على مر السنين ابقى وفي قلبي كتاباتي **أنا ألحين أبي أشكي ومهما تكون حالاتي

[ريحانة الصبى]

مدونتي العزيزه عوده من جديد​

طبعا اليوم أخوي طيح شئ بعيني وماقدرت أفتحها
وحاولت فيها كثير ماطاعت يحليلها هالعين دوووم مصابه
سويت ماي بارد وفركتها وخليتها ع الهواء ومانفع
رحت أجطع بصل علشان أصيح لأن الدموع تزيل الأوساخ
والبصل ينظف العين بس مانفع أخر شئ قلت برجد
رجدت ولما نشيت م الرجاد كل شئ تمام عيني صارت تمامو :0962b59e9642d670ff5​

طبعا الظهر حصلت اخوي يلعب باللحف والفراش وأنا مكسره
ظهري جاعده أطويهم وأرتبهم وأجيبله مخمه غاويه أحسلك
ترتبهن مثل ما كانن لا تحصل لمخمه معلمه بظهرك رجعهن
مثل ماكانن ياهيك الأدب يابلاش :bapho:​

بالليل ميته جوووع ومن خرج الرمضان مافي سالفة
إلا الخبز والشاي حق الليل شو هاه حاله
بطني معتصر صاير شرات الحفره أريد عيوش جوعانه
وتذكرت عندي عيديه طرشتلي صحن عيش وصالونة
دجاج هندي الله يخلي بيزات العيديه يارب :003:

​

وبعدها جلست ع النت​

ويالله مدونتي العزيزه أرجعلك​

 

[ريحانة الصبى]

رعب جالسه وحدي بالغرفه
أمي أصوات من كل مكان
مابي عناد بجلس مايخلوا حد في حاله
أريد أجلس براحتي بيتنا يخوف يوم الكل نايم
مابي بجلس هووون براحتي ما يخوف شئ
تخيلات طرررررررر:182fd25f9b06446ba41

بسم الله يرهبن هالصور
بعد أنا جايبه هالصور ترهب
يب يب يب شكلي بطير ع فراشي
أحسلي أسلم وأدكها نخره
لا شئ يعجب بهالصور ويجي يركض
صوبي بسم الله شو هالكلام مامي أنا طايره
عنكم​

 

[همس الحوسني]

واكككككككككككككك

تقبلي مروري

خخخ

 

[عيـوز ستآآيل]

ههههههههههههههههههه
خخخخخخخخخخخخخخخ
هيهيهيهيهيهيهيهيهيهيي

سوآآآلفج طررر :a036:
ع قوله لبدآآه ~ اهجسني هفطس :=D:

وآآصلي ومتآآبعين لج فدوو :32:

 

[ريحانة الصبى]

مدونتي العزيزه
يبسطني تواجد الأعضاء والزوار في مدونتي
شئ يبرد القلب صراحه يحسسك بأن مدونتك
غاويه ككككككككه​

فوديتك أنا عيوز ستايل دووومك متواجده يامرحبابك زووود
هنيه أسعدني تواجدك :47::47: وحبتين لعيونك يالغاليه​

هلا وغلا بالغاليه فدفد هاي هموسه الحوسنيه فديتها والله
ربيعتي من أيام المدرسه لو ألف الدنيا كلها أشهد بأني ما بحصل
شراتها دووووم هالحبه تبرد فؤادي نحنا مب ربع وبس نحنا خوات ربي لا يفرقني عنها رغم أن البنات بعد الدراسه عدد
كبير منهم يفترقوا إلا يلي بيوتهن قريب بعض أو يدرسن بنفس
لكليه يظلوا مع بعض بس فديتها بعاد عن بعض بس نزاور
بعض خصيصا أيام رمضان الزيارات تحلى:get-1-2009-oef8ifpj​

ذكرتيني بسالفه همس جايه برمضان بيتنا ورحنا بعد
كم ساعه الدكان وأشترينا كم أكله بوضه وحب الشباب
وفستق وهيك كم شئ ماوحنا نأكل إلا شوي ووصلوا الأهل
عاد هي تركته وراحت بس أنا ماخليتها أمسك شنطتها مال اليد
وأشدها بكل قوه عاد أون أريد أدخل الأكل فيها كككككككككككه

​

حضرة البنت تحاتي شنطتها وتقولي لا لا
بتنقص الشنطه هههههه وأنا ماشئ إلا مصره تشيله
ههههه أخر شئ علشان تسلم الشنطه من يدي
أخذت الأكل شالته بيدها خخخخخ:2253446f49dd40fbf5eوالله ضحوك
إذا إجتمعنا مانسكت م الضحك نتعب ضحك:f61e5c27a3216ead2f5​

وهاي أنا دحينا في رووح ويرجع بعدين​

 

[ريحانة الصبى]

مدونتي العزيزه
مادري ليه موضوعاتي ردودها ضعيفه شو هاه
مع أنها مب طويله وفيها ألوان تفتح النفس
وصور تنعش النظر كح كح كح

المهم اليوم مشتريه زيت الزيتون علشان شعري
الجميل صابه الجفاف عطشان مسكين وعلشان أروي
عطشه قبل لا يموت سكبت دبه كامله ع شعري ككككككه
راجعتلكم

 

[Queen Love]

مدونه حلوة
قريت كل شي حرف حرف :icon_smile_big:

الله يحفظ لج اخوانج وامج وابوج

متاابعه لج :cupidarrow:

 

[ريحانة الصبى]

مدونتي العزيزه رجعت

فديتك والله موزاني أنتي الأحلى
ومرورك الطيب هنيه
وربي يحفظك أنتي وهلك
وتشكراتي لك ع المتابعه الطيبه

رسلتلي خيتو مسج تقولي بتمر علي
عشان تشيلني معها عرس خت ربيعتها
الله حماس عاد أنا بخاطري أروح أحاوط

ياخي خساره نتي بيخلص ساعه 9 متى برجع
من العرس يمكن 10 ويمكن 9 يعني النت بيروح
بس لو جلست ع النت مابيخلص لكن أريد اروح العرس
لا خساره برايه النت يغيب بروح أفتح نفسي
من متى ماطلعت

أمي العزيزه فوديتها مسويتلي صدعه
عاد أون م لصبح جالسه ع النت لحد
ألحين وشاله البيت تتحرطم شو أسوي
ياخي معبيه نت برصيدي حرام يروح
بلاش لازم ألعب فيه لعب وأحاوط بالنت
لين أشبع تراها يوم وحده خلونا نشبع م النت
يب يب يب ماشئ لازم كل يوم تحرطم عليه
عاد أون تريد مندازي قلتلها بكره اليوم عرس مايصير


أنحلت المشكله لكنها طلعت ألحين برع تحرطم فديتها
من يوم يومها تحرطم حتى لو مايسوى عصبيه مامي
صراحه أنا أبوي ماخافه كثر أمي لأن أبوي يتحرطم شوي
بس أمي تشيل البيت فوق حدر يغيب ياللي يحط دوبه من
دوبها تسويله هجوووووم ككككككككه فديتها أنا طالعه علي

 

[عيـوز ستآآيل]

[FONT=&quot]يشرفني مروورج الغآآوي ع موضوعي المتوآآضع[/FONT]~[FONT=&quot][/FONT]


[FONT=&quot]يآآعيد لاتخدعك[زحمـــه~ تهآآنيـــنآآ........ بأنآملــــي[/FONT]:a7m:~l[FONT=&quot][/FONT]

http://www.buraimi.net/vb/showthread.php?t=82019

 

[ريحانة الصبى]

مدونتي العزيزه
رجعت بعد غياب طويل جدا :003:
اليوم طلعتك مثل الشعره من العجين
أحاوس وأخمس ويمين شمال ورجعت مره ثالثه
أدور عليك أقصد مدونتي وماحصلتها بالزور طلعت
مسكينه غايصه ليش من فتره مادشيت هنيه​

هلا بيك يالغلا عيوز ستايل دحينا شفت الرابط ودشيت ولزقت
مشاركتي تسلمين والله ابداع فديتك أعجبتني رسمتك
أحب الرسم لحد الجنون ارسم فقط الرسوم المتحركه
مشكلتي بالرسم هي الأصابع واليد ماعرف أضبطهم وماشاء الله
على عيوز ستايل راسمتهم بدقه​

كح كح ع طاري الكحه اليوم مريضه فيني زكام
وكحه وحمى بمختصر مفيد مريضه مرض تغير الموسم
طبعا مع تغيرات الطقس لازم يصير حساسيه للجسم كح كح​

بصراحه اليوم مدونه خطفت أنظاري تجنن مره نايس
وهي مدونة ما أخبر بس بتعرفوها أريد أسوي مثلها بس ماعرف
تفتح النفس كنت أفكر من فتره أنزل موضوع فيه موسيقى
بس ماعرفت وقلت يمكن مايصير بس لما شفت مدونة هالشخص
صراحه حلوه لا توصف عقبال مانتعلم كيف نسوي كذا :clap:​

 

[ريحانة الصبى]

المصارعه شئ رائع عجيب أموت بالمصارعه ما أفوتها
من المصارعين المفضلين عندي بالترتيب:​

رقم 1​

راندي أورتن​

رقم 2​

جون موريسون​

مسكين جون موريسون اليوم ضربه ألبيرتو ديلريو لين قال بس
رحمته مايستحق الخساره​

أما يلي أشجعهم بس فهم:​

جون سينا
​

راي مستريو
​

 

[ريحانة الصبى]

مدونتي العزيزه
عوده من جديد

اليوم جايب الوالد بشكاره حقت بيتنا بس الوالد يحليله مخجل
عاد أون من البشكاره لما يدش الغرفه يصك عمره عالجدار
ومايقدر يأخذ راحته ومايحاوط بالبيت شرات قبل عشان كيه
خذها الوالد وعطاها حقت أختي وزوجها علشان تشتغل عندها
وراحت البشكاره لاه لاه لاه حرام كنا فرحانين أنا وأمي بس مب
حظنا

المهم اليوم جاتني حمى ليش رحت مسقط أسجل حقت التخصص
أخترت تخصص تطبيقات الكمبيوتر والإنترنت من التعب حميت
والحمدلله خلصت أموري وراح أداوم بالجمعه أحلى شئ

ياخي مودري اليوم خواني مستمدحين حد يغني وحد يترقص
وغيره يطبل ويلي يطيح الفرش مب فاضيه أحرق أعصابي
حقتهم خليتهم ياخذوا راحتهم بس لين كذا من الوقت ولو طفح
الكيل بطردهم أما حضرة الوالده مشتاجه البشكاره من يوم راحت
حد ألحين ولا تمدح فيها ويحليلها فلانه وفلانه تسوي وفلانه مادري شنو اليوم بإختصار يوم اللعيان

ألحين منزله موضوع في قسم الرسم وموضوع بقسم التصميم
وبنتظر الردود

مدونتي العزيزه دحينا بروح وبرجع بعدين:biggrinsanta:​

 

[ريحانة الصبى]

رجعت قبل لا أروح أنام


مدونتي العزيزه

اليوم جلست ع النت وخلق الله راجدين ومغلقين الليتات مالهم
وبيتنا يشع نور والبيبان مفتوحات للأستقبال وبالبيت كلهم
راجدين إلا أنا ولما أنتبهت ساعه 12 كان أروح أغلقهن

طبعا النص يلي ع الشارع خلصته ومرتاحه بس يلي
صوب مزرعة جارتنا ماصكيتهن خفت لا ينط حد من المزرعه
من لجنون بسم الله علي

رحت حق أمي وخليتها تنش من النوم وطبعا كالعاده حضرة
الوالده لما أقولها تعالي معاي تقول زين بس ماتجي تكمل نومتها
بس اليوم قلتلها يمه حد يمشي بالحوش نشي معاي
نصك الليتات والبيبان ونشت منتزجه وشلت معاها مخمة البيت
واككككككككككككككككككككككككه أشو تبأ تدافع عن نفسها
وماحصلت غير مخمه واككككككككككككككككككككه يحليلها
الوالده أنا طول الطريق أمشئ وأضحك عليها ومن دشينا خلتها
وراحت ترجد

طبعا وأنا أكتب مدونتي رفعت راسي وشفت الترمس
هاي يلي تحفظ الماي بارد خرعت ع بالي بسم الله
شئ جالس يشوفني وأنا ع لاب طلعت روحي
عاد ألحين لازم أروح أنام يمكن هاي تحذيرات عشان
أروح أرجد خخخخخخ وايد خيالي واسع كنه


ويالله مدونتي العزيزه ألحين بروح أرجد​

 

[غيمَة]

كُل شَخْص لَه حِلْم ..


رُبَّمَآ شَيْء صَغِيْر ..


إِنَّمَآ حَتْمآ لَه ..


فِي عَقْلِه مَعْنَى كَبِيْر ..




/ ​

​

كُل شَخْص لَه حِلْم ..


يُغْمِض الْعَيْن عَلَيْه ..


إِنَّمَآ يُحْبِط و لَكِن ..


دّآئمآ يَسْعَى إِلَيْه ..

​

 

[ريحانة الصبى]

مدونتي العزيزه
رجعت لكن برجع بعد شوي قبل بروح ألف بالمنتدى وبعدها راجعتلك
طبعا حصلت العضوه يلي فوق زايره مدونتي وأسعدني تواجدها كثير

صح لسانك خيتو
سعيده جدا بتواجدك بمدونتي
إن شاء الله عجبتك وماشعرتي بالملل

 

[ريحانة الصبى]

طبعا اليوم هو أول يوم لي بالكليه وأول سنه لي بالتخصص
وكان يوم جميل جدا نشينا الصبح ورحنا الكليه مع ربيعاتي
ووصلني حد لكلاس وراحن حق كلاساتهن مافي بكلاسي
بالبدايه الا شباب وحرمه وحده كبيره وعندها أولاد فمادشيت
أنتظر بنت تجي معاي غير هالبنت لأنها أكبر مني خجلت أجلس معاها
مابعرف أكلمها نحنا رمساتنا غير كيف بكلمها فنتظرت عند الباب
إلا وأحصل هنديه جالسه عدالي وتكلمني يب مافالحه بشئ
كيف بكلمها الغم ماتعرف عربي موليه تكلمني أنجلش وأنا يادوب
أتكلم كلمتين ع بعضهن يبالي وايد شغل بالانجلش
المهم وجلست أرمسها وطلعت الهنديه بكلاسي وجلست قربي
يب كل ماتحصل وقت تكلمني وأنا شئ أفهمه وشئ أقول جود
يس وأضحك وأنا مادري شو يعني يضحك شكلي بس من جلست
معاي جلست أتعلم إنجليزي أكثر نفعتني قالت علميني عربي
بعلمك انجليزي وكل ماتحصل ربعها تقول هاي ماي فريندس ناو
يب صرنا أصدقاء من أول يوم حماس :08295cc7a1617fc8932 والحرمه الكبيره
بعد جات معنا هي مب كبيره لذاك الزود يحليلها شباب متزوجه
قصدي وعمرها أكبر مني وصرنا أصحاب هي وأنا والهنديه
نستفيد من بعضنا البعض أخبرك وخذت رقمنا هالهنديه وجلسنا نحاوط
وي بعض بالليبراري والكانتين ومني مناك

بكره عندي محاضره وحده من الساعه 12 لي 1
زين بعد بس مافي باص الا ساعه 10
شو بجلس أسوي أها صح بروح أجدد بطاقتي
اليوم رحت أجددها وماخذيت الورقه نسيتها بالسكن
وماطاعوا يجددوها بدون الورقه عاد بروح بكره

وألحين مدونتي العزيزه ودي أجلس أكمل مشواري اليوم
بس وقت نوم وبكره راجعه أكمل مجريات أحداث حياتي
برب​

 

[ريحانة الصبى]

مدونتي العزيزه
يوم جديد وأحداث جديده وعاديه


طبعا نشيت الصبح وصليت رجعت أنام ونشيت ساعه 8 تجهزت حق الكليه
أول ماوصلت سيده ع التسجيل أجدد البطاقه خذوها وقالوا بالثلاثاء تجهز
بعدها سيده صوب الكفتيريا فطور طبعا حصلت الربع يفطرون مستانسين
وجعدت جنبهم المهم ربيعتي هتوفه اليوم زعلانه كانت قايله لي تريد تروح الكفتيريا ونسيناها وخذت بخاطرها بس فهمتها وفهمت الحمدلله

بروح ألحين لا يروح الباص عني بنات السكن يقولن الباص وأنا جالسه بالليبرري سو بكمل الباقي بالسكن

 

[ريحانة الصبى]

هاي أنا وصلت

طبعا قبل لا أروح السكن ربيعتنا الهنديه تريد تروح الكفتيريا
حق الغداء فرحنا معاها ونحنا وطالعين صادفت هتوفه يايه
الكفتيريا أنصدمت كان أقول يب هاي بعدها مافطرت يحليلها
أكيد ماحصلت حد حق الفطور ويات حق الغداء وجه بوجه قالت
ياسلام مره جيتي ع الكفتيريا وماخبرتيني تلعثمت وماعرفت وش أقولها
أصلا ماجاء ع بالي موليه أن هتوف تريد تجي معانا وزعلت مره ثانيه
وأنا أعتذرلها سوتلي طاف وراحت قالت عذر أقبح من ذنب ههههه
فديتها الهتف أصلا هي ماتزعل موليه قبل شوي جاعدين نسولف

طبعا أخيرا رجعنا حق السكن ومادري ليش بطني قام يعورني
وغربل الله بليس هالاداره ماشئ ماي بالسكن لاااااه وش نسوي ألحين نريد نسبح نريد نصلي نريد نسوي شئ شو هاااه شو هالسكن الماي مستحيل لازم يتصرفوا الحاله كسيفه أخيييييه
شكلهم مادافعين فاتورة الماي يا الله مستحيل ماي :021:

وألحين بروح أحاوط شوي بالمنتدى وبروح أرتاح
شوي بنام ولنا لقاء جديد

 

[ريمّ تواقّ]

قريبا حصريــــــــا النيك نيم اليديد

 

[ريحانة الصبى]

اقتباس:
المشاركة الأصلية كتبت بواسطة فقيدة الروح



قريبا حصريــــــــا النيك نيم اليديد
ياهلا بك ومرحبات الله فيك نورتي مدونتي
مبروك النك نيم الجديد يافقيدة الروح