،
ممم اسمحيلي بدخل في الجد شوي وياج
ردودج فيها تناقض شوية دبوه .
اولا :
يختي ما شيء تناقض // و انا ما رمست عن عامة الحريم
ارمس عن نفسي ,, لو تعرفين شو احتريت حرة ,,
حسيت عمري احترق // انطبخ ~< مجرد افتراضات
لو صدج شو بسوي بنتحر !!
و بعدين انتي الحين تفكرين بعقل ، باكل الغيرة يوم تاكلج
بتلقي العقل فصوب ,, اللي ما يجرب ترا عادي برمس ,,
انا بسوي و بسوي ,, و بعدل و مناك ما شيء منه !
و انا حطيت افتراضات اللي احس فيها مب كلام من عندي
لانه لو خذ عليه وحدة ثانية لا قدر الله عشان عيب فيني
بموت ،، بيزورني الموت البطيء من هالقرار !!
يعني كيف ؟
اكثر الناس اللي يصابوا بالضغط من هم ؟
اللي يتضايق و يكتم وايد ,, فهذا ممكن ييب لنا مرض الضغط
و مرض الضغط ممكن ييب لنا جلطات لا قدر الله !
حق شو اذبح عمري بايدي اذا انا عارفة اني ما اقدر ,,
بصبر على كل شيء الا هذه .. :imuae41:
عيل ليش تقولين انج ماراح تقدرين تصبرين اذا زوجج تزوج وحده ثانيه ..
اذا انتي تحبين ربج راح تعرفين ان ربج شرع الزواج للرجل عشان حالات خاصه .. ومن ضمنهم ان المرأه تكون عقيم .. تخيلي لو ربج ماشرع التعدد يعني الزوج راح يظر انه يطلق الاولى عشان ياخذ الثانيه يمكن انتي ترضين بالطلاق وغيرج مايرضى لان الطلاق اروحه مرض .. ورب العالمين وعد المراه اللي تصبر على زوجها بالثواب العظيم .. اللي راح يخليها اميرة حور العين في الجنة .
و نعم بالله و لكن !
فيه فرق يوم انتي ويا ريلج بروحج ، و فيه فرق يوم وحدة مقاسمتنج !!
الثلاثة ارباع تو ربع . .
و اذا الطلاق بيريحني ، ليش ما اطلق ، لازم احرق دم قلبي و اطالع الاخت الهانم
تغايضني بعيالها ،، و اذا سرنا بيت حد يهمزوا و لمزوا !!
هذه فلانة ما تييب عيال و تامه على ذمته ، جنه مشفق عليه !!!
كله ولا نظرات الشفقة بعد ,, هذه بروحها حكاية ,,
علوه يووه ههه .. شو هالتفكير السلبي تعرفين شو يعني تنعقين في دار المسنين ؟
ما انصج تتخيلين عمرج وانتي هناك لانج راح تكون حالتج اصعب من انج تكونين شريكة بزوجج ..
لاتتهورين
وثانيا: التبني حرام يا أخيتي
..
والطفل من يوصل سن معين خلاص ماتقدرين تربينه ويرجع لدار الايتام او دار الرعاية
..< هذا في الشرع والدين ..
انعق فدار مسنين و لا اشوف وحدة 2 عند ريلي مستحييييييييييييييييييييل !!
عاد انا ما اقصد التبني بمعني بيكون ولدي و حقي ين اخر حياتي ,,
لا يعني اربيه شرات ولدي .. و له بياناته الخاصة ^^"
و فيه عادي اذا الولد او البنت قرروا يعيشون وياج ,, مب مشكلة يعني ضمن قواعد و شروط
يعني الطفل بروحه يقرر !!
تقولين رحمة ربج واسعه اقولج عيل ليش تبين الطلاق؟ هب احسن اتمين معاه ويمكن ربكم يرزقكم بعد عمرن طويل؟
حتى لو بغى يتزوج الثانيه انتي ماتقدرين تمنعينه من هالشي ومالج حق
الريال صير معاج 10 سنين يعني عمر هب يوم يومين وفوق هذا تبين يصبر أكثر؟
ماتشوفين انها أنانية ؟
وطيب يصبر ولو ربج مارزقكم بعد 20 سنه بعد بتقولين له اصبر؟ شو بقى من عمره؟
مايبا يشوف عياله ويربيهم ؟
وماراح تتهمشين اذا كنتي واقفه وقفة حرمة قوية في بيتج فارضة مكانج وهيبتج قبل لا اتي الثانيه
وعاطية حبج وحنانج لزوجج حتى يوم يتزوج بيحس انه " يخونج" مع انه قاعد يسوي شي حلال
خخخخخ رياييل الحين مب شرات رااييل قبل الا من رحم ربي . .
حبي و حناني ع قولتج ما بتنفق اذا ما لينت قلبة بولد . .
اذا الريال يوم حرمته كله تييب بنات ما عيبه ،، و راح يتززوج وحدة ثانية عشان ييب ولد !!
مع انه سبب انجاب الذكر من الريال نفسه مب من الانثى ,,
كيف وحدة ما تقدر تنجب !!
و شيء بديهي راح يكون فيه تفرقة عنصرية ,,
ما بلومه لانه بشر // و لا بحرمه لانه حقة ,,
ياخي بس اعيش وياه ,, مستحيل
تفرضون عليه عيشة جهنم مثلا ؟
قلتيها ليش نفكر بالدنيا ؟
الحرمة اذا صبرت وعطت زوجها المجال انه يتزوج الثانيه وهيه اللي تختارها له تعرفين شو من الأجر العظيم اللي تحصله ؟
حتى لو شو ماصار حتى لو ماعدل حتى لو ولو ولو تعرفين شو أجرها ؟
انها تكون في جنآت النعيم أميرة حور العين
اذا نحن فكرنا بالدنيا راح نقول مثل ماتقولين ان ماباه يتزوج حد غيري واتم ع ذمته .. ( وهذي انانيه )
واطلق احسن لي . وهالشي يمكن يكون من حقج كونج ماتتحملين انج تشوفين وحده ثانيه ع راسج
وانا يمكن اكون في نفس موقفج ..
والله لا يقول ان شاء الله
ومع هذا في مثل هالامور العقل هو اللي ينفع هب العواطف ..
حلوة هذه تختار له خخخخخخخ
يا بوج اذا الربيعة الطيبة ~< يمكن تخونج . .
كيف اذا حرمة غريبة // لا بعد يايبتها فوق راسي !
بختار له ،، بس بسير ما بتم وياه ,, :a3b0b00b4e:
واذا ييتي على انه المرأه دوم تكون غلطانه فهذي عادات وتقاليد في مجتمعنا تهضم حقها
ولكن الدين حط للمرأة الف اعتبار وحساب وخلاها معززه مكرمه سواءا كانت في بيت اهلها او بيت ريلها
واذا طلبت الطلاق وتزوجت غيرها الدين مايقول لا بالعكس الدين يعطي المرأه كامل الحرية انها تختار شريك حياتها .. سواءا الأول او الثاني ..
وارد واقول انا ما اعرف شو بيكون موقفي .. ولكن اني ارضى بهالشي افضل من اني اتم طول عمري مقهوره او أعيش" ارمله ع قولتج " هالشي تراه وايد صعب صدقيني وخاصه انج تعودتي تعيشين مع شخص فتره طويله من الزمن ..
ايوا عليج نور // دوم طايحين فالحريم ~< مساكين و قسم ,,
طبعا مب الكل ، شيء منهن سحر !!
الله و اكبر عليهم ، بس الاغلبية منهم مظلومات و السبب عادات و تقاليد و معتقدات خاطئة !
وع طاري القصه اللي ذكرتيها ..
في هذه الحاله يفضل اني انا اختار الزوجه حق ريلي مب اخليه ع هواه يتزوج وحده وتطلع شرية
اذا كانت فيني بذرة اخير ان اتعاون وياها .. اما اذا كانت شرية اكيد راح تحصل مثل هالمواقف عسب جيه اذا الحرمة رضت انه زوجها يتزوج عليها يفضل انها هيه اللي تختار له لانها هيهر اح تعيش معاها
وباجر بييون عيال ريلها وهيه اللي راح تربيهم ولاتستبعدين انهم ينادونج" ماماه " أفضل من انج تسيرين وتيبين ياهل تربينه ما تعرفين شو هو ..!
حالات نادرة صدقيني // و انا مب منهم هع
تعقيب على كل ردودج : ردودج تميل للجانب العاطفي كثيرا
..
انا عبرت عن رايي الشخصي ، لو كنت مكان الريال بقول عادي اعرس
ابا عيال ، و احتمال اعرس بالسر بعد عسب ما ازعل حرمتي !!
و لكن كوني انثى ،، و لا اقدر اتحمل ريلي مع وحدة 2 ,, فافضل الانفصال !!
( اقول بس مابا اتناقش وايد هه بديت أخاف على عمري )
خخخخخخخ شكلي شراتج ، ما بنام اليوم // احس اني احترق من خاطري
الله يسامحج شامسية البريمي !!
:biglaugh:
