مركز المضيف للتسويق !!!

[بو مترف]

مرحبا الساااااااع ..

طبعا مراكز التسويق اللي ف البريمي ماعليها كلام كلها ف المستوى الجيد
لكن لاحظت بعض الأشياء في مركز المضيف للتسويق يوم صدف اني اشتريت من عندهم " فريزر " ثلاجه ..

طبعا كانت كبيرة وسعرها مناسب واستخدمتها لمدة اسبوع .. واللي صار انه هالثلاجه ماتبرد ابدا يعني الفريزرات معروف انهن يومين و ع طول تشوف الثلج بدا يتكون داخلها وهاي ابدا ماسوت ثلج ولا تبرد ..
واكتشفت انها مب ماركة يعني انا يوم شريتها خذتها ع اساس انها ماركة جنرال وهاي ماركة معروف انها ممتازة ..
بس اللي لاحظته انه هاي مب ماركتها الأصلية بس حاطين لصقة مكتوب فيها الماركة ..

يعني بالمختصر انغشيت .. ورحت حق المركز وخبرتهم السالفة وقلتلهم ماريدها عاد قالولي مابيرجعوا بيزاتي بس اني لازم اخذ شي ثاني بدالها ..

للأسف الإلكترونيات ماتنفع فيه ..

هذي قصتي اللي صارت وانا ماقصدي انه المركز مب زين بالعكس مركز حلو بس ياليت انهم مايغشونا ويحطوا ماركات صدق مب بس يلصقوا لصقه ويكتبوا فيها ..

تحياتي .. بو مترف ....​

 

[موزة النعيمي]

أخوي انت يوم خذيتها هم قالولك انها ماركتها الاصليه ولا تقليد ؟
لان اذا في الحاله الاولى بامكانك تقدم شوى اذا كانوا صدق غاشينك ويردون لك بيزاتك
وعسب مايشغون غيرك ايضا ..

\


:31:

 

[king HaZeN]

والله اللي انا سامعنه عن المضيف للتسويق !!

ان كل الكترونياتهم تجميع ..

والله أعلم !!

:7btain: :7btain: :7btain: :7btain: :7btain:

 

[بو مترف]

أخوي انت يوم خذيتها هم قالولك انها ماركتها الاصليه ولا تقليد ؟
لان اذا في الحاله الاولى بامكانك تقدم شوى اذا كانوا صدق غاشينك ويردون لك بيزاتك
وعسب مايشغون غيرك ايضا ..

\


:31:

قالولي انها ماركة اصلية

ماطاعوا يردولي بيزاتي قالوا مب ممكن لازم بس آخذ شي بدالها

 

[السَعيدي]

هلا اخوي

انزين يمكن الفريزر من النوع لي ما يثلج
لان على حسب علمي في أنواع من الفريزرات ماتسوي ثلج بس تبرد ويكون طريقة التبريد عن طريق البخار بدون ثلج

هل الأشياء الي حطيتها فيها كانت بارده؟؟؟​

 

[موزة النعيمي]

قالولي انها ماركة اصلية

ماطاعوا يردولي بيزاتي قالوا مب ممكن لازم بس آخذ شي بدالها

وهالشي مكتوب في الفاتوره انها ماركه اصليه ؟

 

[طموحي عالي]

الله يعينك صدج ورطة وابتلشت فيها
بس لو عرفوا الجهات المختصة بسالفتة
اكيد بيسكروووون المحل علية
الله يهديهم بس الواحد يبى ياكل رزق حلال
ما يغش الناس

 

[Queen Love]

حرام جي ,, تعتبر فلوسهم فلوس حرام

بس اعتقد الماركات ايكون عليهن ضمان

ما اذكر اني اشتريت شي الكتروني ماكان عليه ضمان وهو من النووع الماركه

عذرنا من محلهم جان جي السالفه !

 

[•¦{ آلبُريْمِے دَآرِيْ }¦•]

وعليكم السلام ورحمة الله وبركاته,,

يسعدنا أخي الكريم أن تكتب ماواجهته من ظلم بعض الشركات هنا وإن شاء الله الحق يرجع لأصحابه ولو بعد حين..

إذا كانت فعلاً الثلاجة مغشوشة وأنت أخذتها جديدة يجب أن يكون عليها ضمان الشركة وختم على وصل القيمة المدفوعة

كضمان حقك إذا حدث عطل في الجهاز..

في حالة إبراز الوصل والجهاز العاطل ورفض الشركة إستعادته أو إستبداله بجهاز آخر ذو ماركة عالمية بإمكانك رفع شكوى

عليهم والقانون يأخذ حقك..

بالتوفيق لك أخي الكريم..

 

[بو مترف]

هلا اخوي

انزين يمكن الفريزر من النوع لي ما يثلج
لان على حسب علمي في أنواع من الفريزرات ماتسوي ثلج بس تبرد ويكون طريقة التبريد عن طريق البخار بدون ثلج

هل الأشياء الي حطيتها فيها كانت بارده؟؟؟​

هلا اخوي
لا هاي من النوع اللي يثلج وحتى ابد ماتبرد
وحطينا فيها اشياء تجميد وابد ماتغيرت ع حالها

 

[بو مترف]

وهالشي مكتوب في الفاتوره انها ماركه اصليه ؟

للأسف مكتوب

 

[بو مترف]

تسلموون ع مروركم ومشاركتكم الآراء في موضوعي

حاولت اني استرجع منهم المبلغ بس مارضوا
وشافوا بنفسهم انه الثلاجه مغشوشه والفاتورة راويتهم بس شو اسوي .. الله كريم

قالولي ماشي غير اني آخذ شي ثاني بدالها
واصلا قيمتها كبيرة يعني شو بخذ بدالها انا عذرت من الأجهزة الالكترونية

والله ابتلشت صدق

 

[موزة النعيمي]

عيل الحق وياك اخوي
وتقدر تسير صوب حماية المستهلك وراح يوقفون معاك
وخاصه اذا كانت قيمته كبيره
والجهاز ما منه فايده ومافيه مجال انه يتصلح ^^" ..

:c7b527d8bebeab132b5

 

[king HaZeN]

ويوم انكـ ناوي تشتري ثلاجة وبسعر كبير اشتريها احسن لك من مكان مضمون ..
:confident: :confident: :confident: :confident:

 

[بو مترف]

عاد قلت بجرب .. وابتلشت

تسلموون ع مروركم ؟؟

 

[king HaZeN]

يالله تهورت ..
عالعموم الله يوفقكـ..
:7btain: :7btain: :7btain: :7btain: :7btain:

 

[دمي البريمي]

ههههههههههههه
عاد اتهوور مرة وحده شنو ضرااابه هي
احيانا الواحد يبا يجرب الشيء
بس شكللك اخوووي خذيت مقلب
الله يكووون بعوووونك
نصيحه مني لك
سيده صوووب حماااايه المستهلك
هذيلا اذا ما حصلوا من يهزبهم راااح يمسخووووهااااا
والناااس فقيره مخدوووعه
ع بالهم يشتروون مااااركاات وبسعر مناااسب
انت لما تشتكى تنفع نفسك والمجتمع
حسبي الله عليهم ان شاء الله​