(ش ع ج د)

[Mr.Engineer]

في مصفح الصناعية​

وتحديدا جنب الميزان الوطني​

واحد هندي مخترع​

عنده براءة اختراع على سندويشة اسمها​

شيبس عمان جبن دقوس​

أو​

(ش ع ج د)​

سرت من باب الفضول للمشاهير​

طلعت درج مصدي​

لفة يمين​

لفة يسار​

المهم وصلت​

هو مب دكان​

بس عبارة عن غرفة آيلة للسقوط​

فيها عمو الهندي​

متبسم​

ويااااااااااازين الابتسامة​

المهم طلبت منه السندويش الشهير​

والريال ما قصر​

وابتدا المشوار​

المقادير:​

شيبس عمان بو نص روبية​

أو (حسب الرغبة) شيبس مستر كريسبي (ترتيلة الذرة) بعد نص روبية​

​

وهاي الكرتونة العجيبة​

​

جبن مال بو ربيتين (لبنيتا)

متوفر فقط في كراجات مصفح الصناعية​

​

خبز إنتاج مصفح

مخبز الخيام

بو ربيتين​

​

دقوس البوارجي الرخيص​

مال مصفح وبني ياس وضواحيها

​

الطريقة​

طلع لسانك شوي وقطع الصمونة فوق جريدة هندية​

حط الجبن وتبسم للحياة​

​

لازم صبوعك يكون فيه جرح المحبة وخاتم بو حجر كريم​

المهم عمم الجبن على جميع الأهداف الصمونية​

​

خلي الناس تشوف النظافة ولا تخاف الا من ربك والبلدية (قسم الصحة)​

​

حاول تتقن عملية تعميم الجبن​

​

افتح شيبس عمان (وتحيا بها الحياة)​

​

هز راسك بسرعة عشان تركز​

​

بعد ما تكسر الشيبس قطع صغيرة وتحطه على الجبن​

افتح دقوس البوارجي​

​

ركز في العمليات​

​

قد يكون شيبس الترتيلا بديلا عن شيبس عمان​

​

بس التكسير لازم وذلك بعصر الكيس قبل وضعه على الصمونة​

​

منظر طبيعي للخلطة المصفحية​

​

طريقة التقديم​

لا يتم تقديم ش ع ج د إلا بوضع الصمونة في الكيس الذي تم استخراج الشيبس منه​

​

تقديم ملكي يصلح لقصر الإمارات (قاعة الجوهرة)​

​

وهنا وعااااااااااافية

جدول الأسعار​

درهمين (نظرا لموجة الغلاء في الدولة)​

وصحتين​

​

 

[جروحــ دفينه ــي]

يا عيني على الأكله الخطيره ،،،

بس خساره ما ظهرن الصور عندي >>


​

 

[احساس قلبي]

اممممممممم وصفة ولا اروووع
وين هذا مكانه ؟؟؟؟؟؟؟؟؟؟

ومن الوصف يصلح حق قصر الامارات خخخخخخخ
بس الصور ما ظهرن وياي

 

[Mr.Engineer]

افااااااااااااااا ><

ولا يهمكم بعيد رفع الصور

 

[ماروكو]

ههههههههههه

شو .. هالوصفه .. الخطيره ..

صراحه .. ما .. نقدر .. عليها ..

وطريقة .. التقديم .. كشخه ..

بث ..الصور .. ما .. ظهرن ..

يثلمووو .. راعي .. إسكاليد ..

​

 

[Mr.Engineer]

سمحولي عــ الصور حملتهن مرتين يوم احطهن في المنتدى ماظهرن ><

 

[منوة الروح]

هههههههههه مب مهم الوصفه
بنصورها وبنزل الصور


بس ماحب الدقووس><





مشكور شيف ^_^
نتريا اكله ثانيه

 

[بنوتة dxb]

ياي لذيذه يوعانههههه.... ابا اكل atch_cuisin:

 

[ᗩl - ᗰaha]

يــا ربــي شــو هالأكلــهـ رووعهـ >> والأسمـ خطيــر

/

/

تسلمـ راعــي إسكاليــد ​

 

[Mr.Engineer]

الله يسلمكم ><

واعتذر بشأن الصور ><