السلام عليكم ورحمة الله وبركاته...|
مساءكم معطـر بذكر الله...~
روايتي تحمـل بين طياتهـا:خيالـي الوآســـع
لآآحــلل مرة آخرى أن آحد ينقــل رواياتي بغيــر آسمي....!
رواية:
ابغى تكون انت داري وانا داركـ واوعدك ما اخذلكـ
{بقـلمـي}
خذني لك خذني اقرب
خذني لاحلامك وفرحكـ
خذني لخوفك و جرحكـ
انا ابغا العيشه معكـ
خذني لدموعك .. لاسرارك .. لزعلك و لرضاكـ
ابغى تكون انت داري وانا داركـ
واوعدك ما اخذلكـ
انت بس جرب حبيبي .. وخذني لكـ
باقضي ايامي معكـ
بنسى نفسي .. واذكركـ
واتنفس من هواكـ
باتوسد طهر قلبكـ
واتفيا بظل حبكـ
واوعدك ما اخذلكـ
انت بس جرب حبيبي ..خذني لكـ
خذني للعطر بيدينكـ..
خذني للشعر بكلامكـ..
أرتوي من صآفي نبعي
خذني للنور بعيونكـ .. خذني ماقدر بدونكـ
وأوعدكـ ما اخــذلكـ
انت بس جرب حبيبي .. وخذني لكـ
.............
.........
في الغرفه الي تجمعهاهي واخواتها جالسه تطالع في غروب الشمس مع الشباك وهي مبتسمه شوي دخل اخوهاالكبير عليها
:همسوه؟!
همس ارتجفت:هلا؟
حمد:....يالله قدامي روحي سوي شاهي زملائي موجودين
.............
بالصاله بعد ماطلع حمد من عند همس دخل على اخواته جنى وغنى :ماشاء الله جالسين تتفرجون والحوش مثل ماهو؟!انا وش قلت لكم قبل لااطلع مو تنظفونه؟!هااااه
غنى وجنى ساكتات خايفات من اخوهم الي متحكم بالكل في هالبيت المتواضع
:يالله على السريع روحو نظفوه قبل لا يطلعون زملائي من عندي
اعرفكم على الشخصيات
حمد اكبر اخوانه مسيطر عليهم من بعد ماماتوا امهم وابوهم في حادث
عصبي لابعد الحدود وسيم طوله حلو عيونه واسعه واسمر بس مو مرا يشتغل مدرس ابتدائي عمره ٢٨متزوج بنت خالته ومعه بنت اسمها لجين عمرها اربع سنوات
زوجته :منار عسسسل ومتحمله حمد لانها تعشقه من وهي صغيره عمرها٢٥بيضاء جسمها مرتوي ملامحها صغيره
همس:عمرها ٢٤حبوبه وحنونه مره وصبوره تحب ولد خالتها اخو منار اسمه عبدالله
شعرها لتحت كتوفها عيونها نفس عيون حمد بس عدستها غير هي رمادي غامق وحمد عسلي فاتح
غنى وجنى توام متخرجات من الثانوي غنى نسبتها ٩٨وجنى٩٩
مره يتشابهون طولهم متوسط شعورهم بوي شقرا اجسامهم مرتويه ملامحهم تعطيهم عمر اصغر من اعمارهم دوم لبسهم واحد لكن اللون يختلف
حازم :عمره ١٦هادي مرره يشبه حمد في ملامحه مره
نرجع للقصه
غنى وجنى بالحوش
غنى:آه تعبت ...الله يسامحك ياحمد
جنى :اي والله ..جنى جلست تلعب في المويه شوي دخل حازم وشافها وهي ماتدري ثقل صوته:بنت وش تسوين؟
جنى خافت تحسبه حمد وطاحت طرآآآآآآآاخ حازم وغنى ماتوا من الضحك
جنى:آه وجع ياحزمه
غنى زادت من الضحك
:آه يمه بطني
حازم:اقول كملواشغلكم لايجي عليكم حمد
كملوا شغلهم ودخلو يتضاربون على الحمام(الله يكرمكم) جنى:ياغنوه انا سبقتك
غنى :لاانا سبقتك
همس:هي انتي وياها انطمو ا ازعجتونا وحده تدخل والثانيه تنتظر بعد مايروحوا زملاء حمد وتروح الحمام الي هناك
جنى:اكيد راح يطولوا
دخل حازم وجلس معهم
منار:حزوم صح زملاء حمد بيروحوا؟
حازم:يس الحين توهم طلعوا
.........
بكره العيد والكل فرحان ومسوين استنفار
جنى وغنى وحازم يلعبون في الحوش بالألعاب الناريه وهمس تمسح الفرن وتسولف على لجين
منار مع حمد بغرفتهم توهم جاين من السوق
حمد وهو يدخن:انا مو قايل لك من السوق التنوره كبيره عليك ورفضتي؟!
منار وهي مقهوره:كنت احسبها مو واسعه لهدرجه...الله يخليك رجعها
حمد:.....بس يدخن ويطالع بمنار..اوك هاتيها وبروح ابدل لك بوحده احلى منها وعلى ذوقي وقف
منار ضمته :الله لايحرمنا منك يااغلى من نظر عيني
حمد ابتسم لها واخذ التنوره وطفا سجيارته وطلع الحوش شوي جت عنده طرطيعه وماانتبه غنى وجنى وحازم صارخوا:انتبــــــــــه طالع مستغرب وش فيه شوي طااع حمد نط وجنى وغنى وحازم مو قادرين يمسكون انفسهم من الضحك
:هههههههههههههههههههههه
حمد ولع جاء صوبهم واخذ الألعاب الناريه
حازم:لا الله يخليك....
حمد طنشه وطلع رماها وركب سيارته حازم يوم شافه اختفى عن انظاره راح واخذ الألعاب لان حمد رمها جنب الزباله(الله يكرمكم)
دخل حازم:بنات شوفوا رجعتها
جنى:الله يقرفك من الزباله جايبها!!!
حازم:وش قالوا لك مجنون؟!
غنى:انا خايفه يجي حمد وهي معنا
حازم:راح نخلصها قبل مايجي
جلسوا يلعبون ...شوي دخل حمد صفق:شاطر حازم ..حمد بصراخ:يالله ارمها ومره ثانيه لاقلت شي لك سوه بدون لف ودوران حازم راح يرمي الباقي من الألعاب
حمد طالع في غنى وجنى:ويالله انتي وياها جـــــوه وعلى طول غنى وجنى دخلوا ركض حازم رجع قفل الباب ومنزل راسه حمد ضربه على رقبته
:يالله قدامي على غرفتك وثوبك وشماغك عقاب لك ماراح يكويها غيرك
حازم دخل جوا البيت(ليتك بمنطقه ثانيه عشان ناخذ راحتنا ياحمده)
همس:حبيبي حزومي وش فيك؟
حازم طالع فيها بنظره مكسوره
شوي جاها صوت حمد:وش قلنا يالله على غرفتك واكو ثوبك وشماغك زين
همس:لاحمد انا باكويها وهو ينام
حمد:لامافي هـــــو يكويها
همس:ليـــــش!مايعرف
حمد عصب:همسوه اذلفي عن وجهي لايجيك شي مايرضيك
جلس وهمس راحت الغرفه الي دوم تجمعها مع اخواتها
حمد جلس بالصاله:منـــــار...منـــــار تعـــــالي
منار تركض:آمر عيوني
رمى لها الكيس:خذي ...عجبتك ماعجبتك بكيفك ارجع او ابدلها احلمي
منار ابتسمت رغم قهرها من حمد:طيب ياقلبي ...راحت تجربها
حمد جاء عند لجين:لجونه حبيتي تعالي مد يدينه لها
لجين بعدت:لا انا زعنانه(زعلانه)
حمد:افـــــاليش؟!
لجين:عشان عصبت على ماما
حمد توهق مايدري وش يقول!
:لاياقلبي ...انا ماعصبت على ماما..انا...ماتركته يكمل
:لالا.....وركضت دخلت عند عماتها وقفلت الباب بقوه
جنى:بسم الله على هالبنت ماتخاف من حمد!!
منار:راح تكبر شوي وبتفهم وتعقل وتخاف
همس جت جنب منار ومسكت يدينها الناعمه ابتسمت منار
همس:صح منور ان حمد يعاملك بقسوه؟!!
منار:........
جنى:الله يسامحه
غنى بهمس لجنى:مفروض يقدر انها يتيمه واخوها متطمن انها معه ولاكمان حبها له!
جنى:خلاص اسكتي لاتسمعك
همس حبت تغير الجو الي خيم على ملامح منار:يالله تعالوا نتفرج على التلفزيون ومسكت بيد منار
......................
اليوم الثاني صباح عيد الفطر
حازم وحمد طلعوا يصلون
البنات جالسين يلبسون ويتمكيجون همس:صدق اني احلاكم واتحداكم
منار:ههههههه صدق واثقه
همس جلست:اي لاتلومني شوفيني خلصت قبلكم
شوي يندق الباب
غنى وجنى لابسات تتناير لحد الركبه لونها بيج وبلوزة جنى لونها عوودي غامق وغنى أحمروعليها بوت بيج
همس لابسه فستان هادي ليلكي تحت ركبتها بشوي ولابسه باليه اسود
منار لابسه تنوره جنز اسود وعليها بلوزه فيروزيه
لجين لابسه فستان وردي قصير ولابسه باليه وردي
همس تركض عشان تفتح الباب :مين؟
:انا عبدالله
همس قلبها يرتجف مكانه وحرارتها ارتفعت:ه...لا والله عبدالله...الحمدالله على سلامتك متى رجعت من البعثه؟
عبدالله:الله يسلم روحك الغاليه
انا تو راجع البارح
همس:انتظر انادي منار تفتح لك
راحت تركض:منـــــــــار
منار:امري ياقلبي ؟
همس:عبود عند الباب ينتظرك
منار الدنيا مو واسعتها من الفـــــــــرحـــــــــه
ركضت وفتح الباب استقبلت عبدالله بدموعهاضمتـــــــــه
:عبودي ياراحه قلبي اشتـــــــــقت لك
عبدالله غصب عنه نرلت دموعه:غصب عني والله غصب عني هالغيبه
منار بعدت عنه:سنه ماشفتك كانها قرن!
عبدالله ابتسم :اعذريني وبلغي عذري للغالين وطالع في غرفه همس
عبدالله عمره ٢٤نفس همس يحب همس مثل ماتحبه حنـــــــــون طيب مره نحيف عنده غمازه بخده اليمين شعره لنص رقبته ونااااعم يشتغل بشركه سابك
منار دخلت عبدالله المجلس وراحت تجيب القهوه والحلويات
بالمطبخ همس فرحـــــــــــانه
منار دخلت عليها ابتسمت لها :يسلم عليك عبود ويعتذر على غيبته لكن غصب عنه
همس:لاعادي فديت قلبه
منار رجعت لعبدالله
عبدالله:نسيت مااقول لك من العايدين
منار:هههه فديت قلبك على قولت همس..من الفايزين
عبدالله أبتسم من قلب
:إلاوين بنوتتك الحلوه؟
منار تمد له الفنجان :بروح اجيبها وانت تقهوى
منار دخلت:بنات وين لجين؟
غنى:آخ آخ..نايمه
منار:لاعاد!!بروح اصحيها خالها يبيها راحت غرفتها جلست تلمس على شعرها :لجونتي حبيبتي هيا قومي اليوم العيد تاكلي حلويات وتلعبي مع عمو حازم لجين بكت:لالا ابا نام(ابي انام)
منار:واذا قلت لك خالو عبدالله جاء من السفر؟!
لجين على طول نطت وتركض:خالو..خالو جاء
منار لحتقها:تعالي اغسل وجهك رجعت غسلت وجها ومسحته بالفاين بسرعه وراحت جري
دخلت ونطت بحضنه:خالو اشتقت لك
عبدالله:ههههه والله حتى انا ياروح خالو ..بعدها عنه ماشاء الله كبرتي يالجون
لجين:هههههه
شوي دخل حمد وحازم
حمد:هلا والله بعبود
عبدالله وقف:هلا فيك ...سلموا وجلسوا يسلفون على ١٠راح عبدالله
بالصاله تحديدا
حمد:همس تعالي ابيك
همس:طيب وراحت مع حمد مجلس الحريم حمد قفل الباب
همس مستغربه بس ماوضحت
:آمرني ياخوي
حمد:صح تعرفين وليد؟صديقي
همس:ايه... وش فيه
حمد:خطبك
همس كانت جالسه وقفت:وشو؟!!خطبني انــــــا!
حمد:اجل انا ..ايه انتي
همس باصرار:انا ياحمد ماابي اتزوج
حمد:ومن قال لك اني ماخذ رايك اساسا انا حبيت اعطيك خبر عشان تتجهزي ملكتك اليوم وزواجك رابع العيد
همس نزلت دموعها غصب عنها مااكتملت فرحتها برجعه عبدالله:حمد ماابيـــــــــــه الله يخليك اجبرني على كل شي الا اني اتزوج غصب!!
حمد كان قاسي صامت مثل الجبل الشامخ طلع وترك همس غارقه في بحر دموعها
طلع من البيت بكبره همس فجاءه:لـــــــــــا ماابي اتزوج دخلو عليها غنى وجنى ومنار وحازم كان نايم
منارضمتها:وش صاير؟!!
همس:حمد...بيزوجني غصب عني!!
جنى معصبه:كيــــــــف غصب عنك اما في هاذي ظلم ياهمس
منارودموعها على وجها:الله يسامحك ياحمد الا هاذي ماتوقعتك تسويها!
غنى وهي تبكي وتضم همس:حرااام عليه حطم حلمك وحبك لعبدالله
همس وهي تشهق وكحلها سال:ان شاء الله اتزوج عبدالله ونعيش بعش بس لااتزوج غيـــــــره آآآه ياحلم حياتي ياعبدالله ملكتي اليوم وزواجي رابع العيد موتي ينتظرني يانور دربي
غنى وجنى ومنار يشاركونها همها وهم في حيره وش يسون همس قاعده تذبل قدامهم مثل الشمعه الي مكتفه وتنحرق حياتها قدامها
............
الساعه ٩الليل بغرفتهم
همس عيونها صغرت من كثر البكاء وصدرها يرتفع وينزل من كثر شهقاتها:آآآه يمــــــــه آآآه يبــــــــه وينكم تشوفون ظلم حمد لنا ....شوي دخل حازم وصوته كله حزن:وقعي هنا ياهمس
همس تصارخ وقفت على ركبها وسط السرير:ايــــــــش فيكم ماتفهمون ماابي اتزوج وليد!
حازم ضمها لصدره:هدي ياهمس هدي خلاص هذا نصيبك لا تعترضين على حكم ربك ولمس على شعرها وابتسم:حبي وقعي
همس باصرار:لا
دخل حمد معصب:انا اوقع بدالك وين تلاقين مثل وليد
وقع بدالها!!
همس معصبــــه:اي من شاهد الثور ؟..بقره!
حمد حط أصبعه على فمه:اشش وبعد شوي تجلسين مع وليد ولاتنطقين بحرف سامعه؟
همس رجعت تبكي
جنى:خلاص حبيبتي عيونك راحت فيها!
همس رفعت راسها:آآه خليني ابكي عسى العمى يرحمني ويعميني!
جنى سكتت بس جلست تقرا على همس حتى هدت
دخل حمد:همس هيا تعالي
همس صارت مسلمه نفسها لحمد ووليد صارت دميه
راحت معه وكان لسانها مقطوع!
دخلت ســــــــاكته حتى ماسلمت كانت لابسه تنوره سوداء وبلوزه عنابيه وبوت اسود وحتى ما حطت كحل وحمد ماقال شي كان عندها امل انها لمى تلبس كذا راح يتفركش الزواج لكن ردة فعل وليد حطمتها لان من يوم مادخلت جلس يسمي ويقول ماشاء الله
وليد:كيفك ياهمس؟
همس:تمام
وليد:تعبانه؟
همس:لا...كانت منزله عيونها من اول مادخلت
وليد مستغرب صمتها!!:يابنت الناس اسمعيني انا عايش هنا في ابها لحالي واهلي بالرياض ومليت لحالي وابي زوجه تهتم فيني وبيتي فقلت مالي غير وحده من اخوات صديقي الغالي حمد
همس:يعني انا خدامه ببيتك!
وليد:لاطبعا...انتي زوجه لي على سنه الله ورسوله
همس (راح اعتبر نفسي خدامه ببيتك ياوليد راح اكون ساكته اكثر من سكوت الاصنام!!)
وليد اعجبته همس مــــــــره اعطاها طقم ذهب وطلع من عندها هي دخلت جوه
جنى وغنى ومنار قاعدين ينتظرونها شوي دخلت تجمعوا حولها منار :هاه بشري وش صار؟!
جلست وعلمتهم بالحوار الي دار بينها وبين وليد ورتهم الطقم
جنى:يجنن الطقم
همس:مايملى عيني حتى لو كان الماس وراحت غرفتهم وشغلت قران عشان ترتاح ولاتفكر وتنام
..............
ثاني االعيد العصربالحوش جالسه على المرجيحه
همس تطالع بسلسال اهداه لها عبدالله بالمتوسط لبسته (عهد علي ماافكه حتى الموت ياخذ روحي)
جت عندها لجين:خلاص بتلوحين؟!(بتروحين)وتتركينا!وحطت راسها على رجول همس
همس نزلت دموعها غصب عنها:لازم اروح يا قلبي مو بيدي
لجين:عما؟(عمه)
همس:آمريني؟
لجين:احبـــــــك موووت
همس شالتها وضمتها:والله حتى انا ياقلب عمه
.............
في زاويه من زوايا هالبيت الحزين
منار:عبدالله همس غصب عنها تزوجت وليد حمد غصبها عليه والله لو تشوفها كان مات لها غالي!
عبدالله كل معاني الحزن ارسمت على وجهه ودموعه نزلت:ادري ادري يامنار مايحتاج تعلميني عن ردة فعلة هوى قلبي احس اني مكتوم ليتني مت ولاان هموس تعيش مع غيري!
منار بين دموعها:خلاص ياعبدالله الله يوفقها مع وليد ويوفقك مع غيرها
عبدالله عصب:لاتنطقين اسمه هالحقير ...منار باي
...........
منار قفلت جت عند همس:هموس وصلت خبر زواجك لعبدالله
همس ظلمت الدنيا بوجها:و..ش ق..ال؟
منار:وش بيقول مات من القهر
همس بس تشهق ومنزله راسها
منار تركتها لحالها عشان تاخذ راحتها وتفرغ حزنها المكبوت
................
بعد المغرب كان حمد بالحوش يدخن شوي يندق الباب حمد طفا سيجارته:طيب جاي
فتح الباب:هلا والله بعبود
عبدالله:هلا فيك
حمد:تفضل دخلوا المجلس
حمد:عن اذنك بروح اجيب القهوه
عبدالله :لالالاتجيب شي انا باكلمك بموضوع ورايح
حمد:خير ان شاء الله؟
عبدالله:زبدة الموضوع ....ليش زوجت همس غصب عنها؟ا
حمد:من قال انه غصب لاهي موافقه
عبدالله:تلعب انت على نفسك؟!همس مو وافقه اعرف ماتبيه وانت جبرتها
حمد عصب:اناعارف مصلحتها وين!!
عبدالله:ياخي حطمت مجاديفنا كنت ابيها وتبيني
حمد:لو جيت قبل ماوافقت تدري ليش؟!
عبدالله :ليش؟
حمد:يارب تغفر لي... خايف تجيب لنا شي من هالامراض الي منتشره بالغرب
عبدالله وقف لكنه كان ماسك اعصابه:الله يسامحك ياحمد ..لكن مااقول الا كلن يشوف الناس بعين طبـــــعه وراح عند باب المجلس:انتبه ياحمد لاتظلم هالايتام الي هم امانه برقبتك وطلع من عند حمد حمد جلس يرن كلام عبدالله براسه لكن طنش وطلع للاستراحه مع زملائه
..........
اليوم يوم زاوج همس من وليد
همس خلاص جسد بلا روح عافت الدنيا بمافيها كانت قمر على هيئة بشر
انزفت على احلى موسيقى هي بعالم والناس بعالم ثاني
منار لون فستانها اسود مع رصاصي جنى وغنى كانو مطقمات عشا ن هم الي بزفوا همس وكانت اشكالهم مره ناااايس لون فساتينهم بنفسجي غامـــــق ولجين نفس لون فساتينهم عشان كمان هي من ضمن الزفه
الحين اعرفكم على عايله وليد الي كانت متواجده:
الاب :سلمان عمره ٥٠طيب ومخلي عياله على راحتهم لان واثق منهم
الام:منيره عمرها٤٨فيها حب سيطره بس فيها طيبه
جهاد:عمره٣٢شخصيه هاديه كان متزوج وطلق زوجته وولده معاه عمره ٦سنوات اسمه جواد
بدور:عمرها ٣٠متزوجه عندها بنتين الاولى:مجد عمرها ٧سنوات شقيه وماتسمع الكلام الا بالغصب الثانيه:جيهان عمرها ٤سنوات هاديه مرره عكس مجدبدور مره عسسل وبسرعه تنحب
وليد:عمره ٢٨مدرس بنفس المدرسه الي يدرس فيها حمد
انسان مسيطر بس فيه طيبه عنده فكره الزواج اتزوجها وتهتم فييني وفي بيتي وبس
اسامه :عمره ٢٥عسكري انسان مايهتم لا شي سوا انه يفلها ويطلع راتبه مايجلس معه شهر!بس ع رغم كل هذا انسان حبووب بس انه مو قد اي مسؤليه
................
نرجع للعرس
على الكوشه جالسه ونفسها تصيح وتقول ياناس ماابيه ابي عبدالله...قطع حبل افكارها صوت وليد الي كان جالس جنبها:الف مبرووك
بصوت كله حزن:الله يبارك فيك
جات مجد وجيهان ومع كل وحده باقه ورد مجد:الف مبرووك ياعرسان واعطتهم ابتسامه ممزوجه باللقافه
وليد:هههههه...الله يبارك فيك ياحلوه ...واعطوهم الباقات وراحوا يرقصون ومعهم لجين وجواد بنص الرقص مجد صرخت:صح ياخالو انا احلاهم
وليد طالع بهمس:ههههه
جاتهم بدور :الف الف مبروك وسلمت عليهم ..عند همس:منه المال ومنك العيال
همس ابتسمت لها(الله لايقوله)
في وحده تطالع في همس بحقد قامت ومشت لعندهم ومو لابسه شي يغطي شعرها ولبسها مره عريان لابسه فستان أخضر غاآآمق وصدرها باين والفستان فوق ركبها وتمشي بدلع ماصخ جت عند وليدومدت يدها وليد :!!!!!...وش تبين ؟
ملاك بدلع:ابي ابارك لك..ولا ممنوع؟
همس(منو هاذي ووش تبي!ليتها خذتك ياوليد وريحتني)
وليد لف عنها لجه همس سلمت على همس :وليد لي مو لك وتشوفين..واعطت وليد هديه ونزلت
بعد مانزلت وليد طالع في همس :هيا امشي ونزلوا سواهمس(حتى مافكر يببرر الي صار..جعلها تتهنى فيه وانا وش دخلني!!)
ودعت اهلها واهله ...
تفضــلوا البـــارت....|
بالفندق
(نفسي بس اعرف منو هاذي!):وليد؟
وليد كان يتعشى طالع فيها:نعم؟
همس(نعامه ترفس ببطنك قول امين الواحد يقول لبيه آمري حبيبتي شي حلو مو نعم!)
:منهي الي جات وسلمت علينا واعطتك هديه؟!
وليد غمز:تغارين علي؟
همس:.........(امممحق ماعاد الاأنت اغار عليه)
وليد:هاذي بنت عمي ملاك تحبني وتبيني ولا ابيها
همس:اها(لاعاد ماحبت الا انت!)
قامت همس وراحت أخذت شاور و لبست بيجامه نوم لونها بيج فيها قلوب كبار وصغار لونها موف لحد ساقها وراحت تمشط شعرها وشافت السلسال الي كان هديه من عبدالله
(آه وينك الحين ياعبود...فرقوا بينا الله يسامحهم)
عند عبدالله ماقدر يجلس بالصاله اكثر وطلع يمشي بلا هدف(آآآه يارب تساعدني على فرقاها وتوفقها يارب ....همس والله أحبك )نزلت دمعه حاره على خده ومسحها وراح يمشي بسرعه جنونيه
.....
عند منار توها طالعه من الحمام ماخذه شاور طلعت تذكرت عبدالله على طول دقت عليه
عبدالله رد بالاخير لانها منار اخته:.....
منار:السلام عليكم
عبدالله :وعليكم السلام
منار:عبودي كيفك؟
عبدالله ماحب يبين حزنه :الحمدالله انتم كيفكم؟
منار :الحمدالله....وينك الحين؟
عبدالله :بالسياره رايح للشقه تبين شي؟!
منار:لاياحبيبي بس حبيت اتطمن عليك بعد الي صار
عبدالله:لاتخافين علي انا بخير وجبل ماتهزه ريح و انا راضي بقدري
منار فرحت بكلامه:الله يوفقك ويسير لك بنت الحلال الي تهنيك
عبدالله:انا دامني ماتزوجت همس عهد علي ماتزوج بدالها
منار :الله يصبرك ياأخوي...يالله مع السلامه وانتبه لنفسك زززيـــــن وكل ولا تيأس ترى الدنيا ماتسوى خلاص؟
عبدالله ابتسم:ابشري وقلت لك لاتخافين علي مع السلامه يالغلا
منار:في حفظ الله
......
وصل الشقه
فيصل:هلا والله بعبود
عبدالله ابتسم رغم جراحه:السلام عليكم
الكل:وعليكم السلام
فايز:تعال رفه عن نفسك شوي والعب بلوت ويانا
عبدالله:والله تعبان بروح انام
خالد:انسى الهموم والله يعوضك ...وابتسم له
عبدالله رد له الابتسامه وراح ينام
طبعا فيصل وفايز وخالد وعبدالله اصدقاء من هم صغار
وكلهم يفهمون بعضهم كانهم اربع ارواح بجسد واحد
فايز:والله وجه مايبشر بخير احسه ذبلان
فيصل:تلومه حلم طفولته بحضن واحد غيره
خالد:اي والله ... تذكرون كيف كان يحكي عنها وكمان بالمتوسط جمع مصروفه عشان يشتري لها سلسال
الله يكون بعونك ياعبود
فيصل وفايز:آمين
.....
همس صحت طالعت وليد جنبها (هذا الشي الي عمري ماتمنيته يصير اني انام جنب واحد غير عبود !!آآه الله يكون بعوني)قامت و راحت وضت وصلت وليد لسى نايم جت عنده
:وليد قوم صل ..وش فيك الصلاه فاتتك
وليد فتح عيونه شوي وسكرها
همس بدت تعصب :ووليد وهزته
جلس ماصدقت راحت تشرب مويه رجعت رجع ينام !!
صرخت:ولـــــيد
هوقام مفجوع:بسم الله ماتعرفين تصحين بهدوء ...قام عشان يوضي
همس:وش اسوي لك مرره نومك ثقيل(وكلك على بعضك ثقيل )دخل وضا وصلى ونام
على ١١صحت همس نشيطه
(اووف مافيني نوم شبعت ابي افطر )راحت دقت وطلبت لهم فطور وراحت تصحي وليد:وليد
وليد لف للجه الثانيه
همس(يمـــــه منه نومه ثقــــــــــيل الله يصبرني عليه)
هزته:تبي فطور؟
وليد:.........
همس هزته اقوى من قبل:وليـــــد ؟!
وليد:همم
همس:تبي فطور؟
وليد:لا
همس(اخيرا مابغيت ترد يالدب)راحت تفطر لحالها
........
بعد صلاه الظهر حمد عزم وليد على الغداء
ببيت عائله همس...
جنى:هاه كيف كان البارح معاك ياهموسه؟
همس:الحمدالله بس وليد غثني نومه مره ثقيل
غنى:يمكن عشان امس تعب
همس:مااعتقد!
منار:وين بتروحون شهر العسل؟
همس:مادري ماقد حدد وليد
........
بعد العصر
همس تكلم وليد:الحين!خلها بكره
وليد:لا ماقدر اهلي بكره مسافرين وعازمينا على العشاء
همس بزعل:طيب خلاص باي وقفلت
طلعت من الغرفه زعـــــلانه
حازم:وش صاير ليش ماده البوز شبرين؟!
همس:الحين وليد بيمر ياخذني ونروح نتعشى عند اهله لانهم خلاص بكره مسافرين
حازم ابتسم:يالله خيرها بغيرها
همس ابتسمت وعلمت البنات وشوي دق وليد:الو...طيب..الحين طالعه...باي
:يالله وليد عند الباب سلمت عليهم وطلعت جات تفتح الباب اانصدمت عبدالله قدامها وباين عليه انه كان يبي يدق الباب
كان لابس ثوب بني وغتره ولابس نظاره شمسيه وشعره باين من جنب الغتره وسكسوكه
(آه يالفرق بينك وبين وليد)استوعبت انها تناظر فيه ونزلت عينها عبدالله(آه اخذك هالمعفن وليدوه ياحسرتي عليك)شاف النقش الي بيدها واعجبته يدها مـــــره ...بعد عنها عشان تمر..ركبت سياره وليد(كامري ٢٠١٠)
.........
دخلت السياره ساااكته ووليد مو ملاحظ ان فيها شي وصلواعند اهل وليد استقبلهم جهاد:هلا والله بالعرسان اسفرت وانورت وسلم على اخوه
همس دخلت عند اهله وهي خايفه ناس ماتعرفهم فجاءه تكون من ضمنهم!سلمت عليهم وجلست على كنبه فرديه من كثره ارتباكها جلست بالعبايه!
ام وليد:وش فيك ماتفكين العبايه لا تخافين جهاد واسامه مو داخلين!
همس استحت وفكتها:لا ياخاله مو هذا قصدي
ام وليد:أجل شنو؟!
همس(رحت وطي من هالعمه مااكره من ولدها الا هي!):نسيتها ...لاني خجلانه منكم
بدور:لا تخجلي ياقمر انتي بين اهلك وابتسمت لها
همس:تسلمين
بدور:الله يسلم روحك
مجد وجلست جنب همس وتتأملها:الله انتي حلوه ماشاء الله كثير ياهموس..واعطتها بوسه
همس استحت وسكتت
بدور:مجد تعالي وعيب مره ثانيه قولي خاله طيب؟
مجد:لا هي صغيره ليش اقولها خاله باقولها همموس وطالعت بهمس
همس:خليها تقول الي تبي
بدور ابتسمت:لايغرك تريها شيطان يمشي فوق الأرض
همس:ههههه لاحرام عليك هاذي قمر ماشاء الله ومسحت على شعر مجد
جيهان شافتها وغارت:وانـــــا؟
همس ابتسمت :تعالي ياجوجو
جيهان جات تركض ورمت نفسها بحضن همس وصاروا يتضاربون مجد وجيهان على همس وهي استحت وتضحك عليهم امهم قامت وقرصت كل وحده:يالله ابعدوا..مجد وجيهان بكوا وراحوا
ام وليد:ليش يابدور تضربينهم؟خليهم عادي يجلسون مع همس
بدور:لا يمه ازعاج
ام وليد:لا عادي همس صغيره خليهم يلعبون وياها
همس(يعني انا بزره بنظرها!الله يسامحك)
همس مارضت انها تغلط عليها:خاله انا عمري ٢٤مو١٠سنوات او اقل!
دخل وليد على كلام همس :السلام عليكم
الكل:وعليكم السلام
وليد طالع بهمس بعيون لوااامه:وش صاير ليش تتكلمتي على امي؟
همس مقهوره:هي...ماتركها تكمل:انتي من الحين امي تشلينها فوق راسك تسمعين؟ولما تقولك شي قولي تامرين آمر انا خدامه تحت رجلينك فاهمه؟
همس وقفت من عصبيتها:لا والله!هذا الي ناقصني تغلط علي امك بلا سبب واسكت اعذرني..وجت تبي تطلع من الغرفه بس مسكها وليد بعصبيه:همـــــس!
طالعت فيه:نعـــــم
جاها كف طيحها بالارض
همس الدنيا دارت فيها خلاص مو قادره تستوعب الي صاير وقفت وقفت الدمع قبل لاينزل
ام وليد مشت من عندها واعطتها نظره من فوق لتحت وراحت
بدور شهقت:وليد امي والله هي الي تكلمت على همس
وليد معصب:انتي نقطيني بسكوتك لو سمحتي..وطلع من عندهم بدور قفلت الباب ومع التقفيله طاحت همس وتبكي وتشاهق بدور حنت عليها مرا
همس تطالع فيها والدمع على وجها:ليش ليش حياتي كذا اول شي فرقوا بيني وبين حبيبي وصديقي من الطفوله وزوجوني بواحد يبيني اهتم لبيته وبس يعني خدامه لـــــه ومو مكفيني الا تجي امه وتزيد الطين بله آه ياربي بدور اخذتها بحضنها حتى هدت
:صدقيني ان الله يحبك والله اذا احب قوم ابتلاهم وماخذ الا ليعطيك ياهموس صح ولا انا غلطانه؟...وحطت عينها بعين همس الحزينه همس ابتسمت لهاورجعت بحضنها ..شوي يندق الباب مجد:ماما بدور هههه هيا العشاء وراحت ...همس وبدور ضحكوا
سافروا وليد وهمس بعد يومين بمكه...بالساحه بعد ماطلع وليد من عند الحلاق
:يالله امشي...همس مروقه وحاسه براحـــــه مره نص الطريق خلاص قدهم عند المواقف حقت السيارات
وليد:لحظه همس نسيت المفاتيح عند الحلاق...اسمعي تعرفين لوحه سيارتي؟
همس:ايوه
وليد:طيب يالله بروح لاتضيعين!....همس مشت ومشت وكانت واثقه انها تعرفهاشوي حستها انها ضاعت كل ماشافت كامري راحت لها وماتطلع هي خلاص الدمعه بعينها ....عند وليد وصل سيارته وكان يطالع بجواله :الحمد...رفع راسه(وين همس؟!)جلس يدورها....همس نست من خوفها ان معها جوال ...شوي سمعت صوت شباب وضحكهم وخااافت(وينك ياوليـــــد؟!)ونزلت دموعها شوي يدق جوالها شافت المتصل وليد:و..ل.يد وي..نك(صوتها يرجف من الخوف)
وليد:انتي الحين فينك؟
همس خلاص متوتره خايفه:مادري مادري..وبكت
وليد:اهدي واوصفي مكانك ..وصفت له بالغصب عرفت
وليد كان يمشي:ايوه..خلاص همس شفتك ومشى بسرعه همس لفت وراءها شافت وليد ركضت ورمت نفسها بحضن وليد..الشباب الي سمعتهم همس ناظروا فيهم باستغراب
وليد انحرج منهم:خلاص همس وابعدها عنه وراحوا ركبوا السياره وهمس بس تشاهق
وليد:خلاص همس
همس:...
......................
وليد وهمس رجعو الشقه وهي دخلت غرفة النوم وقفلت عليها وبكــــــــــت حتى نامت
وليد جالس بالصاله ويفكر كيف راح تكون حياته مع همس!
....................
عندجهاد وبدور
بدور وهي تطفي التلفزيون طالعت بجهاد الي ولده جالس بحضنه ويلعب بشعره وباس بجيبينه طالع:ليش طفيتي التلفزيون؟
بدور ابتسمت له:ابي اكلمك بموضوع....
جهاد :الله يستر من مواضيعك ..قولي وش عندك
بدور تاشر على جواد جهادضحك:حبيبي روح العب وقوم جواد من حضنه
جواد:طيب وراح يلعب مع مجد وجيهان
جهاد حنا ظهره وشبك يدينه ببعض:امري؟
بدور:بصراحه انا شفت وحده بزواج وليد علييها جمممال واخلاق والله ماتتفووت...وسكتت تبي تعرف ردة فعله
جهادابتسم ببرود داخلي:بدوره حبيبتي عارفه اني عانيت مع نوال ومااابي اعيد المعاناه وابي اربي ولدي وبس ....ووقف
وقفت معه
بدور:طيب انت جرب هالمره انت مطلقها من عمر جواد ثلاث سنوات ومعزب من ثلاث سنوات ونوال تزوجت وجابت لها اثنين ماشاء الله وانت على حطت يدي!!
جهادطالع فيها بسرحان وساكت:..............
بدور:افهم انك بتفكر؟
جهاد:طيب منو هالبنت الي ماتتفوت؟
بدور فرحت (بداية الخيير قطره اما انهبلت على غنوه مااكون بدور)
:اخت زوجة اخوك المصون ولود
جهاد:شو اسمها
بدور تغيرت ملامح وجها للفرح انه جالس يسألها ويستفسر
جهادمافاتته وهو باسساسه قوي ملاحظه:الله الله كل هذا فررحه توو قلت افكــــــر
بدور ابتسمت له:الله ييسر لك كل مافيه الخير....واسمها غنى
جهاد(الله اسمها مرره حلوو.....وش تفكر فيه ياجهاد ولدك الحين حياته مستقره وانت بعد ومرتاح بعد ماامه تخلته عنه وخلته لك تجي تدمر حياتكم؟!!ماينعرف هي هالبنيه تنحط على الجرح يبرا ولاتزيد الالآم الآم!!)
جهادابتسم لاخته:قلت افكر وطبطب على كتف اخته وطلع واخذ ولده معه وراح ينامون عشان وراء جهادداوام
جواد:بابا ويلمس عارض ابوه
جهادضمه لصدره:امرني
جواد:وين ماما؟
جهاد (حزن علييه كثيير ..صاير يسال بكثره عن امه وهو محتار وش يقول له ودايم يقوله ماما مسافره ويحسه مايقتنع!)
جهاد:مثل ما....ماخلااه يكمل وابعد عن حضن ابوه ودموع البراءه تنزل على خدوده:لالالاتكذب يابابا علي انا ترى بعدين اصير اكذب مثلك!!
جهادانصدم من ولده ومد له يده:طيب تعال لحضني...
جوادبصراخ:لاااااااا ونزل من السرير يركض وطراااخ باب الجناح
جهادتنهد بقووه(آآآه ياربي بيجنني هالولد!)وقام يشوف له
<طبعا جهادمررره حنون على ولده
طلع لقاه بغرفة العابه ويرمي باللعاب بالجدار بعصبية
انصــــدم وخاف على ولده وجاء عنده ونزل على ركبه وضمه جواد استسلم لحنان ابوه وبكــا بحضنه حتى نام
جهاد سااكت ويلمس على شعره وكان حاس بقوة ضمه جواد بدت تتلاشى عرف انه نام وشاله وحط على السرير وحط راسه وبباله فكرة لازم ينفذها ونام
...............
عند البيت الكئيب....
جنى:غنى حبيبتي وش فييك؟
غنى كانت متغطيه من فوق راسها وتعاصر الام بطنها ماقدرت ترد ولاتبي ترد على تؤامتها
جنى شالت اللحاف شهقت:غنوه حبي وش فيك بطنك؟
غنى من قوة الام تجلس وترجع وتبكي وتتكتم اللآهات بالمخده ودموعها ماوقفت
جنى خلاص موقادره قلبها تقطع على تؤامها ونصف الثاني وراحت جري دقت على غرفة حمد(حمد طبعا ماعنده دوام لانه مدرس ومخلص)
خافو منار وحمد من الدقة وقام بسرعه:اللهم اجعله خير يارب.....فتح جنى عيونها كلها دموع وخدودهـا
حمد تخرع:جنو وش فييه؟!!
جنى:غنى ..غنى تعبااانه مرره
حمد :طيب يالله لبسيها عباتها....(طبعا متعودين غنى كل شهر تمرض...ويودونها المستشفى)
مشوها وجبينها معرق من كثر الام الي تعانيه...رغم جسمها المرتوي الا انها دايم كذا من يوم بلغت...
وصلوها المستشفى وعطوها آبره ورجعو البيت بالصاله تحديدا الساعه 8 الصباح
حمد:لاموهاذي حاله كل مره اوديها وكل شهر ابره!!بتعدمها اعدااام
منار بنبره حزززن:والله ماترتاح الا اذا خذتها انت ماشفتها كيف تعتصر من الم؟
حمد:أي عارف والله عارف بس منور فكري بعقلك مو حل كل شهر ضاربينها ابره!!وقام راح يكمل نومته
وجنى ومنار طالعو ببعض وسكتو ...شوي قطع تفكيرهم صوت لجين:ماما وين تنتم؟(كنتم)
منار اخذتها بحضنها وباستها:رحنا مع عمة غنى لانها تعبانه
لجين تموووت بعماتها بس همس غييير...وراحت تركض وشافتها نااايمه وطلعت ورجعت لامها:ماما ليه عمة دايم تمرض وتروح المستشفى؟
منار:تتعب ببطنها...يالله نوم وبلا كثرة اسئله...طالعت بجنى المسرحه :جنو..جنو
جنى انتبهت:هلاقلبي؟
منار ابتسمت:روحي ريحي نفسسك من التفكير وانتي سهرانه ماقد نمتي يالله ...وكلن راح ينام الا جنى انسدحت مع اختها وتلمس على شعرها بحنيه وتفكر في كلام حمد حتى ماحست متى نامت...
................
عند همس ووليد الساعه10 بمكه
همس صارت ماتقدر تنام من الي جنبها والتفكير ماكل عقلها اكل
طالعت فيه(مالت على هالووجه كم اني اكره واكره الانسان الي داخله ...اكره بروده اكره بلاهته ...وينك ياعبوود وتشوف الي اشوفه وتعيش العيشه النننكد هاذي!)
صحا وليد وجالس تتامله بنظرات عجز يفسرها !:اخذتي نسخه خلاص؟
همس انحرجت :........واعطته ظهرها
وليد لفها لوجه:لما اكلمك تعطيني وجهك ...روحي سوي لي فطور
همس انهبلت منه(همه بطنه وروحه وبيته ولاالمشاعر عنده لا صدق كانه جهاز آلي مالت)
:ابشروراحت جهزت لهم الفطور ونادته
وليد جاء وكان لابسه بيجامه سبورت لون البنطلون ابيض وبلوزته سوداء ساده لحد ذراعه
جلس ياكل بصمت وهمس اكلت شوي وقفت تتطالع فيه وتتفكرر
وليد:وبعدين؟!
همس كان من اعطها طراق نزلت عينها فمهت انه مل من نظراتها
وليد:وراءك شي من هالنظرات خلصي وش تبين؟
همس :!!!...لاولاشي وقامت ...جاءها صوته الجهوري:شيلي الأكل وراح يغسل
همس وجع ولاخدامه عنده ..شالت الأكل جلست بالمطبخ تبيه ينام وتروح ...وليد مستحيل يخليها تنام على كنبه لازم كلهم على السرير
راحت طالعت شافها تطل مع الباب:تعالي وش فيك؟
همس لوت فمها يمين ويسار ودخلت تبتسم وانسدحت واعطته ظهرها<وهالعاده ماتفكها وليد لفها لصوبه بقووه حتى صارت قرريبه منه مره همس متقززه منه شافها معقده حواجبها ومسكره عيونها:خيير مقفله عيونك؟
همس:........حاولت تبعد عنه مسكها...موحبا فيها يبي يقهرها عارف انها تبعد عنه وتاخرت بالمطبخ حتى ينام وتجي
همس دفته ولاكانها.. كانها دفت جبل:ابعـــد
وليد:...........شوي دفها وابعد واعطاها ظهره:صدق خبيثه...!
همس طنشت ولفت هي بعد بس مانامت حتى الظهر تتذكر قربه منها وتنقهر ماتبببي تكرهه تكرهه!!
..............
الظهر عند جهاد رجع من دوامه دخل بيتهم:السسلام علييكم
امه واسامه:وعليكم السلام
جهاد:لاكارثه اسامه هنـا!
اسامه سفهه وجلس ياكل ويطالع بالتي في
جهاد :اخوي ماودك تتزوج؟
ام جهاد:الا انت ماودك تتزوج؟
اسامه:هههههاي انقلب السحر على الساحر
جهاد طالع فيه بنظره وطالع بمه:.......الا ان شاء الله
امه منذهله:من جد جهود؟
جهاد:وانتي عمرك شفتيني استهبل خاصه بهالمواضيع؟
ام جهاد:خلاص يعني اختار لك؟
جهاد تنهد:لايمه كلمي بدور وهي تفهمك...عن اذنكم بروح انام عشان بطلع العصر مع جوادي...
راح بدل ملابسه وجاء عند جواد:حبيبي تجي تنام معاي
جواد بعيونه العتاب:لا.
جهاد تضايق:ليش؟ومسك يدينه
جواد فكها ولف عن ابوه
جهاد(من حقه عمره مايذكر امه حتى لو بصوره الحق علي انا الي مانعه... بس مابيه يتعلق بسراب!امه مو مهتمه له اعلقه فيها ليش لاوافقت غنى باقول له انها امه)قام وتركه راح جناهم هو وجواد واخذ جواله وارسل لبدور
بدور كانت تروش مجد:مجد احسلك اجلسي
مجد تبكي:لالامابي وكملت بكا
امه اعطتها كف دخل زوجها رائد:افـــا يابدورتي ...
خجلت من رائد ومن نفسها
جاء وشال بنته ونشف جمسها ولبسها جت بدور مسكت بيدها تبي تاخذها سحبت يدها بقوة:مابيك ابي باباه
رائد:افـــا هاذي ماما هي غلطت يوم عطتك كف بس هي كانت معصبة ومامسكت نفسها تخاف تطيحين وتتعورنين وتجلس تبكي عليك
مجد طالعت بامها وجت ضمت رجولها بدور ابتسمت ونزلت لمستواها وكان رائدبنفس المستوى ابتسمت وضمت الاثنين
مجد:باباه ابعد انت كبير وانا ابي ماماه لحالي
رائد+بدور:هههههههههه
رائدقرصها بخدها على خفيف:ياشقيه وقام
شوي بدور تسمع نغمة الجوال اخذته لقت الرساله من جهاد ابتسمت فتحتها(بدوره حبي انا قلت لامي اني باتزوج انتي خبريها انها غنى طيب وضحي لها السالفه ويكون بعلمك اني باتزوجها عشان جوادي حبيبي زعلان مني عشان دايم اصرفه ان امه مسافره وماقام يصدق وباقوله ان غنى امه...(اذا وافقت)يالله بنام..)
بدور فرررحت ودقت على امها واتفقويخطبون غنى بس اولا يدقون عليهم ويسالون هي موافقه قبل لايجون لابها ويتعبون
...........
العصر تحديدا بابها عند التؤام وحمد وحازم ومنار ولجين الي جالسين بالحوش يتقهوون
حازم:ياحمد الله يخليك ودنا ابها الجديده
جنى:أي والله ...عشان نتسلى وتتسلى غنو
لجين مسكت يدين ابوها وتنطنط فيها:يالله يالله
حمد:انا مشغول وقام وطلع
الكل :!!!!مقهوورين
حازم:آآخ متى اكبر واتوظف اما رفهتكم مااكون حازم وقام
البنات تعودو على البيت وقعدتة وعلى اسلوب حمد الجاف والقاسي وجلسوا يسلفون شوي يدق التلفون
حازم:مرحبــا
ام جهاد:هذا بيت حمد؟
<طبعا خذت الرقم من عند همس وهمس مستغربه ليش دقت عليها واخذت رقم بيتهم!!
حازم:أي هذا بيته بغيتي شي اختي؟
ام جهاد:أي بغيت زوجته منار لو سمحت؟
حازم:طيب.....منــــار....منورر
جات :نعم حزوم؟
حازم بهمس:وحده تبيك
منار:!! عقدت حواجبها(يمكن جارتنا يالله اشوف منو!)
:هلا
ام جهاد:هلا فيك
.......................فاتحت معها الموضوع ومنار انصدمت لانه كبير ومعه ولد وغنى تو صغييره قالت لها بتشوف وترد لها بعد يومين
صرفت البنات وحازم وقالت انها جارتهم....
بالليل تحديدا بغرفة منار وحمد
منار جالسه تمشط شعر لجين:حمودي حبيبي
حمد انسدح تو بعد ماصلى الوتر:هلا
منار ضبطت شعر لجين:يالله ماماروحي لعماتك ولاحزوم والعبي معه ابي اجلس مع بابا ...
لجين:طيب وراحت تركض ومنار تلحقها بنظراتها حتى قفلت الباب جات عنده وابتسمت له وجلست تمسح على شعره بحنان(يالله يامنور كم انتي حنونه بس ادري اني قاسي...)(فاقد الشي مايعطيه)
:في موضوع مهم مررره
حمد:قولي!
منار:جو خطاب لغنى
حمد جلس:مين؟
منار:اخو وليد....جهاد
حمد سكت وجلس يتذكره :اوووه هذاك الي معه ولد ..جواد؟
منار:أي علييك نور هاه وش رايك<تبي تعرف رايه بلاول
حمد:عادي عندي واحسن منه مانلاقي
منار:بكره انت فاتح غنى بالموضوع
حمد:لاماني بفاتح انتي دقي وقولي موافقين وغنى امرها علي
منار:!!حمد تبي تعيد غلطتك الي سويتها مع هموس؟
حمد عصب:انا اعرف مصلحة اخواتي فيين انتي عليك تنفذين الي قلت مفهوم؟
منار بسم الله دايم مزاجي:ابششر
التزمت منار بالي قاله حمد وبعد يومين وصلت موافقتهم بلاحرى موافقة حمد...
حمد جاء عند غنى الي جالسه تلعب كورة مع حازم
:غنـــى
غنى:طيب جات عنده
حمد مسك يدها:اجلسي
وجلسو على الفرش
ابتسمت له:.....تنتظر يتكلم
حمد:انتي كبرتي وتخرجتي والكل صار يتمناك لولده...
غنى تلون وجها انحرجت
:...............
حمد:جوك خطاب واعطيتهم الموافقة
غنى كان من اعطها كـــــف:ايشششش!.....ووقفت
حمد:الي سمعتيه ووقف
غنى:بس انا ابي اكمل دراستي
حمد سفهها :اوك دامه شرطك
غنى:حمد ماقلت هذا شرطي قلت اني ابي اكمل دراستي يعني اجلس معاكم
حمد سفهها للمرة الثانيه:خلاص باوصل شرطك لجهاد
غنى عرفت انه اسمه جهاد دخلت جوا وقفلت الباب بقوة
منار عرفت انه حمد قال لها وانكسر خاطرها على غنى
غنى قامت ترمي كل شي بالغرفه كسرت بعض الاشياء لان الارضيه سيراميك
جنى ومنار خافو عليها وقامو منار:غنو افتتتحي حياتي
غنى:مااااابي
جنى:انا جنى افتحي لي
غنى:مااااااابي اذلفوا عني مابي احد اترووكوني بلحالي انتم ماتفهمون وقامت ترمي مره ثانيه
جنى طالعت بمنار ونزلت دمعه حاره على خدها:منور وش فيها اختي؟
منار سكتت:تعالي واقولك....جنى:ايشش!هذا والله قام يحدد حياتنا على كيفه ولاراعي على غنم يمشيها على كيفه
حمد دخل على اخر كلمه:أي انا راعي وانتم غنم عندك شي؟
جنى معصبة واول مرة تتطاول على حمد كلها عشان تؤامتها الي قاعده تتعذب لحالها:أي عندي وم....مامداها تكمل لان حمد شدها مع شعرها:أي عندك تخسين وتعقبين توقفين بطريقي واياني واياك انتي وهالمجنونه الي بالغرفة تفشلونا قدام الناس تنطم لايجيها شي مايرضيها لو خربت شي ودفها على الارض
وطلع
جنى لمت رجولها وحطت راسها على ركبها وبكت بحرقه:اكرهك اكرهك ياحمد وضربت في رجولها
منار:خلاص ياعمري انتي وضمتها
غنى بعد ماحست انها طلعت الي بقلبها وهدت سمعت حمد يوم تكلم على جنى بغت تموت من كلامه تعرف لاهدد نفذ تهديد لما احد يعانده ويخالف امره...وقامت تصارخ:اكرهك اكرهك ياحمد وفتحت:وينه وينه؟
حمد كان يدخن بالحوش وسمعها
منار وجنى جوا يسكتونها ويغطون على فمها وهي رفضت تهدي
حمد دخل وكل عيون شر:خييير شوفيني قدامك...وانتم اتركوها فيها خير تمد يدها
غنى خلاص صايره تشوف وحش قدامها مو حمد اخوها الي تخاف منه قامت تبي تنفك منهم وانفكت غصب عنهم وجات صوب حمد تبي تضربه كف جاء مسك يدها ولواها لوراها:مو انتي ياغنوووه تعطيني كف هاذي باحلامك ودفها بس جو منار وجنى اسرع من غنى ومسكوها قبل لاتطيح غنى طاحت خلاص انهبلت انجننت قامت تشاهق تذكرو منار وجنى همس يوم تزوجت والحين الدور على غنى الله العالم بتلحقهم جنى اولا!
تفضلوا البــــارت:
|
/
|
اليوم يوم ملكة غنى وجهاد
جواد صدق ابوه يوم قاله بنروح لماما وصار ينطنط وازعجه ابوه الا يروح معه ويشوفها
عند غنى بعد مادخلت عند جهاد وبعد ماعذبت حمد حتى توقع بغى يذبحها لولا الضيوف الي عندهم
غنى كان مالها لسان كانها صنم من اول ماجات وهي ساااااااكته وجهاد طبعا كان مستغرب وضعهـــا!!
جواد كان مع جده ولهى عنه يوم اندمج بالسوالف مع حمد
شوي بعد ماكان المكان الي فيه غنى وجهاد كله صمت صار ضجيج من جواد:مــــــااااااااامـــا وراح يركض وارتمى بحضن غنى
غنى :!!!!!!!!!!!!!!!!!!!!!
جهاد انحرج:عيب ياجواد ابعد
جواد:لاباباه ماصدقت اشوفها...ماما ليش رحتي وتركتيني ليش سافرتي؟!!
جهاد كان من يعطيه كفوف على وجهه وغنى ولاحرف غير التعجب الي واضح ومرسوم على وجها جواد باسها على خدها بقوووة جهاد خلاص منحححرج وعصب:بسك جواد تعال
جواد زعل وبرطم والدمعه بعينه تكلم باذنه كلام ابتسم وطلع
:معليششش هالولد دفش
غنى متعجبه نطقت وبكل استغرب وخوف:و..ل..دك؟
جهاد ابتسم:أي ولدي ليش ماتعرفينه؟
غنى:.....لا
جهاد:الظاهر ماتعرفين عني كثير شكلك مغصوبه علي!
غنى انحرجت وبغت تتفضفض له عشان يتركها بس تذكرت كلام حمد وهونت :لالا من قال..؟
جهاد:اسمعي ياغنى<غنى رجف قلبها يوم نطق باسمها
:انا كنت متزوج قبل ست سنوات وزوجتي نوال الي هي بنت خالتي جابت لي جواد الله يخليه لي وبعدها صارت مشاكل وماكنا اساسا متفاهمين وانهبلت يوم دريت انها حامل ماكنت الا ابي فراقها بعد ماعذبتني سنه بعدها رمت علي جواد يوم صار عمره ثلاث سنوات واساسا ماعمرها رضت ترضعه او تحن عليه كنت اجي وهي مو بالبيت....المهم مااطولها اخذت جواد وربيته وصار يفهم وصار بكثرة يسالني عن امه واصرفه ولايصدقني وقررت اتزوج خاصة بعد مافاتحتني بدور بالموضوع وذكرتك فيه ومدحتك وعاد انا قلت لجوادي انك امه وخلاص صدق ياعمري عليه وحن فوق راسي حتى يجي ويشوفك وانا قلت له شوي وتجلسين معه عادي عندك؟واتمنى تقدرين ادري بينا فرق بس موانا المهم بهالموضوع المهم حياتي ودنيتي جواد...!
غنى طوال الوقت منزله عينها وكل حواسها صاغيه لجهاد انصدمــــــت كيف وهي بالعمر تتحمل وتربي وتاخذ هالمسوؤليه مو بيدها الا انها توافق اولا لانها خلاص صارت ملك لجهاد ولاتقدر تتراجع بسبب حمد ثانيا مالت لجواد وحزنت عليه وكسر خاطرها:ابشر بالي يرضيك...وقلب وجها الوان
جهاد ابتسم وحط يده الدافئه على كتف غنى البارد انتفضت منه وحس بس ماوخر يده وحس بحركة كتفها واضح انها تبي تبعد:الله يرضا علييك
شوي دخل جواد وكله شوق وحب لغنى الي مصدق انها امه:ماما وقام يضمها وجلس بحضنها وياكل شوكولاته ويبي يوكلها بعده
جهاد ابتسم :عن اذنك بروح للرجال وانتي اجلسي مع جواد..وانتبهي له الله يخليك وراح
غنى تطالع بجواد كان مررا برئ ويكسر الخاطر من تصرفاته ملامحه فيها كثثير من ابووه حتى عيونه الواسعه ورموشه الكثيفه ولاالغمازات الي بخدوده
ضمته هو الدنيا خلاص انفتحت له وقام يضمها ويبوس كل شبر بوجها غنى العبره بحلقها:ماما جووادي تحبني؟
جواد:كثيييييييييير وقام يفتح يدينه كذا ووحوالين فمه شوكلاته
مسحت له وجلست تسولف عليه ولاعلى بالها احد يدخل قامت تزحف ع ركبها بطريقة طفوليه وحطت جواد فوق ظهرها وهو ميييت فرحه وضحك شوي دخل الي ماكانت تتوقعه يدخل وتمنت الارض تنشق وتبلعها ولايشوفها كذا من انحراجها قامت بسرعه وطاح جواد على راسه وبكــــا بصوت مسموع صحاهم من نظراتهم لبعض جهاد ركض:خلاص حبيبي ووقومه واعطاه فلوس عشان يسكت
غنى خلاص العبره بحلقها لو تكلمت نزلت دموعها
جهاد:حصصل خييير ...,على فكره ريحتيني الله يريحك..لانها بداية خير ان شاء الله
غنى:.............
جهاد:خلاص يابنت ارفعي راسك قلت حصصل خير
غنى رافضه ترفع راسها جاء ورفع راسها وطالع بعيونها وبما انه قوي الملاحظه لاحظ لمعه الدمعه بعينها:لاتنحرجين ولاشي وربي حصصل خير بالعكس فرحت
غنى مو راضيه تنطق تعرف ببتبكي
ودعها جهاد وراعا شعورها وطلع طبعا جواد بالغصب فك غنى
..............................
دخلت عند الحريم
همس طبعا كانت معهم
اشرت لها منار وراحت المطبخ وهمس لحقتها دخلت وابتسمت لها
منار ضمتها:يوووووووه اشتقت لك مووووت
همس والف دمعه بعينها:وانــا اكثر منك لكن وش اسووي وليد كسول ومتبلد بلاحساس
دخلت غنى وهي مبتسمه:وش عندكم هنا؟
همس +منار:!!!!!!جايه ومبتسمه وهي بغت تكسرهم وتجيب لهم الضغط والسكر من كثر ماعقدتتهم!
غنى استغربت:يمممه وش فيكم....ههههههههه عرفت لالاتخافون الامور بينا من البداية تمام والحمدالله
همس حزت بخاطرها اخوه واكبر منه وعنده ولد وحاس على دمه وهذا ولاكان له ممشاعر!
منار شافت همس مسرحه:اقولك بتنامين عندنا؟
همس(غصبن عليييه يخليني):ان شاء الله
خلاص راحو اهل جهاد كلهم الا جواد جلس مع غنى حتى الليل
وليد ماتركه حمد خلاهم يتعشون عندهم بعد فتره بعد العشاء على 12 ونص وصللت همس رساله طنشت تعرف انه وليد ماتبي حتى تشوف رسالته
منار:هموس شوفي جوالك لايكون وليد
همس ببرود ممزوج بخوف منه:لالامعلييك اكيدانها من لعبه ولامن هالرسائل
منار ماحبت تضغط عليها وطنشت
همس جالسه تسوولف ومطشنه رساله وليد ورغم هذا خااايفه
دخل حمد وهو يضحك مع حازم انصدم من وجود همس:همسس انتي لسسسى هنـــا!!
همس ارتجف قلبها من مكانه:ه..اه ايه ايه الحين بطلع اخذتني السوالف عن اذنكم واخذت عبايتها وشنطتها وطلعت لبست بالحوش تذكرت انها تبي تنام عندهم وطلعت جوالها تبي تدق على وليد وهي خلاص بتدق شوي وليد دق هوو (ياويلي...)هدت نفسها وردتها ببرود عكسها جواتها:الوو
وليد بعصبييه:وش رايك تنامين احسسن؟!
همس:كنت بادق استاذن منك بس سبقتني
وليد:لاوالله!تحلميين تنامين عقاب لك على برودكـ
ياهانم والرساله الي وصلتك وش تفسرينها؟
همس:...........طيب ابي اجلس عند اهلي بس...طوط قفل بوجها
همس عصبت وطقت بالكعب بالارض وطلعت له وهي خاااايفه منه دخلت السياره بصوت اقرب للهمس:السلام عليكم
وليد بجفاف:وعليكم السسلام
جو السيارة صمـــت ماينسمع غير طقتقت اصابع وليد بالدركسون
همس خايفه من حركة توتره
فجـــاءه عند الاشارة طالع فيهـا:هالحركة ماتنعاااد تفمهييين وقسسم لو تنعاد تشوفين وليد بكل مكان وحتى تحسبينه ظلك تفهميين ولافهمك عدل؟
همس بهمس:ايه
وليد :ماسمعـــت
همس بصوت اعلى شوي:ايووه
وصلو شقتهم الي راح يعيشون فيهـا دووم
همس الي مفرحها انها بأبها مو بالرياض يعني قريبه من اهلها
وليد:سوي لي شاهي وجيبيه بمكتبي
همس.......
وليد:اكلمك مفهوووم؟
همس:أي ابششر
وليد(هاذي مايبي لها الا هلاسلوب من اليوم ورايح دلع على
االفاضي والله!!)
عند جواد الي الدنيا مو واسعته من الفرحه جهاد كان يسولف مع اهله ونسي من ولده انه عند غنى يحسبه نايم كالعاده
بدور:هيه جهود وش فييك تارك ولدك عند الناس؟!!
جهاد كان يشرب مويه شرق
ام جهاد:بسم الله عليك وضربته بظهره
جهاد قام طلقه ورااح يجيبه طالع بالساعه الساعه وحده(وش هالفششششله من البداية طينتهـا كاني ابي الفكه ياويل حالك ياجهاد)دق على غنى
غنى مسميته ابو جواد انهبلت يوم شافته المتصل ردت:هلا
جهاد:السلام عليكم
غنى:وعليكم السلام
جهاد:انا عند بابكم افتحي لي
غنى ماعلى بالها انه اذا جاء بتطلع له على بالها تعطي حازم جواد ويعطيه ابوه وخلاص يوم قال تفتح له طالعت بنفسها كانت لابسه بيجامه بيضاء سبورت ع الجوانب دقتين عريضه بالاحمر ولابسسه جكيت نفس البنطلون شعرها
البوي مشطته حطت قلوس وكحل داخلي على السريع وبلاشر وراحت تفتح ركض وقفت عند الباب تنهدت بقووة سمعها جهاد ابتسم ولانه كمان سمع ركضها
فتحت وابتسمت
جهاد:السلام عليكم
غنى:وعليكم السلام...حياك تفضل المجلس الكل نايم
جهاد انحرج من موقفه:معليشش والله ماقصد اخليه معاكم لهالوقت تناسيت واحسبه نايم ...
غنى ابتسمت بلطف:لاعادي...ادخل تفضل
جهاد دخل وراءها ويتامل طولها جسمها الي مبين من البجامه خقق علييها وده يضمها من ريحتها الي ذوبته من اوول ماشافها ريحتها خلاص مركزة برااسه
غنى طالعت فيه تبي تقول لها يجلس وبتجيب جواد انحرجــــت من نظراته الي بتاكلها أكل ماتت خجل وضاع منها الكلام جهاد عرف تبي تقول شي وانحرجت ابتسم وبعيونه يقول تكلمي
غنى اكتفت بالصمت وانسحبت من المجلس وجابت جواد
جواد يوم شاف ابوه انفك من يد غنى الي كان ماسك فيها بقووة:بـــــــابـــــاه ويركض وارتمى بحضنه
جهاد:هههههههه<حتى بانت غمازاته
غنى خقت عليهااااا
جهاد:يالله بنروح البيت..تونست مع ماما
غنى قلبها يرقص رقص من هالكلمه
جواد :كثيييييييييييير
ابوه ضحك وطالع بغنى بعيون كلها سعاده:ربي يسعدك مثل ماااسعديه
غنى انحرجت ونزلت راسها
وقف جهاد وغنى انتبهت انه وقف من الثوب يوم نزل على اقدامه وقفت معه ...جهاد:يالله استودعك الله وباسها بيجبينها وغنى ارتجفت ومافاتت جهاد رجفتهــا
جواد كان ابوه شايله ومن صدره وفوق عند غنى يضمها وحوط يدينه على رقبتها وصارت غنى بجهة جهاد:احبك ماماه مع السلامه غنى :وانا كمان احبك...جهاد ناظر بشفايفها الي تلمع ونبض قلبه يوم قالت احبك....
راحوا البيت لكن في اثنين جافاهم النوم جهاد وغنى كل واحد يفكر بيومه ومستقبله كيف بيكون!
جهاد(انا وش فيني ماكنت ابي اسوي كذا!بس سحرتني الطيبه الي بعيونها والبراءة وانا خايف لو اسلوبي قاسي تمل وتروح او يلاحظ جواد ويزعل مني...الله ييسرني على سعادتكم)
وباس جيبين جواد وتذكر غنى يوم باسها وابتسم وضم ولده الي ريحة غنى فيه ضمه لصدره اكثر....ارتاح لغنى ارتاح لبراءتهاوخجلها حبه...كل شي فيها عجبه وريّحه وكمان وجه جواد الي ماليه بلابتسامه حتى وهو نايم....
....................
غنى جاء الفجر وهي تفكر بجهاد وجواد كيف بتسعدهم وكيف بتتأقلم معهم وكيف تترك احلى ماخلق ربي لها واروع شي واحلى شي بعينها تؤام الجسسد والروح(جنى)نزلت دمعه حاره من هالافكار(آآه مو مصدقه بروح بروح واترك تؤامي!!لاماعمري فكرت بهالشي على الاقل هموس هنا بأبها وانا ويني ووينهم!بالرياض)
تركت دموعها تنزل بصمممت وراحت توضت وصلت وقراءت لها كم صفحه من القران تهديها....شوي وصلها مسج
راحت فتحت الجوال انصدمت المرسل(ابو جواد)ارتجفت يدينها وافتحتها(غنو اسف ازعجتك بس حاب اقولك اننا راح نتغدا الثلاثي برا فجهزي نفسسك اوك؟)
غنى ابتسمت(تجنن كلمة الثلاثي)ارسلت.....
عند جهاد الجوال بيده وجالس على الكنب ينتظر ترد ويرجع يكمل نومته لان ماقدر ينام زين من تفكيره وصلت الرساله ابتسم وفتحها(اوك مو مشكله ولبس جوادي زين اليوم احسه هوا...)جهاد طاير من الفرحه (لهدرجه يهمها جواد ولبسه وكل شي فيه...الله لايجعلني انصدم منك بيوم او يغيرك علينا)
نام وهو مرتتتاح
..................
عند وليد بعد ماجلس بالمكتب فترة على النت وكان متضايق من همس بس هدا وطلع دخل الغرفة لقها نايمه وكالعاده معطيته ظهرها....(هاذي وش تقصد بحركتها وتصرفتها...ماسك نفسي لاطقها طراق يسنعها من جد!)راح نام .....صحت همس من رنين جوال وليد طنشته على انه هو يقفله مالك امل ولاحست بحركة انذهلت لفت وكان معطيها ظهره هو بعد قامت وقفلت التؤقيت وتوضت وصلت لانه تو ياذن تبي تتفرغ للدب على قولتها صلت وجات عنده هزته:ووووليد
وليد تحرك فرحت:يالله وليد ...بدون شعور قامت تدق باسببتها بكتف وليد وليد صاحا من دقة اصابعها الطويله ومسك اصبعها ولفه:ووووجع عورتني انتي وهلامساطر
همس:آآي فكني ماقصد...
وليد فك اصبعها وقام عنها بزفره....
بعد ماصلى رجع وهي نايمه(لاوالله طالت وشمخت ياهمسوه نايمه وتاركتني بلااكل وش ماخذك له الا للنفخ والطبخ!!)جاء صوبها:همسوه قومي
همس نومها خفيف وعايشه لايام بتوتر بسبب وليد يوم قال همسوه تذكرت حمد على طول(نفس نبرة صوت لاجاني يتأمر الله يغثكم اثنينكم)ببرود هي مسكره عيونها:نعم؟
وليد شالها بيدها شوي وهي جالسه عورتها يدها من عند كتفها لانه بقووة شدها:آآآي تراك مصارع وانا نتفه عورتني
وليد وكل عيونه شرار:قوووووومي بسرعه سوي لي فطور وارحمي نفسك قبل لايجيك شي ماترضينه!
همس خافت منه ونطت:ان شاء الله....
وليد(اما ادبتك وخليتك مثل حرف الألف ماكون وليد ولد سلمان يا همسوه!قال ايش قال همس همس لايقه لوحده نعومه كتوته مو هالسوووسه!)
همس متضايقه (مو قادره اكون صنم وامشي تحت امره ابيه يطفش مني ويتركني مابيه مابيييييه!)سوت له الفطور واعطته وجات تروح تكمل نومتها:على ووين؟
همس:بروح انام ...
وليد:تعالي كلي ولما انام تنامين ولما اقوم تقومين وكل كلمة تنفذ بالحرف الواحد طيب؟
همس مو فاضيه للهواش:طيب وجلست اكلت بدون نفس وقاعده تقطع بالخبز ومسرحه....:هيه انتي اذلفي من عندي سدت نفس!
همس(جات من الله)قامت....وليد:روحي جيبي مويه
همس (وبعدين معه وقسم ماخذني خدامه له ولبيته عساه بالهدم ان شاء الله وهو فيه بس لحاله!!)
راحت جابت وقامت تبي تروح تنام
:انتي ماتفهمييين؟!!قلت لما اقول كلمة تنفذ !
همس :طيبب؟
وليد ثار دمه يوم هي بارده وهو محترق مووولع منها وقف ودفها بكل قوته على الكنبه:انثبررري هنـا
همس خافت ونزلت عيونها...تم ياكل ووده ان الاكل يتحول همس....بعد فترة:شيلي الأكل وقام
همس شالته باستسلام وراحت تغسل المواعين حجه بس عشان ينام وتجي بعده .....انتظر..انتظر ماجات ثار دمه
دخل المطبخ :وووجع انتظر لي ساعه وحظرتك مو على بالك تقولين لي شي!
همس ببروود وتغسل لكن قلبها يدق دق دق الطبوووووول
وليد عصصب:همسوووه اسالك ردي ....همس شافته جاي صوبها خافت وهربت وليد شرب مويه وجلس يهدي بنفسه
دخل الغرفه شافها جالسه على الكنب:انخمدي مابي منك شي مثلك ماينطاق المسها وخزها راح ينام همس(على باله خقيت علييه بامموت الا الفكه عساه بالماحي الي يمحيه من حياتي)
...................
مساءكم معطـر بذكر الله...~
روايتي تحمـل بين طياتهـا:خيالـي الوآســـع
لآآحــلل مرة آخرى أن آحد ينقــل رواياتي بغيــر آسمي....!
رواية:
ابغى تكون انت داري وانا داركـ واوعدك ما اخذلكـ
{بقـلمـي}
خذني لك خذني اقرب
خذني لاحلامك وفرحكـ
خذني لخوفك و جرحكـ
انا ابغا العيشه معكـ
خذني لدموعك .. لاسرارك .. لزعلك و لرضاكـ
ابغى تكون انت داري وانا داركـ
واوعدك ما اخذلكـ
انت بس جرب حبيبي .. وخذني لكـ
باقضي ايامي معكـ
بنسى نفسي .. واذكركـ
واتنفس من هواكـ
باتوسد طهر قلبكـ
واتفيا بظل حبكـ
واوعدك ما اخذلكـ
انت بس جرب حبيبي ..خذني لكـ
خذني للعطر بيدينكـ..
خذني للشعر بكلامكـ..
أرتوي من صآفي نبعي
خذني للنور بعيونكـ .. خذني ماقدر بدونكـ
وأوعدكـ ما اخــذلكـ
انت بس جرب حبيبي .. وخذني لكـ
.............
.........
في الغرفه الي تجمعهاهي واخواتها جالسه تطالع في غروب الشمس مع الشباك وهي مبتسمه شوي دخل اخوهاالكبير عليها
:همسوه؟!
همس ارتجفت:هلا؟
حمد:....يالله قدامي روحي سوي شاهي زملائي موجودين
.............
بالصاله بعد ماطلع حمد من عند همس دخل على اخواته جنى وغنى :ماشاء الله جالسين تتفرجون والحوش مثل ماهو؟!انا وش قلت لكم قبل لااطلع مو تنظفونه؟!هااااه
غنى وجنى ساكتات خايفات من اخوهم الي متحكم بالكل في هالبيت المتواضع
:يالله على السريع روحو نظفوه قبل لا يطلعون زملائي من عندي
اعرفكم على الشخصيات
حمد اكبر اخوانه مسيطر عليهم من بعد ماماتوا امهم وابوهم في حادث
عصبي لابعد الحدود وسيم طوله حلو عيونه واسعه واسمر بس مو مرا يشتغل مدرس ابتدائي عمره ٢٨متزوج بنت خالته ومعه بنت اسمها لجين عمرها اربع سنوات
زوجته :منار عسسسل ومتحمله حمد لانها تعشقه من وهي صغيره عمرها٢٥بيضاء جسمها مرتوي ملامحها صغيره
همس:عمرها ٢٤حبوبه وحنونه مره وصبوره تحب ولد خالتها اخو منار اسمه عبدالله
شعرها لتحت كتوفها عيونها نفس عيون حمد بس عدستها غير هي رمادي غامق وحمد عسلي فاتح
غنى وجنى توام متخرجات من الثانوي غنى نسبتها ٩٨وجنى٩٩
مره يتشابهون طولهم متوسط شعورهم بوي شقرا اجسامهم مرتويه ملامحهم تعطيهم عمر اصغر من اعمارهم دوم لبسهم واحد لكن اللون يختلف
حازم :عمره ١٦هادي مرره يشبه حمد في ملامحه مره
نرجع للقصه
غنى وجنى بالحوش
غنى:آه تعبت ...الله يسامحك ياحمد
جنى :اي والله ..جنى جلست تلعب في المويه شوي دخل حازم وشافها وهي ماتدري ثقل صوته:بنت وش تسوين؟
جنى خافت تحسبه حمد وطاحت طرآآآآآآآاخ حازم وغنى ماتوا من الضحك
جنى:آه وجع ياحزمه
غنى زادت من الضحك
:آه يمه بطني
حازم:اقول كملواشغلكم لايجي عليكم حمد
كملوا شغلهم ودخلو يتضاربون على الحمام(الله يكرمكم) جنى:ياغنوه انا سبقتك
غنى :لاانا سبقتك
همس:هي انتي وياها انطمو ا ازعجتونا وحده تدخل والثانيه تنتظر بعد مايروحوا زملاء حمد وتروح الحمام الي هناك
جنى:اكيد راح يطولوا
دخل حازم وجلس معهم
منار:حزوم صح زملاء حمد بيروحوا؟
حازم:يس الحين توهم طلعوا
.........
بكره العيد والكل فرحان ومسوين استنفار
جنى وغنى وحازم يلعبون في الحوش بالألعاب الناريه وهمس تمسح الفرن وتسولف على لجين
منار مع حمد بغرفتهم توهم جاين من السوق
حمد وهو يدخن:انا مو قايل لك من السوق التنوره كبيره عليك ورفضتي؟!
منار وهي مقهوره:كنت احسبها مو واسعه لهدرجه...الله يخليك رجعها
حمد:.....بس يدخن ويطالع بمنار..اوك هاتيها وبروح ابدل لك بوحده احلى منها وعلى ذوقي وقف
منار ضمته :الله لايحرمنا منك يااغلى من نظر عيني
حمد ابتسم لها واخذ التنوره وطفا سجيارته وطلع الحوش شوي جت عنده طرطيعه وماانتبه غنى وجنى وحازم صارخوا:انتبــــــــــه طالع مستغرب وش فيه شوي طااع حمد نط وجنى وغنى وحازم مو قادرين يمسكون انفسهم من الضحك
:هههههههههههههههههههههه
حمد ولع جاء صوبهم واخذ الألعاب الناريه
حازم:لا الله يخليك....
حمد طنشه وطلع رماها وركب سيارته حازم يوم شافه اختفى عن انظاره راح واخذ الألعاب لان حمد رمها جنب الزباله(الله يكرمكم)
دخل حازم:بنات شوفوا رجعتها
جنى:الله يقرفك من الزباله جايبها!!!
حازم:وش قالوا لك مجنون؟!
غنى:انا خايفه يجي حمد وهي معنا
حازم:راح نخلصها قبل مايجي
جلسوا يلعبون ...شوي دخل حمد صفق:شاطر حازم ..حمد بصراخ:يالله ارمها ومره ثانيه لاقلت شي لك سوه بدون لف ودوران حازم راح يرمي الباقي من الألعاب
حمد طالع في غنى وجنى:ويالله انتي وياها جـــــوه وعلى طول غنى وجنى دخلوا ركض حازم رجع قفل الباب ومنزل راسه حمد ضربه على رقبته
:يالله قدامي على غرفتك وثوبك وشماغك عقاب لك ماراح يكويها غيرك
حازم دخل جوا البيت(ليتك بمنطقه ثانيه عشان ناخذ راحتنا ياحمده)
همس:حبيبي حزومي وش فيك؟
حازم طالع فيها بنظره مكسوره
شوي جاها صوت حمد:وش قلنا يالله على غرفتك واكو ثوبك وشماغك زين
همس:لاحمد انا باكويها وهو ينام
حمد:لامافي هـــــو يكويها
همس:ليـــــش!مايعرف
حمد عصب:همسوه اذلفي عن وجهي لايجيك شي مايرضيك
جلس وهمس راحت الغرفه الي دوم تجمعها مع اخواتها
حمد جلس بالصاله:منـــــار...منـــــار تعـــــالي
منار تركض:آمر عيوني
رمى لها الكيس:خذي ...عجبتك ماعجبتك بكيفك ارجع او ابدلها احلمي
منار ابتسمت رغم قهرها من حمد:طيب ياقلبي ...راحت تجربها
حمد جاء عند لجين:لجونه حبيتي تعالي مد يدينه لها
لجين بعدت:لا انا زعنانه(زعلانه)
حمد:افـــــاليش؟!
لجين:عشان عصبت على ماما
حمد توهق مايدري وش يقول!
:لاياقلبي ...انا ماعصبت على ماما..انا...ماتركته يكمل
:لالا.....وركضت دخلت عند عماتها وقفلت الباب بقوه
جنى:بسم الله على هالبنت ماتخاف من حمد!!
منار:راح تكبر شوي وبتفهم وتعقل وتخاف
همس جت جنب منار ومسكت يدينها الناعمه ابتسمت منار
همس:صح منور ان حمد يعاملك بقسوه؟!!
منار:........
جنى:الله يسامحه
غنى بهمس لجنى:مفروض يقدر انها يتيمه واخوها متطمن انها معه ولاكمان حبها له!
جنى:خلاص اسكتي لاتسمعك
همس حبت تغير الجو الي خيم على ملامح منار:يالله تعالوا نتفرج على التلفزيون ومسكت بيد منار
......................
اليوم الثاني صباح عيد الفطر
حازم وحمد طلعوا يصلون
البنات جالسين يلبسون ويتمكيجون همس:صدق اني احلاكم واتحداكم
منار:ههههههه صدق واثقه
همس جلست:اي لاتلومني شوفيني خلصت قبلكم
شوي يندق الباب
غنى وجنى لابسات تتناير لحد الركبه لونها بيج وبلوزة جنى لونها عوودي غامق وغنى أحمروعليها بوت بيج
همس لابسه فستان هادي ليلكي تحت ركبتها بشوي ولابسه باليه اسود
منار لابسه تنوره جنز اسود وعليها بلوزه فيروزيه
لجين لابسه فستان وردي قصير ولابسه باليه وردي
همس تركض عشان تفتح الباب :مين؟
:انا عبدالله
همس قلبها يرتجف مكانه وحرارتها ارتفعت:ه...لا والله عبدالله...الحمدالله على سلامتك متى رجعت من البعثه؟
عبدالله:الله يسلم روحك الغاليه
انا تو راجع البارح
همس:انتظر انادي منار تفتح لك
راحت تركض:منـــــــــار
منار:امري ياقلبي ؟
همس:عبود عند الباب ينتظرك
منار الدنيا مو واسعتها من الفـــــــــرحـــــــــه
ركضت وفتح الباب استقبلت عبدالله بدموعهاضمتـــــــــه
:عبودي ياراحه قلبي اشتـــــــــقت لك
عبدالله غصب عنه نرلت دموعه:غصب عني والله غصب عني هالغيبه
منار بعدت عنه:سنه ماشفتك كانها قرن!
عبدالله ابتسم :اعذريني وبلغي عذري للغالين وطالع في غرفه همس
عبدالله عمره ٢٤نفس همس يحب همس مثل ماتحبه حنـــــــــون طيب مره نحيف عنده غمازه بخده اليمين شعره لنص رقبته ونااااعم يشتغل بشركه سابك
منار دخلت عبدالله المجلس وراحت تجيب القهوه والحلويات
بالمطبخ همس فرحـــــــــــانه
منار دخلت عليها ابتسمت لها :يسلم عليك عبود ويعتذر على غيبته لكن غصب عنه
همس:لاعادي فديت قلبه
منار رجعت لعبدالله
عبدالله:نسيت مااقول لك من العايدين
منار:هههه فديت قلبك على قولت همس..من الفايزين
عبدالله أبتسم من قلب
:إلاوين بنوتتك الحلوه؟
منار تمد له الفنجان :بروح اجيبها وانت تقهوى
منار دخلت:بنات وين لجين؟
غنى:آخ آخ..نايمه
منار:لاعاد!!بروح اصحيها خالها يبيها راحت غرفتها جلست تلمس على شعرها :لجونتي حبيبتي هيا قومي اليوم العيد تاكلي حلويات وتلعبي مع عمو حازم لجين بكت:لالا ابا نام(ابي انام)
منار:واذا قلت لك خالو عبدالله جاء من السفر؟!
لجين على طول نطت وتركض:خالو..خالو جاء
منار لحتقها:تعالي اغسل وجهك رجعت غسلت وجها ومسحته بالفاين بسرعه وراحت جري
دخلت ونطت بحضنه:خالو اشتقت لك
عبدالله:ههههه والله حتى انا ياروح خالو ..بعدها عنه ماشاء الله كبرتي يالجون
لجين:هههههه
شوي دخل حمد وحازم
حمد:هلا والله بعبود
عبدالله وقف:هلا فيك ...سلموا وجلسوا يسلفون على ١٠راح عبدالله
بالصاله تحديدا
حمد:همس تعالي ابيك
همس:طيب وراحت مع حمد مجلس الحريم حمد قفل الباب
همس مستغربه بس ماوضحت
:آمرني ياخوي
حمد:صح تعرفين وليد؟صديقي
همس:ايه... وش فيه
حمد:خطبك
همس كانت جالسه وقفت:وشو؟!!خطبني انــــــا!
حمد:اجل انا ..ايه انتي
همس باصرار:انا ياحمد ماابي اتزوج
حمد:ومن قال لك اني ماخذ رايك اساسا انا حبيت اعطيك خبر عشان تتجهزي ملكتك اليوم وزواجك رابع العيد
همس نزلت دموعها غصب عنها مااكتملت فرحتها برجعه عبدالله:حمد ماابيـــــــــــه الله يخليك اجبرني على كل شي الا اني اتزوج غصب!!
حمد كان قاسي صامت مثل الجبل الشامخ طلع وترك همس غارقه في بحر دموعها
طلع من البيت بكبره همس فجاءه:لـــــــــــا ماابي اتزوج دخلو عليها غنى وجنى ومنار وحازم كان نايم
منارضمتها:وش صاير؟!!
همس:حمد...بيزوجني غصب عني!!
جنى معصبه:كيــــــــف غصب عنك اما في هاذي ظلم ياهمس
منارودموعها على وجها:الله يسامحك ياحمد الا هاذي ماتوقعتك تسويها!
غنى وهي تبكي وتضم همس:حرااام عليه حطم حلمك وحبك لعبدالله
همس وهي تشهق وكحلها سال:ان شاء الله اتزوج عبدالله ونعيش بعش بس لااتزوج غيـــــــره آآآه ياحلم حياتي ياعبدالله ملكتي اليوم وزواجي رابع العيد موتي ينتظرني يانور دربي
غنى وجنى ومنار يشاركونها همها وهم في حيره وش يسون همس قاعده تذبل قدامهم مثل الشمعه الي مكتفه وتنحرق حياتها قدامها
............
الساعه ٩الليل بغرفتهم
همس عيونها صغرت من كثر البكاء وصدرها يرتفع وينزل من كثر شهقاتها:آآآه يمــــــــه آآآه يبــــــــه وينكم تشوفون ظلم حمد لنا ....شوي دخل حازم وصوته كله حزن:وقعي هنا ياهمس
همس تصارخ وقفت على ركبها وسط السرير:ايــــــــش فيكم ماتفهمون ماابي اتزوج وليد!
حازم ضمها لصدره:هدي ياهمس هدي خلاص هذا نصيبك لا تعترضين على حكم ربك ولمس على شعرها وابتسم:حبي وقعي
همس باصرار:لا
دخل حمد معصب:انا اوقع بدالك وين تلاقين مثل وليد
وقع بدالها!!
همس معصبــــه:اي من شاهد الثور ؟..بقره!
حمد حط أصبعه على فمه:اشش وبعد شوي تجلسين مع وليد ولاتنطقين بحرف سامعه؟
همس رجعت تبكي
جنى:خلاص حبيبتي عيونك راحت فيها!
همس رفعت راسها:آآه خليني ابكي عسى العمى يرحمني ويعميني!
جنى سكتت بس جلست تقرا على همس حتى هدت
دخل حمد:همس هيا تعالي
همس صارت مسلمه نفسها لحمد ووليد صارت دميه
راحت معه وكان لسانها مقطوع!
دخلت ســــــــاكته حتى ماسلمت كانت لابسه تنوره سوداء وبلوزه عنابيه وبوت اسود وحتى ما حطت كحل وحمد ماقال شي كان عندها امل انها لمى تلبس كذا راح يتفركش الزواج لكن ردة فعل وليد حطمتها لان من يوم مادخلت جلس يسمي ويقول ماشاء الله
وليد:كيفك ياهمس؟
همس:تمام
وليد:تعبانه؟
همس:لا...كانت منزله عيونها من اول مادخلت
وليد مستغرب صمتها!!:يابنت الناس اسمعيني انا عايش هنا في ابها لحالي واهلي بالرياض ومليت لحالي وابي زوجه تهتم فيني وبيتي فقلت مالي غير وحده من اخوات صديقي الغالي حمد
همس:يعني انا خدامه ببيتك!
وليد:لاطبعا...انتي زوجه لي على سنه الله ورسوله
همس (راح اعتبر نفسي خدامه ببيتك ياوليد راح اكون ساكته اكثر من سكوت الاصنام!!)
وليد اعجبته همس مــــــــره اعطاها طقم ذهب وطلع من عندها هي دخلت جوه
جنى وغنى ومنار قاعدين ينتظرونها شوي دخلت تجمعوا حولها منار :هاه بشري وش صار؟!
جلست وعلمتهم بالحوار الي دار بينها وبين وليد ورتهم الطقم
جنى:يجنن الطقم
همس:مايملى عيني حتى لو كان الماس وراحت غرفتهم وشغلت قران عشان ترتاح ولاتفكر وتنام
..............
ثاني االعيد العصربالحوش جالسه على المرجيحه
همس تطالع بسلسال اهداه لها عبدالله بالمتوسط لبسته (عهد علي ماافكه حتى الموت ياخذ روحي)
جت عندها لجين:خلاص بتلوحين؟!(بتروحين)وتتركينا!وحطت راسها على رجول همس
همس نزلت دموعها غصب عنها:لازم اروح يا قلبي مو بيدي
لجين:عما؟(عمه)
همس:آمريني؟
لجين:احبـــــــك موووت
همس شالتها وضمتها:والله حتى انا ياقلب عمه
.............
في زاويه من زوايا هالبيت الحزين
منار:عبدالله همس غصب عنها تزوجت وليد حمد غصبها عليه والله لو تشوفها كان مات لها غالي!
عبدالله كل معاني الحزن ارسمت على وجهه ودموعه نزلت:ادري ادري يامنار مايحتاج تعلميني عن ردة فعلة هوى قلبي احس اني مكتوم ليتني مت ولاان هموس تعيش مع غيري!
منار بين دموعها:خلاص ياعبدالله الله يوفقها مع وليد ويوفقك مع غيرها
عبدالله عصب:لاتنطقين اسمه هالحقير ...منار باي
...........
منار قفلت جت عند همس:هموس وصلت خبر زواجك لعبدالله
همس ظلمت الدنيا بوجها:و..ش ق..ال؟
منار:وش بيقول مات من القهر
همس بس تشهق ومنزله راسها
منار تركتها لحالها عشان تاخذ راحتها وتفرغ حزنها المكبوت
................
بعد المغرب كان حمد بالحوش يدخن شوي يندق الباب حمد طفا سيجارته:طيب جاي
فتح الباب:هلا والله بعبود
عبدالله:هلا فيك
حمد:تفضل دخلوا المجلس
حمد:عن اذنك بروح اجيب القهوه
عبدالله :لالالاتجيب شي انا باكلمك بموضوع ورايح
حمد:خير ان شاء الله؟
عبدالله:زبدة الموضوع ....ليش زوجت همس غصب عنها؟ا
حمد:من قال انه غصب لاهي موافقه
عبدالله:تلعب انت على نفسك؟!همس مو وافقه اعرف ماتبيه وانت جبرتها
حمد عصب:اناعارف مصلحتها وين!!
عبدالله:ياخي حطمت مجاديفنا كنت ابيها وتبيني
حمد:لو جيت قبل ماوافقت تدري ليش؟!
عبدالله :ليش؟
حمد:يارب تغفر لي... خايف تجيب لنا شي من هالامراض الي منتشره بالغرب
عبدالله وقف لكنه كان ماسك اعصابه:الله يسامحك ياحمد ..لكن مااقول الا كلن يشوف الناس بعين طبـــــعه وراح عند باب المجلس:انتبه ياحمد لاتظلم هالايتام الي هم امانه برقبتك وطلع من عند حمد حمد جلس يرن كلام عبدالله براسه لكن طنش وطلع للاستراحه مع زملائه
..........
اليوم يوم زاوج همس من وليد
همس خلاص جسد بلا روح عافت الدنيا بمافيها كانت قمر على هيئة بشر
انزفت على احلى موسيقى هي بعالم والناس بعالم ثاني
منار لون فستانها اسود مع رصاصي جنى وغنى كانو مطقمات عشا ن هم الي بزفوا همس وكانت اشكالهم مره ناااايس لون فساتينهم بنفسجي غامـــــق ولجين نفس لون فساتينهم عشان كمان هي من ضمن الزفه
الحين اعرفكم على عايله وليد الي كانت متواجده:
الاب :سلمان عمره ٥٠طيب ومخلي عياله على راحتهم لان واثق منهم
الام:منيره عمرها٤٨فيها حب سيطره بس فيها طيبه
جهاد:عمره٣٢شخصيه هاديه كان متزوج وطلق زوجته وولده معاه عمره ٦سنوات اسمه جواد
بدور:عمرها ٣٠متزوجه عندها بنتين الاولى:مجد عمرها ٧سنوات شقيه وماتسمع الكلام الا بالغصب الثانيه:جيهان عمرها ٤سنوات هاديه مرره عكس مجدبدور مره عسسل وبسرعه تنحب
وليد:عمره ٢٨مدرس بنفس المدرسه الي يدرس فيها حمد
انسان مسيطر بس فيه طيبه عنده فكره الزواج اتزوجها وتهتم فييني وفي بيتي وبس
اسامه :عمره ٢٥عسكري انسان مايهتم لا شي سوا انه يفلها ويطلع راتبه مايجلس معه شهر!بس ع رغم كل هذا انسان حبووب بس انه مو قد اي مسؤليه
................
نرجع للعرس
على الكوشه جالسه ونفسها تصيح وتقول ياناس ماابيه ابي عبدالله...قطع حبل افكارها صوت وليد الي كان جالس جنبها:الف مبرووك
بصوت كله حزن:الله يبارك فيك
جات مجد وجيهان ومع كل وحده باقه ورد مجد:الف مبرووك ياعرسان واعطتهم ابتسامه ممزوجه باللقافه
وليد:هههههه...الله يبارك فيك ياحلوه ...واعطوهم الباقات وراحوا يرقصون ومعهم لجين وجواد بنص الرقص مجد صرخت:صح ياخالو انا احلاهم
وليد طالع بهمس:ههههه
جاتهم بدور :الف الف مبروك وسلمت عليهم ..عند همس:منه المال ومنك العيال
همس ابتسمت لها(الله لايقوله)
في وحده تطالع في همس بحقد قامت ومشت لعندهم ومو لابسه شي يغطي شعرها ولبسها مره عريان لابسه فستان أخضر غاآآمق وصدرها باين والفستان فوق ركبها وتمشي بدلع ماصخ جت عند وليدومدت يدها وليد :!!!!!...وش تبين ؟
ملاك بدلع:ابي ابارك لك..ولا ممنوع؟
همس(منو هاذي ووش تبي!ليتها خذتك ياوليد وريحتني)
وليد لف عنها لجه همس سلمت على همس :وليد لي مو لك وتشوفين..واعطت وليد هديه ونزلت
بعد مانزلت وليد طالع في همس :هيا امشي ونزلوا سواهمس(حتى مافكر يببرر الي صار..جعلها تتهنى فيه وانا وش دخلني!!)
ودعت اهلها واهله ...
تفضــلوا البـــارت....|
بالفندق
(نفسي بس اعرف منو هاذي!):وليد؟
وليد كان يتعشى طالع فيها:نعم؟
همس(نعامه ترفس ببطنك قول امين الواحد يقول لبيه آمري حبيبتي شي حلو مو نعم!)
:منهي الي جات وسلمت علينا واعطتك هديه؟!
وليد غمز:تغارين علي؟
همس:.........(امممحق ماعاد الاأنت اغار عليه)
وليد:هاذي بنت عمي ملاك تحبني وتبيني ولا ابيها
همس:اها(لاعاد ماحبت الا انت!)
قامت همس وراحت أخذت شاور و لبست بيجامه نوم لونها بيج فيها قلوب كبار وصغار لونها موف لحد ساقها وراحت تمشط شعرها وشافت السلسال الي كان هديه من عبدالله
(آه وينك الحين ياعبود...فرقوا بينا الله يسامحهم)
عند عبدالله ماقدر يجلس بالصاله اكثر وطلع يمشي بلا هدف(آآآه يارب تساعدني على فرقاها وتوفقها يارب ....همس والله أحبك )نزلت دمعه حاره على خده ومسحها وراح يمشي بسرعه جنونيه
.....
عند منار توها طالعه من الحمام ماخذه شاور طلعت تذكرت عبدالله على طول دقت عليه
عبدالله رد بالاخير لانها منار اخته:.....
منار:السلام عليكم
عبدالله :وعليكم السلام
منار:عبودي كيفك؟
عبدالله ماحب يبين حزنه :الحمدالله انتم كيفكم؟
منار :الحمدالله....وينك الحين؟
عبدالله :بالسياره رايح للشقه تبين شي؟!
منار:لاياحبيبي بس حبيت اتطمن عليك بعد الي صار
عبدالله:لاتخافين علي انا بخير وجبل ماتهزه ريح و انا راضي بقدري
منار فرحت بكلامه:الله يوفقك ويسير لك بنت الحلال الي تهنيك
عبدالله:انا دامني ماتزوجت همس عهد علي ماتزوج بدالها
منار :الله يصبرك ياأخوي...يالله مع السلامه وانتبه لنفسك زززيـــــن وكل ولا تيأس ترى الدنيا ماتسوى خلاص؟
عبدالله ابتسم:ابشري وقلت لك لاتخافين علي مع السلامه يالغلا
منار:في حفظ الله
......
وصل الشقه
فيصل:هلا والله بعبود
عبدالله ابتسم رغم جراحه:السلام عليكم
الكل:وعليكم السلام
فايز:تعال رفه عن نفسك شوي والعب بلوت ويانا
عبدالله:والله تعبان بروح انام
خالد:انسى الهموم والله يعوضك ...وابتسم له
عبدالله رد له الابتسامه وراح ينام
طبعا فيصل وفايز وخالد وعبدالله اصدقاء من هم صغار
وكلهم يفهمون بعضهم كانهم اربع ارواح بجسد واحد
فايز:والله وجه مايبشر بخير احسه ذبلان
فيصل:تلومه حلم طفولته بحضن واحد غيره
خالد:اي والله ... تذكرون كيف كان يحكي عنها وكمان بالمتوسط جمع مصروفه عشان يشتري لها سلسال
الله يكون بعونك ياعبود
فيصل وفايز:آمين
.....
همس صحت طالعت وليد جنبها (هذا الشي الي عمري ماتمنيته يصير اني انام جنب واحد غير عبود !!آآه الله يكون بعوني)قامت و راحت وضت وصلت وليد لسى نايم جت عنده
:وليد قوم صل ..وش فيك الصلاه فاتتك
وليد فتح عيونه شوي وسكرها
همس بدت تعصب :ووليد وهزته
جلس ماصدقت راحت تشرب مويه رجعت رجع ينام !!
صرخت:ولـــــيد
هوقام مفجوع:بسم الله ماتعرفين تصحين بهدوء ...قام عشان يوضي
همس:وش اسوي لك مرره نومك ثقيل(وكلك على بعضك ثقيل )دخل وضا وصلى ونام
على ١١صحت همس نشيطه
(اووف مافيني نوم شبعت ابي افطر )راحت دقت وطلبت لهم فطور وراحت تصحي وليد:وليد
وليد لف للجه الثانيه
همس(يمـــــه منه نومه ثقــــــــــيل الله يصبرني عليه)
هزته:تبي فطور؟
وليد:.........
همس هزته اقوى من قبل:وليـــــد ؟!
وليد:همم
همس:تبي فطور؟
وليد:لا
همس(اخيرا مابغيت ترد يالدب)راحت تفطر لحالها
........
بعد صلاه الظهر حمد عزم وليد على الغداء
ببيت عائله همس...
جنى:هاه كيف كان البارح معاك ياهموسه؟
همس:الحمدالله بس وليد غثني نومه مره ثقيل
غنى:يمكن عشان امس تعب
همس:مااعتقد!
منار:وين بتروحون شهر العسل؟
همس:مادري ماقد حدد وليد
........
بعد العصر
همس تكلم وليد:الحين!خلها بكره
وليد:لا ماقدر اهلي بكره مسافرين وعازمينا على العشاء
همس بزعل:طيب خلاص باي وقفلت
طلعت من الغرفه زعـــــلانه
حازم:وش صاير ليش ماده البوز شبرين؟!
همس:الحين وليد بيمر ياخذني ونروح نتعشى عند اهله لانهم خلاص بكره مسافرين
حازم ابتسم:يالله خيرها بغيرها
همس ابتسمت وعلمت البنات وشوي دق وليد:الو...طيب..الحين طالعه...باي
:يالله وليد عند الباب سلمت عليهم وطلعت جات تفتح الباب اانصدمت عبدالله قدامها وباين عليه انه كان يبي يدق الباب
كان لابس ثوب بني وغتره ولابس نظاره شمسيه وشعره باين من جنب الغتره وسكسوكه
(آه يالفرق بينك وبين وليد)استوعبت انها تناظر فيه ونزلت عينها عبدالله(آه اخذك هالمعفن وليدوه ياحسرتي عليك)شاف النقش الي بيدها واعجبته يدها مـــــره ...بعد عنها عشان تمر..ركبت سياره وليد(كامري ٢٠١٠)
.........
دخلت السياره ساااكته ووليد مو ملاحظ ان فيها شي وصلواعند اهل وليد استقبلهم جهاد:هلا والله بالعرسان اسفرت وانورت وسلم على اخوه
همس دخلت عند اهله وهي خايفه ناس ماتعرفهم فجاءه تكون من ضمنهم!سلمت عليهم وجلست على كنبه فرديه من كثره ارتباكها جلست بالعبايه!
ام وليد:وش فيك ماتفكين العبايه لا تخافين جهاد واسامه مو داخلين!
همس استحت وفكتها:لا ياخاله مو هذا قصدي
ام وليد:أجل شنو؟!
همس(رحت وطي من هالعمه مااكره من ولدها الا هي!):نسيتها ...لاني خجلانه منكم
بدور:لا تخجلي ياقمر انتي بين اهلك وابتسمت لها
همس:تسلمين
بدور:الله يسلم روحك
مجد وجلست جنب همس وتتأملها:الله انتي حلوه ماشاء الله كثير ياهموس..واعطتها بوسه
همس استحت وسكتت
بدور:مجد تعالي وعيب مره ثانيه قولي خاله طيب؟
مجد:لا هي صغيره ليش اقولها خاله باقولها همموس وطالعت بهمس
همس:خليها تقول الي تبي
بدور ابتسمت:لايغرك تريها شيطان يمشي فوق الأرض
همس:ههههه لاحرام عليك هاذي قمر ماشاء الله ومسحت على شعر مجد
جيهان شافتها وغارت:وانـــــا؟
همس ابتسمت :تعالي ياجوجو
جيهان جات تركض ورمت نفسها بحضن همس وصاروا يتضاربون مجد وجيهان على همس وهي استحت وتضحك عليهم امهم قامت وقرصت كل وحده:يالله ابعدوا..مجد وجيهان بكوا وراحوا
ام وليد:ليش يابدور تضربينهم؟خليهم عادي يجلسون مع همس
بدور:لا يمه ازعاج
ام وليد:لا عادي همس صغيره خليهم يلعبون وياها
همس(يعني انا بزره بنظرها!الله يسامحك)
همس مارضت انها تغلط عليها:خاله انا عمري ٢٤مو١٠سنوات او اقل!
دخل وليد على كلام همس :السلام عليكم
الكل:وعليكم السلام
وليد طالع بهمس بعيون لوااامه:وش صاير ليش تتكلمتي على امي؟
همس مقهوره:هي...ماتركها تكمل:انتي من الحين امي تشلينها فوق راسك تسمعين؟ولما تقولك شي قولي تامرين آمر انا خدامه تحت رجلينك فاهمه؟
همس وقفت من عصبيتها:لا والله!هذا الي ناقصني تغلط علي امك بلا سبب واسكت اعذرني..وجت تبي تطلع من الغرفه بس مسكها وليد بعصبيه:همـــــس!
طالعت فيه:نعـــــم
جاها كف طيحها بالارض
همس الدنيا دارت فيها خلاص مو قادره تستوعب الي صاير وقفت وقفت الدمع قبل لاينزل
ام وليد مشت من عندها واعطتها نظره من فوق لتحت وراحت
بدور شهقت:وليد امي والله هي الي تكلمت على همس
وليد معصب:انتي نقطيني بسكوتك لو سمحتي..وطلع من عندهم بدور قفلت الباب ومع التقفيله طاحت همس وتبكي وتشاهق بدور حنت عليها مرا
همس تطالع فيها والدمع على وجها:ليش ليش حياتي كذا اول شي فرقوا بيني وبين حبيبي وصديقي من الطفوله وزوجوني بواحد يبيني اهتم لبيته وبس يعني خدامه لـــــه ومو مكفيني الا تجي امه وتزيد الطين بله آه ياربي بدور اخذتها بحضنها حتى هدت
:صدقيني ان الله يحبك والله اذا احب قوم ابتلاهم وماخذ الا ليعطيك ياهموس صح ولا انا غلطانه؟...وحطت عينها بعين همس الحزينه همس ابتسمت لهاورجعت بحضنها ..شوي يندق الباب مجد:ماما بدور هههه هيا العشاء وراحت ...همس وبدور ضحكوا
سافروا وليد وهمس بعد يومين بمكه...بالساحه بعد ماطلع وليد من عند الحلاق
:يالله امشي...همس مروقه وحاسه براحـــــه مره نص الطريق خلاص قدهم عند المواقف حقت السيارات
وليد:لحظه همس نسيت المفاتيح عند الحلاق...اسمعي تعرفين لوحه سيارتي؟
همس:ايوه
وليد:طيب يالله بروح لاتضيعين!....همس مشت ومشت وكانت واثقه انها تعرفهاشوي حستها انها ضاعت كل ماشافت كامري راحت لها وماتطلع هي خلاص الدمعه بعينها ....عند وليد وصل سيارته وكان يطالع بجواله :الحمد...رفع راسه(وين همس؟!)جلس يدورها....همس نست من خوفها ان معها جوال ...شوي سمعت صوت شباب وضحكهم وخااافت(وينك ياوليـــــد؟!)ونزلت دموعها شوي يدق جوالها شافت المتصل وليد:و..ل.يد وي..نك(صوتها يرجف من الخوف)
وليد:انتي الحين فينك؟
همس خلاص متوتره خايفه:مادري مادري..وبكت
وليد:اهدي واوصفي مكانك ..وصفت له بالغصب عرفت
وليد كان يمشي:ايوه..خلاص همس شفتك ومشى بسرعه همس لفت وراءها شافت وليد ركضت ورمت نفسها بحضن وليد..الشباب الي سمعتهم همس ناظروا فيهم باستغراب
وليد انحرج منهم:خلاص همس وابعدها عنه وراحوا ركبوا السياره وهمس بس تشاهق
وليد:خلاص همس
همس:...
......................
وليد وهمس رجعو الشقه وهي دخلت غرفة النوم وقفلت عليها وبكــــــــــت حتى نامت
وليد جالس بالصاله ويفكر كيف راح تكون حياته مع همس!
....................
عندجهاد وبدور
بدور وهي تطفي التلفزيون طالعت بجهاد الي ولده جالس بحضنه ويلعب بشعره وباس بجيبينه طالع:ليش طفيتي التلفزيون؟
بدور ابتسمت له:ابي اكلمك بموضوع....
جهاد :الله يستر من مواضيعك ..قولي وش عندك
بدور تاشر على جواد جهادضحك:حبيبي روح العب وقوم جواد من حضنه
جواد:طيب وراح يلعب مع مجد وجيهان
جهاد حنا ظهره وشبك يدينه ببعض:امري؟
بدور:بصراحه انا شفت وحده بزواج وليد علييها جمممال واخلاق والله ماتتفووت...وسكتت تبي تعرف ردة فعله
جهادابتسم ببرود داخلي:بدوره حبيبتي عارفه اني عانيت مع نوال ومااابي اعيد المعاناه وابي اربي ولدي وبس ....ووقف
وقفت معه
بدور:طيب انت جرب هالمره انت مطلقها من عمر جواد ثلاث سنوات ومعزب من ثلاث سنوات ونوال تزوجت وجابت لها اثنين ماشاء الله وانت على حطت يدي!!
جهادطالع فيها بسرحان وساكت:..............
بدور:افهم انك بتفكر؟
جهاد:طيب منو هالبنت الي ماتتفوت؟
بدور فرحت (بداية الخيير قطره اما انهبلت على غنوه مااكون بدور)
:اخت زوجة اخوك المصون ولود
جهاد:شو اسمها
بدور تغيرت ملامح وجها للفرح انه جالس يسألها ويستفسر
جهادمافاتته وهو باسساسه قوي ملاحظه:الله الله كل هذا فررحه توو قلت افكــــــر
بدور ابتسمت له:الله ييسر لك كل مافيه الخير....واسمها غنى
جهاد(الله اسمها مرره حلوو.....وش تفكر فيه ياجهاد ولدك الحين حياته مستقره وانت بعد ومرتاح بعد ماامه تخلته عنه وخلته لك تجي تدمر حياتكم؟!!ماينعرف هي هالبنيه تنحط على الجرح يبرا ولاتزيد الالآم الآم!!)
جهادابتسم لاخته:قلت افكر وطبطب على كتف اخته وطلع واخذ ولده معه وراح ينامون عشان وراء جهادداوام
جواد:بابا ويلمس عارض ابوه
جهادضمه لصدره:امرني
جواد:وين ماما؟
جهاد (حزن علييه كثيير ..صاير يسال بكثره عن امه وهو محتار وش يقول له ودايم يقوله ماما مسافره ويحسه مايقتنع!)
جهاد:مثل ما....ماخلااه يكمل وابعد عن حضن ابوه ودموع البراءه تنزل على خدوده:لالالاتكذب يابابا علي انا ترى بعدين اصير اكذب مثلك!!
جهادانصدم من ولده ومد له يده:طيب تعال لحضني...
جوادبصراخ:لاااااااا ونزل من السرير يركض وطراااخ باب الجناح
جهادتنهد بقووه(آآآه ياربي بيجنني هالولد!)وقام يشوف له
<طبعا جهادمررره حنون على ولده
طلع لقاه بغرفة العابه ويرمي باللعاب بالجدار بعصبية
انصــــدم وخاف على ولده وجاء عنده ونزل على ركبه وضمه جواد استسلم لحنان ابوه وبكــا بحضنه حتى نام
جهاد سااكت ويلمس على شعره وكان حاس بقوة ضمه جواد بدت تتلاشى عرف انه نام وشاله وحط على السرير وحط راسه وبباله فكرة لازم ينفذها ونام
...............
عند البيت الكئيب....
جنى:غنى حبيبتي وش فييك؟
غنى كانت متغطيه من فوق راسها وتعاصر الام بطنها ماقدرت ترد ولاتبي ترد على تؤامتها
جنى شالت اللحاف شهقت:غنوه حبي وش فيك بطنك؟
غنى من قوة الام تجلس وترجع وتبكي وتتكتم اللآهات بالمخده ودموعها ماوقفت
جنى خلاص موقادره قلبها تقطع على تؤامها ونصف الثاني وراحت جري دقت على غرفة حمد(حمد طبعا ماعنده دوام لانه مدرس ومخلص)
خافو منار وحمد من الدقة وقام بسرعه:اللهم اجعله خير يارب.....فتح جنى عيونها كلها دموع وخدودهـا
حمد تخرع:جنو وش فييه؟!!
جنى:غنى ..غنى تعبااانه مرره
حمد :طيب يالله لبسيها عباتها....(طبعا متعودين غنى كل شهر تمرض...ويودونها المستشفى)
مشوها وجبينها معرق من كثر الام الي تعانيه...رغم جسمها المرتوي الا انها دايم كذا من يوم بلغت...
وصلوها المستشفى وعطوها آبره ورجعو البيت بالصاله تحديدا الساعه 8 الصباح
حمد:لاموهاذي حاله كل مره اوديها وكل شهر ابره!!بتعدمها اعدااام
منار بنبره حزززن:والله ماترتاح الا اذا خذتها انت ماشفتها كيف تعتصر من الم؟
حمد:أي عارف والله عارف بس منور فكري بعقلك مو حل كل شهر ضاربينها ابره!!وقام راح يكمل نومته
وجنى ومنار طالعو ببعض وسكتو ...شوي قطع تفكيرهم صوت لجين:ماما وين تنتم؟(كنتم)
منار اخذتها بحضنها وباستها:رحنا مع عمة غنى لانها تعبانه
لجين تموووت بعماتها بس همس غييير...وراحت تركض وشافتها نااايمه وطلعت ورجعت لامها:ماما ليه عمة دايم تمرض وتروح المستشفى؟
منار:تتعب ببطنها...يالله نوم وبلا كثرة اسئله...طالعت بجنى المسرحه :جنو..جنو
جنى انتبهت:هلاقلبي؟
منار ابتسمت:روحي ريحي نفسسك من التفكير وانتي سهرانه ماقد نمتي يالله ...وكلن راح ينام الا جنى انسدحت مع اختها وتلمس على شعرها بحنيه وتفكر في كلام حمد حتى ماحست متى نامت...
................
عند همس ووليد الساعه10 بمكه
همس صارت ماتقدر تنام من الي جنبها والتفكير ماكل عقلها اكل
طالعت فيه(مالت على هالووجه كم اني اكره واكره الانسان الي داخله ...اكره بروده اكره بلاهته ...وينك ياعبوود وتشوف الي اشوفه وتعيش العيشه النننكد هاذي!)
صحا وليد وجالس تتامله بنظرات عجز يفسرها !:اخذتي نسخه خلاص؟
همس انحرجت :........واعطته ظهرها
وليد لفها لوجه:لما اكلمك تعطيني وجهك ...روحي سوي لي فطور
همس انهبلت منه(همه بطنه وروحه وبيته ولاالمشاعر عنده لا صدق كانه جهاز آلي مالت)
:ابشروراحت جهزت لهم الفطور ونادته
وليد جاء وكان لابسه بيجامه سبورت لون البنطلون ابيض وبلوزته سوداء ساده لحد ذراعه
جلس ياكل بصمت وهمس اكلت شوي وقفت تتطالع فيه وتتفكرر
وليد:وبعدين؟!
همس كان من اعطها طراق نزلت عينها فمهت انه مل من نظراتها
وليد:وراءك شي من هالنظرات خلصي وش تبين؟
همس :!!!...لاولاشي وقامت ...جاءها صوته الجهوري:شيلي الأكل وراح يغسل
همس وجع ولاخدامه عنده ..شالت الأكل جلست بالمطبخ تبيه ينام وتروح ...وليد مستحيل يخليها تنام على كنبه لازم كلهم على السرير
راحت طالعت شافها تطل مع الباب:تعالي وش فيك؟
همس لوت فمها يمين ويسار ودخلت تبتسم وانسدحت واعطته ظهرها<وهالعاده ماتفكها وليد لفها لصوبه بقووه حتى صارت قرريبه منه مره همس متقززه منه شافها معقده حواجبها ومسكره عيونها:خيير مقفله عيونك؟
همس:........حاولت تبعد عنه مسكها...موحبا فيها يبي يقهرها عارف انها تبعد عنه وتاخرت بالمطبخ حتى ينام وتجي
همس دفته ولاكانها.. كانها دفت جبل:ابعـــد
وليد:...........شوي دفها وابعد واعطاها ظهره:صدق خبيثه...!
همس طنشت ولفت هي بعد بس مانامت حتى الظهر تتذكر قربه منها وتنقهر ماتبببي تكرهه تكرهه!!
..............
الظهر عند جهاد رجع من دوامه دخل بيتهم:السسلام علييكم
امه واسامه:وعليكم السلام
جهاد:لاكارثه اسامه هنـا!
اسامه سفهه وجلس ياكل ويطالع بالتي في
جهاد :اخوي ماودك تتزوج؟
ام جهاد:الا انت ماودك تتزوج؟
اسامه:هههههاي انقلب السحر على الساحر
جهاد طالع فيه بنظره وطالع بمه:.......الا ان شاء الله
امه منذهله:من جد جهود؟
جهاد:وانتي عمرك شفتيني استهبل خاصه بهالمواضيع؟
ام جهاد:خلاص يعني اختار لك؟
جهاد تنهد:لايمه كلمي بدور وهي تفهمك...عن اذنكم بروح انام عشان بطلع العصر مع جوادي...
راح بدل ملابسه وجاء عند جواد:حبيبي تجي تنام معاي
جواد بعيونه العتاب:لا.
جهاد تضايق:ليش؟ومسك يدينه
جواد فكها ولف عن ابوه
جهاد(من حقه عمره مايذكر امه حتى لو بصوره الحق علي انا الي مانعه... بس مابيه يتعلق بسراب!امه مو مهتمه له اعلقه فيها ليش لاوافقت غنى باقول له انها امه)قام وتركه راح جناهم هو وجواد واخذ جواله وارسل لبدور
بدور كانت تروش مجد:مجد احسلك اجلسي
مجد تبكي:لالامابي وكملت بكا
امه اعطتها كف دخل زوجها رائد:افـــا يابدورتي ...
خجلت من رائد ومن نفسها
جاء وشال بنته ونشف جمسها ولبسها جت بدور مسكت بيدها تبي تاخذها سحبت يدها بقوة:مابيك ابي باباه
رائد:افـــا هاذي ماما هي غلطت يوم عطتك كف بس هي كانت معصبة ومامسكت نفسها تخاف تطيحين وتتعورنين وتجلس تبكي عليك
مجد طالعت بامها وجت ضمت رجولها بدور ابتسمت ونزلت لمستواها وكان رائدبنفس المستوى ابتسمت وضمت الاثنين
مجد:باباه ابعد انت كبير وانا ابي ماماه لحالي
رائد+بدور:هههههههههه
رائدقرصها بخدها على خفيف:ياشقيه وقام
شوي بدور تسمع نغمة الجوال اخذته لقت الرساله من جهاد ابتسمت فتحتها(بدوره حبي انا قلت لامي اني باتزوج انتي خبريها انها غنى طيب وضحي لها السالفه ويكون بعلمك اني باتزوجها عشان جوادي حبيبي زعلان مني عشان دايم اصرفه ان امه مسافره وماقام يصدق وباقوله ان غنى امه...(اذا وافقت)يالله بنام..)
بدور فرررحت ودقت على امها واتفقويخطبون غنى بس اولا يدقون عليهم ويسالون هي موافقه قبل لايجون لابها ويتعبون
...........
العصر تحديدا بابها عند التؤام وحمد وحازم ومنار ولجين الي جالسين بالحوش يتقهوون
حازم:ياحمد الله يخليك ودنا ابها الجديده
جنى:أي والله ...عشان نتسلى وتتسلى غنو
لجين مسكت يدين ابوها وتنطنط فيها:يالله يالله
حمد:انا مشغول وقام وطلع
الكل :!!!!مقهوورين
حازم:آآخ متى اكبر واتوظف اما رفهتكم مااكون حازم وقام
البنات تعودو على البيت وقعدتة وعلى اسلوب حمد الجاف والقاسي وجلسوا يسلفون شوي يدق التلفون
حازم:مرحبــا
ام جهاد:هذا بيت حمد؟
<طبعا خذت الرقم من عند همس وهمس مستغربه ليش دقت عليها واخذت رقم بيتهم!!
حازم:أي هذا بيته بغيتي شي اختي؟
ام جهاد:أي بغيت زوجته منار لو سمحت؟
حازم:طيب.....منــــار....منورر
جات :نعم حزوم؟
حازم بهمس:وحده تبيك
منار:!! عقدت حواجبها(يمكن جارتنا يالله اشوف منو!)
:هلا
ام جهاد:هلا فيك
.......................فاتحت معها الموضوع ومنار انصدمت لانه كبير ومعه ولد وغنى تو صغييره قالت لها بتشوف وترد لها بعد يومين
صرفت البنات وحازم وقالت انها جارتهم....
بالليل تحديدا بغرفة منار وحمد
منار جالسه تمشط شعر لجين:حمودي حبيبي
حمد انسدح تو بعد ماصلى الوتر:هلا
منار ضبطت شعر لجين:يالله ماماروحي لعماتك ولاحزوم والعبي معه ابي اجلس مع بابا ...
لجين:طيب وراحت تركض ومنار تلحقها بنظراتها حتى قفلت الباب جات عنده وابتسمت له وجلست تمسح على شعره بحنان(يالله يامنور كم انتي حنونه بس ادري اني قاسي...)(فاقد الشي مايعطيه)
:في موضوع مهم مررره
حمد:قولي!
منار:جو خطاب لغنى
حمد جلس:مين؟
منار:اخو وليد....جهاد
حمد سكت وجلس يتذكره :اوووه هذاك الي معه ولد ..جواد؟
منار:أي علييك نور هاه وش رايك<تبي تعرف رايه بلاول
حمد:عادي عندي واحسن منه مانلاقي
منار:بكره انت فاتح غنى بالموضوع
حمد:لاماني بفاتح انتي دقي وقولي موافقين وغنى امرها علي
منار:!!حمد تبي تعيد غلطتك الي سويتها مع هموس؟
حمد عصب:انا اعرف مصلحة اخواتي فيين انتي عليك تنفذين الي قلت مفهوم؟
منار بسم الله دايم مزاجي:ابششر
التزمت منار بالي قاله حمد وبعد يومين وصلت موافقتهم بلاحرى موافقة حمد...
حمد جاء عند غنى الي جالسه تلعب كورة مع حازم
:غنـــى
غنى:طيب جات عنده
حمد مسك يدها:اجلسي
وجلسو على الفرش
ابتسمت له:.....تنتظر يتكلم
حمد:انتي كبرتي وتخرجتي والكل صار يتمناك لولده...
غنى تلون وجها انحرجت
:...............
حمد:جوك خطاب واعطيتهم الموافقة
غنى كان من اعطها كـــــف:ايشششش!.....ووقفت
حمد:الي سمعتيه ووقف
غنى:بس انا ابي اكمل دراستي
حمد سفهها :اوك دامه شرطك
غنى:حمد ماقلت هذا شرطي قلت اني ابي اكمل دراستي يعني اجلس معاكم
حمد سفهها للمرة الثانيه:خلاص باوصل شرطك لجهاد
غنى عرفت انه اسمه جهاد دخلت جوا وقفلت الباب بقوة
منار عرفت انه حمد قال لها وانكسر خاطرها على غنى
غنى قامت ترمي كل شي بالغرفه كسرت بعض الاشياء لان الارضيه سيراميك
جنى ومنار خافو عليها وقامو منار:غنو افتتتحي حياتي
غنى:مااااابي
جنى:انا جنى افتحي لي
غنى:مااااااابي اذلفوا عني مابي احد اترووكوني بلحالي انتم ماتفهمون وقامت ترمي مره ثانيه
جنى طالعت بمنار ونزلت دمعه حاره على خدها:منور وش فيها اختي؟
منار سكتت:تعالي واقولك....جنى:ايشش!هذا والله قام يحدد حياتنا على كيفه ولاراعي على غنم يمشيها على كيفه
حمد دخل على اخر كلمه:أي انا راعي وانتم غنم عندك شي؟
جنى معصبة واول مرة تتطاول على حمد كلها عشان تؤامتها الي قاعده تتعذب لحالها:أي عندي وم....مامداها تكمل لان حمد شدها مع شعرها:أي عندك تخسين وتعقبين توقفين بطريقي واياني واياك انتي وهالمجنونه الي بالغرفة تفشلونا قدام الناس تنطم لايجيها شي مايرضيها لو خربت شي ودفها على الارض
وطلع
جنى لمت رجولها وحطت راسها على ركبها وبكت بحرقه:اكرهك اكرهك ياحمد وضربت في رجولها
منار:خلاص ياعمري انتي وضمتها
غنى بعد ماحست انها طلعت الي بقلبها وهدت سمعت حمد يوم تكلم على جنى بغت تموت من كلامه تعرف لاهدد نفذ تهديد لما احد يعانده ويخالف امره...وقامت تصارخ:اكرهك اكرهك ياحمد وفتحت:وينه وينه؟
حمد كان يدخن بالحوش وسمعها
منار وجنى جوا يسكتونها ويغطون على فمها وهي رفضت تهدي
حمد دخل وكل عيون شر:خييير شوفيني قدامك...وانتم اتركوها فيها خير تمد يدها
غنى خلاص صايره تشوف وحش قدامها مو حمد اخوها الي تخاف منه قامت تبي تنفك منهم وانفكت غصب عنهم وجات صوب حمد تبي تضربه كف جاء مسك يدها ولواها لوراها:مو انتي ياغنوووه تعطيني كف هاذي باحلامك ودفها بس جو منار وجنى اسرع من غنى ومسكوها قبل لاتطيح غنى طاحت خلاص انهبلت انجننت قامت تشاهق تذكرو منار وجنى همس يوم تزوجت والحين الدور على غنى الله العالم بتلحقهم جنى اولا!
تفضلوا البــــارت:
|
/
|
اليوم يوم ملكة غنى وجهاد
جواد صدق ابوه يوم قاله بنروح لماما وصار ينطنط وازعجه ابوه الا يروح معه ويشوفها
عند غنى بعد مادخلت عند جهاد وبعد ماعذبت حمد حتى توقع بغى يذبحها لولا الضيوف الي عندهم
غنى كان مالها لسان كانها صنم من اول ماجات وهي ساااااااكته وجهاد طبعا كان مستغرب وضعهـــا!!
جواد كان مع جده ولهى عنه يوم اندمج بالسوالف مع حمد
شوي بعد ماكان المكان الي فيه غنى وجهاد كله صمت صار ضجيج من جواد:مــــــااااااااامـــا وراح يركض وارتمى بحضن غنى
غنى :!!!!!!!!!!!!!!!!!!!!!
جهاد انحرج:عيب ياجواد ابعد
جواد:لاباباه ماصدقت اشوفها...ماما ليش رحتي وتركتيني ليش سافرتي؟!!
جهاد كان من يعطيه كفوف على وجهه وغنى ولاحرف غير التعجب الي واضح ومرسوم على وجها جواد باسها على خدها بقوووة جهاد خلاص منحححرج وعصب:بسك جواد تعال
جواد زعل وبرطم والدمعه بعينه تكلم باذنه كلام ابتسم وطلع
:معليششش هالولد دفش
غنى متعجبه نطقت وبكل استغرب وخوف:و..ل..دك؟
جهاد ابتسم:أي ولدي ليش ماتعرفينه؟
غنى:.....لا
جهاد:الظاهر ماتعرفين عني كثير شكلك مغصوبه علي!
غنى انحرجت وبغت تتفضفض له عشان يتركها بس تذكرت كلام حمد وهونت :لالا من قال..؟
جهاد:اسمعي ياغنى<غنى رجف قلبها يوم نطق باسمها
:انا كنت متزوج قبل ست سنوات وزوجتي نوال الي هي بنت خالتي جابت لي جواد الله يخليه لي وبعدها صارت مشاكل وماكنا اساسا متفاهمين وانهبلت يوم دريت انها حامل ماكنت الا ابي فراقها بعد ماعذبتني سنه بعدها رمت علي جواد يوم صار عمره ثلاث سنوات واساسا ماعمرها رضت ترضعه او تحن عليه كنت اجي وهي مو بالبيت....المهم مااطولها اخذت جواد وربيته وصار يفهم وصار بكثرة يسالني عن امه واصرفه ولايصدقني وقررت اتزوج خاصة بعد مافاتحتني بدور بالموضوع وذكرتك فيه ومدحتك وعاد انا قلت لجوادي انك امه وخلاص صدق ياعمري عليه وحن فوق راسي حتى يجي ويشوفك وانا قلت له شوي وتجلسين معه عادي عندك؟واتمنى تقدرين ادري بينا فرق بس موانا المهم بهالموضوع المهم حياتي ودنيتي جواد...!
غنى طوال الوقت منزله عينها وكل حواسها صاغيه لجهاد انصدمــــــت كيف وهي بالعمر تتحمل وتربي وتاخذ هالمسوؤليه مو بيدها الا انها توافق اولا لانها خلاص صارت ملك لجهاد ولاتقدر تتراجع بسبب حمد ثانيا مالت لجواد وحزنت عليه وكسر خاطرها:ابشر بالي يرضيك...وقلب وجها الوان
جهاد ابتسم وحط يده الدافئه على كتف غنى البارد انتفضت منه وحس بس ماوخر يده وحس بحركة كتفها واضح انها تبي تبعد:الله يرضا علييك
شوي دخل جواد وكله شوق وحب لغنى الي مصدق انها امه:ماما وقام يضمها وجلس بحضنها وياكل شوكولاته ويبي يوكلها بعده
جهاد ابتسم :عن اذنك بروح للرجال وانتي اجلسي مع جواد..وانتبهي له الله يخليك وراح
غنى تطالع بجواد كان مررا برئ ويكسر الخاطر من تصرفاته ملامحه فيها كثثير من ابووه حتى عيونه الواسعه ورموشه الكثيفه ولاالغمازات الي بخدوده
ضمته هو الدنيا خلاص انفتحت له وقام يضمها ويبوس كل شبر بوجها غنى العبره بحلقها:ماما جووادي تحبني؟
جواد:كثيييييييييير وقام يفتح يدينه كذا ووحوالين فمه شوكلاته
مسحت له وجلست تسولف عليه ولاعلى بالها احد يدخل قامت تزحف ع ركبها بطريقة طفوليه وحطت جواد فوق ظهرها وهو ميييت فرحه وضحك شوي دخل الي ماكانت تتوقعه يدخل وتمنت الارض تنشق وتبلعها ولايشوفها كذا من انحراجها قامت بسرعه وطاح جواد على راسه وبكــــا بصوت مسموع صحاهم من نظراتهم لبعض جهاد ركض:خلاص حبيبي ووقومه واعطاه فلوس عشان يسكت
غنى خلاص العبره بحلقها لو تكلمت نزلت دموعها
جهاد:حصصل خييير ...,على فكره ريحتيني الله يريحك..لانها بداية خير ان شاء الله
غنى:.............
جهاد:خلاص يابنت ارفعي راسك قلت حصصل خير
غنى رافضه ترفع راسها جاء ورفع راسها وطالع بعيونها وبما انه قوي الملاحظه لاحظ لمعه الدمعه بعينها:لاتنحرجين ولاشي وربي حصصل خير بالعكس فرحت
غنى مو راضيه تنطق تعرف ببتبكي
ودعها جهاد وراعا شعورها وطلع طبعا جواد بالغصب فك غنى
..............................
دخلت عند الحريم
همس طبعا كانت معهم
اشرت لها منار وراحت المطبخ وهمس لحقتها دخلت وابتسمت لها
منار ضمتها:يوووووووه اشتقت لك مووووت
همس والف دمعه بعينها:وانــا اكثر منك لكن وش اسووي وليد كسول ومتبلد بلاحساس
دخلت غنى وهي مبتسمه:وش عندكم هنا؟
همس +منار:!!!!!!جايه ومبتسمه وهي بغت تكسرهم وتجيب لهم الضغط والسكر من كثر ماعقدتتهم!
غنى استغربت:يمممه وش فيكم....ههههههههه عرفت لالاتخافون الامور بينا من البداية تمام والحمدالله
همس حزت بخاطرها اخوه واكبر منه وعنده ولد وحاس على دمه وهذا ولاكان له ممشاعر!
منار شافت همس مسرحه:اقولك بتنامين عندنا؟
همس(غصبن عليييه يخليني):ان شاء الله
خلاص راحو اهل جهاد كلهم الا جواد جلس مع غنى حتى الليل
وليد ماتركه حمد خلاهم يتعشون عندهم بعد فتره بعد العشاء على 12 ونص وصللت همس رساله طنشت تعرف انه وليد ماتبي حتى تشوف رسالته
منار:هموس شوفي جوالك لايكون وليد
همس ببرود ممزوج بخوف منه:لالامعلييك اكيدانها من لعبه ولامن هالرسائل
منار ماحبت تضغط عليها وطنشت
همس جالسه تسوولف ومطشنه رساله وليد ورغم هذا خااايفه
دخل حمد وهو يضحك مع حازم انصدم من وجود همس:همسس انتي لسسسى هنـــا!!
همس ارتجف قلبها من مكانه:ه..اه ايه ايه الحين بطلع اخذتني السوالف عن اذنكم واخذت عبايتها وشنطتها وطلعت لبست بالحوش تذكرت انها تبي تنام عندهم وطلعت جوالها تبي تدق على وليد وهي خلاص بتدق شوي وليد دق هوو (ياويلي...)هدت نفسها وردتها ببرود عكسها جواتها:الوو
وليد بعصبييه:وش رايك تنامين احسسن؟!
همس:كنت بادق استاذن منك بس سبقتني
وليد:لاوالله!تحلميين تنامين عقاب لك على برودكـ
ياهانم والرساله الي وصلتك وش تفسرينها؟
همس:...........طيب ابي اجلس عند اهلي بس...طوط قفل بوجها
همس عصبت وطقت بالكعب بالارض وطلعت له وهي خاااايفه منه دخلت السياره بصوت اقرب للهمس:السلام عليكم
وليد بجفاف:وعليكم السسلام
جو السيارة صمـــت ماينسمع غير طقتقت اصابع وليد بالدركسون
همس خايفه من حركة توتره
فجـــاءه عند الاشارة طالع فيهـا:هالحركة ماتنعاااد تفمهييين وقسسم لو تنعاد تشوفين وليد بكل مكان وحتى تحسبينه ظلك تفهميين ولافهمك عدل؟
همس بهمس:ايه
وليد :ماسمعـــت
همس بصوت اعلى شوي:ايووه
وصلو شقتهم الي راح يعيشون فيهـا دووم
همس الي مفرحها انها بأبها مو بالرياض يعني قريبه من اهلها
وليد:سوي لي شاهي وجيبيه بمكتبي
همس.......
وليد:اكلمك مفهوووم؟
همس:أي ابششر
وليد(هاذي مايبي لها الا هلاسلوب من اليوم ورايح دلع على
االفاضي والله!!)
عند جواد الي الدنيا مو واسعته من الفرحه جهاد كان يسولف مع اهله ونسي من ولده انه عند غنى يحسبه نايم كالعاده
بدور:هيه جهود وش فييك تارك ولدك عند الناس؟!!
جهاد كان يشرب مويه شرق
ام جهاد:بسم الله عليك وضربته بظهره
جهاد قام طلقه ورااح يجيبه طالع بالساعه الساعه وحده(وش هالفششششله من البداية طينتهـا كاني ابي الفكه ياويل حالك ياجهاد)دق على غنى
غنى مسميته ابو جواد انهبلت يوم شافته المتصل ردت:هلا
جهاد:السلام عليكم
غنى:وعليكم السلام
جهاد:انا عند بابكم افتحي لي
غنى ماعلى بالها انه اذا جاء بتطلع له على بالها تعطي حازم جواد ويعطيه ابوه وخلاص يوم قال تفتح له طالعت بنفسها كانت لابسه بيجامه بيضاء سبورت ع الجوانب دقتين عريضه بالاحمر ولابسسه جكيت نفس البنطلون شعرها
البوي مشطته حطت قلوس وكحل داخلي على السريع وبلاشر وراحت تفتح ركض وقفت عند الباب تنهدت بقووة سمعها جهاد ابتسم ولانه كمان سمع ركضها
فتحت وابتسمت
جهاد:السلام عليكم
غنى:وعليكم السلام...حياك تفضل المجلس الكل نايم
جهاد انحرج من موقفه:معليشش والله ماقصد اخليه معاكم لهالوقت تناسيت واحسبه نايم ...
غنى ابتسمت بلطف:لاعادي...ادخل تفضل
جهاد دخل وراءها ويتامل طولها جسمها الي مبين من البجامه خقق علييها وده يضمها من ريحتها الي ذوبته من اوول ماشافها ريحتها خلاص مركزة برااسه
غنى طالعت فيه تبي تقول لها يجلس وبتجيب جواد انحرجــــت من نظراته الي بتاكلها أكل ماتت خجل وضاع منها الكلام جهاد عرف تبي تقول شي وانحرجت ابتسم وبعيونه يقول تكلمي
غنى اكتفت بالصمت وانسحبت من المجلس وجابت جواد
جواد يوم شاف ابوه انفك من يد غنى الي كان ماسك فيها بقووة:بـــــــابـــــاه ويركض وارتمى بحضنه
جهاد:هههههههه<حتى بانت غمازاته
غنى خقت عليهااااا
جهاد:يالله بنروح البيت..تونست مع ماما
غنى قلبها يرقص رقص من هالكلمه
جواد :كثيييييييييييير
ابوه ضحك وطالع بغنى بعيون كلها سعاده:ربي يسعدك مثل ماااسعديه
غنى انحرجت ونزلت راسها
وقف جهاد وغنى انتبهت انه وقف من الثوب يوم نزل على اقدامه وقفت معه ...جهاد:يالله استودعك الله وباسها بيجبينها وغنى ارتجفت ومافاتت جهاد رجفتهــا
جواد كان ابوه شايله ومن صدره وفوق عند غنى يضمها وحوط يدينه على رقبتها وصارت غنى بجهة جهاد:احبك ماماه مع السلامه غنى :وانا كمان احبك...جهاد ناظر بشفايفها الي تلمع ونبض قلبه يوم قالت احبك....
راحوا البيت لكن في اثنين جافاهم النوم جهاد وغنى كل واحد يفكر بيومه ومستقبله كيف بيكون!
جهاد(انا وش فيني ماكنت ابي اسوي كذا!بس سحرتني الطيبه الي بعيونها والبراءة وانا خايف لو اسلوبي قاسي تمل وتروح او يلاحظ جواد ويزعل مني...الله ييسرني على سعادتكم)
وباس جيبين جواد وتذكر غنى يوم باسها وابتسم وضم ولده الي ريحة غنى فيه ضمه لصدره اكثر....ارتاح لغنى ارتاح لبراءتهاوخجلها حبه...كل شي فيها عجبه وريّحه وكمان وجه جواد الي ماليه بلابتسامه حتى وهو نايم....
....................
غنى جاء الفجر وهي تفكر بجهاد وجواد كيف بتسعدهم وكيف بتتأقلم معهم وكيف تترك احلى ماخلق ربي لها واروع شي واحلى شي بعينها تؤام الجسسد والروح(جنى)نزلت دمعه حاره من هالافكار(آآه مو مصدقه بروح بروح واترك تؤامي!!لاماعمري فكرت بهالشي على الاقل هموس هنا بأبها وانا ويني ووينهم!بالرياض)
تركت دموعها تنزل بصمممت وراحت توضت وصلت وقراءت لها كم صفحه من القران تهديها....شوي وصلها مسج
راحت فتحت الجوال انصدمت المرسل(ابو جواد)ارتجفت يدينها وافتحتها(غنو اسف ازعجتك بس حاب اقولك اننا راح نتغدا الثلاثي برا فجهزي نفسسك اوك؟)
غنى ابتسمت(تجنن كلمة الثلاثي)ارسلت.....
عند جهاد الجوال بيده وجالس على الكنب ينتظر ترد ويرجع يكمل نومته لان ماقدر ينام زين من تفكيره وصلت الرساله ابتسم وفتحها(اوك مو مشكله ولبس جوادي زين اليوم احسه هوا...)جهاد طاير من الفرحه (لهدرجه يهمها جواد ولبسه وكل شي فيه...الله لايجعلني انصدم منك بيوم او يغيرك علينا)
نام وهو مرتتتاح
..................
عند وليد بعد ماجلس بالمكتب فترة على النت وكان متضايق من همس بس هدا وطلع دخل الغرفة لقها نايمه وكالعاده معطيته ظهرها....(هاذي وش تقصد بحركتها وتصرفتها...ماسك نفسي لاطقها طراق يسنعها من جد!)راح نام .....صحت همس من رنين جوال وليد طنشته على انه هو يقفله مالك امل ولاحست بحركة انذهلت لفت وكان معطيها ظهره هو بعد قامت وقفلت التؤقيت وتوضت وصلت لانه تو ياذن تبي تتفرغ للدب على قولتها صلت وجات عنده هزته:ووووليد
وليد تحرك فرحت:يالله وليد ...بدون شعور قامت تدق باسببتها بكتف وليد وليد صاحا من دقة اصابعها الطويله ومسك اصبعها ولفه:ووووجع عورتني انتي وهلامساطر
همس:آآي فكني ماقصد...
وليد فك اصبعها وقام عنها بزفره....
بعد ماصلى رجع وهي نايمه(لاوالله طالت وشمخت ياهمسوه نايمه وتاركتني بلااكل وش ماخذك له الا للنفخ والطبخ!!)جاء صوبها:همسوه قومي
همس نومها خفيف وعايشه لايام بتوتر بسبب وليد يوم قال همسوه تذكرت حمد على طول(نفس نبرة صوت لاجاني يتأمر الله يغثكم اثنينكم)ببرود هي مسكره عيونها:نعم؟
وليد شالها بيدها شوي وهي جالسه عورتها يدها من عند كتفها لانه بقووة شدها:آآآي تراك مصارع وانا نتفه عورتني
وليد وكل عيونه شرار:قوووووومي بسرعه سوي لي فطور وارحمي نفسك قبل لايجيك شي ماترضينه!
همس خافت منه ونطت:ان شاء الله....
وليد(اما ادبتك وخليتك مثل حرف الألف ماكون وليد ولد سلمان يا همسوه!قال ايش قال همس همس لايقه لوحده نعومه كتوته مو هالسوووسه!)
همس متضايقه (مو قادره اكون صنم وامشي تحت امره ابيه يطفش مني ويتركني مابيه مابيييييه!)سوت له الفطور واعطته وجات تروح تكمل نومتها:على ووين؟
همس:بروح انام ...
وليد:تعالي كلي ولما انام تنامين ولما اقوم تقومين وكل كلمة تنفذ بالحرف الواحد طيب؟
همس مو فاضيه للهواش:طيب وجلست اكلت بدون نفس وقاعده تقطع بالخبز ومسرحه....:هيه انتي اذلفي من عندي سدت نفس!
همس(جات من الله)قامت....وليد:روحي جيبي مويه
همس (وبعدين معه وقسم ماخذني خدامه له ولبيته عساه بالهدم ان شاء الله وهو فيه بس لحاله!!)
راحت جابت وقامت تبي تروح تنام
:انتي ماتفهمييين؟!!قلت لما اقول كلمة تنفذ !
همس :طيبب؟
وليد ثار دمه يوم هي بارده وهو محترق مووولع منها وقف ودفها بكل قوته على الكنبه:انثبررري هنـا
همس خافت ونزلت عيونها...تم ياكل ووده ان الاكل يتحول همس....بعد فترة:شيلي الأكل وقام
همس شالته باستسلام وراحت تغسل المواعين حجه بس عشان ينام وتجي بعده .....انتظر..انتظر ماجات ثار دمه
دخل المطبخ :وووجع انتظر لي ساعه وحظرتك مو على بالك تقولين لي شي!
همس ببروود وتغسل لكن قلبها يدق دق دق الطبوووووول
وليد عصصب:همسوووه اسالك ردي ....همس شافته جاي صوبها خافت وهربت وليد شرب مويه وجلس يهدي بنفسه
دخل الغرفه شافها جالسه على الكنب:انخمدي مابي منك شي مثلك ماينطاق المسها وخزها راح ينام همس(على باله خقيت علييه بامموت الا الفكه عساه بالماحي الي يمحيه من حياتي)
...................
