لا تعطي سرك امرأة ولا تخاوي أمير

[سيادة الوزير]

السلام عليكم
بصراحة عيبني هذا الايميل وقلت انزله
"لا تعطي سرك امرأة ولا تخاوي أمير"​

فيه واحد سمع الحكمة هذي من أبوه فكان يبغى يثبتها,​

المهم إنه راح وخاوى أمير في ديرته وصار خويه الروح بالروح ...​

و الأمير ما يطيب له المجلس إلا إذا كان هالشاب فيه .. صار نديمه بـ اختصار ...​

الأمير عنده مزرعة نعام وكانت عنده نعامة غالية ​

راح الولد وأخذ النعامة ودسها في مكان في المزرعة​

وراح لسوق الغنم وشرى خروف وذبحه وقطعه وجابه في خيشه آخر الليل لأمه ​

وقال لها هذا لحم نعامة الأمير يمه ..​

جايبه لك يالغالية..بس تكفين لا تعلمين أحــــد ..
عشان لو درى أحد بيوصل الكلام للأمير ويقطع راسي.​

الأم قالت : و لايهمك ياولدي .. مجنونه أنا أفضح سرك واموتك بيدي؟ ​

​

من اليوم الثاني عزمت أمه جارتهم على اللحم ..وسألتها وش هذا اللحم الزين يا فلانة؟ ​

قالت الأم أقولك بس سري في بير؟​

ردت الجاره سرك في بير يا وخيتي افا عليك ...

​

قالت الأم لجارتها السالفة وحلفتها ما تقول لأحد عشان
ما ينذبح ولدها​

طبعا الأم يوم علمت الجارة كان قصدها مفاخرة بولدها ...​

يوم بعد يوم السالفة انتشرت بين الحريم في الديرة.
ووصلت للرجال وفي الأخير وصلت للأمير اللي عصب
و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد.

الولد طلب من الحارس إنه يروح للأمير ويقول له إن النعامة لـ الحين موجوده في مزرعته ​

بس خاشها في حوش بعيد عن باقي النعام وإنها بخير. ​

الأمير طلع الولد و اعتذر منه وحاول يعوضه بس الولد رفض وقال أبوي صدق في حكمته. ​

وهذي بس نعامه أجل لو كانت شي أكبر من كذا
وش كان بيصير فيني ...!!!!!​

​

اذا اعجبك فلا تنسانا من التقييم ​

 

[بروق الحيّ]

حِكْمممةُ راآئِعةْ و لكِنْ لِـاآ تًنطَبِق عَلى الْجمَيعِ
فـ لرُبمَاآ اخْتلَف مَعَكْ فِي بَعِضْ النّقاآطِ ،
جَمِيعْناآ عَلى طَبيعَةِ تَربْيِتهِ يَتَبِلْورِ سُلوَكةْ
و تُقيّم أفْعاآلِهـ ، فَكمْ صاآحَبْنا مِنْ الْمُلوكِ
أو الشّيوخْ فِي حَياِآتِناآ و لِمْ نَلقَ مِنْهم إلّـا كُل
خَيْرِ و لله الْحمَدِ ؛ مَهْمَاآ تَجرّأ عَليْهم الشّعْب
يَبْقونَ عَلى نُبْل أخْلـاقِهمْ فَلا تَغرهّمِ الدّنياآ
بمال أو مَتاآع زاآئِلْ ، و كَذِلكْ الْحاآل باّلنسبّةِ لِلأمْهّاآتِ
حَتّى لَوْ أراآدَتْ الْمُفاآخَرْه بابِنهاآ ؛ فَهِيْ لَيْسَتْ
بِتِلْكَ الْعًقْلَيةِ السّاآذَجْة لَتصَل بِأنْ تَرميْ ابْنهاآ
فِي التهّلكُه، لأنّهُ رُغم كِلّ ذلْك يُعتَبِر بالنسّبة لَهاآ
فِلَذهْ كَبِدْهاآ التّي تَفْتًخٍر ْبِشَجاآعَتٍهْ ؛ لـاآ بـ سَرْقتَهـ،
لـِماآل الغيْر ، فِهي تُحبّ أنْ تراآه الأفْضَل داآئِماً
بالسّر و العَلِنْ ؛ حَقٍيقَة قِصّة راآئعة جِدّاً
راآقَتْ لِي كَثيراً كِما راآقًتْ لَكُمِ سَيّدِيْ ,.


​

 

[نسمآت روح]

بسم الله الرحمن الرحيم
السلام عليكم ورحمة الله وبركاته

بالفعل حكمه رااائعه
ولكن لا تنطبق على الكل
فهذااا ينطبق على فئه معينه من الناااس
تسلم أخوي بصراااحه عيبتني القصه
وبغيت أقيمك ولكن مااا صااار بس إن شاء الله
فالحساااب :biggrinsanta::biggrinsanta: :biggrinsanta::biggrinsanta: :biggrinsanta::biggrinsanta: :biggrinsanta::biggrinsanta:

تقبل مروري أخي العزيز

 

[سيادة الوزير]

السلام عليكم و رحمة الله و بركاتة
نعم انا اوافقكن الرأي ليس كل الامهات بهذه الشاكلة وليس كل الامراء كذالك
شكرا على الخطفة المميزة و في انتظار كل جديد منكن
ربي يحفظكن من كل شر​

 

[شيخة القصيد]

ههههه تسلم خيوو ع طرحك

مثل ما قالت خيتوو صح هالحكمه

لكن ما تنطبق ع الكل



وثانكس ع الطرح

 

[سيادة الوزير]

ههههه تسلم خيوو ع طرحك

مثل ما قالت خيتوو صح هالحكمه

لكن ما تنطبق ع الكل



وثانكس ع الطرح

تسلمي على المرور
الله لا هانج
​

 

[سوسو العبيدانى]

هههههههههههااي
سبحان الله
الحرمه داايم تحب تسولف وتبربر بكل شي
يـــــــــــــــاكلها لسانها ما تـــــــــقدر تخبي
يعنى لو حصل امر وعرفت ان من بين الحاضرين رجل وامراءه
ان كنت تحب التفاصيل اذهب للحرمه
وان كنت تحب الاختصار اسأل الرجل....يعطيك الزبده يعنى
وفقك الله دنيا واخره
جميل ااخي

 

[الــمــنــبــر]

تسلم أخوي وفالك التقيم


​

 

[بلوشية كريزي]

ههههه

الحريم


احنا بنات ::x631::

للعلم

( إذا تريد تعطي أسرارك .. عطيهم بيبيتي )

مرررره تحفظ السر

( العكس صحيح )

_ انت تقولها من هنا >> بس خطوتين رحت عنها لاه >> السر منتشر

حتى الخدااامه تلقاااها عاارفه _

هع هع ( الله يذكرك بالخير بيبيه )



الله يعطيك الصحة والعافية على الموضوع​

 

[سيادة الوزير]

هههههههههههااي
سبحان الله
الحرمه داايم تحب تسولف وتبربر بكل شي
يـــــــــــــــاكلها لسانها ما تـــــــــقدر تخبي
يعنى لو حصل امر وعرفت ان من بين الحاضرين رجل وامراءه
ان كنت تحب التفاصيل اذهب للحرمه
وان كنت تحب الاختصار اسأل الرجل....يعطيك الزبده يعنى
وفقك الله دنيا واخره
جميل ااخي

تسلمي مبدعتنا على الخطفة الطيبة
بارك الله فيك و حفظك من كل شر​

 

[سيادة الوزير]

تسلم أخوي وفالك التقيم


​

تسلمي اختي (( المنبر )) على الخطفة الطيبة
الله لا هانج
و مشكورة على رفسة التقييم​

 

[سيادة الوزير]

ههههه

الحريم


احنا بنات ::x631::

للعلم

( إذا تريد تعطي أسرارك .. عطيهم بيبيتي )

مرررره تحفظ السر

( العكس صحيح )

_ انت تقولها من هنا >> بس خطوتين رحت عنها لاه >> السر منتشر

حتى الخدااامه تلقاااها عاارفه _

هع هع ( الله يذكرك بالخير بيبيه )



الله يعطيك الصحة والعافية على الموضوع​

السلام عليكم
اولا مبروك مرة اخرى على المسمى الجديد
ثانيا: ثانكس على الخطفة
​

 

[لمسة شموخي]

هههههههههههه
:imua55:الحريم
كل الشكـــــــــــــــــر​

 

[صقر الديرة]

شكرآ ع الحكمة الجميلة


أنا سمعت أبي يقول يوم من الأيام بحكمة جميلة

لا تربي غبن ولد زنا ولا تزرع على وادي ولا تعطي سرك لحرمتك