![[ود]](/vb/data/avatars/m/7/7418.jpg?1416385870){kind=avatar}
[ود]
¬| رُوحٌ مُحلِّقَة بَين أسْرآبِ الأمَل ✿ ،
اليوم بسوي لكم عصيدة وإن شاء الله تنال إعجابكم
المقادير /
*كوب واحد طحين منخول .
*كوب واحد حليب بودرة .
*نص كوب سكر .
*ثلث كوب زيت.
*زعفران منقوع في نص كوب ماي ورد (أنا استخدمت كوب واحد صغير).
* ملعقة هيل مطحون.
* ماء بمقدار كوبين ونص تقريبا.
الطريقة /
1- نحط الطحين والحليب البودرة في جدر ونحمسه لين يتحمر شوي ،بس لا يحترق وإلا بتخرب العصيدة، مثل ما في الصورة :
2- في الخطوة الثانية نحط الماي في جدر ونضيف عليه السكر والزيت والهيل وماي الورد مع الزعفران ونخليه عالنار لين يغلي .
ملاحظة / بإمكانكم تزيدون كمية السكر أنا مقلله لأن في ناس ما تحب السكر وايد فهذا الشي راجع لكم
3- في أثناء ما يغلي الخليط السابق ،ننخل خليط الطحين و الحليب المحموس ، عشان نتخلص من الكتل وتطلع
العصيدة ناعمة وشكلها مرتب .
4- بعد ما يغلي الماي مع الإضافات نبتدي نضيفه على خليط الطحين والحليب اللي حمسناه ونخلناه ، بالتدريج مع
استمرار التقليب عشان ما يتكتل .ممكن حد يساعدكم في هالمرحلة .
ملاحظة/ كمية الماي تختلف حسب نوع الطحين فإذا شفتوها ما تحتاج كل كمية الماي لا تضيفونه كله، وإذا حسيتوها
يابسة ، ممكن تزيدون شويه بس ضروري يكون الماي حار .
5- نرجع العصيدة عالنار واللي لازم تكون هادية جدا ، نتركها لين تحر .
6- نغرفها في صحن التقديم ونمسح عليها بشويه سمن عربي ، وممكن تزينونها بالمكسرات على ذوقكم
7- وهاي هي العصيدة بعد ما جهزت :
هني وعافية على قلوبكم
وأتمنى تجربونها وأكيد بتعجبكم
التعديل الأخير:
:08295cc7a1617fc8932