مجاراة شاعر

[الجرناس]

مساء الانوار


يازين منهو بالثقافة مشاريف

ياللي على الطولات صايل وجاري

بعض المشاعر تنكتب بالمضاريف

والبعض منها في حدود الصحاري

تشريف ياللي من على النت تشريف

صوغ القوافي معلنات (ن) طواري



جميل هذا التواصل الراقي وحبيت المشاركة ولو ببيتين شعر
الله يبارك فيكم جميع ما شاء الله كل الفخر والتقدير فيكم

وما فيكم حيلة والله يقدرني أرد لو بجزء بسيط من هذا المشاعر الراقية​

 

[آل يذوه]

السلام عليكم

هي الختاميه لهذه المحاوره التي كلي سعاده وفخر في الدخول فيها

الشعر خطيته ولعيون لالباب
اللحنه ع صوت نغم الربابه

فخرت بمجارا عزيزين الانساب
خط القلم اروع حروف الكتابه

المدح في غير الاصيلين ما جاب
غير المذمه وانعكاس فـ صوابه

من شان هذا فيكم الحبر سكاّب
ما جاب غير المدح يوم انتخابه

وانتو بني عميّ وما اظن بتخاب
فيكم ضنوني يا علو السحابه

وحنا بني كعبٍ وللعز اسباب
بذكّر الي علمنا قد سهابه

يكفي من التاريخ وافعال لذياب
طاري ابن يمعه عبيد وصحابه

ويسد من الاشعار وعطور الاشناب
معضد غلا كعبين حضرة جنابه

هذاك فارس للمواقيف مهياب
وهذا بعذب القاف ماله مشابه

حلالة الصعبات عا هين وركاب
وفكاكة العقدات وقت النشابه

لي بالتفق والسيف في الحرب ما غاب
ضد المدافع / واجب انك تهابه

وقبل الختم ادعو اهل نور الآداب
من شاعرٍ درب الشعر قد مشابه

لمحاوره ذا اليوم يفتح لها ابواب
في صرح اطلق الكم اليوم بابه

واشكرج يا همس القصايد ولا خاب
من شاهد الابيات منا برقابه

كلي فخر فيكم وانا كلي اعجاب
بالقاف الي شعركم قد غزابه

والختم صلو ع الذي يوم الحساب
شفاعنا أحمد وكلن درابه​

 

[المنصوووري]

والله ما عندي خبرة فالمجاراة

 

[نسايم ريف]

وعليكم السلام ورحمة الله وبركاته



وفعلاً وصلنا لختام المحاوره اللي كلي شرف اني جزء منها

واللي تشرفت فيها بمحاورة شاعر أفتخر انه بن عم ومن نفس الدم

لك ياخوي كل إحترامي وتقديري :


جر اللحون وبـ الشعر خط ماطاب

هذا الختام وحبرنا في كتابه

ومثلك نعم تفخر به جدود وانساب

شاعر جزل يملك حروف الخطابه

وقد قلتها مره اذا الظن ماخاب

كل ن بأصله ومـا الضنون اتشابه

وش ع السحاب ان كان تنبحه لكلاب

ولي مثلكم ياخوي عالي جنابه

من نسل كعبين ن عزيزين لشناب

نعم الأصول ونعم قوم ن ولآبه

شوّقتني ياخوي والشعر قد طاب

في ذكر بن يمعه كبير الذيابه

والذيب لا منه عوا ردت ذياب

وجدودنا ياخوي عز ومهابه

وان جيت ع القيفان معضد لنا ناب

في وسط شريان الشعر رز نابه

يالله عساهم وسط جنات واتراب

ومأواهم الفردوس ويّا الصحابه

وقبل الختم ودي بتسجيل إعجاب

لك ياخوي شما مدادي جرابه

يامجّمع القيفان اسراب ن اسراب

يالله عسانا مابخصنا حسابه


ولـ دعوتك ياخوي بابطّل الباب

وآردد الدعوه عساها مجابه

للي لهم فالشعر منحى ومرقاب

ينور بهم هـ القسم ويا الرقابه


والختم صلوا عد ماحرف فـ كتاب

على النبي واعداد وبل السحابه

 

[نسايم ريف]

تنبيه




هذي >>>>> دعوه <<<<<
للشعراء سواءً من داخل المنتدى او من خارجه اللي يحب يشارك يتفضل

اللي لاحضته انه ضيوف وايد تدخل هني ... فـ ليش ماتكونون جزء من الموضوع والمجاراه والدعوه عــــامه

 

[بو جسيمـ]

سلامن عليهم عرب الله

يتجدد اللقــآء مره ثانيه وفي محاوره شعريه جديده ..

عسى الله يجملنــآ جميع , وما نقول غير بياض الويه :

وبعد ذآ :

هـذآ سلامـــــــي ابتــدي فيــه مــقصود

يبلغ جنـآب اللي ينير السمــآ حــضوره

يا مرحبـآبج يالمهـآ مرحبــــــــــــآ زود

بعد السلام علوم من غيرهـــــــــآ دوره

وش هي علومي غير شعر ٍ وتغرود ؟؟

بشعر وأجــاري دام حصلت لــــمشوره

للشعــــر مـعنى حام فوق السمآ يرود

مــا ياصلـه غير الــذي جهـّـد شـــعوره

والـــطير لـــو حـــوّم تــــــرا لازم ردود

يعجز بــطول الــــوقت ما وقـّـف مروره

يــآ غير بـــذكر يـــوم مـــآ فيه مــنـقود

يوم الجدود اللي انتسى مآ لفآ حضوره

يــآ وين روّح واختفى يـآ ترا يعــود ؟؟

ولا عليه غبــآر ما عــآدت ذكــوره ؟؟

والله لو يــــرجع غـدآ حالنــآ ســعود

حــآل الزمن وتغيـّــر لــغير دستــوره

​

 

[بنت المقابيل]

مخااااااوي خاطري أجاريك

بس ما أقدر

 

[المـــــهآ]

مساكم عطر القوافي ،،، وصباحكم شذى بحوره ​

وشكرآ لك اخوي مخاوي ​

و :-​

مرحبا بهل السلام والعز والجود
اللي عليـــه النفس ترد مأسوره
​

تراحيب لمطر لصحاري بصوت لرعود
وعــد ماهل الســلام بمخاليق المعموره
​

علوم ن ناخذها وعلومنا نحمد المعبود
وشهي حالنا غير لشعر ناخذ دوره
​

نسمع نجاري ونكتب بالقوافي هود
وبردكم تهادى الشعر يعلن حضوره
​

طيرنا شاهين ماخذ للعلا طود
حوّام فوق حروف الشعر وبحوره
​

غردبها تلاحين وخلق الله شهود
ما يغرد الا للهوا بركان ثوره
​

والطير ماله الا صاحبه ويعود
يجيه دامه التلواح طاير ويدوره
​

قلبه مخاوي والطير مخاويه بالزود
وحــاله تجدد بــعد منتـم بجوره​

 

[بو جسيمـ]

رجعت مره أخرى وقلت :

ما كل ّ لـــــــي يبرق أصيل ٍ ومفرود

وما كل من شـاف العلا نالها بشوره

الناس تكفـــي بـعض والحيف منقود

وعرب القبايل دوم بالساس مذكوره

جدّي مشرّبنـــي وأنــا طــفل مـولود

كاس ٍ من المعنى عليه أخير بهوره

يا رب ّ ترحم جدّي وترحـم حــشود

سارت زمن لأوّل على الطيب وبروره

لا من حضر بأذني زمن كافل جدود

بيـّـحت هم ّ الصدر خرّيت بـعسـوره

يوم الرجل بالسيف له عــز ّ وعضود

ويوم الصبي يسري ولا هاب ديجوره

ويوم الضعيـّـف له من الجـآر مسنود

ويوم المره رجـّـآلها صادق شعوره

كلن برخو العيش والـــخير مــمدود

والكل يرفع راية الـــسلم منصوره

الله يـآ زمن ٍ مـضى زاهــي بـنود

كلن يحب العيش من كثرة سروره

هل يـآ ترا بأيامنآ يالمهـآ ســود ؟؟

ولا كذآ الدنيآ تبي تغيـّر الصـوره ؟؟

 

[المنصوووري]

والله قصائد روعة صراحة من مخاوي وربعة...

 

[المـــــهآ]

هلا بمن رجع وحنا وياه رجعنا​

صادق بقولك وبعض البرايق سود
وماينال العــــلا من نام شهــــوره​

زمـان اول النـاس للناس وجــود
واليوم نجد نمسك عاداتنا بزوره ​

يسلم المربي ع الذرابه والمنقود
ويسكنه ربي وسط جنات ن مبروره​

شديتني ياخوي وين الزمان يلود
وين العطا بالكرم والشهامه سوره​

والحين يالله بسؤال اخـبـار ياكــود
والهم صار هموم والبلاوي تبوره​

ليت اللي تقوله يامخاوي يعود
وليت العضد ينتخي يسند ظهوره​

وليت الجار للجار فـ الضيق والسعود
وليت حـوا تحـتـوي آدم مـسـتـوره​

لكن دارت الأيام والعمر معدود
اعمل بأصلك ولاتشتكي لزمن ودهوره​

سلامي على زمان ن ولى شرود
صار ينتحي علينا ويسلم مروره​

كذا ايامنا تكتب ابيات التغرود
وحنا نلحنها حسب الحرف وسطوره​

(زوره)=عصا​

 

[بو جسيمـ]

يا مرحبـــآ , جمعه مباركه ومساء ٍ سعيد ..

رجعت وقلت :


مــــــــا ثمـّـنك غــير الــذي يــعرفك زود

ومن يجـهل العربان ما شرّف حـــضوره

لج يالمهــا والله أنا وشــــعري شــــــهود

انج علــى الطولات نـــجم ٍ بــزغ نـــوره

يا بنت خلـّـــج دوم ما فـرّق حــــــــــقود

بينج وبيــن الــــشعر لـــو زوّد بـــجوره

أشهد علـــيج انـــج مـــن الـــناس مفرود

وأشهد عليج انج تـــــرا بنت مــــستوره

بنت الرجال اللي لـــــهم نايف الــــجود

محروزة ٍ جــعلج من الشين مــــاجوره

ما عاد يرجع مــــاضي أيــام لـــــجدود

يــا كيف يرجع والزمن كثـّـف شروره ؟؟

والـــوقت لو روح ترا مـــحال بيعـــــــود

تمضي السنين ركوض لاهي بمشكوره

الشعر يــجري في عـــروقي ولـــكبود

وهاض الــــفكر لا هاجسي دقـّـبه زوره

مثلي لمثل الـــــــشعر بالــــفوز معقود

شاعر وأصيد الماس من جملة بحوره

ميحت ف دروبــــــــه وأنا فيه ماحود

أمشيه في جنح الليالـــي وديــجـــوره

والهاجس الشعري ليآ صابه بــــرود

وش كان محصوده سوا أبيات منثوره ؟؟

الشعــــــر يعنيلـــي وقلبي له يـــــرود

ورجلي فأرض الشعر من يومها سبوره

وانتي بمثل الـــحال يا بنت مــــشدود

أزرج بأرض الشعر مــــا لافه قــــصوره

ربي يديمج ذخــــر ســـدّاد وســــنود

تبقين ف الــــبستان من أجود زهوره

 

[»̶»̶̥ м̽ɐ̲łќ 3̨̐τ̅н̲]

ما اعرف اشعرررررررررر

 

[المـــــهآ]

يسعد يومك يارب ومباركه عليك وعلينا

وجعله يوم طيب بكل لحظاته:-


سلامي على شاعرٍ سلامٍ عود
ينكتب بالشعر وقيفانه مسطوره


يزخرف إحترامي والود به ممدود
تسلم يمين من اثبت حضوره


شاعرٍ من طييب اصل وجدود
تمكن بالشعر وتمكنبه شعوره


مخاويٍ ونعم المخاوي المفنود
وبه شعري تسامى وأبرق بنوره


حشم أطباع هاديٍ نايفٍ مولود
بشوفته ماتخاف الزمن وشروره


ليت يالخوي نتمنابها ومحال تعود
والوقت من عمرنا ياخذ أموره



صافيين ووافيين مهما وقتنا شدود
والماضي ذكراه في قلوبنا محفوره


جعل الفكر دايم الدوم مورود
وجعل الشعر حاضر لنا ببحوره


وافي وكامل وقصير وبالطويل يزود
نصول ونجول بأفكاره واجمل عطوره


الشعر لنا إحساس يدن برعود
نلدله وقت الضيق والعشق وزهوره


إلهام شاعر وحس فارسٍ نمرود
يسدل أفكار ويبني اروع قصوره


وأنا مثلك ميحت للشعر ماحود
عودت نفسي على دربه وخطوره


افخر بمجارة مثلك فخر مشهود
والله يديمك للقصيد بفرحةٍ مغموره


أشهد اني محظوظةٍ بك موجود
وأشهد أنك للشعر قافيه مشهوره​

 

[بو جسيمـ]

مرحبــآ ملايين , صباحكم ريحان ونفل وخزامـآ ..

السموحه بطيت فـ ردي بسبب بعض الظروف ..

وهـآ أنــا ييت وييت أختمهــآ وختامهـآ مسك ان شاء الله :


معلوم من طبــــع الـــغزال انـــه شـــرود

وأكل الطلي مذبوح والـــنوق مـــــنحوره

وانا بطبعي هايـــــم الــــشعر وقـــــصود

آحب ّ ذكـــره وانحنــــي اجـــلال لبحوره

تشـــــريف يـا بنت العرب والشرف عود

اني أجاري شاعــــرة جـــــيل مـــوقوره

ذيبه وبنت ذيـــــــاب عـــون ٍ ومــــسنود

وانا مخ ـــاوي كل ذيب ٍ مــع شــــبوره

ما قـــاصرج هجس ٍ ولا قـــاصرج جود

كلج ع بعضج أبيض الـــويه وســروره

مـــعقود لـــج قــدر ومــعزّه ومشــــــهود

ووكـــاد شعرج بالـفخر فاضت صدوره

صــح الله لــسانـــج علــى كـــل ّ مردود

وتسلم يمين الـــخط ّ لــي جتني سطوره

والله لولا الـــظرف والـــوقت مــــعدود

لاجيب غيم القاف واصب ّ ممطـــــوره

ما ودي أقفـــي وانهـــي الـــسير واحود

ولا أوخـّـر فـ التجــآري وميســــــــوره

بعض الظروف أقدار والبعض مقصود

وكلن يحاول فــك ّ ظــــرفه ومـــعثوره

وانا ظروفي الـــنت ّ والـــحال مـــيهود

من حالتي وش حيلتي غير لـــعذوره ؟؟

هذي هي ابياتي لـــفت أمس فـ ســهود

غنـّيـتهــا فـــي تـــالي الليل ومــــروره

ربــــي يجمـّـع شملنـــآ بيوم مــــوعود

فيه الـــــشعر تظفر قـــوافيه وشطوره

والـــحين بتودّع عسى العود محمود

ربي يجمـّـل نلتقي بغيرهــــــآ دوره


وفـ داعة الله ,,​

 

[المنصوووري]

تسلم مخاوووووووووووي

 

[المنصوووري]

محد يعرف يشعر غير مخاووووي

 

[المـــــهآ]

هلا أخوي مخاوي والسمووحه ع التأخير​

وعسى نشوفك دوم وتسيير علينا ​

وهذا ردي الأخير وعسى ما اكون مقصره​

بطبايع الأسد عن الجيفه صدود​

والفهد نفسه عزيزه وحيل مغروره​

يصيد من الغزلان اللي هدود​

ويعز نفسه عن المره المذعوره​

لوجايع يمشي ولايتعدى حدود​

يظل بجوعه ويحرم بأنيابه خطوره​

وانت مخاوي ونعم مخاوا الفهود​

ونتشرف بك والنفس تزيد مفخوره​

الشعر بحضورك يعلن طوعه ويذود​

وانت له صدر وفكرك جامح يدوره​

انا والشعـر وخلـق الله شـهود​

نعلن ان الفخر بك هامه معطوره​

لاهان حضورٍ بك يعـز ويـجود​

ولاهان شخصك وقدرك وظـهوره​

مسموح يالخوي والظروف تجبر كود​

ربي يسهّل خطاويك ويبعد شروره​

تعلمت منك ان الشعر مجهود​

وجهده للي يحس بحلاوة شعوره​

قيفان وحروف بسطور وهمس لبنود​

بحور ودانات وربان والسفينه سطوره​

معذور لوكان العذر ماهو بموجود​

وخذ من الوقت لو تاخذه بشهوره​

تسلم على الأبيات ويسلم السهود​

وصح لسان من غـني بديجـوره​

أردد وأقول آمـين بعدّ ومعدود​

ننسج مـن الشعـر شعـاع نـوره​

فـ حفظ إله الكون الرب المعبود​

وربي يجعل لقانا بـخيـر وسـروره​

 

[المـــــهآ]

السمووحه تكررت القصيده

بسبة النت

والحين عدلتها​

 

[بو جسيمـ]

سلم راسك يالمنصوري .. !

خويه كل الشعـار ما عليهم زود .. ولا هنت يالغالي

مشكوره على خطوفك الراهي .. نتريــآآ مشاركتك ^^

********************

المهــآ : صح الله لسانج ومنج السموحه ومن الجميع على القصور ..

ربي حافظج وربي يجمعنـآ فـ لقاء ثاني ..

وربي يبقيج شاعره مبدعه يالوافيه .. فـ داعة الله​