يا بنت ترى نظرتج قتاله

[شاعر الخير]

السلام عليكم حبايبي

انا حبيت ما اشارك ف هالمنتدى بكتاباتي الشعريه الا لما اكون متمكن ف الشعر والاوزان لانه بصراحة وبدون مجامله هالمنتدى افضل منتدى شفته يساند كتاب الشعر وايضا ساندوني وبعد ما شفت نقد اخواني في قصيدة اختي الجو ارعد والقفص دون عصفور حبيت اشارك بقصيدتي عشان اشوف النقد وانا متاكد اذا شفت النقد راح اغيب فيها لكن بس ع شان اتعلم منكم يالشعراء وهذي قصيدتي

...................

النظره القتاله

​

[FONT=&quot]يا بنت ترى نظرتج جابت احوال[/FONT]​

[FONT=&quot]عيونج ترسل لي بالمحبه شعاعه

[/FONT]​

[FONT=&quot]وشفاتج تورد العالم وكل بال[/FONT]​

[FONT=&quot]وجمالج تورد الناس والله جماعه

[/FONT]​

[FONT=&quot]وانا من شفتج مات بي الحال[/FONT]​

[FONT=&quot]ولو شافج ماجد المهندس ساعه

[/FONT]​

[FONT=&quot]جمع الطرب حوله وغناج موال[/FONT]​

[FONT=&quot]وانا من اشوفها ازيد في طماعه[/FONT]​

[FONT=&quot]
استغفر الله ترى الغزل بها طال[/FONT]​

[FONT=&quot]لكن وش اسوي انا يا جماعه[/FONT]​

[FONT=&quot]
بالله انت ما تغزل لو شفت غزال[/FONT]​

[FONT=&quot]لكن قبل تغزل افتح باب الشجاعه[/FONT]​

[FONT=&quot]
لان الناس في هالزمن قيل وقال[/FONT]​

[FONT=&quot]الشاعر غزل في فلانه وزاد مجاعه[/FONT]​

[FONT=&quot]
دعهم يقولوا وخل قوتك قوه جبال[/FONT]​

[FONT=&quot]فالصدى لا يحرك بما كان في القاعه[/FONT]​

[FONT=&quot]
تراني بيدي اليمنى اخرج رجال[/FONT]​

[FONT=&quot]ماهو بفخر هذا من ابي قناعه[/FONT]​

[FONT=&quot]
وبكتفي اليسرى اشيل قطعة الشال[/FONT]​

[FONT=&quot]نحو المرجله والردي مسهل وداعه[/FONT]​

[FONT=&quot]
والناس ان شافوا فيك حبة الخال[/FONT]​

[FONT=&quot]الفوا لك قصه وفوقها الف اشاعه[/FONT]​

[FONT=&quot]
والحكيم شمبيه اخترع دواء الجمال[/FONT]​

[FONT=&quot]جمال البراطم بالنعال باحلى متاعه[/FONT]​

[FONT=&quot]
وهكذا بعض البشر ما تجيبه الا نعال[/FONT]​

[FONT=&quot]والبعض ودك تزوعه قبل حالة زواعه[/FONT]​

[FONT=&quot]
وانا خاويت البشر والمصلحه قالوا المال[/FONT]​

[FONT=&quot]حشى مالي بمصلحه وفضلت القطاعه[/FONT]​

[FONT=&quot]
اقاطع لاني ماني من اللي اخاوي انذال[/FONT]​

[FONT=&quot]واذا اخواي احد هذي في الله طاعه[/FONT]​

[FONT=&quot]
والخوي اللي يشريك لا تسكنه في الرمال[/FONT]​

[FONT=&quot]واللي يبيعك بيعه واتركه مع اوجاعه[/FONT]​

[FONT=&quot]
لا تفكر تناظره وخل خشمك مطال[/FONT]​

[FONT=&quot] لان الخبث لو احتوى بالجسد ماله مناعه[/FONT]​

[FONT=&quot]
المعذره كنت اغزل وضاق بي الحال[/FONT]​

[FONT=&quot]لان الناس حتى في قلبي الفوا اشاعه [/FONT]​

[FONT=&quot]وانا مسافر وماني براجع لو قالوا لي تعال[/FONT]​

[FONT=&quot]بلا سفينه بسافر والعمر رافع شراعه[/FONT]​

[FONT=&quot]
ويابنت بسج ترى نتظرتج جابت احوال[/FONT]​

[FONT=&quot]والمعذره وصلوا عن النبي جماعه [/FONT]​

[FONT=&quot]
وسوالم
[/FONT]​

 

[ميثه]

صح لساانك اخوي

 

[العا(هدوء)صفه]

اللهم صلي وسلم على سيدنا ونبينا وحبيبنا محمد(ص)
صح لسانك اخوي شاعر الخير
واحيي فيك هالروح الطيبه اللي تتقبل النقد
وصدقني هذي احسن طريقه لوصولك الى القمة
قصيدتك ما عليها كلام
جمعت فيها اكثر من موضوع بوصف الحبيب ثم بمدح نفسك والتنقل الجميل بين حكمة الى حكمة اخرى
ودمج بعض الكلمات بالعربية الفصحى مع الابيات ولكن كان بصورة جمالية
وما بطول عليك ولا بنتقد وانتظر منك اليديد
فلة - شمعه - منورة

 

[شناصيه عسوله]

صح لسااانك الشاعر

وتقبل مروري

 

[بو جسيمـ]

صح الله لسانك يا خوي .. مشكور على الطرح الراقي

بس الوزن شوي فيهـ خلل .. واتمناك ما تقارن بين نقد قصايدك بقصايد الاعضاء الثانيين

لان يا خوي النقد يكون متدرج .. انت عندك الوزن وهذا شي اساسي فـ الشعر

عقب ما تتخطى مرحلة الوزن بناخذ القصيده وين منطاق ضعفها وقوتها وبنناقشها

ما يستوي نناقش قصيده غير موزونه يعني ما حققت شروط القصيده النبطيه العامهـ

ومنك السموحهـ .. ربي حافظك ونتريا الزود من صوبك

 

[يوسف الكعبي]

صح الله لسانك أخوي على الابيات الطيبه


عندك الوزن المشكله الاساسية عزيزي حاول تمرن نفسك والله مابتاخذ يومين لو معك نية حقيقية للتعلم , وبعدها لكل حادث حديث .



أشكرك على فتح ذراعك للنقد وهذا دليل على رغبتك في تطوير نفسك




ربي يوفجك وتقبل مروري

 

[فيصل محمد البادي]

يابنت لج نظرات جابت لي احوال
ولعيون ترسل بالمحبه شعاعه

وان كان لج رغبه على شد لحبال
آآنا وقلبي فدوتن لج رباعه



اخي شاعر الخير

انت عندك الحس الشعري

بس ينقصك كيف توزن

بخبرك طريقه ومشى عليها

شوف هالبيتين اللي انا كاتبنهن

وحاول تلحنهن على لحن واحد وتحسه ماشي معك

وابدى تكتب القصيده على نفس اللحن

وفالآخر بتحصل نفسك كاتب قصيده موزونه


وأهم شي تقبل النقد وتأكد انه محد ستوى شاعر كبير فيوم وليله

وانت عندك الإصرار والموهبه

وكون نفسك صح

وبإذن الله لك مستقبل باهر

وان حتجت شي نحن فالخدمه


وصح لسانك

اخوك فيصل

 

[[ود]]

عليه أفضل الصلاة و السلام

كلمات عانقت السحاب
بانتظار الجديد المميز

احترامي

 

[شاعر الخير]

حبايبي والله أشكركم من كل أعماق قلبي
شكرا لكم
وجزيتم ألف خير على هالتشجيع منكم
لن إنساكم شكرا وشكرا وشكرا

 

[ســــحـــايـــب شــــوق]

كل الشكر اخوي ع الابيات الجميله

وبانتظار الجديد

تقبل مروري​

 

[الساعدي]

الحمد لله أن تحقف ما نصبوا إلية من الأعضاء وهذا الشاعر المبتدئ لدليل على أن ما قمنا به من محاولة أثارة مدرسة النقد قد بدأت تأخذ مجراها في المتابعين وتؤتي نتائجها .
ونصيحة للمنتدى والقائمين علية أن أحببتم أن تقوموا بعمل متقن ومتفرد فعليكم بالنقد المحفوف بالأحترام المتبادل .وفهم العقلاء لأهداف النقد قبل أن يؤخذ النقد على أساس أنه توجية لشخص في ذاته لهو من أحد الأسباب التي سوف تثبت للمنتدى مكانته بين المنتديات .

بالنسبة للقصيدة :

لعلك تلاحظ أنك قد حققت القافية في شعرك وبهذا نستطيع القول أن شعرك مقفى ويبقى الوزن وعليك بالتلحين كمبتدئ ولكن التلحين ليس بدقيق إلا عند فطاحلة الشعر . فالأسلم أتباع الوزن العروضي للأبيات فلا مجال هناك للخلل بأذن الله ولو تركز على بحر المسحوب في بداية كتابتك الشعرية لتسهلت عليك الأمور .

وهذا من أجمل أبياتك :

[FONT=&quot]وانا مسافر وماني براجع لو قالوا لي تعال[/FONT]

[FONT=&quot]بلا سفينه بسافر والعمر رافع شراعه[/FONT]

شكرا​

 

[شاعر الخير]

أشكرك أخي الساعدي ع هالكلام الطيب وجزاك الله خيرا وأتمنى تواجدك الدائم ف صفحاتي وشكرا لكم جميعا

 

[أبو سليمان]

بدايه طيبه منك..

بس احس كأنه القصيده ما مترابطه بشكل كبير.. ومثل ما قالو الشعراء.. الوزن يحتاج تضبيط..

وأنصحك مثل نصيحه قدمها لي أحد الاخوان وهي بكثرة قراءة القصائد.. اقرا واقرا واقرا في الشعر.. كثرة المفردات مهمه بعد..

بالتوفيق..

 

[غيمَة]

السلآم عليكم و رحمة الله و بركآته


اللهم صل و سلم على محمد و على آله و ضحبه أجمعين ..
أخوي ( شآعر الخير ) بدآية أحب أشيد لك بالتميز
من خلآل رغبتك في تطوير نفسك في مجآل الشعر ..
مآ شآء الله الأخوآن مآ قصروآ أسدلوآ عليك بالنصآيح ..
و إن شآء الله تلتزم بهآ و تكون من الشعرآء المجيدين بإذن الله ..
تمنيآتي لك بالتوفيق ، و وآصل كتآبآتك ، و للأمآم دوم إن شآء الله ..



إحترآمي لك ،،​

 

[ساعديه طر]

تسسلم اخوي ع القصيده ..

ابدعت الصراحـه ^.^

وكل كلمه احلى عن الثانيه ..

ونتريا جدييدك يا شاعرنا ::s13::

 

[ريح الحزن]

تسلم أخوي ع الابيات وماعليك زود

ننتظر جديدك

احترامي وتقديري

​

 

[بادي وااافتخر]

صح لساانك شاعرنا

 

[شاعر الخير]

اشكركم ع المرور