وش هالدنيا !!

[شيخة القصيد]

أبسط كلماتي كتبتها ثواني
من الحاله اللي تهدم مباني
....
أبشتكيلك يا ربـــــــي من أقراب
ومن البكا دمعي على الخد سال
ماعــــــــاد في الدنيا أبـد أحبـاب
ولاعادت المحبه ف قلوب الرجال
ليتك ياربـــي تفتحلي أبــــــواب
الموت والجنه بأقرب وقـــت حال
وش هالدنيا انعدموا الاصـــــحاب
وش هالدنيا لاصارت الوحده ظلال
وش هالدنيا تنجرح بلا اســــباب
الله يبدل الناس من حال الى حال


تحياتي::
شيخة القصيد ..

 

[بنت المقابيل]

صح لسانج أختي بنت القصيد ,,,,,,,,,, بس الدنيا بعدها بخير الحمدلله

,,, لا هنتي ع الأبيات الجميلة تقبلي خطوفي

 

[شيخة القصيد]

صح بدنج الغاليه

لاحشى ما بعدها بخير ضاعت عاده


تسلمي ع مرورج

 

[يوسف الكعبي]

صح الله لسانج لو ان كلامج بعيد عن الصحه نظرتج للحياه سلبيه اختي واتمنى تشوفي الحياه بنظره ثانية الدنيا بخير وفيها الخير واهل الخير اكيد مرحله صعبه في حياتج وبتعدي دام بوحج الجميل وتقبلي مروري

 

[شيخة القصيد]

صح بدنك اخويه ..

يمكن نظرتي للحياة سلبيه مثل ما قلت

بس حاولت ارسم نظره ثانيه وماشي وسيله ..

لانها اساسا هي جي مابخير ولا الناس اللي فيها فيهم خير ..

تعطيهم كل اللي يريدوه ولا تنتظر شي منهم رغم هذا يجازوك بشي ما تتوقعه

تسلم ع مرورك اخويه ...

 

[العا(هدوء)صفه]

صح لسانج اختي
خلي شعارج دايم
(( لا حياة مع اليأس ولا يأس مع الحياة))
وانظري للدنيا بنظرة ثانيه ملؤها الحب والابتسامه
حاولي تفرضي وجودج مع كل اللي حواليج
حتى لو ما نجحتي من المرة الاولى حاولي وحاولي
لحد ما تنفتح ابواب الوصل
دمتي بعافيه

 

[شقاوة ودلع قطاوة]

صح لسانج

ما عليج زود

 

[صقر قريش]

ليش كل هالحزن والهم!!؟

المستقبل جدامج اختي واعتقد هب كل الي حواليج جي..
اتمني تتغير هالفكره وتنظري الي جدام.
صح لسانج ع القصيد الطيب وتقبلي مروري
المتواضع..

 

[شموخ وكلي طموح]

تســــــلم أناااملج اختي "شيخة القصيد "
وأقولج بأن الأحباب موجودين
لكن قلة قليييييلة
ونحن اللي لازم نسعى للبحث عنهم..
تقبلي مروري
"شموخ وكلي طموح"عضوة يديدة

 

[زهرة الجوري]

وش هالدنيا تنجرح بلا اســــباب
الله يبدل الناس من حال الى حال

يعطيج العافية اختي على الطرح الجمييل
* تقبلي مروري*

 

[[ود]]

صح لسانج يا الشاعرة
لكن بعدج عالهم ، كوني دايما متفائلة
و الله يسعد قلبج

 

[أملي بالله كبير يا بشر]

يسلموا

كلماتك روووعة

 

[نور القلوب]

عاشت شيخة القصيد والله محد يقدر عليج ما شاء الله
بس مثل ما قالوا غيري نظرتج للحياة ترا في ناس زينين بعدهم
لو أنه أنا لين الحين نفس حالتج بس ما أقول غير الله يكون بعووونا

أحترامي لج :a44699d967a94d285b8
​

 

[وحي القلم]

صح لسانك الشاعرة ,,, لكن اتمنى ان يتبدل لحن الحزن هذا إلى لحن فرح وبهجة ,,,, وارجوا ان لا تكون هذه النظرة السوداوية هي الحكم على كل الرجال ,,, تقبلي مروري​