قررنا إلغاء خدمة البلديه.

[مهمه رسميه]

اقتباس:
المشاركة الأصلية كتبت بواسطة سيدة أعمال
هذي ثقافة مجتمع ما نقدر نغيرها بين يوم وليلة

الحل توزيع حاويات وأكياس القمامة أبو ربطة (مع رمز يميز منزل عن الثاني)

بسعر رمزي لكل منزل في المناطق إللي منتشره فيها هالظاهرة

والبيت إللي يستخدم الأكياس أكثر ويحطها في الزبالة راح تبين الرموز عند البلدية

صاحب الرمز الفلاني من البيت الفلاني محافظ على نظافة المنطقة

وتصدرله وصولات على عدد الأكياس المستخدمة

تحول إلى مبالغ أو سندات يقدر يستفيد منها المواطن

وتكون كتشجيع على عدم رمي المهملات على الأرض

يعني المواطن يدفع بشكل رمزي في البداية قيمة الحاوية عليها الرمز

والأكياس عليها نفس الرمز لكل بيت حاوية مغطاه توضع بسلسلة مثبته خلف

كل منزل

يعني مثل عداد الماي أو الكهرباء

بهذي الطريقة إكتشاف المسببن للظاهرة راح يكون سهل
وبالتالي تصدر الغرامات على هذا الأساس

أتمنى تبني هالإقتراح من البلدية إذا عندهم وقت يعني

:imua52:



أشكرج أختي سيدة أعمال على مداخلتج في الموضوع
أقتراحج حلوا بس صعب شوي... مستحيل البلديه تقدر توفر حاويه على كل بيت
ونحن نقول إنه عندنا نقص في الكوادر والمعدات ..
إذا عندج أقتراح أو أي فكره ممكن تضيفيها بالموضوع ..بإنتظرج أختي الكريمه
مشكوره أختي ع المرور ويعطيج العافيه

 

[مهمه رسميه]

اقتباس:
المشاركة الأصلية كتبت بواسطة غازي
:imua52: عندى اقتراح

تراقببوا زباله وحده (الله يعزكم ) او تسلط كاميرا عليها لمدة 24 ساعة

وسوف تعرفون من هو المسؤل الحقيقي لهذه الظاهره

ومن هو وراء هذه الظاهره



فيه مراقبه مستمره أخوي من موظفي البلديه بسيارتهم الخاصه ..إقتراح الكاميرا جيد كدليل ... سيتم إن شالله
يعطيك العافيه

 

[مهمه رسميه]

اقتباس:
المشاركة الأصلية كتبت بواسطة قانوني ممارس
أشكرك يا مراسلة بلدية البريمي على ها الصور وعلى هالطرح الي توضحين فيها أن هذا التصرف غير حضاري ونحن أنشاركك فيه قد يكون بعض الناس يرمون الأوصاخ بهذا الشكل في الشوارع ولكنني أنا أخالفك في أنهم هم من يقومو برمي المخلفات من درام الزبالة ، وحبيت أوضح شي مهم يمكن أنتي ما أطلعتي عليه وهو أن من يقوم برمي المخلفات خارج درامات الزبالة هم أشخاص أسيويين من ثلاث جنسيات (بنجلاديش - وباكستان - والهند) وبشكل يومي وأما ناظر كل المواطنين أثناء جمعهم لمخلفات الزبالة ، بل أنه بعض العمالة أصبحت تستخدم جمع المخلفات من درامات الزبالة مهنة .


أخوي أوافقك الرأي ولكن مب كل المخالفين هم من عماله الوافده
لأنه فيه مناطق تم زيارتها مخالفه وجميع قاطني المنطقه هم عمانيون وليس آسيويون وبعضهم أعترفوا بنفسهم ...

 

[سيدة أعمال]

مب صعبة

الحل بطرح مناقصة من أي شركة توفر العدد المناسب من

الحاويات بمواصفات تحدد من قبل البلدية

والباجي كتبته في ردي السابق

الحل إللي طرحته أشوفه واايد سهل بس يباله حد عنده قرار

 

[مهمه رسميه]

اقتباس:
المشاركة الأصلية كتبت بواسطة J.O.2
أنا أقول لو عرفنا المصادر جان بنعرف الخلل من وين بالضبط ، لازم يكون فيه تعاون بين الطرفين ، الطرفين مسؤولين ف القضية ، لأن الناس حاليا تطور في محافظتها عالبيئة ، على سبيل المثال :
- أغلب المخلفات اللي يرميها المجتمع تكون منوعة ، يعني واحد يقص شير البيت ولا يكسر طابوق وغيره ، بيخليه عند الزبايل - أعزكم الله - وعاد الورق بييبس وبيطير لين ما البلدية تمر وتشله ، والمنظر طبعا مب حلو ، يعني أقترح لو يكون فيه جدول شرات عندنا ف العين ، بحيث إن هالنوع من المخلفات ترمى فاليوم الفلاني (الإثنين مثلا) وتمر سيارات متخصصة يوم الإثنين.
أقتراحك جميل سيتم مناقشته ولكن ياترى هل الأهالي ممكن تتقبل هالفكره ؟؟؟ المشكله مجتمعناً للأسف غير متعاون إلا فئه قليله...
- العمالة الآسيوية بعد لهم خص ، مره شفت بشكاره تفر كيسة البيت ف الزبالة ، وبعد شوي مر آسيوي ، شو سوى ؟؟ شرخ الكيس عشان يدور اللي يريده ، يعني الريحه والذباب غصبن عنه بيي.
هذا فيه.. وبعد بعض البشكارات بروحهن يعقن الزباله في الأرض وشفنا من هالنوع وايد ولا بعد نازله موضة العربانه يشلون الزباله في العربانه يعني حتى بدون ما يحطنها في أكياس وعلى طول تنعق في الأرض ..
- نوع القمامة ، يمكن النوع الحالي اللي سوته البلدية - يزاهم الله خير- حلو وأحسن عن النوع المربعي ، ولو كان بغطاء بعد بيكون أحسن عشان يمنع الحشرات وغيره .
ممكن ليش لاا
- أيام الأعياد والمناسبات وتكثر فيه روائح الذبايح برع الزبايل هذا يطلب جهود كبيره من الطرفين ، لازم التخلص منه يكون أكثر.

- المواطن له دور كبير وايد بعد ، التوعية والثقافة مطلوبة ، ومتأكد لو خلوا جدام بيت كل واحد زبالة خاصة ، بعدنا بنشوف هالظاهرة ، لكن مع الوقت وبالرقابة والمخالفات شوي يمكن بيكون فيه شوي توعية إيجابية.

هالإقتراح صعب شوي مثل ما قلت للأخت سيدة أعمال نحن عندنا نقص في اكوادر والمعدات..
ومستقبلا : زبايل الفصل (المخصصة لكل نوع) + تطوير مردم البلدية (عشان يمنع تطاير المخلفات للمناطق السكنية) + الإستفادة من تجارب المناطق المجاورة بيسهم كله في خلق جو صحي ونظيف إن شاء الله.

هذا اللي عندي حاليا.

والموضوع ممتاز وايد وحلو , أشكرج أختيه على طرحه.

أشكرك أخوي على تفاعلك بالموضوع وإقتراحتك المميزه ..يعطيك العافيه أخوي ما قصرت

 

[مهمه رسميه]

اقتباس:
المشاركة الأصلية كتبت بواسطة J.O.2
عيبني ردك أخوي ..
نقدر نغير الوضع بتكاتف جهود اليميع
يعني من رايي لو التوعية تصير على مجال أكبر ، مب البلدية بس هي المسؤولة عن التوعية ، يعني التربية والتعليم + التنمية الإجتماعية + جمعية المرآة العمانية + نادي النهضة + وجهات أخرى ، لو يسوون أسبوع واحد عالأقل توعية مكثفة ورقابة شوي مستمرة راح تشوف بيصير فرق كبير.
المجتمع بكل شرايحه محتاي لتوعية (الشياب : خطب الجمعة ومحاضرات) + (الطلاب والطالبات ف المدارس والكليات والجامعات) + ( والحريم : فالبيت يمرن عليهم حريم متطوعات) + ( والبشاكير والخدم : يبلغون بلغتهم) + حتى القطاع الخاص لازم يشارك ويساهم بعد .
هذا رأيي



بالفعل مثل ماتفضلت أخوي يبالنا نسوي توعيه مكثفه كبيره بمشاركت بعض الجهات المعنيه
أقتراحك جميل سيتم رفعه..

 

[J.O.2]

أقتراحك جميل سيتم مناقشته ولكن ياترى هل الأهالي ممكن تتقبل هالفكره ؟؟؟ المشكله مجتمعناً للأسف غير متعاون إلا فئه قليله...

نتأمل خير أختيه ، عندنا فالعين هالفكرة مطبقة من سنوات كثيرة ، فالبداية بيحصلون صعوبة شوي ، وبإمكان وضع استيكرات على أبواب البيوت ( توعية + توضيح نوع المخلفات اللي ترمى فأيام الأسبوع).

هذا فيه.. وبعد بعض البشكارات بروحهن يعقن الزباله في الأرض وشفنا من هالنوع وايد ولا بعد نازله موضة العربانه يشلون الزباله في العربانه يعني حتى بدون ما يحطنها في أكياس وعلى طول تنعق في الأرض ..

هاي أختي تبدأ مب من البشكارة بروحها ، الأم لو نبهتها بأنها تخلي الزبالة فكيس وعقب فالعربانة.

هالإقتراح صعب شوي مثل ما قلت للأخت سيدة أعمال نحن عندنا نقص في اكوادر والمعدات..

إلتزامات وظروف البلدية نعذرهم عليها ، والمجتمع من وجهة نظري يمثل 80% من هالظاهرة ، يعني مب شرط الكوادر والمعدات يكون بالعدد الكبير ، يمكن بس لو يغير المجتمع طريقته فرمي المخلفات جان الأمور بتستوي طيبه .

 

[مهمه رسميه]

اقتباس:
المشاركة الأصلية كتبت بواسطة J.O.2
نتأمل خير أختيه ، عندنا فالعين هالفكرة مطبقة من سنوات كثيرة ، فالبداية بيحصلون صعوبة شوي ، وبإمكان وضع استيكرات على أبواب البيوت ( توعية + توضيح نوع المخلفات اللي ترمى فأيام الأسبوع).


هاي أختي تبدأ مب من البشكارة بروحها ، الأم لو نبهتها بأنها تخلي الزبالة فكيس وعقب فالعربانة.


إلتزامات وظروف البلدية نعذرهم عليها ، والمجتمع من وجهة نظري يمثل 80% من هالظاهرة ، يعني مب شرط الكوادر والمعدات يكون بالعدد الكبير ، يمكن بس لو يغير المجتمع طريقته فرمي المخلفات جان الأمور بتستوي طيبه .



أشكرك اخوي على إقتراحتك المميزه
ويعطيك الف عافيه

 

[مهمه رسميه]

اقتباس:
المشاركة الأصلية كتبت بواسطة سيدة أعمال
مب صعبة

الحل بطرح مناقصة من أي شركة توفر العدد المناسب من

الحاويات بمواصفات تحدد من قبل البلدية

والباجي كتبته في ردي السابق

الحل إللي طرحته أشوفه واايد سهل بس يباله حد عنده قرار



إن شالله أختي إقتراحج سيتم رفعه
يعطيج العافيه على إهتمامج الكبير بالموضوع

 

[مهمه رسميه]

إلي منتديات محافظة البريمي الموقره

اتمني من الجميع المشاركه ووضع أي إقتراح أو فكره وللعلى وعسى
أن يجدي بالنفع للجميع

فأرائكم تهمنا ومشاركاتكم تسعدنا

 

[مستشار]

يلله شدوا الهمه يا جماعة الخير وكلنا للبريمي ... مشكوره ياقلبي مملكه بس ليش ما تعلقين على اقتراحتي انا ولا يعني ما نستاهل هع .. بالتوفيج

 

[DarkFireSlash]

زين محتاجة البلدية بحوث تخص المشكلة مع الادلة لتسهل تطبيق حل البحث

تجميع المقترحات هو جزء من اي بحث يصير تقريبا مثل الاستفتاء


الجزء الثاني من المقترحات تاخذونها بزيارة مدنية للمساكن لو تسوون دائرة خاصة للتخطيط والتطوير وتكون فرع من البلدية تكون هي الي تعمل دراسات لحل المشاكل المستعصية

محتاجين في هالفريق خبير اجتماعي وغذائي واستهلاكي ومتخصص بالكيمياء
وباحثين ومفكرين يكونون متفرغين تفرغ مطلق فقط للمشكلة وحلها

 

[مهمه رسميه]

اقتباس:
المشاركة الأصلية كتبت بواسطة مستشار
يلله شدوا الهمه يا جماعة الخير وكلنا للبريمي ... مشكوره ياقلبي مملكه بس ليش ما تعلقين على اقتراحتي انا ولا يعني ما نستاهل هع .. بالتوفيج


أسفه أخوي مستشار
وأقتراحك بعد جميل ياالله إذا بيشاركونا
مشكور ويعطيك العافيه

 

[مهمه رسميه]

اقتباس:
المشاركة الأصلية كتبت بواسطة DarkFireSlash
زين محتاجة البلدية بحوث تخص المشكلة مع الادلة لتسهل تطبيق حل البحث

تجميع المقترحات هو جزء من اي بحث يصير تقريبا مثل الاستفتاء


الجزء الثاني من المقترحات تاخذونها بزيارة مدنية للمساكن لو تسوون دائرة خاصة للتخطيط والتطوير وتكون فرع من البلدية تكون هي الي تعمل دراسات لحل المشاكل المستعصية

محتاجين في هالفريق خبير اجتماعي وغذائي واستهلاكي ومتخصص بالكيمياء
وباحثين ومفكرين يكونون متفرغين تفرغ مطلق فقط للمشكلة وحلها



إقتراح منطقي ممكن ليش لاا؟؟ سيتم رفعه
مشكور أخوي ويعطيك العافيه

 

[قانوني ممارس]

في يوم الإربعاء الساعة 6.5مساء وأنا طالع من البيت شفت واحد من هالعمال وهو يقوم بتفتيش درامات الزبالة وحبيت أثبت لكم أن مب السكان الي يرمو الزبالة من الدرمات فقمت بتصوير هالعامل وأنا رايح شفت واحد ثاني وصورته وواحد ثالث ورابع وخامس وسادس وسابع وثامن وصورتهم وصدقوني يا جماعة الخير ما كنت متوقع أني أشوف هالعدد في وقت واحد ,أخرتها وقفت عن التصوير لأن عددهم كبير وهم مب مهتمين أصلا بتصويري لهم والصور بتوضحلكم :


يفتشو الدرامات وبتلاحضو ما شيء وسخ لأن الدرامات كانت بعدها ما متروسة

 

[قانوني ممارس]

تكملة ..


شوفو كيف محمل سيكله من المخلفات حتى ما قادر يسوق السيكل بشكل متواصل

وهذا الحبيب في الليل يفتش الدرامات


وهنيه أستراحت المحارب بعد ما نظفوا الدرمات من الوسخ




وهذا هو مكان تجميع المهملات في هالبيت القديم







التصوير هذا كان يوم الإربعاء من الساعة 6.5وحتى 7.5مساء يعني ساعة وحدة , وأنتوا تقدرو بنفسكم تمرو حارة الشبول أو أي حارة في البريمي العصر وتشوفوهم وهم يفتشوا الدرامات .

 

[J.O.2]

وياك حق اخوي ممارس قانوني ، ما اريد اطلع عن الموضوع لكن شو وظايف هالأسيويين؟؟ حسب علمي فيه جهة مسؤولة عن العمالة الآسيوية!!
اما من ناحية السغلة اللي يسووها ، فأنا شفت اكثر من مره يتمون يقطعون كياس الزبايل المسكره ويفرون المخلفات برع الزباله.
البلدية حسب علمي ما يخصها هالوضع ، يباله تكاتف عدة جهات (شرطة وشؤون العمال والبلدية) .

الصور تبين الوضع، تسلم اخوي

 

[قانوني ممارس]

نحن ما عندنا مشكلة مع العمال وما نريد نقطع عيشهم ، لأن الي جابهم سرحهم وخلاهم بدون شغل ويأخذ عليهم فلوس ،وترى المشكلة مثل ما قلت ما تنحصر على جهه حكومية واحدة بس لو أنهم كانو يريدون حل لها فالحل موجود ،بما أنا بعض مواظفين البلدية يحملون صفة الضبطية القضائية يستطيعون يضبطوا هل العمال في أي وقت وهم يقومون بتفتيش الدرامات والقوى العاملة تقوم بمسالة كفلأهم ويتحملوا الغرامة على عدم توفير عمل لهالعمال .

 

[DarkFireSlash]

كل الدرامات في البريمي فيها هالمشكلة

يلقطون قواطني ويجمعون كراتين

اظني يجمعون كمية يبيعونها للمصانع

 

[قانوني ممارس]

تصدقون أن المهملات صارت الحين نشوفها الصبح أمام بيوتنا , والسبة منهم هالعمال