عمر الفراشات

[الوطن موال اخضر]

يريد النده يطيح وانت استعجلت

ياوردة البيت من بيتك شلت

تبجي العصافير وينوح الغصن

ولفها السنادين أكثر من حزن

موت الورد ليش صاير من وقت

**************
عمر الفراشات لو عمر المطر

لونجمة الليل بعيون النهر

نسمه وتعديت بهدومك عطر

وبرد البساتين بطلوع الفجر

يا أترف احساس لاوين ارحلت

**************
عض اصبعه وراح مغثوث العسل

مُرْ من الايام شكد شاف وحمل

حته الصبر طاح من ثكل الصبر

ينـــعد بالاعــوام هـــم هذا عمر

قالوا غفه ونام وعمرك مانمت

**************

يا بو سمر ليش فارقت السمر

ودعت الاصحاب واعلنت السفر

وحشه المحطات وعيونك طفل

تايه بالدروب من كلشي وَجـلْ

لو هبـت الريـح بيها تعـَثـّرت

****************

 

[السنيدي]

بصراحه الكلمات معبره و طويلة الامد في معانيها

صح لسانك

 

[الجررريح]

روووووووووعه جداااااااا
تقبل مررررررروري

 

[بدوي لندن]

يسلموو عالشعر الغاوي ونترقب اليديد