مـــزاجك اليوم فــ بيتين من كتاباتك

[الجرناس]

سلمت لك سيف المعزة بليا قياس

ومرحيب خذها بالشعـر والجزالة

لانك مخاوي وخوتك ترفع الــراس

ما فيك حيله والقصايـــد دلالـــه​

 

[بو جسيمـ]

باعسـّـفه ضد الذي يرفع الراس
في ويه من مثلك ولو هو سلاله

دوك الصدر ضلع (ن) بلا شعور واحساس
اتوسده وتموسده بالجلاله

هـ : ضمير يعود حق السيف

 

[الجرناس]

الحين وقت النوم وفي حالة انعاس

وتصبح على خير والوفاء والسهالة

الناس تبقى صاحبي دوم للنـــــــاس

ومثلك يشرفنا على كل حالــــــــــه​

 

[بو جسيمـ]

نوم العوافي بتبعك هوب رماس
وانته من اهل الخير واهل الفضاله

مدراي عنه وافي الطبع جرناس
خير العلومـ مبيضه في قباله

 

[طلال الشامسي]

نصبح ونمسي وقاتل كليب جساس

وما كل شيخ ويطلع العز فاله

ايام ما ترحم ولا تعرف الناس

ولا تعرف الرجُال مهما جراله

والورع ما يطلع بلا شبه وقياس

ياخذ من عمومه ويشبه خواله

طلال الشامسي​

 

[يوسف الكعبي]

[


ماهي شتيمه لكن اقوال نبراس
ماصغر الاعظام غير الحثاله

أعصف كريحن غيرت شكل الاطعاس
ماني من اللي يندفن فالضحاله

ماهي ضغينه بين سالم ودساس
لكن ابنشل من غرق فاجهالة

لادقت ابيات الشعر دق محماس
بتشوف من بر الشعر من نخاله

 

[عليا العلوي]

أكبر خطا نسيان من يذكرونك
أعظم وفا غلا شخص يغليك
أكبرقهر لاصارناس يبونك
ونته تبيهم بس حظك معاديك
\\\\\\\
:4::imuae66::4:​

 

[الجرناس]

مجــهز الزانة وأنا خوك جرنـــــــاس

ويـــــحرم عليها تمرها في سهالـــة

عشرين طلقة كلها قياس بقيـــــاس

ما هي خشيرة كود حمرى فتالـــــــة

يمين مزملها قدى مظرب الفــــــــاس

شلــول حمله فزعته في قتالـــــــــة

مير النتائج لا به بيوم ينـــــــــداس

وخشوم تركع للمراجـــل قبالـــــــة​

 

[نسايم ريف]

مدري مخاشر طيب بـ اسلوب وقياس

والا تسرع .. والتسرع جهاله

بعض القصايد تملي الراس نوماس

والبعض منها ما يمر بسهاله

 

[يوسف الكعبي]

ماكنت عالي عن سوانا وهالناس
ياشخص عمره ماتعلى عقاله

يمكن سكوتي بالذهب يملي كياس
وانت كل هرجك ما ملاله دلاله

مثلي تشوفه بين الاعواد مياس
بس كالقمر لو وش جرى ماتطاله

احضر واغيب (الشمس ماحولها اشماس)
يانجم وده يوم ينور لحاله

 

[الجرناس]

بعض الأمور أحلها بسلم وقياس

والبعض منها ما تقارب وصالــــــــه

الطيب يرقى بالرجاجيل نوماس

ما هو من اللي مرقيات (ن) هبالـــه

عكس العلوم الدارسة بين هالناس

شاعر مثيلك قد مقدر قوالــــــــــــه

لو غاب وقتي مجذر العرق بالساس

والراس طيله بالثريا نبالــــــه​

 

[يوسف الكعبي]

تدري الجهول احيان اعلم من الناس
كم واحد اللي عز شانه هباله
اكبر دليل ان قتلك ابن فرناس
اللي وصله العلم يضرب مثاله
ماهو الشديد بصرعته ياؤلا الباس
حتى الضعيف احيان يثأر لحاله
لكن شديد ان قتلك عاد لاباس
تبقى المخوه بيننا والزماله

 

[طلال الشامسي]

سلهامة عيون الرجاحيل نوماس

والبندق ام حزام ماهي جمالة

والطيب ماهو مجلس يضمه الناس

والا سنافي فـــر لاجلك عقاله

الطيب لا منك تناديــه يحتاس

يوقف لاجل وقفتك عز وجلالـــه

والحلم شيخ وخوته ماهي إفلاس

لو حاربوك بظلم والا عدالــه

ويخسى ابو شارب تعلم وينداس

العلم زين وخل درب الجهالـه

والشعر ما هو لاجل يكتب وينقاس

بين الضعيف وبين شعر الجزاله

الشعر روح وهامته مجلس الراس

يعطي بيمينه دون تدري شمالـه

والخير حجة تمدها دون قرطاس

ويالله بخير ويا عساها قبالــه


طلال الشامسي​

 

[يوسف الكعبي]

يمكن يميل بداخلي حرف غطراس
يجرح عويدن قد هجد في ظلاله

لكن اعرف ابدل الحس بأحساس
لي كل مقامن له بشعري مقاله

الشيخ مثلك من على العين والراس
نفرح بشوفه كالشهر من هلاله

لكن من اللي ماعرف قيمة الناس
ضيقت من عنق الزجاجه مجاله

والحر دايم بالشعر يرفع الراس
وان طاح راسه يلقفوه الحثاله

 

[نسايم ريف]

تسلم على حلو المعاني يـ نبراس

اي والله انك جيت كلك جزاله

صوغ المعاني وافي وحلوها ساس

والعقل راجح والتأني كماله

ياحيه الكعبي وياحي جرناس

والا طلال .. لجله مراحب لحاله

فيك الفهم ياخوي لولو وألماس

نوورت قسم الشعر واحييت حاله

 

[غلا الروح الاثيره]

اشكي وقلبي من الهم مغتص غصاتي
وطلب الصبر من ربا يعرف شكاتي
وعين من كثر الدمع تقطع كل من له قلب حساسي..
وطلب من ربي الصبر والعون من هالمذلتي..
ورتجي يوم مماتي واكون من اصحاب الجناتي ....
همسات مشاعر

 

[الجرناس]

حان الوداع ويا عسى الخير بالناس

ويالله عسى الملقى على خير فالـه

سجلت بحضوري مواكيب وغراس

وميزان عدلي قد رقى بالعدالـه

أمدسم الشارب مزاليف وقيـــاس

ومحشم الزينه وراعي الجمالــه

لأني البداوة رمزها هيل ومحماس

وان هب نسناسة تحاشر ميالــــه

وأنا يميني سبقت سيوف وقــواس

كانها على الميدان تشعي قبالـه

واللي يبيها مقلد احجاج وحياس

يقرب وله مني مخايل زوالـــه

هذا القصيد مطلعه ما له قياس

مثل البحار ومحويات الثقالــة

لكن مصيره مطحن خشوم وشراس

ما هو كلام (ن) مبهرات (ن) خياله​

 

[عذب السجايا]

مرحوم اللي صاحبه ماحصل له

لاصارت نار الشوق تكويك
خلك لاتشتكي جور الايام


ولاصارت نفسك لنفسك تعزيك
قل مرحوم اللي صاحبه شام

 

[المـــــهآ]

ماني من اللي ينقاد بقيود

ولاني من اللي نطق بجهاله

حـر( نـ) متأصل الكرم واليود

وان راد شي (ن) بالشرف طاله

طبع هادي حشيم النفس جلمود

ما ادور ورى وِرد كثير(ن) سعاله​

 

[محمد الخروصي]

اتمنى من الجميع السموحه على القصور

ولكن الى هنا وبعدها اترككم في امان الله

والله يحفظكم انا تركت المنتدى والخيرة فيما اختاره الله مع السلامه يا الطيبين​

أفى يا الشيخ ما هذه سواتك !!!


خلك قريب يا الشيخ ولا تحرمنا من جور قلمك ...​