بعض الأشياء السلبية في البريمي .. 1 2 3 4 5 6 7 ... الخ

[حماسة البريمي]

هناك أشياء ايجابية في البريمي طبعاَ في ظل التوسع الكبير في التجاره

..

أشياء سلبية كثيره في البريمي َ ومنها ::

..

1- قضية الحدائق في البريمي

..

2- شح في عدد النخيل في الشوارع

..

3- المطبات في البريمي كأنها جبال محضه

..

4- الشوارع ضيقه + بعض الشوارع فيها بواليع

..

5- الباركنات اللي في الشارع مقابل (( المزاحمي للتسويق )) في نفس الشارع اللي فيه سيتي سنتر البريمي ... هالباركنات لازم يتم اغلاقها لانها خطر وهي بالشارع ... (( اللي قريبه من البريد )) عرفتوها ؟؟

..

6- زحمة الحدود ... والحل الوحيد (( ان اللي ما عنده شغله اييلس في البيت او يسير مقاهي الشيشة .. احسن له من الزحمه


..


7- الدراجات ابو شراع على قولتهم هههه زادت بشكل كبير في البريمي ... حتى الحين تشوف باكستاني مركب 4 نفرات ههههه ويا كثر الحوادث ههههه والشرطه يقولون ممنوع هالدراجات في الشوارع العامه ... وانا بروحي اشوفهم في الشوارع العامه


..


8- اللوحات الاعلانيه اللي تغطي الدواوير ... وخصوصاَ دوار مسجد قابوس + دوار السوق ... اللي مرشح عمره بالشورى حط صورته في اغلب الشوارع ... واللي فاتح محل حط له اعلان ... (( ناقص اللي فاتح محل حلاقة )) يحط له اعلان بالشارع ويغطي الدوار عليها وتصير الزحمه


..


9- دوار السوق الضيق .. وهناك مركز الشرطه .. هالمكان لازم تكون فيه اشارات ضوئيه ... والاسباب هي :: ان الكثير من الهنود والبتان (( والشياب )) يتخطون هالشارع الخطير صوب السوق ... (( المفروض جسر عبور مشاة ))
..



10 - عمانتل .. عمان موبايل .. والشكاوي على ضعف الارسال وغيرها من الشكاوي اللي نزلت فيها مواضيع للمقاطعه


..

11 - عدم وجود اشارات ضوئيه

..

12- التهور في قيادة السياره من اغلب الشباب ..

..

13 - المساج في البريمي والعيادات المشبوهة

14 - مكاااين السحب والايداااع في بنك مسقط

..

15 - مشاكل انعدام ارسال 3 جي ( عمان موبايل + نورس ) في مناطق عديده في البريمي


..

16 - ترى حتى شركة نورس ... يحطون مقوي ارسال في اماكن يكون الارسال بالاساس ارسال هالاماكن قوية

وبعض الاماكن في البريمي تعاني من ضعف ارسال شبكة نورس

المفروض قبل عن يسوون مقوي ارسال ... يسألون الناس او يسوون استبيان

..

هذه بعض السلبيات ...

ولكن الحمد لله البريمي فيها ايجابيات بعد

..


..

 

[الصخرة]

موضوع جميييييييل

الى الاماااااااااااااااااااااام

 

[السَعيدي]

هالاشياء وغيرها ان شاء الله بتتغير والبريمي بتروح للأفضل

وترا البلاد ما يطورها غير اهلها

وبالتوفيق للجميع​

 

[[ود]]

نتفق معك ولكن لننظر للجانب المشرق

والبريمي واعدة بالكثير إن شاء الله

و بجهودكم ترتقي

شكرًا على حرصك

كل عام وأنتم بخير

 

[بن يعقوب]

لو الناس شغلوا عقولهم ورشحوا الشخص المناسب في مجلس الشورى


75% من المشاكل اللي نواجها بتنحل



شكراً على الطرح

 

[Queen Love]

فعلا سلبيات انشوفها فالبريمي
بس ان شاء الله الايام اليايه نشهد تغير فالمحافظة
لكن اتمنى التغيير ايكون بأقرب وقت
ع الاقل لو يحطون الحين خطه وينفذوها فيما بعد ,,
المشكله السلطان مايي صوب البريمي عشان جي احس ماشي اهتمام

سيروا شوفوا مسقط كيف > والله فرق شاااسع

عموما الحمدلله ع كل حال
وان شاء الله الياي أفضل

والسمووحه

 

[دمي شعر]

هيه والله
صدقت ....
ان شاء الله فالايام القادمه بيصير تطور ...

 

[أ“أ‡أ،أ£ أ‡أ،أˆأ‡أڈأ­]

ملاحظات بالفعل تستحق الاشاده والتركيز عليها من قبل المسؤولين
وفي الاخير مثل ما قال اخوي السعيدي البريمي ما يطورها إلا اهلها..

 

[»̶»̶̥ м̽ɐ̲łќ 3̨̐τ̅н̲]

شاااحنااات بهووووان يكسرن الشااااارع *_*

 

[الشريعه]

6- زحمة الحدود ... والحل الوحيد (( ان اللي ما عنده شغله اييلس في البيت او يسير الكوفي شوب .. احسن له من الزحمه


..

.......................................................................................
هل يوجد كوفي شوب بالبريمي

 

[حماسة البريمي]

..

ترى حتى شركة نورس ... يحطون مقوي ارسال في اماكن يكون الارسال بالاساس ارسال هالاماكن قوية

وبعض الاماكن في البريمي تعاني من ضعف ارسال شبكة نورس

المفروض قبل عن يسوون مقوي ارسال ... يسألون الناس او يسوون استبيان

..

 

[حماسة البريمي]

اقتباس

المشاركة الأصلية كتبت بواسطة الشريعه

6- زحمة الحدود ... والحل الوحيد (( ان اللي ما عنده شغله اييلس في البيت او يسير الكوفي شوب .. احسن له من الزحمه


..

.......................................................................................
هل يوجد كوفي شوب بالبريمي



..

..

الاماكن الترفيهيه للشباب :: المقاهي اللي صوب اسواق الهدايا .. ( مقهى الجماهير مثلا ) ... عندك اماكن للالعاب والترفيه .. مثل ( العميد + مقهى الحريف ) واماكن كثيره ما تيي على بالي

 

[عالية]

والله المشاكل وايدةةة ,,, ولو حد بيسمع ان شاء الله هالمشاكل بتنحل وبتستوي البريمي احلى من نسقط بعدد ,,

 

[ميهوده]

..

توفير فرص العمل ... لان البريمي مدينة تجاريه ولازم يكون هناك شواغر

وهذه سلبية بعد

 

[طاش]

؟؟

كلام جميل

وهناك ايضا سلبية .. وهي بطئ في انجاز المشاريع .. مثل فندق ومنتجع بن كرم وغيرها من المباني


--

 

[قـمـرهـم ـم]

هل يوجد كوفي شوب بالبريمي.....؟؟؟؟


يمكن قصده/ـا قهاإإوي الشيشه..:icon_smile_cool:
ههههههههه

 

[قـمـرهـم ـم]

والله موضوع جيد بصراحه......
لكن القلم مهب بإيدكم للأســف..
ما عليكم إلا الـصــبر...
وجولوا الحمدلله على كــل حــإإل...
ولا تتشكون وايد لان ((البريمي))
طول عمرها بتم جيه...
و((شكوى لغير الله مذله))

تحياتـي../
قـمــرهـم ـم:icon_smile_cool:​

 

[صانع الاهداف]

احيك على هالموضوع​

 

[شرطي مرور]

متابع لباقي التطورات

 

[нэвλ]

السـلام عليكم ورحمة الله وبركاتهــ..:001:
انشالله يوصل هالموضوع للجهات المعنية ويصير تغير ...
كل الشكر ع الموضوع الوااايد مهم