بسم الله الرحمن الرحيم
السلام عليكم ورحمة الله وبركاته
شحالكم عساكم بخير
ربي يسلمكم
اليوم يا فبالي أطرح موضوع للنقاش
أتمنى إنه يحصل صدى طيب وما يكون مكرر وينحذف ولو إنحذف يالله الخيرة فيما إختارها الله
المهم نحن الحين في زمن التطور فكل شي حتى فطريقة التعامل مع الآخرين وخاصة الأهل والإخوان وكل شي على قولتهم ( فري ) لكن في حدود المعقول وفي حدود الشريعة الإسلامية .
سابقا البنت ما كانت تقدر تتكلم فشي مهضوم حقها فكل شي طبعا عند البعض مو الكل ولا زالت هالمشكلة لحد الحين ( مالها شور , ما تتدخل فهالأمور , ما يخصج , خلج بعيد , الحريم ما لهن كلمة , كلام رياييل وهو اللي يمشي )
ووايد من هالكلام.
الحين البنت تتدخل فكل شي عندها ثقافة إسلوب نقاشي إسلوب حواري مثل ما عند الولد وتنافس الولد فكل شي والعقليات الحين ما شاءالله متفتحة على كل شي .
ونحن كشرقيين بتكلم في هالسالفة
لو وأقولها للشباب ,,, لو يات إختك في يوم من الأيام وقالت لك إنها تعرفت على شخص وهي على علاقة حب معاه وهو يريدها وبيتقدم عشان يخطبها ويتزوجها على سنة الله ورسوله ....
كيف بتكون ردت فعلك ؟
شو راح تسوي بالضبط ؟
والسؤال يطرح نفسه للبنت بعد لأنه يخصها وهي جزء منه شو تتوقعي ردة الفعل لما تبوحي لأخوج بهالشي ؟
الكل عنده وجهة نظر ونتمنى تكون وجهات النظر في حدود الصراحة وما تطلع عن المعقول ,,
يعطيكم العافية
إحترامي للجميع
