بخبركم سالفة
كان يا مكان في قديم الزمان
كان واحد إسمه {{ صادق الود }} طالع رحلة مع ربعه شلة رغود
وشالين اللحم والدياي ( يعني بالهندي ) طالعين البر وكل شي مرتب من يومين لو تصدقوا هالطلعة
كم تمت عشان تترتب
تقريبا ونحن نحاول نفكر نطلع البر تمينا 3 سنوات والله
ههههههههه
فلم هندي
الموووهييييم
طلعنا البر وفرشنا وولعنا الحطب وسوينا ( المشاكيك ) بعد التبزيرة وبزرنا الدياي وقرطسناه بألمنيوم ( يقولوا ما زين الألمنيوم الحين )
المهم دفنا الدياي فـ( تنور ) صغيرون سويناه بروحنا ’ وقلنا اللحم بعدين
خلينا الفواكه فصوب مع الخبز وقلنا العيش بنسويه بعدين والمشروبات الروحية اللي هيـ ( الماي والبيبسي والسفن آب ) على صوب فالـ ( كول بكس ) , لأنا كنا معزمين نطلع لفة بين الجبال شوي قبل لا نبدا ندح الأكل
الجو صافي والدنيا هدوء إلا من زقزقة العصافير ( خخخخخ حلوة هاي الزقزقة ) الموهيم طلعنا لفو مال نص ساعة تقريبا
بين البراري والجبال .
ونحن على وشك النزول طلعنا تلة صغيرة لما وصلنا فوقها
نشوف هجوم كاسح على مقر القياة اللي كنا فيه
الله أكبر الله أكبر
تقريبا إسطول من الأغنام على الأكل
وااااااابوي وافقري مو إستوى تو وااااااا اللقعة
وإركض ما تركض , تمينا نلعب سكيتنج عالتلة
الله يهدي واحد من الربع تقلفع من التلة والحظ إنه ما تدربح وايد حصل له كمين شمخ فالصيمة
ماشي والله وصلنا والجماعة مخطفين على أكياس الخبز النص مأكول والنص فالأرض
والفواكه والسلطات خبر خير
أعرف إنه اللى بقى لنا العيش اللي ما مطبوخ والماي والمشروبات الروحية هههههه
والروب أهم شي
وتم كل واحد يعقها هالثاني
والحبيب اللي تزحلق من التلة توه واصل تقول مصاب ياي من حرب يسحب عمره
والله كملنا الطبخة مع باقي الاكل , وكل واحد منا يضحك على الثاني عاللي حصل
لكن الرحلة كانت قميلة قداً قداً
