البريمي في خطر..طفح الكيل

[بن يعقوب]

السلام عليكم ورحمة الله وبركاته ، و طابت أيامكم

اليوم قررت اكتب معاناتي مع شوارع البريمي

أتمنى من فريق تطوير المحافظة أو المسئولين يطلعون لنا حل مع هذي المعاناة

باختصار أهل البريمي ما قادرين يسوقون في الشوارع

والسبب الحفر اللي ما ردمتها زين أو ما ردمتها شركة الصرف الصحي و المطبات الي ما مصبوغة أو صبغتها إمتسحت

في كل سنة اغلب أصحاب السيارات يضطرون تغير بعض القطع الميكانيكية في السيارة مثل:
كراسي المكينة ،كراسي الجير ، جامبينات ، الرودات ، الشلالات

وطبعاً لو الواحد يريد يحافظ على سيارته لازم يبدل هذي القطع

و أسعار هذي القطع الميكانيكية غالباً غالية

وهذي الحفر بشكل يومي نخطف عليهن والسبب ماشي طريق بديل

يعني تخطف على هذا الشارع وتطيح السيارة في الحفرة كل يوم

ما عرف المسؤلين في دائرة الطرق و المواصلات ما لاحظوا هذا الشئ ولا شو بالضبط


موضوعي مرفق بصور و اتركم مع الصور و أتمنى تشوفون لنا حل مع هذي المعاناة

ملاحظة : مع العلم أن شوارع البريمي في مجملها كانت ليس من افضل الشوارع بل هي كانت الأفضل ( the best ) مثل ما يقولون قبل قدوم شركة الصرف الصحي ألي قصت الشوارع و طبعا يوم أعادة رصف الشوراع ألي تم قصها سوت شغل ...
























هذا لاشي من شي الكثير

 

[•¦{ آلبُريْمِے دَآرِيْ }¦•]

إن شاء الله الجهات المسئولة يطلعون على الموضوع ويحصل تغير في الوضع..

نحن على يقين بأن المسؤلين في بلدنا يتابعون قضايانا وأخبارنا عبر هذا الصرح الثقافي حتى ولو لم نذهب إلى مكاتبهم

أشكرك أخي الكريم على كتابتك لهموم بلدك وهذا دليل على حرصك وغيرتك وحبك لوطنك بأن تراه أجمل مايكون..

بارك الله فيك..

 

[مستشار]

حسبنا الله ونعم الوكيل ... فعلا اللي يشوف هالصور يحس انا نحن ف دوله ثانيه مب في عمااان...

صرف صحي وشوارع وخدمات بس لاحسيب ولا رقيب ... عمال يلعبون وبس..!!!

من الضيج فيني شي بقوله ... لكن بستعين بالله وبسكت..

 

[طبع الليالي ماتروف]

ماحد بيسمعك الكل معطين آذان صماء

 

[همس الشوق]

و اللهـــ ع ـــمااان حلووة ونااايس .. بس الي مضيع فيهااا الي حاااصل عدناا ( عدم اهتمااام من قبل المسوولين .. اهمال القضااايا الي تشكل خطر على الصحة و ماديه المواااطن ) نتمنى اعادة النظر فالموضوووووووووووع​

:333:

 

[همس الشوق]

ماحد بيسمعك الكل معطين آذان صماء

هاااي عيشتناافديتج .. كله محد يسمعناااا

 

[حماسة البريمي]

الشوراع في البريمي كالتالي ::


1- شوراع البريمي اللي صوب سيتي سنتر البريمي ضيقه بصراحه


2- عندك البواليع والحفر في الشارع صوب كلية البريمي الجامعية


3- المطبات في البريمي كأنها جبال محضة ههههه ( الله يعين أصحاب الهوندا والفورد ) كل يوم تحك في المطبه ههههه


4- الصبغ في المطبات رخيص جداَ يعني 10 ريالات ما تقدرون تصبغونها



... وشكراً ...



..

 

[المتفائل]

تحدثنا كثيراً عن مثل هذه القضايا

ويبقى السؤال

أين هم المسئولين

هل ينظرون إلى هذا المنتدى أو يتابعونه
كي يدرسوا هذه الحالات

اتمنى ذلك

 

[الشامسي3]

أشكرك اخي الفاضل على طرحك للموضوع,,,

ولكن يبقى السؤال حائرا اين دائرة النقل والاتصالات

وبلدية البريمي عن هذه الشوارع ؟؟؟؟
يعني معقولة الموظفين ما يوم من الايام مروا وشافوا الشوارع

ام ان مشروع الصرف الصحي قد نفذ بدون متابعة من الجهات المختصة !!!!!​

 

[غيثي متهور]

صح كلامك والله


يعني يصلحوا شي و يخربوا شي اهم؟


تسلم يمناك ع الطرح

 

[•¦{ آلبُريْمِے دَآرِيْ }¦•]

حسبنا الله ونعم الوكيل ... فعلا اللي يشوف هالصور يحس انا نحن ف دوله ثانيه مب في عمااان...

صرف صحي وشوارع وخدمات بس لاحسيب ولا رقيب ... عمال يلعبون وبس..!!!

من الضيج فيني شي بقوله ... لكن بستعين بالله وبسكت..

السلام عليكم ورحمة الله وبركاته..

أخي الغالي.. لاتضايق نفسك كثيراً ,, صحيح أنه توجد عندنا أمور محتاجه لأعادة نظر وهي بسيطة ومقدور عليها بإذن الله

الحمد لله رب العالمين إحنا في نعمة يحسدنا عليها الكثيرون,,

قبل كم يوم كنت في الهند ولما شفت عيشتهم والشوارع الضيقة والمتكسره والكثافة السكانية الرهيبة والناس المحتاجين

والفقر بمعنى الكلمة ,, بتنزل الدمعه لما تشوف عجوز بشعرها الأبيض راقده على الرصيف وأطفال صغار بلا ملابس ومأوى..

قلت الحمد لله أنه بلادنا عمان ونحن في خير وعز بس مابنحس فيه إلا لما نشوف بعيونا عيشة الملاين من الشعوب ..

وطبعا هذا مايمنع أنه نكتب ونطرق جميع الأبواب ونطالب المسئولين بالأفضل ..

مع تحياتي للجميع,,

 

[نواف العبدلي]

بالفعل دمروا كل الشوارع فالبريمي بسبب هالصرف الصحي
والي استفدناه من الصرف الصحي زيادت الفواتير وتكسير السيارات والروائح الكريهة
قبل كم يوم كنت داش صناعية البريمي اول دوار فالصناعية تنسى ان تسوق سياره كأنك راكب جمل او سفينه والبحر هايج
الله يعين بس

 

[صـادق الـود]

كم وكم وكم

الناس تكلمت فهالسالفة

المشكلة إن الشركة اللي مسوية هالشي

خلصت عقدها وردت مسقط

يعني لو يبوا يعيدوا صيانة هالشي

يبالهم مناقصات

ونعرف عاد سوالف المناقصات والميزانية اللي تنصرف على الشي

للأسف

لكن مع كل هذا بعده الشي ما شفنا فيه أي تحرك​

 

[صانع الاهداف]

جزيت خيرا على طرح الموضوع واتمنى كل واحد يشوف مثل هالاشياء يطرحها مثلك طرحك المميز بالكلام والصور علشان المسؤلين فمسقط يعرفون كيف مستوى خدمة واداء المسؤلين عن هالاشياء فالمحافظة وتستاهل التقيم عالموضوع​

 

[يدوم الغلا]

بالفعل هالظاهرة منتشرة ..واللي يرفع الضغط المطبات اللي ما تبين بس تتفاجأ بها، والشوارع الضيقة ،، أنا أستغرب تصرف الملايين من الريالات عليها وف النهاية الشوارع سئية التخطيط وطريقة التنفيذ ...أين هي الرقابة ؟!

نحن لا نرضى لبلدنا أن تكون هكذا ...نحن نريد جوده في كل شيء ...مهما صغر الأمر وقل شأنه .!

نتمنى الحال يتغير ويصير تعديل ع الوضع الحالي

 

[بن يعقوب]

إن شاء الله الجهات المسئولة يطلعون على الموضوع ويحصل تغير في الوضع..

نحن على يقين بأن المسؤلين في بلدنا يتابعون قضايانا وأخبارنا عبر هذا الصرح الثقافي حتى ولو لم نذهب إلى مكاتبهم

أشكرك أخي الكريم على كتابتك لهموم بلدك وهذا دليل على حرصك وغيرتك وحبك لوطنك بأن تراه أجمل مايكون..

بارك الله فيك..

اخي العزيز شي فرق شاسع بين إن شاء الله وبين يفتح الله
اعتقد انك تقصد يفتح الله مب إن شاء الله

ولو المسؤولين كان عندهم رغبه في التغيير للافضل كان بيغيرون يعني من اكثر عن 3 سنوات ماعندهم علم ما يمرون على هذي الشوارع!!!

نحن على هذا الحال من اكثر عن 3 سنوات ولا شي تغير والشركه خلصت شغلها وروحت ونحن كل سنه ندفع دم قلوبنا دنفع مأت الريالات والسبب الحفر اللي فالشارع

المفروض قبل لا الشركه تنهي مشاريعها يشيكون على ممتلكات السلطنه يشيكون على الشوارع

المواطن اذا دعم رصيف غرموه 50 ريال عماني والشركه دمرت كل الشوارع وماسمعنا ولا قرينا ان تم فرض عليها غرامات
إن شاء الله واتمنى يحصل تغير في القريب العاجل

شكرا على مرورك

 

[بن يعقوب]

حسبنا الله ونعم الوكيل ... فعلا اللي يشوف هالصور يحس انا نحن ف دوله ثانيه مب في عمااان...

صرف صحي وشوارع وخدمات بس لاحسيب ولا رقيب ... عمال يلعبون وبس..!!!

من الضيج فيني شي بقوله ... لكن بستعين بالله وبسكت..

اخي العزيز اللي متضرر من هذا وكل سنه يصلح سيارته ويدفع دم قلبه حاس بالموضوع واللي ما ضارنه شي يقول إن شاء الله وهو قصده يفتح الله


شكرا على مرورك

 

[بن يعقوب]

ماحد بيسمعك الكل معطين آذان صماء

حن بنحاول عسى وصل شي للمسؤولين ويتحركون


الله معنا
حسبنا الله ونعم الوكيل

شكرا على المرور

 

[جروحي خفايا روحي]

والله وصدقت خيو بن يعقوب سياراتنا اختربت وسبه هالشوارع بس ان شاء الله يصلحونهم
مشكوور ع الطرح

 

[بو سعود الاسماعيلي]

من الشوارع الغريبة في البريمي (شارع البوش)
الشارع ضيق مما يسبب الحوادث والمشكلة تحس كانك تسوق قارب في البحر من كثر الطلعات والنزلات في الشارع​