بنت المقابيل
¬°•| مشرفة سابقة |•°¬
صباحكــــــــــم/ مسائكم جووري
أمانه ويش ذكرك فيني عقب سنين الغرام
عقب ما طافت على فراقنا ثلاث سنيني
جاي تعتذر اليوم جاي تتصنع ألذ الكلام
جاي تبرر لي غيابك الكافر جاي تواسيني
شايل بخفوقك شوق كاذب وحب وهيام
وبيدك اليسرى غلا وورود باليد اليميني
تفتش عن بقايا حبك الي كان تحت العظام
"غشيم" كل شئ تغير وماتت لهفة حنيني
ذبلت بساتين الود فيني وصار الجفا لطام
وهافت غصون المحبة .. ويبست رياحيني
ما اقول نسيتك .. لا ما هو من طبع الكرام
لكن غاب اسمك عن أحساسي ودواويني
بعد ما كنت لشعري ساس وللقصايد إلهام
وكنت الغلا والشوق بقلبي والضي لعيني
قتلت الطيب فيني بسيف التغلي والحسام
وسجنت الحقد وعن طيوفك صار يعميني
وجودك مثل غيابك ما عاد له معي إلزام
كسبت الخبرة منك وهذا أغلى ما بتهديني
ارحل تراه ما على مثلك ابد عتاب وملام
لا تحسب مثل ما ودعتني لا رجعت تلقيني
وسوالـــــــــــــــــــــــــــــم
