ساحر الكون
¬°•| عضو مميز |•°¬
بسم الله الرحمن الرحيم
السلام عليكم ورحمة الله وبركاته
اشحالكم الطيبين ؟
خشوووم !
مرحبا مرحبا الساااع ... قربو قربو
.
.
خخخخخخخ
.
.
مابطولها عليكم ..
أقدم لكم بين أيديكم أمثالنا المستوحاه من تراث جعلان بني بو علي .. والنعم ..
1- ناس تخمل وناس تشتهي الدامك .
( ناس كثير فايض عندها الخير وناس ما عندها شي )
2- عومه ماكوله ومذمومه .
( فاعل الخير والناس مستفيده من خير ومب معترفه به )
3-الصيت صيت والغم ف ضريط .
( السمعه عاليه والفايده ف الناس قليله )
4- شل الخرى على الراس ولا عن منة الناس .
( اشتغل ولو تشل الخرى أكرمكم الله ولا تتطلب من أحد ) .
5-اسكن وسط القوم ولا تهم صايحها .
( خالط الناس واللي يجري عليهم يجري عليك )
6-عليك بالعز ان الذل مدروك .
اكيد مفهومة .. ما يحتاج شرح
7-كل أكل جمال وثور فثورة رجال .(ثور=قوم)
( إذا كنت تاكل مع ناس كل سريع وإذا قامو قوم ولا تجلس بعد الرجاجيل )
8- ضحكه وبشّه وكلّن طنف قشّه .
( ناس تظهر لك المحبه ولا يساعدوك )
9- إما صبورٌ كلت يراب وإما نعورٌ كلت تراب .
( يرمز هذا المثل إلى المرأه التي تصبر على الحلو والمر وتنال الفرج
والنعور معناها المرأه التي ليس لها صبر وتنبش المشاكل )
10- حميّرتك ولا فرس غيرك .
( سيارتك القديمه التعبانه وتصبر عليها ولا تاخذ سيارات الناس ومن بعد يتكلمون من وراك )
11- يا محلى أكلٍ فوق حصاه يوم القلوب مصفاه .
( يرمز إلى صفاء القلوب والمحبه والتسامح )
12- محبة العسل من عسون السح .
( محبة الشي من أصله )
13- الشيفه شيفه والمعاني ضعيفه .
( المظهر شي والأصل شي آخر أو المظهر زين والطبع شين )
14- من ساير الأجواد تجود من جودهم ومن ساير الأنذال تنذل من نذلهم .
( اللي يرابع الزين يصير مثله واللي يرابع الشين يشين مثله )
15- امشي واستريح ولا تاثب واطيح .
( امشي بالمهل ولا تاخذ الأمور بالإستعجال ومن ثم تندم عليها )
16- لا تدلل البنت عليك ولا تطعم الجعده من إيديك .
( لا تدلل البنت زياده فتطلب زايد ولا تطعم الجعده من ايديك ولا ما رح تاكل من الصحن )
17- ضم الشبيعات لجويعات .
( ما فاض عندك من مال ادخره لأيام العسر )
18- اخدم خدمة عدوك ولا تقعد مبطل .
( ساعد الناس ولو كان عدوك ولا تجلس باطل )
[fot1]
تم بحمدالله
[/fot1]
تم بحمدالله
[/fot1]
أتمنى أن تنال على إعجابكم و ارجو التثبيت
وشكرا :bt:
التعديل الأخير:
