اسمه طالب ( الله يرحمه) .. اصغر مني بسنه .. توفى وعمرة 6 سنوات بعد مصارعنه لمرض انسداد احد الشرايين الرئيسيه للقلب)... هذا الانسان كان اقرب الناس لي في كل شي في حياتي ما اقدر اسوي شي ولا اسير مكان الا يكون عندي ... طبعا كنا صغار ... كان دايما يتعب .. ويراحع مستشفى المفرق في بني ياس .. مهم قرروا يسفروا الخارج وبالتحديد الى المانيا:: لاجراء عمليه... انا كنت في ذيك الايام في الصف لاول :cry:... مهم اسمحولي مابقدر احكيلكم التفاصيل ااكثر :cry: ... طبعا رافقه ابوي للسفر ... كان يبا امي تسير عنده ولكن ابوي قال مايصير ...
استمر علاجه اكثر من 5 شهور ... مر علينا عيديين وهم اهناك ... كنا ننتظر عودتهم بفارغ الصبر ... كل يوم كانوا يتصلو فينا ويبا رمسنا واحد واحد... الله يرحمه كان يقولي عندنا واايد ثلج:cry: .... مهم سوله عمليتين الاولى نجحت والثانيه كانت نسبه نجاحها 50 % مهم .. كان الوالد يحكيلنا ويقول استمرت العمليه الاخيرة اكثر من 12 ساعه انا كنت يالس اقرا قران على باب غرفه العمليات انتظرهم يخلصوا مهم بعد ما طلعوا الاطباء قالولي اذا مرن 24 ساعه ترى بيعيش .. مهم الوالد يلس طول ذاك اليوم ينتظر ع باب العنايه في اليوم الثانيه قالوله وضعه مستقر لما بدأ ينتبه تدريجيا بعد يوم ونص تعب عليهم حالوا يسوي اي شي ولكن ..... ( الله يرحمك يا طالب:cry: )..
يخبرني ابوي ... يقول الحمد لله كانو عندي عائلتيين امارتييات هم اللي صاروا عندي لحد ما رجعت ... طبعا تأخروا في الرجوع بسب الاجراءات ... ولكن الفضل لسفارة الامارات في المانيا اللي خلصت الاجراءات وعدت النعش مباشرة لمطار دبي
ومن مطار دبي لحد المقبرة الموجود خلف مكتب الوالي تم نقله مباشرة .... طبعا هذيك الايام احنا صغار واهلنا ما خلونا نسير نشوفه ... دفنوه ولا شفته:cry:
أنا الخبر ياني .. ابوي ما اتصل فينا اتصل في خالي وقاله الولد توفى خبرهم كلهم الا امه لا تخبرها خالي ما قصر خبر كل حد الا بيتنا ما كنا نعرف ... ظهر يا خالي يصيح .. انا كنت في مدرسه لما رجعت ما حصلت حد في بيت والباب مسكر... شوي وياتني جارتنا وقالتي تعالي عندي محد في بيت
مهم شوي ويا خالي وقالي اخوك توفى ما استوعبت شو قال ... قتله لا هو قايلي الاسبوع الياي بيجي ... مهم شلني بيتهم حصلت زحمه وااايد وكل اهلنا اهناك
قالي تعال امك تباك... حصلتهم كلهم يصيحواااا
اسمحولي ما اقدر اكمل:cry::cry::61::333:
الله يرحمك ويغفر لك يا طالب ... اول ما رجع ابوي قللنا كلمه ... طالب طير من طيور الجنه:61::333:
