على مر السنين ابقى وفي قلبي كتاباتي **أنا ألحين أبي أشكي ومهما تكون حالاتي

[ريحانة الصبى]

أعزائنا الحضور رجعنا لكم بعد فاصل طويل
طبعا من فترة تركتكم كنت مشغوله بإمتحانات الفاينل


كان أول إمتحان كمبيوتر سيستيم حفظت 13 هانداوت
وماجى شئ إلا الفهم غربل الله بليسهم من 20سؤال
متأكدة من 10 إجابات أنهم صحيحات بس و7 أخطاء متأكده
أما3 أسئله ماأذكر الحل المهم ناجحه فيه عباره

ثاني إمتحان ماث أخر مسأله عليها 5 درجات فقط كلها خطأ
بس الأمتحان من 50 الله يستر ع باقي الحل مادري صح خطأ
المهم أنجح

أخر إمتحان فيصل الصراحه فنتك مادري شو سويت وشو كتبت
بس لا تخافو المهم بنجح

وش أحلى من النجاح ع فكره ماتلاحظوا كله المهم بنجح
ياخوفي هالبنجح تطيحني بمشكله وتطلعلي مفاجأت الصيف
قبل وقتها كككككه

 

[ريحانة الصبى]

أترككم ولي عوده بالليل:1eye:

 

[ريحانة الصبى]

أخيرا فتح النت سنه حشى سنه أنتظر يفتح وفجأة فتح
طبعا 25/1 كان عيد ميلادي دخلت 20 سنه والله كبرنا
خسارة أيام الطفوله والشباب يروح...تو الناس

طبعا أخوي اليوم عليه إمتحان مافتح الكتاب إلا الفجر بعد الصلاة
رحمته شفته ماعارف وين يذاكر ووين يخلي عيل بالله عليكم طول
الإجازه وش جالس يسوي لما حس الإمتحان باقي له 3 ساعات بدأ
يذاكر الله يستر...المهم راجعتله ع السريع المهم ولما رجع قالي
هو وود العم يلي ليوم لفجر مذاكرتنه لنا كله جاء بالامتحان
الحمدلله ....

مانعرف عاد بينجحوا مابينجحوا مانافعين تراهم حق شئ...الله يستر

أخليكم نلتقي بوقت ثاني:7btain:

 

[ريحانة الصبى]

مرحبا بك مدونتي العزيزه

اليوم يوم رائع جدا....طبعا ألحين أنا سعيده
ليش ياترى!!
لأني شفت درجاتي طالعات بالموف
نجحت والحمدلله ودرجاتي منيحه جدا
وأمي فرحانه كثير..:0962b59e9642d670ff5..وبابا كمان

طبعا نلف بالمنتديات ونسير مني مناك
بعد أسبوعين بنداوم بالكليه حماس

فيني شوية صداع..حراره..عطشانه::x6::
هع أخليك ألحين مدونتي العزيزه

 

[ريحانة الصبى]

هلا هلا
هلا بالطش والرش والعطر المنخش بالغرش

طبعا يفترض إني أداوم بس ياخساره الظروف
اجبرتني اصطن بالبيت أسبوع فاتني الناس أول
أسبوع طيران وأنا جاعده بالبيت ودمي يغلي::s23::
بس مب مشكله الأسبوع الياي بداوم عادي
م صار شئ ههههه

 

[ريحانة الصبى]

عشاءنا اليوم عشاء خفيف
بس المعده مستثقلتنه

مافي أخبار مافي جديد
تصبحون على خير

 

[ريحانة الصبى]

طبعا ليوم يوم عادي بس الفرحه مره ماليه الدنيا
ليش ياترى؟ّ!....

أكيد لأن بكره الجمعه وأول يوم أداوم فيه بالسكن وبالسبت بالكليه
مره فرحانه :aa_france2:حماس

طبعا م اليوم أخطط شو بسوي باكر..!!

بكره..
الفجر..طبيخ بطبخ صالونة خضره وبراتا وشاي
الصباح...بنظف البيت من أول للأخر
الظهر...استعداد
العصر...نروح نتسوق أشتري يلي ناقصني حق الكليه
هاي المره الثالثه يلي أروح أشتري فيها حق الكليه ههههه
المغرب...ع الباص وطيران إلى مسقط
بالليل...أرتب غرفتنا بالسكن لأن لبنات خبروني شكل الغرفه
ع حسب تخيلاتي العبقريه م عجبني فمسويه ديزاين يديد ههه

بس....خلص اليوم...صح صح قبل النوم بجهز عباتي وأغراضي حق
دوامي بالسبت وبعد بروح أزور شلتنا يقولون م بغرفتنا حطوهم بالشقه
يلي مقابلتنا والشله الثانيه من ربيعاتي وياي بالغرفه

ايه صج ترا عندي شلتين غير ديزاين وغير تفكير وغير سن اختلاف كلش
من شله لشله يعني عندي شخصيتين حق لشلتين ههههه

 

[ريحانة الصبى]

اليوم طبعا نشيت الصباح
بعد السواك وتضبيط الكشه هههه وترتيب السرير
مباشرة شغل

طبعا كرفت بالحوش كراف خميته بعسو
بعدها غسلت 5 حصران...حصير
ومن بعده غداء طلبنا م المطعم مكبوس دجاج
العصر كملنا الشغل المتبقي

ومن بعده جلست أشوف فلم رعب
في توب موفيس وأخوي لصغير 5 سنوات ميت خوف
وجاعد يجول ماصح يكدبو...يعني يكذبون..هههههه
ومن خلص الفلم قام يجول ماتوا أقوله هيه
والجنيات كلهن ماتن,,,هيه أبوي ماتن...وخلاص مابيجن
معنا.....هههههههههه هيه خلاص مابيجن معنا هههه

بعدها رحت أسوي كباتا
وجات الوالده الله يخلييها ويحفظها يارب فرحانه وتقول
خلاص عن الطبيخ اليوم بنروح عرس بناكل من هناك
بس أنا خلاص عجنت شو أسوي وطبختها وكليناها الطبخه
ونصهم كلوا شوي وخلوا نص البطن حق عشاء العرس ههههه

وألحين وصل العشاء وتعشينا دبغنا مره ثانيه فوقه ههه
وجلست ع النت وكذيه يخلص يومي:artist:

 

[ريحانة الصبى]

اليوم نفسيتي تعبانه.......مجهده........شبه مريضه

يالله أخليكم لفه بس عشان خاطركم وخاطري وألحين بروح

 

[ريحانة الصبى]

مرت أيام ومرت سنوات والحياه تمر وكل شئ يقصر من العمر

فقدت أشياء وحب الحياه وفقدت ناس وكتمت أنفاسي عشانهم

أكتشفت أشياء وأصابتني أمور وأزحمت الدنيا علي ومرت سنين العمر

أحلم في هالدنيا وأبني خطط وأنسى سكثر ببقى هنا

أطرب وأحزن واعيش العمر ومدري ترى باشوفهم ولا خلاص ننسى ونعيش مابقى

على العموم وعلى كل الهموم بضغط على كل الأمور

واوهم نفسي بأن الذي كان مازال وراح يظل ويستمر

ألا ياوقت مابيك ترجع للوراء بس الذي أطمح له حبي لهالدنيا يظل

مابي أشوف الدنيا صج مابي أكشف أي هم

خلني أكمل ماكنت فيه بالوهم

خلني أعيش حلمي الذي يسعدني ويقول

أن الحياه حلوه مهما يكون ومهما يصير لا تنكسر

لكن خلاص الوقت فات وأنا اكتشفت ويش المهم

ترا ترا ترا ترراه تررراه تررراره ترا ترا ترا تررراه تررراه ترا را راه:imua7:

:cap:

 

[ريحانة الصبى]

محد يرتاح حتى فبيته
جات أختى وبنتها تطب علي وتمسكني وي اللابتوب
وفاتحه النت ماصدقت ع الله ترا ماعندها لاب ولا نت وشبكت فيني
وألحين ورطه لازم أعطيها بتحن ع راسي وبتسويلي صدعه وبمرض
يعني الله يهديني ماطلع حظي أفتح نت الا لما جات تبات بيتنا اش هالحظ النحس
::s31:: مش ممكن ألحين لنت وياي يبقى 24 ساعه اذا هي مسكته وقامت تحاوط
بالنت من مكان لمكان بيخلص بنص ساعه مادري وش تسوي به أخخخخخ يالقهر بموت

 

[ريحانة الصبى]

يوم جديد وحياه جديده والهموم تزيد
مشاوير وأحلام وأمور ماتجي ع البال
في انتظار عدلك يازمن ممكن اتفضل بسؤال
أدري أنا مالي جواب خلني اسكت واسك الباب :imua26:

 

[ريحانة الصبى]

جايه أنظف المدونه وانفض التراب عنها:409:

 

[ريحانة الصبى]

دراسه تايم:19:

طبعا مدونتي الحبيبه رجعتonion head18

من بين الايام اكتشفت في شخص يستحق الاحترام

"الغافري" عضو ما شاء الله عليه كثير ساعدني وربي يوفقه

ويرسل له من يساعده ف وقت حاجته:ش12:



المهم لبنات نايمات مايبن صدعه غلقن الليت وانا أذاكر
ماحسو بمشاعري الرقيقه ألحين لازم أغلق لابي وانام
ماينفعني أجلس وش بذاكر وليت مغلق
الله يعيني بس ما كل يوم بيصكن الليت خلني لين أتعود عليهن
بعدين بنازعهن هههه:182fd25f9b06446ba41

 

[ريحانة الصبى]

ياهلا ومرحبا اشرقت وانورت

الأمطار غزيره جدا والبرد يتساقط في منزلنا ومنطقتنا كانت تنقلع من مكانها

ياربي أنا مشغوله كثير وش اسوي المفروض ما ارجع البيت
اجلس بالسكن اواحي مخلصه شغلي

عندي امتحان و3 اسايمنتات
2 مخلصتنهم جروب بس احسهن مال اطفال لازم ارجع اشوفهن واضبطهن
1 مفرد مخلصه بس باقي الرسمات يلي نسويهن ببرنامج والبرنامج ماعندي

1 مشروع تخرج مامسويه في شئ ابدا ومابقى عن نخلص الدراسه إلا شهر فقط
وهو شهر 12 يارب يكون بعوني

ألحين عندي فيفا...2 برزنتيشن...3 تقارير....1 امتحان

نهاية 12 عندي 2 امتحان...1 برزنتيشن...1 تقرير

بداية شهر 1 وهو أول الشهر وأخر اسبوع دوام عندي تسليم مشروع التخرج
الله يكون بعوني وين اروح وين اركض

 

[ريحانة الصبى]

مدونتي الحبيبه كلما تطلعت إليك تذكرت تلك الأيام الجميله التي عشتها
كلما أقرأ كيف كانت حياتي زكيف أصبحت أشعر بالمسؤولية والحنين للرجوع
لتلك الأيام الطفولية..منذ بدأت الدراسة الجامعية وأنا هنا والأن سأنهي دراستي
كم كانت ذكريات جميله اتركها بين يديك ...

وأخر فصل لي في دراستي تبدأ الضغوطات لدرجة انك لا تعرف اين تبدأ واين تنتهي
الوقت يمر ثم يضيع لا ننهي شئ ونحاول العمل ربما لأننا تركنا كلمة في عقلنا
بأنه يوجد عمل كثير لا يمكن انجازه بين ليلة وضحاها..

هكذا أكمل مشواري ولعل الغد يفتح باب ضوء لينير دربي نحو البدء بالعمل
وتحقيق النجاح