ياللي تقول ان الحلا في حليمه .."

[@ ســطل مشاعــر @]

السلام عليكم ورحمة الله وبركاته
مسآآآآآآآآآآآآكم الله بالخير...
وشحالكم عسآآآآآآآآآآآآكم بخير وسهآآآآآآآله..
ذي آآآآلقصيده من كلمآآآآآآآآآآت الشاعر محمد بن فطيس
وان شاء الله أنها تعيبكم "

ياللي تقول ان الحلا في حليمه ..

يالله عسى ربي من الشوف يعميك .

عمرك سمعت ان الحلا في بهيمه؟..

بهيمة في شكلها الشوف مغويك ..

وين الحلا فيها ووين الحشيمه.

الله بلاها بالخساسه .. وباليك

قولت حلا فيهاتراها .. ظليمه ..

والزين له ناسه عسى الله يهديك..

الزين في بنت الرجال الكريمه..

اللي على حق الشرف ماتخليك ..

اللي تسمى بالشهامه .. شهيمه..

من دون مكياج بها الزين يكفيك

بناتنا ياجعلهن للغنيمه ..

احلى بنات الكون والحق يرضيك..

نحمل لهن بقلوبنا كل قيمة..

حنا ذراهن يوم خاب الرجاء فيك.

في عزهن يالله طلبتك تديمه..

واستر شرفهن دام كل شيء بيديك.

وانا نويت اللي رضخ للهزيمه.

اسمع كلامي زين من قبل لاانهيك

ماظنتي عقلك وعينك سليمه

تحتاج منهو في كلامك يربيك..

سقيم لاقالو مدح له سقيمه

حتى كلامك صار مثلك يوطيك

لحظه نبي نرجع عصور قديمه

بقول لك شي يهزك.. يبكيك

شيء يهز أهل العقول الفهيمه

ماكل شيء بالمسمى يسميك.

تدري من اللي تستحق الحليمه

ام الرسول اطهر حليمه وتكفيك.

العين تبكي من كلامك وضيمه

لكن عسى ربي بفعلك يجازيك.

 

[عسولة كيوت]

ههههههه صح لسان الشاعر وسلمت ايد(ن) خطت عليه ربي يوفجك خيتووو
ويسلمو ع الطرح وتستاهلين التقييم

 

[@ ســطل مشاعــر @]

" الله يسلمج ختيه من كل عوووووووق"
"ويعطيج الف عاااااااااااااافيه ومشكووووووووه عالتقيييييم"

 

[الشامسي11]

تسلمين ع النقل لا هنتي
سمعت ان حليمة رفعت قضية عليه

 

[سميتك غلاآي]

هههههههههههههههههههههه


وربي ضحكت من الخاااطر عليها........قال حليمه قال.......هع




يسلمووووووو عالنقل يالغلا.........^_-