مجاراة شاعر

السلام عليكم ورحمة الله وبركاته


أعزائي أعضاء منتدى المحافظة

موضوعي اليوم وبكل اختصار هــو مجاراة بين شاعرين ...

يختار الشاعر أي شاعر يحب يجاريه ويرسل له طلب للمجاراة وبناءً على رد الشاعر بتكون المجاراة وبتتكون من عدد من القصائد ويحددها الشاعر نفسه على ان لاتزيد عن خمس قصائد


ان شالله يعجكم الموضوع وان شالله اشوف مشاركاتكم معاي

 

متى تبدا هالمسابقة

 

هذي ماهي مسابقة ياخوي


اذا تحب تجاري شاعر معين ماعليك الا انك تختار وتسأل الشاعر اذا يحب يجاريك وتسجل اسم الشاعر فأول مشاركه منك فقصيده يجاريك فيها الشاعر

يعني مثلاً :


انا اختار اي عضو شاعر وارسله رساله اني احب اجاريه ... فـ هل هو يحب يجاريني ؟؟

اذا كان موافق بدخل ع الموضوع وبحط اسم العضو الشاعر وبكتب القصيده ... وهني يدخل الشاعر اللي اخترته ويحط القصيده اللي هو كتبها كــ مجاراه لك على نفس الوزن والقافيه اللي انت كتبت عليها

 

السلام عليكم ورحمة الله وبركاته

نبدى في المحاوره الاولى

وانا اخترت الشاعره المميزه همس القصيد وان شاء الله اقدر اجاريها

اقول :

ماني بقصادٍ انا فارس اشعار
والقاف سرجه في يديني لجامه

والشعر شروى البحر مليان اخطار
والسِيف ناسه تعرفه بالعلامه

وانتي حروف البيت لج زخ مدرار
الين ما توج بيوتج وسامه

انا الشعر يا الشاعره ابنه البار
اسخر حروف القصايد امامه

ابغي اشوف من الشعر شي ما دار
من عصر قيس الين يوم القيامه

هاذي البدايه والحبر قطرة امطار
والتاليه وادي يسير بتمامه​

​

 

وعليكم السلام ورحمة الله وبركاته


ولي الشرف بالمحاوره ياخوي

وان شالله اقدر على المجاراة


واقول :



يامـرحبا مليون وان قلت مليار

بالشاعر اللي مانوّفي مقامه

فارس قريحه وفـ الشعر فذ مغوار

له تنحني أحلى القوافي كـرامه

وانا ادري انك غصت فـ بحور لشعار

وانك كسرت الموج وارخيت هامه

وان كان جيلي به من الزخ مدرار

إنت الشعر متمثل ن في تمامه

ماهو كلام حروف او رد لـ حوار

قلبي من الخافي يحط احترامه

ولك ع الوفى ياخوي لو صار ماصار

وارقب ردودك لين يوم القيامه

 

.
.
.
عذرا للمداخله
||... حروفي تساقطت اعجاب ...||
صح لسانكم ودمتم لنا ذخر يارب وما انكر اني تمنيت تكوني اول من يجاري
ونترقب اليديد

 

صح لسانكم وبيض الله ويهكم

فكره حلووه ومميزه ساكون من المتابعين

عساكم ع القوة

دمتم بحفظ الرحمن

 

مساء الشعر

وش كان قاصر من تراحيب الاحرار
يا مرحبا والهيل رمز الشهامه

لكن ابا احوّل عن الدرب بيسار
واسلك طريقٍ حط راس النعامه

الشعر ما جانا على ظهر الابكار
اتوشحت ابنا القصايد عمامه

يا غير وش جاب لـ قصيرين الاشبار
درب القوافي وانتقوه بفهامه

نبغي نرد لشعرنا اليوم بالثار
دم القصيد الي تركنا خطامه

نبغي ونبغي بس ع كل مقدار
ما كلنا يقدر يوصل سهامه

عندي سؤالٍ فيه ذا الليل قد حار
وانت الجواب الي يزعزع ظلامه

لو هب ع شعرك من الريح مغبار
وامست بيوتك تنتخيك بكرامه

بتفز والا تنتظر شخص مغوار
يفزع بشعرك للعلا والسلامه ؟؟​

 

هو ذا اللي كنـّـآ نرتقبه ^^

مشكوره على الطرح الغاوي يالوافيه ..

ونحن وياكم الى الامام الى الامام ..

فـ البر ّ ولا الجو ّ ولا فـ الطريق السـآحلي ..

 

مساء التأخير




لبيه ياللي لك من الشــعر مضمار

عز النسل لجدود حازو الكرامه

ميّح على دربك وانا لك ع مسيار

واترك وراك اللي ضعيف ن حزامه

حنا الشعر في دمنا جمر ن ونار

تتوارثه أجيالنا في تمامه

واللي وزونه فـ الشعر دون معيار

لو عد جيله مايوفّي لزامه

الشعر ماهو صف لـ حروف ن نثار

الشعر له معني ويقضي احترامه

معنى ومضمون وتفاسير وافكار

وكل ن حسب جيله بيترك علامه

وان كان رص حروف شعاّر ن كثار

وياكثر منهو مايوزّن كلامه

إن جاتني هوجا من الشعر بختار

ترى التسرّع مايجيب السلامه

وان جيت اواجه برتكي بفذ مغوار

يسند حروفي لا لفتها غمامه

كف ن وحيده ماتصفق ولو ثار

دمي غضب .. برجع اجر الملامه

والشعر مايقصيه شاعر ولو طار

وعدّى نجوم الشعر ينقص كلامه

 

السموحه ع التأخير بس المنتدى يبيله تضبيييط ياخوي عتييج

رديت البارح ورااح كل تعبي سدى

ورديت اليوم ونفس السالفه

ورجعت ارد مره ثالثه وبعدين سويتلها كوبي بيست من الكمبيوتر

فلو سمحت شوفلك حل

 

بدخل عرض شوي والله روعه

بس بساند همس والسموحه ع المداخله بس


طـرب فكـري ودق الحـس لوتار

سلب خاطري مغزى اللغز بفهامه

ياكثر من سلك طريق الأشعار

وياقل من جابوا لشعر سهامه

لكن مـن هـم دمهم حـامي وثوّار

تعتزيبه قوافي لبحور بفخر وشهامه

ومايهـز القصـيد دام السـند جبـّار

والشرار لاقد صار يشعل لهيب الكرامه

ويطاول بالشعر جيش خافي وجـّرار

ويستند بشخص حامي ويوصل بالسلامه

وآآآآآآآآآآسفه على المداخله



السمووووحه منج همس



وبعد السموحه منك ياخوي

جذبني الشعر وتسلمييييين غلاي انا دخلت قبل لكن ما قلت رايي والحين اقولج

ابدعتي​

 

تسلمييين غلاي ع الدخوول الغاوي

وصح لسانج ونوورتي المحاوره

 

مشكوووووور ع طرح الغاوي

 

مساء عذب القوافي


همس القصيد

يسعد مساكم يا فطينين الافكار
هذا المساء بالمختصر له علامه

المختلف دايم لنا يترك اثار
نتبع ثرى خطوه تخطي قدامه

والشعر له انواع وابحوره ازهار
تورد بماها واتزاها امامه

والقاف نجمه تنجلي دون الاقمار
وحروف اي شاعر تزيد انتغامه

ايقنت انك شاعره بكل اجهار
اقولها والوجه زاد ابتسامه

ادري بان الشعر قربك ولا جار
وادري بانك شي عالي مقامه

ادري وادري بس فكري بكم حار
كل ما سألته قال مدري علامه

هل كل هذا من ورى قرب هالدار
الي سكنها جدنا مع عمامه ؟؟

يا بنت عمي والشعر بيح اسرار
ذا الليل من كثر الحزن ما انامه

قالوا تبسم يعني الحزن ما جار
ع قلبه الي مهتني كـ المنامه

ما الوهم ما شافوا الحزب لي غار
ع قلبيه كالقدس يرمي سهامه

لكن جرحي ما نوى يعلن اشهار
اعلن وضوه وعمرته وابحرامه

لعل يدعي فالحرم ربنا البار
ويحل ما هنى ويترك حرامه

المهآ

يا مرحبا والقاف بالشعر قد ثار
ينثر بيوته وايتباها بوسامه

مااروع حروف الشعر في حد الاقمار
ومااجمل صدى صوته بنغم الحمامه

وان كان ضدي موقفك ترفع اشعار
يا خوي معك وضد خال وعمامه

ظني يقول انه على قد ما اختار
كلن يوقع بصمته وابهامه

وانتي تبي ضدي على علم الاحرار
القاف جاهز من علن باحترامه

قولي ابا اتحدى وانا اجهز النار
ويشب قافٍ ما تساما بوشامه

يحرق ويبرق والبدر في السما دار
متابع الاشعار دون الملامه​

 

الله يمسيك بالنور والسرور ياخوي



يعله مساكم دايم الدوم بـ اسرار

ولك بالخصوص القاف يرسل سلامه

وان كان ع الآثار .. لك صرح جبّار

مثل الضوى في ليل سرمد ظلامه

وانته قطفت امن الشعر باقة ازهار

ينور نداها كـ البدر في تمامه

والقاف معزوفه لها حروفك اوتار

كل من سمعها حار وأعلن هيامه

وان كان جيلي ينحسب فعلاً اشعار

لمحاوره بيني وبينك وسامه

بن عم شعرك فـ الوغى سيف بتّار

نفس الأصل والدار .. نفس العمامه

الدار نفس الدار والثاراهو الثار

عز النسب كعبين ساس الكرامه

ياخوي طبع الشعر مجموعة اسرار

واحساس صادق مايحب الملامه

وماعاش طاري الحزن لي صوبكم دار

وصوّب عيونك بالسهر من سهامه

والضرب في غيرك شرا الضرب فـ يدار

لو هو يهمك ماتحس بألامه

والجرح يبرا لو بقى عد وادهار

ولو هو ترك ندبه وخلّف علامه

 

كفيييتي ووفييتي غلاي

كامله والكمال لله



آل يذوه


ردي بيكون بعد ماتخلصون لان بقطع مجاراتكم

والله انكم عنوان للشعر

ربي يحفظكم يارب ويبعد عنكم الشر والحزن وياااعل دنياكم فرح وسعاده

 

مساء معطر برائحة دهن العود

حبيت اغيرلك على الوزن والكيف
واسلك دروبي وانتحي في مساري

ابشعريه وصّلت روس المشاريف
والصقر يبقى لو تحوم الحباري

قد شفت من شعرك انا شي ما شيف
والله وربي والقدر ما اماري

كثر المدايح ما توصّل لتشريف
وكثر المذمه ما توطي وقاري

الشعر يروي جبود من هم ملاهيف
والي جهل ماله مع الناس طاري

الشعر مثل العشق يا كم لحق حيف
والشاعر يسامر هجوس الصحاري

البيت ما تبنيه من دون تكليف
والشخص ما تكسبه لو ما تداري

والحرب لو شبت بلا سرج او سيف
ما توصلك للعز رغم التباري

هي فلسفة شاعر على قد توليف
وان قلت باليمنى تجاهل يساري

ان جيت ابا امدحج ماهي صواديف
اقول ما ناصر يقول ويداري

( شيخة عرب ماهي بلعبه وتوليف
سطوة ابوها يوم ركز الشباري )

احلى تحيه دون ما انهي السواليف
شاهينيه بالشعر حلق وطاري​

 

مسـّـاكم الخالق على خير الأخبـآر

ومخ ـــاوي الشــاعر يبلغ سلامه

اسم الشعر بازغ مثل نور الاقمار

وكل الهواجس بيـّـضت له مقامه

الشعر يفخر بالجزاله والاخيار

وتشهد لكم بالجزل بصمة بهامه

ودي أجــآري شاعر ٍ غير الاقدار

في غير دآري مغترب لا ملامه

 

صباح القوافي الحلوه


عندك على القيفان منحى وتصريف

ولك بالأمر والطوع وانت الإداري

وانا اشهد انك طلت روس المشاريف

واضح دليلي مثل نور النهاري

وان شفت في شعري ترى شي ماشيف

انا دليلي حار واعلن طواري

في قافك اللي دوم يضرب على الكيف

واللي خفق مثل العلم والصواري

المدح في مثلك شرا بارد الريف

مابك مذمه يافخر نسل داري

صدفه تجمعنا ومحلى المصاديف

لي جمعت بـ الشعر نارك وناري

الشعر يالشاعر بحوره مصانيف

واوزان شتى تطلب اللي يجاري

الشعر مثل الغيم او ماطر الصيف

يلفيك لامن داعبتك الذواري

والشاعر الجرناس او حر ن منيف

والقاف في عينه طيور الحباري

من هام فكره ينتقي قاف تشريف

وماتركب الهزلا ذياب الصحاري

ومن مثلك وشرواك مـ حتاج تعريف

غني عن التعريف بحر وبراري

الحرب حرب افكار قيفانها السيف

وبحورها ساحة وغى لـ التباري

قولك وسام ولك القوافي معاطيف

ألجمت فكري وفيك زاد انبهاري

وارضف تحياتي عداد ومراضيف

وارقب سواليفك وانا فـ انتظاري[/B]