قصيده ترجع الزعلان لخله وهوه يبكي!!!

[السنيدي]

رجع يسأل عن أخباري بعد غيبة سنه وشهرين​

..رجع شايل وجع صدره وقال أرجوك واسيني​

رجع كنه يحسبني سعيد بدنيتي أو زين​

. وإهو مـا يدري الدمعة تسيــل ولاتسليني..​

دمع.هالوجه..أو كنه جمع في غيبته جرحين​

.. وأنا عيني بدت تدمع على حزنه وتبكيني..​

يقول الدنيا خانتني وبعدك يا الغلا سكين​

ولا أحدن يا الغلا غيرك يقدرني ويراعيني..​

حبيبي ضقت بغيابك حبيبي حيل أنا مسكين​

.. وأنا جيتك بهاليله وتكفـــــــــى لا تخليني..​

و أنا.. لامن نطق (تكفى) عطيته لوطلب (هالعين)​

..وأجود بكل ما يملك خفوقي وتملك إيديني..​

وقلت: ابشر ولايهمك تدلل وش تبي يا زين​

.. تراني فدوه عيونك (لو إنك جيت تشقيني)..​

حبيبي لو تبي القمره عطيتك فوقها ثنتين​

.. بعد لو تطلب النجمة أبنطق جيتك إضويني..​

بعد هذا ضحك ..بعثر همومه سلهم الرمشين​

.. وقـــــال الله يا الطيب وأنا ظــــنيت ناســــيني..​

صراحة.. حيل تحرجني يا طيب يا أطيب الغاليين​

.. ولا ادري كيف بوفيلك حـــبيبي وأنت تعطيني..​

بعد هذا تسامرنا وتواعدنا بعد يومين​

. . ووصيته على قلبي وهو مثلي يوصيني..​

تواعدنا على الجمعة ((ولا جاني ))إلى الاثنين​

. ومر أسبوع والثاني وشوقي يشتعل فيني..​

تصدق عاد يا السامع !!ولا جاني الين الحين​

. وقبل تسأل عن أسبابه بجاوب ((وإنت واسيني))..​

لأنه مــ ــ ــ ـات في حادث وأنا مت بغيابه لين​

[[عرفت إني كذا ببــقى ولا أحــد يقوى يحــييني]]..​

والله الواحد بهالدنيا مايدري متى يومهـ وهل راح يتواجه مع أحبابه؟​

وإذا فارق الدنيآ هل بيكون زعلان منهم...ولا مشتـــاق لشوفتهم..؟؟!! ​

وأنـآ أوصيكـم أذا أي أحد زعلآن على خله الآفضل له أنه يرآضيه ويسآمحه ​

قبل فوت الآوآن وتأكد أن مآفي شي بهالدنيآ يستآهل أنكـ تزعل أو تزعل غيركـ ..​

والله يديم أحبابنا لنـــآ ..​

*****************************************​

****
تحياتي
*****
****
***
**
*
السنيدي​

 

[السنيدي]

وين الردووووودatch_pleur:atch_pleur:atch_pleur:​

 

[دندونة البريمي]

الله الاله كلام حلووووووو

 

[السنيدي]

شكرا جزيلا يا ذوووووق
وهالشئ مو غريب عالجعلانيين​

تحياتي
****
***
**
*
السنيدي​

 

[الجررريح]

روووووووعه يسلموووو

 

[مـادرى]

يـسلموو ع الـطرح

الـذوووووق

 

[مجروحة المشاعر]

ثانكس ع هالقصيدة

وربي انها مؤثر حيــــــــــــــل

تسلم اخوي

وربي لا هان قدرك وغلاك

 

[بنت المقابيل]

الله لا يجيب الزعل

تسلم السنيدي​

 

[رهاايف]

الله لا يجيب الزعل انشاء الله

رجع يسأل عن أخباري بعد غيبة سنه وشهرين​

..رجع شايل وجع صدره وقال أرجوك واسيني​

 

[الحرمولي]

يسلموووووووووووا على هذا الطرح

 

[بدوي لندن]

اوه اوه ... الصراحهــ روووووووعهــ