الشمس حرقتنا

[حكاية حرف]

بسم الله الرحمن الرحيم
السلام عليكم ورحمة الله وبركاته​

مثل ما الكل يعرف بإنه درجة الحرارة مرتفعة ف البريمي ...
والشمس حرقتنا وحرقت سياراتنا ...
قدمنا طلب عشان نسوي مظلة قدام بيتنا حق سياييرنا ...
ردت البلدية برفض الطلب لإن مساحة البيت شوي كبيرة ...
إذا مساحة البيت كبيرة معناته عدد الاشخاص اللي ساكنين ف البيت أكثر ...
ومعناته بإن عدد السيارات بيزيدن ...
فلييييش الرفض ؟؟؟؟ رغم إنا حاجتنا للمظلة أكبر ...
السنه الماضية شو صار ؟؟؟؟؟
إختي تحط الليسن وبطاقتها الشخصية ف السيارة وبعدين حصلت اسمها انمسح من الليسن ..
والبطاقة ذابت وانمسح اسمها والصورة اختربت شوووو السبب ؟؟؟؟؟؟؟؟؟
السبب درجة الحرارة العالية .......
واليوم الدريوليه اللي توديني أول ما ركبت عندها قالت :
" نسيت تلفوني ف السيارة وذاب من الشمس واخترب "
فلييييش المظلات ممنوووووووووعه ......

وإذا حطينا مخفي ف السيارة فو ق 40% ما بيبقى شرطي ما بيخالفنا ......

وإذا ركبنا شمسية نفس السالفة ما بيبقى شرطي ما بيوقفنا .......
شو الحل ؟؟؟؟؟؟؟؟؟؟؟​

 

[الهنوف]

ربي يعيييييينكم خيتووو ..


Greetings
​

 

[حكاية حرف]

شكراً ع المرور إختي الهنوووف:bye1:​

 

[عراقيه]

يسلموووووووووووووووو عيني

 

[طموح بلا حدود]

سكتي أم كشة انا عندي مقاولات ومب قادر اطلع فهالحرارة الله يعينا بس .


شكرا على موضوعج الحلو.

 

[حكاية حرف]

العفو طموح بلا حدود:angel:​

 

[وفيت بإحساسي]

الله يعينا ع الحر
حتى نحن حاولنا وقدمنا طلب بس رفضوه
مشكوره اختي ام كشه ع الموضوع الحلو​

 

[حكاية حرف]

وفيت بإحساسي العفو طال عمرج
بس أرييييييد حل !!!!!!!!:29:​

 

[دمار الكروزر 311]

ام كشه استهدي بالله يبالج واسطه ولا امورج ماراح تمشي


صدقيني مجرد يكون عندج واسطه ولا اكبر شنب يقدر يرمسج

في نااس يسوون مظله عند بيتهم ومحد يقولهم شي ليش << احم احم :2253446f49dd40fbf5e

 

[في الصميم]

السلام عليكم ورحمة الله وبركاته

مع الإحترام "الأعضاء الكرام" الموضوع ترك للنقاش والحوار وليس للشكر أو المزاح (صاحبة الموضوع أرادت حلا لمشكلتها) ف نرجوا التعاون معها ،،، شكرا لكم!!

أختي الكريمة : سأعلق على النقطة الثانية ومن ثم الأولى ، الجميع يتمنى أن تكون أمام بيته مظلة تحمي سيارته من حرارة الشمس ، لكن حرارة الصيف لا ترحم وكثير من الحالات التي حصلت لأناس تضررت أغراضهم الشخصية ، لذلك أرى أن الحل هو وضعها تحت الأشجار (كما يفعل البعض - إن توفرت الأشجار أمام بعض البيوت ) أو إدخالها ف البيت (طبعا الوضع ف الغالب لا يسمح عند الجميع) !!

النقطة الثانية وهي المظلات : هذا الموضوع "الفريق التطويري بالمنتدى" بصدد مناقشته مع إدارة بلدية البريمي لمعرفة الأسباب وما هي الحلول أو الخيارات المتاحة ، وسنجد الحل بإذن الله!!

أشكر لكم موضوعكم المهم

إحترامي لكم

في حفظ الله!!​

 

[موزة النعيمي]

غريبه ليش الرفض؟
مع انه ايرانا قبل كم يوم مركبين مظلات .
بس سؤال: هل المظلات يبالها بعد ترخيص ؟
اول مره اعرف بهالشي .!!!!

 

[GENERAL]

الله المستعان

 

[لمسة شموخي]

الله يساعدكم​

 

[«|شمُوخْ|»]

عيل انا شفت بيوت كبيره وعندهم برع مضلات

هل للواسطه دور فذلك

 

[إنسآنـﮧ]

أنا سمعت من وزير الاسكاااان لما سألوه عن رفض إقامة المضلات

رد عليهم المضلات اللي ع البيوت اللي داخل الحواير ماعليهن خلاف

والبيوت اللي ع الشوارع العامة ....تنشل

الله المستعاااااااان

....

بس أحين منعوهن خير شر

الله كريم

 

[i22bost]

مررحباااا

هي والله الشرطه ما خلوناا فحالنااا..

و على فكره هم يمنعون المظلات و المخفي و كل شي .. بس انا اعرف بيوت هم بروحهم ايخالفون..

و عشان المظلات .. حاولي اتسوين الحدايد داخل البيت و ايكون من برع ماشي حدايد .. لاني شفت كذا بيت امسوي هالحركه​

 

[ندى الصباح]

اختي إذا كانت مساحة البيت كبيره وأنتي سويتي مظله وشكلها يكون مرتب مب مشوه للمنظر العام

فما أعتقد أنهم يعارضوا لانه انتي مسويه المظله فمساحة بيتج لانه اللي اعرفه يوم يعطوج الارض يكونوا مخططين وين

تكون الباركنات واذا تعديتي المساحه اللي محدده لج فاكيد بيخالفوكم

نحن كذي كنا مسوين مظله للسيارات برع البيت فيونا موظفين من البلديه واعترضوا ع هالشي

وسارلهم اخوي البلديه لانهم طلبوا ملكية البيت فيوم شافوا شافوا انه المساحه اللي مسوين فيها المظله هي من

الاساس محدده للباركنات وما قالوا شي

ان شاء الله تتخلصوا من هالمعانه وتلاقوا حل باسرع وقت

 

[[ود]]

نأمل أن تنحل مشكلتكم إختي الفاضلة

 

[ديواني]

مشكووورة اختي على هالموضوع اللي دايما ما اسمع الناس تتكلم فيه.

انا بكلمج عن مسقط لانه في مواقف وااايد مرت عليي بمسقط عن موضوع لمضلات واتصور الاسباب بتكون نفسها بالبريمي..
اول سبب انها تشوه المنظر العام يعني تحصلي احد مركب واحد مامركب وحتى اللي مركب بعضهم يركبوا مضلات غير شكل تستغرب كيف هم بنفسهم متحملينها.
السبب الثاني وهذا الاهم بعضهم اليوم بيركب مضلة وبعد شوية بتحصليهم زرع حوالين لمضلة وشويه بتلقيه لف المكان بشبك وبعدها تحصليه حط طابوق وبعدها بناله غرفه والسالفه ماشيه.
عشان كذي كان لابد وضع حد لكل هذا.

الشي المؤسف انه هالقانون مامطبق على الكل.

واخر شي احب اشكر الاخت على الموضوع الجيد واتمنى اللي يشارك بالمواضيع مايدخل بس يعق كلمتين ويطلع الموضوع ما انطرح عشان بس الشكر والمصخرة انطرح عشان اناقشه فعشان كذي خلونا نرقى بمداخلاتنا.. ومشكورة مره ثانية صاحبة الموضوع.

 

[طواش]

1- شكرا الاخت ام كشه على طرحك للموضوع ...
2- شكرا الاخ في الصميم على مدخلتك الجميله ... وتنبيه الاعضاء...
3- الموضوع جميل للنقاش ... على حسب الاحصائيه التي قمت باعدادها بنفسي عن الشهر الماضي شهر (يونيو) درجه الحرارة من ساعه 9 - 2 الظهر
تراوحت ما بين ( 42 - 54)
هذا على حسب مقياس الموجود لدي
كنت يوميا اقيس الحرارة
موضوع المظلات نتمنى من الفريق التطويري ان يلقى حل مع الاخوان في بلديه البريمي

الاخت ام كشه... انا مع كلام اخي في الصميم ... لماذا لا يتم زراعه الاشجار التي توفر الظلال في خارج المنازل (ادري انها يبالها وقت طويل لحد ما تكبر)..
نقطه المخفي .. توجد نوعيه جيده من المخفي والمسمى بالحراري ولكن انت وفلوسك المبلغ يتراوح ما بين ( 300 ريال - 50 ريال) طبعا هذه النوعيه الجيده والتي اضمن نوعا من انعكاس اشعه الشمس.
طبعا هذه النوعيه توجد بالنسبه المسموح بها في السلطنه والتي لا تتعدى 30 %

ودمتم