الهاجس
¬°•| حكاية تميز |•°¬
- إنضم
- 7 نوفمبر 2010
- المشاركات
- 11,079
السلام عليكم ورحمة الله وبركاته
هاي الصورة من رحلتي الى شنغماي اللي هي في تايلند
وبصراحة احلى مكان إستمتعت فيه هالمنطقة
روووووووووووووعة بصراحة
واهلها طيبين وبشوشي الطله عالعموم أغلب اهل البلاد جيه
والحين أخليكم مع الصور
ولا تنسوني من تقييمكم الفنتك
هاي صورتها من شرفة الفندق
تبين مقابرهم وشعارات الصليب
مثل ما تشوفوا
وهاي بعد سيم سيم من الشرفة
هنيه عاد وصلنا لمكان إستعراض الفيله
واللي يبي يركب الفيل ويتمشى
وهذا بو الشباب عن قرب
وهنيه نحن فوق الفيل ماخذين لفة عالسريع
هههههه
وهذا هولاكو الفيله
ما راح أنساه خلانا بروحنا مع الفيل وراح يقضي حاجة بو الشباب
والفيل يتمشى وكنا على حافة الطريق يعني لو شاح شوي تدربحنا وإنفجرنا مع الفيل
الله ستر
وبعده يقول نو بربرم .. أوين( نو بربرم )
الله يهدي هولاكو نزلنا النهر وقامن الفيله كل واحد يرش عمره بالماي والإنجليز اللي قدامنا تسبحو
الله ستر ولحق عليه قبل لا يأخذله شفطة ويرش بو الشباب ولا بنخرس
هنيه عاد عروضات الفيلة
شي حلو بصراحة
هاي بعض رسومات الفيلة معروضة للبيع
هنيه خذينا لفة عالسريع على حديقة الافاعي والألعاب البهلوانيه
هنيه يالس يطلع سم أفعى الكوبرا يقولي شرب تراه دواء ويعطيك مناعة
قلت لا بوي إشرب إن الأول وبشوف هالمناعة كيف بتييك
وهذا بو الشباب يالس يستعرض
ويسوق سيكل بعد هههههههه
هاي من شرفة الفندق ما أعرف شو هالشي
سرنا مسافة ساعة بالسيارة عشان نطلع مكان حلو فوق الجبال
ولفينا صوب حارة طويلي الرقاب
كنت أشوفهم بس فالTV
هاي الفنعوصة توها رقبتها بادية تطول
هنيه خذينا جولة فالمنطقة
هاي السيارة اللي سرنا بها ذيك المنطقة طبعا نحن كنا نستخدم ال تك تك
داخل القرية لكن لأن المكان بعيد يابلنا بو الشباب هالسيارة
ما بقول شو هذا
طبعا الجماعة عارفين إنا بنلف صوبهم فطاحن الذبايح
يم يم يم عالضفادع المشويه
هنيه صوب الشلالات
اللي عاليمين هو صاحبنا من أول الصبح يتريانا بال تك تك عدال الفندق لين يردنا عالمغرب إسمه ( بونج )
والثاني ربيعة صاحب السيارة
وسلامة راسكم
أتمنى المكان عيبكم
طبعا الصور كثير لكن ما من زود الخبرة فالتصوير
Samsung digital cameras
7.2 miga