عش الزوجيه..!!

[شناصيه عسوله]

هلا وغلا​

ا

ليوم يايبه لكم موضوع مختلف عن المواضيع اللي طرحتها

الموضوع يقول::

هل أنت مع أو ضد السكن ف بيت أهل الزوج؟؟؟؟

وشو الأسباب التي تؤدي إلى سكن الأغلبيه ف بيت خاص بالزوجين؟؟

من الواقع اللي نعيشه هالأيام,, أبغي ردودكم وتفاعلكم,,​

و

لكم مني جزيل الشكر....​

 

[غلا السعيدي]

ههههههههههههه شكلي اول وحدة ترد عليج انا افضل بروحهم يعيشون مهما كان الاشياء الخاصه وبناء الحياه والتفاهم بين الزوجين احسن من تدخل الكل معاهم هذي حياتهم بعيد عن المشاكل بالمختصر استقلال تام وطبعا زياره الاهل شي واجب :aha-!:
والسمووووححححححححححححححه

 

[شناصيه عسوله]

من حظي الحلو انج اول وحده تردين ع الموضوع ,,

لا هنتي ع الرد... يعطيج ربي العافيه...

 

[Queen Love]

عشان ماتصير مشاكل
والحرمة ماتاخذ راحتها الا فبيتها


شكرا ع الموضوع النقااشي

 

[شناصيه عسوله]

تسلمين خيتي ع مرورج الحلو
ربي يحفظج,,

 

[أبو سليمان]

هل أنت مع أو ضد السكن ف بيت أهل الزوج؟؟؟؟

أنا بصراحه ماأريد زوج.. أريد زوجه D:

اذا سألتي وين الأفضل.. بقوللك انه الزوجين يسكنو ف بيت وحدهم..

يقولو انه الحرمه تاخذ راحتها اكثر لما تكون ف بيت وحدها.. واذا ارتاحت الحرمه بيرتاح الزوج :icon_smile_eyebrows

بس الظروف ممكن ماتساعد عشان يكونو وحدهم.. (يمكن يوم يستوي زيادة معاشات )

 

[شناصيه عسوله]

تسلم ع الرد اخووي,, ربي يحفظك
وعسى يزيدوا الرواتب وتتحقق احلامكم..

أسعدني مرورك ع متصفحي المتواضع..

 

[miss 6air]

ضــــد

أفضل السكن روحهم أحسن عسب ياخذوا راحتهم

 

[شناصيه عسوله]

تسلمين خيتي ع المرور

يعطيج العافيه,,

 

[كحل العيون]

ابصراحه احسن السكن بروحهم
الحرمه بترتاح وبتسوي فبيتها الي تباه
وتبعد عن المشاكل

 

[شآمسية البريمي]

خخخخخخخ

كل اللي فوق ..نفس رايي .. :a44699d967a94d285b8

انا شراتهم بعد ..

افضّل ان الزوج اول مايتزوج يطلع هو وحرمته لبيت مستقل ..بعيداً عن اهله واهلها ..

من تجربه شخصيه ..!

تستوي المشاكل اذا كانت الحرمه موجوده فبيت اهل الزوج ..

اما اذا كانت فبيت بروحهأآ ..احس بيشتاقولهم اكثر ..وبتزيد غلاهم اكثر ..

بتيي الحرمه تسلم على اهل زوجهاآ دقايق وبتجاملهم وبترد بيتهأآ ..

عكس الحرمه اللي تكون موجوده 24 ساعه فبيت اهل زوجهاآ ..

تبدا الغبره وتبدأ معاها المشاكل وويع الراس ..


بالنسبه لسؤآلج ..

وشو الأسباب التي تؤدي إلى سكن الأغلبيه ف بيت خاص بالزوجين؟؟

مافهمت السؤال هع ..بس اعتقد تقصدين ليش الزوج يطلع حرمته لبيت بروحهاآ ؟؟

من رايي

اذا كان الريال قادر يفتح بيت ..وعنده الماديه اللي تسمح له ..المفروض يطلع من اول يوم عن بيت اهله ..

واذا كان حاب يبعد اهله وزوجته عن المشاكل المتوقعه ! ..

والحرمه المستفيده من هالموضوع فالاول والاخير ..

مابيقدر يخليها بروحها وبيروح يهيت عن ربعه ..لانه ضامن انها عند اهله !

لا ..

بيتم يفكر فيها انها فبيت بروحهأآ ..ومحد عندهأآ هع ..ومابيطلع من عندهاآ <~ تفكير سليم خخخ

ثانيا ..الريال بيتعلم وبيعرف اهله كيف كانو يدفعون عنه وايد اشياء ..اولها مصاريف البيت ..واكله وشربه مب ببلاش ..

عشان جي بيصير ريال يشقى ويتعب عشان يعيش حرمته وعياله فالمستقبل ..

​

 

[""فـوشـهـ""]

آمممممم


آنــا رأيي غيــر عنكــمـ ,, هع



فنظــري عــادي الحرمــهـ تسكــن ويا آهــل ريلهـــا فلبدايـــهـ,, خصـوصن آنـهـ الريــال بيكــون صـارف الـي جـدامـهـ والي وراهـ فلعـرس هههههه,,,
عـاد يـومـ يستــوي عندهــمـ عيــال ويشـوفـون المكــان استـوي ما يسدهــمـ ,,, ذيــج الساعــهـ يظهــرون ,,,:=D:

وتــراهـ بيـت آهـل ريلهــا ع الآغلـب بيكــون عندهـا قسـمـ خاص فيهـا وبتـآخذ راحتهــا ,,



وجـهـة نظــر هع ,,,^

 

[شآمسية البريمي]

آمممممم


آنــا رأيي غيــر عنكــمـ ,, هع



فنظــري عــادي الحرمــهـ تسكــن ويا آهــل ريلهـــا فلبدايـــهـ,, خصـوصن آنـهـ الريــال بيكــون صـارف الـي جـدامـهـ والي وراهـ فلعـرس هههههه,,,
عـاد يـومـ يستــوي عندهــمـ عيــال ويشـوفـون المكــان استـوي ما يسدهــمـ ,,, ذيــج الساعــهـ يظهــرون ,,,:=D:

وتــراهـ بيـت آهـل ريلهــا ع الآغلـب بيكــون عندهـا قسـمـ خاص فيهـا وبتـآخذ راحتهــا ,,



وجـهـة نظــر هع ,,,^

فوشه تعالي ابا اضاربج خخخخخخخخ

لو انتي العروس مثلا ..وريلج مثل ماتقولين صارف اللي وراه واللي جدامه حق العرس ..

ترضين انتي وريلج تعيشين على مصروف ابوه @@ ..

اذا ماعنده فلوس ..ليش يتزوج !! عشان اهله يردون يصرفون عليه ؟!!

احس فضييييييحه الريال يعيش عند اهله ..مب كافي صارفين عليه ومربينه ..

بعد ياكل ويشرب وينام عند اهله ومب بروحه ! وياه حرمته بعد ..:facepalm:

حرمته تحمل ..تييب عيال ..ماتييب عيال ..اهله مب مسؤولين ..

من تعرس ..شل حرمتك واطلع ..

عيل لو عاشو عند الاجانب ! ..يكملون 18 سنه يروغونهم من البيت ..

على الاقل هني محترمينهم خخخخخ

انا لو ولدي تزوج ..اول شرط للزواج ..انه يطلع حرمته بيت بروحهاآ ..

لا قسم ولا ملحق ولا غيره ..

مسويلها قسم تاخذ راحتهاآ وتتلبس وتتكشخ وتييب اهلها وربيعاتها ..واخرتهأآ تاخذ من ثلاجتنأآ !!

سلامأآت !!!!

خل ريلها يدفعلهاآ .. اهله مب مجبورين فيها ..

برب <~ معصبه هههههههههه

 

[""فـوشـهـ""]

هههههههههه


حبيبتـي شامسيــهـ هــدي شويـهـ ,, :=D:



آنــا قصـدي آنــهـ ما بيـرومـ يـآخـذ بيــت ,, مب آنــهـ ما عنـدهـ شـي ولا بيصـرف ع ,,,

وآنــا آصــلآ ما آرضــى ع عمــري آعيــش ع حسـآب آهلــــهـ ..!!


ولـو كــان هـو آخـر العنقــود ولــهـ وحيدهــمـ,, آخــذهـ وآبعــدهـ ع آمــهـ وآبــوهـ الي ربـوهـ وتعبــوا عليــهـ ...

ولـو كــانـوا آخــوانــهـ كلهـــمـ معرسـين وظاهــريـن بـروحهــمـ فبيــت ,, آخليــهـ هـو بعــد يظهــر ويـودر آهلـــهـ ..


(آنــا مـا آبـــاهـ يبعــد عـن آهلــــهـ) ...



وحتــى لو طلعنــا فبيــت عقـب وآمــهـ وآبــوهـ كـان ماحــد عندهــمـ بشلهـــمـ وياااانــــا هههههههه ,,,

 

[لمسة إحتراف]

وجهة نظر خاصه/
بيت الاهل...
المكان الآمن ، المكان المناسب ، مكان الدفئ بوجود والدين حنونين ، بغض النظر عن الاخوة ، وعند وجود الشخصيه لدى الزوج ، واختياره الزوجه المناسبه ، فان الامور ستكون في السليم ولا يوجد ما يعكر صفو العلاقات العائليه ،
وانتظر في هذا البيت حتى ياتي من بعدي من هو يتحمل المسؤوليه من اخوتي وافكر في بيت خاص لي ولزوجتي ، مع اختيار مكان قريب من العائله.
ولا انكر وجود بعض الاهالي ذو الطبع العدائي ، ولكن لا بد للزوجه ان تكون ذات طابع دبلوماسي مع اهل زوجها ، ويكون الزوج ايضا كذلك ، لان كبارنا تستطيع ان تملك حبهم بشخصيتك .
وانتظر مع زوجتي حتى يكون اخي من بعدي جد المسؤوليه .

البيت الخاص/
هناك العديد من السلبيات ، والقصد بداية الزواج ،
ومنها اذا كان الزوج موظف والزوجه لا ... شعورها بالملل ,,, ناهيك عن الامور الاخرى ’’’
اذا كان الزوج والزوجه موظفين ... من سيكون في البيت حتى بوجود خادمه ’’ حدث ولا حرج’’

نعم اذا كان بيت الاهل مكتظ بالساكنين ، مع وجود اخوة كبار جد السؤولية ، فلا مانع من الخروج بشرط توفر المبلغ المالي ، ويا حبذا يكون السكن قريب من سكن العائله سواء اهل الزوج او الزوجه.
تحياتي

 

[شناصيه عسوله]

ابصراحه احسن السكن بروحهم
الحرمه بترتاح وبتسوي فبيتها الي تباه
وتبعد عن المشاكل

تسلمين خيتي ع المرور,,
ربي يحفظج,,

 

[شناصيه عسوله]

شامسية البريمي*** فوشهـ

أسعدني مروركم بصراحه وتعليقاتكم رووووعه وكل شخص له وجهة نظر,,, ربي يعطيكم العافيه,,

لا هنتوا

 

[شناصيه عسوله]

لمسة احتراف

تسلمين ع ردج لموضوعي ,, كفيتي ووفيتي,,

يعطيج العافيه الغاليه ومرورج ع العين والراس,, لا هنتي

 

[دموعي حروفي]

من رايي احسن الزوجة تجلس ف بيت وحدها عن المشاكل الي ما تقل بالعكس تزيد

دايما احس هناك غيرة بين الطرفين من الزوجة واهل الزوج

والزوجين ف بيت واحد عن الاهل اكثر يحسوا براحة واستقلالية واستقرار نفسي ف كل شي

وشوي الزوجة تتعلم المسؤولية مو تعتمد على اهل الزوج...

 

[العمده]

:aza:

السام عليكم ورحمة الله وبركاته

اشكرك اخيتي على انتقائك لمواضيعك الجميلة والمثيرة للجدل
سلمت يداك على ما خطت ..

وبالتعليق على موضوع النقاش مع / ضد العيش مع الاهل
يمكن القول بأن سلبيات السكن مع الاهل هي اكثر من الايجابيات ..
ومن ايجابيات السكن مع الاهل ..
يكتسب الشاب الخبرة من والديه في الامور الحياتية .
تتعلم الزوجة من اهل زوجها روتين حياة زوجها (الطعام المفضل .... الخ)
...
وتكمن السلبيات في الأتكالية ... الاعتماد على الوالدين في كل شي ... حتى في الامور الخاصة بين الزوجين
وتلك هي المصيبة حيث ان معظم حالات الطلاق تكون اسبابها تدخل اهل الزوج / الزوجة في حياة ابنائهم /بناتهم
...
والسموحة ع الاطالة​