الرواتب المتدنية

[حكاية حرف]

بسم الله الرحمن الرحيم
السلام عليكم ورحمة الله وبركاته
عندي موضوع وأبي رايكم فيه !!!!!
أنا كنت عايشة معاناة من ملل يلسة البيت وكل ما أسمع بوظيفة أول الناس أقدم فيها ويوم أروح أتفاجأ .....
يقوللي شروط أريد موظفة نشيطة ... أريد موظفة تعرف وتعرف ... وما إلى آخره من الشروط ...
أوكي الشروط كلها متوفرة فيني وبكل بنت تقدم للوظيفة ...
ويقول الدوام فترتين .. تمااام ما عندنا مانع بنداوم فترتين ...
بس الرااااااتب كم ؟؟؟؟؟؟
هذي النقطة فيها إستغلال للبنت وحاجتها ورغبتها بالعمل ...
يقول الراتب 100 ريال تجريبي والفترة التجريبية مب أقل من ست شهوووور تخيلوا !!!!
هذا الأول ..
بالنسبة للثاني :
بتداومي فترة وحدة وأريدج تسوي إعلانات يعني مندوبة
والراتب ؟؟؟؟
50 ريال شهرياً
الثالث :
110 ريال ما نقدر نعطيج أكثر ....
هذا الكلام صار قبل وبعد الأوامر السامية برفع الحد الأدنى لرواتب القطاع الخاص 200 ريال شهرياً ...
بس منو ينفذ ويطبق الأوااااامر ؟؟؟؟؟؟
متى بنتقدم وبنتطووور ؟؟؟؟؟
لييين متى بنظل في الجهل والإستغلاااااال ؟؟؟؟؟

 

[نواف العبدلي]

بالفعل البعض يستغلوا حاجة الباحثين عن العمل ولا يلتزموا بتسجيلهم لدى القوى العامله
ويتم ابتزازهم بأوقات العمل الطويلة والرواتب القليلة والمعاملة السيئة

اسأل الله العظيم ان يوفقكم وان يسهل اموركم وان يفرج كربكم ويدفع عنكم البلاء

 

[شيخه البدو]

االله يعين كل شخص يريد يشتغل..

ولازم كل شخص يفسر القانون على كيفه ..معنه الكلام وااضح وضوح الشمس..


الله ييسر ويوفق جميع الباحثين عن العمل..

 

[حكاية حرف]

أشكر مروركم

أشكر مروركم ع الموضوع وإبداء رأيكم فيه
بس فيه نقطة نسيت أذكرها واللي هي :
كلام صاحب العمل وإنتقاده المستمر لموظفته السابقة بدال لا يقول جزاها الله ألف خير لإنها ساعدتنا في العمل ...
وبدون لا يعرف بإن هالشي يكره الموظفة بالوظيفة وبصاحبها وبأي لحظة بتترك الوظيفة لإنه دامه تكلم عن اللي قبلها بكل تأكيد بينتقدها هي بعد عند الأشخاص الآخرين ....
أتمنى من أصحاب العمل إحترام موظفيهم وتقدير جهودهم المبذوله لإنجاز العمل ...

أشكر اللي راسلوني ع الخاص وأتمنى لهم التوفيق ...

ملاحظة:
بعد عناء دام سنة وشهرين حصلت وظيفة وتوظفت...
بسوي عزيمة وبعزمكم أترياااااكم :1422af4c52b5c5ae9e7​

 

[نواف العبدلي]

الف الف مبروك
والله يوفقج فمستقبلج العملي
ونتظر العزيمة بفارغ الصبر :approved:

 

[حكاية حرف]

أشكرك أخ نواف

أشكرك أخ نواف العبدلي
والله يبارك فييييك أن شالله
وفااالك طيب طااال عمرك:MercI:​

 

[الطرف الذبوحي]

مبروووك غلايه الف مبروووك وان شاء الله تكونين مرتاااحه ف وظيفتج اليديده ويفتحلج بااااب خير ورزق منهاااا


انا اباااج تعزميني بسررررعه ... بنحتفل وياااج:hehe2: ​

 

[رهييب]

أختي طارحه الموضوع دعينا نتحاور في أصل المشكله .

نعم قامت الحكومه بإصدار تعليمات ساميه لأصحاب العمل بزيادة الراتب الى 200 ريال ...... ولكن ماذا قدمت الحكومه لأصحاب العمل ؟؟؟

ما هي التسهيلات التي قدمتها الحكومه لأصحاب العمل ؟؟ لا شي بل بالعكس ما تاخذ ورقه الا بفلوس.

ثانيا الحكومه تدفع الشركات الكبرى 15 ريال مقابل بطاقة العامل الاجنبي فيما يدفع المواطن صاحب العمل 200 ريال . لماذا؟؟

الشركات الكبرى تشتغل بالملايين ومناقصات من الدوله لكن صاحب العمل المتوسط لا يستطيع ان يدش اي مناقصه.

من وجهة نظري كان الأحرى بالحكومه ان تساهم في رواتب الموظفين فالقطاع الخاص مثلما عملت مع شركات البترول لا ان تزيد الغني غنى والفقير فقرا.

أمل ان نكون محايدين واصحاب نظرة واقعيه.​

 

[سيدة أعمال]

القانون واضح أي تجاوزات

يجب إبلاغ الجهات المختصة وتطبيق القانون

عنبوه حتى المراسيم السلطانية قاموا يتجاهلونها يا مقوى عينهم

 

[لمسة إحتراف]

القناعة كنز لا يفنى :laugh:

 

[مميز]

يعطيج ألف عافيه أم كشه وأشكرج على الطرح المميز مثلج ....بالفعل فيه ناس تستغل هاي الفرصه على حساب تعب وجهد غيرها وهم يدرون إنه الناس محتاجه فبدل لا يساعدونهم ويوقفوا وياهم يستغلونهم أكثر ....أنا أطالب من الجهات المعنيه التدخل فوراً ليش عيل منزل مرسوم ع الفاضي ؟؟؟؟إذا ما يطبق للأحسن إنه ينلغي شو الفايده ولا يعاقب صاحب العمل أنا من وجهت نظري أشوف إنه وزارة القوى العامله لازم تتدخل مب بس يلاقون وظايف وينزلون إعلان عنها المفروض يجبرون صاحب العمل على تطبيق القانون أولاً الناس مب لعبه بإيدهم .....وأشكرج أم كشه لأنج لفتي إنتباهي ف موضوع أهم هو إنه صاحب العمل ما كفاه إستغلال الموظفين وتعبهم أول ما يستقيل الموظف بدل لا يشكره على فترة عمله يقوم يتكلم عليه وما كأنه هذاك الموظف قدمله خدمه نسى كل شي وعقه وراء ظهره صدج من لم يشكر الناس لم يشكر الله ...سوري ع لإطاله بس عيبني الموضوع وحبيت أشارك بوجهت نظري وتسلمين مره ثانيه .....

 

[الغزال العنيد]

يسلموووووووووووووووووو الله يعطيكم العافيه ووووووووووووووووووو
:19::icon_smile_eyebrows:icon_smile_eyebrows

 

[طموح بلا حدود]

حلو الموضوع وحبيت أشارك فيه ، يا جماعة الخير ويا كل من يقرأ ملاحظتي أرجو التعاون من الجميع في موضوع توظيف اخوانا واخواتنا الباحثين عن عمل وان نحترم ظروفهم الخاصة وان نعطيهم حقوقهم

أبناء هذا الوطن مبدعون وليسوا اقل عن غيرهم في كفاءاتهم وخبراتهم وان كانوا قليلي الخبرة كونهم خريجين جدد ، وليس كل من ولد من بطن أمه ولدت معه الخبرة .

لذا نطلب من الجميع الحرص كل الحرص في توظيف شبابنا واعطائهم حقوقهم كاملة لبناء هذا الوطن الغالي بسواعد ابنائه ، دمتم في ود .

 

[فـيـ الـكـعـبـي ـصـل]

خلاص الحين مادامج حصلتي وظيفه . نقولج ألف مبروووك

وربي يوفقج ..

 

[مستشار]

كلام مضبوط % وبصراحه وايد تقصي وواضح ... ومميز انت غطيت كل اللي انا بغيت اقوله..

ثانكس ام كشه ..

 

[oetc65]

موضوع حلو
بس انا ضد رفع الرواتب
هل معقولة شخص محصل شهادة الثانوية يستلم نفس راتب اللي عنده الجامعية
مثلا الجندي او الشرطي حاليا يستلم في حدود 470 ريال و معلم مسكين يستلم 570 ريال
اي الفرق بس 100 ريال مقابل دراسة 4 او 5 سنوات والله ظلم
لابد رفع الروانب بالنسبة و التناسب او لابد يوجد فرق كبير بين اللي عنده الثانوية و اقل و اللي عنده الجامعية و الهدف من ذلك هودافع لتكملة الدراسة الجامعية
انا مع تدني الرواتب لحملة الثانوية او الاقل

 

[السولعية]

الله يعين بس ابصراحه اعرف اكثر من شخص فقطاع الخاص

ويستلمون 200 ريال عادي ..​

 

[لمسة إحتراف]

​

إذا كنت تشتكي من وظيفتك ومن قلة الراتب

فنظر إلى هؤلاء ​

​

قال رسول الله – صلى الله عليه و آله وسلم​

" ارضى بما قسم الله لك تكن أغنى الناس "​

​

أخواني وأخواتي أنا منزل الصور لتكن عبره الى اهل الاعتصامات ويتوقفون عن الأعتصامات والمظاهرات أتمنى أنهم إفكروا إيش الفرق بينهم وبين هؤلاء الاطفال سأوضح لهم إيش الفرق .

1- أنت تشتغل 8 ساعات في اليوم وهم يشتغلون 24 ساعة بس صابرين
2- أنت تستلم راتب شهري وهم يستلمون حسب المكدة وإذا توقف المسكين ما يحصل شي
3- أنت تشتغل في مكتب وهم يشتغلون تحت ضوء الشمس او مكان لا يوجد في تهوية
4- أنت تستلم راتب محدد ويمكن يزيد وهم يستلمون او لا يحصلون على شي غير هذا إنك بتستلم راتب شهري إلى أن تجد عملا والعمل الأن تحصله بكل سهوله .
5- أنت تنتقل إلى مقر عملك بوسيلة ومكيف شغال وهم المساكين مشيا على الاقدام او على الدراجات الهوائية تحت أشعة الشمس الحارقة
6- أنت عايش بين عدد النسمة أقل وهم المساكين بين مليار نسمة
7- أنت عندك بيت ولو قديم وهم على الشوارع نائمون .
8- أنت في دولة فيها أمان وسلام وهم يا حسرة العكس .
9- أنت لديك حاكم ذكي وحكيم ومحب لشعبه غير عن بعض الحكام الأخرين لدرجة أنه نفذ مطالبكم بأسرع وقت ممكن .
أخواني ركزوا على الصور وتذكروا الفرق بينكم وبينهم وتوقفوا عن الإعتصامات والمظاهرات ولو كانت سلمية فأنتم في عز ورخاء ونعمة وشكر ربك بأنك عمانــــــــــــــــــــــــــــــــــــي , الحمد لله رب العالمين .​

إن كنت تعاني فهناك من يعاني أكثر منك بكثييييير​

احمد الله على كل حال​

​

​

 

[صمت الجروح]

لمسة أحتراف


صدقتي يا وخيتي
وكلامج عين العقل =)

 

[حكاية حرف]

شكراً

أشكر جميع اللي ردوا على الموضوع وأحترم جميع آرائكم ووجهات نظركم ...
الشي الأساسي اللي أقصده هو كلام صاحب العمل عن موظفاته بالسوء وهذا شي محد يرضاه وحتى لو كان يدفع راتب مليوون ...
وأشكر لمسة إحتراف ع الصور والرد الصريح بس الإختلاف اللي نسيتي تذكريه هو الأوضاع الإقتصادية للبلد والسلطنة الحمد والشكر بإنها بلد نفطية وغنية ومردودها يكفي يعيش أهل البلد حياة رغيدة والمفروض الحكومة ما تبخل على شعبها وإنتي أدرى باللي صاير ف السلطنة ...
وأنا طبعاً ضد الإعتصامات والمظاهرات بس كلمة الحق تنقال ...
وأنا راتبي والحمدلله راضية فيه وأحمد ربي مليون مرة بإنه وفقني وحصلت وظيفة بس تعرفين بإنه كل شي غالي يعني راتبي يكفي عباتين ونعال :eh_s(6):​