشامسي]

السموحه يا الطيبين بس يشهد الله اني مريض وروحي بتتطلع

فأستاذن ولا قصور بالنشامي

ويسلم الجرناس والكعبي وريان .. بيض الله ويهكم

وتصبحو على خير يا اهل الخير

 

[الجرناس]

ما عاش منهو ياخذ الصف ويقوم

إلا أنت تاقف فوق مدرج ذهبهــا​

 

[يوسف الكعبي]

السموحه يا الطيبين بس يشهد الله اني مريض وروحي بتتطلع

فأستاذن ولا قصور بالنشامي

ويسلم الجرناس والكعبي وريان .. بيض الله ويهكم

وتصبحو على خير يا اهل الخير

سلامات شاعرنا... فجرناس ولا فيك ههههههههههه


أجر وعافية بأذن الله



حتى عيوني اليوم من قلة النوم
كالدم صارت من طوارف جنبها
بنام بامر الله على الصبح باقوم
نسعى بدنيا ماخذين بسببها



والسموحه من اليميع وتصبحوا على الخير

 

[طلال الشامسي]

ناخذ ونعطي والمصافح بالخشوم

كلنا بدو والخير للي كتبــها​

 

[الجرناس]

سلامات شاعرنا... فجرناس ولا فيك ههههههههههه


أجر وعافية بأذن الله



حتى عيوني اليوم من قلة النوم
كالدم صارت من طوارف جنبها
بنام بامر الله على الصبح باقوم
نسعى بدنيا ماخذين بسببها



والسموحه من اليميع وتصبحوا على الخير

ربك مقدرها مكاتيب وعــلوم

ما بين خير وشر ربك كتبهـا​

 

[الجرناس]

السموحه يا الطيبين بس يشهد الله اني مريض وروحي بتتطلع

فأستاذن ولا قصور بالنشامي

ويسلم الجرناس والكعبي وريان .. بيض الله ويهكم

وتصبحو على خير يا اهل الخير

ما تشوف شر أستاذي وعساك بصحة وعافية بأن الله تعالى


يالله عساك وفالك بخير ن يدوم

وصحتك فوق وخيرهـا في دربها​

 

[محمد الخروصي]

السموحه يا الطيبين بس يشهد الله اني مريض وروحي بتتطلع

فأستاذن ولا قصور بالنشامي

ويسلم الجرناس والكعبي وريان .. بيض الله ويهكم

وتصبحو على خير يا اهل الخير

وجهك أبيض وطهور يالغالي​

 

[الجرناس]

طلال طمنا عن أخبـارك اليوم


راس القبيلة بين حالت عربهـا​